ТОП

(Видео) Заев да одговара, не е сигурен дали осудените за убиството на децата на Смилковско се виновни, лут е оти осудените за „27 април“ се на лекување - „Претрес“ на Села

Села во “Претрес” побара Заев да биде гонет за лагите при презентација на бомбите. Истовремено, замери што осудените од “27 апеил” со здравствени проблеми излегуваат на лекување.А пак, за убиството кај Смилковско Езеро се сомнева дека пресудата е исправна.Двојни аршини?Пресудете сами, изгледајте го цел поткаст:https://youtube.com/live/f2C0DlhXrUQ?feature=share

Македонија | пред 1 година

Познат идентитетот за загинатиот на патот Штип-Кочани: во него удрил 26-годишен кочанчанец со „опел“

Денеска (21.09.2024) во ОВР Кочани било пријавено дека околу 08.00 часот на магистралниот пат Штип - Кочани, кај с.Тркање, патничко возило „опел астра“ со кочански регистарски ознаки, управувано од К.А.(26) од с.Облешево, кочански, удрило во пешакот С.С.(56) од с.Теранци, кочанско.Од здобиените пешакот С.С. починал на местото, а лекар констатирал смрт.Увид извршила екипа од ОВР Кочани

Македонија | пред 1 година

Борисов е или многу глуп или национализмот толку го заслепил што не знае што зборува, рече Најчевска за барањето оставка од Николоски

Професорката Мирјана Најчевска го искоментира барањето на Бојко Борисов, лидер на ГЕРБ, македонскиот министер Александар Николоски да поднесе оставка.„Овој е или многу глуп или национализмот толку го заслепил што не знае што зборува. Кој си бре ти да бараш оставка од македонски министер. Оставка од Александар Николовски можам да побарам јас како граѓанин на оваа држава, или моите претставници во македонското собрание, ама не и некој лик од друга држава. Секоја од овие глупости една власт во која има луѓе со два грама мозок и една професионална дипломатија може да ја искористи за настап пред ЕУ и барање ЕУ малку да си поведе сметка за однесувањето на нејзините држави членки.Оставка од Николовски побара лидерот на ГЕРБ, Бојко Борисов, поранешен премиер и лидер на партијата која победи на изборите во јуни, но не успеа да формира влада, поради што Бугарија во октомври оди на нови предвремени избори.Борисов искажувајќи разбирање дека можеби протоколите на новите македонски претставници не им се јасни, немаше разбирање за изјавата на Николовски.

Македонија | пред 1 година

(Видео) Огромна огнена топка над друг руски град, евакуацијата на населението, откриено е што уништиле Украинците

Беспилотни летала го нападнаа селото Тихорецк во руската област Краснодарски крај. Жителите известуваат дека нападот бил насочен кон складиште за муниција, пренесува News Ukraine.Нападот со беспилотни летала го потврди и регионалниот гувернер, кој рече дека два дрона биле пресретнати од силите за воздушна одбрана, но остатоците од еден од дронови предизвикале пожар кој се проширил на експлозивни материјали, што резултирало со детонација. Наводно во тој магацин се чува севернокорејско оружје.https://x.com/Gerashchenko_en/status/1837379152292315390?ref_src=twsrc%5EtfwВо тек е привремена евакуација на населението во блиските населени места, а ќе се формира и центар за привремено сместување.Според првичните информации, нема жртви.Телеграмскиот канал АСТРА известува дека нападот бил насочен кон складиште за муниција во селото Камени во областа Тихорецки.

Свет | пред 1 година

Итна седница на Советот за безбедност на ОН по израелските напади на Бејрут: Регион на работ на катастрофа

Советот за безбедност на Обединетите нации (СБНС) одржа итна седница по израелските воздушни напади врз Бејрут и јужен Либан, а портпаролот на ОН Стефан Дијарик предупреди дека регионот сега е „на работ на катастрофа“.Состанокот дојде откако се интензивираа прекуграничните престрелки меѓу либанската група Хезболах и израелските сили, а два дена по смртоносните експлозии на безжични уреди на Хезболах загинаа 37 луѓе.Континуираното насилство меѓу Израел, од една страна, Хезболах и Хамас, од друга страна, може да предизвика разурнувачки регионален конфликт, предупредија Обединетите нации, откако вчера во израелски напад врз Бејрут загинаа најмалку 14 лица, вклучително и високи команданти на Хезболах, и ранети 66.Заменичката генерален секретар на ОН за политички прашања, Розмари Ди Карло, на седницата на Советот за безбедност на ОН изјавила дека постои „опасност од ескалација на ситуацијата до уште поголеми размери“, пишува Гардијан.„Не е доцна да се избегне таква глупост. Сè уште има простор за дипломатија. Силно ги повикувам земјите-членки кои имаат влијание врз конфликтните страни да го искористат тоа влијание“, рече Ди Карло.

Свет | пред 1 година

Љупчо Дон Николовски со народни пари плаќа 500 евра за една вечер во хотел, обвини ВМРО-ДПМНЕ

„Љупчо Дон Николовски со народни пари плаќа 500 евра за една вечер во хотел“, вели ВМРО-ДПМНЕ и додава:СДС раскалашено се однесувале со народните пари.На патување во САД, во Њу Јорк Дон Николовски изнајмил хотел, каде од вечер платил 500 евра, а во Чикаго 450 евра.Дон Николовски не гледал како да помине по скромно, туку не штедел како парите да ги берел од дрво, заборавајќи дека всушност тоа се народни пари.Во Рим Дон Николовски платил 300 евра хотелско сместување, а со Виена две вечери за 670 евра.Дон Николовски живеел на висока нога со народни пари.СДС наместо да работи за народот 7 години се луксузирале со нивните пари.

Македонија | пред 1 година

Пак ќе му се суди на Мухамед Зеќири: укината му е затворската казна од Апелација

Апелациониот суд Скопје ја укина пресудата на Основниот кривичен суд Скопје против поранешниот генерален секретар на Владата, Мухамед Зеќири за злоупотреба на службена положба и овластување и предметот го врати на повторно судење пред првостепениот суд.Постапувајќи по кривичниот предмет КОКЖ- 16/24, по одржана јавна седница на 5 јуни годинава, на 6 септември, Апелациониот суд Скопје донел одлука со која ја уважи жалбата на обвинетиот М.З. од С. и пресудата на Основниот кривичен суд Скопје по жалбата и по службена должност, ја укина и предметот го врати на повторно судење пред првостепениот суд.„Жалбата на Основното јавно обвинителство за гонење на организиран криминал и корупција Скопје, изјавена по однос на одлуката за конфискација, ја оцени како беспредметна во оваа фаза на постапката.При повторното постапување, потребно е првостепениот суд да ги изведе доказите предложени од странките во насока на утврдување на решителните факти на кои е укажано во ова решение, па по спроведувањето на доказната постапка и изведување на доказите предложени од странките, во зависност од утврденото, со правилна примена на Кривичниот законик, првостепениот суд да се произнесе за постоење на предметното кривично дело и кривичната одговорност на страна на обвинетиот, донесувајќи правилна и законита судска одлука, која ќе може во целост и со сигурност да се испита“, се вели во соопштението од Апелација.Зеќири е осуден за кривичното дело злоупотреба на службената положба и овластување, односно според членот 353 став 4 од Кривичниот законик за кој со последните измени на Законикот е предвидена казна од една до пет години.

Македонија | пред 1 година

(Видео) Села најави можни протести поради замрзнување на Балансерот и врабоутвањата по етнички клуч

„Идејата за обединувањето на Албанските партии е да донесеме политичка одлука за зачленувањето во ЕУ и носење на Закон за правична застапеност“, рече Зијадин Села во гостувањето во „Претрес” до Кристијан Ландов.„Протести ќе има, тоа е демократско право. Плашењето со дестабилизација е параноја. Протестите се реакција на политичките одлуки. Мицкоски згази на волјата на народот на изборите и тогаш требаше протести да има”, рече Села.Легитимитетот се добива и се троши, а Мицкоски, нагласи, го троши легитимитетот.

Македонија | пред 1 година

Чувствувам болка и агонија, се ставам на располагање на судот и кога се ќе се потврди, тогаш ќе ја барам Вања, рече обвинетиот татко пред судот

Александар Ѓорчевски, татко на Вања Ѓорчевска и обвинет во процесот за нејзиното грабнување и убиство, побара од судот да му дозволи да помогне во расветлување на целиот случај. Ѓорчевски, кој кога Вања беше исчезната самиот водел истрага за да го најде девојчето, рече дека работата би ја расчистил со имиња и презимиња. Смета дека тоа му е должност како родител.„Чувствувам болка и агонија која не може да се објасни со зборови. Но сепак, од друга страна чувствувам и обврска и кон Вања и кон Мина, нели... Дека се ставам на располагање, за да се разреши целата оваа работа и конечно во детали, со имиња и презимиња. Со тоа што го наведе мојот адвокат, кога дефенитивно ќе се потврди, тогаш ќе бидам слободен. Тогаш нема да бидам на располагање на судот, тогаш ќе ја барам Вања“, рече Ѓорчевски.Тој е обвинет дека му дал информации на Љупчо Палевски-Палчо, обвинет како планер и реализатор на убиствата, со давање информации кога Вања ќе биде сама и кога да ја грабнат. Но и двајцата, негираа дека се познаваат и дека некогаш имале било каков контакт. Адвокатот Владимир Туфегџиќ, посочи дека тоа го говорат и доказите на Обвинителството, а во детали образложуваше за случајот.

Македонија | пред 1 година

Палчо се бранеше: Мотивот е погрешен, вештачки - има ДНК од тројцата обвинети, а од мене немаше

„Оваа обвинителка постапува по политичко барање“. Вака Љупчо Палевски-Палчо ја започна својата одбрана пред судот. Тој рече дека не го познава Александар Ѓорчевски, татко на Вања, со кого, според Обвинителството, имале контакт. Се жалеше оти го сликале камери пред судот, а посочи дека не можело да даде одбрана оти немал докази. Во стартот се жалеше оти сите викале дека тој бил избеган, а патувал со легална патна исправа.„Бев на понижувачки начин овде донесен, со калашникови, тоа е кривично дело на Обвинителството и судијата Душан Јосифов. Можев да паднам, имам проблеми со кичмата“, рече Палевски-Палчо и додаде: „Не може да ме убеди никој дека нема никој намера за политичко мотнирање, бидејќи на 20 мај, мојата ДНК е ставена и нема совпаѓање“.Според него, обвинет во постапката сака да избегне доживотен затвор за злосторот, па направена е конструкција. Па кажа дека Обвинителството давало податоци на медиумите, како и дел од доказите.„Лицемерно лие крокодилски слози за мајката од Обвинителството, бара да се заштити, а даваше информации и слики направени во Обвинителството. Прават конструкција дека јас сум се знаел со таткото Ѓорчевски, а со нивните докази тоа се негира“, додаде Палевски-Палчо.Палевски вели: „Мотивот е погрешен, вештачки, затоа Александар е колатерал-штета во целава оваа постапка, бидејќи очајно се трудат.. Посочувањето на Александар го споменува на еден од обвинетите кои се повикува 'Ми потврдија инспекторите, постои потврдена врска меѓу Палчо и Александар'. Тоа е на 6-ти декември, оттогаш до сега, не е потврдено ова. Ниту еден од обвинетите не е прашан каде било планирано да се чува детето, нема ниту обид некој да бара пари од Ѓорчевска, а дупката е претходно ископана. Ова е класично промашување. Детето е грабнато за да биде убиено, а не да се бара материјална корист. Не да се нема контакт, туку мајката немала ни да даде“.„Обвинителство не говори вистина. Ерол Османи, еден од сведоците на обвинителството, никој не знаеше дека сум бил кај него да му го поправам... Него го кријат од списите. И анализата на Мобимак за анализа за движење во критичниот ден, го барав барем трипати. А она што тврди дека она е доказ е обична расписка помеѓу Мобимак и Обвинителството. Нема содржина од вештачење. И на сето тоа да го тврдиш ова, да говориш дека не знаеш каде е Ерол Османи.. Никој освен мене не знаеше дека му го поправам котелот..Затоа нема траги во комбето. Не спорам дека Обвинителството сработило масовна работа, но во толкувањето и употребата на тие докази се гледа чисто политичка монтирана судска постапка, каде судот, ве ставаат пред свршен чин. Ви даваат материјални докази кои се моја корист, а во обвинетието го тврдат сосема другото. Не можам јас да ја извадам мојата ДНК, а да ја оставам на другите тројца, немам натприродни моќи“, додаде Палевски.Според него, тој не бегал.„Ако ме фатило паника ќе бирав други начини да бегам, а не да ме знаат каде сум со легална патна исправа. Во оваа постапка не случајно се бараше да се исклучи јавноста. Лицемерие е дека таа е повредена, таа повеќе од било кој сака да ја знае вистината“, додаде Палевски.Обвинителот останува на тврдењето дека целта на грабнувањето на Вања било да се присили член на семејството да даде откуп за детето, но и дека имало комуникација помеѓу таткото Ѓорчевски и Палевски. Грабнувањето било по излегување од лифтот, па со украдениот „цитроен“ од убиениот Жежовски, била однесена на ридот кај Скопска Црна Гора. Според обвинителката, планот за откупот не се реализирал, бидејќи Вања се барала преку апел на социјалните мрежи, по што била убиена и закопана во дупка. Панче Жежовски, според обвинителот, бил убиен за да му се одземе возилото „цитроен“ за да го користат за грабнување на детето. Тој имал претходни познанства со дел од обвинетите.14-годишната Вања беше пријавена за исчезната на 27 ноември, а велешанецот Панче на 24 ноември. Нивните тела беа пронајдени на 3 декември. Во врска со двата случаи, осомничени се пет лица, од кои тројца (Влатко Кешишов, Велибор Манев и Боре Видевски) признаа вина.

Македонија | пред 1 година

Адвокатот на Палчо го брани клиентот, а ги нападна другите: Од нив има биолошки траги, а од него не!

Адвокатот Маријан Витановски, кој го брани првообвинетиот Љупчо Палевски-Палчо, за убиството на Вања Ѓорчевска и Панче Жежовски, покажа со прст кон другите обвинети во процесот, обвинувајќи дека од нив се најдени биолошки траги, но не и од неговиот клиент. Според Витановски, за другите има докази, но за Палевски – никаков доказ.„Тој немал никаква врска и контакт со останатите обвинети за планирање на овој чин. Тој имал по друг основ. Тој не бил на наведената дата во Велес, нема никаков траг дека бил таму. Нема никаков траг дека е тоа тој, како што е наведено во обвинението, дека го зел телефонот на Панче Жежовски и го фрли. Пронајдени се траги, ама од друго лице. Да се оди во два правци, до Велес, па назад, а да не се пронајде ниту еден доказ, а за останатите обвинети има биолошки траги кои се предмет на вештачење, и се потврдени дека тие траги потекнуваат од тие лица, а нема траги од него“, рече адвокатот Маријан Витановски, кој го брани Љупчо Палевски.Според адвокатот Витановски, потврда дека Палевски нема никаква врска со убиството на Жежовски е што на снимките кои ќе се презентираат, во автомобилот имало три лица, како што тврди, а не четири.„Има траекторија на движење и за тој ден. Барав да ми кажат по базни станици каде бил остварен секој телефонски контакт“, рече Витановски, иако обвинителката во воведен збор кажа дека при секое убиство, обвинетите не ги носеле телефоните со нив.Витановски вика дека Палевски бил во банка кога се извршило убиството.„Има видео надзор во Халк банка, таму бил, судот може да добие такви податоци. Бараме судот да ги прибави тие податоци. Побаравме и од Улици и патишта, со десет локации да ни каже податоци за тоа, добивме одговор дека преку надлежен орган може само. Тоа е доказ“, рече Витановски.

Македонија | пред 1 година

Ѓорчевски во солзи, додека адвокатот зборуваше: Децата биле сопственици на становите на Александар, обвинението е без клучни докази, тој нема вина

Владимир Туфегџиќ, адвокат на Александар Ѓорчевски, кој пак е татко-обвинет на убиената Вања Ѓорчевска, кажа дека ќе докажат дека нема никаква вина. Според Туфегџиќ, ќе докажат дека нема поврзаност помеѓу Ѓорчевски и другите обвинети во постапката. Адвокатот беше дециден дека обвинителот нема ниту еден доказ за било каква вмешаност или контакти.„Имајќи го предвид описот на поднесениот обвинителен акт за обвинетиот Александар Ѓорчевски, одбраната со предложените вербални и материјални докази ќе докаже дека обвинението по однос на овој обвинет е во целост неосновано, неаргументирано, паушално и засновано на претпоставки кои не наоѓаат своја поткрепа во доказите. Одбраната ќе докаже дека токму неосновано обвинетиот Александар е жртва и оштетен во оваа постапка, заедно со неговото семејство и ќе докажеме дека Александар во критичниот период постапил на начин на кој би постапил секој родител во ситуација кога се трага и бара неговото исчезнато дете“, рече Туфегџиќ и додаде:„Одбраната ќе докаже дека Александар, иако разведен, бил исклучително поврзан, одговорен и посветен родител кон своите деца и имал висок степен на грижа за нив на дневна основа. Одбраната ќе докаже дека токму состојбата на паника, страв, вознемиреност и внатрешното растројство поради исчезнувањето на детето кај Александар била злоупотребена на начин што дејствијата, кои во таква стресна состојба самиот ги преземал откако одлучил самиот да води истрага во обид по секоја цена да го пронајде сопственото дете, се потполно погрешно протолкувани и истото довело до потполно погрешен заклучок за неговата евентуална поврзаност или било каква инволвираност во овој кривично правен настан. Имено, одбраната ќе докаже дека обвинетиот Александар ниту ги познава останатите учесници во постапката, ниту има било каква поврзаност помеѓу него и останатите обвинети во оваа постапка.Имајќи предвид дека правна претпоставка за постоење на ова кривично дело е постоење на умисла кај сторителот, одбраната ќе докаже дека застапникот на обвинението нема ниту еден доказ дека овој обвинет имал било каква поврзаност со останатите учесници во овој кривично правен настан, ниту дека имал умислен придонес во извршувањето на кривичното дело на друг, откако извршителот донел одлука за неговото извршување. Со предложените докази одбраната ќе докаже дека вака поднесеното паушално и неосновано обвинение за овој обвинет е резултат пред сѐ на неправилно водена истражна постапка и повреда на сите приципи на кои почиваат основите на криминалистичката истрага,  процесот и методот на криминалистичкото профилирање, чија што основа претставуваат исклучиво доказите кои требало да се анализираат, со цел точна и неспорна идентификација и утврдување на личноста на извршителот.Во оваа смисла, одбраната ќе докаже дека ваквото обвинение за овој обвинет е резултат на прекршување на основните принципи на кои почива истражната постапка и криминалистичка истрага, во која воопшто не е применет метод на криминалистичко профилирање и не е направена прелиминарна анализа на информациите, ниту е направена нивна организација и диференцијација, ниту била формирана основа на структурата за одлучување со примена на методот на дедукција. Имено, за да се формира финален профил на извршителот лицето кое врши профилирање требало да изврши мисловна реконструкција на текот на кривичното дело, со цел да се утврди како е планирано и извршено кривичното дело, како е извршена селекција на жртвата и каква била мотивацијата на извршителот на кривичното дело.Во погоренаведената смисла одбраната ќе докаже дека во текот на постапката ниту едно од погоренаведените дејствија за овој обвинет не е извршено на начин на кој упатуваат правилата и принципите во криминалистичките истраги. Токму со доказите на обвинителството одбраната ќе докаже дека доказите од видео надзорот врз основа на кои се темели обвинението се обезбедени и прибавени токму од обвинетиот Александар и тоа со знаење, согласност и со напатствија од полициските службеници, кои учествувале во истражната постапка и кои одбраната со листата на докази предложи да бидат директно испитани.Овие полициски службеници биле во директен контакт со обвинетиот во критичниот период и разменувале сознанија и податоци, па од тие причини одбраната предлага листата на докази да бидат директно испитани на овие околности.Со предложените вербални и материјални докази одбраната ќе докаже дека е неоснована и неприфатлива тезата на застапникот на обвинението за постоење на мотив во остварување на материјална корист кај обвинетиот Александар, бидејќи според предложените докази на одбраната, неколку месеци пред критичниот настан неговите деца, покојната Вања и нејзината сестра Миња, веќе биле даночни обврзници на предметните станови на кои алудира застапникот на обвинението, дека биле мотив за извршување на кривичното дело и станале сопственици врз основа на договор за подарок склучен токму од сега неосновано обвинетиот Александар во својство на дародавател.Одбраната ќе докаже дека во поднесениот обвинителен акт недостасуваат клучни кредибилни докази доволни за докажување на вина, суштествени за остварување на законското битие на кривичното дело кое на обвинетиот му се става на товар и од тие причини одбраната убедена во невиноста на овој обвинет, од судот бара за овој обвинет презентацијата на доказите на обвинителството да биде направена на начин, што, со примена на техничките сретства на судот, ќе биде презентиран и образложен секој доказ или група на докази поодделно, за кои застапникот на обвинението смета дека од нив произлегува поврзаноста и основаното сомневање дека токму Александар е сторител на кривичното дело кое му се става на товар.Во текот на оваа постапка одбраната со силата на правните аргументи и предложените докази ќе докаже дека Александар, наместо да има својство на оштетен и жртва во оваа постапка, бил изложен на тортура, нечовечко и понижувачко постапување од страна на дел од полициските службеници, како и на дел од припадниците на затворската полиција, а сѐ со цел да му биде изнудено признание на вина по секоја цена, за кое нешто е навремено известен застапникот на обвинението и затоа во оваа смисла бараме да бидат изведени предложените материјални докази и медицински извештаи за констатираните повреди, како и извештајот на Хелсиншкиот Комитет за човековите права“, рече Туфегџиќ.

Македонија | пред 1 година

(Видео) Никој од обвинетите за убиството на Вања и Панче не чувствуваат вина, таткото Ѓорчевски: Се ставам на располагање

Ниту еден од обвинетите за убиството на Вања Ѓорчевска и Панче Жежовски, не се чувствува виновен. Иако претходно, дел од обвинетите имаа признанија на вина при извршување на грабнувања и убиствата, тие сега, посочуваат дека ќе докажуваат дека немаат вина поврзана со сите дела.„Не се чувствувам виновен“, рече првообвинетиот Љупчо Палевски-Палчо.Адвокатот на Велибор Манев рече дека тие ќе ги дискредитираат доказите, како и дека не учествувал во сите настани.„Не се чувствувам виновен“, рече Велибор Манев кој го криеше ликот од јавноста.И Боре Видевски ќе докажува дека не ги сторил кривичните дела.„Не се чувствувам виновен за кривичното дело“, рече Боре Видевски.Одбарана ќе дава и Влатко Кешишев.„Јасна ми е содржината, јасно ми е за што сум обвинет. Не се чувствувам за виновен“, рече Влатко Кешишев.Александар Ѓорчевски, татко на Вања, кажа дека не гледа вина кај себе, како и дека се става на располагање на судот за да се расчисти случајот.„Се ставам на располагање, наместо молчење“, рече Александар Ѓорчевски.

Македонија | пред 1 година

(Видео) Медиумите ќе го следат судењето за убиствата на Вања и Панче: Палчо за првпат прозборе во судница

Јавноста останува во судница за случајот за убиството на Вања Ѓорчевска и Панче Жежовски. Ова доаѓа откако обвинителката Жаклина Крстевска-Јосифовска истакна ваков предлог по барање на мајката на Вања, Зорица Ѓорчевска. Адвокатите на дел од обвинетите се противеа на ваквиот предлог, а судијата Ивица Стефановски реши предлогот да го одбие.„Постои јавен интерес за овој предмет затоа што превише е веќе експониран и мислам дека сите податоци за кои би требало да биде исклучена јавноста, се познати и не се од таков карактер, па мислам не се исполнети законските претпоставки. Децидно се противиме“, рече Марјан Витановски, адвокат на Љупчо Палевски-Палчо.По ова, се изјасни и Палевски, кој е првообвинет како планер и реализатор на убиството.„Дополнително се противам на предлогот и се откажувам, нема да барам да сведочи мајката токму од овие причини кои ги кажа Обвинителството, за да не ја вознемируваме и да не влијае...“, рече кратко Палевски-Палчо.На ваков предлог се противеше и адвокатот Владимир Туфегџиќ, кој е бранител на Александар Ѓорчевски, татко на Вања кој е обвинет во постапката.„Сметам дека судот одлуката треба да ја заснова врз основа на јавниот интерес кој е присутен за овој кривичен предмет и во таа насока и таа смисла сметам дека не постојат законски пречки ниту законски основ за исклучување на јавноста во текот на целата главна расправа, имајќи во предвид, пред сѐ, како и на кој начин е информирана јавноста во досегашниот тек на оваа постапка. Оттаму оставам на судот, но потенцирам, раководејќи се од интересот и на таткото кој во оваа постапка е оштетен и жртва“, рече Туфегџиќ.

Македонија | пред 1 година

(Видео) Мајката на убиената Вања бара судењето да биде зад затворени врати, без медиуми: Медиумското известување ја продлабочуваат болката

Исклучување на јавноста и судење зад затворени врати на случајот за убиството на Вања Ѓорчевска и Панче Жежовски, побарала мајката на Вања, Зорица Ѓорчевска. Ова во судница го посочи обвинителката Жаклина Крстевска-Јосифовска. Според неа, мајката на Вања сакала да го заштити нејзиниот приватен живот, но и животот на втората ќерка, а притоа и здравјето оти медиумските известувања за овој случај ѝ влијаеле.„Пред да одржам воведен говор, сакам да истакнам предлог за исклучување на јавноста од целата главна расправа, бидејќи исклучувањето на јавноста е потребно за заштита на приватниот живот на оштетената Зорица Ѓорчевска, мајка на починатото дете Вања Ѓорчевска, кое како дете жртва на кривично дело има права кои треба да се почитуваат“, рече обвинителката Жаклина Крстевска Јосифоска.Според неа, мајката Ѓорчевска сакала јавноста да ја нема додека се суди и се обелоденува како се случило убиството на нејзината ќерка Вања Ѓорчевска.„Имено од страна на полномошникот на Зорица Ѓорчевска и Мина Ѓорчевска, сестра на Вања, поднесено е барање до Обвинителството за поднесување на предлог за исклучување на јавноста од целата главна расправа имајќи ги во предвид сериозните последици од интензивното медиумско известување од настанот врз починатото дете Вања Ѓорчевска, заради заштита на приватиот живот на Зорица и Мина Ѓорчевски, кое медиумско известување придонесло кон продлабочување на болката и стравот кај оштетената Зорица, како и кај Мина а сериозно влијаело и врз нивната целокупна здравствена состојба. Трпеле пост-трауматско растројство, за што доставувам извештај од специјалист по психијатрија и препорака од психотерапевт“, рече Жаклина Крстевска-Јосифовска.

Македонија | пред 1 година

(Видео) Палчо седна во судница, Велибор Манев го криеше ликот од медиумите - започна судењето за убиството на Вања и Панче

Обвинетите за убиството на Вања Ѓорчевска и Панче Жежовски седнаа на обвинителна клупа. Денешното судење ќе се одржи, ќе се дадат воведни говори, но и обвинетите ќе се произнесат за вина. За првпат, во судница седна Љупчо Палевски-Палчо, првоосомничен како планер и реализатор на убиствата.Велибор Манев беше единствениот кој го криеше својот лик додека медиумите правеа видео-инсерти. За првпат, во судница со Палчо, седна и Александар Ѓорчевски, татко на убиената Вања.Палевски, Кешишов, Манев и Видевски се гонат за две кривични дела и тоа: убиство и грабнување. Мозокот на операцијата, според Обвинителството, е Палевски. Таткото Ѓорчевски се гони само за кривично дело грабнување. Палевски досега негираше вина и најави дека има докази за тоа. „Скопје1“ објави детали и за исказот на неговиот сведок во Обвинителство. Видевски призна вина кога беше приведен, дал детали на записник, а потоа, кажал друга верзија за настанот. Непознато е како постапиле Кешишов и Манев, но и дали некој од нив на првото рочиште ќе признае вина.„Скопје1“ дојде до Обвинението. Во него се и доказите предложени од Обвинителството. Десетици записници, вештачења, искази, УСБ и ЦД уреди, одземени телефони, екстрахирани материјали, сигнали од базни станици. Обвинителството ја следело секоја траекторија на движење на лицата во критичниот, односно кобниот период за убиените.Обвинителот останува на тврдењето дека целта на грабнувањето на Вања било да се присили член на семејството да даде откуп за детето, но и дека имало комуникација помеѓу таткото Ѓорчевски и Палевски. Грабнувањето било по излегување од лифтот, па со украдениот „цитроен“ од убиениот Жежовски, била однесена на ридот кај Скопска Црна Гора. Според обвинителката, планот за откупот не се реализирал, бидејќи Вања се барала преку апел на социјалните мрежи, по што била убиена и закопана во дупка. Панче Жежовски, според обвинителот, бил убиен за да му се одземе возилото „цитроен“ за да го користат за грабнување на детето. Тој имал претходни познанства со дел од обвинетите.14-годишната Вања беше пријавена за исчезната на 27 ноември, а велешанецот Панче на 24 ноември. Нивните тела беа пронајдени на 3 декември. Во врска со двата случаи, осомничени се пет лица, од кои тројца (Влатко Кешишов, Велибор Манев и Боре Видевски) признаа вина.

Македонија | пред 1 година

(Фото) Дунав надмина 8 метри во Будимпешта: Поплавите се големи, одбраната е отежната

Дунав, чијшто водостој моментално е над осум метри, би можел да го достигне својот врв во Будимпешта за време на викендот, според прогнозите на метеоролозите.Во Унгарија, која се бори со поплави откако циклонот Борис предизвика обилни врнежи на подрачјето на Централна Европа, ситуацијата е најкритична во селото Кисмарос, каде локалното население веќе користи чамци по улиците, додека населението на Градот Баја се подготвува за најголемата поплава во последните 11 години.„Во Будимпешта се очекува бавен раст, водостојот на Дунав ќе се зголеми за педесет сантиметри до сабота навечер, по што реката полека ќе почне да се повлекува“, изјави генералниот директор на националното водостопанство Иштван Ланг.Тој нагласи дека поплавите се големи и дека одбраната е отежната.Тој рече и дека просечниот водостој на Дунав е околу педесет сантиметри понизок од нивото на водата за време на поплавите во 2013 година, но дека оптоварувањето на одбранбените линии е сепак многу значајно.Ланг истакна дека времето за одбрана ќе биде подолго од претходно планираното бидејќи падот на водостојот е побавен од очекуваното.Унгарија се бори со поплави откако циклонот Борис предизвика обилни врнежи низ централна Европа.Најлошите поплави што ја погодија централна Европа во последните две децении погодија делови од Полска, Чешка, Романија, Австрија и Словачка и однесоа најмалку 24 животи.топПретседателката на Европската комисија, Урсула фон дер Лајен вчера се сретна со лидерите на европските земји погодени од поплавите, меѓу кои Полска, Австрија, Чешка и Словачка и вети финансиска помош од Европскиот фонд за солидарност.Таа изјави дека ЕУ ќе обезбеди уште 10 милијарди евра од кохезиониот фонд поради огромните штети што ги предизвикаа поплавите врз инфраструктурата и станбените згради.

Свет | пред 1 година

Започнува судењето за двојното убиство на Вања Ѓорчевска и Панче Жежовски

Во Основниот кривичен суд Скопје денеска започнува судењето за двојното убиство на 14-годишната Вања Ѓорчевска и велешанецот Панче. Жежовски.Судечкиот совет при Основниот кривичен суд Скопје месецов донесе одлука за спојување на постапките на обвинетите.Основното јавно обвинителство најпрво поднесе обвинение против четири лица, а потоа и за првоосомничениот Љупчо Палевски за кого се чекаше екстрадиција од Турција.На 22.11.2023, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на Ѓорчевска во Скопје.На 27 и 24 ноемви Вања и Панче беа пријавени за исчезнати, а на 3 декември беа пронајдени мртви во близина на Скопје.Во овој случај осомничено е и уште едно лице за помагање по извршување на кривичното дело против кого постапката ќе се води одвоено.

Скопје | пред 1 година

(Видео) Напад со нож во Ротердам: Едно лице е убиено, а две се тешко повредени

Најмалку едно лице е убиено во напад со нож, а две се тешко повредени во нападот кој се случи во Ротердам. Осомничениот напаѓач е уапсен. Тој е повреден и е ппренесен во болница, соопшти полицијата, додавајќи дека ги истражува причините за нападот кај мостот Еразмо.Идентитетот на жртвите и на осомничениот се уште не се соопштени.Холандскиот медиум De Telegraaf, повикувајќи се на сведоци на местото на настанот, објави дека човекот по случаен избор ги нападнал луѓето со два ножеви додека викал Алах егбер, арапска фраза што значи Бог е голем.

Свет | пред 1 година

Нема фотографија

Израел уништи неколку стотици ракетни фрлачи на Хезболах

Израелски воени авиони синоќа гаѓаа цели на Хезболах во јужен Либан, погодувајќи неколку стотици ракетни фрлачи кои носеа околу 1.000 лансери, соопшти армијата.Засега нема извештаи за жртви.„Израелската армија (ИД) ќе продолжи да дејствува за да ја деградира инфраструктурата и капацитетите на терористичката организација Хезболах со цел да ја одбрани државата Израел“, се вели во соопштението на ИД.Нападот на Израел следеше по нападот претходно оваа недела, припишан на Израел од страна на Либан и Хезболах, кога експлодираа воки-токи и пејџери што ги користеа борците на Хезболах, при што загинаа 37 луѓе, а беа ранети околу 3.000 во Либан.

Свет | пред 1 година

Нема фотографија

(Видео) Ал Каеда повторно напаѓа: Нападнаа полициска академија, убивајќи околу 70 луѓе

Околу 70 луѓе беа убиени оваа недела во голем напад на огранок на Ал Каеда во главниот град на Мали, Бамако, соопштија денеска дипломатски и безбедносни извори, додека владата не објави бројка за жртви.Милитантите нападнаа елитна полициска академија за обука и аеродром во вторникот, демонстрирајќи ја нивната способност да удрат во срцето на главниот град на африканската држава, според Ројтерс.Огранокот на Ал Каеда, Џама Нусрат ул-Ислам ве ал Муслимин (ЈНИМ) ја презеде одговорноста за нападот во вторникот.Од избувнувањето на конфликтот во Мали, насилството, во кое се вмешани борци од Ал Каеда или Исламската држава, се прошири и на соседите во регионот Сахел дури на север до крајбрежните земји.Во тоа насилство, илјадници луѓе беа убиени, а милиони беа раселени.Владејачката хунта во врска со последните напади објави дека претрпела одредени загуби, без да даде детали, додека локалниот печат објави дека во четвртокот бил организиран погреб за околу 50 полициски кадети.Само неколку дена претходно, водачот на малата хунта Асими Гоита, кој ја презеде власта со државен удар во 2021 година, рече дека неговата армија значително ги ослабела вооружените групи против кои се бори со помош на Русија.Нападот следеше по битката со тешки загуби во август, кога бунтовниците елиминираа неколку искусни руски платеници и членови на силите на Мали во борбите во близина на северната граница на Мали со Алжир.

Свет | пред 1 година

Објавени се првите резултати од истрагата за масовните експлозии на пејџерите во Либан

Прелиминарната истрага на либанските власти за комуникациските уреди што експлодираа во Либан оваа недела, откри дека во нив биле поставени експлозиви пред да стигнат во земјата, се вели во писмото испратено до Советот за безбедност на ОН од мисијата на Либан во Обединетите нации.Властите исто така утврдија дека уредите, пејџери и воки-токи, биле активирани со испраќање електронски пораки до уредите, се вели во писмото во кое Ројтерс имал увид. Израел е одговорен за планирање и извршување на нападот, соопшти либанската мисија во ОН.Во петок треба да се состане 15-члениот Совет за безбедност поради експлозиите.Во нападите врз комуникациската опрема на Хезболах во вторникот и средата загинаа 37 лица, а беа ранети околу 3.000.Израел директно не ги коментираше нападите, за кои безбедносни извори велат дека најверојатно биле извршени од неговата шпионска агенција Мосад, која има долга историја на извршување софистицирани напади на странска почва.

Свет | пред 1 година

Андоновска: Починатиот од западнонилска треска е заразен во земјава

78-годишен маж од Чешиново-Облешево почина од западнонилска треска на Инфективната клиника.Во изјава за медиумите в.д. директорката на Институтот за јавно здравје (ИЈЗ), Марија Андоновска вели дека во 80 отсто од случаите вирусот на западнонилска треска не дава симптоми, во 20 отсто пројавува благи симптоми на грип, а во помалку од еден процент може да биде зафатен централниот нервен систем„Првиот случај е тестиран во април, лицето е од Струмица, импортиран од Кенија. Вториот случај е човек од Кочани, импортиран од Тунис, во месец јули е тестиран во Институтот за јавно здравје. Третиот случај е тестиран од Институтот за јавно здравје во месец август, човекот е од Тетово и при епидемиолошката анкета не изјавува дека имал некакво патување. И четвртиот и последен случај е тестиран во Институтот за јавно здравје на 12 септември. Човекот е од Чешиново-Облешево и бил хоспитализиран на Инфективната клиника и, за жал, истиот е починат. При епидемиолошката анкета истиот дал податок дека не патувал никаде“, вели Андоновска.Од почетокот на годината досега во Институтот за јавно здравје биле извршени вкупно 30 тестирања за западнонилска треска, од кои кај четири лица е потврдено дека се позитивни на вирусот.Инаку, како што претходно соопштија од ИЈЗ, во регионот на општина Кочани е забележано присуство на комарци, поради што се спроведени активности за прскање и дезинсекција.Во општина Чешиново-Облешево и покрај планираната тендерска постапка, досега не се спроведени активности за дезинсекција.

Македонија | пред 1 година

Николоски: Корумпирани политичари од Бугарија сакаат да ги уништат односите, ја користат Македонија како предизборна тема

,,Би сакал да реагирам во однос на последната хистерија која што ја создаваат дел од неуспешните бугарски политичари.Имено, непотребно Македонија ја внесуваат во предизборната тематика во Бугарија и најмалце мислам дека Македонија може да е одговор на седмите неуспешни избори со кои се соочува Бугарија.Кризата во бугарското општество е создадена од токму овие политичари кои што, наместо да дадат одговор на домашната јавност за високиот степен на корупција и криминал кој што го има во Бугарија, за лошата економија поради која многу заминуваат, тие сакаат да се занимаваат со Македонија.Нивното занимавање со Македонија, всушност покажува дека ниту сакаат добрососедство, ниту сакаат Македонија да стане член на Европската Унија, уште по малце да напредува кон Европската Унија. Тие сакаат да ја блокираат Македонија и да ја користат Македонија како своја предизборна тема.Секако ние нема да го дозволиме тоа и јас нема да дозволам да било кој бара изговори во мои изјави или било што друго што се случува во Македонија. Всушност, самото тоа што се бидат изјави од контекст и што лошо се разбираат во Бугарија, покажува дека македонскиот и бугарскиот јазик се различни. Затоа што, она што има еден контекст на македонски јазик, очигледно има друг контекст на бугарски јазик.Но, јас останувам позади се што сум кажал, а тоа е дека е некултурно, непристојно и нецивилизирано да ви дојде на гости претседател на држава а вие да не го удостоите со ставање на знамето на државата која што ја претставува.Нема оправдание за Румен Радев затоа што не го стави македонското знаме при посетата на Гордана Силјановска Давкова како претседател на Македонија.Дали сакаше да испрати порака дека тие во суштина и не ја признаваат Македонија, што е можеби нивни долгогодишен сон. Ние сме јасни кој сме, ние сме засебна нација, македонска нација, засебен народ, македонски народ. Ние зборуваме свој македонски јазик различен од сите останати јазици, ние имаме своја историја, своја култура. Ние знаеме кои сме и не треба на никого да се докажуваме. А, оние кои што сакаат поинаку да ја читаат историјата, се политичари од деветнаесетиот, а не политичари од дваесет и првиот век.И би сакал нешто да кажам и на оние политичари кои што бараат оставка од мене. Од мене бараат оставка политичари кои што се обвинети за криминал и корупција, политичари кои што ги видовме на слики како спијат на кревет покрај пачки со злато и стотици илјади евра во девизии. Такви ли политичари ќе бараат оставка од мене?Извинете господа, ама вие не сте достојни да побарате оставка од мене. Жал мие е што добрите односи помеѓу двата блиски народи, македонскиот и бугарскиот народ, ги уништуваат корумпирани политичари кои што не можат ништо да направат за сопствената држава, освен да внесуваат гнев и омраза.И таков е овој кој што го споменав со пачките злато, таков еден друг кој што важи за голем олигарх во Бугарија и такви се една редица други политичари кои што се корумпирани, а таков е и оној кој што е претседател на Бугарија и кој што немаше минимум пристојност и минимум цивилизациско однесување да стави македонско знаме при посетата на македонскиот Претседател.И затоа е ваква мојата реакција и затоа ќе продолжиме и јас и ВМРО-ДПМНЕ да ги браниме македонските национални интереси. Наша цел е Македонија да напредува, да стане членка на Европската Унија, да го изоди патот кон Европската Унија, но тоа да биде гордо и достоинствено, а не понижени. Ние секогаш ќе ги браниме македонските национални интереси. Ние ништо туѓо не бараме, ама сакаме да го заштитиме нашето.”, вели Александар Николоски.

Македонија | пред 1 година

(Вознемирувачко видео) Три малолетнички во Панчево брутално претепале девојка поради момче

На мрежите беше објавена снимка од брутално претепување на девојка во Панчево.Три 16-годишни девојчиња брутално претепале едно 15-годишно девојче, а сето тоа поради момче. Брутално ја претепале, ја собориле на земја, а потоа ја клоцале и кубеле.На видеото се гледа дека наоколу има многу деца, но никој не реагира и не се меша.Како што пренесуваат српските медиуми, станува збор за инцидент кој се случил пред хемиското училиште во Панчево, Србија.

Свет | пред 1 година