ТОП

(Видео) Трамп го објави условот САД да останат во НАТО алијансата

Новоизбраниот американски претседател Доналд Трамп даде интервју за NBC News во кое ги објави промените што планира да ги воведе по преземањето на функцијата на почетокот на следната година. Меѓу другото, тој го претстави својот план за НАТО алијансата.Трамп веќе претходно најави дека ќе побара од другите земји-членки да го зголемат процентот од БДП што го инвестираат во НАТО. Се чини дека Трамп нема да се откаже од тоа. Во интервјуто со Кристен Велкер, Трамп рече: „За почеток, тие не експлоатираат во трговијата, ова важи за европските земји - тие не ги прифаќаат нашите автомобили, нашите прехранбени производи, ништо од тоа. Срамота е. Покрај тоа, ние ги браниме, така што тоа е двоен удар“, изјави идниот американски претседател.„Ако ги платат сметките и се однесуваат праведно, јас апсолутно ќе ја зачувам улогата на Америка во НАТО алијансата“, рече Трамп.„Успеав да инвестирам стотици милијарди долари во НАТО само благодарение на мојот цврст став“, рече тој.„Им реков на тие земји: „Нема да ве заштитам ако не платите“, а потоа тие почнаа да плаќаат. Тоа изнесуваше повеќе од 600 милијарди долари. Тоа е голема работа, инаку не би имале доволно пари да се бориме“, додаде Трамп.Освен тоа, Трамп во интервјуто се осврна и на војната во Украина. Тој рече дека активно се обидува да стави крај на војната, „ако тоа е можно“, додавајќи дека Украина „на крајот“ може да очекува дека нема да добие толкава воена помош од САД кога ќе се врати во Белата куќа.

Свет | пред 1 година

(Видео) Сведоштво на мајка за „Тик-ток“ предизвикот: Има многу повеќе повредени деца, страшно е!

Мајка од Македонија, на ученик во основно образование излезе со сведоштво поврзано со „Тик-ток“ предизвикот „Супермен“, по кој, десетици деца и тинејџери се со повреди, па и скршени екстремитети. Мајката, посочува дека има многу повеќе повредени од пријавените, а снимките кои кружат на социјалните мрежи се и причина да се верува во ваквиот став. Нејзиното дете скршило рака, но дури вчера признало дека тоа е последица на „Тик-ток“ предизвикот. Снимката подолу е направена во скопско ГУЦ, не е поврзана со конкретниот настан, но илустрира како се практицира предизвикот помеѓу младите.„Верувајте многу повеќе повредени деца има. Моето дете во вторникот скрши рака, другата тешко повредена, за среќа не е скршена. Дури вчера пред спиење ми призна дека го натерале да го прави tik tok superman challenge и дека од страв да не го исмеваат прифатил. Страшно е што се случува во училиштата, страшно е што детето има страв да се врати во училиште заради одредени деца кои очигледно се испуштени од раце и дозволено им е сѐ.... Но јас ветувам ова вака нема да остане незабележано и сите вмешани ќе одговараат. Правиме муабет за 10/11 годишни деца. Каде е емпатијата? Каде се децата кои го убедувале да биде фрлен бар да му се јават да го прашаат, Матео како си?! Каде се родителите кои знаат дека нивните деца се иницијатори на "играта" да ми се јават и да прашаат како е Матео, а да не правиме муабет за било какво извинување.Пазете на децата луѓе, ова е сериозно опасна игра и многу деца не се осудуваат да кажат што им се случило за да си ги "заштитат другарите"“, пишува загрижената мајка.До пред само неколку дена, само во поранешната градска болница, сега Клиниката за хируршки болести „Св. Наум Охридски“, 11 деца биле примени на лекување, па пуштени на домашна нега.

Коментари | пред 1 година

Жртвите биле жени и девојчиња кои ги напаѓал во Центар и Аеродром - уапсен разбојник, се бара притвор

Основното јавно обвинителство Скопје донесе Наредба за спроведување истражна постапка против 26-годишник осомничен дека сторил повеќе кривични дела против имотот – разбојништва и тешки кражби.Жртвите биле жени или малолетни девојчиња, кои осомничениот ги напаѓал на различни локации во Центар и Аеродром и притоа им одземал чанти, ранци, паричници, накит, телефони и други вредни предмети.Обезбедени се докази кои даваат основано сомнение дека тој е извршител на најмалку пет вакви кривични дела, при што се стекнал со противправна имотна корист од околу 100.000 денари.Бидејќи постојат околности кои упатуваат на опасност од бегство, можност да влијае врз постапката и особено веројатност да повторува вакви и слични кривични дела, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.

Скопје | пред 1 година

Времето оваа недела: подгответе се за магла, а и снег

Во текот на новата седмица во Македонија ќе имаме променливо време со сончеви периоди, а ќе биде претежно тивко. Ќе има услови и за повремен локален слаб дожд, а на планините ќе провејува слаб снег.Сепак во текот новата седмица во котлините ќе има појава на магла и ниска облачност, која понекаде, особено во Скопскиот регион и во котлините Долж Повардарието ќе се задржи и во поголемиот дел од денот и истата ќе условува пониски температури на воздухот.Што се однесува до температурите, тие наутро на повеќе места ќе се спуштаат до околу, локално и под нулата, особено на повисоките и планинските места, додека максималните дневни температури ќе бидат пониски, особено од средината на седмицата кога ќе се искачуваат во интервалот од 4 до 11 степени.Во Скопскиот регион температурата ќе се искачува во интервалот помеѓу 8 и 9 степени.Се на се, во текот на седмицата која ни претстои не се очекуваат некои нови пообилни врнежи од дожд и снег, освен од средината на истата кога ќе бидеме под влијание на поладен воздух од север.

Македонија | пред 1 година

11 века подоцна, не можеме, а да не забележиме дека вредностите и навиките всадени од Св. Климент исчезнуваат пред нашите очи, вели Сиљановска

„Ако животот на човекот го вреднуваме по она што ќе остане по него и преку трајноста на неговото дело – тогаш, навистина, големо е делото на светиот Климент. Зашто, еве, и по 11 столетија сѐ уште трае... неговото дело кое е од сеопшт, универзален карактер – и од религиозен, христијански аспект, и од културен и научен поглед.“ Со овие зборови, неодамна упокоениот митрополит дебарско-кичевски, господин Тимотеј ни го приближи најголемиот ученик на Св. Кирил и Методиј“, вели претседателката Гордана Сиљановска-Давкова и додава:Знаеме дека по Моравската мисија, Св. Климент се вратил на Балканот, и бил испратен во нашите краишта, во областа Кутмичевица, најпрво како мисионер и учител, а потоа и како прв словенски епископ. Тука Св. Климент затекнал народ којшто тонел во незнаење и во сиромаштија, и којшто се раководел според законот на посилниот наместо според златното правило.Соочен со ваквата состојба, Св. Климент, не им дал сон на очите свои, ниту дремка на трепките свои, и грижата за народот ја сметал за своја храна и наслада. И секогаш поучувал, и секогаш поставувал ред, исправајќи го незнаењето и за сите станувал сѐ, според потребата на секого.За само три децении, Св. Климент, заедно со Св. Наум Охридски, успеал да ја трансформира заостанатата периферија во развиен центар на писменоста, духовноста, културата и уметноста. Од Охридската книжевна школа произлегле 3 500 ученици кои станале учители на словенството. Неговите манастири станале чувари на временскиот и просторниот континуитет на македонскиот јазик. Еден век подоцна, самиот Охрид бил издигнат на ранг на архиепископија што се грижела за духовните и за световните потреби на луѓето. Многу од нејзините архиепископи биле врвни мислители, градители, дипломати, миротворци, чијшто глас се слушал и почитувал низ целата православна екумена.Но, веројатно најголемото дело на Св. Климент е духовното и етичко воздигнување на народот. Со своите слова и поуки, тој настојувал да изгради нов човек, со нови, благородни навики. Речиси и да нема Светиклиментова проповед без повик за одговорно однесување кон ближните коишто страдаат. Неговата цел била да им помогне на луѓето да станат свесни не само за своите, туку и за потребите и страдањата на другите.Еве што вели Св. Климент во едно од неговите слова: „Престанете да правите зло и научете се да правите добро, барајте правда и спасувајте угнетени; право судете и заштитувајте ги сираците и вдовиците“. Оти тоа е вистинското покајание, кога ќе замразиме секаква неправда и ќе ја направиме одвратна за нас...“Ова е само еден од многуте библиски цитати што Св. Климент ги користи за да ги соочи слушателите со библиската осуда на социјалната неправда кон ранливите категории, нешто што им е заедничко на сите Абрахамски религии. И ние денес, независно дали сме христијани, муслимани, Евреи, атеисти, независно дали сме Македонци, Албанци, Турци, Срби, Власи, Роми, Бошњаци и други, треба да сме подеднакво сплотени околу овие Светиклиментови заложби и да им помогнеме на современите ранливи категории, на социјалните случаи, на бездомниците, на бегалците, на жртвите на семејно насилство, на непријавените работници.Св. Климент го практикувал она што го проповедал. Не случајно охридскиот архиепископ Теофилакт пишува дека Св. Климент бил „татко на сираците и помошник на вдовиците“, држејќи ги портите на неговиот дом „отворени за секој сиромав и ниеден туѓинец не ноќеваше надвор од нив“. Благодарение на неговите заложби се отворале народни кујни, сиропиталишта, старечки домови, болници за телото и за душата, односно, она што денес го нарекуваме социјална и здравствена заштита.Со своите слова, поуки, житија, но пред сѐ, со својот личен пример, Св. Климент кај народот го кастрел себичното ЈАС и МОЕ, и го калемел благонаклонетото НИЕ и НАШЕ. Кај луѓето ја развивал свеста дека се упатени едни на други да си помагаат, да бидат праведни и солидарни. Со тоа, Св. Климент на народот му дал духовен и етички компас за да може полесно да се ориентира низ столетијата во кои се менувале царства, власти и системи, и да опстане низ годините на пропаганди, конфликти и поделби.Со овие универзални, хумани вредности може да се поистоветат не само христијаните, туку и припадниците на другите религии.Не случајно, Св. Климент Охридски станал најголемиот духовен авторитет не само за нашата помесна православна црква, туку и за македонската секуларна држава и за македонското мултиетничко и мултирелигиско општество.Не случајно токму од Македонија потекнуваат најголем дел од старите фрески и икони со неговиот лик.Не случајно, Св. Климент бил инспирација за македонските преродбеници и учебникари и опсесија на генерации историчари, лингвисти, слависти и македонисти коишто му посветиле илјадници книжевни и научни дела.Не случајно, тој е патрон на повеќе основни и средни училишта, на факултети, библиотеки и на еден државен универзитет.Повеќе од други соседни народи, токму македонскиот народ му го должи своето постоење и опстојување на Св. Климент Охридски.Сепак, 11 века подоцна, не можеме, а да не забележиме дека вредностите и навиките всадени од Св. Климент исчезнуваат пред нашите очи. Живееме во време на нарушени меѓучовечки односи. Наместо хуманост и дарежливост, сè пораширена е опседнатоста со парите, статусот и себељубието како цели што ги оправдуваат сите средства. Ова е време во кое чесните се игнорирани додека аздисаните се имитирани. Во Европа сме меѓу последните според нивото на волонтерство и на граѓански активизам. Како што корупцијата го загрозува владеењето на правото, така експлоатацијата ги загадува почвите, водите и воздухот. Сведоци сме на повеќедецениска трка за узурпирање на јавниот простор и присвојување на општото добро. И сето тоа на штета на иднината на младите генерации. Доволно е да се сетиме на загрозеното природно и културно наследство на охридскиот регион на УНЕСКО, кој беше центар на Светиклиментовата духовна и просветителска дејност.Овие состојби не се сегашни, туку нѐ следат со години и со децении. Но, сега добиваат алармантни пропорции. Причините не треба да ги бараме само кај нас. Блокадите и билатерализацијата на европската интеграција нè заглави во оваа европска периферија наречена чудно Западен Балкан, од која масовно се иселуваат нашите млади.На некој начин, како да се враќаме во предклиментовото време и како забрзано да се претвораме во општество во кое хуманото НИЕ и НАШЕ е потиснато од себичното ЈАС и МОЕ.Ценети присутни, драги сограѓани,Пред нас е големата задача оваа наша периферија одново да ја претвориме во центар на образованието, економијата, културата и уметноста, на иновативноста и креативноста. Ние мора напорно и пожртвувано да работиме на секое поле, да ја развиваме економијата, да го обезбедиме владеењето на правото, да изградиме функционални системи и институции. Но, за сите овие напори да фатат корен и да дадат плод, треба одново да се навратиме на вонвременските Светиклиментови пораки.Иако се напишани со архаичен јазик, неговите слова зборуваат за актуелни теми. За правдата наспроти неправдата и за солидарноста наспроти себичноста.Првата вредност е правдата. Светиклиментовата правда не е ограничена само на дословно почитување на државните закони. Праведни не се оние што не прекршиле ниту еден државен закон, туку оние што, почитувајќи ги законите, истовремено со своите животи ја изградуваат и ја зацврстуваат заедницата. Светиклиментовата правда е и социјална правда бидејќи е насочена кон заштита на немоќните, помагање на сиромашните и возобновување на достоинството на секој човек. Праведно општество е она во кое поединецот активно придонесува за општото добро и за јавниот интерес, и е вмрежен во заедница на хармонични меѓусебни односи.Втората вредност е солидарноста, која не е минлива емоција, туку практична доблест и применлива политика. Да бидеме солидарни значи да бидеме човечни, односно, свесни за потребите и за страдањата на другите. Светиклиментовата солидарност не е сведена само на економска редистрибуција, туку вклучува и соодветно споделување на моќта и одговорноста во заедницата и општеството. Успехот на секој поединец е успех и на целата заедница, а неуспехот на макар и еден поединец, на еден ученик, на еден работник, на едно семејство, е неуспех на целото општество. Солидарноста е мултиетничка, мултијазична, мултирелигиска бидејќи го препознава човечкото во различниот од нас. Без меѓуетничка солидарност нема меѓуетнички соживот.Почитувани присутни,Драги сограѓани,Денешниов празник е повод да се сетиме дека не треба да чекаме да дојде некој нов Св. Климент бидејќи тој живее во нас. Но, треба да го разбудиме Светиклиментовото во секој од нас. Ние, учителите, лидерите, треба одново да станеме Светиклиментови ученици за да се потсетиме на неговата животна филозофија и да ја пренесеме на нашите ученици. Со тоа ќе им овозможиме и самите да станат учители и лидери на сегашните и на идните генерации. Да им помогнеме да напредуваат и да успеваат само со своите знаења, вештини и квалитети, а не со врски, книшки и протекции.Ако сакаме македонското општество да биде праведно и солидарно, а Македонија да ја направиме пристојно место за живеење, ние мора да се навратиме на вредностите на Св. Климент Охридски. Верувам дека само така ќе можеме да се наречеме вистински наследници на нашиот голем учител, светител и просветител, Св. Климент Охридски.

Македонија | пред 1 година

Воени аналитичари: „Ова е голем, стратешки пораз за Путин. Знаете ли кој сега ќе одлучува за судбината на руските бази?'

Соборувањето на сирискиот претседател Башар ал Асад го разниша кредибилитетот на рускиот претседател Владимир Путин меѓу неговите сојузници, тврди американскиот Институт за проучување на војната (ISW).Крајот на 20-годишниот режим на Ал Асад „е стратешки политички пораз за Москва и го втурна Кремљ во криза бидејќи Русија се обидува да задржи стратешка воена база во Сирија“, пишува ISW во својот најнов извештај објавен во неделата.Откако за само неколку дена ги освоија големите градови како Алепо, Хама и Хомс, исламистичките бунтовници влегоа во Дамаск во неделата, прогласија рушење на власта на Ал Асад и го прогласија главниот град за ослободен.„Неспособноста или одлуката на Русија да не го зајакне режимот на Асад додека офанзивата на сириската опозиција брзо напредува низ целата земја ќе го наруши кредибилитетот на Русија како сигурен и ефективен безбедносен партнер ширум светот, а исто така негативно ќе влијае на способноста на Путин да обезбеди глобална поддршка за она што би го направил. како - мултиполарен свет“, се вели во анализата на ISW.ISW собра „силни индикации“ дека Русија поставува услови за евакуација на воените средства од Сирија и дека руските воени бази не се безбедни.„Дури и ако Русија ги задржи некои или сите свои бази во Сирија, тоа ќе значи голема геополитичка загуба за Москва, бидејќи продолжувањето на руското стационирање во Сирија ќе биде оставено на милост и немилост на сириските опозициски групи кои Кремљ претходно ги нарече терористи“. се вели во соопштението на ISW.Ал Асад ја напушти претседателската функција и ја напушти земјата, соопшти во неделата руското Министерство за надворешни работи. Подоцна беше потврдено дека тој е во Москва и дека добил азил.Се вели дека Русија била во контакт со бунтовничките групи во Сирија.Од 2015 година, Москва му дава клучна воена поддршка на режимот на Ал Асад.

Свет | пред 1 година

Трамп најави помилување за осудените за нападот од 6 јануари

Новоизбраниот претседател на САД, Доналд Трамп, во новото интервју изјави дека има намера да дејствува на првиот ден за да помилува лица вклучени во нападот на Капитол на 6 јануари 2021 година, вклучително и оние кои се изјаснија за виновни.„Ќе дејствувам многу брзо. Ден прв“, рече Трамп на Кристен Велкер на „Запознајте го печатот“ во неговото прво големо интервју по освојувањето на вториот мандат.Запрашан за оние кои признале дека нападнале полицајци, Трамп рече дека „немале избор“ и сугерираше дека стотици други кои се изјасниле за виновни за други злосторства се жртви на „многу корумпиран систем“, пишува The Hill.

Свет | пред 1 година

Пронајдени три безживотни тела во неготинското село Црвени Брегови

Јавен обвинител од Основното јавно обвинителство Кавадарци изврши увид на лице место во неготинското село Црвени Брегови, каде во мала куќа која се користела како импровизиран верски објект биле пронајдени три безживотни тела меѓу кои и на едно дете на возраст од околу 14 години. При првичниот преглед на лицата не се констатирани траги на насилство. Јавниот обвинител издава наредби за обдукција, како и наредба за испитување на исправноста на плинскиот уред на кој се грееле.

Македонија | пред 1 година

Не може „повредените чувства” на Албанците да бидат поважни и повредни од чувствата на Македонците, вели професорката Груевска-Маџоска

Д-р Симона Груевска-Маџоска професорка од Институтот за македонски јазик „Крсте Мисирков“ го искоментира Законот за употреба на јазиците. Таа упати апел да се почитува мислењето на Венецијанската комисија во кое стои дека Законот оди премногу далеку, наметнувајќи нереални обврски на институциите, особено што се предвидува употребата на албанскиот јазик во судските постапки, кои се формулирани на толку широк начин што сигурно би барале повеќегодишна подготовка да биде целосно спроведена.„Прво, Македонците во Македонија не се етничка заедница, па Албанците да бидат втора., како што пишале во писмото албанските интелектуалци. Македонците се државотворен народ. Второ, Охридскиот рамковен договор е целосно имплементиран во Уставот уште во 2001 година. Сѐ што е донесено подоцна, вклучително и Законот за употребата на јазиците („во духот на Охридскиот рамковен договор”), е надвор од него. Трето, мислењето на Венецијанската комисија, како советодавно тело на Советот на Европа, мора да се почитува, ако сакаме да бидеме европска држава“, напиша Груевска-Маџоска.Професорката додаде: „Четврто, не може јазик што не го разбираат 75 % од населението во Македонија да биде на исто рамниште со македонскиот. Невозможно е и државните институции ќе се блокираат. Петто, не може „повредените чувства” на Албанците да бидат поважни и повредни од чувствата на Македонците. Шесто, албанските интелектуалци треба да се засрамат од писмото што го потпишале, ако се вистински интелектуалци. Седмо, сигурно им е многу тешко на ДУИ во опозиција, откако во 2001 ја нападнаа сопствената држава како терористи и потоа 23 години удобно си седеа во фотелјите на власт и знаеме што правеа. Сега се закануваат пак со војна, што значи мир во Македонија ќе има само ако терористите се на власт“.Груевска-Маџоска  порача: „не иде така, другари!“

Македонија | пред 1 година

(Видео) ДУИ без Ахмети и Груби тргна да стражари пред Уставен, ВМРО-ДПМНЕ им кажаа да не се мрзнат и прават фешти

Активисти на ДУИ се собраа пред Уставниот суд и, како што најави партискиот функционер, Арбер Адеми, ќе останат таму до среда, 11 декември, кога треба да се одржи седницата за Законот за употреба на јазиците. На стражарење, не беа видени лидерот Али Ахмети и неговиот човек од доверба, кој е ексфункционер, Артан Груби.– Собрани сме тука за да го подигнеме нашиот глас за прашања што ги засега темелите на еднаквоста на нашата мултиетничка држава. Ова не е обичен ден, ниту обичен повик. Денес повеќе од кога било е моментот да останеме обединети за да го заштитиме тоа што сме го добиле со многу труд и жртвување. На 11 декември Уставниот суд има закажано седница за разгледување на уставноста на Законот за јазици кој не е само правен акт туку е симбол на Охридскиот договор и во него е втемелена јазичната еднаквост, изјави Адеми дополнувајќи дека укинувањето на законот значи уривање на еден од кучните столбови на овој договор.Според Адеми, „владеачката коалиција без легимитет наместо да се работи за заедничка иднина, таа разденува и напаѓа.– Ова не е прашање на обичен закон, туку е прашање за нашите права како рамноправни граѓани, нашиот идентитет и иднина како општество, нашата иднина. Охридскиот мировен договор е нашата гаранција за праведно и еднакво општество. Од денес ќе останеме тука пред Уставниот суд ден и ноќ, на мирен начин да ти заштитиме нашите права и да осигураме дека нема ниту една одлука да го уништи она што го изградивме со жртвување. Ова не е иницијатива на една политичка партија, нагласи Адеми.За деталите од денешното сценарио и она што вечерва ДУИ го прави внимателно упатуваме да ја слушнат денешната изјава на премиерот Мицкоски кој јасно ги отцртува нивните намери до последниот аспект, велат од ВМРО-ДПМНЕ.„ДУИ на овој начин сеат магла иако знаат дека во среда нема да се случи ништо. И откако нема да се случи ништо ќе треба да кажат дека ДУИ ја спасиле работата. А во суштина протестите се политичарите замешани во криминал од ДУИ против судиите на ДУИ. Нашиот совет е да не мрзнат и да не прават фешти кои се гол ПР. Само треба на СДСМ да му се јават со кои ја крадеа Македонија“, се наведува во соопштението од владејачката партија.Реакцијата на ДУИ доаѓа откако пред Уставниот суд попладнево се собраа активисти на ДУИ, кои, како што најави партискиот функционер Арбер Адеми, ќе останат таму до 11 декември кога треба да се одржи седница за Законот за употреба на јазиците.

Македонија | пред 1 година

Трамп ја објави големата вест: „Зеленски е подготвен за тој потег. Тој сака да го запре ова лудило!“

Новоизбраниот американски претседател Доналд Трамп во неделата изјави дека украинскиот претседател Володимир Зеленски е заинтересиран за „договор“ за ставање крај на војната со Русија, откако двајцата се сретнаа во Париз за да разговараат за иднината на конфликтот.Францускиот претседател Емануел Макрон беше домаќин на тринасочни разговори со Зеленски и Трамп во Елисејската палата во саботата, додека во Киев расте стравот од ставот на новата американска администрација.Трамп отворено се спротивстави на испраќањето милијарди долари воена помош за Украина и еднаш се пофали дека би можел да го заврши конфликтот за 24 часа.„Зеленски и Украина би сакале да склучат договор и да го запрат лудилото“, напиша Трамп на својата платформа „Truth Social“.„Треба веднаш да има прекин на огнот и да почнат преговорите. Премногу животи се непотребно изгубени, премногу семејства се уништени, а ако продолжи, може да се претвори во нешто многу поголемо и многу полошо“, рече тој.Неколку часа по трипартитниот состанок, администрацијата на американскиот претседател во заминување Џо Бајден објави нов пакет воена помош за Украина од 988 милиони долари.Пакетот содржи беспилотни летала, муниција за прецизни ракетни лансери HIMARS и опрема и резервни делови за артилериски системи, тенкови и оклопни возила, соопшти Пентагон.Во Украина постои загриженост дека Трамп би можел да се заложи за непопуларни отстапки во земјата за да се донесе мир. Зеленски инсистираше на тоа дека секое решение со Русија мора да биде фер.„Сите сакаме мир. Но, за нас е многу важно... мирот да е праведен за сите нас и дека Русија, (рускиот претседател Владимир) Путин или кој било друг агресор нема можност некогаш да се врати“, рече Зеленски. , според претседателската страница.„И тоа е најважното нешто – правични гаранции за мир и безбедност, силни безбедносни гаранции за Украина“, додаде тој.Но, Зеленски, исто така, му се заблагодари на Трамп за неговата „непоколеблива решителност“ опишувајќи ги разговорите како „добри и продуктивни“.Состанокот на Зеленски со Трамп, непосредно пред и двајцата да присуствуваат на церемонијата на повторното отворање на катедралата Нотр Дам, беше негова прва средба лице в лице со тајкунот кој стана политичар од неговата победа на американските избори.Исто така, му понуди на Макрон единствена можност да добие увид како ќе изгледа второто претседателство на Трамп кога тој ќе ја преземе функцијата во јануари.Патувањето во Париз е прва меѓународна посета на Трамп по неговата изборна победа на 5 ноември.

Свет | пред 1 година

(Видео) Мицкоски им најави на ДУИ: Ова е изолирана група на ексфункционери чиј криминал ќе се обелоденува, им ги знаеме чекорите

Премиерот Христијан Мицкоски, тврди дека се прави хајка со етнички прашања од страна на ДУИ. Според него, изолирана група од оваа партија е засегната од сторен криминал, а најави дека за бргу ќе се дознае се. Посочи и: „Точно знаеме со кои групи комуницираат и како, како ние, така и нашите стратешки партнери. Немојте да мислите дека сме сами, ќе се одбраниме и поразиме“.„Разговараме со ВРЕДИ оваа е тековна постапка пред Уставниот суд. Имаме ситуација во која што ниту ние ниту било кој треба да интервенира во Уставниот суд. Принципот 'како до сега' беше поразен на 8 мај. Но се уште покажува знаци за живот и гледаме дека единствената тема со која ДУИ се присутни во јавност е да направат поделба по етничка основа, ги третираат етничките прашања - бидејќи на друг начин не можат да имаат поддржувачи. Оваа тема за нив можеби носи некаков резултат“, рече Мицкоски.Според него, ДУИ се обидуваат да ја поделат јавноста.„Од сликите видовме како насилниците кои го палеа албанското знаме се фотографирани со ДУИ. Ова од МВР го потврдуваат. Втората теза е дека и тие знаат (ДУИ), бидејќи 20 години поставуваат уставни и секакви судии, знаат дека нема ништо да се случи во среда, ќе излезат во јавност и ќе кажат - еве ние правевме притисоци, ништо не се случи“, додаде Мицкоски.Премиерот рече дека има процедури во Уставниот суд бидејќи има процедури, како што е подготвителната седница.„Ги молам сите граѓани, Македонци, Албанци, сите. Да бидат спокојни ова е изолирана група на ексвисоки владини функционери за кои постојат основани сомневања за сторен криминал кој набргу од денеска ќе се обелоденува“, додава Мицкоски и рече: „Без разлика колку ќе трае борбата, ќе ги поразиме“.Им укажа: „Знаеме што планираат да прават, им ги знаеме чекорите. Граѓаните нека бидат спокојни, бизнисите нека си работат“.

Македонија | пред 1 година

Два сириски извори за Ројтерс: Постои голема веројатност Башар ал Асад да загинал во авионска несреќа!

Не се знае каде се наоѓа Башар ал Асад, кој со авион побегна од Дамаск кога бунтовниците го зазедоа градот рано утринава. Авионот на „Сирија ер“ полетал од аеродромот во Дамаск во исто време кога главниот град бил превземен од бунтовниците, според податоците на веб-страницата „Флајтрадар“.Авионот прво полетал кон сириското крајбрежје, но потоа направил остар пресврт и летал во спротивна насока неколку минути пред да исчезне од картата. Не е потврдено кој бил во тој авион.Два сириски извори рекоа дека постои многу голема веројатност Асад да загинал во авионска несреќа, бидејќи е мистерија зошто авионот ненадејно се свртел и исчезнал од картата, пренесува Ројтерс.

Свет | пред 1 година

Апасиев: Уставните судии да не се плашат пред налетот на необалистичките пискотници

Фејсбук објава на лидерот на Политичката партија Левица, проф. д-р Димитар Апасиев:„т.н. „Закон за јазици“ со кој, на истиот постоечки Устав, после 20 години, илегално и насилно се воведе противуставна двојазичност мора да биде поништен!Од стручен аспект, формално-правните причини (без да навлегуваме во материјална расправа) се следниве:1. Законот е прошверцуван во Собранието, спротивно на Деловникот, со фрлање на амандманите на опозицијата во корпа;2. Законот го нема потребното квалифицирано 2/3 мнозинство кое го бара Уставот за регулирање на судски постапки;3. Пробиени се преклузивните уставни и законски рокови за промулгација;4. Указот за прогласување на „законот“ го нема потребниот врзан потпис на Претседателот на Републиката и е објавен во „Службен весник“ спротивно на закон (што е без преседан во досегашната наша уставно-правна историја);5. Законот е спротивен на меѓународното право и на тоа укажува Венецијанската комисија (составена од експерти по уставно право) при Советот на Европа!Оттука, уставните судии мора да покажат кредибилитет и правно знаење, а не да бидат уплашени пред налетот на необалистичките пискотници! Оти, како што вели професорот од Универзитетот во Гент – Ван Кенеген: „Па, каква корист имаме ние од судиите ако тие можат да бидат принудени да се сложат со незаконските барања на власта, која е парализирана од класна привилегираност и нема сили да ја скрши ‘кората од обичаи’, со цел да го модернизира и оплемени правниот систем“!?

Македонија | пред 1 година

Мицкоски: Ликот и делото на Св. Климент Охридски се силно врежани во македонската историја, денес соочувајќи се со бројни предизвици треба да го следиме неговото дело

„На овој голем ден оддаваме должна почест и почит за неговото големо духовно-просветителско дело на Св. Климент Охридски, нашиот голем народен светител и просветител, кој го упати народот во верата и го издигна на образовно, морално и духовно поле“, напиша премиерот Христијан Мицкоски и додава:Ликот и делото на Св. Климент Охридски се силно врежани во македонската историја.Св. Климент Охридски е основоположникот на Македонска православна црква и на нашата писменост и култура. Тој претставува фигура која го осветли патот на многу луѓе кон Бога, со зборови ги упатил народите во верата Божја, како прв македонски епископ, а како творец на познатата Охридска школа е најзначајниот македонски средновековен писател и педагог. Со силна вера, дисциплина и посветеност, ги надминуваше пречките коишто му стоеја на патот, неуморно ширејќи ја својата пастирска љубов.Денес кога се соочуваме со бројни предизвици потребно е да го следиме неговото дело кога со сплотеност и единство ги надминуваше и најсилните пречки. Свети Климент стана заслужен не само за македонскиот народ туку и за целиот христијански свет, насочувајќи го кон идното време.Нека ни е честит и за многу години големиот празник – Свети Климент Охридски!“

Македонија | пред 1 година

(Видео) Ужас на трката: Шестмина повредени во страшна несреќа во Лигата на шампионите, избегната трагедија од чиста среќа

Кејти Маршант, олимписката шампионка од Игрите во Париз 2024 година, доживеа страшна несреќа за време на трката во Лондон во рамките на Лигата на шампионите во велодром велосипедизам.Петтиот натпреварувачки ден во Лондон беше прекинат откако на една трка се одигра дуелот на репрезентативката на Велика Британија Маршант и Алеса-Катриона Пропстер од Германија.По контактот двајцата со полна брзина стигнале до оградата, по што ја прелетале и паднале меѓу навивачите.За среќа на двајцата натпреварувачи поминаа без посериозни повреди, со оглед на тоа што изгледаше дека ќе паднат со глава на трибините.На крајот, Маршант била пренесена во болница со скршеница на надлактицата, додека со неа и Пропстер лекарска помош побарале уште четири лица од публиката.https://twitter.com/phillipm61/status/1865595613091668433

Спорт | пред 1 година

Успеа ли Башар ал Асад да побегне, откако по 53 години фамилијата му падна од власт во Сирија?

Портпаролот на Обединетите Арапски Емирати изјави дека не знае дали сирискиот претседател Башар ал Асад побегнал во нивната земја. По 53 години, фамилијата Асад падна од власт во Сирија. Рано утрово, бунтовниците го преземаа главниот град Дамаск.На прашањето дали Асад сега е во Емиратите, дипломатскиот советник на претседателот Анвар Гаргаш одговори „не знам“.Тој рече дека Асад претходно не ја користел спасувачката линија што му ја понудиле различни арапски земји, вклучително и Обединетите Арапски Емирати.Гаргаш рече дека треба да почекаме и да видиме што ќе се случи следно во Сирија, но Обединетите Арапски Емирати се надеваат на прекин на циклусот на насилство и хаос.Решението е кредибилна национална држава, рече тој, додавајќи дека главната грижа на Емиратите се екстремизмот и тероризмот.

Свет | пред 1 година

Поради влошената безбедносна ситуација во Сирија, МНР ги повикува сите да ја напуштат државата

Поради влошената безбедносна ситуација во Сирија, Министерството за надворешни работи и надворешна трговија на Република Северна Македонија ги повикува сите наши државјани кои се наоѓаат во оваа држава, да ја напуштат во прва можна прилика. Исто така, апелираме да се одложат сите патувања кон оваа држава.Постои можност за натамошно влошување на ситуацијата, а со тоа и намалени можности за навремено напуштање на Сирија.Како и секогаш, министерството ги става сите свои капацитети за асистенција на нашите државјани и посочува на СОС дежурниот телефон на Министерството за надворешни работи и надворешна трговија +389 75 268 736 (меил адреса: globalsos@mfa.gov.mk ).

Македонија | пред 1 година

На Сиљановска и се расипал авионот и не отишла за Париз

Во врска со информациите на дел од медиумите дека претседателката Гордана Сиљановска Давкова учествува на церемонијата на отворањето на реновираната катедрала Нотр Дам во Париз, Кабинетот на претседателката информира дека таа не замина во Франција.“Кабинетот на претседателката Гордана Сиљановска Давкова го информираше Кабинетот на претседателот на Франција, Емануел Макрон дека не е во можност да патува поради дефектот на владиниот авион со кој беше планирано да се патува во Париз, велат оттаму.

Македонија | пред 1 година

Груби: Со албанскиот јазик нема компромис, нема политика, има само нација!

Артан Груби, висок функционер од ДУИ го поздрави писмото потпишано од 250 професори Албанци. Тој е на иста линија со нив и упатува порака до Уставен суд дека не смее да го чепка односно укинува Законот за јазици.„Ја поздравувам академската и националната храброст на албанските интелектуалци против систематските тенденции за поништување на какви било национални достигнувања во однос на еднаквоста во Северна Македонија. Истата грижа ја делат и студентите, учениците, граѓаните, сите без исклучок. Аматерски политички акробации, има закон, нема закон, судот ваков, судот таков, не доведе до ова ниво кое потекнува од непочитувањето на волјата на граѓаните на изборите на 8 мај од претставникот и прифаќањето на безусловно на улогата на покорност од страна на губитниците на изборите. Ние зборуваме албански јазик, и вие! Со албанскиот јазик нема компромис, нема политика, нема партија, има само нација!“, вели Груби.Со писмо на кое потпишани се универзитетски професори од албанска националност, се бара од Уставниот суд, во среда, да не се укинува службената употреба на албанскиот јазик. На него се потпишани 250 лица, бидејќи се сомневаат дека уставните судии ќе донесат политички мотивирана одлука.

Македонија | пред 1 година

Тензично со Законот за јазици: професори Албанци со писмо до устсавните судии бараат да не се укинува како што барал Мицкоски

Со писмо на кое потпишани се универзитетски професори од албанска националност, се бара од Уставниот суд, во среда, да не се укинува службената употреба на албанскиот јазик. На него се потпишани 250 лица, бидејќи се сомневаат дека уставните судии ќе донесат политички мотивирана одлука.„Од она што сме имале можност да го слушнеме од вас, почитувани судии, како и од некои високи политички претставници (како на пример, изјавите на премиерот Мицкоски, кој тврди дека ќе се укинат само два-три члена од Законот), имаме причина да се сомневаме дека можете да станете учесници во остварување сценарио со политички мотиви, кое го има за цел токму она што отворено се декларира на највисоко државно ниво. Со оглед на уставната позиција и улогата што вие ја имате како претставници на највисоката правна институција, која според Уставот е независна и без политички влијанија, продолжуваме да се надеваме дека нема да дозволите остварување на вакви сценарија кои ги повредуваат чувствата на секој албански државјанин. Ваквата постапка би ја поткопала довербата на граѓаните, особено на Албанците, во функционирањето на институцијата што ја застапувате и од која се очекува да носи одлуки самостојно, според сопствени убедувања, врз основа на Уставот и законите, а не според политички влијанија, од која било страна да доаѓале тие“, се вели во писмото.Уставните судии во среда, 11 Декември за прв пат ќе се поделат по етничка основа. Законот за јазици повторно се заканува да ги запали етничките прашања. Уставните судии Осман Кадриу и Насер Ајдари соопштија дека ќе ја бојкотираат седницата. Тие сметаат дека ќе дојде до надгласување и затоа не сакаат да учествуваат кога се расправа за прашања од албански национален карактер со извесен епилог.Уставен суд не коментира ничии ставови поврзани со предметот за Законот за употреба на јазиците.ДУИ предупреди дека укинување на која било одредба од Законот за употреба на јазиците не е само правен чин, туку директен удар врз стабилноста и мирот на државата, а законот бил темел на меѓуетничката еднаквост и взаемната почит.„Одлука која би го загрозила овој закон би претставувала тешко кршење на Охридскиот договор и враќање назад кон неизвесна и нестабилна иднина“, предупредуваат од ДУИ.Премиерот Мицкоски одговори-нема опасност по безбедноста на државата.„Не постои опасност по безбедноста, ниту некогаш сме дозволиле да постои. Има некои места каде што се состануваат поединци кои сакаат да направат безбедносна тензија. Ние како држава и Влада ќе сториме се за да гарантираме безбедност“, одговори Мицкоски.Претседателот на Уставниот суд, Дарко Костадиновски неодамна во интервју рече дека со Законот за јазиците политиката создаде своевиден правен хаос, кој резултира со политички хаос и недоверба.Закон за употреба на јазиците, со кој се прошири службената употреба на албанскиот јазик во цела држава е донесен во март 2018 година. Указот за прогласување на законот не беше потпишан од поранешниот претседател Ѓорге Иванов. По повтореното гласање, Законот за јазиците беше објавен во Службен весник, но само со потпис на претседателот на Собранието, Талат Џафери. Под името на претседателот на државата, нема потпис.Предметот за Законот за јазиците е составен од 13 иницијативи од различни граѓани, политички партии, здруженија, а е оформен во 2019 година.

Македонија | пред 1 година

ДУИ до САД, ЕУ и НАТО:Дестабилизација доколку се укинат одредби од Законот за јазици

Пред седницата во среда на која пред уставните судии ќе се најде иницијативата на 13 подносители за уставноста на Законот за јазиците, ситуацијата се вжештува.Демократската унија за интеграција на состанок на партиското раководство било оценето дека овие постапки се дел од оркестрирана кампања на како што велат, нелегитимната влада.Го повторија ставот дека ова е сериозна закана за стабилноста на државата.За да го убедат меѓународниот фактор во исправноста на нивниот став, напишаа и испратија писмо до САД, ЕУ и НАТО.ДУИ бара тие да преземат решителна акција за да се спречело поткопување на мирот.,,На 11 декември, Уставниот суд на Македонија го закажа разгледувањето на иницијативите кои ја оспоруваат уставноста на клучните одредби од Законот за јазиците. Постои основана загриженост дека Судот може да укине до осум одредби, со што ќе се загрози интегритетот на законот и ќе се поткопаат темелите на Охридскиот Рамковен Договор. Ваквата одлука ќе го наруши долгогодишниот напредок, ќе ја загрози меѓуетничката хармонија и ќе ја дестабилизира кревката рамнотежа што ја одржува земјата обединета“, тврдат од ДУИ.Ситуацијата се комплицира што уставните судии се поделија по етничка основа.Судиите Осман Кадриу и Насер Ајдари најавија дека ќе ја бојкотираат седницата бидејќи велат, ќе дошло до надгласување.

Македонија | пред 1 година

Хајредини: Невозможно во еднаква службена употреба да биде албанскиот јазик кој не го знаат 80% од граѓаните

Ексминистерот за финансии и политички аналитичар, Џевдет Хајредини, кој сега е дел од Советот за безбедност на претседателката Гордана Сиљановска-Давкова, смета дека албанскиот јазик не може биде еднаков со македонскиот.„Невозможно е да се биде во еднаква службена употреба, во унитарна држава како Македонија, албанскиот јазик, кој речиси 80 отсто од вкупниот број граѓани ниту го зборуваат, ниту го знаат“, напиша Хајредини.За Законот за јазици, се огласи и професорката по право, Мирјана Најчевска.„Меѓународната заедница ни порача дека Законот за јазиците не е добар. Значи треба да се промени.И за тоа треба да се разговара. Секое спротиставување на отворање демократска расправа за овој закон и закани со насилство треба да биде санкционирано како противзаконско и противуставно“, напиша таа во еден статус, па објави следен во кои им се ибраќа на 250-те потписници од албанската академска заедница кои упатија писмо до уставните судии за Законот за јазиците.„Прво, Уставниот суд не смее да донесе никаква одлука без отворање на јавна експертска расправа.Второ, на секој од овие потписници на писмото треба да им се испрати примерок од: 1. Уставот на Македонија; 2. Рамковната конвенција за заштита на малцинствата; 3. Повелбата за регионалните и малцинските јазици 4. Охридскиот рамковен договор; 5. Мислењето на Венецијанската комисија за актуелниот Закон за употреба на јазиците на малцинствата во Македонија; Да им се испратат на: македонски, албвански и англиски; Чисто да бидеме сигурни дека ќе ги прочитаат. А можеби треба и една презентација со објаснивање што всушност кажуваат бидејки очигледно знаат да читаат ама не го разбираат тоа што го читаат“, додаде Најчевска.

Коментари | пред 1 година

Седум напади и тепачки во Скопје: семејно насилство, малтретирани малолетници, недоразбирања на лица

Неколку различни инциденти односно напади и тепачки, се пријави изминатото деноноќие во МВР. Сите на територијата на Скопје.На 06.12.2024 во 16.30 часот во СВР Скопје С.Н.(20) од с.Јурумлери, скопско пријавила дека околу 13.45 часот во н.Нова Колонија нејзината сосетка И.Ѓ. и се заканувала со остар предмет. Се преземаат мерки за расчистување на случајот.На 06.12.2024 во 19.40 часот во СВР Скопје 42- годишна жена пријавила дека околу 17.30 часот во трговски центар на подрачјето на Гази Баба била физички нападната од поранешниот партнер Ѓ.С.(37) од с.Стајковци, скопско. По целосно документирање на случајот ќе следува соодветен поднесок.На 06.12.2024 во 12.30 часот во СВР Скопје Н.Б.(34) од Скопје пријавил дека околу 12.00 часот на подрачјето на Карпош бил физички нападнат од едно лице. Се преземаат мерки за расчистување на случајот.На 06.12.2024 во 13.00 часот во СВР Скопје било пријавено дека на подрачјето на Кисела Вода бил нарушен јавниот ред и мир со физичка пресметка помеѓу А.С.(55) и С.П.(46), двајцата од Скопје. По целосно документирање на случајот ќе следува соодветен поднесок.На 06.12.2024 во 20.16 часот во СВР Скопје 57-годишен маж пријавил дека на подрачјето на Кисела Вода бил физички нападнат од неговиот син А.П.(33) од Скопје. По целосно документирање на случајот ќе следува соодветен поднесок.Денеска (07.12.2024) во 10.30 часот во СВР Скопје А.А.(44) од Скопје пријавил дека на 05.12.2024 околу 18.00 часот, на подрачјето на Центар, по претходно меѓусебно нетрпение бил физички нападнат од Б.Б.(61) од Скопје. Се преземаат мерки за расчистување на случајот.

Скопје | пред 1 година

Прекршени му се правата на присилено да следни онлајн настава, тврди Најчевска

Изолирањето на детето кое беше карактеризирано како насилно, и негово испраќање да следи онлајн настава, според професорката по право Мирјана Најчевска, е спротивно на Конвенцијата за правата на детето. Според нејзе, ученикот нема вина, туку возрасните и бара казни за нив.„Да се разбереме, во моментов на детето присилено да следи настава онлајн му се прекршени многу права согласно Конвенцијата за правата на детето. И не, не може да се бара вина кај него ниту пак тоа да биде казнето. Има кој е виновен и тие некои се возрасни. Тие треба да бидат казнети“, вели Најчевска.Учениците од основното училиште „Лазо Ангеловски“ во Скопје го прекинаа бојкотот и од вторник ќе се вратат на редовната настава. Ова следува по состанок на Центарот за социјални работи, кој беше присутен во училиштето со цел да го реши проблемот со третоодделенецот кој имал насилно поведение.Според последните информации, се донел заклучок дека детето до крајот на првото полугодие ќе продолжи со онлајн настава, за да се изврши соодветна проценка за заштита на детето и останатите деца во одделението. Родителите на учениците изјавија дека нивните барања да детето не биде физички присутно во училиштето се прифатени, а со тоа се постигнал и целта на бојкотот.

Коментари | пред 1 година