ТЕРАПИЈА

„Фали терапија“ пред Министерство: Пациентите со ретки болести бараат континуитет, од институцијата велат нема недостинг на лекови

Со транспарент „фали терапија“, Весна Алексовска, претседателка на здружението „Живот со предизвици“, денеска застана пред Министерството за здравство, испраќајќи порака дека пациентите со ретки болести се соочуваат со сериозни проблеми во обезбедувањето на неопходната терапија.„Како што ветивме, за секој пациент кој ќе остане без терапија ќе сме тука. Континуитетот на терапија значи живот. Дајте ни достоинствен живот – не со ветувања, туку со системски решенија“, порача Алексовска.Таа нагласи дека институциите често се повикуваат на тоа дека терапијата е нарачана, но според неа, тоа не значи дека лековите навистина се достапни за пациентите.„Да се разбереме – нарачано и стигнато не е исто. Секогаш се доцни и тоа мора да престане“, посочи таа, додавајќи дека проблемот не е нов и дека се повторува со години.Дополнително, Алексовска реагираше и на демантот од Министерството, во кој се тврди дека нема недостиг од лекови.„Рекоа дека ги има сите лекови. За нив тоа што е нарачано значи дека е во ред. Но пациентите живеат со последиците од доцнењето“, напиша таа.Од Министерството за здравство, пак, со спротивен став. Оттаму велат дека до институцијата нема пријави за конкретен недостиг на лекови и дека терапијата се обезбедува континуирано за сите пациенти, вклучително и за лицата со ретки болести.Во реакцијата наведуваат дека новиот Закон за лекови треба да овозможи побрзи процедури за одобрување и регистрација, како и подобар систем за следење на снабдувањето, со цел да се спречат вакви ситуации во иднина.Сепак, јазот меѓу институционалните тврдења и сведоштвата на пациентите повторно ја отвора дилемата – дали системот функционира на хартија или во реалноста.

Македонија | пред 3 седмици

Љубовта не е доволна: три клучни одговори што секој пар треба да ги знае

Во долгите врски лесно се создава чувство дека партнерот е целосно познат, но експертите предупредуваат дека луѓето се менуваат и дека вистинската блискост бара постојано разбирање и комуникација.Брачните и семејни терапевти посочуваат дека квалитетната врска не се темели само на љубов, туку и на длабоко познавање на емоциите, стравовите и потребите на партнерот. Токму затоа, издвојуваат три клучни прашања кои секој пар треба да ги има расчистено.Првото прашање се однесува на чувството на љубов и вреднување – што му помага на партнерот да се чувствува сакан и ценет. Одговорот на ова прашање открива кои гестови, зборови или постапки имаат најголемо значење и како се гради емоционалната сигурност во врската.Второто прашање навлегува подлабоко, во несигурностите и стравовите – кои се тие што најчесто го активираат партнерот. Познавањето на овие точки овозможува подобро разбирање на реакциите во тешки моменти и спречува недоразбирања и конфликти.Третото прашање е практично и директно – како најдобро да се помогне кога партнерот е под стрес. Ова вклучува разбирање дали на партнерот му е потребен разговор, простор, поддршка или конкретно решение.Според стручњаците, суштината не е да се знае сè, туку да се создаде чувство на сигурност и разбирање. Редовните разговори, активното слушање и искрената комуникација се клучни за одржување на блискоста и стабилноста во врската.Тие потенцираат дека паровите кои се трудат да го разберат внатрешниот свет на партнерот полесно се справуваат со стресот, промените и конфликтите, а нивната врска е поотпорна и подолготрајна.

Магазин | пред 4 седмици