ТОП

Големиот шумски пожар над беровско е ставен под контрола - гори на уште девет локации

Големиот шумски пожар над беровското с. Двориште е ставен под контрола.„Инаку, во текот на вчерашниот ден на територијата на државата имаше вкупно 62 пожари на отворен простор врз кои дејствуваа локалните противпожарни единици. Од нив 9 останаа активни во текот на ноќта и сеуште се активни иако со смален интезитет. Од вкупниот број на пожари на отворен простор 6 се шумски пожари“, вели директорот на ЦУК, Стојанче Ангелов.Шумски пожари на ден 09.03.2025 година, (недела).1.Во правец Ресен спрема с.Евла (Општина Ресен) - запалена ниска вегетација и грмушки, смрека и мал дела од букова шума.2.Помеѓу ресторан „Чифлик“ и с. Брусник (Општина Битола) - пожар на шума (гореле овошки).3.М.в. Кобел кај с. Алданци (Општина Крушево) - запалена ниска вегетација, трње и нискостеблеста дабова деградирана шума.4.с. Сладуево (Општина Демир Хисар) - запалена сува трева и шума.5.Планината Oгражден над с.Сушица (Општина Ново Село)- папрат, смрека и млада дабова шума6.С.Кованец (Општина Гевгелија) пожар на шума

Македонија | пред 1 година

(Видео) Митко Чавков почна да го растура МВР, Оливер Спасовски го дорастури, вели ексначалникот и командантот Станковски

„Митко Чавков почна да го растура МВР, Оливер Спасовски го дорастури“, вели Антонио Станковски, поранешен командант на Воена полициа и ЕБР, ексначалник на специални единици, поранешен втор човек на „Волци" во поткастот „Претрес со Ландов“. Тој за првпат и ексклузивно сподели нечуени информации и антитерористичките акции во Македонија.„Директорот Чавков бил во Струмица, крикот на војната не го осетил. И доаѓа во МВР, после акцијата 'Бродец' и е началник на Секторот за субивање на организиран криминал. За по одредено време, станува шеф, над мене. Тие непријатели кои јас ги направив луѓе, за да мене ми ја скратат моќта, тие мене ме обвинија дека сум крадел кашкавал. Јас ако правам нешто командант, јас ќе правам станови и дуќани. Чавков има бизниси, јас немам“, рече Станковски.Откако ќерката на Чавков, Зорица, искоментира за време на поткастот, Станковски и посочи да го повика на кафе, за да и каже што правле татко и. Според Станковски, тој со Чавков имал одлична соработка, додека тогашниот директор на БЈБ, не почнал да брка вработени од МВР.„Хеликоптерот што пaдна во Струмица, кој е крив? Погинаа четири пилоти, 10 милиони хеликоптер, кој не можеш да го купиш, чекаш на ред со години. А сега и не можеш, со комлетна опрема од Израел. Кој е крив? Не бев јас директор, беше Митко Чавков. Дали нешто му фалеше? Бидејќи екипата што ме нападна кај Мијалков а тој ја водеше, ме направи дека местам тендери, крадам кашкавали, али сите муабети кај Мијалков, кај Јанкулоска, кај Радникот, што јас сум кажал, што ми одговориле, ги имам запишано“, додаде Станковски.За војната во 2001: упад Арачиново, „Планинска бура" во Бродец, „Монструм" ка Смилковското Езеро, „Диво Населье" во Куманово, Планот за расформираье на ЕБР, нечуени детали за безбедносниот систем:

Македонија | пред 1 година

(Видео) Украинците нападнаа една од најголемите руски рафинерии

Украинските сили рано утринава ја нападнаа нафтената рафинерија Новокуибишевск во руската област Ростов, објави на Телеграм шефот на Центарот за спротивставување на дезинформации при Националниот совет за национална безбедност и одбрана Андреј Коваленко, а пренесува Укринформ. Како што се дознава, рафинеријата има годишен капацитет од 8,8 милиони тони, што ја прави една од десетте најголеми такви капацитети во Русија. Објектот произведува широк спектар на нафтени продукти, вклучително и бензин, дизел гориво и масло за греење, од кои сите се критично важни за транспортот и воената опрема, истакна Коваленко. Тој додаде дека објектот е од стратешко значење за руската војска бидејќи обезбедува стабилно снабдување со гориво за континуираните воени напори против Украина. Како што претходно објави Укринформ, во раните утрински часови во саботата, 8 март, беспилотни летала управувани од украинското одбранбено разузнавање го нападнаа претпријатието Киришнефтеоргсинтез во руската област Ленинград.

Свет | пред 1 година

Украинците се соочуваат со катастрофа во Курск, Русите: „Ја пробивме линијата!“

Руските сили направија дополнителен напредок во регионот Курск во понеделникот како дел од големата операција чија цел е да принудат илјадници украински војници да го напуштат западниот руски регион или да се предадат, објавија проруските воени блогери.Украинските трупи зазедоа околу 1.300 квадратни километри од руската област Курск во август во обид да добијат моќ во идните преговори и да ја принудат Русија да ги пресели силите од источна Украина, како што го опишува Киев.До средината на февруари, Русија врати најмалку 800 квадратни километри територија во Курск и во последните денови започна голема повеќестрана офанзива што се заканува да ги прекине линиите за снабдување на Украина и потенцијалните патишта за повлекување.Воениот блогер „Ту мајорс“ изјави дека руските сили ја расчистиле населбата Ивашковски и дека руските трупи напредуваат кон таканаречениот „котел“ во Курск од најмалку седум правци.Јуриј Подољака, проруски воен блогер роден во Украина, рече дека има проблеми да ги следи настаните бидејќи рускиот напредок бил толку брз и украинските единици сега биле заробени во неколку џебови во Курск.„Во текот на изминатите четири дена, руските војници исчистија толкава територија во регионот Курск колку што некогаш не можеа ниту за неколку месеци“, проценува рускиот блогер Рибар, близок до Министерството за одбрана.„Првата линија е пробиена“, тврди Рибар, додавајќи дека Русите се концентрирани на пресекување на главните патишта кои водат од Курск до Украина.Руските сили во неделата повторно зазедоа уште три населби во Курск.Рускиот напредок во 2024 година и промената на политиката на американскиот претседател Доналд Трамп кон Украина и Русија ги поттикнаа стравувањата кај европските лидери дека Украина ќе ја изгуби војната и дека Трамп и го врти грбот на Европа.Соединетите Држави ја прекинаа воената помош и размената на разузнавачки информации со Украина овој месец, откако средбата меѓу Трамп и украинскиот претседател Володимир Зеленски на 28 февруари заврши со грди зборови пред светските медиуми.Зеленски во неделата рече дека добил извештај од неговиот врховен командант, Олександр Сирски, за операцијата Курск. Тој не откри повеќе детали.

Свет | пред 1 година

(Видео) Јајца и свирежи за добредојде на српскиот премиер Вучевиќ

Српскиот премиер Милош Вучевиќ, денеска во посета на Нови Бечaј, беше пречекан од група незадоволни граѓани со свирежи и јајца.На социјалните мрежи, беше објавено видео како Вучевиќ доаѓа во салата во Нови Бечај во придружба на бројно обезбедување.Двајца од обезбедувањето застанаа пред Вучевиќ, но се пазат да не бидат погодени со јајца.„Јајца за добредојде. Ликовите од обезбедување ги држат рацете на пиштолите. Мора да е прекрасно да си вака сакан”, коментираат граѓаните на социјалните мрежи.

Свет | пред 1 година

Трагична несреќа во Охрид, едно лице загина

На 08.03.2025 година во 13.45 часот во СВР Охрид било пријавено дека на регионалниот пат од Св.Наум кон Охрид, кај населбата „Рача“, се случила сообраќајна несреќа помеѓу моторцикл „Кавасаки“ со охридски регистарски ознаки, управуван од Ј.Ц.(26) од Охрид и патничко возило „Мазда“ со охридски регистарски ознаки, управувано од Д.Н.(76) од село Враништа, струшко.Во несреќата на лице место починал мотоциклистот Ј.Ц. констатирано од страна на ИМП. Извршен е увид од надлежен ЈО и увидна екипа од СВР Охрид, а телото на починатиот било предадено на обдукција.

Охрид | пред 1 година

Скопјанец обвинет за обид за убиство -дошол со такси и пукал, куршумот завршил во ѕид

По спроведена истражна постапка, јавен обвинител од Основното јавно обвинителство Скопје поднесе Обвинителен акт против едно лице за кривично дело -Убиство од член 123 став 1 во врска со член 19 (во обид) од Кривичниот законик. Во врска со истиот настан, поднесен е и Обвинителен предлог против уште едно лице за – Помагање на сторителот по извршено кривично дело според член 365 став 2 во врска со став 1 од Кривичниот законик.Обвинетиот 37-годишник, поради нерасчистени претходни должничко-доверителски односи, на 10.12.2024 година во селото Мирковци сo умисла се обидел да лиши од живот едно лице.Пред куќата на таткото на жртвата двајцата обвинети дошле заедно со такси и го повикале oштетениот да излезе. Кога тој се појавил на влезната врата, првообвинетиот извадил пиштол и истрелал еден проектил директно кон оштетениот. Тој го забележал оружјето навреме и веднаш се повлекол зад вратата која автоматски се заклучува, а куршумот завршил во ѕидот, веднаш до рамката од влезната врата.Обвинетиот почнал да тропа и удира со нога по вратата, обидувајќи се насилно да влезе во куќата, но не успеал, по што двајцата обвинети заедно избегале.Вториот обвинет, за да му помогне на првообвинетиот по извршеното кривично дело, го зел кај себе пиштолот. На 23.12.2024 година со истиот пиштол сторил кривично дело – Предизвикување општа опасност за што врз основа на признание на вина е осуден на 22.01.2025 година.Надлежниот јавен обвинител, заедно со обвинението, поднесе и предлог за продолжување на претходно определената мерка притвор за првообвинетиот. Вториот обвинет, пак, се наоѓа во притвор до правосилност на пресудата за предизвикување општа опасност која му е изречена.

Македонија | пред 1 година

Најголемиот кошмар на Украина се остварува, започна голема офанзива, одговори Зеленски: „Ова е внимателно планирано!“

Најмалку 17 лица загинаа, а 37 се ранети, меѓу кои пет деца, во нападите на руски ракети и беспилотни летала врз градот Добропилија во источна Украина во текот на ноќта, соопшти во саботата украинското Министерство за внатрешни работи.Уште тројца цивили се убиени во напад со беспилотно летало во областа Харков на североисток, додаде Министерството.Руските сили ја нападнаа Добропилија со балистички ракети, повеќе ракети и беспилотни летала, при што беа оштетени осум катни згради и 30 автомобили, соопшти Министерството.„За време на гаснењето на пожарот, окупаторите повторно нападнаа при што оштетија противпожарно возило“, објави Министерството на Телеграм.Добропилија, која беше дом на околу 28.000 луѓе пред војната, се наоѓа во областа Доњецк во источна Украина, на 22 километри од линијата на фронтот северно од клучниот центар на Покровск, кој со недели е нападнат од руските војници.Истото министерство, исто така, соопшти дека најмалку три лица загинале, а седум се повредени во одделен напад со беспилотно летало во регионот на Харков во текот на ноќта.Украинската војска соопшти дека Русија ја нападна Украина во текот на ноќта со две балистички ракети Искандер-М и една крстосувачка ракета Искандер-К, како и 145 беспилотни летала.Тие велат дека воздухопловните сили собориле една крстосувачка ракета и 79 беспилотни летала. Војската соопшти дека дополнителни 54 беспилотни летала не успеале да стигнат до своите цели, најверојатно поради електронски контрамерки.„Ваквите напади покажуваат дека целите на Русија не се променети. Затоа, од клучно значење е да продолжиме да даваме се од себе за да ги заштитиме животите, да ја зајакнеме нашата противвоздушна одбрана и да ги зголемиме санкциите против Русија. Сè што му помага на Путин да ја финансира војната мора да биде уништено“, рече претседателот Володимир Зеленски на Фејсбук.Украинскиот претседател Володимир Зеленски изјави дека рускиот напад врз градот Добропилија во областа Доњецк во источниот дел на земјата покажа дека Русија не размислува за завршување на војната, пренесува Sky News.Зеленски го опиша нападот како еден од најбруталните и тврди дека бил внимателно дизајниран да предизвика максимална штета. Украинскиот претседател рече дека меѓу загинатите во неа има и еден работник на украинската служба за итни случаи.„Русија продолжува да покажува суровост. Ништо не се смени во Москва. Русите не размислуваат за завршување на војната, туку за уништување и заземање уште повеќе (наша територија), а светот им го дозволува тоа“, рече Зеленски.Украинскиот претседател им се заблагодари на сите светски лидери и дипломати кои ги осудија руските напади.

Свет | пред 1 година

Удрија по Пендаровски: ги налути со интервју, па го обвинија дека и одмага на Македонија со порака да си троши пензија наместо да дели ум

ВМРО-ДПМНЕ му се налути на експретседателот Стево Пендаровски кој ги нарече аматери доколку мислат дека Доналд Трамп ќе им помогне за да Македонија го надмине спорот со Бугарија. Пендаровски посочи дека САД нема интерес од тоа да се замара со ова прашање. Оттука почнаа реакциите на владејачката партија. Го обвинија дека го навредил Трамп.„Пендаровски од СДС со директни навреди кон Трамп и САД, дефинитивно СДС го напушти прозападниот курс. Ако Орданоски беше случајност, Пендаровски од СДС кажува дека е тенденција. СДС силно застанува против САД, ако Орданоски го кршеше ледот, Пендаровски сега јасно кажува дека СДС е против САД. Сега станува јасно дека СДС лажно се претставувале како прозападни, а со нетрпение чекале момент да свртат курс. Пендаровски не е било кој од СДС, неговиот став во исто време ја покажува и фрустрацијата на оваа партија кон ВМРО-ДПМНЕ и успешноста со која Владата се позиционираше до САД. Македонија со Владата на ВМРО-ДПМНЕ е верен партнер на САД, а придобивките за државата допрва ќе се гледаат. Македонија е на вистинскиот пат, а СДС како и секогаш до сега е против Македонија“, велат од ВМРО-ДПМНЕ.Пратеникот на ВМРО-ДПМНЕ, Антонијо Милошоски го обвини поранешниот претседател Стево Пендаровски за неодржување доследност во своите ставови, особено во врска со промените на македонскиот Устав и неговите последни изјави за САД и нивниот новоизбран претседател.„Пендаровски, ако не може или не сака да помогне на Македонија на меѓународен план, тогаш барем нека не ѝ одмага. Не му треба да ја руши позицијата на земјата. Ако беше искрен во своите обврски, ќе се фокусираше на македонскиот интерес, а не на политички амбиции и споделување ставови со луѓе блиски до Сорос“, рече Милошоски.Потпретседателот на ВМРО-ДПМНЕ, Александар Николоски, жестоко го нападна поранешниот претседател Стево Пендаровски, обвинувајќи го дека по десет месеци молк, сега се појавува во јавност само за да го напаѓа премиерот Христијан Мицкоски и поддршката на ВМРО-ДПМНЕ за американскиот претседател Доналд Трамп.„Човекот што двапати загуби претседателски избори, вториот пат со историски најголема разлика, сега реши да излезе во јавност и да напаѓа. Наместо да се соочи со сопствениот неуспех, тој арогантно дели ‘ум’ на светски лидери, а самиот не се гледа. Пендаровски кој зема пензија од државата сега го напаѓа претседателот на нашиот најголем сојузник, САД. Дали е тоа патриотизам или чиста фрустрација од изборниот пораз? За мене слушам напишале дека сум претставник на ‘иранско-турско-унгарско’ влијание. Па, замислете, толку ги плашеше ВМРО-ДПМНЕ, што сакаа половина од носителите на нашите листи да завршат на црна листа, само за да се спасат од пораз Стево, троши си ја пензијата и не се брукај. Дружи се со пријателите од Агенцијата за разузнавање додека можеш!“, напиша Николоски на Фејсбук.

Македонија | пред 1 година

Џеј-Ди Венс: Слава на Украина демонстранти ја бркаа мојата тригодишна ќерка, с*ање!

Американскиот потпретседател Џеј Ди Венс на платформата Х (поранешен Твитер) сподели дека додека се шетал со својата тригодишна ќерка, го следеле демонстранти кои извикувале „слава на Украина“, што, како што тврди, го вознемирило неговото дете.„Денес, додека шетав со мојата тригодишна ќерка, ме следеа демонстранти кои извикуваа „Слава на Украина“, додека мојата ќерка стануваше сè повознемирена и исплашена“, напиша тој.Венс вели дека се обидел да ја смири ситуацијата разговарајќи со демонстрантите, надевајќи се дека ќе го заштити своето дете."Решив да разговарам со демонстрантите со надеж дека можам да заменам неколку минутен разговор со тоа што ќе го оставам моето дете само. Речиси сите се согласија на крајот. Разговорот беше главно љубезен, но ако бркате тригодишно дете како дел од политички протест, тогаш сте вистинска посрана личност", напиша Венс на X.

Свет | пред 1 година

Што се случува во Сирија? За два дена загинаа повеќе од 1.000 луѓе

Повеќе од 1.000 луѓе, меѓу кои 745 цивили, се убиени во дводневните судири меѓу сириските безбедносни сили и борците лојални на соборениот режим на Башар ал Асад, објави Сириската опсерваторија за човекови права (SOHR).Според оваа британска организација, во борбите загинале 125 припадници на безбедносните сили и 148 лојални на Асад, додека различни проценки укажуваат дека бројот на жртвите може да биде поголем. Се споменува дека во петокот и саботата биле извршени околу 30 масакри врз алавитите, верската малцинска заедница од која потекнува Асад.Судирите избија во четвртокот кога борците лојални на соборениот режим на Асад ги нападнаа безбедносните сили во Џаблех, град во крајбрежната провинција Латакија.Оваа широко координирана офанзива беше најголемиот предизвик за новите сириски власти, кои дојдоа на власт пред три месеци кога опозицијата, предводена од исламистичката група Хајат Тахрир ал-Шам, го собори Асад.За да го задуши бунтот, сириската влада повика засилување, предизвикувајќи илјадници борци да пристигнат на брегот од сите делови на земјата. Иако официјално е под контрола на новата влада, многу милиции останаа недисциплинирани и обвинети за злосторства во минатото.Сириската влада призна дека имало масовни убиства, но тврди дека „индивидуалните акции“ предизвикале цивилни жртви и дека доаѓањето на голем број борци во крајбрежниот регион довело до кршење на човековите права.Според Сириската мрежа за човекови права, повеќе од 40 луѓе биле убиени одеднаш во градот Ал Мухтарија, додека на видео снимките се гледаат борци во безбедносни униформи како егзекутираат луѓе од непосредна близина, принудувајќи ги затворениците да лаат како кучиња и брутално ги тепаат. Автентичноста на снимката не е независно потврдена.Латакија, регион со големо население Алавити, сектата од која дојде соборениот претседател Асад, стана сцена на убиства од одмазда. Иако повеќето алавити не беа поврзани со режимот на Асад, новата влада вети дека нема да има репресалии против оваа малцинска заедница.Но, убиствата на стотици алавити во последните денови предизвикаа бран страв меѓу членовите на таа религиозна група.Жител на градот Снобар во Латакија опиша како вооружени напаѓачи убиле најмалку 14 негови соседи од семејството Арис, меѓу кои и 75-годишен татко и неговите три сина, егзекутирани пред очите на нивната мајка.„Откако ги убиле таткото и синовите, и рекле на мајката да го извади златото или ќе ја убијат и неа“, рекол мажот кој побарал анонимност од безбедносни причини.Друг жител на Латакија рече дека нема струја и вода повеќе од 24 часа и дека луѓето се плашат да ги напуштат своите домови поради милитантите кои убиваат секого на патот.

Свет | пред 1 година

Две деца и жена тепани во Скопје: ужасно семејно насилство, низа повреди кај малолетниците

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторил две продолжени кривични дела – Тешка телесна повреда по член 131 со став 2 и став 1 и едно продолжено кривично дело – Тешка телесна повреда по член 131 став 3 во врска со став 2 и став 1 од Кривичниот законик.Во период од 4 до 7 март, во семејниот дом во Визбегово, осомничениот 24-годишник со умисла во повеќе наврати вршел семејно насилство и со тупаници, клоци и тврд предмет и нанел тешки телесни повреди на оштетената негова вонбрачна партнерка и нејзините две малолетни деца на возраст од 10 и 4 години.Тој континуирано физички ја напаѓал жената, на која и нанел повеќе скршеници и други повреди. Кај помалото дете со тепање предизвикал хематом на црниот дроб, контузии со хематоракс на белодробно десно крило, лузни на лицето и отсуство на заби во устата, додека кај постарото предизвиканите тешки телесни повреди се животно загрозувачки скршеници на коски на череп. Со тешкото семејно насилство сакал да ги натера парите од просење да му ги носат нему.Јавниот обвинител до судијата на претходна постапка достави предлог за определување мерка притвор за осомничениот. По целосно прибирање на доказниот материјал, не е исклучена можноста и за потешка правна квалификација на делото.

Македонија | пред 1 година

Син на екссудијка и стручен од СЈО меѓу избраните обвинители, извисија внукот на Русковска и обвинителот што се спогоди со Кичеец

Син на поранешна врховна судијка и стручен соработник од СЈО се избрани за обвинители, а пак, внук на ексшефицата на Обвинителството за гонење организиран криминал и корупција и обвинителот кој се спогоди со Зоран Милевски-Кичеец не добија доволно гласови. Ова е дел од одлуката на Советот на јавни обвинители, каде се избраа 31 нов обвинител за 10 основни јавни обвинителства.Во скопското основно обвинителство се избрани 13 обвинители. Меѓу нив е и Давид Неделков, син на екссудијката во Врховен суд, Лидија Неделкова. Потребен број на гласови не доби обвинителот Зоран Маркоски кој е внук на Вилма Русковска, а кој сега правораздава во основното обвинителство во Куманово. Останатите избрани во Скопје се Сашо Палчевски, Бурханедин Нухију, Ирина Црвенковска, Јана Ристеска, Милена Новеска Латиновска, Кристијан Смилевски, Бојана Ваневска, Илир Зајази, Александар Софронијовски, Динче Стојановска, Марија Секуловска Велковска, Марина Галева, Орхан Арифовски.Арсим Адеми, обвинителот кој се спогоди на шест месеци затвор со Зоран Милевски Кичеец по сообраќајката на Стража каде загина едно лице, не доби доволен број гласови. Па така, не му помина ниту една од апликациите, а се обиде во четири обвинителства - ОЈО Гостивар, ОЈО Кичево, ОЈО Скопје, ОЈО Тетово. Тој ќе остане адвокат. Адеми, беше обвинител, но се повлече од правораздавањето.Во кумановското основно обвинителство се избрани двајца обвинители. Едниот е Ивана Јаневски. Другиот пак, е Лукман Салихи кој работеше во СЈО, како истражител преземен од МВР. Салихи е кадар на Академијата за судии и јавни обвинители кој бил еден од послабо рангираните како слушател на почетната обука, каде добил оценка 14,32, а полоши биле само тројца други слушатели. На конечната ранг листа, Салихи имал 53.55 бодови. На листата од 97 кандидати, само 13 биле послабо рангирани.За јавен обвинител во Основно јавно обвинителство Битола е избрана Ангелина Ангелевска Илиевска, а за Основно јавно обвинителство Гевгелија е избран кандидатот Драгиња Аврамчева. Благој Митевски е избран во Основно јавно обвинителство Делчево, во Основно јавно обвинителство Охрид е избран Ерол Шериф, додека, за јавен обвинител во Основно јавно обвинителство Струмица е избран Кире Манински.За јавни обвинители во Основно јавно обвинителство Тетово се избрани кандидатите Илзана Касами Шабани, Стефан Попоски и Блерим Бесими, а за во Основно јавно обвинителство Штип се избрани Здравко Кескинов Жежов и Луција Кашуба.

Македонија | пред 1 година

Смртоносен руски напад, уништени станбени згради, најмалку 11 мртви; Рубио: „Мораме да ставиме крај на ова!

Во руски напад загинаа 11 лица во град во близина на Доњецк, јавија украинските медиуми. Десетици се повредени во руски напад врз градот Добропилија, соопштија украинските власти. Овој град се наоѓа северозападно од градот Доњецк кој е под контрола на Русија. Во нападот се оштетени осум станбени згради и една административна зграда, извести регионалната служба за итни случаи.„Русија убива цивили“, рече гувернерот на Доњецката област Вадим Филашкин во објава на Телеграма, додавајќи дека бројот на загинати во регионот на Доњецк се искачи на 20, додека други 43 лица се повредени.Мајорот Володимир Омелијан од бригадата на вооружените сили на Украина го опиша нападот во Добропиље како „типичен“.„Во конкретниот случај имаше ракетен напад. Вакви напади се извршуваат секој ден во регионот на Доњецк“, изјави Омелијан за Би-Би-Си, додавајќи: „Цивилите страдаат и умираат секој ден“.Американскиот државен секретар Марко Рубио во петокот во разговор со украинскиот министер за надворешни работи Андриј Сибих рече дека претседателот Доналд Трамп е решен да стави крај на руско-украинската војна што е можно поскоро, објави Стејт департментот.Рубио „нагласи дека претседателот Трамп е решен да ја заврши војната што е можно поскоро и истакна дека сите страни мора да преземат чекори за да обезбедат одржлив мир“, се вели во соопштението на Стејт департментот по повикот.Рубио одржа посебен разговор за војната претходно истиот ден со францускиот министер за надворешни работи Жан-Ноел Баро, според Стејт департментот.Американскиот претседател повторува дека сака да стави крај на војната во Украина, која ја започна Русија кога го нападна својот сосед пред повеќе од три години, и дека Европа мора да преземе поголема одговорност за својата безбедност.Трамп ја прекина воената помош и размената на разузнавачки информации со Украина за да изврши притисок врз Киев да прифати договор за прекин на огнот по експлозивниот состанок на Овалната соба со украинскиот претседател Володимир Зеленски пред една недела.Додека европските лидери се собраа за да го поддржат Зеленски по неговиот судир со Трамп, нивниот пристап кон руско-украинската војна и европската безбедност остануваат во голема мера зависни од американскиот претседател.Трамп, исто така, рече дека „силно размислува“ за воведување сеопфатни санкции, вклучително и оние за банкарството и царини за Русија, кои ќе останат во сила додека не се постигне прекин на огнот и мировен договор со Украина.Тој го направи тоа на ден кога Русија жестоко ја напаѓаше украинската енергетска инфраструктура.Малку подоцна Трамп беше попомирлив кон Русија, покажувајќи разбирање за руските напади.„Всушност мислам дека тој го прави она што би го направил некој друг“, рече Трамп во петокот на прашањето дали Путин ја користи сегашната суспензија на американската воена помош за Киев.„Веројатно секој на таа позиција би го направил тоа токму сега“, додаде американскиот претседател.Трамп го повтори својот „добар однос“ со Путин и тврди дека рускиот претседател сака „да стави крај на војната“, додавајќи: „Мислам дека ќе биде подарежлив отколку што треба да биде“.На прашањето зошто неговата администрација повеќе не и обезбедува на Украина средства за одбрана и што ќе се случи кога Киев ќе остане без тоа, Трамп одговори: „Затоа што треба да знам дека тие сакаат да се справат. Не знам дали тие сакаат да се справат.Американската технолошка групација Maxar го блокираше пристапот на Украина до сателитски снимки откако американската влада одлучи привремено да го суспендира пристапот на Украина до услугата за сателитски слики за сателитски слики Global Enhanced GEOINT Delivery.

Свет | пред 1 година

(Видео) Позната состојбата на возачите по несреќата на Партизанска: возачот на Брза помош нема потешки повреди

Нема потешко повредени лица во синоќешната сообраќајна незгода која се случи на булеварот „Партизански одреди“.Возачот кој го управувал возилото на Итна медицинска помош (Н.Ј. / 45) бил префрлен во болница, каде му биле констатирани лесни повреди, по што бил пуштен на домашно лекување.Автомобилот „Тојота јарис“, го управувала 44-годишната М.Л., која не се пожалила на повреди.Полицијата извршила увид, од кој констатирала само дека има настанато материјална штета.

Скопје | пред 1 година

Ковачки „удри“ по ДУИ и Села: Армијата ќе остане чувар на државата, а вие политички трговци!

„Ги следам објавите од штабот на Али Ахмети и од партијата на узурпаторот Зијадин Села. Запрепастен сум од безобразието со кое ДУИ и остатоците од АА удрија врз командната структура на АРМ. Со каква леснотија овие лешинари и губитници, без срам и без трошка совест, фрлаат кал и изнесуваат лаги врз луѓето кои цел живот ја носат униформата и се гарант на нашата безбедност. Во кое време живеете вие што ќе ве снема на следните избори? Така ли мислите да добивате политички поени, оцрнувајќи поединци дека биле русофили или србомани и што уште не? Додека целиот свет се наоѓа пред сериозен предизвик, вие – измеќарите на Ахмети одвнатре работите против сопствената држава!“, напиша пратеникот Драган Ковачки и додава:Зарем толку сте безидејни и изгубени во вашите гнасни игри па морате да се служите со лаги и измислици? Кој ви даде право да го валкате угледот на овие луѓе? Генералите и офицерите по кои плукате со партиски соопштенија, не паднале од небо – тие со години, со децении, носеле униформа, се заколнале на верност на државата (за разлика од вас што гледате да ја разнебитите), биле на првите линии кога било најтешко! Да, за разлика од вас, кои цел живот ја продавате државата за ситни интереси! Јас, како нивен поранешен колега, не секогаш сум се согласувал со сите одлуки, сме имале различни гледишта по некои прашања.Но едно знам – нивниот професионализам, нивната лојалност и нивната жртва за Македонија никогаш не биле доведени во прашање! И токму тие генерали што ги напаѓате (не се генерали од вчера) беа и понижени согласно одлуки на тогашното раководство на МО и на тогашниот потстанар во вилата на Водно Пендаровски. ДУИ и остатокот од Алијанса, вие сте изгубени во време и простор! Вие сакате армијата да ја вовлечете во вашата партиска кал, сакате да ја делите по етнички линки како што делевте институции, фирми, тендери… Ама армијата не ви е политичка играчка! Ова е македонска армија! Овие луѓе се патриоти, професионалци, браници на оваа земја! Не играат по партиски ноти, не ви се плашат, не клечат пред вас! И затоа ви пречат! За крај – колку и да се обидувате да ги валкате, народот не е слеп! Армијата била и ќе остане чувар на државата! А вие, политички трговци, ќе останете само фуснота во историјата на почетоците на македонската демократија во која секој можел да кажува секакви лаги и да остане неказнет. За крај, до загрижените од ДУИ и остатокот од Алијанса: овие генерали можеби и имаат учено во поранешна ЈНА и Србија. Таков бил системот. Но истите се вратиле во Македонија кога требало. Неисе - ете уште година - две ќе одат во старосна пензија. Туку што правиме со Талат Џафери кој исто така има учено во ЈНА и Србија (србоман и русофил ли е?) да не е и тој некој ,,скриен агент”?

Коментари | пред 1 година

Отишол на стоматолог, и пробал да му изнуди 5.000 евра со видео-клип - еден од изнудувачите е фатен

Јавен обвинител од Основното јавно обвинителство Скопје донесе Наредба за спроведување истражна постапка против едно лице осомничено за кривично дело – Изнуда согласно член 258 став 1 во врска со членовите 19 (во обид) и 22 (во соизвршителство).Осомничениот 33-годишен скопјанец, заедно со уште едно лице кое до сега не е идентификувано, со сила и сериозна закана се обиделе да принудат еден оштетен стоматолог да им исплати 5.000 евра.Откако претходниот ден осомничениот се јавил и закажал термин како пациент во ординацијата, на 29 јануари двајцата соизвршители дошле на закажаниот термин. Осомничениот од неговиот мобилен телефон му покажал на стоматологот видео клип со наводно компромитирачка содржина и побарал од него 5.000 евра за да не го објави.Во тој момент оштетениот започнал да го снима разговорот со неговиот мобилен телефон. Осомничениот го забележал, му го одзел телефонот и го избришал снимениот разговор. Потоа го натерал оштетениот заедно да излезат од ординацијата и се обиделе насилно да го внесат во автомобил. Оштетениот одбил, по што осомничениот му се заканил уште еднаш дека ќе треба и дополнително да плати затоа што ги снимал, па двајцата сторители заминале во непознат правец.Се преземаат дејствија за откривање на идентитетот на вториот осомничен, додека за првиот јавниот обвинител предложи да бидат определени мерки на претпазливост – обврска да се јавува повремено на определено службено лице или кај надлежен државен орган, привремено одземање на патна исправа за преминување на државна граница и забрана за нејзино издавање, како и забрана за приближување или воспоставување, односно одржување контакти или врски со оштетениот.

Скопје | пред 1 година

(Видео) Тешка несреќа на „Партизанска“: амбуланта се преврте, откако се судрија со автомобил

Тешка несреќа се случи ноќеска на булеварот „Партизански одреди“, каде се судриле „Тојота јарис“ и амбулантно возило.Од терен, познато е само дека од силината на ударот, амбулантното возило се превртело, но непознато е дали во него имало пациент и каква е состојбата на возачот, но и другите ко се превезувале.Не е позната ниту состојбата на возачот кој бил во автомобилот, чии делови се распрскале по булеварот.„Скопје1“ побара детали од МВР, од каде очекуваме одговор.

Македонија | пред 1 година

(Видео) Две лица загинаа, тешка сообраќајка на патот Штип-Кочани - едното возило се запалило

Во тешка сообраќајна несреќа што се случи денес на експресниот пат Штип – Кочани, во близината на селото Тркање, загинаа две лица. Несреќата се случила помеѓу две патнички возила, марка „пежо 3008“ и „фолксваген УП“. Едното од возилата по сообраќајката се запали, при што интервенираше кочанската пожарна единица за да го изгасне огнот. Едното лице од починатите е од Кочани, додека другото, кое е дистрибутивен работник од Скопје, е изгорен од огнените јазли.На местото на несреќата интервенираа Итната медицинска помош од Кочани, ТППЕ – Кочани, како и полицијата. Сообраќајот е во прекин, а возилата се пренасочуваат по споредни патишта.Од Министерството за внатрешни работи потврдија дека на 07.03.2025 година, околу 14:00 часот, во СВР Штип била пријавена сообраќајната незгода. Според изјавите, двата возачи починале на местото на несреќата, а увидот е во тек. Оваа трагична несреќа потсетува на важноста на внимателното управување со возилата и почитувањето на сообраќајните правила.

Македонија | пред 1 година

Палевски кажа дека е спремен за доживотна робија, па бара да се докаже дека куршумот со кој е убиен Панче е од пиштолот на Видевски

Нови барања истакнаа адвокатите на обвинетиот Љупчо Палевски-Палчо на денешното судско рочиште за убиството на Вања Ѓорчевска и Панле Жежовски. Бараат вештакот кој ја вештачел чаурата од куршумот со кој е убиен Панче Жежовски да биде повикан на распит во судница, да се дополни вештачењето дали оваа чаура е испукана од пиштолот на обвинетиот Боре Видевски. Ова не е прво рочиште како Палевски одговорноста ја префрла кај Видевски, чиј пиштол за кој имал дозвола, не е најден. Досега„Предлагам да се достави пронајдената чаура пронајдена на лице место со телото на Панче Жежовски, а предложена е од страна на обвинетиот на 31.12.2024. Во списите на предметот има вештачење на таа чаура од вешто лице каде е утврдено дека испукана од оружје калибар 9мм и дека на истата се пронајдени се пронајдени траги кои покажуваат дека е можно да се направи споредба со базата на податоци на МВР, по однос дали оваа чаура е испукна од оружје кое има одобрение односно дали таа чаура е испукана од пиштолот на Боре Видовски. Чаурата да се презентирана чаурата и вештото лице Јасминка Трајковска да се испита пред судот и да се произнесе за чаурата за да направи споредба доколку е надлежна“, побара адвокатот Марјан Витановски.20-тина докази на Палевски судот не ги прифати бидејќи веќе биле изведени. Потоа, Палевски побара изземање на судијата Ивица Стефановски, што не е првпат.„Барам изземање на претседателот на судската постапка Ивица Стефановски, под нова околност заради пристрасност, минатиот пат беше за неиздавање наредба, а сега за пристрасност и оневозможување фер и одбрана затоа што ги злоупотребува дискреционите права и не дозволува изведување на докази кои се во моја корист. Јас таа шанса во оваа постпака ја немам, и затоа на претседателот на судот му наведувам дека доказот за вештачење на 'реното кангу', ОЈО не кажа каде се подигнати трагите ниту пак објасни каде се пронајдени трагите од тројцат обвинети, на која околност, туку само беа прочитани дека билее пронајдени во реното кангу.Во неколку наврати ја коригира обвинителката како треба и што треба да каже во записник. Неколку пати е исправена во излагањето, а во исто време има 30-тина минута од 20 рочишта потрошени од ОЈО, со 26 сведоци кои не кажаа ништо. Но кога требаше јас да потрошам 30-тина минута за мојата одбрана и 21 доказ господинот судија најде причина да ми не ми ја овозможи“, рече Палевски, кој дополни очекува барањето за изземање да му биде одбиено од претседателот на судот Иван Џолев.Според него, на овој начин се прејудицира пресудата, па посочи дека е свесен дека ќе добие доживотен затвор.Тој го обвини судијата дека го крие оружјето со кое се извршени убиствата.„Барам ова изземање на судија кој крие оружје бидејќи не му одговараа на однапред донесена пресуда која е донесена на 05.12.2023 година на уште една политичка Гаврил Бубевски и Оливер Спасовски. Доживотната робија ниту ме плаши ниту влијае на мене, доказите кои судијата не сака да ги дозволи, не ги прочитал а како ли да ги цени. Не требаат докази кои се во корист на одбраната бидејќи пресудата е веќе донесена“, посочи Палевски.Ваквиот потег на Палевски доаѓа доаѓа на едно рочиште пред распитот на Велибор Манев. Досега, сите други обвинети во случајот молчеа, освен Влатко Кешишев кој достави писмо до судот во кое го брани Палевски, па на наредното рочиште кажа дека обвинетиот го принудил тоа да го направи додека ги превезувале до судот.

Македонија | пред 1 година

Паркирањето на Клинички ќе поскапи на 50 денари/час откако со него ќе раководи „Ѓока констракшн“ од Албанија

Ќе поскапи паркирањето на Клиничкиот центар во Скопје, обзнани министерот за здравство, Арбен Таравари. Тоа ќе се случи откако раководењето ќе го преземе фирмата „Ѓока констракшн“ од Албанија. Таравари споредуваше цени на паркингот низ трговските центри, со цените на паркингот на Клинички, на што новинарите му кажаа дека пациентите не одат за шетање на Клинички.„Сметам дека не е цена која е многу висока. Паркирањето во ‘Рамстор’ чини 60 денари, а кај ‘Нова Македонија’ 40 денари. Има места во Скопје каде паркирање чини по 100, 150 денари од час“, рече Таравари.Според него, договорот на албанската „Ѓока констракшн“ не е 20 години да стопанисува со паркингот, туку тоа ќе го прави додека таму е Клиничкиот центар.„Морам да кажам дека не се однесува договорот за 20 години, туку услов во договорот е дека фирмата која ќе го добие тендерот ќе стопанисува со паркингот додека е на тоа место Клиничкиот центар. Јас не верувам дека повеќе од 7-8, еве и 10 години таму ќе остане Клинички. Затоа и немаше интерес од компаниите, да беше на подолг рок ќе се пријавеа повеќе“, рече денеска Таравари.

Македонија | пред 1 година

Не направил ништо незаконско, ниту пак Владата е во право што бара негово разрешување, смета Коцевски

Не направил ништо незаконско, ниту пак Владата е во право што бара негово разрешување. Ова го смета републичкиот обвинител Љупчо Коцевски, кој рече дека ќе се произнесе по сите точки од предлогот за разрешување. Не искоментира што мисли за тврдењето на Владата дека интегритетот на Обвинителството и обвинителите е низок, токму во време кога тој шефува, па дека тоа е појдовна точка за негово разрешување.„Во текот на вчерашниот ден доставен ми беше предлогот за разрешување од страна на Советот на јавни обвинители. Во еден разумен рок ќе се произнесам за сите точки. Останувам на тоа дека, од она што можев да го разгледам, е дека во предлогот нема ниеден основ за утврдување на тешка дисциплинска повреда“, рече Коцевски.Кривичната пријава која му ја поднесе суспендираниот шеф на Вишото јавно обвинителство-Скопје, Мустафа Хајрулахи, не ја добил. Хајрулахи смета дека обвинителот направил грешки во постапувањето при водењето на истрагата. Но Коцевски вели: „Нема ништо незаконито што јавниот обвинител водел истрага..“.„Од тоа што го слушнав во медиумите, тоа е чудна кривична пријава. Дека наводно сите тројца обвинители се теретат за соизвршителство затоа што јавниот обивнител во Штип постапувал по предмет, односно за кривично дело за кое е запретена казна, за кое е нужно да се води истрага. Тоа не може во никој случај да биде основ за кривична одговорност. Од тоа што го дознав од медиумите, ја немам примено кривичната пријава“, посочи Коцевски.„

Македонија | пред 1 година

Случајот се контаминира, Туфегџиќ алармира: Ако се работеше за дете на функционер, а не дете на Раде и Кети, пристапот ќе беше друг

Адвокатот Владимир Туфегџиќ ја оправдува реакцијата на семејството Лешко, чиј син, Љупчо, почина по струен удар во приватен објект во Радишани, каде пуштал музика. Туфегџиќ посочува дека во случајот има невоедначени стандарди во постапување, па така, веднаш бил донесен заклучок дека е несреќен случај без да има наредба објектот да биде запечатен, а доказите да не бидат контаминирани.„Во случајот не е превземено ниту едно дејствие при увидот на лице место за да се утврди дали објектот има соодветна електрична инсталација и безбедносен систем за спречување на последици од струен удар кои се задолжителни во секој објект. Објектот е ставен во функција за вршење дејност, изнајмувани се дворно место, помошна просторија и базен за настани на кои се собираат поголем број на луѓе, менаџерот имал ценовник и тоа 200 евра за 6 часа и сето тоа е правено без потребните одобренија и дозволи. На лице место е вршено влијание врз сведоци да не се кажува дека го изнајмиле објектот а што е тоа ако не е попречување на правдата со влијание врз сведоци“, вели Туфегиќ.Тезата дека детето излегло од базен и настрадал од струен удар поради тоа што имало вода е неприфатлива, таман работа сите што излегуваме од базен да доживееме струен удар, додава адвокатот и посочува: „проблемот е во немање заземјување согласно релевантни стандарди и затоа имало движење на струјата по земја и вода и во таа насока обезбедив стручно мислење од еминентен стручњак од областа“.„Да потсетам, на струшкото пливалиште од струен удар настрадаа три лица на диво изградена платформа и несоодветна електрична инсталација и имаше судски епилог со осудителна пресуда. Одговорно тврдам доколку се работеше за дете на државен функционер или влијателен човек а не како во случајот дете на Раде и Кети, стандардите ќе беа поинакви и токму невоедначениот пристап и немањето унифицирани стандарди за воедначено постапување без оглед за кого и чие дете се работи се причина за ниската доверба во правосудството . Ние не бараме разговори со обвинителот туку законито постапување и јавнообвинителска одлука, конечно контролата ја спроведува вишото и републичкото јавно обвинителство“, додава адвокатот Туфегџиќ.Од смртта на Љупчо, изминаа седум месеци. Обвинителството нема донесено јавно-обвинителска одлука, ниту пак откриваат дали има осомничени лица. Познато е дека постојано се прават вештачења, но не и што тие откриваат. Обвинитечката Тања Трајчевска во одговор за „Скопје1“ само посочи дека и натаму се прибираат докази.

Македонија | пред 1 година

Обвинителот кој се спогоди со Кичеец па стана адвокат, пак сака да правораздава - аплицирал во четири обвинителства

Арсим Адеми, кој од обвинители отиде во адвокатура, а се прослави со спогодбата која ја направи со Зоран Милевски-Кичец за сообраќајката на Стража, сака пак да правораздава. На конкурсот кој беше распишан за избор на нови обвинители, поднел дури четири апликации. Па така, Советот на јавни обвинители, ќе одлучува дали ќе го врати, а може во скопското, кичевското, тетовското или пак, во гостиварското основно јавно обвинителство. Адеми изминативе години беше адвокат, а по спорната спогодба за која Советот на јавни обвинители можеше да отвори постапка против него. Сега може да се врати без можност Советот да му покрене било каква постапка.Во ОЈО-Кичево, ОЈО-Гостивар тој нема конкуренција и е единствен пријавен кандидат. За во ОЈО Тетово покрај него има уште тројца пријавени за да добијат обвинителска функција. За во ОЈО-Скопје има уште 19 пријавени, покрај него.Адеми пред три години се обиде да добие и повисока обвинителска функција, па беше кандидат за обвинител во Обвинителството за гонење организиран криминал и корупција. Но не беше избран, па за медиумите изјави дека нема да конкурира на наредни огласи за во ова обвинителство. Тогаш изјави дека во спогодбата за шест месеци казна затвор за Кичеец, за сообраќајката во која едно лице загина - нема ништо незаконско.Арсим Адеми завршил обука во Академијата за судии и обвинители во јануари 2016 година со најслаби оценки од сите кандидати, пишуваа медиумите. Но, само по два месеци е избран за обвинител во Гостивар. Правосуден испит положил пред 14 години.„Скопје1“ проба да исконтактира со Адеми на бројот каде и претходно имаме стапувано во контакт - но истиот е сега непостоечки.Избор на вкупно четириесет и седум обвинители во осумнаесет јавни обвинителства е на дневниот ред од 20. седница на Советот на јавните обвинители на Република Северна Македонија што ќе се одржи денеска со почеток во 10:30 часот во просториите на Советот.Најмногу, односно 14 јавни обвинители, треба да се изберат во Основното јавно обвинителство Скопје. По двајца јавни обвинители ќе се избираат во Основните јавни обвинителства во Битола, Гевгелија, Гостивар, Кичево и Струмица.

Македонија | пред 1 година

Што ќе се случи ако Маск го исклучи Starlink во Украина?

Русија систематски ја уништува украинската инфраструктура, вклучително и снабдувањето со електрична енергија и интернет, од самиот почеток на нејзината инвазија на Украина.Спасот дојде од вселената: веднаш по првите руски напади, тогашниот вицепремиер на Украина, Михаило Федоров, побара од бизнисменот од Тексас, Илон Маск, преку Твитер (сега X) во март 2022 година да ги отклучи неговите сателити Starlink за Украина. А Маск исто така спонтано одговори преку Твитер: „Старлинк е во живо, дополнителни системи за примање се на пат“.Оттогаш, сателитската интернет-услуга, обезбедена од компанијата на Маск, SpaceX, е главен столб на одбранбените напори на Украина. Starlink првенствено се користи за беспилотни летала, но и за интернет апликации и за идентификација и следење на целта. Сепак, украинската доверба во милијардерот Маск беше длабоко потресена уште во септември 2022 година.За време на првиот украински напад со беспилотни летала против руската Црноморска флота на Крим, радио контактот со сите беспилотни летала одеднаш беше изгубен и контранападот не успеа. Една година подоцна, се дозна дека Илон Маск лично им наредил на инженерите на Starlink да го исклучат системот, пишува Дојче веле.Обезбедувањето на услугите на Старлинк за Украина веќе е извршено преку приватната социјална мрежа Х без никаква јавна дискусија и без никаков парламентарен надзор. Од враќањето на Доналд Трамп на власт, Маск има широки овластувања. Што прави со Starlink е негова приватна одлука.Не е исклучено во одреден момент да го продадат проектот Starlink на оној што ќе понуди најмногу. Стратешки важен сателитски комуникациски систем може да падне во погрешни раце ако, на пример, тоталитарните држави или стратешките ривали би можеле да пристапат до оваа глобална мрежа. Украина и нејзините сојузници трескавично бараат воено остварливи алтернативи. Но, засега, сателитските комуникациски системи обезбедени од Шведска и Германија не можат да ја пополнат празнината што би се создала со исклучувањето на Starlink.Но, економските причини би можеле да играат улога и за бизнисменот Маск. Тој инвестираше многу во мрежата Starlink и не сака да ги исплаши оние кои би можеле да бидат заинтересирани за тоа во иднина.Во моментов, околу четири милиони луѓе користат Starlink. Моментално е достапен во Северна и Јужна Америка, Европа, делови од субсахарска и јужна Африка, некои азиски земји и Австралија и Нов Зеланд. Сателитскиот интернет Starlink е многу скап: самиот ресивер чини околу 400 евра, а месечната такса за користење е од 40 до 80 американски долари, во зависност од регионот.Starlink создава пристап до интернет со пренос на податоци преку светлина, како кабел со оптички влакна. Но, овој пренос е преку сателит. За таа цел, Илон Маск со години гради сателитска мрежа во која поединечни сателити си пренесуваат релевантни податоци еден на друг. Вселенската компанија на Маск, SpaceX, лансираше вкупно 7.770 сателити Starlink (податоци од 31 јануари 2025 година) во ниската орбита на Земјата од 2019 година. Целта е да се прошири мрежата до 42.000 сателити.За користење сателитски податоци, потребен е и уред за примање на Земјата, кој делува како рутер и ги поврзува уредите со најблискиот сателит. Ресиверот автоматски ја порамнува приемната антена, која е слична на сателитска ТВ антена, со достапниот сателит и потоа се воспоставува интернет конекција.

Свет | пред 1 година