ТАФТАЛИЏЕ

Судот денеска ја изрекува пресудата за Стојанче Јовановски за трагедијата на 2 март

Во Основниот кривичен суд во Скопје денеска се очекува да биде објавена пресудата за Стојанче Јовановски, кој е обвинет за три кривични дела – телесни повреди како продолжено дело во рамките на семејно насилство, загрозување на сигурноста, како и наведување и помагање во самоубиство, во случај поврзан со трагедијата од 2 март годинава, кога животот го загубија неговата сопруга Ивана Јовановска и нивната шестгодишна ќерка Катја.Обвинителството во завршните зборови побара изрекување максимална казна, нагласувајќи дека во постапката е утврден континуитет на физичко, психичко и економско насилство врз оштетената. Според обвинителството, таквото однесување со текот на времето довело до трагичниот исход, а делата се резултат на долготраен модел на злоупотреба и контрола.Јавната обвинителка Адела Бојчевиќ наведе дека доказите, меѓу кои сведочења од семејството, психијатриско вештачење, медицинска документација и аудио и материјални докази, создаваат јасна слика за систематско малтретирање. Таа истакна дека не станува збор за изолиран инцидент, туку за континуирано насилство, и побара казна во законскиот максимум, со цел, како што рече, да се испрати порака за сериозноста на семејното насилство.Одбраната, пак, побара ослободителна пресуда, тврдејќи дека доказите се противречни и дека не е утврдено ниту кој ниту на кој начин ги нанел наводните повреди. Адвокатот Давор Ангелевски оцени дека недостига каузалитет меѓу делата и последиците, посочувајќи дека обвинението не е докажано надвор од разумно сомневање.Обвинетиот Стојанче Јовановски ги отфрли наводите, тврдејќи дека не ја поттикнувал сопругата на самоубиство и дека не постои негова вина за трагичниот настан. Тој оспори и дел од исказите и доказите презентирани од обвинителството, наведувајќи дека се неточни или погрешно интерпретирани.Застапничката на оштетените, адвокатката Неда Чаловска, истакна дека дејствијата на обвинетиот претставуваат поврзан и континуиран образец на насилство, кој постепено довел до трагедијата. Таа наведе дека жртвата живеела во постојан страв и несигурност, како и дека биле упатувани закани поврзани со домувањето и детето.Судењето започна кон крајот на март, а во текот на постапката беа презентирани аудио и видео материјали, кои, според обвинителството, документираат случаи на физичко и психичко насилство.

Македонија | пред 1 седмица

Стојанче вели дека сѐ би дал дa ги врати Ивана и Катја, обвинителката побара максимална казна за долгогодишното насилство кое довело до самоубиството

Обвинителството побара максимална казна за Стојанче Јовановски во завршните зборови од судењето за трагичниот настан во кој животот го загубија Ивана Стојановска и нејзината ќерка Катја, оценувајќи дека станува збор за последица на долгогодишно семејно насилство, а не за изолиран чин.Обвинителката Адела Бојчевиќ истакна дека психијатриските вештачења покажале оти Ивана во критичниот момент била во состојба на психолошки колапс, со стеснето поле на свест и чувство на безизлезност.„Не ја оттурнал физички, но со континуиран психолошки притисок ја довел до состојба да не гледа друг излез“, изјави Адела Бојчевиќ.Според обвинителството, не станува збор за „отсуство на љубов“, туку за „трауматски изобличена перцепција“ создадена од континуирано насилство, при што жртвата дејствувала под силно влијание на страв и зависност.Обвинителството наведе дека насилството било долгогодишен модел на однесување, поткрепен со медицинска документација, сведочења и аудио-визуелни докази, и побара најстрога казна за делата – наведување на самоубиство, семејно насилство и загрозување на сигурноста.Во текот на рочиштето, судијата Ивица Стефановски го опомена обвинетиот да не ја прекинува обвинителката, предупредувајќи дека може да биде отстранет од судницата.Одбраната, пак, побара ослободителна пресуда за делото наведување на самоубиство, тврдејќи дека не е докажана директна причинско-последична врска меѓу однесувањето на обвинетиот и трагичниот исход.Адвокатите истакнаа дека нема директни докази за телесни повреди на критичниот ден и дека случајот се темели на посредни сведочења и вештачења, оспорувајќи и постоење на правно релевантна зависна положба кај жртвата.„Не сум ја поттикнувал, трагедијата не е предизвикана од мене“, изјави Стојанче Јовановски.Во своето обраќање, обвинетиот ја негираше вината и изрази жалење за загубата„Никогаш не сум ја охрабрувал на таков чекор. Сè би дал да можам да ги вратам моето дете и мојата сопруга“, изјави Стојанче Јовановски.Судењето продолжува, а пресудата треба да одговори на клучното прашање – дали постои директна врска меѓу пријавеното насилство и трагичниот исход.

Македонија | пред 2 седмици

(Фото) „Сите што живеете во Тафаталиџе внимавајте“, снимен човек како влегува во дворови

Изминатава недела, скопјани алармираат дека маскирани лица се обидуваат да им влезат по домовите. Првите снимки беа од Капиштец, а сега, се споделуваат и од Тафталиџе. Досега, на социјалните мрежи се објавени два одделни слуаи, еден од куќа, друг од зграда.„Сите што живеете во Тафаталиџе внимавајте, дечково си спрема терен пред Нова година, за да може да оперира. Виден на повеќе локации низ Тафталиџе“, пишува во објава.[caption id="attachment_318579" align="alignnone" width="1120"] Screenshot[/caption]„Истиот човек вчера вечер и во Тафталиџе 2 по куќи, снимкава е доставена до полиција“, стои во друга објава.[caption id="attachment_318580" align="alignnone" width="1094"] Screenshot[/caption]Претходно:

Скопје | пред 1 година

Јакимовски им порача на жителите од Тафталиџе да не протестираат оти е топло

Градоначалникот на општина Карпош, Стевчо Јакимовски денес по втор пати ги посети граѓаните од Тафталиџе кои веќе неколку дена го блокираат булеварот Теодосиј Гологанов.„Денеска по втор пат ги посетив граѓаните од Тафталиџе кои веќе неколку дена го блокираат булеварот Теодосиј Гологанов во знак на револт што не се носи урбанистичкиот план кој се однесува нa нивното место на живеење.Имајќи ги предвид високите температури и со оглед на фактот дека поголем дел од граѓаните кои протестираат се возрасни лица, за да не си го загрозуваат сопственото здравје ги замолив да го прекинат протестот и повеќе да не ја блокираат улицата, со ветување дека службите веќе го подготвуваат и ќе биде пуштен на јавна анкета урбанистичкиот план за тој дел од општината.На јавната анкета граѓаните ќе можат да си го дадат своето мислење и да ги искажат своите забелешки.Истовремено во наредниот период ќе се заложам нивниот ДУП да го изнесам пред советниците и да биде позитивно решен“, вели Јакимовски

Скопје | пред 3 години

Општина Карпош: Сочувствуваме со проблемите на граѓаните кои живеат во субстандардни услови

Сочувствуваме со проблемите кои што ги имаат граѓаните кои го изразуваат својот револт, а живеат во Тафталиџе на улица Теодосиј Гологанов, велат од Општина Карпош.„Општината бара начин како да им помогне на овие жители кои се староседелци и живеат во субстандардни услови, а некои веќе и со срушени куќи, да можат за себе и за своето семејство да имаат пристоен дом како сите останати во Карпош.Живот со кров кој протекува, спални со мувла, со недоволна инсолација - осветлување, употреба на септички јами, енормни трошоци за затоплување зошто се работи за градби од средината на минатиот век, е под секое достоинствено човечко ниво, затоа час поскоро планерската куќа која го изработува ДУП-от и стручните служби од општина Карпош ќе излезат со предлог ДУП за јавна анкета за овој дел од општината“, се вели во соопштението.

Скопје | пред 3 години

(ВИДЕО) Маж во Тафталиџе згрози многумина со неговиот потег: „Ѓубре од човек!“

Возрасен маж украл кутии за бездомни мачки кои биле поставени од здружението „Ангелкетс“. Снимката направена од безбедносните камери покажува како тој прво доаѓа и ги забележува кутиите кои се скривалиште од ладното за бездомните животни, потоа заминува, па повторно се враќа за да ги земе„Си дошол, си разгледал, си отишол. Размислил два саати, па се врати и си ги земал. Му требаат за нешто. Со дупка, со дупка во кутијата, што има врска. Ова се кутии за бездомни мачки што заедно со неколкумина активисти се изработени изминатава зима со мал грант од Цивика Мобилитас. Срцкава е снимен во Тафралиџе кај пазарчето во еден трговски локал“, стои во објавата.Овој потег предизвика лавина реакции, дотолку што по потегот, повеќемина коментираат: „Ѓубре од човек“.

Скопје | пред 4 години