сепса

Д-р Чибишев: Во 21. век да ти се случи инфекција со бактерија која ја има само во книги и да ти почине млада жена е трагично

Д-р Андон Чибишев од скопска Токсикологија се огласи за трагедијата во Прилеп каде жена починала од сепса во Општата болница по извршена операција при која во организмот и навлегла опасната бактерија.„Во 21 век, во регионална болница на еден од поголемите урбани центри во Македонија да ти се случи интрахоспитална инфекција со бактерија која сме ја среќавале само во нашите книги и тоа напишана со мали букви и при тоа заради ваквиот недозволен пропуст да ти почине млада жена ( 51 година) е повеќе од жално, трагично, нестручно, непрофесионално.Под итно да се испита случајот и да се казнат одговорните.Сочувство до семејството на починатата.Господ нека ја прости!“, вели д-р Чибишев.

Коментари | пред 2 години

Жена починала од сепса во прилепската болница

Во прилепската болница затворени се седумте операциони сали на сите одделенија поради интерхоспитална инфекција, предизвикана од бактеријата „serratia“, поради која починала пациентка од сепса, објави ТВ Алфа повикувајќи се на болнички извори.Починатата е една од четирите пациенти кои претходниве денови биле оперирани, две на Гинекологија, и по еден на Ортопедија и Хирургија, но поради постооперативни инфекции, односно сепса, биле испратени на Инфективната клиника во Скопје.Пациентката пред четири дена починала во Скопје. Станува збор за 52-годишна жена врз која била извршена полесна, рутинска хирурушка интервенција на Гинеколошкото одделение. Зафатот поминал без проблеми, немало крварење, но наместо да се опоравува, пациентката набрзо паднала во кома, по што ургентно била префрлена во Скопје каде што и починала– Стручна комисија допрва треба да утврди за каков вид бактерија станува збор. Ќе треба да се почекаат и резултати од обдукцијата на починатата жена. Дотогаш, не би шпекулирале ништо. Неитните операции ќе се одложат, а додека итните ќе се прават во болниците во соседните градови – кратко одговориле од Болницата.

Македонија | пред 2 години