ТОП

Скопјанец загина во сообраќајка: има уште тројца повредени, меѓу кои малолетничка

На 06.12.2024 во 16.45 часот во СВР Скопје било пријавено дека на ул.„1“ во с.Булачани,скопско се случила сообраќајна несреќа помеѓу патничко возило „даеву матиз“ со скопски регистарски ознаки, управувано од З.М.(66) од Скопје, и патничко возило „шевролет авео“ со скопски регистарски ознаки, управувано од Р.Ц.(30) од с.Црешево,скопско.Во несреќата возачот З.М. се здобил со тешки телесни повреди, по што бил пренесен во Комплексот клиники „Мајка Тереза“ за укажување на лекарска помош каде околу 20.30 часот починал, а од страна на лекар констатирана била смрт.Со телесни повреди се здобиле Р.Ц., нејзината малолетна сопатничка и уште една сопатничка од возилото „даеву матиз“ С.М.(61) од с.Булачани,скопско, констатирани во Комплексот клиники „Мајка Тереза“ и Градската општа болница „Св.Наум Охридски“. Извршен бил увид од увидна екипа од СВР Скопје.

Скопје | пред 1 година

Постојано ќе имаме повремени врнежи, а снежната покривка на планините и на скијачките центри ќе се зголемува

Продолжува периодот во Македонија на многу променливо време, со серија на влажни воздушни бранови од запад, кои ќе условуваат повремнени врнежи од дожд, а на планините, во западните предели и на повисоките места (до околу 1000 метри надморска височина) ќе има врнежи од снег. На планините и на Скијачките центри постоечката снежна покривка повремено ќе се зголемува.Повремено врнежите во следниот период ќе бидат пообилни. Ќе дува слаб до умерен ветер кој повремено ќе засилува на интензитет и денес попладне и навечер ќе биде од северен, а утре (недела) од јужен и од југоисточен правец.Во Скопскиот регион исто така продолжува периодот на променливо време со повремени врнежи од дожд, а на околните планини повремено ќе врне снег. До крајот на денешниот ден ќе засилува ветер од северен, а утре (недела) од југоисточен правец.Што се однесува до температурите, тие ќе бидат пониски особено во утринските часови и утре (недела) ќе се спуштаат во интервалот од -3 до 3, додека максималните дневни до крајот на денов ќе се искачуваат во интервалот од 3 до 10 степени. Утре (недела) тие ќе се искачуваат во интервалот од 4 до 12 степени.Сепак, утре попладне и навечер ќе има нови врнежи од дожд, и снег на планините и на Скијачките центри, каде снежната покривка повторно ќе се зголеми. Снежната граница повторно во западните предели би можела да се спушти до околу 1000 метри надморска височина, со што снег се очекува да врне и на повисоките места.

Македонија | пред 1 година

Маж од струшко го гонат за производство да видеа со детска порнографија

Јавен обвинител од Основното јавно обвинителство Струга, откако спроведе истражна постапка, донесе одлука и поднесе Обвинителен акт против 38-годишник од селото Велешта за кривично дело – Производство и дистрибуција на детска порнографија според член 193-а став 1 и став 2 во врска со став 3 од Кривичниот законик.Обвинет е за продолжено извршување на кривичното дело, бидејќи во периодот од ноември лани до мај годинава пренесувал, нудел и на друг начин правел достапна детска порнографија преку компјутерски систем.На своите два мобилни телефони, преку инсталираните апликации за комуникација – Сигнал, Вајбер, Енигма, Телеграм и други, обвинетиот се приклучувал во затворени групи во кои членувале лица од повеќе земји во светот. Во групите чии имиња сами по себе упатувале дека се наменети за ширење на детска порнографија, но и во директна комуникација со приватни профили, обвинетиот споделувал, испраќал и примал фотографии и видео материјали кои очигледно прикажувале полови дејствија со малолетни лица или со лица кои изгледале како малолетници. Видеа и фотографии кои прикажуваат детска порнографија поседувал и во мобилните телефони и тие биле пронајдени кога телефоните му биле одземени при извршениот претрес.Јавниот обвинител до Основниот суд во Струга достави и посебен предлог со кој побара на обвинетиот да му биде продолжена определената мерка притвор, како и да му бидат одземени мобилните телефони како средство употребено за извршување на кривичното дело.

Македонија | пред 1 година

Ја удирал со боксови, ја стегал околу врат, ја влечел за коса - се бара притвор за скопјанец кој извршил семејно насилство

Основното јавно обвинителство Скопје поднесе Обвинителен предлог против едно лице за кривично дело – Телесна повреда од член 130 став 2 во врска со став 1 од Кривичниот законик.Доказите обезбедени во текот на претходната постапка ја потврдуваат основаноста на сомненијата дека обвинетиот на 1 декември во попладневните часови, во семејната куќа во Љубанци, вршел семејно насилство, при што телесно ја повредил поранешната сопруга со која по разводот на бракот продолжиле да живеат во заедничко домаќинство.Тој и пришол од зад грб, со рацете ја зграпчил за вратот и ја стегал, па ја удирал со тупаници и ја кубел за косата.Имајќи предвид дека обвинетиот е претходно осудуван, му се води и друга постапка за истородно дело, а оштетената повеќепати ја напаѓал, јавниот обвинител оцени дека постои реална опасност тој да се обидува да го избегне кривичниот прогон ако биде пуштен на слобода. Затоа до Основниот кривичен суд Скопје достави предлог за продолжување на претходно определената мерка притвор со цел негово обезбедување во текот на постапката.

Скопје | пред 1 година

Нема фотографија

Можеби ќе се забранат телефони во училиштата, по „Тик-ток“ трендот каде има повредени

Министерката Весна Јаневска упати повик кон учениците, родителите и наставниците, децата да се насочуваат кон поинакви, образовни предизвици. Ова доаѓа откако започна тик-ток тренд од кој 11 деца биле поврени само во Скопје, а истото се случува и ширум светот.„Ги повикувам средношколците наместо да имаат Тик-ток натпревари, да се насочат на натпревари во образованието и науката. Телефоните ние во училиштата можеме и да ги забраниме, но тие ќе им бидат достапни дома, во маало и во други средини. Децата треба предизвици да прифаќаат во образование и наука, а нивните родители заедно со наставниците да ги насочат кон тоа“, изјави министерката за образование и наука Весна Јаневска.Од 11-те деца кои досега завршиле во градската болница во Скопје, повеќето се со набиеници, но две од нив завршиле и со скршени раце.

Македонија | пред 1 година

Уставниот суд го бојкотираат етнички Албанци назначени политичките партии за функции за кои немаат ни квалификации, вели Најчевска

Професорката по право, Мирјана Најчевска, смета дека блокадата на Уставен суд е од етнички Албанци, а не од судии Албанци.„Не ја бојкотираат судии Албанци работата на Уставниот суд. Работата на Уставниот суд ја бојкотираат етнички Албанци кои се назначени од страна на политичките партии за функцци за кои немаат ни квалификации, ни знаење ни елелемнтарен интелектуален капацитет неопходен да разберат што значи тоа демократија и владеење на правото“, вели Најчевска.Уставниот судија Осман Кадриу најави дека тој и неговиот колега Насер Ајдари нема да учествуваат на седницата на Уставниот суд на 11 декември, кога треба да се одлучува за уставноста на Законот за употреба на јазиците. Во интервју за ТВ Алсат, тој кажа дека причина за бојкотот на уставните судии Албанци е надгласувањето.

Коментари | пред 1 година

Нема да се зголеми возраста за пензионирање?

Владата не размислува да го прифати предлогот на Фискалниот совет за зголемување на старосната граница за пензионирање и зголемување на стапката на придонесите, бидејќи состојбата во Пензискиот фонд се стабилизира, а во иднина ќе почне и исплатата на пензии од вториот столб, изјави премиерот Христијан Мицкоски денеска по седницата на Економско социјалниот совет.„Состојбата во Пензискиот фонд е стабилна, а буџетската дупка во Фондот ќе биде таква сѐ додека поробустно не почне да се реализира вториот пензиски фонд. Очекувам тоа да се случи за 6 до 7 години. Она што го предложи Фискалниот совет како алатка го имаме и сега, но не размислуваме за нивна употреба“, рече Мицкоски.Тој рече дека Владата не размислува ниту за реформа на трите пензиски столба иако има различни гледања за решавање на прашањето на дупката во Фондот преку национализација на вториот столб.

Македонија | пред 1 година

Обезбедувањето на Гаши имало несреќа на пат кон Охрид: има повредени

Од кабинетот на собранискиот спикер Африм Гаши соопштија дека во денешната сообраќајна незгода на патот Охрид-Кичево, полициското возило во кое се наоѓаа припадници од неговото обезбедување излетало од патот. Тие патувале како дел од претходницата за неговата посета во Охрид.„Попладнево сообраќајна незгода се случи на возило во кое се наоѓаа обезбедувањето на претседателот Африм Гаши, кои патуваа како претходница за посетата на претседателот Гаши во Охрид.Информираме дека сите тројца членови на тимот се здобија со полесни телесни повреди и моментално се во стабилна состојба. На нив им е укажана лекарска помош и се наоѓаат во болницата „Свети Еразмо“ во Охрид“, се истакнува во соопштението.По пристигнувањето во Охрид, Гаши се упатил кон болницата и лично се уверил за здравствената состојба на членовите на обезбедувањето.„Сообраќајните несреќи, особено во предизвикувачки временски услови и услови на патиштата, се несреќна реалност.Безбедноста останува наш главен приоритет, и ние сме благодарни за брзата реакција на службите за итни случаи и лекарскиот тим“, се нагласува во информацијата од кабинетот на Гаши.

Македонија | пред 1 година

Тензично во Уставен суд: Законот за јазици може да донесе блокада

Уставниот судија Осман Кадриу најави дека тој и неговиот колега Насер Ајдари нема да учествуваат на седницата на Уставниот суд на 11 декември, кога треба да се одлучува за уставноста на Законот за употреба на јазиците. Во интервју за ТВ Алсат, тој кажа дека причина за бојкотот на уставните судии Албанци е надгласувањето.„Во досегашното мислење беше кажано дека се оспорени 2-3 одредби. Не! Оспорени се 18 одредби. Доколку се оспорат 18 одредби од Законот за јазици, тоа значи оспорување на половина од законот. Ако сите оспорени 18 и ако судот со мнозинство гласови го прифати нивниот спор и го укине, тогаш немаме закон. Значи ако се прифатат овие… Тогаш немаме закон. Инаку, за ваша информација, еден од споровите е спорот за употребата на терминот албански јазик, тој се користи во две одредби“, изјави Кадриу за ТВ Алсат.Од Мала Речица преку соопштение го потврдуваат бојкотот на уставните судии и апелираат до граѓаните да го спречат чинот кој ја загрозувал стабилноста на земјата.Уставниот суд не ги коментира јавните изјави на членовите-судии кои нема да дојдат на седницата на 11-ти, на која прва точка на дневен ред е Законот за употреба на јазиците. Неодамна Претседателот на судот Дарко Костадиновски изјави дека ако има такво нешто од страна на дел од судиите кои се припадници на заедниците, постоеле механизми што ќе спречеле блокирање на работата на Судот.Вчера во Брисел, вицепремиерот за добро владеење Арбен Фетаи кажа дека очекува проблеми поради Законот за употреба на јазиците.„Во наредните неколку дена очекувам проблеми поради Законот за употребата на јазиците, кој беше оспорен во 2018 година и ќе видиме што ќе произлезе од тоа. Денеска дознав дека уставните судии кои се дел од немнозинските заедници нема да присуствуваат на седницата“, рече Фетаи вчера на конференција „Пријателите на Европа“ .

Македонија | пред 1 година

20 години затвор за убиецот од Стајковци

Врз основа на поднесено обвинение од Основното јавно обвинителство Скопје и по спроведена судска постапка, Основниот кривичен суд Скопје денеска изрече првостепена пресуда со која Љ.К. од Стајковци го огласи за виновен и го осуди на казна затвор од 20 години за сторени две кривични дела – Убиство од член 123 став 2 точка 1 од Кривичниот законик.Основното јавно обвинителство Скопје во јули годинава поднесе Обвинителен акт со кој обвинетиот го товареше дека на свиреп начин и при вршење семејно насилство на 14.05.2024 година со умисла ги лишил од живот сопствениот брат и снаата за другиот брат со кои имале претходно нарушени односи. По вербална расправија, тој со метална шипка која ја носел со себе започнал најпрво да ја удира жената, нанесувајќи и тешки телесни повреди од кои таа веднаш починала. Потоа од братот побарал да му даде клуч од гаражата, па кога тој одбил исто така го удрил со шипката повеќе пати во главата, нанесувајќи му смртоносни повреди.

Македонија | пред 1 година

Обвинение против четири лица за предизвикување омраза

Основното јавно обвинителство Скопје ја заврши постапката и до надлежниот суд поднесе обвиненија против вкупно четири лица кои во различни настани во изминатите денови извршиле дејствија кои содржат елементи на кривичното дело – Предизвикување омраза, раздор или нетрпеливост врз национална, расна, верска и друга дискриминаторска основа од член 319 став 1 од Кривичниот законик. За четворицата на кои во текот на претходната постапка им беше определен притвор, јавните обвинители побараа од Основниот кривичен суд Скопје да им ја продолжи притворската мерка.Тројца од обвинетите на 28 ноември, по повод прославите на Денот на албанското знаме, со палење, уништување и кинење на државното знаме на Република Северна Македонија предизвикале чувства на омраза, раздор и нетрпеливост врз основа на етничка припадност и го изложиле на подбив националниот симбол. Четвртиот обвинет, неколку дена подоцна, на 2 декември, со палење го оштетил знамето на друга држава – Република Албанија, со што исто така предизвикал омраза и нетрпеливост.Дејствијата на сите обвинети предизвикале говор на омраза што на критичните денови се манифестирал особено на социјалните мрежи со тенденција да прерасне во нови инциденти на насилство.

Македонија | пред 1 година

Само 10 фирми, за 5 години добиле државни тендери за 1 милијарда евра, според истражувањето на Центарот за граѓански комуникации

Во последните пет години во земјава се склучени договори за јавни набавки во вкупна вредност од 5,8 милијарди евра, а 36 % од нив, односно 2,1 милијарда евра им припаднала само на 50 фирми.Само првите 10 фирми на врвот од оваа листа добиле тендери во вредност од 1 милијарда евра, според истражувањето на Центарот за граѓански комуникации.„Во листата на најголеми добитници на тендери се градежни компании, веледрогерии, дистирбутери на нафтени деривати итн. На дел од компаниите кои се на листата на 50 најголеми добитници на тендери, речиси целиот бизнис им почива на договори за јавни набавки.Во првите 10 фирми се Марковски Компани Битола, Д-р Пановски, Пуцко Петрол, Алкалоид Конс, Енерџи Деливери Солушнс, Макпетрол, Илинден Струга, Гранит, Македонски телеком и Стентон Градба Битола.Прворангираната фирма, Марковски Компани за 5 години има склучени вкупно 77 договори за јавни набавки во вредност од 151 милион евра. Дури 66 тендери им се склучени со државното претпријатие АД Електрани, во вредност од 141 милион евра.Второпласираната Д-р Пановски во анализираниот петгодишен период има склучено 1.491 договор во вредност од 144 милиони евра.Трета е Пуцко Петрол од с. Пласница со склучени 1.776 договори во вредност од 137 милиони евра.Фирмите кои добиле најголема вредност на тендерите во изминатите 5 години, во најголем дел, се од земјава, и ним им припаднале 95 % од вредноста на тендерите. Само 5 % земале фирми од странство. Притоа, убедливо најголем удел имаат скопските фирми, а по нив битолските.Според дејноста, дури 39 % од вредноста на договорите отпаѓа на градежништвото каде припаѓаат и договорите на АД Електрани за користење на механизација и работници за ископ на јаглен. На второ место се тендерите за набавка на лекови и медицинска опрема во вредност од 559 милиони евра и удел од 27 %. На трето се нафтените деривати со вредност од 297 милиони евра и удел од 14 %. Сите други фирми, согласно дејноста, имаат удел под 10 %.Одредени компании во изминатите пет години имале поголема вредност на добиените тендери отколку вредноста на вкупните приходи што ги оствариле. Ова значи дека договорите се склучени, но побарувањата за нив или сè уште не доспеале или пак не се наплатени. Но, ова секако зборува дека бизнисот на овие компании целосно почива на јавните набавки“, пишува во истражувањето на Центарот за граѓански комуникации.

Македонија | пред 1 година

Влада: 675 прехранбени производи по ниски цени за време на новогодишните празници

„Кампањата „Помалку трошоци, повеќе за тебе - Се грижиме“ продолжува и за време на новогодишните празници. Во договор помеѓу Владата и 60 компании се донесе одлука за намалување на цените за новогодишната потрошувачка кошничка, а со тоа се подобрува стандардот на граѓаните. Имено, во период од 15 декември 2024 година до 15 јануари 2025 година граѓаните имаат можност да купат 675 различни производи по ниски цени“, извести Владата.„На рафтовите производите кои се со намалени цени ќе бидат означени, а дополнително преку веб страната „mojakosnica.mk граѓаните ќе може да се информираат за производите кои се опфатени од оваа листа.Владата покажа одговорно работење и посветеност кога станува збор за подобар животен стандард.Некои прехранбени производи се намалени за 10 и повеќе проценти, а во оваа листа спаѓаат леб и житарици, пекарски производи, месо и преработки од месо, риба, млеко и млечни производи, кондиторски производи, свежо, замрзнато и конзервирано овошје и зеленчук, безалкохолни (газирани и негазирани) напитоци, алкохолни пијалаци (вино и пиво) и друго.Воедно, листата во следниот период има можност да се проширува и со други производи по ниски цени.Оваа одлука е за поздравување и има за цел секое семејство новогодишните празници да ги помине во пристојни услови.Како Влада продолжуваме посветено да работиме во интерес на граѓаните.Преку проекти и мерки создаваме иднина и ја враќаме надежта.Само со домаќинско работење ќе докажеме дека приоритет на оваа Влада се граѓаните и обезбедување на подобар и поквалитетен живот за сите“, соопшти Владата.

Македонија | пред 1 година

Обвинение против две лица за поседување оружје и муниција во Скопје

По спроведена истрага, јавен обвинител од Основното јавно обвинителство Скопје поднесе Обвинителен акт против две лица кои се товарат дека како соизвршители сториле кривично дело – Неовластено изработување, држење, посредување и тргување со оружје и експлозивни материи од член 396 став 5 во врска со став 3 и со став 1 од Кривичниот законик.Обвинетите на 17 октомври беа откриени дека во стан на улицата „Саса 18“ заедно држеле поголемо количество на огнено оружје и муниција, вклучувајќи и оружје кое на граѓаните им е забрането.Полицијата кај нив пронашла една автоматска пушка со две рамки, еден револвер марка „Smith & Weson 5“, еден пиштол марка „Sig Suer“ P 226, еден пиштол марка „P.Bereta“ , една ловна пушка марка „ТОZ” и вкупно 414 куршуми со различен калибар.Јавниот обвинител до Основниот кривичен суд Скопје достави предлог за продолжување на претходно определената мерка притвор за двајцата обвинети.

Македонија | пред 1 година

(Видео) Такси-возило се запали во Чаир

Такси-возило вечравечер се запали во Чаир, а итната реакција на Противпожарната бригада спречи поголема катастрофа.Засега непознати се причините за пожарот во такси возилото.Подетални информации чекаме од МВР.

Скопје | пред 1 година

Изречени 23 парични казни на продавници за храна

Сто деведесет и два (192) вонредни надзори во малопродажни објекти - мини маркети и продавници за храна, спроведоа минатата недела инспекциските служби на Агенција за храна и ветеринарство ( АХВ). Контролирана беше исполнетоста на хигиенските барања за безбедност на храната, здравствени барања за вработените лица, температурниот режим на чување на храната, како и дефинираните рокови на трајност на производите.Со контролите утврдено е дека 12 од нив воопшто не биле регистрирани во Агенцијата како оператори со храна, во 9 објекти вработените лица немале извршено задолжителни здравствени прегледи, кај исто толкав број оператори, не задоволувале хигиенските барања за безбедност на храната.За утврдените недостатоци, издадени се вкупно 30 решенија со наредени мерки за нивно отстранување, а изречени се и 23 парични казни.Уништени се триесеттина килограми небезбедни производи (замрзнато месо, млечни производи, преработки од месо) и над 66 литри јогурт.

Македонија | пред 1 година

ДУИ: Доколку Уставниот суд одлучи да ги уништи постигнувањата на Охридскиот договор, последиците ќе бидат непоправливи

„Уставниот суд на Северна Македонија одлучи на 11 декември да ја разгледува уставноста на Законот за употреба на јазиците – еден од клучните столбови на Охридскиот рамковен договор и меѓуетничката хармонија. Секој обид за укинување на било која одредба од овој закон не е само правен чин, туку претставува директен удар врз стабилноста и мирот кои оваа земја ги изгради со многу жртви“, соопшти ДУИ.„Понатаму, уставните судии од албанска етничка припадност јавно изјавија дека ќе ја бојкотираат оваа седница и одлучување, што го прави уште поопасно еднострано решение за укинување на одредбите од Законот за јазиците. Овој бојкот е јасен показател дека ваквите напори за укинување на 10 члена од овој закон имаат длабоко дискриминаторска природа и целат на „поништување“ на албанскиот јазик на институционално ниво.Овој закон е производ на сложен компромис, постигнат по години на макотрпни преговори и претставува темел на меѓуетничката еднаквост и взаемната почит. Одлука која би го загрозила овој закон би претставувала тешко кршење на Охридскиот договор и враќање назад кон неизвесна и нестабилна иднина.Демократската унија за интеграција го смета овој момент за клучна точка, каде секој чекор што има за цел да ја наруши оваа деликатна рамнотежа претставува премин преку Рубикон. Ако еднаш оваа линија се премине, нема враќање назад! Доколку Уставниот суд одлучи да ги уништи постигнувањата на Охридскиот договор, последиците ќе бидат непоправливи, а ние не можеме да преземеме одговорност за тоа што може да се случи потоа.Упатуваме апел до граѓаните, политичките лидери и меѓународната заедница веднаш да дејствуваат за да го спречат овој чин кој ја загрозува стабилноста на земјата и регионот. Албанците и сите заедници кои веруваат во правда и еднаквост не можат да молчат пред оваа закана.Ова не е момент за останување индиферентен. Ова е момент за избор на вистинската страна на историјата. Ќе направиме сè за да го заштитиме мирот и стабилноста, но одговорноста за последиците ќе биде на оние кои избраа да го предизвикаат и да ја загрозат иднината на земјата!“, се наведува во соопштението на ДУИ.

Македонија | пред 1 година

Лавров за ракетата Орешник: Подготвени сме на се

Рускиот министер за надворешни работи Сергеј Лавров изјави дека употребата на хиперсонична балистичка ракета Орешник во војната во Украина е обид да се натера Западот да разбере дека Москва е подготвена да ги искористи сите средства за да се осигура дека нема да биде нанесен со „стратешки пораз“.Во интервјуто со Такер Карлсон, водител близок на Доналд Трамп, емитувано синоќа на Х, Лавров рече: „Пораката е дека вие - мислам на САД и сојузниците на САД, кои исто така му доставуваат оружје со долг дострел на режимот во Киев - мора да разберете дека ќе бидеме подготвени да ги искористиме сите средства за да ги спречиме да успеат во, како што го нарекуваат стратешки пораз на Русија“.Лавров, исто така, рече дека е „многу сериозна грешка“ за некој на Запад да претпостави дека Русија нема црвени линии или дека тие „постојано се движат“.Да потсетиме, Русија пред две недели ја истрела својата нова хиперсонична ракета Орешник кон украинскиот град Днипро во големата ескалација на војната која трае речиси три години. Рускиот претседател Владимир Путин оттогаш се закани дека ќе употреби оружје против Киев како одговор на украинските напади на руска територија.https://twitter.com/TuckerCarlson/status/1864804141735842253

Свет | пред 1 година

Дете со насилно поведение испразни две скопски училишта: психилог го брани, родители го напаѓаат, соучениците му свртија грб

Во две скопски училишта се бојкотира наставата поради ученик кој се однесувал насилно кон соученици. Бојкотот почна во центарското училиште „11 Октомври“, па продолжи и во училиштето „Лазо Ангеловски“ во Аеродром, од каде детето било испишано. За детето имаше сведочења дека соблекол девојче во тоалет, пред наставничката, што ги налути родителите, чии деца учат во „11 Октомври“. Некои од родителите тврдат дека детето тепало соученици и со тврди предмети, се обраќало со вербални зборови. Според дел од кадарот во ова училиште, детето е несреќно затоа што учениците од поранешното училиште го одбегнувале.Повеќе од 1.500 ученици денеска не се појавија на настава во ООУ „Лазо Ангеловски“ во Ново Лисиче, по одлуката на Советот на родители за бојкот, додека не се реши проблемот со насилниот трето одделенец, но училиштето осамна со транспаренти за поддршка на ученикот.„Издржи мали, со тебе сме!“ пишува на едниот транспарент распнат на оградата на училиштето, а на другиот може да се прочита порака „Малиот тука ќе учи!!!“Во вирален пост на Фејсбук изнесена е реакција и видување на целата ситуација со детето поради кое ученици во две скопски училишта ја бојкотираа наставата. Психологот Мирјана Цветковиќ истакнува дека не познава „лошо“, ниту „проблематично“ дете.-Познавам полетно и невино дете. Тоа верувало во другите, но наишло на предавство од нив, бидејќи се откажале од него, не намерно, само се штителе. А тоа имало еден сон, единствена желба! Да му веруваат дека е добро дете! И навистина било, но го заборавило начинот како да покаже. Со тек на време тоа станувало многу тажно бидејќи се’ повеќе му го свртувале грбот, но затоа што се штителе. Тоа допринесувало сѐ повеќе да се лути, а таа лутина го повредувало и него и другите. Сѐ повеќе се оддалечувале од него, а тоа повеќе се лутело. Но, не било виновно. Зарем има виновно ДЕТЕ, прашува психологот и додава дека однесувањето не ја сочинува личноста на целото дете, објаснува психологот Мирјана Цветковиќ.Министерката за образование, Весна Јаневска, нагласи дека секое дете има право на образование и ако стручните лица препорачаат промена на средината, тоа треба да се реализира.За проблемот се очекува да се изнајде решение на состанок во Министерството за образование кој неофицијално е закажан за денеска. Родителите со став доколку се реши проблемот учениците би се вратиле на настава веднаш.

Скопје | пред 1 година

Целта беше да имаме жестока реакција на МВР, не дај Боже да се случеше да имаме и починати, рече Мицкоски за палењето знамиња

Целта на палењето македонски, па албански знамиња била да има жестока реакција на МВР, па доколку има починати, да има тензии, рече премиерот Христијан Мицкоски, кој додаде дека за ова не треба лидерска средба, а може да има поединечни средби.„Јасен беше мотивот за инспеираторите. Видовме дека дел се блиски до политичари и политички партии кои сега се опозиција. Оперативните информации исто така со многу докази даваат одговор на тоа кој стои во Скопје и Куманово, за организирањето, која е целта. Јасна е состојбата, таа е под контрола. Целта беше да имаме жестока реакција на МВР, не дај Боже да се случеше да имаме и починати, па да има конфликт и тензии“, рече Мицкоски.Посочи дека ги разбира граѓаните, а им честиташе на МВР.„Со одредена реакција беше изолирана групата која сакаше да прави вакви инциденти, а тие кои го прекршија законот, се под кривичен или прекршочен прогон. Треба да се навикнеме дека вака треба да функционираме во периодот кој среди. Не смее да дозволиме на овие инспиратори да победат. Јас ја разбирам емотивната реакција ја јавноста, но ние мора да обезбедиме мир“, додаде Мицкоски.

Македонија | пред 1 година

(Видео) Немањето јавен превоз е мерка за загадување на воздухот, вели доктор Пановски

Докторот и советник во Град Скопје, Никола Пановски, смета дека се спроведуваат мерки за загадување на воздухот од страна на градските власти, а тоа го гледа со фактот што нема редовен јавен превоз.„Краткорочни мерки можат да се донесат, ама да кажете бесплатен превоз, а да нема автобуси - е смешно. Ако го чекам саат и пол и го дишам тој воздух, ништо не сме направиле. Ова е антимерка, за загадување, кога нема јавен превоз. Тогаш сакале или неќеле, луѓето ги вадат автомобилите“, рече Пановски и додaде: „Ако нема превоз, ќе има хаос“.Според Пановски, сите државни институции треба да кажат кои мерки даваат резултати, но и од кои мерки може да има подобрување.„Бидејќи се користи политиката, ако прашате новите советници, политичари - ќе кажат дека ништо не направила претходната власт во изминатите седум години. Јас ќе речам почитувајте го тоа што го направила,“ додаде Пановски.Тој додаде дека тешко може да се пресмета колку лица починале од загаден воздух.?t=3932 

Скопје | пред 1 година

Шефот на британската армија: Започнува третата нуклеарна ера

Началникот на британската војска, адмирал сер Тони Радакин, предупреди дека светот е на работ на „трета нуклеарна ера“. Неговата изјава доаѓа во време кога НАТО со голема загриженост ги следи руските закани со нуклеарно оружје, како и нуклеарните програми на Северна Кореја и Иран.Говорејќи на собирот на Кралскиот институт за одбранбени студии (РУСИ), Радакин истакна дека глобалната рамнотежа на силите драматично се менува.„Почетокот на третата нуклеарна ера е пред нас“, рече тој, додавајќи дека ситуацијата сега е посложена од кога било досега.Од почетокот на руската инвазија на Украина пред речиси три години, односите меѓу Москва и НАТО се на најниско ниво од крајот на Студената војна. За време на војната, обележана со брутални конфликти во источна Украина, Кремљ често прибегнуваше кон нуклеарни закани.Рускиот претседател Владимир Путин ги стави нуклеарните сили во состојба на готовност уште по инвазијата во 2022 година, а министерот за надворешни работи Сергеј Лавров неколку месеци подоцна предупреди дека ризикот од нуклеарен конфликт е „значаен“. Оваа година Путин изјави дека Русија е воено подготвена за нуклеарна војна.„Видовме бројни закани со тактичко нуклеарно оружје, големи воени вежби и симулирани напади врз земјите на НАТО - сите со цел да се заплашат и одвратат активностите потребни за зачувување на стабилноста“, рече Радакин.Кон крајот на октомври, Русија спроведе големи воени вежби кои вклучуваа симулација на нуклеарен контранапад.Радакин потсети дека „првата нуклеарна ера“ беше обележана со трка во вооружување за време на Студената војна, кога САД и Советскиот Сојуз акумулираа огромни залихи на нуклеарно оружје. По Студената војна, „втората нуклеарна ера“ се фокусираше на разоружување и неширење.Меѓутоа, сега, тврди Радакин, се соочуваме со „третата нуклеарна ера“, која е далеку посложена.„Овој пат е обележан со ширење на нуклеарни технологии, бројни истовремени закани и речиси целосно отсуство на безбедносни механизми кои постоеја во минатото“, истакна адмиралот.НАТО, кој ги вклучува нуклеарните сили САД, Обединетото Кралство и Франција, и земјите кои се домаќини на американско нуклеарно оружје, продолжува да ги зајакнува своите одбранбени способности. Русија, со најголемиот нуклеарен арсенал во светот, заедно со САД поседува околу 90% од светското нуклеарно оружје.Генералниот секретар на НАТО, Марк Руте, рече дека Алијансата сериозно ги сфаќа нуклеарните закани од Москва, но не сака да „падне на штракање со руско оружје“. „Нашата стратегија за одвраќање е силна и подготвени сме да се браниме од секаква закана“, рече Руте на конференцијата во Брисел.

Свет | пред 1 година

Шокантен пресврт, руски функционери: „Ракетниот напад што го трепери Западот беше само трик во кој Захарова и Путин се главните актери!“

Руското лансирање на експериментална балистичка ракета со среден дострел Орешник - за која се вели дека е способна да носи нуклеарни боеви глави и се вели дека е хиперсонична - во Украина беше пропагандна операција дизајнирана од Кремљ, војската и разузнавачките агенции за повторно разгорување на стравот во Киев и западните престолнини кои веќе се навикнати и отрпнати на руско вербално џавкање со нуклеарно оружје, тврди рускиот независен медиум „Москва тајмс“ во написот што го претстави како свој ексклузивен.Рускиот владетел Владимир Путин изјави дека неговата војска го истрелала Орешник врз градот Днипро како одговор на употребата на американски и британски ракети со долг дострел од страна на Украина врз цели на руска територија.Но, четворица руски функционери изјавија за „Москва тајмс“ дека нападот во Орешник и медиумското покривање што следеше биле внимателно планирани со вклучување на официјални претставници на Кремљ, воен персонал, разузнавачки агенции и експерти за односи со јавноста. Сите четири извори, како што се посочува, зборувале под услов да останат анонимни.„Имаше колективно размислување и размена на идеи за тоа како да се одговори и да се стават Американците и Британците на нивно место за да му се дозволи на (украинскиот претседател Володимир) Зеленски да користи оружје со долг дострел“. рекол руски функционер.Резултатот беше воена пропагандна кампања дизајнирана да ги преувеличува можностите на рускиот воено-индустриски комплекс и моќта на новото оружје.„Овој перформанс, кој беше поставен и претставен на јавноста, се состоеше од неколку сцени. Главните беа нападот на самиот Орешник, ширењето на снимката на социјалните мрежи и известувањето за тоа во странски медиуми“, рече друг функционер.Во оркестрираната кампања биле вклучени портпаролката на Министерството за надворешни работи Марија Захарова и Алексеј Громов, висок функционер во Кремљ кој го надгледува Министерството за надворешни работи и другите прес-служби и ги контролира агендата и наративите на државната телевизија. Наводно токму Громов и се јавил на Захарова за време на утринскиот брифинг со новинарите и ѝ забранил преку разгласот на нејзиниот мобилен телефон да го коментира „нападот со балистички ракети врз воената фабрика во Днипро“. „Некои од оние кои учествуваа во сесиите за бура на идеи беа особено горди на трик“, рече рускиот функционер.Заканите за употреба на нуклеарно оружје, кое Кремљ вешто го користеше во последниве години за да ги заплаши европските политичари, веќе не се толку ефикасни како некогаш, а експертите и западните лидери се повеќе инсистираат на тоа дека треба да се игнорираат. Поради оваа причина, спин докторите во Кремљ препорачаа да се започне обемна ПР кампања со Оресник.Сепак, Русија нема значителни залихи на системот Оресник, а самиот Путин изјави дека нападот на Днепро е тест. Реално, ќе бидат потребни години за масовно производство на Оресник со оглед на бирократската неефикасност и бавниот развој на иновациите што го мачат рускиот одбранбен сектор, изјави еден поранешен руски одбранбен инженер за Москва тајмс.„Развојот на дури и релативно едноставни неракетни проекти може да потрае од пет до седум години“, рече инженерот, кој исто така сакаше да остане анонимен и додаде: „Се чини дека овој напад врз Украина беше првиот тест. Нема многу податоци за да се оправда неговото испраќање во масовно производство“.

Свет | пред 1 година

Левица поднесе пријава до Антикорупциска за соработници на „пцујачот Јованчев кои земаат двојни паушали“

„Пратеникот од Левица, Сашко Јанчев, поднесе пријава до Државната комисија за спречување на корупција (ДКСК) против Андон Лазаров и Атанас Ризов, блиски соработници на пратеникот Јованчев. Пријавените лица истовремено извршуваат повеќе функции, што создава судир на интереси и го става под сомнение кредибилитетот на јавните институции во кои се ангажирани“, велат од Левица.„Првопријавениот Андон Лазаров е раководител на подружница на АД „Пошта на Македонија“ во Кавадарци и истовремено прецедател на Надзорен одбор во ЈП „Комуналец“ Кавадарци - функција која е неспоива со првата.Второпријавениот Атанас Ризов, ја врши функцијата раководител на подружница на АД „Водостопанство“ – Тиквеш, додека паралелно е и прецедател на Управен одбор во ЈП Комуналец Кавадарци. Ова е директно спротивно на член 44 и член 49 од Законот за спречување на корупција и судир на интереси.Согласно Законот, ваквото кумулирање на функции е строго забрането и претставува флагрантно прекршување на правниот поредок. Нашата пријава до ДКСК е заснована на цврсти докази, вклучувајќи официјални документи и изјави, кои го потврдуваат незаконското дејствување на пријавените.Да потсетиме, Јованчев неодамна стана познат по срамниот инцидент со навредите кон сестрата на претседателот на Левица, проф. д-р Димитар Апасиев. Наместо да се посвети на решавање на проблемите на граѓаните, тој ја користи својата позиција за промовирање на лицата во Кавадарци познати како негови потрчковци, кои незаконски, од народни пари, ги полнат своите џебови, притоа бескрупулозно ги злоупотребуваат јавните функции.Ова е само почеток! Уште еднаш покажуваме дека нема да премолчиме пред коруптивните практики на било која власт. Оваа пријава е само дел од нашата посветеност во борбата против злоупотребата на државните ресурси. Левица ќе продолжи со поднесување пријави против сите кои ги злоупотребуваат своите позиции – од највисоките функционери до нивните сервилни потрчковци. Нема да дозволиме паразитите на власта да ја уништуваат државата!“, соопшти Левица.

Македонија | пред 1 година

Бојкот во училиштето „Лазо Ангеловски“, министерката вика: „случајот со детето со насилно поведение добил преголема, непотребна јавност и обем“

Министерката за образование Весна Јаневска смета дека „случајот со детето со насилно поведение добил преголема, непотребна и до некаде неправедна јавност и обем“. Таа смета дека „ако поради детето се отпишувале други деца од училиштето, тогаш вината не треба да се бара во учениците ниту кај родителите“, туку треба да ученикот да му се овозможи да учи и да му се помогне.-Секое дете во земјата има право на образование. Образованието е задолжително. Фокус на образовниот систем е детето, кое и да е и што да му се случува во животот во системот на државата треба да си најде место. Државата е должна заедно со училиштата да му овозможат на детето да поминува низ образовен процес. Сметам дека е пренагласена реакцијата на сите родители но и дека училиштата треба посериозно да ја сфатат работата околу децата со потешкотии во учењето или имаат потешкотии во однесувањето и социјализацијата. Овој случај трае премногу. Преземени се одредени мерки па дури и МОН формира комисија која се вмеша во решавањето на проблемот. Препорачано е детето да ја промени средината. Ако стручни лица тоа го препорачуваат значи така треба да биде. Училиштето од кое потекнува детето има педагог, психолог, социјални работници и цел систем кои треба да го реши проблемот. Било кое училиште во кое оди детето ги има истите служби и цел систем на располагање. Детето не смее да остане на улица, рече Јаневска.Да се бојкотира наставата и ниту еден ученик да не оди во училиште од утре до решавање на проблемот со насилниот ученик од трето одделение, одлучи Советот на родители од ООУ „Лазо Ангеловски“ во скопската општина Аеродром на вечерашната вонредна седница.„Согласно донесената одлука апелираме како совет утре сите ученици да останат дома и да им дадеме можност на надлежните да изнајдат решение за проблемот со кој се соочуваме а од кое ќе бидеме сите задоволни и ќе ги пуштиме нашите деца на настава без притоа да се грижиме дека истите безбедно ќе се вратат дома. Одлуката за бојкот се однесува за 5.12.2024 година – четврток и важи за сите одделенија од 1-во до 9-то. Во текот на утрешниот ден, допопнително преку преставниците, ќе биде споделена информација до сите вас за преземените чекори кои ќе се однесуваат на периодот кој следи“, се наведува во заклучокот на Советот.

Македонија | пред 1 година