ТОП

Одлука за Законот за јазици ќе има за два-три месеци, ќе се слушаат прво мислењата на експертите

Уставниот суд нема да одлучува за уставноста на Законот за јазиците. На денешната седница со пет гласа „за“ и еден „против“ одлучија дека прво треба да се одржи подготвителна седница. Судијката Добрила Кацарска беше за одма да се донесе одлука.Тоа значи да повикаат експери за да ги слушнат нивните мислења, а потоа да одржат седница и да одлучуваат.„Дали за еден, два, три месеци плус или минус, овој суд ќе донесе одлука“, рече претседателот на Уставниот суд Дарко Костадиновски.

Македонија | пред 1 година

Првите пораки од Уставен: „Уставноста не се брани со шатори, на улица“, „ Ние треба да се обратиме до граѓаните не до политичарите - бидејќи нивната култура е јасна“

Во Уставниот суд се расправа за Законот за јазици. Судијката Елизабета Дуковска, која е судија-известител посочи: „Сметам дека имаме должност да ги увериме граѓаните во нашата непристрастност во одлучувањето, согласно Уставот. Факт е дека по овој предмет е одржана подготвителна седница на која се разгледувала уставноста на членот, нема ништо да изгубиме ако ја викнеме стручната фела и да им поставиме прашања, ценам дека и ова е начин да ги разгледаме сите прашања кои произлегуваат. Побарав и дополнително мислење од Венецијанската комисија и да ги отстраниме сомнежите од било какво влијание“.На ова се надоврза судијката Добрила Кацарска.„Не гледам потреба правната фела да ја прашаме дали овој закон е уставен или не. Венецијанската комисија веќе има мислење за овие прашања, ние треба да одговориме, бидејќи ние сме уставни судии“, рече судијката Кацарска.Свое мислење даде судијката Ана Павловска-Данева.„Ова е првпат да се добие предлог за подготвителна седница, жалам што е така, никој не зборуваше за Законот за јазиците додека не го ставивме на гласање. Треба да има подготвителна седница да се слушнат мислењата на експертите во државата“, веи Павловска-Данева.Став искажа и судијката Татјана Васиќ-Бозаџиева.„Граѓаните мора да знаат дека уставните судии работат во нивен интерес и согласно уставот. Дебатата на оваа подготвителна седница е со цел да ги презентираат своите ставови. Само преку отворен дијалог може да изградиме мост кој ќе не убединува... Должност на Уставниот суд е да ги слушне сите мислења. Ниту еден судија не смее да потклекне на политички притисок, ние тука доаѓаме да го чуваме Уставот. Употребата на јазиците не треба да не поделува, туку да биде мост кој нѐ обединува. Да останеме посветени, законитост, уставност и правда... Уставноста не се брани со шатори, на улица... Улицата никогаш не била место за бранење на уставноста“, вели судијката Васиќ-Бозаџиева.Свое мислење даде и судијката Јадранка Дабовиќ-Анастасовска.„Мислам дека е добро да слушнеме аргументи од сите, не дека тоа ќе го промени нашиот став во однос на тоа дали е во согласност на Уставот или не. Сметам дека предлогот на судијата известител е во ред, бидејќи граѓаните ќе бидат запознаени како и политичарите, бидејќи ниту разбираат ниту знаат која е услогата на Уставниот суд. А тоа е да ја цени уставноста на законите“, рече Дабовиќ-Анастасовска.Татјана Васиќ-Бозаџиева упати апел до судиите Насер Ајдари, Осман Кадриу и Фатмир Скендер да се појават на седницата.Претседателот на Уставен, Дарко Костадиновски, рече дека ќе го прифати предлогот.„Јас ќе го прифатам предлогот од три причини. Никогаш не сум гласал против подготвителна и јавна седница, само јас и Добрила присуствувавме на една подготвителна седница. За спорните уставни прашања за материјалниот дел не е оддржана подготвителна седница и во тој контекст добар е предлогот на судијата известител. И третиот момент е дека подготвителна седница мислам дека ќе ни помогне да ги разобличиме сите оние обиди за етнизација и политизација на одлуките на Уставниот суд. Ние треба да се обратиме до граѓаните, не до политичарите - бидејќи нивната култура е јасна... И ќе го прифатам тој предлог“, рече Костадиновски.Според Кацарска, не е потребно одржување на никаква подготвителна седница бидејќи треба да се гласа по однос на уставноста на Законот за јазици, бидејќи Венецијанската комисија образложила сѐ во 98 точки и нотира дека Законот е неуставен: „Не знам што би покажале со таа подготвителната седница и со неа нема да се добие баш ништо со таа седница“.

Македонија | пред 1 година

Рама во улога на уставен судија го коментира јазикот во Македонија: „Ова е отворен акт на непријателство“

Претседателот на владата на Албанија, Еди Рама, истакна дека албанскиот јазик не е прашање за „Уставниот суд“ во Македонија.„Сега тука се внесува и темата за албанскиот јазик, кој во моментот е во еден неразбирлив и необјаснив контекст за мене, во Уставниот суд на Македонија. Јас не велам дека лидерите кои веруваат во Уставните судови на други држави грешат. Но, јас мислам дека тоа што албанскиот јазик го има стекнато како право на граѓанство во Македонија, не е прашање за Уставниот суд. Не е прашање на закони, не е прашање на привремени желби на политичките партии. Кажувам привремени, бидејќи политичките партии се избираат еднаш на четири години и некогаш се на една страна, некогаш на друга страна, некогаш имаат многу нешта во рацете, некогаш немаат ништо“ – рече Рама.Ова го искоментира и професорката по право, Мирјана Најчевска.„Употребата на албанскиот јазик во Македонија не може и не смее да биде предмет на интерес на претседател на друга држава. А мешањето во работата на Уставниот суд е веќе и отворен акт на непријателство“, вели Најчевска.

Коментари | пред 1 година

(Видео) И Ахмети со Села дојде пред Уставен, додека горе се расправа за спорниот Закон за јазици

Лидерот на ДУИ, Али Ахмети и формалниот претседател на Алијанса за Албанците, Зијадин Села, дојдоа пред Уставен суд додека внатре се расправа за Законот за јазици. Тие се придружувани од партиски структури, па така, може да се види и експратеникот Арбер Адеми. Прв пред насобраните кај Уставен се обрати Зијадин Зела кој зборуваше за важноста на Албанците во стабилноста на Македонија и ги упати овиците кои ги слушнавме и изминатите години - да не се чепка Законот. Слични пораки упати и Ахмети. Двајцата се обратија на албански јазик, без да го употребуваат македонскиот.За исто време, во тензична атмосфера, се расправа за спорните одредби од Законот за јазици во Уставниот суд. Имаше обид за седницата да се одложи, но неуспешен. Судот за првпат се подели по етничка основа, откако двајца судии не дојдоа на работа, а еден ја напушти салата додека се расправа за Законот за употреба на јазиците.Во иницијативите, подносителите го оспоруваат постапувањето на Собранието на Република Северна Македонија во однос на донесувањето на Законот и сметаат дека претседателот на Собранието, иако бил должен, не го вратил предлогот на Законот и не побарал од предлагачот да го усогласи воведот на предлогот на Законот со Деловникот на Собранието, туку го доставил до пратениците со што сторил повреда на Деловникот на Собранието.На веб страницата на Уставниот суд, во ставката „материјални аспекти на оспорување“, пишува:„Подносителите ја оспоруваат целината на Законот од аспект на Амандманот V од Уставот бидејќи ја проширувал уставната рамка дадена во овој амандман во врска со употребата на јазиците на немнозинските заедници и определувал еднаквост на друг јазик што го зборуваат најмалку 20% од граѓаните, со македонскиот јазик и неговото кирилско писмо како службен јазик на целата територија во Републиката и во нејзините меѓународни односи, наместо тој друг јазик и писмо да се користат како што е определено со Амандман V точка 1 ставови 3, 4, 5 и 6 од Уставот“.Во иницијативите се наведува и дека „Називот на Законот“ бил непрецизен и создавал правна забуна, дека се однесува на македонскиот јазик, на јазикот што го зборуваат најмалку 20% од граѓаните на територијата на Републиката, како и на јазиците што го зборуваат припадниците на немнозинските заедници кои се под 20% од граѓаните во Републиката, што е спротивно на Амандман V точка 1 ставови 2, 3, 4, 5 и 6 на Уставот, како и на член 51 од Уставот.

Македонија | пред 1 година

(Фото) Центар блесна во новогодишна магија

Општина Центар информира дека заврши со процесот на украсување за Новогодишните и Божиќните празници. Оваа година, новогодишното украсување со бројни светлосни украси, елки и декоративни елементи поставени на најфреквентните локации во општината започна на 21 ноември со цел создавање празнична атмосфера која ќе донесе радост и топлина на жителите на општината, но и на сите граѓани.Градоначалникот Горан Герасимовски потенцира дека секоја светилка нѐ потсетува на празничната атмосфера со најблиските, на љубовта, на мирот и на радоста.“Центар блеска во новогодишна магија. Секоја светилка нѐ потсетува на празничната атмосфера со најблиските, на љубовта, на мирот и на радоста. Минатиот месец, први во државата почнавме со украсување за да ги стоплиме срцата на дечињата и на возрасните, Центар е дом во кој сите се добредојдени”, истакнува Герасимовски.Во текот на следната недела, граѓаните ќе бидат информирани за сите културни и музички настани што ќе се реализираат пред празнично, на крајот од 2024 година.

Скопје | пред 1 година

Москва објави детали за бегството на Асад

Русија го транспортираше Башар ал Асад, кој беше соборен од молскавична офанзива на бунтовниците од позицијата претседател на Сирија, на „најбезбеден начин“, изјави заменик-министерот за надворешни работи на земјата Сергеј Рјабков во интервју емитувано во вторникот за NBC News.Кремљ во понеделникот соопшти дека претседателот Владимир Путин одлучил да му даде азил на Асад во Русија. Неговиот пад е голем удар за Иран и Русија, кои интервенираа во 13-годишната граѓанска војна во Сирија за да се обидат да ја консолидираат неговата власт и покрај барањата на Западот тој да се повлече.„Тој е обезбеден и тоа покажува дека Русија се однесува како што треба во вонредна ситуација“, изјави Рјабков за NBC. Тој додаде дека нема да елаборира „што се случило и како е решено“.На прашањето дали Русија ќе го предаде Асад на судење, Рјабков рече дека Русија не е страна на конвенцијата со која е основан Меѓународниот кривичен суд.Москва ја поддржува Сирија уште од раните денови на Студената војна, признавајќи ја нејзината независност во 1944 година кога Дамаск се обиде да ја собори француската колонијална власт. Западот ја гледаше Сирија како советски сателит. Во вторникот Мохамад ал Башир објави дека ја презема функцијата привремен премиер со поддршка на поранешните бунтовници кои го соборија Асад.

Свет | пред 1 година

Не отворањето истрага против Артан Груби ја покажува спрегата на ДУИ и СДС со правосудството, вели ВМРО-ДПМНЕ

Македонскиот судско обвинителски систем во спрега со политиката од минатата владејачка гарнитура. Тоа што ВМРО-ДПМНЕ изминатиот период го зборува почна на дело и да се покажува, судиите и обвинителите заортачени со СДС и ДУИ, вели ВМРО-ДПМНЕ и додава:Впрочем, тоа е така, затоа што тие судии и обвинители се поставени директно од челниците на СДС и ДУИ кои, место за правда во Македонија, одработуваат за спас на криминалците од СДС и ДУИ.СДС и ДУИ со години во правосудниот систем си поставуваа судии и обвинители по нивна мерка, кои ќе работат во нивна корист, наместо за општото добро на државата и граѓаните. Поставените судии и обвинители ДУИ и СДС после тоа ги користеле за влијанија во истражни и обвинителни постапки, како и во судски одлуки.Тоа се покажа и потврди и со ставањето на Артан Груби на црната листа на Стејт департментот на САД. Една од причините поради кои Груби се најде на црната листа, е токму заради криминалното мешање во судството, кој земал мито за да влијае на судски одлуки.Криминалните дејствија успеа да ги види и за нив да обезбеди докази нашиот стратешки партнер САД, но тоа не можат да го видат нашите октроирани и од СДС и ДУИ поставени обвинители. Со секој изминат ден во кој нема истражна постапка за утврдување на криминалните дела сторени од Артан Груби, Јавното обвинителство го пробива секое дно и ја поткопува и така ниската доверба од граѓаните.Не отворањето истражна постапка против Груби, само ја покажува спрегата на ДУИ и СДС со правосудството, што го потврди САД со ставањето на десната рака на Али Ахмети на нивната црна листа.Криминалните дејанија Артан Груби ги правел во период кога бил колега со Венко Филипче во истата влада на СДС и ДУИ и истите тие го узурпираа судството во државата.На цела македонска јавност сега им е јасно за повиците на ВМРО-ДПМНЕ до судството и обвинителството да почнат да си ја работат работата за кои се платени и да работат по закон. И исто така, македонските граѓани добро знаат дека на таквите повици кога реагираат СДС и ДУИ дека тоа било политички притисок, всушност се нивните изблици на страв од губење на контролата и доаѓање на период на одговорност за сторените криминали.Сите знаат дека драмолетката и циркусот со Уставен суд е, исто така, режија на ДУИ за политичка и медиумска видливост и дефокусирање на јавноста. Се што СДС и ДУИ прават и правеле во изминатиот период, е за да се спасат од одговорноста која им следи за сиот криминал направен изминатите години, и за тоа не бираат средства и ги користат дури и најсензитивните теми, како меѓуетничките односи.Одговорност за сторените криминали и корупција од страна на челниците на СДС и ДУИ мора да има, а за тоа е потребно само судиите и обвинителите да почнат да работата по закон.

Македонија | пред 1 година

Зголемен бројот на одобренија за градба, најмногу станови ќе се градат во Центар

Се зголемува интензитетот на градежните активности – во октомври се издадени 363 дозволи за градба, што е за 11,7 проценти повеќе во однос на состојбата од пред една година. Зголемена е и вредноста на објектите што ќе се градат и изнесува 137,7 милиони евра. Најголем дел од инвеститорите се физички лица, предвидени се 913 станови, од кои над 35 проценти ќе имаат адреса во скопски Центар, покажуваат последните податоци на Државниот завод за статистика.Од вкупниот број на издадени одобренија за градење, 216 се наменети за објекти од високоградба, 75 за објекти од нискоградба и 72 за објекти за реконструкција.Според податоците од Државниот завод за статистика, за изградбата на 363 објекти, како физички лица инвеститори се јавуваат 223, додека за останатите 140 објекти инвеститори се деловни субјекти.

Македонија | пред 1 година

Еден од ексдиректорите на ЕСМ се предал на полицијата на „Табановце“

Васко Стефанов, ексдиректор во ЕСМ, откако Васко Ковачевски се тргна од функцијата, е уапсен на ГП Табановце. Подолг временски период бил отсутен од Македонија, а неговото враќање е откако денеска, имаше голема акција во која тој се јавува како осомничено лице. Стефанов е прифатен од полициските службеници на граничниот премин и спроведен во полициска станица на распит.Засега не е извесно дали за него од обвинителот од Обвинителството за гонење организиран криминал и корупција ќе се бара притвор. За тоа, ОЈО-ГОКК ќе се изјаснат во текот на утрешниот ден.И натаму недостапен е Васко Ковачевски. За него се појавија многу шпекулации и непотврдени информации, меѓу кои дека има странско државјанство. Тој според евиденцијата на МВР, ја напуштил државата од пред повеќе од една недела.

Македонија | пред 1 година

Се протестира пред Влада: „Партиска книшка штити од загадување?“

„Партиска книшка штити од загадување?“, со ваков транспорент се бараше чист воздух на протестот во Скопје. Тие порачаа дека се сите го дишат истиот воздух. На друг транспарент испишаа: „Молчи трпи, гуши се, се е ок!“. Тие застанаа пред Влада, повикувајќи ги сите граѓани да излезат на улица.[caption id="attachment_316658" align="alignnone" width="577"] Screenshot[/caption]„Денес се собравме тука не само од Скопје, туку од Македонија. Да кажеме: доста е бре луѓе! Веќе преку глава е да има влада до влада, локална самоупава до самоуправа, да чекаме да направат нешто. Ние имаме доставено барања до Влада, министерство, локална самоуправа, предлози базирани на наука“, рече Горјан Јовановски.Според нив, време е да престане миграцијата од Македонија поради нискиот квалитет на воздухот.

Скопје | пред 1 година

Вплеткани 23 лица со Ковачевски во РЕК Битола, делувале повеќе од година и имале шема - сите детали за акцијата

По двонеделна предистражна постапка што започна да се спроведува од 21.11.2024 година кога предметот е доставен на надлежно постапување на Основното јавно обвинителство за гонење на организиран криминал и корупција, денеска од раните утрински часови под раководство на двајца јавни обвинители се реализира голема полициска акција.„Единиците на МВР заедно со истражители од Истражниот центар на ОЈО ГОКК, врз основа на 77 барања за издавање наредби за претрес доставени до Основниот кривичен суд Скопје започнувајќи од 27.11. до 9.12.2024 година, извршуваат претреси на локации во Битола, Неготино, Велес, Кичево и Скопје. Издадени се три наредби до Управата за финансиско разузнавање и низа наредби за обезбедување податоци до надлежни институции и МВР. Јавните обвинители донесоа Наредба за спроведување на истражна постапка против 23 лица за кои постои основано сомневање дека сториле кривични дела против јавните финансии, платниот промет и стопанството и кривични дела против службената должност и против правниот сообраќај.Во период од 13.04.2023 до 23.08.2024 година, дел од осомничените во својство на службени лица во АД ЕСМ и АД „Пошта на Северна Македонија“ создале група која имала за цел вршење на кривични дела Злоупотреба на постапката за јавен повик, доделување на договор за јавна набавка или јавно – приватно партнерство, Злоупотреба на службена положба и овластување и Перење пари и други приноси од казниво дело предвидено и казниво по чл.273 од Кривичниот законик. Во текот на 2023 и 2024 година припадници на оваа група станале и дел од осомничените, а со намера да прибават за себе или за друг имотна корист од поголеми размери или да предизвикаат штета од поголеми размери, осомничените свесно ги повредиле прописите за постапката за јавен повик, доделување договор за јавна набавка или јавно – приватно партнерство, со договарање со други можни учесници заради изигрување на постапката за доделување на договори за јавна набавка.Така, откако организирале и извршиле пререгистрација на дејност на правните субјекти во нивна сопственост, осомничените управители и сопственици на правни лица, како учесници во постапки (економски оператори), меѓусебно се договарале да ги изиграат постапките за набавка на адитив за јаглен за потребите на АД ЕСМ – Подружница РЕК Битола и подружница РЕК Осломеј. На начин опишан во диспозитивот на наредбата, овозможиле кривично одговорно правно лице да го добие Договорот за јавна набавка за набавка на адитиви против формирање на згура/троска при согорување на јаглен во котел, адитив RPT 601, 190.000 кг. за потребите на РЕК Битола и 120.000кг. адитиви RPT 602 за потребите на РЕК Осломеј и да се стекне со имотна корист од големи размери во вкупен износ од 397.636.400,00 денари.Потоа, со намера да го прикријат движењето на парите за кои знаеле дека се прибавени со кривично дело Злоупотреба на постапката за јавен повик, доделување на договор за јавна набавка или јавно – приватно партнерство од чл.275-в од КЗ, дел од осомничените организатори и дел од осомничените припадници на злосторничкото здружение во периодот од 24.11.2023 до 28.06.2024 година во Битола, Неготино и Скопје пуштиле во оптек, примиле пари, извршиле пренос на паричните средства и подигале готовина во вкупен износ 414.776.400 денари.Акцијата е во тек, се обезбедуваат материјални докази врз основа на кои ќе се донесе одлука за примена на мерките на обезбедување на осомничените, за што јавноста ќе биде информирана во текот на утрешниот ден“, велат од ОЈО-ГОКК.

Македонија | пред 1 година

Не знаев дали Мина ќе се разбуди од кома, „Богот на колежот“ е одговор на насилствата кои ги преживеав, вели Петрушевска

„Оваа 2024 беше најтешка од најтешките и најкреативна од најкреативните“, напиша актерката Весна Петрушевска, која објави дека во изминатиот период, додека работела на претставата „Богот на колежот“, имала тешки моменти со нејзината ќерка Мина која е во Дубаи.„Мојата премиера на „Богот на колежот“ на 24 декември во МНТ доаѓа како одговор на сите насилства кои ги преживеав, на сите одлични одлуки кои ги донесов за да прекинам со лоши и токсични луѓе, за мојата борба со ракот и сега кога врват пробите никоја не забележа затоа што театарот е сурова и прекрасна уметност, на мојата најголема љубов Мина ѝ се случи она што на ниту еден родител не посакувам, а тоа е да не знаете дали ќе се разбуди од кома или не. Моника Милков е повеќе од моја ќерка и сестра на Мина и ја спаси.Снимав спот за претставата со Игор Џамбазов во моменти во кои не можев да стојам на нозе, а истерав до крај. Имам огромна поддршка од мојата екипа. Без оваа претстава немаше да преживеам сигурно. Едвај чекам да дојде Мина и ќе биде со големи букви посветена оваа претстава на мојата хероина.Со татко ми велевме дека ако немаш судбина, немаш живот. Денес се три години како го нема, тато мислам дека нè чуваш од горе...“, напиша Петрушевска.

Магазин | пред 1 година

Врховниот суд: Извештаите на Стејт департментот имаат суштинско правно значење и неопходно е приоритетно да се постапува

Врховниот суд на Република Северна Македонија како највисок суд во државата целосно ги поддржува и ги поздравува заложбите на Стејт департментот на САД кои се однесуваат на владеењето на правото и правната држава.„Соединетите американски држави даваат континуирана поддршка и исклучителен придонес за правосудството, кој е заснован на правните начела и демократските вредности.Нотираните податоци и укажувања во Извештаите на Стејт департментот имаат суштинско правно значење за заштитата на независноста на судството и борбата против корупцијата. Во таа насока, а во врска со нотираната корупција, неопходно е приоритетно да се постапува во согласност со законите и институционалните надлежности што е клучно за интегритетот на судството, остварувањето на целите на правдата и јакнење на јавната доверба.Недозволиво е да се поткопуваат темелите на судската власт преку политички влијанија, притисоци и коруптивни дејствија“, велат од Врховен суд.

Македонија | пред 1 година

„Нема ништо да се случи утре, иако ДУИ кампуваат пред Уставен суд“

Никаква одлука не е возможно да се донесе утре од Уставниот суд, за да ДУИ чува било каква стража. Ова е заклучокот од одговорот на премиерот Христијан Мицкоски на поставено новинарско прашање поврзано со Законот за јазици. Според него, на ДУИ многу им е јасно како функционира судот.„Во ДУИ точно знаат дека за да дојдеме до конечно решение, какво и да е, најпрвин треба надлежниот судија да им објасни на колегите, па следува јавна дискусија и расправа и подготвителна седница. Уставниот суд може да работи на Законот за јазици неколку месеци, па и години. Нивната цел беше сега, како политички глодари да начекаат и да видат дека „еве сега знаеме како одат процедурите и ние ќе правиме политички притисок“. И кога утре ништо нема да се случи, да излезат во јавноста и да кажат, еве, поради тоа што ние правевме притисок, се одложи сето ова. Ним многу им е јасно како функционираат работите. Ги молам нашите сограѓани Македонци, Албанци и сите да бидат смирени, целата работа е под контрола и да не дозволиме да наседнуваме на провокациите на овие луѓе. Не ни е потребно. Тие луѓе завршија на 8 мај. Ништо нема да се случи. Целата ситуација е под контрола – рече Мицкоски.

Македонија | пред 1 година

(Видео) Ковачевски е надвор од земјата, очекувам уште денеска да биде вратен, кажа Мицкоски

Премиерот Хистијан Мицкоски потврди дека поранешниот директор на ЕСМ, Васко Ковачевски е надвор од земјата, но рече дека уште денеска ќе биде вратен за да одговара за криминалот за кој се терети.„Очекувам уште денеска да го обезбедиме неговото враќање. За него и за сите 23 лица кои се обвинети за криминал во ЕСМ, институциите имаат обезбедено докази за кои јавноста ќе биде информирана. Овие 23 лица се обезбедени пред правдата за да дадат одговор за основаните сомневања кои се обезбедени“, рече Мицоски.Премиерот кажа дека според информациите кои тој ги има, станува збор за добро организирана група на високи претставници на компанијата и други правни лица кои управуваат со други правни субјекти кои се здружиле и за кои постои основано сомневање дека направиле криминал од 6,5 милиони евра.„Многу докази се обезбедени, но тоа ќе го оставам на јавното обвинителство и потоа на судовите. Тоа што е најдено е загрижувачки“, додаде Мицкоски.Тој рече дека владата нема да прави циркус и естрада од криминалот, но рече дека јавноста ќе биде навреме информирана за обезбедените докази.„Владата и јас бевме обвинувани дека не сме преземале акции за обезбедување на лица за криминал. Ние сакаме сѐ да си оди според правдата со обезбедени докази. Сето она што го зборувавме за сторен криминал, ќе биде на јавноста познато и сите докази ќе бидат обезбедени“, изјави Мицкоски и најави нови случаи во наредниот период.

Македонија | пред 1 година

Македонец почина во Банско

Во месноста Шилигарника над Банско, Бугарија, почина 51-годишен маж од Македонија. Според првичните информации, најверојатна причина за смртта е срцев удар, објави БГНЕС.Локалната полиција соопшти дека при прегледот на телото не биле пронајдени видливи траги на насилство.Трагедијата се случила додека мажот бил на одмор со семејството во познатиот зимски центар. Истражните органи ги утврдуваат сите околности поврзани со случајот.

Македонија | пред 1 година

Голема акција за РЕК Битола во Македонија: Се претресува, одзема документација, спроведува во станица

Голема полициска акција поврзана со тендери спроведувани од РЕК Битола се спроведува во Македонија. Претреси, одземање на документација, распити се само дел од дејствијата, кои неофицијално, ќе се преземат во текот на денешниот ден, а започнале од рано утринава. Според неофицијални информации, станува збор за сомненија за сторени криминали од ексфункционери со рударско-енергетскиот комбинат.Од МВР не споделуваат детали, но за „Скопје1“ велат дека е точно дека има акција.„Во тек е полициска акција во координација со ОЈО ГОКК. По завршувањето на истата соодветно ќе ја известиме јавноста“, велат од МВР.За скандалите во РЕК Битола, често говореше ВМРО-ДПМНЕ од опозиција, а кога дојдоа на власт, рекоа дека ќе расчистат со скандалите. Претреси има во домови и канцеларии на лица кои се поврзувале со спроведувањето на тендерите и челниците на комбинатот.Скандалите за кои досега се зборуваше беа за злоупотреби на службена положба, финансиски манипулации, и пренасочување на средства кон блиски компании, што ја компанијата но и државата оштетување со милионски цифри

Македонија | пред 1 година

Денеска ќе се протестира во Скопје, целта е чист воздух: Од 3.828 до 5000+ луѓе во Македонија ги губат своите животи

Денеска во 16:00 часот ќе започне најавениот протестен марш за чист воздух. Протестот ќе започне од Министерство за животна средина и просторно планирање, ќе продолжи пред преку Собранието, а маршот ќе заврши пред Владата на Северна Република Македонија.Организаторите „Зелен хуман град“ и „Шанса за Центар“ велат дека го организираат протестот бидејќи секоја година од 3.828 до 5000+ луѓе во Македонија ги губат своите животи како директна последица на изложеноста на штетните честички PM2.5. Ова претставува 17,7% од вкупната смртност во државата. Особено загрижувачки е фактот дека едно од девет починати деца под една година го губи животот поради загадениот воздух, посочуваат од Зелен хуман град.Бараме од надлежните институции, се истакнува во најавата за маршот, итно и системско справување со загадувањето на воздухот преку имплементација на овие ефикасни мерки кои ќе го заштитат здравјето на граѓаните и драстично ќе го намалат аерозагадувањето.Сите предлог мерки неопходни во справувањето со аерозагадувањето се објавени тука: https://mojgrad.mk/blog/protest-za-chist-vozduh/Организаторите ги повикуваат сите граѓани да бидат дел од маршот затоа што, „правото на чист воздух следува! Искористи го протестот за да го изразиш своето барање за чист воздух од институциите“.[caption id="attachment_316537" align="alignnone" width="663"] Screenshot[/caption]

Скопје | пред 1 година

Две пораки од ставањето на Груби и судијата на „црна листа“: „Дечки ве знаеме што сте правеле, македонски судови што треба за да работите?“

Се повеќе реакции откако ексвицепремиерот Артан Груби и апелациониот судија Енвер Беџети, се најдоа на т.н. „црна листа“ на САД, каде веќе е ставен ексфункционерот Сашо Мијалков. Повеќемината сметаат дека домашните институции треба најитно да реагираат.„Според сите правила, „црнава тројка“, уште вечерва, да не кажам од пред три саати, требаше да биде спроведена по наредба на дежурен јавен обвинител, затоа што очигледно дека еден давал мито, друг примал мито, а трет посредувал и остварувал корист. Мислам, извинете што вака доцна ве вознемируваме вас од правосудството, ама знаете малку, нас ни е незгодно што сте многу тивки. Тука се работи за конкретен предмет - за масовното прислушување. Крај на програмата“, напиша новинарот Кристијан Ландов.„Гледам многу политички аналфабети го минимизираат ставањето на Груби и негов судија на црната листа, па да наведеме зошто е важно. Важно е затоа што се руши деструктивниот момент на ДУИ, им се пресекува петтоколонашката и дестабилизациска акција против Македонија, им се руши и потенцијалниот наследник на Али, се руши нивниот про-европски, про-амерички наратив и монопол како недопирливи и безгрешни. Им се тргаат рацете од судството кое заедно со СДСМ се уште го контролираат и преку обвинители и судии си пуштаат луѓе да избегаат или никогаш да не одговараат. Но, најважно од се, е дека се рушат и ја губат поддршката од вечниот спонзор, Америка. Пораката не е дека само се коруптивни и криминални, што одлично го знаеме, туку дека се одвишни и непотребни повеќе, па дури и штетни. Сега и се дава ветер во грб на власта, да почне да се соочува со криминалот на оваа банда и да ги обезвласти и да им го одземе секој прилив на јавни или криминални пари. И нормално, да почне да ги апси. Има уште многу логики, но и вака е доволно.Затоа, и тоа како е важно што Груби е на црната листа. А да, им се испраќа и порака за тоа што ги чека СДСМ и да поразмислат со кого саделе или сеуште садат тикви. Сега е до власта“, напиша новинарот Ивор Мицкоски.„Ставањето на Црна листа од страна на САД на Груби и компанија носи две пораки. Дечки ве знаеме што сте праеле и не ришајте .... И Македонски судови, што треба да се случи за вие да почнете работите? Мммм?“, пишува „Приказни од Булеварот“.„Артан Груби да се јави на главна каса“, напиша новинарката Жанета Трајковска.

Коментари | пред 1 година

Аларм низ цел Тајван: Кина ја распореди најголемата флота во последните 30 години околу островот

Кина ја распоредува својата најголема поморска флота во регионалните води во последните речиси три децении, а заканата за Тајван е поизразена отколку во претходните кинески воени вежби, соопшти во вторникот тајванското Министерство за одбрана.Портпаролот на Министерството за одбрана, Сун Ли-Фанг во Тајпеј, рече дека обемот на сегашното распоредување на кинеската морнарица во областа што се протега од јужните јапонски острови до Јужното Кинеско Море е најголема откако Кина одржа воени вежби околу Тајван пред претседателските избори во Тајван во 1996 година.Кинеската војска се уште не коментирала ниту потврдила дека спроведува некакви вежби.Кина, која тврди дека демократскиот Тајван е нејзина територија, се очекуваше да ги започне вежбите за да го изрази својот гнев поради турнејата на претседателот Лаи Чинг-те кон Пацификот што заврши во петокот и ги вклучи Хаваите и американската територија Гуам.Тајванската војска го вклучи алармот во понеделникот откако соопшти дека Кина го „резервирала“ воздушниот простор и распоредила бродови на морнарицата и крајбрежната стража.„Сегашната скала е најголема во споредба со претходните четири“, рече Сан. „Без разлика што ги најавија вежбите, тие претставуваат голема закана за нас.Високиот разузнавач на министерството Хсиех Јих Шенг на истата прес-конференција рече дека досега немало вежби со жив оган во седумте „резервирани“ зони на воздушниот простор на Кина, од кои две се во Тајванскиот теснец, но дека имало значително зголемување на кинеските активности северно од Тајван во текот на изминатиот ден.Бројот на бродови на кинеската морнарица и крајбрежна стража во регионот, за кои тајвански безбедносен извор за Ројтерс изјави дека остануваат околу 90, е многу алармантен.“ Кина цели на други земји во регионот, не само на Тајван, додаде тој.Распоредувањето на Кина во првиот островски синџир, кој минува од Јапонија преку Тајван, Филипините и до Борнео затворајќи ги крајбрежните мориња на Кина, има за цел да ја затвори областа за да спречи мешање од странски сили, рече Хсиех.Министерството соопшти дека кинеската морнарица гради два „ѕида“ во Пацификот, еден на источниот крај на зоната за воздушна одбрана на Тајван, а другиот подалеку во Пацификот.„Со овие два „ѕида“ тие испраќаат многу едноставна порака: тие се обидуваат да го направат Тајванскиот теснец внатрешно море“ на Кина, рече Хсиех.Претходно во вторникот, тајванското Министерство за одбрана соопшти дека открило 47 воени авиони кои летаат околу островот во изминатите 24 часа, како и 12 бродови на морнарицата и девет „официјални“ бродови, што се однесува на бродови на наводно цивилни агенции, како што е брегот. чувар.Висок тајвански безбедносен извор изјави за Ројтерс дека кинеските авиони симулирале напади врз бродови на странска морнарица и вежбале одвраќање воени и цивилни авиони како дел од „вежбата за блокада“.Кина вели дека прашањето на Тајван е „сржта на нејзините основни интереси“ и црвена линија што САД не треба да ја преминат.Кина досега оваа година одржа две големи воени вежби околу Тајван.

Свет | пред 1 година

Израел ја бомбардира Сирија

Израел нападна неколку цели низ Сирија. Погоди авиони, хеликоптери и друга опрема во најмалку три бази на вооружените сили на Сириската Арапска Република.Новинската агенција Ројтерс пишува дека Израел ја погодил воздушната база Камишли на североистокот на земјата, базата Шиншар кај Хомс и аеродромот Акрба кај Дамаск. Два извори од сирискиот безбедносен сектор велат дека во нападите биле уништени десетици хеликоптери и авиони.Истиот ден се слушнаа експлозии во различни предградија на Дамаск. Во нив, Израел цели на објекти наводно поврзани со иранско и сириско производство на ракети и хемиско оружје. Очевидци изјавија за Ројтерс дека експлозии се слушнале во областа Барзех. Тоа е дом на сириски владин центар поврзан со производство на хемиско оружје.Израел нападна и центар за електронско војување во предградието Саједа Заинаб.Би-би-си пишува дека Сириската опсерваторија за човекови права соопштила дека Израел во понеделникот извршил повеќе од 100 воздушни напади врз цели во Сирија. Опсерваторијата додаде дека Израел нападнал воени цели во Дара, Латакија и Хама.Во писмото до Советот за безбедност на Обединетите нации, кој се состана во понеделникот попладне, Израел рече дека неговите напади се „ограничени по обем и привремени“. Тој додаде дека ги извадил за да го заштити своето население во Голанската висорамнина, која е веднаш до Сирија.- Израел не интервенираше во конфликтот во Сирија. Нашите активности се насочени кон нашата безбедност - изјави израелскиот амбасадор во ОН, Дени Данон.

Свет | пред 1 година

Села ја поздрави одлуката за Груби да биде на т.н. „црна листа“: Борбата со корупцијата е важен чекор!

Зиадин Села, претседател на Алијанса за Албанците по повод најновите имиња на црна листа на Америка, ја поздрави одлуката на САД. На неа се наоѓа Артан Груби, со кого се дел од Европскиот фрот.„Алијансата за Албанците во континуитет е еден од политичките актери кои ги осудуваа и јавно ги осудуваа врските на судството со политиката и олигархијата, затоа и денеска ја поздравуваме неодамнешната одлука на САД, најважниот стратешки партнер Македонија и албанскиот народ. Борбата против корупцијата означува важен чекор во градењето на владеењето на правото и нашата иднина. Ги повикуваме апострофираните, повлечени од институционалниот и политичкиот живот, да се соочат со обвиненијата како слободни граѓани.Индивидуалната одговорност е камен-темелник на една модерна, непристрасна и демократска држава.Алијансата за Албанците и јас, како нејзин претседавач, остануваме доверлив и лојален партнер на САД, споделувајќи ги заедничките вредности на демократијата, слободата и изградбата на владеењето на правото“, вели Села.

Македонија | пред 1 година

Груби се брани откако беше ставен на црната листа: Животот го посветив на демократијата

Ексфункционерот во Владата, Артан Груби се огласи откако денеска беше ставен на Црната листа во САД.Тој кажа дека за одлуката на Стејт Департментот дознал од медиумите.„Во недостиг на детални информации, дознав од медиумите за денешната одлука на Стејт департментот. Како човек кој мојот јавен живот го посветив на одбраната на западните демократски вредности и кој секогаш посветено работев за членството на земјата во НАТО и во Европската Унија, оваа одлука ме засега директно и лично.Ќе се обврзам со сета посветеност и максимално, заедно со сите наши пријатели и партнери, со кои ја споделувавме визијата и работевме со години за интеграција на земјата во евроатлантските структури, целосно да го разјасниме ова прашање.Транспарентноста и посветеноста на демократските вредности и понатаму ќе бидат главниот столб на секоја моја акција“, напиша Груби.

Македонија | пред 1 година

Артан Груби и судијата Енвер Беџети завршија на т.н. „црна листа“ на САД

Артан Груби, поранешен вицепремиер на Македонија и Енвер Беџети, судија на Апелациониот суд во Македонија се најдоа на црната листа на САД.„Согласно членот 7031(в), Стејт департментот јавно ги назначува Артан Груби и Енвер Беџети за нивна вмешаност во значителна корупција преку примање мито за поткопување на судските процеси поврзани со кривичната пресуда на Сашо Мијалков, директор на Управата за безбедност на Северна Македонија и Контраразузнавање (УБК). Мијалков беше назначен во 2022 година за значителна корупција според член 7031(в), а OFAC го санкционираше според Е.О. 14033. Како дел од оваа акција се назначени и членовите на потесното семејство на Груби“ стои во известувањето на Стејт департмент.Судијата Енвер Беџети беше фатен како 9 месеци го држи во фиока предметот на Сашо Мијалков за масовното прислушуавње. Груби пак, извршуваше високи функции во Владата на СДСМ и ДУИ.Тие посочуваат дека со овој чин, на Меѓународниот ден за борба против корупцијата и во пресрет на Денот на човековите права, ги преземаат следните активности за промовирање на одговорност за сторителите на корупција и злоупотреба на човековите права ширум светот.„Стејт департментот назначува 14 лица, вклучително и членови на потесното семејство за вмешаност во значителна корупција и еден службеник за негова вмешаност во грубо кршење на човековите права, во согласност со член 7031(в) од годишниот Стејт департмент, надворешни операции и Закон за одобрени средства за поврзани програми („Дел 7031(в)“), што ги прави неподобни за влез во Соединетите Држави. Стејт департментот, исто така, дополнително презема чекори за воведување визни ограничувања за десетици поединци во согласност со повеќе политики според член 212(а)(3)(В) од Законот за имиграција и националност. Дополнително, на годишнината од претседателот Бајден кој го издаде Претседателскиот проглас 10685, Одделот презеде акција според оваа надлежност за ограничување на визите на поединци кои овозможиле, олесниле или на друг начин биле вмешани во значителна корупција и на членовите на нивните потесни семејства. Истовремено, Соединетите Држави, во тесна координација со Обединетото Кралство, санкционираат девет поединци и 19 ентитети кои сочинуваат глобална корупциска мрежа со седиште во Зимбабве во рамките на програмата за санкции Глобал Магнитски и три поединци и ентитети во Јемен и Сирија поврзани со кршење на човековите права според програмата за санкции на Глобал Магнитски и програмата за санкции за Сирија. За повеќе информации за акцијата на Министерството за финансии, погледнете го нивното соопштение за печатот“, велат оттаму.

пред 1 година

Кои се наредните чекори на ДУИ?

Централното претседателство на Демократската унија за интеграции, денеска ќе одржи состанок на којшто ќе одлучува за следните чекори, информираше за МИА потпретседателот на ДУИ, Бујар Османи, откако вчера ја започнаа иницијативата „Стража на јазикот“ со деноноќно присуство пред Уставниот суд до одржување на седницата за Законот за употреба на јазиците.– До 11 декември сигурно остануваме, а за понатаму дополнително ќе се решава. Денеска има состанок на Централното претседателство, има и координација на лидерите од Европскиот фронт каде што ќе се одлучува за следните чекори – рече Османи.Како што посочи Османи, повикот за „Стража на јазикот“ значи одбрана на мултиетничка Северна Македонија, бидејќи, како што рече, ова не е само кауза на Албанците.

Македонија | пред 1 година