ТОП

Ќе се асфалтира и во зима автопатот до Охрид, а од утре и рехабилитација на превојот Пресека

Министерот за транспорт и врски, Александар Николоски, рече дека сите села пред Охрид ќе имаат алтернативен пат за поврзување меѓу селата, експропријациите се завршени, а автопатот ќе се заврши до крајот на 2026 година. Николоски е дециден дека ќе се асфалтира и во зима.„Главната амбиција на оваа Влада е да имаме автопат од главниот град до Охрид. Промовираме асфалтирање и преку зима. Работат околу 300 машини и 600 луѓе. Дел ги гледате на трасата која се гледа, дел не ги гледате на трасата која е надвор од магистралниот пат. Ќе го завршиме автопат. Од утре почнува рехабилитација на превојот Пресека, кој ќе се користи до 2026 година додека не се пушти целото автопатско решение“, рече Николоски.

Македонија | пред 1 година

(Видео) Лошото владеење на Груевски започна со зближувањето на Орце Камчев и Мијалков, тврди ексначалникот од МВР, Ѓурчевски

Лошото владеење на Груевски започна со зближувањето на Орце Камчев и Мијалков, тврди ексначалникот од МВР, Љубомир Ѓурчески во поткастот „Претрес со Ландов“. Ѓурчески беше во МВР до 2012 година.Целиот поткаст ви е на јутуб, каде тој елаборира на темата:

Македонија | пред 1 година

Страотен случај во Хрватска: На забава донеле бомба, експлодирала во рака момче кое загина, четворица се повредени

Синоќа дошло до експлозија во зграда во Книн, Хрватска. Едно лице загина, а четворица се ранети.Полицијата соопшти дека „во 23.01 часот добила дојава дека во станбена зграда во Книн се случила експлозија на неутврдена експлозивна направа, во која едно лице загинало, а четири лица се повредени и итно пренесени во болница. На местото на настанот се испратени сите служби за итна помош“.Како што соопшти полицијата, експлозијата се случила на забава на која присуствувале млади луѓе. Загина 25-годишен маж, а тешко се повредени двајца млади на возраст од 25 и 23 години, една девојка на 21 година и еден малолетник. Потоа, полицијата додаде дека, експлодирала рачна граната М-75.„Врз основа на пронајдените траги на местото на настанот, увидната екипа и полициските службеници за заштита од експлозија утврдиле дека експлозијата била предизвикана од рачна бомба М-75. Од спроведените увиди е откриено дека повредениот 25-годишник од спалната соба од станот што го користел за време на забавата донел рачна бомба М-75 и ја предал на друг 25-годишник. Поради нестручно ракување дошло до несакано активирање на рачна бомба во раката на починатиот 25-годишник.Полициски службеници ја продолжуваат кривичната истрага за утврдување на околностите за набавката и поседувањето на споменатата минска експлозивна направа.

Свет | пред 1 година

„Да се забрани пушење цигари во затворени простории“ - се погласно се бара од граѓаните

Забрана за пушење цигари во затворени простории е повторно зачестено барање на граѓаните. На социјалните мрежи се погласно се споделува ова барање.Ова го поддржа и пејачката Елена Ристеска, кој посочи дека има и алергија од никотон.„Имам алергија на никотин и заради тоа и не излегувам никаде. Ама морам да пеам во зачадени простории, без лекови за алергија не би можела. Во случај да не се пуши во објекти, пушачите можат да излезат на цигара никој не им забранува“, напиша поп-ѕвездата.До доаѓањето на СДСМ и Зоран Заев на власт, пушењето цигари беше забрането во угостителските објекти. Потоа, се направи нов закон со кој се дозволи секаде освен во локалите каде се служи храна.Македонија е лидер во Европа по потрошувачка на цигари.Половина од возрасните луѓе во Македонија (48,4%) пушат, што е далеку над ЕУ просекот за употреба на тутун (29%). Просечен Македонец пуши во 20 цигари дневно, а во прилог на ваквата зависност е тоа што земјата има најниска цена на цигари во регионот и Европа - 1,7 евра за пакување од 20 цигари. Како земја која што има најниски цени на цигари во регионот и во Европа, се чини дека тутунот е лесно достапен за секого. На забраната за пушење која што беше најригорозно на сила од 2010 до 2018 година, како да заборавија сите.

Коментари | пред 1 година

Од понеделник приватните превозници се враќаат на улиците

Приватните превозници од понеделник ќе се вклучат во јавниот градски превоз, но не со полн капацитет. Нивни претставници денеска изјавија дека во сообраќај ќе учествуваат само превозниците со финансиска можност. Тие апелираат до градоначалничката на Град Скопје, советниците и Владата да одржат заеднички состанок и да најдат прифатливо решение за нивното барање за зголемување на цената по изминат километар. Јовица Зафировски посочи дека приватните превозници имаат 200 автобуси и дека може да го покријат недостатокот на авотбуси во ЈСП доколку се најде заеднички прифатливо решение со Градот.-Приватните превозници ќе го дадат својот максимум од понеделник односно ќе се вклучиме во раните утрински часови онолку колку што можеме, не со целиот капацитет со цел за неколку дена да им излеземе во пресрет на граѓаните во градот Скопје. Воедно, ја користиме оваа прилика да се обратиме до сите советници во Градот Скопје – Ве молиме со консензус да изгласате покачување на цената за изминат километар со цел подобрување на состојбата во јавниот градски превоз. Со покачена цена се обврзуваме да го обновиме нашиот возен парк со еколошки климатизирани автобуси, изјави денеска Јовица Зафировски.

Скопје | пред 1 година

Три години од трагедијата во која загинаа 45 македонски државјани: На автопатот нема ни обележје, вината ја најдоа кај возачот

Поминаа три години од трагичната автобуска несреќа во Бугарија, во која животот го загубија 45 лица, од кои 12 деца, а уште 7 беа повредени. Автобусот беше зафатен од пламен, додека трагична околност е фактот што несреќата се случи околу 2 часот по полноќ, кога најверојатно повеќето од патниците спиеле.Компанијата доби четиригодишна забрана за вршење на меѓународен превоз и казна од 800 илјади денари. Една година и осум месеци казна затвор доби Беким Хаџиу, сопственикот на „Беса Транс“ бидејќи фалсификувал документи кои потоа ги користеле возачите кога со автобусите на напуштале државата превезувајќи патници. Во Бугарија се водеше судски процес за несреќата, а вината беше лоцирана кај возачот, кој исто така загина, иако постоеа сомнежи дека тој дел од автопатот е надвор од пропишаната легислатива.После три години на автопатот „Струмица“ во Бугарија нема никакво обележје дека на тоа место се случила несреќа во која изгореле 45 државјани на Македонија.

Македонија | пред 1 година

Седум лица уапсени низ повеќе делови на Скопје: се шетале со ножеви, дрога, дробилки

Денеска (23.11.2024) во 00.00 часот во Скопје, на подрачјето на Центар, полициски службеници од Единицата за интервентна полиција при СВР Скопје, го лишиле од слобода С.Џ.(40) од Скопје, затоа што кај него биле пронајдени и одземени марихуана и таблета. По целосно документирање на случајот ќе следува соодветен поднесок.Денеска (23.11.2024) во 00.00 часот во Скопје, на подрачјето на Центар, полициски службеници од Единицата за интервентна полиција при СВР Скопје, го привеле Ј.Ј.(29) од Скопје, затоа што кај него бил пронајден и одземен нож. По целосно документирање на случајот ќе следува соодветен поднесок.Денеска (23.11.2024) во 00.05 часот во Скопје, на подрачјето на општина Аеродром, полициски службеници од Единицата за недозволена трговија при СВР Скопје го лишиле Г.А.(44) од Тетово, затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.Денеска (23.11.2024) во 02.00 часот во Скопје, на подрачјето на Карпош, полициски службеници од Единицата за интервентна полиција при СВР Скопје, го лишиле од слобода А.Р.(22) од с.Рогле, тетовско, затоа што кај него биле пронајдени и одземени марихуана и дробилка. По целосно документирање на случајот ќе следува соодветен поднесок.На 22.11.2024 во 13.20 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје, го лишиле од слобода А.А.Г.(22) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.На 22.11.2024 во 16.00 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје, го лишиле од слобода М.М.(36) од Скопје, затоа што кај него била пронајдена и одземена бела грутчеста материја. По целосно документирање на случајот ќе следува соодветен поднесок.На 22.11.2024 околу 11.40 часот во Скопје, на подрачјето на Карпош, полициски службеници од Единицата за интервентна полиција при СВР Скопје, го привеле М.Т.(46) од Скопје, затоа што кај него бил пронајден и одземен нож. По целосно документирање на случајот ќе следува соодветен поднесок.

Македонија | пред 1 година

Русите се закануваат со „непобедливо оружје“, велат дека може да ги таргетира Европа и САД, a за цел беше прогласена база во ЕУ

Русија ја претстави и употреби за прв пат во нападот на Украина новата хиперсонична ракета Оресник, чиј дострел, според руските власти, е меѓу 3.000 и 5.500 километри. Овој дострел ќе и овозможи на ракетата да достигне цели низ Европа и потенцијално западните делови на САД. Сепак, независна потврда за овие спецификации моментално не е достапна, така што оваа информација треба да се пристапи со претпазливост.Генералот Сергеј Каракаев, командант на руските стратешки ракетни сили, рече дека „врз основа на доделените задачи и дострелот на ова оружје, може да нападне цели низ Европа, што го издвојува од другите видови оружје со голема прецизност и долг дострел", па нагласи и дека противвоздушните системи не можат да ја сопрат оваа ракета.Претседателот Владимир Путин, кој исто така во четвртокот рече дека „во моментов нема начин да се спротивстави на ова оружје“, во нова изјава во петокот нагласи дека тестирањето на Орешник ќе продолжи, вклучително и во борбени услови, во зависност од безбедносните закани. Првото лансирање на оваа ракета се случи како дел од рускиот напад врз Украина, како одговор на употребата на американски и британски ракети од страна на украинските сили.Американските власти го опишаа оружјето како експериментално, истакнувајќи дека Русија во моментов има ограничени залихи. Ова лансирање дополнително ги зголеми тензиите меѓу Русија и Украина, кои ескалираа во последните недели со размена на сѐ помоќно оружје.Инаку, кога зборуваме за руски закани со дострелот на Орешник, кој според нив може да погоди голем број потенцијални цели во Европа, како и некои потенцијални цели во САД, треба да се спомене и дека токму овие дена Русија (повторно) означи база во Полска како една од главните цели.Станува збор за неодамна отворената американска ракетна база во Реџиков на северот на Полска, која предизвика остри реакции од Русија. Москва ја означи базата како приоритетна цел, тврдејќи дека нејзиното постоење го зголемува ризикот од нуклеарен конфликт меѓу Русија и НАТО. Портпаролката на руското Министерство за надворешни работи Марија Захарова рече дека базата е „уште еден искрен провокативен чекор“ кој го дестабилизира регионот и ја зголемува нуклеарната закана.Полската страна нагласува дека базата во Реџиков е дел од одбранбениот систем на НАТО Aegis Ashore, наменет за заштита од балистички ракети со краток и среден дострел и дека не претставува закана за Русија. Портпаролот на полското Министерство за надворешни работи истакна дека во базата нема нуклеарни проектили и дека нејзината функција е исклучиво одбранбена.

Свет | пред 1 година

(Видео) Шеваљ ќе се врати како слободен човек, Мијалков е помоќен по сите основи, вели ексначалникот од МВР, Ѓурчевски

Теоријата на ексначалникот и помошник директор во МВР, Љубомир Ѓурчевски, е дека Сашо Мијалков е помоќен од еден од лидерите на нарко-бандите во Македонија, Шеваљ Муареми. Тој смета дека моќта на Мијалков е голема од сите аспекти, без разлика на случувањата од измиантите години.„Моќта на Мијалков мислам дека е по сите основи“, рече Ѓурчевски, па додаде: „Мијалков за него (Шеваљ) е лидер“. На прашањето „Шеваљ му се плаши на Мијалков, да сумирам?“, ексначалникот додаде: „Да, да“.Ѓурчевски, очекува Шеваљ да се врати од Дубаи, како слободен човек во Македонија.За сите нарко-шеми, моќта во скопското подземје и нечуени информации, погледнете во „Претрес со Ландов“:

Македонија | пред 1 година

Жичарницата на Водно не работи

„Жичарницата на Водно не работи“, извести ЈСП и додава:„Јачината на ветерот ги надминува дозволените граници како објектот би функционирал непречено и безбедно. Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците“.

Скопје | пред 1 година

Нема фотографија

„Преговори со Путин? Би сакал да верувам дека се можни, но нема шанси. Само да и дадевме на Украина повеќе оружје“, вели американски сенатор

Американскиот сенатор Мајк Раундс, републиканец и сојузник на новоизбраниот претседател Доналд Трамп, рече дека не може да и се верува на Русија да се приклучи на мировните преговори за ставање крај на војната во Украина.„Колку што би сакал да верувам дека можеме да преговараме со тиранин, би рекол дека можеби грешиме“, предупреди Раундс на безбедносниот форум во Халифакс, мислејќи на рускиот претседател Владимир Путин.Неговите изјави се во спротивност со најавите на Доналд Трамп, новоизбраниот претседател, кој во неколку наврати најави дека сака брз договор за прекин на војната. Трамп во неколку наврати со восхит зборуваше за Путин.„Дали верувате дека ако му понудите парче бесплатно земјиште, овој тиранин ќе престане? Би сакал да можам да кажам дека има лесен излез, но не постои“, рече Раундс, според Политико.Додека многу сојузници на Трамп во Конгресот се спротивставија на континуираната воена помош за Украина, републиканците во Сенатот беа скептични за преговорите со Москва. Обиколките отидоа дотаму што ја изрази својата фрустрација што САД не му доставија повеќе оружје на Киев.„Се чувствувам толку фрустрирано што не успеавме да им ја обезбедиме сета опрема што им е потребна и сите системи за оружје за да одговорат на апсолутната тиранија што доаѓа од Русија. Се прашувам зошто не го направивме тоа порано отколку што направивме?“ рече тој.Да потсетиме, руското признание дека во рускиот напад на градот Днипро било тестирано ново оружје - хиперсоничната балистичка ракета Оресник, која носела шест ненуклеарни боеви глави, предизвика бурни реакции ширум светот.Претседателот Владимир Путин во петокот рече дека Русија ќе продолжи со борбеното тестирање на својата нова хиперсонична ракета, а руската војска вели дека ракетата со среден дострел може да погоди цели низ Европа.„Врз основа на доделените задачи и дострелот на ова оружје, тоа може да нападне цели низ Европа, што го издвојува од другите видови оружје со голема прецизност и долг дострел“, изјави шефот на руските стратешки ракетни сили, Сергеј Каракаев по средба со претседателот Владимир Путин. Според генералот Каракаев, проектилот не може да биде запрен со противвоздушна одбрана.

Свет | пред 1 година

Автобус со македонски регистрации имал незгода во Србија

Автобус со македонски регистрации се излизгал и удрил во ограда на автопат во Србија, кај местото Појат. Во несреќата, нема повредени патници, ниту пак е удрено во други возила. Познато е дека има материјална штета.Во текот на денот обилните снежни врнежи предизвикаа колапс на автопатот Милош Велики.

Свет | пред 1 година

Уапсен функционер од ДУИ

Полицијата го уапсила Мухамед Љамалари, кој бил затекнат на Бит Пазар, а беше баран со потерница. Тој ваи за висок функционер на ДУИ, а според информациите, тој оди во притвор како осомничен за рушењето на заштитениот објект „Хотел Шар Ан“ во скопската чаршија,„Полициски службеници од Единицата за интервентна полиција при СВР Скопје денеска го лишиле од слобода М.Љ.(42) од Скопје, кој бил баран по централна потерница по судска наредба за издржување мерка притвор за сторени кривични дела по член 394 , член 353 и член 264 од Кривичниот законик“, велат од МВР.Делата за кои се сомничи Љамалари се злосторничко здружување, злоупотреба на службената положба, и оштетување или уништување на добра под привремена заштита или културно наследство или природни реткости.Љамалари во својство на претседател на Одборот на директори на акционерското друштво за стопанисување со станбен и деловен простор ја формирал и организирал групата која дејствувала, велеа од Обвинителството.„Тој иако знаел дека хотел „Шар Ан“, што се наоѓа во склоп на Старата скопска чаршија, претставува културно наследство и е дел од заштитена споменичка целина и не може да биде предмет на продажба не ги презел своите законски овластувања за заштита на објектот, туку побарал од дел од припадниците на групата да извршат негово противправно рушење и уништување“, соопштија тогаш од Јавното обвнителство.

Македонија | пред 1 година

Жестока реакција за казните под минимумот за трговијата и силувањето на дете: Испратена е порака дека делото не е сериозно!

Здружението Отворена порта/ Ла Страда изразува загриженост за исходот од првостепената постапка во предметот во кој жртва беше дете кое беше злоупотребено и тргувано заради сексуална експлоатација од страна на полнолетни мажи. Здружението укажува дека трговијата со деца е сериозно кривично дело.„Пристапот до правда на жртвите на трговија со деца и сексуално насилство подразбира не само пронаоѓање и казнување на сторителите, туку и изрекување соодветна санкција која ќе има одвраќачко дејство за повторување на делото од страна на обвинетите, но, и за останатите во општеството. Изречените санкции испраќаат порака до обвинетите, но до останатите трговци дека нивното однесување не е доволно сериозно за да се изрече казна барем во рамки на законскиот минимум.Особено сме загрижени што судот отстапи од досегашната пракса на доделување на правичен надоместок на жртвите на трговија со луѓе во кривичната постапка. Имено, пристапот до правда на жртвите на трговија со дете подразбира и доделување на правичен надоместок како компензација за претрпениот страв, болка и душевно страдање на детето жртва.Судот, со вчерашната одлука пропушти соодветно да го примени Законот за правда на децата, според кој, овие постапки се итни и судот има обврска да постапува на начин што нема да ја одолговлекува постапката и да го изложува детето жртва на дополнителна виктимизација. Упатувањето на жртвата да води постапка пред граѓански суд за остварување на правото на надомест на штета дополнително ќе ја виктимизира и ќе го спречи нејзиното закрепнување како жртва на трговија со дете и силување.И на крај трговијата со деца претставува еден од најзагрижувачките проблеми. Во периодот од 20 години, најголем дел од идентификуваните жртви се деца, кои сочинуваат 70% од случаите. Повеќето од овие деца се на возраст од 9 до 17 години и доаѓаат од ранливи категории. Жените и девојчињата доминираат меѓу жртвите, со висока застапеност на случаи на двојна експлоатација – сексуална и трудова. Просечната возраст на децата-жртви изнесува околу 15 години, што го прави овој феномен уште по загрижувачки. Отворена порта нагласува дека ваквите податоци ја потенцираат итната потреба трговијата со деца да се спречи, а на децата жртви мора да им се обезбеди заштита и пристап до правда“, стои во нивната реакција.ПРЕСУДАТА:

Македонија | пред 1 година

(Видео) Велешаните за трговија со дете и силување добија вкупно 31 година затвор: Слушавме алиби на обвинетите како никогаш претходно

Групата велешани кои сексуално злоупотребувале малолетничка, се осудени на затворски казни, освен еден обвинет кој доби условна осуда. Пет лица се осудени за „трговија со дете“, шест се осудени за кривично дело „силување“, а едно лице за „Прикажување на порнографски материјал на дете“. Вкупно 13 обвинети седнаа на обвинителна клупа, само еден обвинет призна вина. Пред почетокот на објавувањето на пресудата, обвинетите се бунтуваа против снимањето на медиумите и бараа да излезат надвор. Судечкиот совет рече дека Врховниот суд го дозволил снимањето и дека немаат намера да ги попречуваат снимателите: „Дали ќе останете или излезете е ваша работа, не можеме ние да одговараме за вашето однесување“.По ова, дел од обвинетите ја напуштија судницата, па влегоа кога камерманите излегоа. Највисоката казна е за обвинетиот Димовски кој доби пет години и шест месеци кој беше обвинет дека со закани врз жртвата која имала 15 години, овозможил на другите обвинети да вршат полови дејствија врз неа.1. Првообвинетиот Стефан Димовски доби казна затвор од пет години и шест месеци.2. Дејан Спасиќ кој има малолетно дете, судот го осуди на четири години и шест месеци.3. Димитар Наков кој има 27 години судот го осудува на четири години и шест месеци.4. Тино Илиевски кој има 24 години судот го осудува на четири години затвор.5. Савен Неделковски кој има 26 години го осудува судот на четири години.6. Александар Филиповски кој има 24 години го осудува судот на 1 година и шест месеци.7. Бојан Филиповски кој има 27 години судот го осудува на една година и шест месеци.8. Антонио Зогравски кој има 27 години судот го осудува на една година и шест месеци.9. Трајче Лазов кој има 28 години, судот го осудува на затвор од една година и шест месеци.10. Ристо Вељанов кој има 22 години, судот го осудува на една година и шест месеци.11. Кристијан Дончев судот го осудува 1 година и три месеци.12. Борче Коцев кој има 32 години, судот го осудува на условна казнаСудечкиот совет рече и: „Како никогаш претходно слушнавме алиби на обвинетите. Овој предмет има многу повеќе од една жртва“, па додаде:„Овој предмет покрена многу прашања, каде се движат малолетните деца, дали кокаинот е единствено нешто што ги прави среќни. Пред овој суд се изведоа многу докази. Техниките кои овие обвинети ги користат се со метод на “љубовник”, кога жртвата емоционално ќе се поврзе, се користат сите други методи“.Во овој случај, Обвинителството според Кривичен суд докажа дека во декември 2021 година осомничениот Димоски од Велес остварил комуникација со жртвата преку Инстаграм и по неколку дена континуирана комуникација, стекнал доверба кај неа, доведувајќи ја во заблуда да започнат љубовна врска. На првата средба бил направен порнографски материјал што првоосомничениот го користел како закана да го присили девојчето да доаѓа и на други средби, заканувајќи се дека доколку не дојде, материјалите со интимна содржина ќе ги објави и ќе ги сподели на социјалните мрежи, со што ќе и наштети на нејзината чест и углед.Обвинителката Милица Гаврилова докажа дека првоосомничениот го принудувал детето – жртва во повеќе наврати да оди во станови што биле наменски изнајмувани на повеќе локации во Велес. На средбите, како што се наведуваше во соопштението за истрага, присуствувале осомничени и други машки лица, кои прво консумирале наркотична дрога и алкохолни пијалаци, па во таква состојба вршеле полови дејствија врз детето – жртва и користеле сексуални услуги, иако знаеле и биле должни да знаат дека малолетното дете е жртва на трговија со луѓе.Диспозитивот нема да биде јавно објавен, за да се заштити детето-жртва.„Судот ја имаше во предвид помеѓу обвинетите и жртвата која била на возраст од 15 години. Судот го имаше во предвид дека сите биле неосудувани“, рече судечкиот совет при соопштување на одлуката.Според Кривичниот законик, за кривичното дело „трговија со дете“ се предвидува минимална казна од осум години. Според истиот член, став 3, тој што користи или овозможува на друг сексуални услуги, се казнува со најмалку осум години. За кривично дело „силување“ казната е најмалку три години. За „прикажување на порнографски материјал на дете“ казната е од три до пет години затвор.

Македонија | пред 1 година

(Видео) “Излези Данела”, “Што уште треба за оставка?” - протест пред Град Скопје

Протестот пред Град Скопје на студентите и жителите на Шутка, донесе свои пораки.Ја бараа Данела Арсовска да излезе и да разговара со неа, па викаа: “Данела не се плаши, излези Данела. Излези кажи како ќе ги решиш проблемите. Што би рекла ти: Смањи доживњај, излези и разговарај! Овие жени секој ден мрзнат по три саати”.Со нив носеа и транспаренти со пораки:

Скопје | пред 1 година

Невреме во Штип: Се расчистува низ градот, паднала и бандера

ТППЕ Штип досега повеќепати интервенирала во отстранување на паднати дрвја како последица од силниот ветер на разни локации во градот Штип и неговата околина (Градски горбишта, градинка „Вера Цирвири-Трена“, м.в. Кланица, СОУ „Коле Нехтенин“, ул. Широк Дол, угостителски објект „Нецко“, м.в. 4-ти километар, нас. Насеље, градски пазар). Во сите интервенции е учествувано со 3 пожарникари и 1 ПП возило.ТППЕ Виница со 2 пожрникари и 1 ПП возило интервенирале во отстранување на падната бандера кај бањата во с.Истибање .Од наша страна неколкупати е известена и дежурната служба на EVN за ризични електрични столбови (навалени, исфрлање искри од жици и сл., како последица од силниот ветер) на територијата на градовите Штип и Кочани, како и во селата Облешево и Истибања .

Македонија | пред 1 година

Кина ги укинува визите за Македонија

Кинеското Министерство за надворешни работи денеска соопшти дека ќе ја прошири политиката на безвизен режим за уште девет земји, меѓу кои е и Македонија.Помеѓу 30 ноември 2024 година и 31 декември 2025 година, политиката за ослободување од визи ќе се применува за обичните носители на пасоши и од Бугарија, Романија, Хрватска, Црна Гора, Малта, Естонија, Летонија и Јапонија, соопшти на прес-конференција во Пекинг портпаролот на МНР на НР Кина, Лин Џијан.Покрај тоа, Кина ќе го продолжи и периодот на безвизен престој од сегашните 15 на 30 дена, пренесе државната телевизија ЦЦТВ.Почнувајќи од 30 ноември 2024 година, имателите на обични пасоши од 38 земји, вклучувајќи ги и дополнително додадените девет земји, ќе можат без виза да влезат во Кина за бизнис, туризам, посета на роднини и пријатели, размена на посети и транзит, не подолго од 30 дена.

Македонија | пред 1 година

19-годишна девојка прегази скопјанка: МВР со детали за сообраќајката во која загина жена

Вчера во 18.40 часот во СВР Скопје било пријавено дека на булевар „Христијан Тодоровски Карпош“ во Скопје, патничко возило „сеат алтеа“ со скопски регистарски ознаки, управувано од 19-годишната А.Џ., удрило во Н.П.(69), двете од Скопје.Од здобиените повреди на местото на настанот починала Н.П., а лекар од Итна медицинска помош констатирал смрт. Со телесни повреди се здобила А.Џ., констатирани во Градската општа болница „8 Септември“.По наредба на јавен обвинител телото на почината било дадено на обдукција. Извршен бил увид од јавен обвинител и увидна екипа од СВР Скопје.

Скопје | пред 1 година

Вучиќ: Косовските полицајци влегоа во Србија, Курти очекуваше да ги убиеме

Министерството за одбрана на Србија извести дека група тешко вооружени припадници на косовската полиција илегално ја преминале границата меѓу Србија и Косово и влегле во Србија, пренесува Телеграф.„Станува збор за уште еден свесен и планиран обид да се предизвика инцидент и да се прекрши договорот на привремените приштински институции на чело со Албин Курти. Министерството за одбрана бара КФОР како единствена легална и легитимна воена сила во областа на Автономната покраина Косово и Метохија, презема мерки во согласност со својот мандат и ги спречува привремените власти во Приштина да се обидат да предизвикаат ескалација на насилството во нашата јужна покраина“, беше објавено од Министерството.„Наредбата на Албин Курти припадниците на таканаречената косовска полиција да ја преминат административната линија претставува опасна провокација и закана за мирот. Единиците на српската армија во копнената безбедносна зона ја следат ситуацијата на терен и се подготвени да реагираат согласно одредбите од Воено-техничкиот договор“, беше додадено од српските власти.Оваа информација за РТС ја коментираше претседателот на Србија, Александар Вучиќ.„Албин Курти тоа намерно го нареди, очекуваше дека овие лица ќе бидат ликвидирани и дека тоа ќе биде причината за доведување на НАТО во конфликт со Србија“, рече тој.Тој додаде дека не очекува реакција од КФОР.„Не очекувам никаква реакција, освен што очекувам реакција од Американците. Американците знаат дека Курти ова го наредил намерно. Тој очекувал овие луѓе да бидат ликвидирани и дека тоа ќе биде неговата причина да го доведе НАТО во конфликт со Србија “, рече тој.Тој најави дека следниот пат Србија ќе реагира во согласност со целосните правила за услуга.„Следниот пат ќе реагираме во согласност со целосните правила на службата и бараме од Американците да не известат дали сме во право кога велиме дека Курти лично наредил провокација и упад на неговите вооружени сили на територијата на централна Србија“ рече тој.

Свет | пред 1 година

Автобусите назад по улиците, ќе се сообраќаат како периодот пред да снемаат нафта

Во автобусите се наточи нафта од стоковите резерви на државата, па возачите се вратија на вообичаените линии. Од ЈСП нема детална информација колку автобуси се пуштени на терен утринава, откако вчера, се сообраќаа само 25 автобуси на гас. Очекувано е на градските и приградските линии да има автобуси, според истиот интензитет како до петокот.За денеска во 13:30 часот пред бараките на Град Скопје е најавен протест организиран од градоначалникот на Општина Шуто Оризари Курто Дудуш, а во 14:30 часот ќе се приклучат и студентите од УКИМ.Нормализирање на состојбите во градот побараа и советниците во Градот Скопје кои вчера на вонредна седница изгласаа заклучоци.

Скопје | пред 1 година

И студентите излегуваат пред Град Скопје денеска во 14:30 часот

Универзитетското студентско сообрание (УСС-УКИМ) за денес, 22 ноември, најавува протест поради проблемите со јавниот превоз што ќе се случува од 14 часот пред Стара Пошта и ќе продолжи во 14.30 часот пред Град Скопје.Организаторите ги повикаа сите да излезат на протестот и да го искажат незадоволството.По спроведената анкета на која одговориле 3.568 студенти, 85 отсто од нив рекле дека во последните денови чекаат автобус повеќе од 15 минути, а 66,7 проценти од нив, чекаат автобус над 20 минути.Дополнително, 93,6 отсто од студентите не се задоволни од квалитетот на јавен градски превоз во градот, а 66,7 проценти изјавиле дека од истите воопшто не се задоволни од истиот.Дополнително, организаторите на протестот апелираат на воспоставување на нови и ефикасни транспортни решенија и конечно отпочнување на предвидените инфраструктурни проекти најавени во градоначалничката предизборна програма, но и од страна на претходните градоначалници.Конкретно, барањата се следните: Продолжување и финализирање на проектот за Bus Rapid Transit; Воведување на градска железница со искористување на постоечките капацитети и изградба на пруга до Аеродромот Скопје; Отпочнување и финализирање на предвидените инфраструктурни проекти (Јужен Булевар, бул. Хрватска, бул. Србија, мостот кај Хотел Русија, продолжување на бул. Климент Охридски преку Вардар, под Кале до бул. Никола Карев, продолжување на бул. Илинден, Источна обиколница), Набавка на нови автобуси и отворање на нови автобуски линии; Надградба на велосипедската инфраструктура и промоција и поддршка на алтернативни видови на транспорт.

Скопје | пред 1 година

Земјотрес почувствуван во Македонија

Утрово, по 1 часот е регистриран земјотрес со јачина од 2,1 степен според Рихтер во Македонија.Според информациите на ЕМСЦ, епицентарот е на длабочина од 5км, на 21 километар од Кичево.

Македонија | пред 1 година

(Видео) Герасимовски: Започна новогодишното украсување, Центар е прва општина што украсува

Градоначалникот на Општина, Центар Горан Герасимовски информира дека вчера почна новогодишното украсување на улиците во Општина Центар.„И оваа година со празнично украсување внесуваме новогодишна магија во секое катче на нашата општина. Со внимателно одбрани декорации, елки, светлосни фигури и уникатни украси, целта е да создадеме атмосфера што ќе ги инспирира и обедини сите наши сограѓани“, вели Герасимовски.Празничното украсување ќе се реализира на повеќе локации, со посебен акцент на познатите јавни простори како Сквер Јадран, Боемска, Сквер Капиштец и паркот Капиштец, кои ќе блеснат во светлоста на празниците.„Дополнително, ќе се постават дрвени куќички и декорации кои ќе ја надополнат зимската бајка. На плоштадот „Јадран“ ќе биде организиран новогодишен базар, кој ќе се одржува неколку дена пред новогодишната ноќ, со бројни настани и забави. Во моментов се договараат македонски музичари кои ќе ги забавуваат граѓаните предновогодишно.Целта на овој ангажман е да се поттикне заедничко празнување, радост и оптимизам во пресрет на Новата година. Општина Центар продолжува со својата посветеност да го направи овој период од годината посебен за секој жител и посетител. Планот е до 2 декември Општината да биде во новогодишна бајка“, порачува Герасимовски.

Скопје | пред 1 година

Филипче во паника и агонија користи нарачано насилство и провокации, велат од ВМРО-ДПМНЕ

„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е во слободен пад, па посегнаа по алтернативни методи во Собранието и на помош го повикаа и активираа насилникот и пудлицата на Венко, Димитар Апасиев од Левица“, соопшти ВМРО-ДПМНЕ.„Филипче во паника и агонија користи нарачано насилство и провокации како единствен начин да го сврти вниманието кон опозицијата во Собранието. Поради тоа СДС го активира насилникот и пудлицата на Венко, Димитар Апасиев.Примитивни и недолични се обидите на СДС преку нивниот приврзок, Левица и насилникот и пудлицата на Венко, Апасиев да прават драми во законодавниот дом каде наместо цивилизирана и аргументирана дебата, конструктивни и продуктивни решенија нудат дефокус, политиканство и циркус.Во текот на вчерашниот ден во видео од неколку секунди јавноста имаше можност да ја види целата мизерија на СДС и Левица.На виделина излезе целиот примитивизам со кој се служи Филипче, а за профилот на политичкиот циркузант и акробациите на насилникот и пудлицата на Венко, Апасиев кој во Собранието јавно навредуваше семејства и деца на пратеници, јавноста може самата да суди.СДС и Левица се елементарна непогода на политичката сцена. Во современа демократија за која се залага ВМРО-ДПМНЕ нема простор за девијантно однесување, циркузанти, политиканство и деструкција.Време е во политиката да има поинаков пристап. Време е за идеи, проекти и работа во интерес на граѓаните во Македонија.ВМРО ДПМНЕ со жалење и разочарување гледа на вчерашниот инцидент во Собранието, осудувајќи ги намерите на поедини пратеници од опозицијата да предизвикаат инцидент“, соопшти ВМРО-ДПМНЕ.

Македонија | пред 1 година