ТОП

„Артан се издвојува од другите, не носи одлуки за личен интерес“ - Бектеши го бодри Груби

Ексминистерот за економија, Крешник Бектеши, застана во одбрана на сопартиецот Артан Груби, кој се најде на т.н. „црна листа“. Статусот на Бектеши може да се сфати и како тешење на Груби, а откако тој реши да се повлече од јавниот живот, но не и партискиот.„Тие што го познаваат Артан, добро знаат дека тој носи одлуки од општ интерес, а не од личен! Така е и оваа одлука полна со храброст, каде семејството е пред се. Артан се издвојува од многу други кога е време за големи одлуки. И покрај се, за мене и јас верувам дека и многу други кои те познаваат колегијално но и приватно, продолжуваш да бидеш вредна личност со високи доблести“, напиша Бектеши.Инаку, Груби објави ферман каде посочи дека е чист како солза, но дека ќе се повлече од јавниот живот.[caption id="attachment_316911" align="alignnone" width="696"] Screenshot[/caption]

Македонија | пред 1 година

„Беса Транс“ со право се жалеле одлучила Апелација - пресудата е укина пресудата

Случајот за фалсификување на исправа за автобусот на „Беса Транс“ ќе се суди одново, а Апелација смета дека фирмата со право се жалела, заедно со сопственикот Беким Хаџиу. Според судот, има суштински повреди во постапката. Па така, укината е казната од околу 13.000 евра и забраната за давање лиценца за превоз на патници во наредните четири години.Според Апелација, Кривичен суд и судиите не ги утврдиле точните факти, па затоа, пресудата од 7 март оваа година морала да биде укината по службена должност. Предметот го водеше судијата Ивица Стефановски кој го суди судскиот процес за убиството на Вања и Панче, а претходно го судеше процесот за убиството кај Смилковското Езеро.Овој случај беше отворен по големата трагедија која се случи со автобус на „Беса Транс“, кога имаше сообраќајка во Бугарија, па загинаа 45 патници. Судијата Стефановски пресуди дека газдата е виновен бидејќи во повеќе наврати била употребена лажна исправа, односно извод од лиценца, која воопшто не била издадена од Министерството за траспорт и врски.

Македонија | пред 1 година

Поранешна пратеничка против Уставен: Па зошто Македонците да не го познаваат и албанскиот јазик

Никица Корубин, поранешна пратеничка и аналитичар, со статус на „Фејсбук“ ја критикува одлуката на Уставниот суд во однос на Законот за јазиците:„Само-делегитимирањето на уставните судии да го заштитат уставно загарантираното право на употребата на албанскиот јазик, како службен јазик, преку “барање помош од странски експерти” е всушност најголемата политизација на уставниот суд, која тие гласно ја префрлаа кон другите. Па, ако тие самите не се уверени во сопствената стручност и непристрасност, зошто граѓаните би биле уверени во нивната?Оваа добро позната тактика, “на купување на време” сеприсутна во политичкиот живот, се прелеа и на институциите. Кои се всушност и системот на една држава, а последователно функционалност на едно општество. И само ја продолжија, наместо да ја скратат, агонијата на заблудата со која систематски се храни ова општество. Агонијата на уште една замрзната, темпирана статус-кво ситуација.Заблуда за јазикот и неговата суштина. Заблуда за идентитетот и неговата заштита. Заблуда за позицијата на државата и односот кон меѓународната заедница. Заблуда за стратешките и темелни меѓународни договори. И ако со таа заблуда (не)свесно се задојуваат граѓаните, кој ќе го штити системот? Од задојувањето и заробувањето. Но, од сите заблуди, заблудата за албанскиот јазик е најдолго присутна.И стои на врвот на наменските “фобии и стравови”. (Дис)квалификуван и сатанизиран, како една од најголемите опасности за Македонците и нивниот (вечен) страв од “другите” од него направи врвно страшило. И не е само стравот Албанците да говорот на сопствениот јазик, поголемиот страв е Македонците да го разбираат албанскиот јазик. И затоа тие никогаш и не смеат да го научат албанскиот јазик.А, нели “јазикот наш насушен” е сржта на идентитетот, па како тогаш нашиот етнички идентитет е клучен, а другиот е непожелен? Оваа опасна релативизација, освен што на површина ја вади манипулацијата (и со македонскиот и со албанскиот јазик), уште повеќе го открива класичниот шовинизам и чувство на супериорност. Изворно не-македонски, ама ефективно токму македонски. Правејќи од Македонците “џелати”, наместо “жртви” и на себе и на другите.И токму затоа, секогаш таргет беше емотивниот, а не рационалниот сегмент: не е битно што Албанците говорот албански јазик во “нивните средини”, битно е албанскиот јазик никогаш да не се говори во “нашите средини”. Да ги “гетоизираме”, за случајно јазикот да не се прелее и да го научат и другите. Затоа што мултиетничноста токму тоа и подразбира, можност од најрана возраст да говориш повеќе јазици, па зошто Македонците да не го познаваат и албанскиот јазик?Кога веќе “франкофонската” Северна Македонија, отсуствуваше од најголемиот културен и цивилизациски настан, лекцијата за реставрација и конзервација на Нотр Дам (Notre Dame), кога веќе францускиот исчезнува пред налетот на англискиот и германскиот јазик; зошто е толку голем тој “грев” да се знае и албанскиот јазик? Таман ќе најде примена, при “слободното движење на стоки и луѓе” во Отворен Балкан.И затоа е потребно тоа статус-кво, политичко, институционално и пред се’ ментално. Заробена и затворена свест живее во заблуда, а не во реалност. И наместо нашите лингвисти да предложат воведување и на албанскиот јазик во основните училишта за сите, тие во (пост)југословенски супремациски манир, говорат за ексклузивитетот на македонскиот јазик. Па, токму на тој начин и со меѓусебно почитување, вреднување и говорење, ќе се постигне и најголемата заштита на јазикот. На граѓанска држава со граѓански устав и со заштитена етничка припадност, кои уставните судии, одбиваат да ја бранат на јасен и недвосмислен начин.И затоа треба да се повика на учење и на албански и грчки, и бугарски и српски, и на било кој соседен или близок јазик. Само така, ќе се негува и сопствениот македонски јазик. А, јазикот на заблудата, конечно ќе се замени со јазикот на рационалноста и вистината. Вистината за тоа каква држава и општество, мора да имаме.Никица Корубин како пратеник влезе од редовите на ЛДП, за потоа да објави дека ќе продолжи да делува во Собранието како независен пратеник и како фракција во ЛДП.

Коментари | пред 1 година

Град Скопје лидер меѓу општините во плаќање адвокати: Данела само лани им исплатила 214 илјади евра, покажува истражување

Градот Скопје лидер меѓу единиците на локална самоуправа Сите општини и Град Скопје, во 2023 година исплатиле 67.269.053 денари или 1,1 милион евра за адвокати по различни основи, покажува истражувањето на Центарот за граѓански комуникации.„Најчеста основа е за „правни услуги“, потоа „трошоци по извршни исправи“ и „плаќања по судски решенија“. 40-тина проценти од исплатената сума од 1,1 милион евра е за адвокати кои општините сами ги ангажирале, додека останатите 60 % се за исплатени адвокатски услуги по други основи како извршни исправи, судски решенија итн.Од 81 единица на локална самоуправа, 72 имале исплати за користење на адвокатски услуги во 2023 година, додека општините Босилово, Валандово, Градско, Делчево, Зрновци, Јегуновце, Карбинци, Липково и Пласница не користеле услуги на адвокати, ниту исплатиле адвокати врз други основи.Една четвртина од општините исплаќаат месечен паушал на некој адвокат, во ист или приближно ист износ.Градот Скопје потрошил 13.157.312 денари или 214 илјади евра за адвокати во 2023 година, односно 21,5 % од вкупниот износ кој го исплатиле сите единици за локална самоуправа заедно. Овие средства се исплатени на вкупно 106 адвокати чии што услуги Градот Скопје ги користел или морал да им исплати во 2023 година.Општина Гази Баба е на второто место со исплатени 7.589.821 денари или 123 илјади евра што претставува 11,3 % од вкупниот износ кој го исплатиле сите единици за локална самоуправа. Овие средства се исплатени на четири адвокати, од кои 81 %, односно 6.152.377 денари или 100 илјади евра на адвокат Влатко Ристовски, што воедно е и највисокиот износ кој една единица на локална самоуправа го исплатила на еден адвокат. Основата за исплата е за „изградба на пречистителни станици и колектори“.Во однос на вкупниот број на исплатени адвокати повторно на врвот е Град Скопје со 106, пред Општина Битола со 60 и Општина Куманово со 35“, стои во истражувањето.

Скопје | пред 1 година

Една од најважните битки во војната беснее над Украина: Русите имаат лукава тактика

Во обичен црвен автобус, тим од украински војници од 164-та радиотехничка бригада внимателно ги следи екраните на кои формите со жолти точки претставуваат руски дронови, проектили и авиони кои влегуваат во украинскиот воздушен простор. Нивната задача е да ги идентификуваат целите и да ги пресретнат пред да предизвикаат уништување во градовите и населбите.Во последниве месеци, бројот на „точки“ на екраните драстично се зголеми бидејќи Русија ги зајакна своите резерви благодарение на новата фабрика за беспилотни летала и муниција од Северна Кореја.Според анализата на Волстрит журнал врз основа на податоците од командата на украинските воздухопловни сили, Русија истрелала повеќе од 6.000 експлозивни беспилотни летала и проектили врз Украина во периодот од септември до ноември. Ова е повеќе од три пати повеќе од бројката во споредба со претходните три месеци и повеќе од четири пати повеќе од бројот во однос на истиот период во 2023 година.https://twitter.com/front_ukrainian/status/1844733460524491011Русија сега користи рекордни количини ирански беспилотни летала Шахед, како и балистички ракети кои потешко се пресретнуваат. Една од тактиките на Москва вклучува испраќање евтини мамки за да се истроши воздушната одбрана на Украина. Овие беспилотни летала често се опремени со термобарични боеви глави и ракети кои избегнуваат радари.„Целта е да се исцрпат капацитетите за противвоздушна одбрана“, изјави за Вашингтон пост мајор Антон Јановиќ, командант на 164-та бригада. Украина се обидува да одговори на овие напади со зголемено електронско заглавување, но војската се соочува со недостиг на современи противракетни системи потребни за да биде во чекор со руските напади.Зголемените напади ги оштетуваат електричните мрежи на Украина и предизвикуваат цивилни жртви, што дополнително го загрозува моралот на населението. Сепак, овие напади, исто така, ја покажуваат растечката зависност на Русија од сојузниците, вклучувајќи ги иранските беспилотни летала и севернокорејските ракети.Во октомври Украина пресретна или уништи 93% од сите беспилотни летала, додека успехот на пресретнување на балистички и хиперсонични ракети беше само малку поголем од 8%. Иако податоците се нецелосни и делумно служат како пропагандна алатка, анализите ги потврдуваат извештаите од теренот и изјавите на украинските функционери.Западните земји обезбедија модерни системи за воздушна одбрана на Украина, но претседателот Володимир Зеленски предупредува дека е потребно многу повеќе.

Свет | пред 1 година

Мистериозни беспилотни летала брмчат над клучните објекти во Америка со денови, некои тврдат дека се издигнуваат од морето, Белата куќа: „Не знаеме ништо“

Американските медиуми пред седум дена почнаа интензивно да известуваат за мистериозни летечки објекти кои ги вознемируваат граѓаните во областа Њу Џерси. Феноменот се шири кон југот од Њу Џерси; предградијата на Филаделфија и крајбрежните градови, но и кон Њујорк.Не се знае кој и зошто ги издигнува над американско тло, со посебен интерес за инфраструктурата и воените објекти.Безбедносните агенции и полицијата се уште немаат понудено одговор на граѓаните за што точно се работи, без разлика што темата безбедност на нацијата е ставена на маса, а некои локални политичари јавно зборуваат за дронови - издигнување од морето.Во меѓувреме, слични случаи се забележани и во воена воздухопловна база во Велика Британија. Со оглед на тоа што е малку чудно што најмоќната разузнавачка служба во светот сè уште не знае или не сака јавно да споделува информации за чии беспилотни летала и зошто зујат над Америка во роеви, приказната би изгледала сосема бизарна доколку мејнстрим медиумите а угледните блогови не му посветија многу значајно внимание.Интригантни, големи приказни за чудни феномени со дронови беа објавени од, на пример:https://www.nytimes.com/2024/12/07/nyregion/new-jersey-drones.htmlhttps://apnews.com/article/fbi-drones-new-jersey-a978470fa3bb07ed3e98c5b7c18f0abbhttps://www.theguardian.com/us-news/2024/dec/11/new-jersey-drone-sightings-state-of-emergencyhttps://abcnews.go.com/US/new-jersey-drones-federal-response/story?id=116684879Донесуваме толкувања од дел од пишувањата на американските медиуми кои досега не го намалија, туку напротив го зајакнаа впечатокот за мистериозноста на појавите на американското небо. Не е тајна дека Американците се прашуваат дали ова е безбедносна закана. Локалните политичари многу гласно бараат одговори од безбедносните служби.Веќе во ноември, пишува Њујорк Тајмс, во неколку окрузи во државата Њу Џерси имало бројни извештаи за појава на мистериозни беспилотни летала кои летаат ниско во текот на ноќта над различни локации, вклучително и инфраструктурни објекти како што се резервоари, далноводи, железнички пруги, па дури и блиски воени бази и објекти што му припаѓаат на идниот претседател Доналд Трамп. Сведоците ги опишуваат беспилотните летала како невообичаено големи, силно осветлени и со карактеристично гласно брмчење.Она што предизвикува особена загриженост, нагласува Њујорк Тајмс, е недоволното знаење за потеклото и намената на овие летала. Додека локалните и федералните власти - вклучително ФБИ и ФАА - беа предупредени и побараа информации од јавноста, тие не понудија убедливо објаснување до овој момент. Официјалните лица посочуваат дека нема позната закана за јавноста, но фактот што беспилотните летала се движат во близина на критичните инфраструктурни точки и воени средства предизвикува загриженост. Во некои случаи дури и беше нарушена работата на итните служби, како на пример медицински хеликоптер кој мораше да го одложи слетувањето поради беспилотни летала.И американската администрација која се грижи за безбедноста на воздушниот сообраќај нема одговор на прашањето за што се работи.Расте тензијата и меѓу жителите кои се чувствуваат вознемирени и беспомошни. Многу луѓе се прашуваат зошто се појавуваат овие дронови и какви уреди за снимање имаат. Луѓето се плашат за својата приватност, а некои ги доживуваат како заканувачко присуство, иако нема докази за директна опасност. Посебно загрижува фактот што феноменот се прошири од северниот дел на Њу Џерси кон југот на државата, околните предградија на Филаделфија и крајбрежните градови, но и до Стејтен Ајленд во Њујорк. Таму, тие беа видени во близина на поморски терминал и локален службеник повика на истрага на ФБИ и ФАА.

Свет | пред 1 година

Ноќеска се тресеше во Косово, земјотресите почувствувани и во Македонија

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, рано утринава, 12.12.2024 година во 01 часот и 46 минути и 03 часот и 59 минути, регистрираа земјотреси чии епицентри се наоѓаат во Р. Косово.Според досегашните податоци со кои располага опсерваторијата: епицентарот на првиот земјотрес е 76 км северозападно од Скопје со локална Рихтерова магнитуда МL4.0, a е почувствуван во северозападниот дел на државата со интензитет од IV степени според Европската макросеизмичка скала, епицентарот на вториот земјотрес е 66 км северозападно од Скопје со локална Рихтерова магнитуда МL3.3 а е почувствуван само во западниот дел на државата со интензитет од III степени според Европската макросеизмичка скала.

Македонија | пред 1 година

Најмногу снег на Попова Шапка

Најниска температура утрово е измерена на Попова Шапка кадешто било -4 степени, -1 било во Берово и Маврови Анови, 0 во Крушево и Лазарополе, 1 во Прилеп и Струмица, 2 во Битола, Демир Капија, Штип и Кавадарци, 3 во Охрид и Претор, 4 во Гевгелија, Дебар, Крива Паланка, Виница, Велес и Куманово, 5 во Скопје-Петровец и Тетово, 6 степени се измерени во Скопје-Зајчев Рид.Висината на снежната покривка во 7 часот утрово изнесувала 42 сантиметри на Попова Шапка, 29 во Маврови Анови и 6 во Крушево.Времето во текот на ноќта и изутринаваУмерено до значително облачно со слаб локален дожд. По одделни котлини има појава на магла, особено во Пелагонија. Наместа дуваше слаб до умерен ветер претежно од северен правец.Времето денескаПретпладне по одделни котлини, особено во Пелагонија ќе има појава на магла и ниска облачност. Во текот на денот ќе биде променливо облачно со сончеви периоди. Вдолж Повардарието ќе дува слаб до умерен ветер од северен правец. Максималната температура ќе достигне од 5 до 14 степени.Во Скопје претпладне ќе има услови за појава на слаба магла, а во текот на денот ќе преовладува променливо облачно време со слаб северен ветер. Максималната температура ќе достигне до 10 степени.

Македонија | пред 1 година

Променливо облачно со слаб северен ветер

Претпладне по котлините ќе има појава на магла и ниска облачност. Во текот на денот променливо облачно со сончеви периоди. Вдолж Повардарието ќе дува слаб до умерен ветер од северен правец. Минималната температура ќе биде во интервал од -3 до 4, а максималната ќе достигне од 5 до 14 степени.Во Скопје претпладне ќе има појава на магла и ниска облачност, а преку денот ќе преовладува променливо облачно време со слаб северен ветер. Минималната температура ќе се спушти до 3, а максималната ќе достигне до 10 степени.ВРЕМЕТО ВО НАРЕДНИТЕ ДЕНОВИДо сабота во утринските часови по одделни котлини ќе има појава на магла или ниска облачност. Во сабота попладне, во текот на ноќта и во недела ќе има повремени врнежи од дожд. На планините, а во недела и на некои од повисоките места врнежите ќе бидат од снег. Во недела попладне и во понеделник ќе дува засилен северен ветер.

Македонија | пред 1 година

Артан Груби донесе одлука: Ќе се повлечам, за да не бидам нечив политички товар

Два дена откако беше ставен на црната листа на САД, Артан Груби, поранешен вицепремиер од редовите на ДУИ, одлучи да се повлече од политиката и јавниот живот.„Целиот мој јавен живот, бескомпромисно сум посветен на еднаквоста на Албанците во Северна Македонија, за регион во мир, за целосна интеграција во НАТО, за стратешко партнерство со Соединетите Американски Држави и за членство во Европската Унија. Тоа се вредности кои не се само мој двигател, туку и обврска што отсекогаш сум ја чувствувал. Нашите достигнувања, за кои сите сме сведоци, не се само заслуга на мојата посветеност и на моите колеги, туку и на искрената и континуирана поддршка од нашите пријатели од Соединетите Американски Држави и Европската Унија. Фактот што денес Северна Македонија е членка на НАТО и ги започна преговорите за членство во Европската Унија е јасен доказ за оваа соработка и заедничка посветеност.Но, цената на оваа посветеност, цена која отсекогаш била во служба на вредностите и правдата, е тешка за мене и за моето семејство. Огромните напади низ годините, погрешните толкувања и нефер штрајкови ме натераа да размислувам за мојата улога во овој важен момент за земјата и за нејзината иднина. Иако одлуката нагласува дека таа не е за осуда, туку за поттикнување на подобрување на однесувањето, јас пред Бога, семејството и пријателите сум чист како солза, но со намера да придонесам за вистината, која многумина од вас гледам дека веќе ја знаете, а за да не бидам ничив политички товар, решив да се повлечам од јавниот живот и за ова го информирав Претседателот Ахмети уште од првиот ден. Ова е тешка одлука, но неопходна за мир на моето семејство и зачувување на мојот личен и политички интегритет, како и за поддршка на континуитетот на работата и посветеноста на нашиот лидер Али Ахмети. Верувајте во неговиот правилен пат, пат кој беше и останува најголема надеж за Албанците и за сите граѓани на Северна Македонија.Секогаш останувам посветен на овие вредности и ќе бидам покрај нив, како граѓанин и како поддржувач на општото добро. Со почит и огромна благодарност со сето срце за вашата поддршка низ годините, Артан Груби“, напиша ексфункционерот.

Македонија | пред 1 година

(Видео) Дафина Стојaноска: ВРЕДИ да не се трудат да бидат ДУИ, не сме ветиле менување на името

Пратеничката од ВМРО-ДПМНЕ, Дафина Стoјаноска, осуди дел од однесувањето на коалицискиот партнер ВРЕДИ. Ги посочи неистакнувањето на државното знаме и други чекори кои го негираат македонското национално чувство.„ВРЕДИ да не се трудат да бидат ДУИ“, рече Стојаноска.Таа рече дека е горда зошто не гласала за промена на името на државата. Посочи дека во последната изборна кампања не ветувале промена на името.

Македонија | пред 1 година

(Видео) Стојаноска: Груби е симбол на криминалот во ДУИ

Наше ветување беше и во тек е разрешување на Судскиот совет и Советот на јавни обвинители, рече во Претрес со Ландов, пратеничката од ВМРО-ДПМНЕ, Дафина Стојаноска.Ќе изнајдеме начин да го реализираме ова, рече Стојаноска.„Ако судиите почнат да работат според словото на законот, ќе бидат оставени. Пред годинa и пол на Груби му порачав од говорница да си ги спреми скапите патики за во затвор. Артан Груби е симбол на криминалот во ДУИ“, рече Стојаноска.

Македонија | пред 1 година

(Видео) Дафина Стојаноска посочи дека има пратеник со хотел, асоцирајќи на Апасиев

Не сум имала обврска да го пријавам имотот на мои блиски. Ова ми е како трач рубрика, рече во Претрес, Дафина Стојаноска, пратеник од ВМРО-ДПМНЕ за обвинувањата дека има таа или блиски неколку станови во Скопје.„Не сум само јас што земам патни трошоци. Јас патувам реално зошто живеам во Гостивар. Дел од средствата кои ги земам ги вложувам кај што треба, но со тоа не се фалам. На линч се ставени само пратениците, на наредни избори само скопјани да бидат пратеници. Има пратеници кои имаат хотел“, рече Стојаноска, посочувајќи дека тоа е пратеник кој земал хонорари од СЈО, асоцирајќи дека Димитар Апасиев има хотел”.- Нека не се грижат како трошам плата од 2.000 евра и патни трошоци, рече Стојаноска и јасно кажа дека нема да се откаже од патните трошоци.„Сакаат, рече, да ме замолчат, но нема“.

Македонија | пред 1 година

„На Град Скопје сега му се заканува целосна блокада, Арсовска не поднесе буџет во роковите”, алармира Стојановски

“Нема крај на скандалите кога станува збор за Данела Арсовска”, вели Мартин Стојановски, координатор на советниците од ВМРО-ДПМНЕ и додава:“Арсовска сега не поднесе предлог буџет за 2025 година во законскиот предвиден рок. На град Скопје сега му се заканува целосна блокада.Граѓаните треба да ја знаат реалноста!”

Скопје | пред 1 година

(Видео) Дафина Стојаноска: ДУИ не ги бива за на улица и ништо не им оди од рака

На ДУИ ништо не им оди од рака рече во „Претрес“ со Ландов, Дафина Стојаноска, пратеник од редовите на ВМРО-ДПМНЕ.„Ние ветивме и реализиравме ДУИ да не биде дел од новата власт. ДУИ не ги бива за на улица ова им се обиди за повикување на етнички тензии.Не им оди нешто од рака. Ништо не се случи денес како што се закануваа. Мора да се научат да бидат опозиција“, рече Стојаноска.Останува слоганот, рече - „Македонија повторно горда и твоја“.

Македонија | пред 1 година

(Во живо) „Претрес“ на Дафина Стојаноска: Молкот за 27 април, Груби неказнет, за „горда“ и „северна“, тешкиот живот на Македонецот

Дафина најави одговорност за Груби, ама САД го „казнува“. Во кампањата, Дафина говореше за 27 април, а денес, осудениците зборуваат дека правда нема. Граѓаните очекуваа одговорни пратеници, а што добија?До кога на наш грб? Што е со тензиите кои се присутни поради реториката на ДУИ, но што и со Законот за јазици? Исти судии, исти обвинители - па нели ќе ги менуваа? Треба ли социјални згради, наместо пари за патни трошоци? И за вашите критики кои ги имате кон Дафина поради становите од кои нема клуч...Гледајте во 20 часот, во живо:

Македонија | пред 1 година

Апелација за ставањето на нивниот судија на „црната листа“: Дадоа поддршка на САД и истражните органи

Апелациониот суд-Скопје се огласи за ставањето на црна листа на судијата Енвер Беџети кој е од нивните редови.„Како единствен второстепен суд кој постапува по предмети од организиран криминал и корупција од висок профил во Република Северна Македонија, во целост ги поддржува заложбите за борба против корупцијата, која претставува закана за владеењето на правото и врши ерозија на капацитетите на судската власт и ги намалува демократските вредности.Оттука, Седницата на судии на Апелациониот суд Скопје во целост се согласува дека бескомпромисна и неселективна борба против корупцијата, во сите сегменти на државните власти, е од приоритетно значење и важност.Судиите на Апелациониот суд Скопје со целосно изграден индивидуален интегритет и личен однос кон прашањето на корупција и судир на интереси, продолжуваат да градат отпорност кон политички и било какви други влијанија при правораздавањето, преку професионалност и транспарентност во работењето и почитување на принципите на националното и меѓународното право.Независно, непристрасно, професионално и одговорно судство е важен столб на секоја држава, па оттука судиите на Апелациониот суд Скопје ја поддржуваат секоја заложба на надлежните државни институции за откривање и борба против евентуални случаи на висока корупција во судството, заради зачувување на интегритетот на судиите и судството во целина, но со почитување на начелото на презумпција на невиност“, вели Апелационен суд-Скопје.

Македонија | пред 1 година

До мај нема да има одлука за Законот за јазици, Уставен се жали на политички притисоци

Претседателот на Уставниот суд на Република Северна Македонија, Дарко Костадиновски, истакна дека одлуката за одржување подготвителна седница за иницијативите за оценување на уставноста и законитоста на Законот за употреба на јазиците не треба да се толкува како слабост. Тој информираше дека на работен состанок на 23 декември ќе се дефинираат спорните прашања, а по завршувањето на подготвителната седница, најдоцна до мај, Судот ќе одлучува по предметот.„Во оној момент кога ќе го добијам пријателскиот совет од Венецијанската комисија, веднаш ќе биде свикана подготвителната седница. Побарав од судијата известител најдоцна до 23 овој месец да ги подготви спорните правни прашања за подготвителната, да подготви предлог-листа на учесници и во оној момент кога ќе го добиеме мислењето, моја проценка дека ќе биде почетокот на март, ќе биде одржана подготвителната седница“, изјави на претседателот на Уставниот суд, Дарко Костадиновски.Прашан зошто иницијативите поврзани со овој закон не биле ставени порано на дневен ред, Костадиновски укажа на фактот што две години Уставниот суд работел со минимум кворум од пет судии, а надлежноста за изборот на судиите, како што рече, ја има Собранието.„Две години работевме на раб на кворум. Замислете еден судија да не дојде или нешто да се случи – ќе немаме Уставен суд. А, ако немаме Уставен суд, импликациите се мултиплицираат. Но, за останатите три години нема оправдување зошто не е одлучувано. Сензитивноста за одредени предмети не поминува со минувањето на времето. Овој предмет беше сензитивен кога ги добивме и првите иницијативи пред пет години, денеска е сензитивен, ќе биде сензитивен и во 2030 година. Од негде мора да се почне. Овој суд ќе ја донесе одлуката за тој предмет, никој да нема дилема“, додаде претседателот на Уставниот суд.На денешната прес-конференција по одржаната 32. Седница, Костадиновски нагласи дека судот е изложен на политички притисоци и манипулации, но дека ќе продолжи со постапувањето по предметот, барајќи мислења од странски експерти за да обезбеди независност и непристрасност. Тој ги отфрли обвинувањата за политичко влијание и етничко надгласување, истакнувајќи дека Уставниот суд е чувар на Уставот и правдата.

Македонија | пред 1 година

Важен сведок од случајот за убиството на Вања, осомничен дека палел кафуле два дена пред судењето кога требаше да сведочи

Сведокот Гоце Трајковски кој во два наврати не се појави на судењето за убиството на Вања Ѓорчевска и Панче Жежовски, доби статус на осомничено лице - за подметнување на пожар во кафуле во Кисела Вода. Два дена пред да треба да се појави во суд и да каже како собирале докази со Александар Ѓорчевски, таткото на Вања, тој со уште две лица отишол и запалиле кафуле во стамбена зграда.„Во однос на сведокот Гоце, тој е осомничен за друго тешко кривично дело и е во моментов недостапен за органите на откривање и органите на прогон. Тој е осомничен за палење на објект-кафуле во кој, над објектот живеат станари. Се работи за тешки дела против општата сигурност, во кој две лица соизвршители“, рече шефот на скопските обвинители, Гаврил Бубевски.Практично, Гоце Трајковски требаше да сведочи на 15 ноември. Неговата мајка, Кираца, која е сведок, кажа дека нејзинот син е во лоша здравствена состојба и затоа не дошол. Тој е поканет да се појави на следното рочиште за неколку дена. Доколку не се појави, ќе се чита неговиот исказ во Обвинителство, а со оглед дека е во бегство.Инаку, тој се сомничи за намерно палење на угостителски објект.„На 13 ноември, околу 3 часот наутро, тројцата со пожар предизвикале имотна штета од поголема вредност во износ од околу 450 илјади денари. Со оглед на тоа што кафулето е лоцирано во поголема станбена зграда, постоела опасност тие со пожарот да предизвикаат и значителна опасност за животот и телото на станарите. На местото пристигнале со автомобил “Фолксваген голф“, се паркирале во близина на кафе барот, а едниот осомничен останал во возилото да чека. Вториот осомничен зел секира од багажникот и го скршил лизгачкото стакло, додека третото лице кое е идентификувано и се преземаат мерки за негово пронаоѓање, запалило оган со бензин. Потоа сите заедно избегале од местото. Истрагата е отворена, бидејќи со дејствијата како соизвршители предизвикале – Тешки дела против општата сигурност по член 292 став 1 во врска со член 288 став 1 од Кривичниот законик. За двајцата осомничени кои се веќе обезбедени, по предлог на јавниот обвинител, определена им е мерка притвор“, вели Обвинителството.Трајковски во случајот за Вања, требаше да каже како ги поврзал двете убиства - на Вања и Панче. Да раскаже и како дошол до снимките од видео надзорот, од каде црпел информации, каква е поврзаноста на таткото Александар.

Македонија | пред 1 година

Има притвори за случајот со тендерите во ЕСМ

Судии на претходна постапка при Основниот кривичен суд Скопје, постапувајќи по предлог на Основното јавно обвинителство за гонење организиран криминал и корупција за определување мерки за обезбедување присуство и мерки на претпазливост против 23 лица кои утрово беа спроведени во судот, а поврзани со акцијата од обвинителството означена како „Адитив“, донесоа решенија со кои:По произнесување на Јавниот обвинител и приведените осомничени лица, во присуство на нивни бранители, како и ценење на фактите и доказите приложени во предлозите за определување мерки, за осомничените :В.С., П.С., М.С., М.Ј., Д.С., Н.С., Р.С. и П.М. го прифати предлогот на Основниот јавен обвинител и им определи мерки притвор во траење од 30 дена, заради постоење на основите од член 165. ст.1, т.1., 2. И 3. од ЗКП, односно Опасност од бегство, Влијание врз сведоци и Околности дека може да го повтори делото, за осомничениот М.С. , имајќи ја предвид неговата возраст и преземените дејствија, судот му определи мерка куќен притвор.За осомничените:Д.С., С.М., П.Ч., Д.С., А.М., З.Н., З.А., С.М., М.В., Д.Ч., В.М., Н.Н. и С.К., судот го прифати предлогот за определување мерки за претпазливост согласно член 146 ст.1, т.2, 3. и 6. односно Одземање на патна исправа, Обврска повремено да се јавува во судот, Забрана за одржување и воспоставување контакти, како и т.7 за одредени лица односно Забрана за преземање на определени работни активности поврзани со кривичното делоШто се однесува до осомничениот В.К. кој, до овој момент не е лишен од слобода ниту е спроведен или се јавил во судот, до Основниот кривичен суд Скопје, надлежниот Јавен обвинител достави предлог за определување мерки за претпазливост согласно член 146 ст.1, т.2, 3. и 6. односно Одземање на патна исправа, Обврска повремено да се јавува во судот и Забрана за одржување и воспоставување контакти, за кои судот дополнително ќе одлучува откако истиот ќе биде обезбеден од органите на прогон. Јавноста треба да биде запознаена дека согласно Законските одредби судија на претходна постапка не може да определи построги мерки за обезбедување присуство од мерките кои ги предлага Јавниот обвинител.Против овие решенија странките имаат право на жалба пред Кривичниот совет.

Македонија | пред 1 година

Потврдени се сомнежите за несоодветно лекување на Онкологија, а опостојуваат и сомнежите дека пациенти не добивале терапија, вели Обвинителството

Пациенти биле несоодветно лекување на Онкологија, потврдиле вештачењата кои Обвинителството ги добило од соседна Србија. Ова на брифинг со новинарите, го соопшти скопското Обвинителство, кои посочија дека се чека и второ вештачење кое се прави во Словенија. И натаму опстојуваат сомнежите дека на некои пациенти не им е давано терапија, иако е препишувана на нивно име.„Испративме истории во Србија, околу 16 истории со што тоа вештачење е изготвено и ние доставено на нас. Другото вештачење по однос на останатите 51 историја – тоа се уште не е готово и имаме прелиминарен извештај дека до крајот на јануари ќе биде готов и тој извештај“, велат од скопското Обвинителство и додаде:„Нашите сомнежи по однос на несоодветно лекување се потврдени со вештачењето од Србија, а другото вештачење не можам да го коментирам. Се надевам дека тогаш би ја затвориле истрагата“.Непотврдени останале сомнежите дека имало продажба на скапата биолошка терапија во странство. Шефот на скопското Обвинителство, Гаврил Бубевски, посочи дека истрагата за овој случај е при крај.

Македонија | пред 1 година

Екс директорот на ЕСМ, Васко Стефанов, со лисици спроведен во Кривичниот суд

Дваесетина осомничени, со лисици на раце, беа спроведени денеска во Кривичен суд. Тие се осомничени во акцијата „Адитив“, за криминал на ЕСМ и РЕК тежок 6,5 милиони евра.Мeѓу нив, во судот со лисици на рацете беше донесен и поранешниот директор на ЕСМ, Васко Стефанов.Стефанов од странство се врати во Македонија и беше приведен на граничниот премин Табановце пред да биде изведен денеска на суд.

Македонија | пред 1 година

Груби и Беџети во рацете на Обвинителството - отворен е предмет

Обвинителството покренало предмет за ексвицепремиерот Артан Груби и апелациониот судија Енвер Беџети, соопшти државниот обвинител Љупчо Коцевски. Тој најави дека во анредниот период ќе има конкретни резултати за повеќе сложени предмети.„Предметот е доставен на постапување на надлежно обвинителство, кое ќе издаде соодветни наредби за откривање на кривични дела. Оформен е предмет“, рече Коцевски.Според него, САД се нивни соработници и ќе има ефикасен кривичен прогон.Вчера амбасадата на САД упати директен повик до домашните институции за утврдување на одговроност кај овие лица, оти ако тие имаат докази, тогаш има и Македонија.„Од она што го имавме како информација е дека две лица се ставени на црната листа на САД. Лицата ги знаете кои се. Од тие информации формирав предмет, сочинив службена белешка од наводите кои ми беа познати и кои ги дознав, воглавно од медиумите и јавноста. По предметот ќе постапува надлежно јавно обвинителство. Кој е давател, кој е примател на поткупот, дали има тргување со влијание – ќе се истражи. Предметот е заведен, тоа го сторив минатиот ден“, рече Ковацевски.

Македонија | пред 1 година

Судски совет загрижени што судијата Беџети е на “црна листа”

Судскиот совет на Република Северна Македонија изразува сериозна загриженост во врска со актуелната објава на Стејт департментот на САД за ставање на судија на “црната листа“.“Ја нагласуваме својата посветеност за справување со секој облик на корупција во правосудниот систем во согласност со законите и етичките стандарди. Во таа насока Судскиот совет веќе превзема мерки согласно со неговите надлежности утврдени во Законот за судовите и Законот за Судскиот совет на Република Северна Македонија”, вели Судски совет.

Македонија | пред 1 година

Бујар Османи најави лоши периоди за Македонија, предизвикани од моноетнички состанувања

Бујар Османи од ДУИ, тврди дека доаѓаат лоши периоди за Македонија, а тоа го гледа од постапувањето на уставните судии. Тој рече дека ДУИ ќе се врати пред Уставен секогаш кога ќе има седница за Законот за јазици. Според него, се отвораат теми кои што сметале дека се затворени.„Пораката на тројцата судии кои не отидоа, беше доволен сигнал, за да седницата прекине веднаш. Ваквите состанувања на монотетнички состави, биле најава за лоши периоди во мултиетнички држави. Во име на албанскиот народ одбиваме секаква одлука која значи продолжување на процесот за укинување на Законот за јазици“, рече Османи.За него и ДУИ прифатливо е одбивање на сите иницијативи и затворање на прашањето.„Закажувањето на подготвителни седници е продолжување за укинување на Законот за јазици. Пораката е дека продолжуваме со стражата на јазикот, најавуваме дека кога и да се закаже седница, народот ќе биде тука. Ова не е само кауза за албанскиот јазик, туку за заштита на мултиетничка, европска Македонија“, додаде Османи.

Македонија | пред 1 година