СЛУШАЛКИ

Нови AirPods од Apple: слушалки што „ја гледаат“ околината

Американската компанија Apple е во завршна фаза на развој на безжични слушалки AirPods со вградени камери, кои треба да овозможат напредни функции базирани на вештачка интелигенција, објавува „Блумберг“.Според извори запознаени со проектот, развојот на уредот веќе е во фаза во која прототипите се блиску до конечниот дизајн и функционалност.Новите слушалки би користеле мали камери со ниска резолуција, кои би го „набљудувале“ просторот околу корисникот и би испраќале визуелни податоци до системот за вештачка интелигенција, вклучувајќи го и дигиталниот асистент Сири.Камерите, како што се наведува, нема да служат за снимање фотографии или видеа, туку за анализа на околината во реално време.Уредот треба да личи на следната генерација на моделот AirPods Pro, со камери поставени во двете слушалки, со што би се овозможила просторна анализа на околината.Проектот првично бил планиран за порано лансирање, но бил одложен поради доцнења во развојот на подобрената верзија на Сири.Apple очекува новиот производ да го прошири успехот на постојните AirPods и да ја зајакне позицијата во сегментот на уреди со интегрирана вештачка интелигенција, каде што се натпреварува со компании како OpenAI и Meta.„Блумберг“ наведува дека Apple во последниот квартал издвоил рекордни средства за истражување и развој, над 11 милијарди долари.

Магазин | пред 6 дена

Саркастичен аплауз за законот: Моторите брчат погласно од слушалките, ама важно пешак е проблем

Инфлуенсерката Ина Многуфина саркастично реагираше на новите измени во Законот за безбедност на сообраќајот:„Голема работа за слушалките, ќе ги извадите пред пешачки и готово. Слободно можете да ги носите на сите други места да речеме кога одите по улица пошо на тротоар има паркирани коли, кога шетате и моторите и колите шибаат и брчат погласно од слушалките, кога некоја осакатена пијаница вози цик цак, кога одите по тротоар и ве поминуваат двајца на тротинет и еден на моторче со детето седнато пред него...имате каде да ги носите. Пешачки е, таму ќе стојат полицајците, ќе ги извадите, има закон, држава е ова, шо мислите вие?“Со новите измени, пешак кој ќе преминува улица со слушалки или зборувајќи на телефон ќе биде казнет со 40 евра, а за возачи на тротинети, велосипеди и мотори казната е 50 евра.

Коментари | пред 7 месеци

Пешаците ќе плаќаат казна ако преминуваат улица со слушалки или телефон

Пешаците повеќе нема да смеат да преминуваат улица со слушалки на двете уши или со телефон во рака – тоа е предвидено во предложените измени на Законот за безбедност на сообраќајот на патиштата, што Владата ги испрати во Собранието. Новите правила се однесуваат и на велосипедистите и на возачите на електрични тротинети.Според текстот, секој пешак кој се движи по коловоз или преминува преку него, како и преку велосипедска патека или лента, мора да внимава и за тоа време да не користи електронски уреди што го одвлекуваат вниманието – слушалки, мобилен телефон, таблет, паметен часовник и слично. Казната за прекршување на оваа одредба изнесува 40 евра.Велосипедистите кои ќе бидат затекнати со слушалки или во разговор на мобилен телефон додека возат ќе се соочат со повисока глоба – 50 евра. Исклучок се специјализирани уреди за комуникација што се вградени во заштитните шлемови.Иста парична казна е предвидена и за возачите на електрични тротинети кои користат телефон или друг електронски уред при управување со возилото.Овие законски измени се дел од пошироката иницијатива „Безбеден град“, која прво ќе се спроведе во Скопје, Тетово и Куманово, а до средината на 2026 година треба да функционира на целата територија на државата.

Македонија | пред 8 месеци