ТОП

Нови правила: Телеграм може да ги открие вашите податоци на полицијата

Според новите правила, менаџментот на Телеграм може да ги открие IP адресите и телефонските броеви на оние кои ги прекршуваат правилата кога ќе добие законски барања од властите, вели основачот на мрежата, Павел Дуров.„Јасно ставивме до знаење дека IP адресите и телефонските броеви на оние кои ги прекршуваат нашите правила може да им бидат откриени на властите како одговор на разумни законски барања“, напиша Дуров на својот канал Телеграм.Основачот на оваа платформа рече дека Условите за користење и Политиката за приватност сега ќе бидат униформни за сите корисници, без оглед на географската локација.Дуров нагласи дека таквите ажурирања се воведуваат за „понатамошно одвраќање на криминалците од користење на Telegram како платформа за нелегални активности“.На крајот на август, основачот на Телеграм беше обвинет во Франција дека не се спротивставува на ширењето на криминална содржина преку месинџерот.Дуров подоцна беше пуштен од притвор со кауција од пет милиони евра, со строг судски надзор и обврска двапати неделно да се јавува во полициска станица. Нему му беше забрането да ја напушти француската територија.

Магазин | пред 1 година

(Видео) Цунами погоди остров во Јапонија по силен земјотрес со јачина од 5,9 степени

По земјотресот со јачина од 5,9 степени според Рихтеровата скала, цунами високо 50 сантиметри денеска го погоди островот Хачијо јужно од Токио, соопшти Јапонската метеоролошка агенција (ЈМА).Според полицијата, засега нема повредени.Епицентарот на земјотресот бил во водите кај Торишима на архипелагот Изу, на длабочина од околу 10 километри.Според податоците на ЈМА, на островот Хачиџо, на околу 180 километри северно од епицентарот на земјотресот, забележано е цунами со висина од 50 сантиметри, а цунами со висина од 10 сантиметри е забележано и на островот Мијаке.JMA потврди дека набрзо по земјотресот било издадено предупредување за цунами за островите Изу и Огасавара, кое било укинато откако било утврдено дека активноста на цунамито доволно стивнала, иако предупредувањето останува во сила дека мала промена на нивото на морето може да продолжи околу половина еден ден, пренесува агенцијата Kyodo.ЈМА најави бранови од цунами високи до еден метар и ги повика граѓаните да се држат настрана од крајбрежните области.

Свет | пред 1 година

Огромно незадоволство на членовите на СОНК, оти платите не им се усогласени на професорите

На ден 21.09.2024 година, Советот на Самостојниот синдикат за образование, наука и култура на Република Македонија – СОНК ја одржа својата 30-та редовна седница, на која главен акцент беше Барањето на СОНК за усогласување на платите во основното и средното образование, за 2024 година. На седницата беа донесени Констатации и Заклучоци, кои се доставени до Министерството за образование и наука и Владата.[caption id="attachment_303865" align="alignnone" width="593"] Screenshot[/caption]

Македонија | пред 1 година

(Видео) Се запали автобус на ЈСП на раскрсницата кај „Веро Џамбо“

Повторно се запали автобус на ЈСП, овојпат, на раскрсницата кај „Веро Џамбо“. Возачот веднаш истрча и со апарат за противпожарна заштита го гаснеше пожарот. Чадот доаѓал од делот на моторот, а навремената реакција од вработениот во ЈСП, спречи поголема катастрофа.Секојдневие по скопските улици стана да се гледаат расипаните автобуси. Речиси да нема ден, а да нема автобус кој со сервисна служба се шлепа до базите во Ѓорче и Автокоманда. Ова не е ниту прв автобус кој се запалил. Претходно вакви сцени имаше во Бутел, како и под Железничка. Голема несреќа можеше да се случи на Партизански одреди, кога од автобус излета гума.Скандал го тресеше ЈСП кога контролор се закануваше на патничка.Проблемите се куп, решение нема од градската мајка, Данела Арсовска и нејзиниот директор Драги Кушевски.Меѓу последните случаи е и кога автобус остана без гума во Кисела Вода.„Скопје1“ и утринава постави прашања до директорот на Арсовска, од кого побаравме одговор, дали е свесен дека со пуштање на неисправни автобуси во сообраќај, може да дојде до сериозна несреќа, како и дали ќе сноси одговорност. Одговор до сега - нема.

Скопје | пред 1 година

(Фото) Пешаци одат по булеварот, возилата свират - Градот „мижи“ пред шипките оставени на булеварот во Кисела Вода

Градежни материјали, буриња, изложени производи – вака изгледа тротоарот на булеварот „Борис Трајковски“ во Кисела Вода кај местото викано „Чешма“. Граѓаните се жалат дека ова е секојдневно слика, а трае со месеци. Според нив, никој не реагира, оти да реагирал, истата слика немаше да ја има и денеска. Ингеренциите за булеварот ги има Град Скопје и градоначалничката Данела Арсовска, од која поплаките не земаат помал, туку поголем интензитет.„Тротоарот во Кисела Вода не се користи повеќе време, луѓето на пат одат, коли и автобуси свират. Измеѓу има и продавница пред која се изложени производи на сред тротоар. Никако не се минува на патот“, вели читател за „Скопје1“.„Скопје1“ го исконтактира и Градот Скопје и градоначалничката, кои со месеци и години не одговараат на прашања испратени од нашата редакција. Ги прашавме зошто дозволуваат загрозување на пешаците и другите учесници во сообраќајот од страна на лица кои вршат градежни работи. Побаравме и одговор, дали некогаш реагирале и правеле инспекциски работи. Од Градот, за кој многумина ќе кажат дека е претворен во приватно претпријатие, не очекуваме одговор.Инаку, иако Градот е затворен за одговори, Службата за односи со јавност секојдневно се користи за фалење колку претпријатијата и Арсовска работат, иако, тоа е нивна законска надлежност и за тоа се плаќаат од парите на жителите на Скопје.

Скопје | пред 1 година

Втор земјотрес, но потресот ноќеска во Скопје

Откако вчера жителите на Скопје ги тресеше земјотрес кој бил почуствуван и во соседните држави, денес е почувствуван нов земјотрес но со послаб интезитет.Епицентарот бил во западниот дел на земјата, околу Лазарополе. Јачината била 2,2 степени според Рихтеровата скала на длабочина од околу 10 километри.Претходно, рано утрово околу два часот по полноќ беше регистриран потрес од 3,4 степени според Рихтеровата скала.Потресот се почувствува на територијата на Скопје, а епицентарот беше лоциран на 23 километри источно од главниот град на длабочина од 7 километри.

Македонија | пред 1 година

Несреќа на Партизанска: Србин удрил во мотоциклист, кој паднал и завршил во болница со тешки повреди

На 22.09.2024 околу 17.40 часот во СВР Скопје било пријавено дека на бул.„Партизански Одреди“ во Скопје се случила сообраќајна несреќа помеѓу патничко возило „фолксваген поло“ со српски национални ознаки, управувано од Л.Т.(24) од Република Србија и мотоцикл „хонда“ со скопски регистарски ознаки, управувано од А.И.(30) од Скопје.Во несреќата со тешки телесни повреди се здобил мотоциклистот, констатирани во Градската општа болница „Св.Наум Охридски“ во Скопје. Извршен бил увид од увидна екипа на СВР Скопје.

Скопје | пред 1 година

(Видео) Нов скандал го тресе ЈСП: Патници сведочат на изнуда на пари за да се возат со ноќна линија, снимени и наплаќачите

Нелегална наплата на билети се прави во автобусите на ЈСП, тврдат патници кои се возат со ноќните линии. Повеќе вакви видеа се појавија на мрежата „Тикток“, а во нив, претежно млади лица, велат дека на врата им се бараат по 50 денари за да можат да се превезат. Во спротивно, треба да го напуштат автобусот. „Не даваат да влезеш ако не платиш. Тие знаат дека луѓе немаат како да се вратат и им плаќаат. На секоја постојка чекавме по 10 минути, за да наплатат по 50 денари! И други реагираа, дека имаат картички, но не им даваа да влезат“, вели сведок на настанот.Спроед сведоштвото, се отворало по една врата додека возел автобусот, се додека не се стигнало кај Градежен факултет каде имало премногу гужва па се отвориле двете врати.„Скопје1“ побара детали од раководството на ЈСП и директорот Драги Кушовски поставен од градоначалничката Данела Арсовска, а во чиј мандат куп автобуси остануваат дефект по скопските улици, не доаѓаат на време, се кратат линии.

Скопје | пред 1 година

Горела бандера, треви, стрниште - најбарана вчера била полицијата, покажува извештајот на ЦУК

Имало вкупно 1 582 повици на Единствениот повикувачки број за итни случаи 112 во ЦУК, во последното деноноќие. Од нив „реални“ повици биле 55,82%, а 44,18% биле за други потреби на граѓаните што не биле итни.Извештајот на ЦУК, интегрално:Кон полиција биле упатени 62,35%, кон Итната медицинска помош 29,15%, a кон пожарникарите 6,88% од реалните повици кон 112 во ЦУК. Инаку, имало 703 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици и на тие што се именувани како „неитни повици“. Сите тие повици за итни случаи биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).Центарот за управување со кризи (ЦУК) информира дека во последното деноноќие имало регистрирано само еден пожар на отворено на територијата на државата. Конкретно, Регионалниот ЦУК Скопје, ја пренесува информацијата од БППЗ на Град Скопје, дека: од 13.10 до 16.00 часот, со 5 пожарникари и 2 ПП возила интервенирале на запалена ниска вегетација и грмушки на површина од 1.000 m2 кај м.в. „Три Круши“ (Општина Кисела Вода); од 14.30 до 15.00 часот, со 3 пожарникари и 1 ПП возило интервенирале на запалено ѓубре на мала површина покрај ул. „Скупи“ (Општина Карпош); од 15.55 до 16.40 часот, со 4 пожарникари и 1 ПП возило интервенирале на запалено стрниште и бандера на површина од 30 m2 кај с.Стајковци (Општина Гази Баба) и од 17.05 до 17.30 часот, со 3 пожарникари и 1 ПП возило интервенирале на запалена ниска вегетација на површина од 300 m2 во населбата „Шуто Оризари“ (Општина Шуто Оризари).ЦУК апелира за редовно чистење на локалните одводни канали, а и да не се фрлаат отпадоци во нив, а секако и во речните корита.

Македонија | пред 1 година

Муцунски на Самитот на ОН: Иднината треба да биде предвидлива, просперитетна и без страв, а злото од војна и конфликти мора да остане во минатото

„Иднината треба да биде предвидлива, просперитетна и без страв, а злото од војна и конфликти мора да остане во минатото“На маргините на 79-то Генерално собрание на Генерално собрание на Обединетите нации во Њујорк, министерот за надворешни работи и надворешна трговија, Тимчо Муцунски се обрати на Самитот на иднината на Интерактивниот дијалог на тема: „Зајакнување на мултилатерализмот за меѓународниот мир и безбедност“.Во своето обраќање, министeрот Муцунски нагласи дека во денешно време се соочуваме со многу закани, вклучувајќи нови конфликти, тероризам, насилен екстремизам, ризици од нови технологии, кршење на човековите права и климатски промени. Тој истакна дека ниту една земја сама не може да се справи со овие предизвици и дека е неопходен ефикасен мултилатерализам за обезбедување на меѓународниот мир и безбедност.„Самитот на иднината претставува можност за зајакнување на глобалното владеење и одговор на актуелните и идните предизвици. Пактот ни нуди траекторија за глобални акции и отвора пат за засилување на мултилатерализмот“, истакна министерот Муцунски во обраќањето.Воедно, тој нагласи дека иднината треба да биде предвидлива, просперитетна и без страв, нагласувајќи дека злото од војна и конфликти мора да остане во минатото.„Денес имаме уникатна шанса да ја зајакнеме нашата мултилатерална агенда и глобалните системи, прилагодувајќи ги на предизвиците со кои се соочуваме во областа на меѓународниот мир и безбедност. Утре веќе е наша сегашност“, додаде тој, истакнувајќи ја подготвеноста активно да учествуваме во напорите за зајакнување на мултилатерализмот.На крајот, Муцунски ја подвлече потребата за промовирање на мултилатерални решенија засновани на Повелбата на ОН, почитувањето на човековите права, владеењето на правото и демократијата, како клучни дипломатски алатки.

Македонија | пред 1 година

(Видео) Експлозија во центарот на Нови Сад, повредени студенти, пред зградата на Ректорат - Брза помош и полиција

Двајца студенти се повредени во нападот во понеделникот пред ректорската зграда на Универзитетот во Нови Сад, каде што треба да се одржат изборите за Студентски парламент на Филозофскиот факултет, што групата СТАВ ги смета за нелегитимни, пренесува агенцијата Бета.Мила Пајиќ, студентка на Филозофскиот факултет во Нови Сад и активистка на неформалната група СТАВ (Студенти против авторитарната власт) и Срѓан Ѓуриќ, студент на тој факултет, биле нападнати од непознати лица и обезбедувањето на зградата на Ректоратот. - изјави Ѓуриќ.Како што изјави Ѓуриќ за Бета, инцидентот се случил околу шест часот кога студенти и активисти на групата СТАВ дошле во зградата на Ректорот каде што треба да се одржи вториот круг од изборите за Студентскиот парламент на Филозофскиот факултет во Нови Сад, кој овие студенти ги сметаат за нелегитимни бидејќи учествува само една листа.Таму забележале група од триесетина млади мажи облечени во црно со маски кои фрлиле експлозивна направа пред нозете на студентите, додаде Ѓуриќ, велејќи дека тој и Мила Пајиќ се нашле меѓу обезбедувањето на Ректоратот и непознати млади момчиња во црно, па биле нападнати од две страни.Изборите за Студентски парламент на Филозофскиот факултет во Нови Сад, кои повеќепати беа блокирани од студенти од организацијата СТАВ кои тврдат дека изборите се нелегитимни бидејќи на нив учествуваат само претставници од листата на Студентскиот сојуз e презакажана за понеделник.https://twitter.com/pricac_dpm/status/1838066861579124771Ќе ги повикаме граѓаните да дојдат во зградата на Ректоратот, да ја бранат автономијата на универзитетот и граѓаните, жените и студентите, едноставно да се бранат од Српската напредна странка и нивните насилници“, рече Ѓуриќ.

Свет | пред 1 година

Вклучен аларм: Дожд и невреме долж Јадранот

Есента и официјално пристигна, а многумина го искористија последниот сончев викенд и високите температури пред новата временска промена на плажата и морето во Хрватска.Од понеделник се очекуваат облаци и врнежи од дожд, додека во вторник врнежите ќе бидат пообилни, со можност за невреме.И во понеделник во поголем дел ќе биде променливо сончево, на југ, а понекаде на исток. Повремен дожд ќе врне главно во северниот дел на Јадранот, особено во вечерните и ноќните часови, прогнозира Хрватскиот хидрометеоролошки завод.Претежно облачно време со повремени сончеви периоди ќе го одбележи вторник. Повремено ќе врне дожд, локално ќе има грмежи, особено во првиот дел од денот. Во јадранското подрачје се очекуваат поизразени врнежи од дожд и пообилни врнежи.Во вторник цела Хрватска е под жолт метео аларм, што укажува на потенцијално опасно време. Во сила е метеоалармот поради невреме со грмотевици низ земјава и засилен до невреме, јужен ветер долж целиот Јадран.Врнежливо ќе биде и во среда, додека врнежите ќе продолжат главно во северниот дел на Јадранот и во четврток. Ќе дува умерен југозападен ветер, додека на Јадранот ќе преовладува јужен, кој во првиот дел од вторник и четврток ќе биде засилен. Во текот на вторник ветерот на места привремено ќе врне во југозападен правец. Температурите ќе останат стабилни и топли за овој период од годината.

Свет | пред 1 година

Земјотрес со јачина од 3,4 степени почувствуван во Скопје

Земјотрес со јачина од 3,4 степени според Рихтеровата скала е регистриран во Македонија околу 2 часот утринава, соопшти Европско-медитеранскиот сеизмолошки центар (EMSC).Епицентарот на земјотресот бил на 23 километри источно од Скопје и 13 километри североисточно од Студеничан, а е регистриран на длабочина од осум километри.Според ЕМСЦ, земјотресот бил почувствуван и во соседните Грција, Бугарија, Албанија, Србија и Црна Гора.

Македонија | пред 1 година

(Видео) Драматични снимки од поплавите во Јапонија: Шест лица загинаа, има исчезнати, улиците под вода

Шест лица загинаа, а 10 се водат како исчезнати откако рекордните врнежи предизвикаа поплави и лизгање на земјиштето во делови од јапонската префектура Ишикава.Градовите Ваџима и Сузу, кои сè уште се опоравуваат од разорниот земјотрес што ја погоди областа на 1 јануари, беа меѓу најтешко погодените од поплавите. Во неделата и двата града забележаа двојно повеќе врнежи од вообичаеното за септември, објавија локалните медиуми, пренесува Би-би-си.Десетици реки се излеаја од коритата, отсекувајќи ги патиштата и изолирајќи повеќе од 100 заедници низ префектурата, се вели во извештаите. Околу 4.000 домаќинства останаа без струја во понеделникот, според „Хокурику електрик пауер“. Две мртви лица се пронајдени во близина на тунелот погоден од одронот во Ваџима.Меѓу другите жртви се двајца постари мажи и една постара жена, објави The Japan Times, повикувајќи се на локалните власти.Јапонската метеоролошка агенција издаде највисоко ниво на предупредување опасно по живот за Ишикава во саботата и го намали на нормално предупредување во недела. Сепак, властите повикаа на дополнителна претпазливост. Поплавите ги преплавија привремените населби изградени за луѓето кои ги загубија своите домови во земјотресот на Нова година. Снимките што ги објави локалната телевизија ја прикажуваат целата улица во Ваздима под вода.Регионот сè уште се опоравува од силниот земјотрес со јачина од 7,5 степени во јануари, во кој загинаа најмалку 236 луѓе, се урнаа згради и предизвика огромен пожар.

Свет | пред 1 година

Нема фотографија

Израелските сили извршија десетици воздушни напади врз јужен Либан

Израелските одбранбени сили (ИД) објавија дека рано утринава извршиле десетици воздушни напади во јужен Либан.ИД врши „широки“ напади врз цели на Хезболах во јужен Либан, пишува „Тајмс оф Израел“.Последниот бран воздушни напади следеше по напнатиот ден во кој Хезболах истрела повеќе од сто ракети во северен Израел, од кои некои паднаа во близина на градот Хаифа.Израел одговори со изведување на стотици воздушни напади врз цели на Хезболах.

Свет | пред 1 година

Подгответе се: Следува мини лето во Македонија – температурата ќе надмине 30 степени

Во периодот кој што ни следува, односно новата седмица ни носи мини лето, па така температурите, како наутро, така и преку ден ќе бидат во значителен пораст, а особено топло ќе биде преку ден кога температурите насекаде ќе надминуваат 20 степени, а во централните и во југоисточните предели тие ќе надминат и 25 степени.Во вториот дел од седмицата и за време на следниот викенд во погоре споменатите предели температурите се очекува да надминат и 30 степени.Времето ќе биде претежно стабилно и суво со многу сончеви периоди. Исклучок ќе биде денот вторник и тоа во попладневните и во вечерните часови кога во западните предели ќе има локален дожд и услови за појава на грмежи. Локални врнежи се очекуваат и во среда, а потоа од четврток ќе продолжи периодот на стабилно и суво време.Да на поменам, промената на времето која се очекува во вторник попладне, како и во среда, нема да биде многу голема и ќе биде краткотрајна. Што значи дека пред нас е период на многу потопло време, во кое секако дека ќе можеме да уживаме.

Македонија | пред 1 година

Пет лица уапсени: Полицијата тресеше во Центар, Аеродром, Бит Пазар

На 21.09.2024 во 23.25 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода А.М.(23) од Скопје, затоа што кај него била пронајдена и одземена марихуана. По документирање на случајот ќе следува соодветен поднесок.На 22.09.2024 во 00.30 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода В.П.(18) од Скопје, затоа што кај него била пронајдена и одземена бела грутчеста материја. По документирање на случајот ќе следува соодветен поднесок.СВР Скопје поднесе кривична пријава против Д.Р.(25) од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 23.08.2024, полициски службеници извршиле преглед над пријавениот, при што била пронајдена и одземена марихуана.На 21.09.2024 во 21.20 часот во Скопје, на подрачјето на Аеродром, ополициски службеници од Единицата за недозволена трговија при СВР Скопје го лишиле од слобода Р.Ж.(45) од Скопје затоа што кај него била пронајдена и одземена марихуана. По документирање на случајот ќе следува соодветен поднесок.На 21.09.2024 во 22.10 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го лишиле од слобода Е.А.(28) од Скопје затоа што кај него била пронајдена и одземена марихуана. По документирање на случајот ќе следува соодветен поднесок.

Македонија | пред 1 година

(Видео) Села има еден услов за да се изгласа Законот за македонските бранители од 2001 година

Пратеникот Зијадин Села од „Европскиот фронт“ на ДУИ, во подкастот „Претрес со Ландов“ посочи дека Законот за бранители нема да го гласаат се додека со него не бидат изедначени македонските бранители од Армијата и полицијата, со припадниците на УЧК. Според него, кога формулацијата ќе биде поставена на начин што и двете страни ќе имаат исти права, тој ќе гласа.„Би гласал за закон во кој сите униформирани лица кои учествувале во конфликтот од 2001 да ги уживаат тие права кои ќе бидат наброени“, вели Села во подкастот „Претрес со Ландов“.Целата дебата на оваа тема, погледнете ја на овој линк:?t=4034

Македонија | пред 1 година

(Видео) Шок од отпад во Градскиот парк, по вчерашниот голем настан

По вчерашната голема журка на популарна компанија која славеше јубилеј, утринава вработените во „Паркови и зеленило“ затекнаа „шок состојба“. Речиси и да немаше дел од паркот каде немаше отпад. Проблемот можеби го предизвикале преполните контејнери, но со сигурност, и некултурата. Насекаде беа расфрлани лименки и пластика.„Утрово теренските екипи од Градски парк експресно го исчистија паркот од големо количество на смет и отпадоци“, велат „Паркови и зеленило“.Галерија:Гневни поради ваквата состојба се и граѓаните кои ги видоа фотографиите и прашуваат: „Каде е културата? Не е секогаш проблемот до кантите за отпадоци“.Инаку, вчера Градскиот парк беше преполн со посетители.

Скопје | пред 1 година

(Видео) Драматични промени кај казината: Затворање на онлајн коцкања, ново даночење и кочница во рекламирањето

Премиерот Христијан Мицкоски, во „Претрес со Ландов“ посочи дека ќе има големи промени во делот на казината. Тој посочи дека промените ќе бидат драматични.?t=8092„Онлајн кладењето и онлјан казината, веќе имаме автентично толкување кое помина во Парламентот и потребно е час поскоро, тоа да биде затворено. Имам информации дека и покрај одлуката на Парламентот, тие и натаму функционираат. Ги предупредувам дека прават кривично дело, и управителите на тие компании и самите компании“, рече Мицкоски во подкастот „Претрес со Ландов“.Голема промена ќе има во делот на даночната политика, но и во рекламирањето на онлјан казината.Неофицијално, првите одлуки ќе бидат донесени во вторник, на владина седница.

Македонија | пред 1 година

По доста жешкото и сушно лето, започнува есен

По доста жешкото и сушно лето, денеска, 22 септември (267. ден во годината), во Македонија и на северната хемисфера, календарски почнува есента. о првиот ден од есента денот и ноќта на целата Земјина топка ќе траат еднакво, со тоа што на северната хемисфера ќе биде есенска рамноденица (еквиноциум), а на јужната пролетна рамноденица (таму почнува пролетта).Есента ќе заврши на 21 декември. Тогаш на северната полутопка ќе почне зимата и овој ден е познат како зимски солстициум или зимска краткоденица. Значи од утре, постепено до 21 декември ноќта ќе се зголемува до максималните 15 часа, а денот ќе се намалува до само 9 часа. Во исто време, додека на северната хемисфера почнува есента, на јужната почнува пролетта и таму ноќите ќе стануваат пократки од деновите исто така до 21 декември, до 11 часот и 2 минути.

Македонија | пред 1 година

Хезболах ја бомбардираше израелската воена база со ракети, Нетанјаху го одложи патувањето во Њујорк, ИД ја нападна Ал Џезира

Хезболах тврди дека истрелал десетици проектили врз воздухопловната база Рамат Давид како одговор на повторените израелски напади врз Либан. Ова се случи откако израелската армија тврдеше дека „речиси целосно го разбила раководството на Хезболах“ со претходниот напад на Бејрут.Убиени се Ибрахим Акил, кој ги предводеше елитните сили на Хезболах Радван и Ахмед Вахби, уште еден висок командант во военото крило на групата.Вахби е опишан како командант кој играл главна улога во групата со децении и бил затворен во израелски затвор во јужен Либан во 1984 година.https://twitter.com/clashreport/status/1837626504668217441Портпаролот на израелската армија Надав Шошани изјави дека во нападот биле убиени вкупно 16 борци на Хезболах.Либанскиот министер за здравство изјави дека во нападот загинале вкупно 37 лица, меѓу кои седум жени и три деца.Израелската армија објави дека погодила повеќе од 100 цели на Хезболах во Либан.Израелските одбранбени сили (ИДФ) објавија дека терористичката инфраструктура била погодена во неколку области на југот на земјата, додека претходниот ден биле погодени околу 290 цели.Катарската телевизија Ал Џезира во неделата наутро објави дека израелски војници извршиле рација на нивниот дописник во Рамала на Западниот Брег, наредувајќи да се затвори во рок од 45 дена.Телевизијата во живо емитуваше како војници упаднаа во канцеларија и му дадоа наредба на вработен, за во тој момент да го прекинат преносот.https://twitter.com/sahouraxo/status/1837660015684989001Во соопштението, Синдикатот на палестинските новинари ја осуди акцијата, велејќи дека „произволната одлука на армијата е ново насилство врз работата на новинарите и медиумите кои открија окупациски злосторства врз Палестинците“.Минатиот мај, израелските власти извршија рација во хотелска соба во Ерусалим што ја користеше Ал Џезира со образложение дека претставува закана за националната безбедност.Израелските одбранбени сили во неделата најавија нови ограничувања на јавните активности на северот на земјата и делови од Голанската висорамнина, додека борбата против Хезболах се интензивира.Училиштата ќе бидат затворени, а собирите ќе бидат ограничени на 10 лица на отворено и 100 лица во затворени простории. Плажите исто така ќе бидат затворени за јавноста. Работните активности може да продолжат доколку засолништето е во близина.Војската претходно ги воведе овие ограничувања за поголемиот дел од северот, предупредувајќи за можен напад на Хезболах, јавува Си-Ен-Ен.Израелскиот премиер Бенјамин Нетанјаху го одложи своето патување во Њујорк, каде што требаше да присуствува на Генералното собрание на Обединетите нации.Тој веќе го одложи заминувањето од вторник за среда, но засега планира да замине во петок. Предвидено е Нетанјаху да зборува на Генералното собрание на ОН, а се очекува голем број луѓе да ја напуштат собраниската сала.

Свет | пред 1 година

(Видео) Масовно пукање во Америка, четири лица загинаа, десетици повредени: „Некој отвори оган врз група луѓе“

Најмалку четири лица загинаа, а десетици се повредени во масовно пукање на една од најпопуларните места за забава во Бирмингем, Алабама. Пукањето се случило синоќа нешто по 23 часот во областа Фајв Поинт Југ, пишува Си-Ен-Ен. Последните информации велат дека биле застрелани дури 25 лица.Кога полицајците пристигнале на местото на настанот, пронашле двајца мажи и една жена кои страдале од прострелни рани, а сите тројца подоцна починале на местото на настанот, изјави полицаецот Труман Фицџералд. Четвртата жртва починала во болница.https://twitter.com/breakingnewsert/status/1837744025962446854Полицијата смета дека неколку лица испукале неколку куршуми кон група луѓе. Ниту еден осомничен се уште не е приведен.Сите жртви биле на отворено, на тротоар или улица. Полицијата истражува дали напаѓачите пеш им пришле на жртвите или пукале од возило.https://twitter.com/upuknews1/status/1837731193711923541- Имаме десетици повредени од огнено оружје. Најмалку четири лица се во опасност, изјави полицаецот Фицџералд.Полицијата побарала снимки од камерите за надзор од околните бизниси, а исто така побарала од јавноста да ги контактира за какви било информации што ги има.https://twitter.com/MarioNawfal/status/1837720824796651737

Свет | пред 1 година

(Видео) Еве како се случуваат тешки несреќи во Скопје!

Без кациги, со над дозволена врзина и со поминување на црвено светло на неколку семафори.Вака се вози од страна на млади лица низ скопските улици и покрај многубројните несреќи, од кои дел завршуваат со фатални последици.Ова е снимено попладнево во Скопје, на булеварот „Партизански одреди“.

Скопје | пред 1 година

Македонијо радувај се: Марија Димовска е прв светски првак од Македонија во јуниорски кикбокс

Марија Димовска е првиот јуниорски светски првак од Македонија во кикбокс. Нејзиното име се впиша и во табелата како првата девојка што стана светски првак во кикбокс во светската организација WAKO, во која членува Македонската кикбокс и маитаи федерација.[caption id="attachment_303770" align="alignnone" width="671"] Screenshot[/caption]Димовска во финалето на првенството, со 2-1 ја победи кикбоксерка Мија Лијамичев од Израел. Тие се натпреваруваа во дисциплината лоу-кик за млади јуниори до 60 килограми и успешно ги одбрани боите на македонската репрезентација.

Спорт | пред 1 година