ТОП

Путин го потпиша законот за взаемна одбрана со Северна Кореја во случај на воен напад

Рускиот претседател Владимир Путин потпиша договор за стратешко партнерство со Северна Кореја, кој вклучува одредба за взаемна одбрана, според декретот објавен во саботата.Договорот, потпишан во јуни од Путин и севернокорејскиот лидер Ким Џонг-ун по самитот во Пјонгјанг, предвидува взаемна помош на потписниците во случај на воен напад.Горниот дом на рускиот парламент го ратификуваше договорот оваа недела, додека Долниот дом го одобри минатиот месец.Путин го потпиша указот за ратификација, кој беше објавен на веб-страницата на владата во саботата.Односите меѓу Москва и Пјонгјанг стануваат поблиски по руската инвазија на Украина во февруари 2022 година.Според извештаите од Јужна Кореја и западните земји, Северна Кореја ја снабдувала Русија со оружје.Украинските форензички експерти велат дека на местата на руските напади пронашле траги од севернокорејско оружје.Украинскиот претседател Володимир Зеленски изјави во четвртокот дека Северна Кореја испратила 11.000 војници во Русија и дека некои севернокорејски сили претрпеле загуби во борбите со украинските сили во јужниот руски регион Курск.Русија не го потврди присуството на севернокорејски војници.

Свет | пред 1 година

Загадувањето стигнува на голема врата: Македонија меѓу првите 20, Скопје во првите 10, во светот

Македонија на 18-то место, а Скопје на седмо. Вака според глобалните веб-страници за рангирање по квалитет на воздух, котираме ние. Ова значи дека кај нас се дише нечист воздух со ПМ10 честички над дозволените граници.Според страницата „Iqair“ во Скопје се дише воздух кој е штетен за здравјето. Понеквалитетен воздух според оваа страница има во Мумбаи, Каиро, Ташкент, Багдад, Делхи, Лахор.[caption id="attachment_311557" align="alignnone" width="2218"] Screenshot[/caption]

Македонија | пред 1 година

И спремаат пуч на Зајкова, таа истовремено излезе со стратегија за локалните избори

Пуч и се спрема на Моника Зајкова во ЛДП, според најавата која стигна од членови на ЛДП кои формираат иницијативен одбор за вонредно собрание.„Недела во 12 часот, во големата сала на Општина Кисела вода ќе се состанат 2/3 од општинските организации на ЛДП и ќе формираат иницијативен одбор за свикување вонредно собрание на ЛДП за промена на раководството поради нивната непринципиелна пазарџиска политика и недемократско водење на партијата. Тие ги повредија основните демократски постулати на работа. Во недела ќе ги претставиме нашите позиции и ставови. Неодамнешните случувања јасно укажаа на тешката криза и поделбата во партијата која неминовно може да се разреши само со свикување вонреден конгрес и смена на актуелното раководство во ЛДП. Од името на општинските организации на прес конференција ќе се обрати Бобан Бојковски од општинската организација Куманово“, најавија од иницијативниот одбор.Истовремено, Зајкова од Источна Македонија има конкретна стратегија за подобри резултати на локалните избори.„Има политички предлози, има организациски предлози, има предлози и за кандидати за градоначалници и советници, а има и такви кои повикуваат на предвремен конгрес. Овие последните се како обично, побучни и без конкретен предлог како тоа се прави во развиените демократии, најчесто заради лични, а не колективни интереси“, посочи претседателката Зајкова.Зајкова додава дека треба да се водиме од колективниот и партиски интерес, а тој е подобри политики за граѓаните и подобри резултати.„За разлика од малкумина бучни, мнозинството, потивките, се оние кои излегуваат со политички предлози, и тоа јасно либерални и идеолошки закотвени. И понекогаш, добро е да бидат потивки, затоа што мора да бидеме внимателни, веќе им прејде во навика на поголемите партии да прават copy&paste на наши предлози“, истакна Зајкова, повторно упати повик за смирување на страстите и обединување на редовите.На средбата со претставниците од општинските организации од истокот на државата се разговараше и за идните чекори на партијата, нејзиното позиционирање и моменталните активности на партијата, особено по парламентарните избори годинава. На средбата претседателката Зајкова со присутните разговараше и за предлогот на ЛДП за намалување на данокот на добивка на 9%, за укинувањето на непотребните банкарски трошоци на граѓаните, но и за евроатлантската интеграција и за други решенија на проблеми и предизвици со кои граѓаните секојдневно се соочуваат.

Македонија | пред 1 година

Силување и полов напад: 23-годишник оди зад решетки, две девојки биле негови жртви

Основното јавно обвинителство Битола до надлежниот суд поднесе предлог за определување мерка притвор против 23-годишник осомничен за две кривични дела – Полов напад и силување од член 186 став 7 во врска со став 1 од Кривичниот законик.Против него е поведена постапка, бидејќи во два одвоени настани, на 9 септември и на 7 ноември, полово нападнал две млади девојки и започнал да ги допира. Жртвите и во двата случаи успеале самите да го оттурнат и да се ослободат, по што осомничениот бегал од местото на нападот.Бидејќи се работи за кривично дело против половата слобода и моралот и затоа што постојат околности кои укажуваат дека осомничениот би ги повторувал ваквите напади доколку остане на слобода, надлежниот јавен обвинител предложи определување притворска мерка, која од Судот е прифатена.

Македонија | пред 1 година

Кај две бебиња регистрирана голема кашлица изминатава недела

Три нови случаи на голема кашлица се регистрирани во периодот од 01 до 07.11.2024 година, објави Институт за јавно здравје.Пријавени се 2 случаи од Скопје и еден од Кратово.„Два од случаите се на возраст под 1 година, невакцинирани и еден над 50 години со непознат вакцинален статус“, велат од ИЈЗ и додаваат дека двајца се хоспитализирани.Во 2024 година се регистрирани 1.154 лица, заболени од голема кашлица.Најголем број од заболени лица се регистрирани на територијата на Скопје (70,5%), а заболени се регистрирани и во 22 други градови низ Македонија.„Од вкупниот број на регистрирани случаи (1.154), 731 случаи (односно 63,3%) не биле вакцинирани, не се комплетно вакцинирани согласно возраста или нема доказ за вакцинација“, стои во известувањето од Институтот за јавно здравје.

Македонија | пред 1 година

Ноќеска акција: двајца уапсени, на паркинг просторот на слепа улица во Ѓорче Петров држеле оружје, кокаин, таблети

Јавен обвинител од Основното јавно обвинителство Скопје донесе Наредба за спроведување истражна постапка против две лица, за кои постои основано сомнение дека како соизвршители сториле кривични дела – Неовластено производство и пуштање во промет наркотични дроги, психотропни супстанции и прекурсори од член 215 и Неовластено изработување, држење, посредување и тргување со оружје или експлозивни материи од член 396 од Кривичниот законик.Со истрагата се опфатени и засега непознати лица кои заедно, на паркинг просторот на слепа улица во Ѓорче Петров, неовластено заради продажба држеле дрога и оружје во паркиран автомобил.При претрес на возилото биле пронајдени околу 6,3 килограми марихуана, 442 таблети со психотропна супстанца 3,4 метилен диоксиметамфетамин (MDMA), три шприца со вкупен волумен од 14,2 ml хашиш смола и две дигитални ваги и други предмети со траги од тетрахидроканабинол и кокаин.Во совозачката касета во истото возило неовластено држеле огнено оружје – пиштол „Црвена застава” со калибар 7,65 мм, со рамка со 8 куршуми и еден пригушувач.За осомничените, на возраст од 36 и 27 години, надлежниот јавен обвинител до судијата на претходна постапка од Основниот кривичен суд Скопје синоќа достави предлог за определување мерка притвор.

Скопје | пред 1 година

Пак истото ветување за намалување на загадениот воздух: ќе се гасифицирале урбани средини

Заменик-премиерот и министер за животна средина, Изет Меџити, коментираше и за планот за намалување на загадувањето на воздухот преку акционен план на владата.„Имаме акционен план за намалување на загадувањето на воздухот. Еден од проектите е гасификација на урбаните центри, иако неколку пати не успеал, треба да се проба повторно бидејќи има заинтересирани компании кои би го спровеле ова преку јавно-приватно партнерство“, рече Меџити во „Пик Подкаст“.

Македонија | пред 1 година

Шокатна одлука на Агенцијата за филм да се суспендира конкурсот за финансирање, ќе нѐ изолира, потег кој е национално предавство, напиша режисерот Тозија

Режисерот Вардан Тозија реагира за укинувањето на конкурсот за филм од 2024 година и мораторим на филмската дејност.„Неодамна, до мене, верувам и до останатите филмски работници, беше пренесена шокантната одлука на Агенцијата за филм на Република Македонија, да се поништи и суспендира конкурсот за финансирање на филм за двата повици во 2024 година. Во превод: Тој мораториум ќе доведе до прекин на создавање на филмски дела од следната година, и таа празнина ќе не’ изолира од светските текови. Потег во стилот на Живков или Чаушеску.Ме потресе молкот на и кратковидоста на филмските работници – не се случи никаква реакција. Опортунизмот на малограѓанската средина не ја избегнува и филмската фела. Напротив. Некои си натрупале проекти од минатите години, и мудро си молчат. Некои си имаат коруптивна позадина од блиското минато – и тие молчат. Некои се надеваат на идна партиска поддршка – и секако, молчат. Нема реакција и од Министерството за Култура (од неодамна, и за Туризам).Образложението од Агенцијата за Филм е дека се случувале нерегуларни, вонзаконски активности во минатите конкурси. ДОБРО УТРО! И врапците знаат за сите криминали и коруптивни активности низ минатото во таа Агенција, во “партнерство“ со дел од филмските фраерчиња. Ја имаат целата моја поддршка за правна разврска или кривични санкции за сторителите. Најдете ги. Судете ги. Но, не. Наместо тоа, оние што си ги натовариле бисагите можеби малку ќе одморат. А мораториумот ќе се однесува на СИТЕ, затоа што Агенцијата била во ДОЛГОВИ. Дали сите сме виновни за коруптивноста? Сите сме виновни што сторителите не одговараат пред правдата?Според оваа аналогија, доколку се најдат три корумпирани земјоделски комбинати, тогаш треба да се прекине производството на храна во цела Македонија. Или доколку се констатира злоупотреба на системите на наводнување во неколку општини, нека се укине водоснабдувањето за сите. Но ова е култура. Мала фела на индивидуални работници кои работат надвор од оквирите на буџетарската, административна гласачка машина. Но останува неспорен факт, дека и покрај сите предизвици, токму филмот на најдобар начин ја претставува нашата земја веќе долги години надвор од нејзините граници.Тажно е што институциите и продукциите од целиот свет веќе добиваат сознание за овој блатантен потег. Сега секој филмски автор, кој бил во поодмината фаза за меѓународна соработка за проект, треба да објасни зошто неговата земја спровела мораториум на филмско финансирање.Сфативме дека културата не е посебно важна. Важно е да се вергла за ИДЕНТИТЕТОТ, од сите засегнати страни кои очекуваат инстант материјални продобивки. Ајде, тогаш да прибегнеме кон реторика која многу ја милуваат нашите политички субјекти. Дали овој скромен потег може да се карактеризира како НАЦИНАЛНО ПРЕДАВСТВО? Дали оневозможувањето на градење на културна афирмација значи ПОТКОПУВАЊЕ НА МАКЕДОНСКИОТ ИДЕНТИТЕТ? Или тие зборови се резервирани екслкузивно за тајфи ефтини муабетчии на скапи службени ручеци?Македонија не ја претставуваат тие муабетчии. Ја претставуваат луѓе кои работат со доблест и посветеност – а такви има и во културата. За жал, испаѓа дека тие луѓе континуирано се казнуваат“, вели Тозија.

Коментари | пред 1 година

Додека му се суди, претседателот на бугарскиот клуб во Битола отиде на „баци рака“ во Софија кај Радев

Бугарскиот претседател Румен Радев во Софија оствари средба со Љупчо Георгиевски, претседател на згаснатиот бугарски клуб „Иван Михаилов“ од Битола.Според соопштението од кабинетот на Радев, Георгиевски изразил надеж дека бугарската заедница во Македонија наскоро ќе биде вклучена во уставот на земјата, што ќе создаде уставни гаранции за заштита на нивните права, ќе го отвори патот за почеток на преговори за членство во Европската Унија и ќе ја стимулира културната и образовната размена меѓу двете земји.Радев истакнал дека очекува Македонија „во најкраток можен рок да ги вклучи Бугарите во својот устав и да продолжи со имплементацијата на билатералниот Договор за пријателство, добрососедство и соработка, кој е дел од преговарачката рамка“. Според него, овој чекор е важен за развојот на полноправната соработка меѓу Бугарија и Северна Македонија, како и за стабилноста и просперитетот на целиот регион.Пред два дена, во Битола продолжи судењето на Љупчо Георгиевски. Клубот „Ванчо Михајлов“ беше избришан од Централниот регистар, но членовите на клубот формираа нова организација под името „Една роза“, која ги задржа просториите на улица „Рузвелтова“ во Битола, во некогашното еврејско маало. Адвокатот на Георгиевски, Насер Рауфи, го одолговлекува судењето, а следното рочиште е закажано за 28 јануари наредната година.На Георгиевски му се суди за две дела предизвикување национална и расна омраза и нетрпеливост, како и ширење расизам и ксенофобија преку компјутерски систем.

Свет | пред 1 година

Харис мислеше дека има победничка формула, но Трамп го направи тоа: Еве како ги мотивираше младите да гласаат за него

Ставајќи ги правата за абортус во центарот на нејзината изборна кампања, Камала Харис мислеше дека нашла победничка формула за придобивање на жените гласачи, но всушност, Доналд Трамп успеа меѓу американските мажи, особено младите мажи.Тоа што младите луѓе во целина имаат тенденција да бидат полиберални не ја спречи кампањата на Трамп да ја капитализира поддршката од младите мажи со фокусирање на борбени спортови и криптовалути и појавувајќи се на подкасти во кои доминираат мажи.„Ако сте маж во оваа земја и не гласате за Доналд Трамп, тогаш не сте маж“, рече Чарли Кирк, конзервативен активист кој долго време се фокусираше на гласањето на младите.Доналд Трамп беше избран за претседател со поддршка од 54 отсто од мажите, што е малку повеќе од 51 отсто во 2020 година, според излезната анкета на NBC.Но, беше изненадувачки што 49 отсто од помладите мажи на возраст од 18 до 29 години гласаа за Трамп, со што ја урна претходната претпоставка дека младите луѓе најчесто се приклонуваат кон лево.„Коњаницата пристигна“, коментира Илон Маск, богат бизнисмен и голем поддржувач на Трамп.Добивките на Трамп доаѓаат како што се чувствува родовиот јаз меѓу младите: Жените помлади од 29 години гласаа 61 отсто за Харис наспроти 37 отсто за Трамп.„Има многу латентен сексизам во американскиот електорат, подеднакво меѓу мажите и жените“, изјави за АФП Тами Виџил, вонреден професор по медиумски студии на Универзитетот во Бостон.„Кампањата на Трамп им овозможи на луѓето да се задоволат со своите најлоши инстинкти и да прифатат поделби од различни видови“, рече таа.Спенсер Томас, кој гласаше за Харис, рече дека економијата е во мислите на неговите колеги кои гласаа за Трамп.„Тие повеќе се фокусираа на економските политики и различни работи од таа природа, наместо на правата за абортус“, рече студент на Универзитетот Хауард, историски црнечки колеџ во Вашингтон.Машката енергија на претседателската трка на Трамп - избегнувањето на политичката коректност и културата „разбудена“ - освои многу црнци, и покрај повремено отворено расистичка кампања.Меѓу црните мажи на возраст под 45 години, околу 30 отсто гласаа за Трамп, двојно повеќе отколку во 2020 година, што е уште еден удар за традиционалната демократска база.Демократите навлегуваат во анализи и се обидуваат да откријат што тргнало наопаку, но едноставно објаснување нема да се најде.„Црнците и Латиноамериканците можеби го превидоа расизмот на кампањата на Трамп затоа што Трамп апелираше на нивната машкост“, рече Виџил.Појавувањето на Трамп на подкастот „Joe Rogan Experience“, чии слушатели се претежно млади и мажи, „беше обид да се мотивираат младите да гласаат“, рече Кетлин Долан, политиколог од Универзитетот во Висконсин во Милвоки.„Тој претерано ја нагласува машкоста за да им се допадне на својата база, жените и мажите кои го сакаат затоа што мислат дека е „жесток“ и „лидер“ и очигледно не се навредени од работите што тој ги кажува“, изјави Долан за АФП.Што и да беше факторот Х на Трамп, тој беше успех.Според излезната анкета на Edison Research, околу 54 отсто од Хиспанците гласале за Трамп во вторникот, што е за неверојатни 18 процентни поени повеќе отколку што победија републиканците во 2020 година.„Тој претерано ја нагласува машкоста за да им се допадне на својата база, жените и мажите кои го сакаат затоа што мислат дека е „жесток“ и „лидер“ и очигледно не се навредени од работите што тој ги кажува“, изјави Долан за АФП.Што и да беше факторот Х на Трамп, тој беше успех.Според излезната анкета на Edison Research, околу 54 отсто од Хиспанците гласале за Трамп во вторникот, што е за неверојатни 18 процентни поени повеќе отколку што победија републиканците во 2020 година.

Свет | пред 1 година

Ни траг, ни глас од жената од Јурумлери: Немала здравствени проблеми, последно видена на автобуска

И по неколку часа од јавниот апел, се уште ја нема 43-годишната жена од Јурумлери за која семејството посочува дека последно била видена на снимки од бензиска станица како стои на автобуска. „Скопје1“ исконтактира со член на семејството кој го објави апелот, но посочува: Нови детали нема. Во дел од медиумските објави, се посочува дека снимките кои биле прегледани од семејството, им оставиле впечаток дека жената била вознемирена.Според неофицијалните информации, објавени од „Лидер“ кои се повикуваат на членод семејството, тој рекол: „Од снимките се гледа како таа излегува од дома, како да се обидува да избега од нешто“.Станува збор за жена која немала здравствени проблеми, ниту пак конфликти, тврди нејзиното семејство. Засега не е потврдено дали таа се качила во автобус и заминала, како и ако се качила, во кој автобус односно линија. Куќата ја напуштила во 05:10 часот утринава, без на никого да каже било што.Семејството посочува дека Л.Т. носела зелен дуксер со црни шари, бели фармерки и црни чизми. Семејството ги повикува сите граѓани кои евентуално ја забележале или имаат информации кои би помогнале да се расветли случајот, да го контактираат нив или полицијата.

Македонија | пред 1 година

Нов судско-обвинителски потрес во Академијата за судии и обвинители

Антикорупциската комисија им порача на Судскиот совет и на Советот на јавни обвинители да си ги повлечат своите членови од Управниот одбор на Академијата на судии и јавни обвинители бидејќи постапиле спротивно на законот за спречување на корупција и судир на интереси и на законот за Академијата. Биљана Каракашева-Шулев, член на Антикорупциската комисија, упати повик до Судскиот совет и Советот на обвинители да ги поништат своите одлуки за именување членови во Управниот одбор на Академијата, бидејќи станува збор за лица кои веќе имаат судски и обвинителски функции, ставени во мирување.Советот на јавни обвинители на 29 октомври за членови на Управниот одбор на Академијата за судии и јавни обвинители ги избра своите членови Душица Димитриеска и Башким Бесими. Неколку дена претходно, пак, Судскиот совет на седницата на 24 октомври за член на УО на Академијата за судии и јавни обвинители ги номинира членовите на советот, Ханиф Зендели и Антоанета Димовска.“Неопходно е да престане практиката на поставување членови од нивните редови, за да се избегне судир на интереси и акумулација на функции,” изјави Каракашева-Шулев.Според законот за спречување корупција и судир на интереси, веќе избрани и именувани лица не може да учествуваат во управувачки тела на други државни институции, потсетува ДКСК. Истовремено, на членовите на советите, им мируваат функциите како судија или јавен обвинител, па тие не може да бидат

Македонија | пред 1 година

„Се прави регионална депонија по европски стандарди“, Министерството за животна средина бара разбирање од жителите на Кочани кои се уште го блокираат патот

Жителите од Кочани продолжуваат со протести на патот кон Пониква, кој води и кон комуналната депонија во близина на селото Бели. Како што најавија блокадите ќе траат деноноќно сè до целосно исполнување на нивните барања.„Во моментот сообраќајот се одвива непречено по една коловозна лента кон Пониква, исто така и кон село Бели, а од страна на граѓаните е најавено дека единствено до депонијата ќе бидат пропуштени возила од КЈП Водовод Кочани, но не и возила од други општини“, извести АМСМ.Според жителите чадот од градската депонија во Кочани изминатиот период беше причина за повеќе предупредувачки протести на жителите, кои подолг временски период се соочуваат со овој проблем, а истиот стана сериозен откако на Градската депонија започна да се депонира и отпадот од соседните општини, како дел од обврските што се наметнаа со проектот изградба на регионална депонија кај светиниколско Мечкуевци.Од Министерството за животна средина и просторно планирање ги повикуваат жителите на Кочани да имаат разбирање оти државата, како што велат, е длабоко навлезена во процесот на воспоставување на регионален систем за управување со отпадот во Источниот и Североисточниот регион, што треба да резултира со трајно, одржливо и безбедно управување со отпад.„Самиот процес е комплексен и опфаќа повеќе работни задачи. Досега се набавени возила и опрема за собирање на отпадот за сите општини во двата региона (вкупно 18) во вредност од 8 милиони евра. Во моментов во тек е затворање на нестандардните депонии и ѓубришта во Источниот Регион, се очекува во најбрзо време да започне и во Североисточниот Регион – Прва фаза (околу 8 милиони евра), а претстои изградба на Централна постројка за управување со отпад која се состои од погон за селектирање, постројка МБТ, депонија, постројка за композитор, зелена точка за Источен и Североисточен регион во Св.Николе и шест локални капацитети за управување со отпад – претоварни станици, постројки за компостирање и зелени пунктови за Источниот и Североисточниот регион“, соопшти МЖСПП.Оттаму посочуваат дека последните две активности се со вкупна вредност од повеќе десетици милиони евра, за што постапката за јавна набавка е објавена и се очекува договорот да биде склучен, по што се очекува во првата половина од 2025 година да започнат градежните работи. Предвидениот рок за завршување на градежните работи е 18 месеци.Во втора фаза, следува затворање на сите нестандардни депонии во двата региони, по што целокупниот отпад ќе се одлага на Централната депонија во Св. Николе преку трансфер станиците.Од министерството нагласуваат дека обврската за управување на општинските нестандардни депонии кои во првата фаза ќе останат отворени (се до изградбата на Централната постројка во Св. Николе) и имаат обврска да го примаат отпадот од веќе исчистените и затворени нестандардни депонии во одреден број општини, останува на општините и јавните комунални претпријатија, а Владата останува посветена да ги помогне со цел воспоставување регионалниот систем според највисоките европски и светски стандарди.„Во однос на депонијата во Кочани информираме дека таа има обврска да го прима отпадот од општините Виница, Чешиново, Облешево и Зрновци. Свесни за недоволните капацитети за управување со депонијата на Јавното комунално претпријатие што неодамна резултираше со палење на отпадот на кочанската депонија, како Влада излеговме во пресрет и обезбедивме поддршка со механизација за безбедно тековно управување со локацијата во Кочани“, велат од МЖСПП.Според министерството, пожарите кои се случуваа во минатото не зависат од количината на отпадот, туку од несоодветното управување со локацијата.За ресорното министерство, забраната за пристап до локацијата за депонирање не е решение и не оди во прилог на почиста животна средина туку само ја влошува состојбата за која веќе се потрошени неповратни средства.

Македонија | пред 1 година

Болниците се претворија во пекол за пациентите каде секојдневно умираат бебиња, додека Таравари шета низ светот, велат од ДУИ

„Демократската унија за интеграција бара одговорност од министерот за здравство и директорот на детската клиника за секојдневните смртни случаи на бебиња во болниците со кои раководат Изет Меџити и Арбен Таравари“, велат од ДУИ.„Болниците се претворија во пекол за пациентите каде секојдневно умираат бебиња, додека Таравари шета низ светот и не чувствува никаква одговорност.ВЛЕН, Изет Меџити и Арбен Таравари реагираат само кога ќе им се наруши кумството со коцкарскиот бос во земјава, нивниот најголем поддржувач.Секогаш кога Таравари е министер за здравство, смртта на пациентите станува секојдневна појава.ВМРО ДПМНЕ го нарече Арбен Таравари министер за смрт и најкорумпиран човек.Мицковски денеска мора веднаш да ги разреши Таравари и директорот на клиниката Мемеди за да ги спаси граѓаните“, соопшти ДУИ.

Македонија | пред 1 година

Шест години секој месец барал пари од жител во Струмичко за дозвола за сеча на дрва: кривична против референт во „Национални шуми“

СВР Струмица до Основното јавно обвинителство Струмица поднесе кривична пријава против Б.К.(39) од Струмица поради постоење на сомнение дека сторил кривични дела „злоупотреба на службена должност“ по член 353 и „примање поткуп“ по член 357 од КЗ. Пријавениот Б.К., референт во Јавно претпријатие „Национални шуми“, подружница Беласица – Струмица, се сомничи дека во претходните шест години, континуирано секој месец, лично или со посредство на друго лице, барал и добивал паричен надомест од жител на струмичко село, кој требало да добие дозвола за сеча на дрва. Исто така, лицето за да добие дозвола за сеча на дрва плаќало и други услуги во корист на осомничениот. Откако ќе добиел надомест, пријавениот се јавувал на лице кое требало да ја издаде дозволата за сеча на дрва на планината Огражден, за да му биде изготвена и дадена на лицето.На 06.11.2024 во Струмица, во моментот кога примал паричен надомест од истото лице, полициски службеници од СВР Струмица го лишиле од слобода Б.К.. Исто така, со судска наредба, биле извршени претреси во неговиот и во домовите на уште две други лица, при што биле пронајдени и одземени предмети за кои постои сомнение дека се поврзани со делата.Од страна на судија од Основен суд Струмица на осомничениот му е определена мерка притвор во траење од 30 дена.

Македонија | пред 1 година

(Видео) Мазут со многу нечистотии доставуван во ТЕЦ Неготино, а раководството на АД ЕСМ од СДС и ДУИ му правеле и анекси на добавувачот, вели Петрушевски

„ДЗР во ревизија на работењето на АД ЕСМ за период од 2019 до 2022 утврдил низа нерегуларности. Раководството на претпријатието од СДС не ги спроведувало јавните набавки согласно закон“, вели Бране Петрушевски, пратеник на ВМРО-ДПМНЕ.„ДЗР констатира дека при набавката на мазут за потребите на ТЕЦ Неготино, АД ЕСМ раководството толерирало низа пропусти на доставувачот, кој ги немал секогаш задолжителните залихи, доцнел со испораката и не ја почитувал динамиката.АД ЕСМ и покрај тоа што не добивала мазут како што било предвидено во договорот, во два наврати склучува анекси со истиот добавувач, со што ја зголемува вредноста на договорот.Раководството на АД ЕСМ толерирало испорака на мазут со примеси на голем број нечистотии, со што се предизвикале дефекти во мазутната станица.Зошто раководството на АД ЕСМ толерирало неквалитетен мазут и лоша испорака? И зошто згора на тоа два пати анексирале договор?Дали поранешното раководство на АД ЕСМ работело за нечиј приватен интерес наместо за државниот?Го повикуваме ЈО да го испита случајот со набавка на мазут за потребите на ТЕЦ Неготино, а како појдовна точка да ја имаат Ревизијата од ДЗР. Одговорност мора да има“, изјави Бране Петрушевски, пратеник на ВМРО-ДПМНЕ.

Македонија | пред 1 година

Во обид да избега, од автомобилот фрлил автоматската пушка со вграден бајонет, истрага против гостиварец, побаран е притвор

Основното јавно обвинителство Гостивар донесе Наредба за спроведување истражна постапка поради основано сомнение за едно лице дека сторило кривично дело – Неовластено изработување, држење и тргување со оружје или експлозивни материи, согласно член 396 став 5 во врска со став 3 од Кривичниот законик.Осомничениот 30-годишен гостиварец, на 6 ноември управувал автомобил „Мерцедес –А класа“ по магистралниот пат А2, во правец Маврово-Гостивар. Кај асфалтната база – каменолом „Јефута“ полициски службеници му дале знак да застане заради контрола и преглед на возилото. Но, тој не ја почитувал дадената наредба и со голема брзина се упатил кон Гостивар. Полицајците се впуштиле во потера и го следеле со службени возила и во близина на Здуњски мост забележале дека преку прозорот на автомобилот фрлил автоматска пушка. Осомничениот подоцна бил запрен и приведен, а била пронајдена и автоматската пушка со вграден бајонет, чие поседување за граѓаните е целосно забрането, како и рамка со два куршуми со калибар 7,62 милиметри.Со оглед на тоа што во конкретниот случај постои опасност осомничениот да се даде во бегство или да се обиде да влијае врз сведоците, јавниот обвинител до судијата на претходна постапка од Основниот суд во Гостивар достави предлог за определување мерка притвор.

Македонија | пред 1 година

На министерот Фетаи му се заканиле со „куршум во глава“

Вицепремиерот за добро владеење и транспарентност Арбен Фетаи, на службениот мејл, добил порака со закана по животот. Информацијата ја објави тој на својот Фејсбук профил посочувајќи дека пораката стигнала по неговата изјава за отстранување на дефиницијата „20 проценти“ за албанскиот јазик во Уставот.„Денес, од европската престолнина Брисел, се чувствувам принуден да одговорам на заканата по мојот живот што ја добив во мојата официјална електронска пошта. Оваа закана дојде по мојата вчерашна изјава за отстранување на дефиницијата ’20 проценти’ за албанскиот јазик. Мејлот е насловен ‘куршум во глава за тебе шипо Фетаи’ и ја содржи оваа порака: ‘Нема да се сменат 20-те проценти, туку се шиптарско ќе ве убиеме со куршуми во глава. Да цркнете, мртов шиптар, добар шиптар, смрт за шиптари’“, напиша Фетаи на Фејсбук.

Македонија | пред 1 година

Мицкоски: Нашето место е и заслужуваме да сме во Европската Унија, мора да успееме

„Денеска овде во Будимпешта во присуство на европската политичка заедница имавме навистина квалитетен работен ден којшто изобилуваше со многу работни средби со европските државници. Бев придружуван од страна на министерот за надворешни работи и надворешна трговија, Тимчо Муцунски, министерот за европски прашања Орхан Муртезани и делегацијата којашто ја сочинуваат членови на мојот кабинет, мојот советник за надворешни работи, амбасадорот Сашо Маркоски, шефот на кабинетот Владимир Нелоски и останатите“, кажа премиерот Христијан Мицкоски.„Навистина во текот на денот направивме многу билатерални средби, ги презентиравме нашите аргументи, како ја гледаме нашата економска иднина, она коешто е важно, нашите економски цели, начинот на којшто планираме да ја развиваме нашата Македонија, но истовремено и да ги презентираме нашите погледи и аргументи за нашиот евроинтегративен пат.Со секоја средба се повеќе и повеќе се бориме за нашите аргументи и за вистината онаква каква што е, онаа вистина којашто ја чувствуваа нашите граѓани и којашто е важна за Македонија.Ќе продолжиме да се бориме за Македонија и во неделите, месеците, годините коишто следат. Мора да успееме. Мора да бидеме таму каде што заслужуваме а тоа е успешна европска приказна, а местото наше е во рамките на Европската Унија.После овој состанок на европската политичка заедница овде во Будимпешта сум уште повеќе оптимист дека мора да не биде и ќе не биде.Тоа што е важно е дека ние ќе дадеме се од себе да ги одбраниме националните интереси на македонските граѓани и на нашата татковина.“, изјави Мицкоски

Македонија | пред 1 година

Цените не се намалени, власта да го прифати нашиот предлог за укинување на ДДВ на храната, велат од СДСМ

„Податоците кои ги објави Државниот завод за статистика покажуваат дека цените на мало во месец октомври, кога се спроведуваше владината мерка, се „намалиле“ за само 0.1%. Се потврди тоа што СДСМ го говореше и што граѓаните го чувствуваат секој ден - нема намалување на цените во маркетите. Дебакл на мерките на владата кои се покажа дека немаа никаков ефект и не дадоа резултат“, соопшти СДСМ.„Затоа, Владата на Мицкоски и ВМРО-ДПМНЕ политичкиот инает треба да го замени со прифаќање на предлог Законот за укинување на ДДВ на храната на СДСМ, со кој граѓаните реално ќе заштедат до 2.000 денари месечно.Пакетот од три мерки и закони на СДСМ ќе значат поголеми плати, помали цени на храна и повеќе пари во џебот на секој граѓанин.Ова е во интерес на сите граѓани и СДСМ уште еднаш повикува да проработи разумот кај Владата за подобар животен стандард и заштита на граѓаните кога животот им станува се потежок“, се наведува во соопштението на СДСМ.

Македонија | пред 1 година

Тошковски: Имаме голем број докази за криминали добиени преку SKY апликацијата, акциите веќе не протекуваат и сите што треба завршуваат зад решетки

Министерот за внатрешни работи Панче Тошковски за интервју на Алфа ТВ на прашање за акцијата во којашто паднаа двајца поранешни полициски службеници коишто издавале службени тајни на една од групите од подземјето, истакна дека преку ЕУРОЏАСТ, МВР и Обвинителството имаат добиено голем број докази поврзани со организиран криминал и корупција добиени преку апликацијата SKY која ја користеле криминалните групи и нивните доушници за меѓусебна комуникација.„Ќе следат постапки и во иднина, коишто ќе бидат насочени кон сите оние кои сториле криминал, а за кои има докази во рамки на предметната апликација. Моите информации се дека доказите се доста обемни. Се работи континуирано и посветено на овој предмет, и од страна на Јавното обвинителство и од страна на МВР, така да очекувам и други постапки во иднина, се со цел оние коишто печалеле незаконито на грбот на македонските граѓани, отидат таму кај што им е местото.“, потенцираше министерот Тошковски.Министерот Тошковски изрази сомнеж во фактот што голем број полициски акции кои порано се реализирале често завршувале со неуспех да се обезбедат водачите на тие кланови и банди а зад решетки завршувале условно „поситните риби“.„Ќе направам паралела со две акции коишто беа спроведени овој месец со таа акција која беше спроведена на крај на мандатот на мојот претходник. Тогаш беа уапсени ако имало план за апсење на 10 луѓе беа уапсени од број 5, 6 па надоле. Овие првите, лидерите, не беа уапсени и информациите се дека тие не се ни на територијата на Македонија. Така се правеле акциите порано, не дека не можело да се случи такво нешто, но сомнително е малку зошто баш првите по ранг во криминалните групи или ги снемуваше или случајно се наоѓале во рамки на друга држава за време на акцијата. Двете акции коишто ги спроведовме во рамките на овој месец, првата беше фокусирана на најголем дел цариници во југоисточна Македонија каде што беа уапсени сите претходно таргетирани луѓе, сите за кои Обвинителството ќе води итна постапка. Истото се случи и со втората акција поврзана со трговија со дрога, луѓе итн., во западна Македонија. Овие две акции се спроведоа во една недела. Кога имате координирани акции, кога нема да „протечат“ одредени информации до оние кои се предмет на самата истрага, тие нема да се најдат токму во тој момент на апсењето во друга држава, туку ќе се најдат како што се најдоа, зад решетки. Тоа е разликата како претходно биле спроведувани акциите а ако сега се спроведуваат. Не дека и сега не би можело да се случи нешто такво, но претходно во континуитет им се случуваше. Во овие две обемни акции коишто ги направивме, сите оние коишто беа предмет на истрагата, беа пронајдени, соодветно лишени од слобода и процесуирани пред органите на прогонот.“, дециден беше министерот Тошковски.Тошковски нагласи дека МВР во иднина ќе ги презема сите можни чекори во рамките на своите надлежности, за секој еден за којшто е издадена соодветна наредба од страна на надлежни институции да се најде таму каде што му е местото.

Македонија | пред 1 година

ДУИ: За членови на советот на обвинители се предлагаат сопартијци на Меџити од Влен

„Демократската унија за интеграција остро реагира на обидот за брутална партизација на судството и обвинителството преку партиски интервенции во советот на обвинители. За член на советот на обвинители е предложен Ардијан Демири, член на Демократското движење на Изет Меџити“, соопшти ДУИ.„Ова е неприфатливо и претставува флагрантно партиско мешање во судските и обвинителските органи.Пратениците да не прифаќаат партизација на обвинителскиот совет, додека ги повикуваме граѓанскиот сектор, медиумите и меѓународната заедница да реагираат на изборот на партиски кандидати за членови на обвинителскиот совет.Европската Унија будно ги следи одлуките на Владата и на собранието и овие постапки не оддалечуваат од Европа и европските вредности и не враќаат во заробена држава“, се додава во соопштението на ДУИ.

Македонија | пред 1 година

Пет знамиња, но не и македонското: Касами на средба со евроамбасадорот разговарал за државата, без државно знаме

Во седиштето на ВЛЕН нема македонско знаме. Ова е заклучокот кој го донесе јавноста откако Билал Касами се пофали дека таму одржал средба со евроамбасадорот Михалис Рокас, во неговата прва официјална посета заедно со портпаролката на партијата Лулзиме Амети. Позади Касами имаше партиско знаме, албанско и американско знаме, европско и знамето на НАТО. Касами текстот од средбата го објавил и само на албански јазик. Кажува дека разговарале за состојбата во „нашата земја“ односно Македонија, па останува отворено прашањето - како може да нема државно знаме?[caption id="attachment_311262" align="alignnone" width="2560"] Screenshot[/caption]„На средбата одржана во седиштето на Движењето БЕСА, го информирав амбасадорот за актуелната политичка состојба во нашата земја, за новата влада, со посебен акцент на важната улога на коалицијата ВЛЕН во Владата. Во фокусот на разговорот беше и евроинтегративниот процес на земјава, за натамошните чекори што треба да се преземат во насока на унапредување на земјата во евроатлантските структури. Разговаравме за уставните измени, за укинување на балансерот и за законот за правична и соодветна застапеност што ќе ги предложи коалицијата ВЛЕН со што ќе се елиминираат злоупотребите при вработувањето на Албанците и другите заедници во државните институции. Евроатлантската рута останува посебен приоритет за Движењето БЕСА и коалицијата ВЛЕН, затоа се договоривме соработката со релевантните меѓународни институции да се продлабочи, за да се унапреди евроинтеграциската агенда“, напиша Касами.[caption id="attachment_311263" align="alignnone" width="2436"] Screenshot[/caption]

Македонија | пред 1 година

„Не успеавме да стапиме во контакт со претставници од Градот“ - Младинскиот совет крена раце од кандидатурата на Скопје за евроспка младинска престолнина

Националниот младински совет на Македонија ги известува младите дека се повлекува од партнерството со Град Скопје за кандидатурата на Град Скопје за Европска младинска престолнина 2027 година.„До оваа одлука дојдовме по неколкуте обиди да стапиме во контакт со претставниците на градот, кои треба заеднички со нас да ја презентираат кандидатурата на градот пред жири комисијата за Европска младинска престолнина и безброј барања за состанок за координација за презентацијата.Неуспехот да стапиме во контакт и на самиот почеток да воспоставиме одржливо партнерство само ни покажа дека градот не е суштински посветен на младите и кандидирањето за оваа титула не е мотивирано од вистинската потреба за поставување на младите високо на листата на приоритети. Овој заклучок дополнително ни се потврдува со фактот дека градот не покажа доволно посветеност за надминување на препреките за формирање на локален младински совет, усвојување на локална стратегија за млади, ниту пак отварање на младински центар, дел од механизмите кои се основа и на самата кандидатура за Европска младинска престолнина 2027.Основна заложба на Националниот младински совет на Македонија е да застапуваме за суштинско вклучување на младите, мотивирани од ова се вклучивме во овој процес заеднички со нашите организации членки и партнери од студентските и средношколксите организации. За жал изминатите месеци ни покажаа дека претставниците на градот единствено препознаваат токенистичко вклучување на младите во процесите вклучувајќи ја и кандидатурата на град Скопје за Европска младинска престолнина 2027 година.Апелираме до преставниците на локалните и националните институции активно да се вложат во обезбедување на услови за суштинско младинско учество и заеднички со младите да креираат програми и политики кои одговараат на нивните вистински потреби и во ваквите процеси целосно им стоиме на располагање.Покрај овој резултат, Националниот младинсии совет ќе продолжи да бара поддршка и да вложува напори визијата која ја имаме за Скопје да стане реалност, активно да ги поддржува младите и да застапува пред институциите за политики кои ги адресираат нивните приоритети и обезбедуваат зголемен младински стандард и квалитет на живот“, се вели во соопштението на Националниот младински совет на Македонија.

Скопје | пред 1 година

Загина прилепчанец, со возило излетал од пат

Вчера во 11.28 часот во Полициската станица Прилеп било пријавено дека на регионалниот пат Прилеп-Крушево, кај место викано „Бегова ливада“, патничко возило „опел“ со прилепски регистарски ознаки, управувано од 59-годишниот С.Т. од Прилеп излетало надвор од коловозот, извести МВР.Од здобиените повреди на местото починал возачот, а смрт констатирал лекар од Итната медицинска помош.Извршен бил увид од јавен обвинител и увидна екипа од ОВР Прилеп.

Македонија | пред 1 година