СИНГАПУР

Француски студент пред суд во Сингапур, му се заканува затвор: Лижел сламка, па ја вратил во автомат

Осумнаесетгодишниот Французин Дидие Гаспар Овен Максимилијен се најде пред сингапурското правосудство откако, според наводите во обвинението, лижел сламка од автомат за сок од портокал, а потоа ја вратил назад во уредот.Властите го товарат за предизвикување неред и нарушување на јавниот ред, поради што му се заканува и затворска казна.Според локалните извештаи, Максимилијен објавил видео на Инстаграм во кое се гледа како го изведува тој чин, со натпис „градот не е безбеден“, пренесува BBC.Компанијата што е сопственик на автоматот за сок од портокал соопштила дека по инцидентот ги заменила сите 500 сламки во апаратот.Ако биде прогласен за виновен по двете точки од обвинението, Максимилијен се соочува со максимална казна затвор до две години и парична казна во износ од неколку илјади евра.Инцидентот се случил на 12 март во трговски центар во Сингапур.Максимилијен моментално студира во сингапурскиот огранок на бизнис школата „Esek“.

Свет | пред 1 месец

Меморандум со Сингапур: Македонија го поврзува воздухопловството со светски авијациски центар

Во рамките на престижниот глобален авијациски самит „Changi Aviation Summit 2026“, директорот на Агенцијата за цивилно воздухопловство, Драги Стојаноски и генералниот директор на Управата за цивилно воздухопловство на Сингапур, Хан Кок Јуан, официјализираа нов, сеопфатен Меморандум за разбирање.Овој чин, реализиран за време на посетата на г. Стојаноски како висок делегат на специјална покана од сингапурските власти, означува суштинско унапредување на билатералните односи и директно поврзување на македонскиот воздухопловен сектор со еден од водечките светски авијациски центри. Потпишувањето на овој стратешки документ, претставува директна валоризација на новите политики на менаџментот на АЦВ како за меѓународно етаблирање на институцијата така и за забрзување на темпото за што побрза примена на најновите безбедносни стандарди. Со овој чекор се отвора широка рамка за институционален развој преку напредна едукација и специјализирани програми за обука во Сингапурската воздухопловна академија (SAA), која важи за една од најреномираните во светот. Договорот предвидува директна размена на експертиза и примена на најдобри практики во делот на регулативата, безбедносниот надзор и лиценцирањето, со што македонските воздухопловни власти ќе ги хармонизираат своите капацитети со најстрогите глобални стандарди. Покрај едукативната компонента, Меморандумот има силен регионален и технолошки фокус. Соработката подразбира заедничка реализација на проекти кои не само што ќе го зајакнат домашниот сектор, туку имаат потенцијал да ја позиционираат Македонија како регионален лидер во примената на иновативни решенија во воздушниот сообраќај. Ова партнерство е јасен показател за решителноста на Агенцијата да ги следи и имплементира најсовремените технолошки трендови во меѓународното цивилно воздухопловство. Во својата изјава, директорот на АЦВ, Драги Стојаноски, истакна дека овој меморандум ја потврдува посветеноста кон примената на највисоките меѓународни стандарди на ICAO. Тој нагласи дека соработката со глобален лидер како Сингапур овозможува пристап до врвна експертиза со која дополнително ќе се подигне нивото на безбедност и ефикасност на македонското небо.

Македонија | пред 3 месеци