СТОЈАНЧЕ ЈОВАНОВСКИ

12 години затвор се мала казна во споредба со смртта на Катја и Ивана, законите треба да се менуваат по трагедијата

Обвинителката Адела Бојчевиќ, по изрекувањето на 12-годишната затворска казна за Стојанче Јовановски, посочи дека иако Судот ги изрекол максималните казни за сите три кривични дела, смета дека актуелната казнена политика не соодветствува на тежината на последиците во случајот.„Во оваа фаза од постапката, имајќи го предвид фактот дека станува збор за првостепена пресуда којашто не е правосилна и која верувам дека одбраната ќе ја обжали, Судот ја изрече максималната казна затвор за сите три кривични дела“, рече обвинителката Бојчевиќ.Сепак, таа нагласи дека според неа, законските рамки не ја следат тежината на случаите во кои има загуба на човечки животи.„Во однос на кривичното дело наведување на самоубиство, каде што ја имаме најтешката последица – загуба на човечки животи, би сакала да искоментирам дека казнената политика можеби не е во корелација и не соодветствува на толку тешката последица што ја имаме кај вакви случаи“, изјави Бојчевиќ.Таа додаде дека конкретниот случај отвора потреба од поширока правна анализа и евентуални законски измени.„Особено што првпат имаме случај на проширено самоубиство, не само самоубиство, и сметам дека тоа би требало да биде предмет на поширока анализа на правните експерти и изготвувачи на закони во насока на построга казнена политика и подобрување на казнената политика“, рече обвинителката.Стојанче Јовановски беше осуден на 12 години затвор за случајот поврзан со смртта на неговата сопруга Ивана Јовановска и шестгодишната ќерка Катја. Судот му изрече максимални поединечни казни за трите кривични дела – телесни повреди во семејно насилство, загрозување на сигурноста и наведување и помагање во самоубиство, кои потоа беа обединети во единствена казна од 12 години затвор.

Македонија | пред 2 седмици

Кривичен суд објасни зошто Стојанче Јовановски доби 12, а не максимални 13 години затвор

Основниот кривичен суд Скопје објасни дека казната од 12 години затвор за Стојанче Јовановски е донесена согласно правилата за одмерување казна кога постои стек на повеќе кривични дела.Од Судот посочуваат дека за делата кои му се ставаат на товар на обвинетиот биле изречени максимални казни за секое поединечно дело – пет години затвор за телесни повреди во семејно насилство, три години за загрозување на сигурноста и уште пет години за наведување и помагање во самоубиство.Според член 44 од Кривичниот законик, кога едно лице е осудено за повеќе кривични дела во ист процес, судот определува единствена казна која мора да биде повисока од секоја поединечна казна, но не смее да го достигне вкупниот збир на сите изречени казни.„Во конкретниот случај вкупниот збир на казните за сите три дела е 13 години, а како единствената мора да биде поголема од секоја одделна казна, но не смее да го достигне збирот на утврдените казни, утврдена му е единствена казна затвор во траење од 12 години“, наведуваат од Кривичниот суд.Претходно, Судот ја објави пресудата за Стојанче Јовановски, обвинет за три кривични дела поврзани со трагедијата од 2 март годинава, кога животот ги загубија неговата сопруга Ивана Јовановска и шестгодишната ќерка Катја.Во текот на судењето беа презентирани аудио и видео материјали кои, според обвинителството, документирале физичко и психичко насилство.Обвинителството побара Јовановски да остане во притвор до правосилноста на пресудата.

Македонија | пред 2 седмици

Стојанче Јовановски е осуден на 12 години затвор за насилството и смртта на Ивана и Катја

Во Основниот кривичен суд во Скопје денеска беше објавена пресудата за Стојанче Јовановски, кој беше обвинет за три кривични дела – телесни повреди како продолжено дело во рамките на семејно насилство, загрозување на сигурноста, како и наведување и помагање во самоубиство, во случај поврзан со трагедијата од 2 март годинава, кога животот го загубија неговата сопруга Ивана Јовановска и нивната шестгодишна ќерка Катја.Стојанче Јовановски е осуден на 12 години затвор.За сите три дела на Јовановски изречена му е максимална казна – за телесна повреда 5 години, за загрозување на сигурноста 3 години и за наведување и помагање во самоубиство 5 години. Согласно Законот за кривична постапка, единствената затворска казна е 12 години.Обвинителството побара тој да остане во притвор до правосилноста на пресудата.Судењето започна кон крајот на март, а во текот на постапката беа презентирани аудио и видео материјали, кои, според обвинителството, документираат случаи на физичко и психичко насилство.

Македонија | пред 2 седмици