Руски брод со сомнителен нуклеарен товар потона во Средоземното Море
Руски товарен брод за кој постојат сомнежи дека превезувал компоненти за два нуклеарни реактори, можеби наменети за Северна Кореја, потонал во Средоземното Море по серија мистериозни експлозии.Инцидентот се случил во декември 2024 година во близина на шпанскиот брег, а нови детали од истрагата отвораат сомнежи за таен транспорт на чувствителен воен товар.Бродот „Ursa Major“, познат и како „Sparta 3“, потонал на 23 декември на околу 60 милји од брегот на Шпанија.Според истрагата на CNN, бродот испловил од Русија кратко по испраќањето севернокорејски војници како поддршка за Москва во војната во Украина.Шпанските власти подоцна соопштиле дека рускиот капетан им рекол на истражителите оти бродот превезувал „делови за два нуклеарни реактори, слични на оние што се користат во подморници“.Како крајна дестинација официјално бил наведен Владивосток, но капетанот подоцна изјавил дека можно е бродот да бил насочен кон севернокорејското пристаниште Расон.Бродот бил следен од португалската морнарица, а во еден период бил придружуван и од два руски воени брода.На 23 декември бил испратен повик за помош по три експлозии во близина на машинскиот дел на бродот. Во експлозиите загинале двајца членови на екипажот, а останатите биле спасени.Шпанските спасувачи подоцна регистрирале нови експлозии, а националната сеизмолошка мрежа забележала сигнали што наликуваат на подводни детонации.Дополнително внимание предизвикале и летовите на американскиот авион WC135-R, специјализиран за откривање радиоактивна контаминација, кој двапати го надлетал местото на потонувањето.
Свет | пред 1 седмица
