ТОП

(Фото) Плата од 3.000 евра нуди Раде Штекли: по трите обиди за убиство, прави тим за обезбедување

По трите обиди за убиство, Раде Трајковски-Штекли преку социјалните мрежи објави оглас каде бара обезбедувачи. Нуди висока плата, но бара професиоалци, притоа посочува и какво искуство треба да имаат. Ова доаѓа откако пред две недели, во дворот на неговиот семеен дом беше фрлена бомба. Тој изминатиов период постојано споделува „стори“ објави на Инстаграм од кои се гледа дека шета низ Балканот.„Почитувани, барам професионално обезбедување за мене. Потребни се 4ца, морално воено или полициско искуство, да поседува дозовла за оружје, плата 3000 евра (и покриено трошкови јадење пат...) Може од секоја етничка припадност и пол“, стои во објавата.[caption id="attachment_314267" align="alignnone" width="1178"] Screenshot[/caption]Ексначалникот од МВР, Љубомир Ѓурчески во „Претрес“ зборуваше за криминалните пресметки во Скопје, но и Македонија. Тој посочи дека ликвидаторите, нема да се откажат од намерата да го убијат Штекли, се додека задачата не биде завршена.?t=2634

Македонија | пред 1 година

Царинска управа: спречен шверц на цигари, облека и хардверски делови, како и нелегален влез на илегални мигранти од Иран и Сиера Леоне

Во текот на изминатата недела мобилни тимови и царински службеници на граничните премини спречија обиди за криумчарење на поголема количина облека, цигари, нови екрани за мобилни телефони, но и употребувани хардверски делови. Спречен е и нелегален влез на илегални мигранти од Иран и Сиера Леоне откриени при контрола на товарни моторни возила пријавени за увозно царинење.Царински службеници на влез на граничен премин Табановце и на граничен премин Богородица во три случаи спречија обид за криумчарење на 442 парчиња облека. Во првиот случај при контрола на автомобил управуван од македонски државјанин, во патни торби и куфери сместени во багажникот и на задното седиште, пронајдени се 326 парчиња облека. При контрола на автобус кој сообраќал на релација Женева – Битола, управуван од македонски државјанин, во навлака за костум сместена на задните седишта пронајдени се 11 парчиња машка облека. Дополнително, при контрола на камион со косовски регистарски таблички управуван од македонски државјанин, на влез во државата на граничен премин Богородица царински службеници открија непријавени 105 парчиња облека.Против сторителите ќе бидат поведени прекршочни постапки.Разни производи меѓу кои женски чанти, паричници, тоалетни води, бижутерија со вкупна вредност од 193 илјади денари се откриени од страна на мобилните царински тимови, при контрола на македонски автобус пријавен за влез во државата на граничниот премин Богородица. Непријавените производи, сопственост на водичот на автобусот, инаку македонски државјанин, биле пронајдени во кеси сместени во просторот за багаж над патничките седишта, пред предните седишта и до возачкото седиште.Во четири случаи спречен обид за шверц на 67 штеки цигари и 5 штеки со патрони за електронски цигари.- 18 штеки цигари без акцизни маркички се откриени од страна на Службата за мобилни скенери, при контрола на цистерна со македонски регистарски таблички управувана од македонски државјанин, пријавена за влез во државата на граничниот премин Богородица. Цигарите се пронајдени во просторот за филтерот за воздух и во торба сместена на горниот кревет во кабината.12 штеки цигари и 32 килограми маџун без акцизни маркички се откриени при контрола на камион со македонски регистарски таблички управуван од македонски државјанин, пријавен за влез во државата на граничниот премин Богородица. Возилото било натоварено со стока со потекло од Турција наменета за македонски увозник. Непријавените производи се пронајдени во просторот под креветот за спиење и во фабричка празнина под тапацирот во горниот дел од кабината.При контрола камион со чешки регистарски таблички управуван од чешки државјанин, помеѓу лични предмети и облека на горниот кревет и во фабрички прегради во горниот дел од кабината, пронајдени се 21 штека цигари и 5 штеки со патрони за електронски цигари.16 штеки цигари без акцизни маркички се откриени при контрола на автомобил со словенечки регистарски таблички управуван од македонски државјанин, пријавен за влез во државата на граничниот премин Богородица. Непријавените цигари се пронајдени во багажниот простор и под предните седишта на возилото.569 разни производи со проценета вредност од вкупно 594,5 илјади денари, кои не биле опфатени со царинските документи се откриени во два одвоени случаи од страна на мобилни царински тимови, при контрола на стока пријавена за увозно царинење во царинската испостава Струга, наменета за две фирми од Струга. Во првиот случај биле откриени 365 разни употребувани производи меѓу коишто и таблети, конзоли за видео игри, рам-мемории, рачни часовници како и 15 нови екрани за мобилни телефони. Во вториот случај биле откриени 189 разни употребувани производи меѓу кои хард дискови, машина за исфрлување тениски топчиња, гуми, бандажи, катализатори, фрижидери.Царински службеници од царинска испостава Гевгелија во два случаи спречија нелегален влез на 8 илегални мигранти, државјани на Иран и Сиера Леоне при контрола на товарни моторни возила пријавени за увозно царинење. Четири илегални мигранти, државјани на Иран се откриени при контрола на товарниот дел на камион со турски регистарски таблички управуван од турски државјанин. Во друго товарно моторно возило во просторот за палети на камион со македонски регистарски таблички, управуван од македонски државјанин, се пронајдени четири илегални мигранти, државјани на Сиера Леоне.Лицата се предадени на Одделот за гранични работи и миграции при Министерството за внатрешни работи за понатамошна постапка.

Македонија | пред 1 година

(Видео) Судијата со секс скандал добил уверение за интегритет, на чекор е да стане и претседател на Граѓански суд веќе утре

Судијата Бесник Авдија е на чекор да стане претседател на Граѓанскиот суд-Скопје, без оглед на секс скандалот и снимката која протече во јавноста, а за која се тврдеше дека е направена во судот. Еден од условите е да помине и тест за интегритет, што не му претставувало проблем бидејќи добил уверение. Со ова, поминал уште една пречка, за членовите на Судски совет да можат без проблем да гласаат за неговата кандидатура која е со целосна документација. Но, проблем во неговиот избор гледа граѓанин кој во период од еден месец доставил две претставки до Советот, а тропнал и на вратите од пет амбасади. Сега, за секс скандалот знаат и САД, Франција, Германија, ЕУ, Холандија.„По неговото именување како судија во Основен граѓански суд Скопје, Бесник Авдија како судија на овој суд, за неговите биолошки потреби вршеше сексуални дејствија со вработена во овој суд во службени простории на овој суд. За овој настан постои и видео клип. За тоа дека постои таков видео клип ви предлагам да се обратите до претседателот на овој суд, Илир Сулејмани и од него да побарате подетални информации“, стои во дел од претставката, која во Судскиот совет е архивирана на 20 октомври, а во која поднесителот посочува дека ваквите судии се причина за ниската доверба во правосудните органи.Во Судскиот совет има две претставки, потврдуваат оттаму за „Скопје1“. Имаат иста содржина. Таа е земена во работа, но одлука до утрешното гласање за избор на претседател – нема да има. Сепак, од ова судско тело наведуваат дека за овие случувања, веќе било расправано во 2019 година.„Како го поминал судијата психолошкиот тест и тестот за интегритет треба да проверите во институциите што ги прават овие тестови. Судскиот совет само добива писмено известување дали кандидатот положил или паднал. Во конкретниот случај, Судскиот совет добил позитивно известување“, вели Гордана Дувњак, портпарол на Судскиот совет на РСМ.Поради отфрлање на една апликација која била некомплетна, Авдија останува единствен кандидат за претседател. Засега непознато е и дали се утврдени околностите кој го снимал секс скандалот во судот, но и дали има санкционирани лица.За ова се пишуваше и пред четири години. Тогаш дел од медиумите објавија делови од снимката. Во онлајн архивите, нема демант на наводите за секс скандалот.?si=JVoe6pc-nUoA1i2TБесник Авдија суди имотни спорови и спорови од мала вредност. Детали за спорови кои ги водел - нема. На веб-страницата од судот, нема ниту негова фотографија.

Македонија | пред 1 година

Се коментираше и секс снимката во Судски совет: Судијата Авдија е избран за претседател на Граѓански суд

Со 11 гласа „за“, Бесник Авдија беше избран за претседател на Граѓанскиот суд-Скопје, и покрај секс-скандалот за кој пишуваа медиумите пред четири години, а по изнесените сомнежи како положил тест за интегритет. Сепак, бидејќи нема постапка, кривична одговорност, дисциплинска повреда – членовите сметаа дека нема зошто тој да не биде избран. Ја коментираа и снимката која беше објавена, а за која медиумите тврдеа дека е снимена во Граѓанскиот суд.„Има позитивна оценка, ги исполнува сите други услови предвидени со закон. Судија е во Основниот граѓански суд, ги знае проблемите во судот, сметам дека ќе ја извршува совесно и професионално работата како претседател. Во врска со овој кандидат, во јавноста беа изнесени некои податоци и во овој момент, можам да кажам дека она што е изнесено е за настан од 2019 година. Сметам дека тоа не е причина, кога нема утврдени факти, да во овој момент во советот, а со оглед дека се уште не е расправано по претставката поднесена од некое лице – за да доведе да не гласам за овој кандидат. Доколку се утврди дека има некакви причини за да не ја врши таа функција – Советот ќе постапува. Овој кандидат има психолошки тест и тест за интегритет. Не можам поинаку да гласа“, рече Мери Радева.Се надоврза и судијката Антоанета Димовска, која доаѓа од Граѓанскиот суд.„Тој беше единствен кандидат кој ги исполнува сите услови. Колегата го познавам лично. Точно е дека во јавноста се појави претставка која е анонимна, за настан од 2019 година за кој сум лично запознаена. Лично гледајќи ја снимката, не можам да кажам дека тоа би било пречка, а нема постапка за детално да се испита, за да се види дали тоа е некаква дисциплинска повреда. Сметам дека е тенденциозно доставувањето на претставата еден ден ред изборот. Тоа е настан од 2019 година. Нема што друго да порачам, освен добро здравје и добро да балансира и менаџира“, кажа судијката Димова.Судијата Бесник Авдија и е познат на јавноста по секс-скандалот и снимката која протече во јавност, а за која се тврдеше дека е направена во Граѓанскиот суд. Сепак, и покрај ова, тој го помина тестот за интегритет и документот го достави до Судски совет. Со ова, поминал уште една пречка, за членовите на Судски совет да можат без проблем да гласаат за неговата кандидатура која е со целосна документација.„Доставено е стручно мислење, по кое, секој кандидат се препорачува за избор на претседател на суд“, кажа Ивица Николовски, член на Судскиот совет за резултатите од спроведените тестови за интегритет.Но, проблем во неговиот избор гледа граѓанин кој во период од еден месец доставил две претставки до Советот, а тропнал и на вратите од пет амбасади. Сега, за секс скандалот знаат и САД, Франција, Германија, ЕУ, Холандија.„По неговото именување како судија во Основен граѓански суд Скопје, Бесник Авдија како судија на овој суд, за неговите биолошки потреби вршеше сексуални дејствија со вработена во овој суд во службени простории на овој суд. За овој настан постои и видео клип. За тоа дека постои таков видео клип ви предлагам да се обратите до претседателот на овој суд, Илир Сулејмани и од него да побарате подетални информации“, стои во дел од претставката, која во Судскиот совет е архивирана на 20 октомври, а во која поднесителот посочува дека ваквите судии се причина за ниската доверба во правосудните органи.Бесник Авдија суди имотни спорови и спорови од мала вредност. Детали за спорови кои ги водел – нема. На веб-страницата од судот, нема ниту негова фотографија.

Македонија | пред 1 година

ВЛЕН до ДУИ: Работевте скришно да го вратите Груевски за да ја зачувате вашата скапана моќ

„Поминаа четири дена откако јавноста беше потресена од шокантните откритија за ДУИ и нејзината разбиена клика. Што прават тие? Mолчат!“, велат од ВЛЕН.„Планот за враќање на Никола Груевски, оркестриран од високи експоненти на ДУИ, е нож во грб на Албанците. Вас, на кого Албанците му веруваа, работевте скришно да го вратите нивниот најголем непријател. Зошто? За да ја зачувате вашата скапана моќ!За враќање на Груевски и амнестија беа искористени тајните средби, притисокот врз институциите и вмешаноста на високи функционери. Но, овој срамен план пропадна и сега Албанците бараат одговори.ВЛЕН нема да молчи. Од Скопје му велиме на Али Ахмети, немој да се криеш во Швајцарија, туку врати се и дај отчет. Зошто сета оваа љубов кон Груевски? Што имаш ти со тоа? Какви пазарења направивте и што се обидувате да скриете од Албанците?Албанскиот народ повеќе нема да се изманипулира. Правдата доаѓа, а вашите игри завршија. Ќе се разоткријат лаги, манипулации и тајни зделки. Албанците ја заслужуваат вистината и ќе ја добијат“, соопштуваат од ВЛЕН.

Македонија | пред 1 година

Претседателот на СДСМ, Филипче ќе се сретне со претседателката Сиљановска-Давкова

Денеска ќе се одржи работна средба помеѓу претседателот на СДСМ, Венко Филипче и Претседателката на државата, Гордана Сиљановска – Давкова, извести СДСМ.Средбата ќе биде во Кабинетот на Претседателката на Република Северна Македонија (Вила Водно) со почеток во 15.00 часот.По средбата, како што е најавено изјава за медиуми ќе даде претседателот на СДСМ, Венко Филипче.

Македонија | пред 1 година

(Видео) Тошковски: Договорено взаемно признавање на возачките дозволи со Обединетите Арапски Емирати

Министерот за внатрешни работи Панче Тошковски од 24 до 27 ноември со делегација на министерството е во работна посета на Министерството за внатрешни работи на Обединетите Арапски Емирати во Абу Даби. Ова е прва официјална посета на ниво на министри за внатрешни работи од осамостојувањето, а е со цел унапредување на билатералната соработка на полето на борбата против тероризмот и брза размена на информации во делот на борба против корупцијата и организираниот криминал и трговијата со луѓе и мигранти.Во текот на вчерашниот ден на официјалната средба помеѓу министерот Тошковски и министерот за внатрешни работи на Обединетите Арапски Емирати шеикот Саиф бин Зајед ал Нахјан беа потпишани два меморандуми за разбирање за безбедносна соработка и борба против тероризмот и за меѓусебно признавање и замена на возачките дозволи помеѓу двете држави.„Со желба за олеснување на движењето на граѓани кои поседуваат возачки дозволи издадени од соодветните надлежни органи на двете земји за време на посета или престој на територија на едната или другата држава веќе нема да имаат потреба од замена на возачките дозволи. Тоа значи дека и двете страни ги ослободуваат подносителите на барање за замена на возачката дозвола од теоретски и практични тестови и потреба од полагање во другата држава во категориите А, Б и БЕ. За повеќе од илјада македонски граѓани кои живеат во ОАЕ ова ќе значи значително намалување на трошоците. Меморандумот за разбирање за безбедносна соработка и борба против тероризмот отвара голем простор за соработка за брза размена на информации и спречување на кривични дела во спектарот од тероризмот преку организираниот криминал и корупција до спречување на трговијата со луѓе и мигранти“, потенцираше министерот Тошковски на средбата.На средбата министерот Тошковски побара да се разгледа можноста за укинување на визите за македонските граѓани за ОАЕ, со цел развивање на поинтензивна туристичка, економска и културна соработка помеѓу нашите две земји.Исто така, делегацијата на МВР ги посети Одделот за среќа, Одделот за иновации и Директоратот за операции на МВР на Обединетите Арапски Емирати, каде што непосредно се запозна со нивната работа и иновативните решенија кои ги имаат имплементирано водејќи се пред сѐ од потребите на граѓаните и нивното задоволство од услугите што ги нуди Министерството.

Македонија | пред 1 година

Сиљановска обвини за хајка по спорните помилувања, па го кажа новиот состав на Комисијата

Претседателката Гордана Сиљановска Давкова го избра и соопшти новиот состав на Комисијата за помилување. Пред тоа, таа посочи дека кај претходниот состав на Комисијата не гледа никаква грешка во постапувањето, кога беше помилуван и член на нарко-банда. Сиљановска-Давкова посочи и дека таа нема никаква грешка.„Хајката што се случи по медиумите е интересен феномен. Колегите не згрешија. Во ништо не згрешив ниту јас. Затворениците се луѓе, помилувањето е давање на милостина. Комитетот за превенција на тортура и нечовечко постапување ни упатува и критики дека кај нас има најниски помилувања“, рече претседателата.Таа кажа дека во нејзиниот тим за помилување немало и нема да има актуелни обвинители, судии, адвокати и беше децидна: „Јас сум против тоа“.Пензионираната врховна судијка Милка Ристова ќе биде претседателка на новата Комисија за помилување во кабинетот на претседателката.Членови се:-професорката по кривично право од Правниот факултет „Јустинијан Први“, Александра Груевска-Дракулевски,-професорот од Факултетот за безбедност Оливер Бачановиќ,-доктор по психолошки науки Драгана Батиќ,-професорката од Правен факултет, Александра Груевска Дракулевски,-професорот од тетовскиот правен факултет Афет Мамути,-професорката по казнено право од Универзитетот на Југоисточна Европа, Блерта Ахмеди Арифи,-магистер Доан Сулејманоски, кој доаѓа од невладиниот сектор.Првата седница, Комисијата за помилувања ќе ја одржи утре.Претходните членови на Комисијата поднесоа колективна оставка по само три месеци работа.Оставките беа по острите реакции во јавноста откако по повод Денот на Македонската револуционерна борба, 23 Октомври, претседателката Силјановска помилува десет осуденици, меѓу кои беше и Акиф Равмановски, припадник на нарко кланот „Барон“. Помилувани беа и поранешниот битолски градоначалник Владимир Талевски обвинет во случајот Транспортер и Маријан Ефремов првоосомничен во аферата „Шпион“.Претседателката е на став дека поради законските ограничувања за проверки и мешање во работата на судовите и на обвинителствата, неправедно настрада претходната Комисија.

Македонија | пред 1 година

Маж со брадичка и седа коса кој личи на Палчо, го возел рено-кангуто, сведочење на вработен во Безбеден град

На денешното судење за двојното убиство, на 14-годишната Вања и велешанецот Панче Жежовски, сведочеше и вработен во Министерството за внатрешни работи во одделот Безбеден град (Safe city).Тој во судница кажа дека на 27 ноември 2023 година, денот на исчезнувањето на Вања, вршеле пребарување во Скопје.Тој посочи дека во возилото „рено кангу“ на 27 ноември во 9:40 часот на камера се појавуваат две силуети.„ Се гледа дека возачот е со брадичка, личи на првообвинетиот, додека, на другите камери не може да се забележи силуети на лице“, рече сведокот.Тој кажа дека од началниците на СВР Скопје на 27 ноември добиле наредба да го бараат возилото на камерите, бидејќи тоа возило е поврзано со запалениот цитроен со кој беше грабната Вања Ѓорчевска.Цитроенот е забележан утрото на 27 ноември дека се паркира пред зградата на убиеното девојче. Потоа тоа се движи по Партизанска, Рузвелтова и Орце Николов и се упатува кон „Александар палас“. Потоа, од началниците добивме насока да го бараме на камерите возилото рено кангу поради поврзаност со запалениот цитроен, рече сведокот.На камерата кај Веро во Чаир забележуваат и дека возачот е со седа коса и брада и личи на првообвинетиот во овој случај“, рече сведокот.Кога го следеле цитроенот на снимките забележале дека истото возило пред зградата на убиената Вања било паркирано и утрото на 24 ноември.

Македонија | пред 1 година

Велибор Манев нѐ однесе до местото и покажа каде е закопан убиениот Панче, сведочеа полицајци

Обвинетиот Велибор Манев е човекот кој ја одвел полицијата на местото каде е закопан велешанецот Панче Жежовски. Ова на денешното рочиште го посочија двајца полицајци кои сведочеа денеска во врска со убиствата на Вања Ѓорчевска и на Панче Жежовски што се случија лани во ноември.Двајцата рекоа дека Манев не зборувал ништо друго по пат освен што им го покажувал патот до местото.„Отидовме до едно место, каде требаше да се откопа дупка во која има тело. Не знаевме за кого се работи. Манев ни даваше насоки каде да одиме“, сведочеа полицајците.Патот според полицајците од интервентна бил непрооден за возила, со дупки и се работело за планински дел, на дел оделе и пеш.

Македонија | пред 1 година

„Можен е исчекор во процесите“, претседателката ентузијаст дека ќе се најде решение со Бугарите за да се продолжи кон ЕУ

Претседателката Гордана Сиљановска-Давкова на брифинг со новинарите посочи дека гледа оптимизам во процесите за пристапување кон преговори со ЕУ во реакциите кои добива при средбите во странство. Таа посочи дека на неа и велат: „Вие сторивте се, дури и невозможното, на ред сме ние“. Според неа, мешањето на меѓународната заедница во измените на македонскиот Устав е преседан, кој ќе прерасне во пракса. Посочи дека дури и белгискиот премиер и го посочил тоа.„Не е пријатно кога ќе ви кажат дека првпат слушаат некои работи, а мислеле дека се е компромис“, искоментира претседателката за средбите кои ги има на меѓународно ниво, посочувајќи дека светските политичари не биле судрени со македонските аргументи за уставните измени и компромисите на Македонија.Според неа, Македонија доживеала момент кој ќе се учи во учебници по уставно право, а тоа е изјавата на портпаролката на европската комисија, која рекла: „Да смените Устав“. Претседателката е децидна тоа е мешање во внатрешните работи на републиката.Сиљановска-Давкова на брифингот посочи дека на прашањето „Кога ќе го смените Уставот“, им одговара: „Само апсолутен монарх може тоа да го вети“, па искоментира: „Ако некој мисли дека ќе се повтори преспанската приказна со пресија, тоа е суспензија на парламентарната демократија“.Таа беше зачудена од изјавата на бугарскиот претседател Румен Радев кој ја демантираше неа, со тврдење дека на нивната средба во Баку го искоментирал предлогот Бугарите да влезат во Устав, со одложено дејство.„Со Радев разговаравме еден час, јас мирно и тивко објаснив дека во Договорот нема ниту еден збор за Уставни измени. Позицијата ни е јасна, ја кажуваме на сите. Немаше реакција“, беше децидна Сиљановска-Давкова.Претседателката го прераскажа и разговорот со Радев, кој според неа, и рекол дека е покритикуван од неа.„Ако не може да констатираме стабилност на Владите, тогаш, може да констатираме дека тој е најстабилен. Тој вели дека е покритикуван од мене. Вели дека е спремен кога сакаме да имаме средби, по наше или нивно барање“, додаде таа.Сиљановска-Давкова посочува дека е можен исчекор во делот со Европска Унија.„Можен е исчекор од тоа што го слушнав. Не можам да тврдам дека ќе се случи, додека не видам конкретни чекори“, додаде претседателката.

Македонија | пред 1 година

Мицкоски не е импресиониран од новото раководство на СДСМ: Разочаран сум

Премиерот Христијан Мицкоски вели дека не е импресиониран од новото раководство на опозициската СДСМ, туку напротив е разочаран.„Избраа раководство какво што заслужуваат. Тие најдобро знаат, ние не можеме да кажеме какво раководство треба да изберат. Не сум импресиониран од ова раководство - напротив сум разочаран, затоа што не можат да бидат конструктивна опозиција. Ќе продолжат со опструкции и навреди“, изјави Мицкоски, коментирајќи го изборот на највисоките тела на СДСМ на вчерашниот конгрес.Според Мицкоски, за десетина месеци ќе има тест, со почетокот на кампањата за локалните избори „и ќе видиме дали ова раководство ќе понуди нешто ново“.„Сакам да бидат конструктивен партнер на политичката сцена, но можам да кажам дека не сум импресиран“, вели Мицкоски.

Македонија | пред 1 година

Кешишев: Изјавата не е моја, Палчо ми даде лист да ја препишам

Пресврт на денешното рочиште за убиството на Вања и Панче Жежовски.Обвинетиот Влатко Кешишов на крајот преку својот адвокат побара збор и кажа дека изјавата од претходното рочиште дека обвинетиот Љупчо Палевски-Палчо не бил присутен за време на грабнувањата и убиствата на Вања Ѓорчевска и Панче Жежовски не била негова.Тој вели дека ја напишал под принуда на Палевски додека со комбе биле спроведувани заедно во затвор каде што издржуваат притвор.Тој појасни дека тоа го направил од страв, а Палевски во комбето му дал ливче со напишана изјава и му кажал да ја препише со свој ракопис и да ја поднесе до судот.На претходното рочиште судијата Ивица Стефановски извести дека обвинетиот Влатко Кешишов поднел писмена изјава доставена од затвор во која вели дека Љупчо Палевски-Палчо на 22 и 27 ноември лани не бил со него, со Велибор Манев и со Боре Видевски, кога биле грабнати и убиени Вања и Панче и дека спиел во штабот на партијата Десна.Ова според многумина требаше да го смени текот на судењето и да биде олеснителна околност за Палчо.Пред денешното рочиште изјави дадоа обвинителките Жаклина Крстевска-Јосифовска и Ана Стојковиќ-Димитровска кои рекоа дека пишаната изјава на Влатко Кешишов, во која тврди дека Љупчо Палевски-Палчо не бил присутен за време на убиствата на Вања и Панче во оваа фаза од постапката нема никаква доказна вредност.

Македонија | пред 1 година

Кривична против поранешниот министер за култура, го оштетил буџетот за 31.824.000 денари

Управата за финансиска полиција, до Oсновното јавно обвинителство Тетово поднесе кривична пријава против Хусни Исмаили, поранешен министер во Министерството за култура, поради постоење основано сомнение за сторено кривично дело Несовесно работење во службата, од член 353-в ст.1 и ст.2 од Кривичниот Законик.              Пријавениот Х. И. во својство на службено лице-министер во Министерството за култура, ја злоупотребил својата службена положба и овластување со неизвршување на својата службена должност на начин што во периодот од 27.06.2019 до 30.08.2020 година, на ден 24.07.2020 година, несовесно постапил на начин што потпишал решенија и склучил договори со правни и физички лица за финансирање на проекти во вкупен износ од 31.824.000 денари, иако бил свесен дека со извршениот ребаланс на буџетот од страна на Владата на Р.С.Македонија објавен во Службен весник бр.126 од 15.05.2020 година, недостасуваат финансиски средства за веќе преземените тековни обврски во однос на годишните конкурси за финансирање на проекти, извести Финансиската полиција. Со горенаведените дејствија, пријавениот Х. И. предизвикал штета на Буџетот на министерство за култура по основ потпишани решенија и склучени договори во износ од 31.824.000 денари.

Македонија | пред 1 година

Почина Митрополит Тимотеј

На 73-годишна возраст денеска почина Дебарско-Кичевскиот Митрополит Тимотеј. Тимотеј ја загуби битката откако неколку дена бил на болничко лекување поради проблеми кои ги имал со срцето.Тимотеј е роден на 20 октомври 1951 година во Младо Нагоричане, Кумановско како Славе Јовановски.Во 1976 година дипломирал на Богословскиот факултет. Потоа работел како службеник во Македонската архиепископија.Од страна на Синодот бил испратен во Рим каде ги завршил ориенталните студии и магистратура. На богословскиот факултет во Скопје извесно време Јовановски работел и како професор, а е поставен и за в.д. ректор на Македонската православна богословија.

Македонија | пред 1 година

(Видео) Фани Каранфилова од Сорос со над 2 милиони годишна плата не може да биде ново лице во СДС, таа е потрчко на Заев, вели Лефков

„СДС вчера со партиски Конгрес потврди дека партијата ја води Зоран Заев, преку неговиот неврохирург Венко Филипче и 40-те потрчковци“, рече Миле Лефков пратеник и член на ИК на ВМРО-ДПМНЕ.„Венко Филипче е во сенка на Заев. Филипче беше министер за здравство, во чие време се случи катастрофата во Тетово, каде луѓе живи изгореа во модуларната болница, а тој не понесе одговорност. По тој настан секој човек со грам одговорност засекогаш ќе се повлечеше од функцијата, но не и Филипче.Истиот тој Филипче, неврохирургот на Заев, кој очигледно е опериран од срам и доблест, вчера за заменик претседател ја назначи Фани Каранфилова Пановска, поранешен претседател на Сорос Македонија.Фани Каранфилова Пановска за која неврохирургот на Заев, Филипче кажа дека ги има во себе социјалдемократските вредности во Сорос имала месечни примања од 3.400 евра. Толку треба да знаеме за социјадемократијата на Каранфилова Пановска.Според јавно достапните информации од Фондацијата Сорос Македонија за 2014-та година земала бруто во износ од 2.030,118 денари.Тоа за кое што народот работи 5 години, Каранфилова Пановска го заработува за 1 година.Каранфилова Пановска е дел од луѓето кои се бореа Зоран Заев да дојде на власт уште во 2017 година, преку таканаречената Шарена револуција од 2014 и 2015 година.Каранфилова Пановска не е никакво ново лице на СДС, таа е дел од 40-те потрчковци на неврохиругот на Заев, Филипче.Со Венко Филипче и Фани Каранфилова Пановска СДС е само продолжение на партијата која ја водеше Заев, која донесе многу порази за Македонија, криминал и стагнација“, изјави Миле Лефков пратеник и член на ИК на ВМРО-ДПМНЕ.

Македонија | пред 1 година

Витина до Меџити: Министре, немој да го присвојуваш трудот на вработените на град Скопје

„Соопштението што на Меџити од неговото министерство за да си го покрие срамот кое очигледно во брзање му го напишале, толку е далеку од реалноста што навлага во сегменти кои се метафизички“, реагира Ирена Витина, советник во Совет на Град Скопје на изјава на Изет Меџити.„Министре Меџити! Министерството ниту аплицирало за проект ниту го добило, немој да го присвојуваш трудот на вработените на град Скопје.За автобусите кои упорно ги презентираш како свој единствен проект во 5 месеци во министерска фотеља, очигледно не те информирале дека постои апликација која Градот Скопје и вработените ја изготвиле, ја аплицирале и успешно ја имплементирале.За среќа ова се Европски процеси на кои ти не можеш да влијаеш. За разлика од европските проекти, во апликациите на град Скопје до Влада каде ТИ имаш директно влијание, ниту еден проект за животната средина во градот Скопје ТИ не го одобри. Толку од твоите заложби за подобра животна средина и чист воздух за скопјани. Доколку ти одлучуваш, исходот е нула“, се додава во реакцијата на Витина.

Скопје | пред 1 година

МЖСПП: Советничката Ирена Витина подобро да се информира, пред да изнесува невистини во јавност

Министерството за животна средина и просторно планирање остро реагира на изјавата на советничката на Град Скопје Ирена Витина, за обезбедувањето на 6-те еколошки автобуси и ја оценува како тендециозна, навредлива и со цел да се намали кредибилитетот на институцијата и на министерот Изет Меџити.„МЖСПП ја информира јавноста, а особено спомената советничка која не е доволно информирана, дека набавката на овие автобуси е само една активност од акциската ЕУ програма за еколошки стандарди и чист воздух и е дел од целосната Програма за животна средина и климатска акација во рамки на ИПА 3 помошта од ЕУ.Активностите од оваа Програма се испрограмирани на предлог на Министерството за животна средина и просторно планирање во координација со сите вклучени страни, меѓу кои е и Градот Скопје, одобрени од Владата РСМ и прифатени од страна на ЕУ Комисијата за финасирање“, велат од Министерството„Програмата за чист воздух содржи повеќе компоненти за кои повеќе пати сме информирале, се спроведува под директно управување од страна на Делегацијата на Европската Унија. Министерството за животна средина и просторно планирање е одговорно за следење на имплементацијата на Програмата и е корисник на истата, а конретно на оваа активност Градот Скопје е краен корисник.Нагласуваме дека МЖСПП ги програмира сите активности што се финансираат ЕУ инструментот ИПА, ја следи имплеменатцијата и известува кон ЕУ Комисијата за постигнатите цели од реализација на ИПА проектите.Добро би било советничката на Град Скопје Ирена Витина подобро да се информира пред да излезе во јавност со вакви невистини. Дополнително за нејзино информирање, покрај грант средставата од ЕУ, Владата на Република Северна Македонија обезбедува и национална контрибуција за целата Програма“, соопшти Министерството.

Скопје | пред 1 година

(Видео) Одбивањето на амандманот за заштита од пожари од страна на ДПМНЕ е чин на директна негрижа и нагон за доуништување на Македонија, велат од Левица

Пратеникот Сашко Јанчев говореше на Комисијата за финансирање и буџет по повод поднесениот амандман од страна на Политичката партија Левица со кој се бараше повеќе, односно соодветна, намена на средства за противпожарна заштита.„Секоја чест за хероите коишто се бореа со огнените стихии, но во ваква катастрофална ситуација со пожари, да не се предвидат повеќе средства за заштита од пожари не е показател на неодговорност, туку симптом на самоуништување. Затоа, предлагаме 200 милиони денари да се додадат во ставката за купување на опрема и машини и да се прераспределат на територијалните противпожарни единици.Ситуацијата со шумските пожари во Македонија е алармантна! Секоја година, особено во летните периоди, Македонија се претвора буквално во пекол и просекот на изгорена површина во периодот од 2006 до 2023 година е околу 12.000 хектари, а тоа кулминираше во 2024. Само во 2024 година, во шумски пожари изгореа 90.000 хектари површина, што е околу 3,6% од цела територија на државата“, рече Јанчев.„Секоја година ние се соочуваме со истите проблеми кога се во прашање шумските пожари. Недоволна опременост на противпожарните единици, нашите противпожарни единици влегуваат во оган со несоодветни обувки, со стара опрема и облека, а опремата пожарникарска не е како обична облека која може да се носи 5-10 години, таа си има рок на траење и тоа е краток рок, откако ќе помине рокот таа веќе не ги штити пожарникарите.Пожарникарите користат стари боци за кислород коишто се под притисок и коишто во такви ситуации - сами по себе се опасни по живот.Имаме стари противпожарни возила, се соочуваме со недостаток на модерни и мобилни противпожарни возила.Имаме проблем со несервисирани авиони, имаме недостаток на персонал. Годинава се доведовме во ситуација пензионери да летаат авиони и да гаснат пожари“, соопшти Јанчев.„Одбивањето на амандманот за заштита од пожари од страна на ДПМНЕ е чин на директна негрижа и нагон за доуништување на Македонија. Наместо да го остават политиканството настрана и да го приоретизираат животот, здравјето, безбедноста на граѓаните, како и нашата природа и територија - тие продолжуваат со својата деструктивна политика“, додаваат од Левица

Македонија | пред 1 година

Делови од Аеродром и Гази Баба денеска без струја

Од ЕВН Македонија добиено е известување дека поради планирани зафати во електродистрибутивната мрежа денеска без напојување со електрична енергија ќе останат:· Од 08:30 до 12:30 часот корисниците од дел од булеварот 3та Македонска Бригада – кај ресторан Дион (Општина Аеродром);· Од 08:30 до 11:00 часот корисниците од дел од улица Гемиџиска.(Општина Гази Баба)

Скопје | пред 1 година

(Видео) Се урна товарен авион кај Вилнус, еден загинат

Рано утринава товарен авион се урна во близина на аеродромот во Вилнус, во областа Липкалнис, јавија литванските медиуми. Според официјалните информации, пилотот - кој се освестил - бил извлечен од урнатините и предаден на медицинскиот персонал.Претставник на Одделот за противпожарна заштита и спасување за ЛРТ Радио изјави дека најмалку едно лице загинало, а неколку се повредени.Според првичните информации, товарниот авион летал од Лајпциг, а се вели дека паднал врз куќата. Ова за ЛРТ Радио го потврдија претставници на аеродромот. Спасувачките служби се на местото на настанот. Претставникот на аеродромот Мариус Зелениус за ЛРТ Радио изјави дека на местото на несреќата работат голем број спасувачки екипи. Според него, авионот од Лајпциг се урнал околу 5:30 часот по литванско време во Липкалнис.Според прелиминарните податоци на Одделот за противпожарна заштита и спасување, во 5 часот и 28 минути е добиена информација дека товарен авион паднал врз куќа. Пилотот бил извлечен од авионот откако се освестил, но нема информации за останатите луѓе во куќата. „Двокатницата гори во отворен пламен“, изјави претставник на Одделот за противпожарна заштита и спасување за ЛРТ Радио.Одделот за противпожарна заштита и спасување извести и дека едно лице загинало, а едно е повредено.„Двајца се пренесени со брза помош во болница, додека едно лице е констатирано починато. Според првичните податоци, тоа се лицата кои се наоѓале во авионот“, изјави Саулиус Рашевскис, претставник на Одделот за координација на состојбите на Одделот за противпожарна заштита и спасување.

Свет | пред 1 година

(Видео) „Боки 13 е жртва на Заеви, како што Јанакиески беше жртва на Груевски, Диво Насеље остави милион прашања по сведочењето за Ахмети“, вели ексначалникот од МВР

„Боки 13 е жртва на Заеви, како што Јанакиески беше жртва на Груевски. Диво Насеље остави милион неодговорени прашања откако обвинетите во судница бараа да одговараат нарачателите, па кажаа дека го барале Али Ахмети“. Ова се дел од поентите на ексначалникот во МВР, Љубомир Ѓурчески кажани во „Претрес“.Говореше за недовршени истраги, неодгатнати прашања на повеќе теми.Цел поткаст ви е тука:

Македонија | пред 1 година

Ова е новиот Централен одбор на СДСМ: ексдиректори, ексминистерка, ексградоначалник меѓу имињата

На денешниот конгрес, избран е новиот Централен одбор на СДСМ. Вкупно 113 имиња се списокот избрани функционери од СДСМ, дознава „Скопје1“.Меѓу нив, ексдиректори како Филип Андов-Сокол кој раководеше со затворот „Скопје“ во Шутка, Горан Трајковски-Штраус кој раководеше со „Пазарна инспенција“, Викторија Мадиќ-Аврамовска која е поранешна заменик-министерка за правда, Љупчо Фармаковски кој беше член на УО на Фонд за пензиско и инвалидско осигурување, Кети Штерјова која е дел од Општина Центар и поранешен потпретседател на СДММ, Велимир Смилески кој е ексградоначалник на Бутел, Мартин Костовски кој беше пратеник, Гордан Шутаров кој е дел од Советот на Град Скопје.По изборот на Централниот одбор ќе се избира новиот извршен одбор, потпретседателите на партијата и генерален, односно можеби и двајца секретари на партијата.Ова се останатите избрани имиња:

Македонија | пред 1 година

Пронајден Виктор, по кого се трагаше четири дена

Виктор од Нагоричане кој исчезна е пронајден здрав и жив. Тој беше пријавен од неговата мајка дека се оддалечил од домот.Од семејството објавија дека тој е во добра здравствена состојба и е дома. Засега не е познато каде бил, причината за исчезнувањето.„Во моментот e во Полициската станица во Куманово, и се испитува мотивот за неговото исчезнување“, изјавила неговата мајката М.Н. која го пријави исчезнувањето.Виктор беше пријавен за исчезнат на 19 ноември.

Македонија | пред 1 година

Фани Каранфилова Пановска на местото на Сања Лукаревска во СДСМ

Фани Каранфилова Пановска е новата заменик претседателка на СДСМ.Таа ја замени досегашната заменик претседателка, актуелната пратеничка Сања Лукаревска, која поднесе оставка на функцијата по изборниот пораз на СДСМ во месец мај.Каранфилова Пановска е поранешна директорка на фондацијата Отворено општество.Откако на чело на СДСМ дојде Зоран Заев во 2013 година, беше воведена функција заменик-претседател, која ја вршеше Радмила Шекеринска, а потоа на нејзино место дојде Сања Лукаревска.

Македонија | пред 1 година