Град Скопје и Министерството за култура ќе соработуваат за „Скопје 2028“
Градот Скопје и Министерството за култура и туризам денеска потпишаа меморандум за соработка со цел унапредување на културата, туризмот и културно-туристичката понуда во главниот град.Меморандумот го потпишаа градоначалничката на Град Скопје и министерот за култура и туризам, Зоран Љутков, а со него се предвидува засилена институционална координација во рамките на подготовките за проектот „Скопје 2028 – Европска престолнина на културата“.Со договорената соработка ќе се работи на поголема промоција и видливост на културно-историските локалитети, подобрување на условите за посетителите, како и развој на нови културни содржини и туристички понуди.Од институциите посочуваат дека целта е Скопје да се позиционира како современ, отворен и автентичен европски културен центар, кој ќе привлече поголем број домашни и странски посетители.
Скопје | пред 5 часа