ТОП

(Видео) Се излеа Дунав во Будимпешта, водата дојде до зградата на парламентот

Се излеа Дунав во Будимпешта. На објавените снимки се гледа дека водата стигнала до зградата на унгарскиот парламент во Будимпешта.Според прогнозите, водостојот на Дунав во Будимпешта викендов ќе го достигне својот врв, околу 850 сантиметри. Унгарскиот премиер Виктор Орбан утринава на прес-конференција изјави дека состојбата со поплавите сè уште е сериозна и тешка.„Поради обилните дождови и поплавите, ситуацијата е критична во цела Централна Европа“, објави унгарскиот премиер Виктор Орбан во објава на социјалната платформа Х. Силни ветрови и невообичаено обилни врнежи погодија делови од Австрија, Чешка, Унгарија, Полска, Романија и Словачка. Најмалку 22 лица загинаа во екстремни временски услови и поплави предизвикани од циклонот Борис во централна Европа.

Свет | пред 1 година

Таравари: На повикот за вработување на приватни специјализанти се пријавија 480 доктори од вкупно 600

Таравари денеска ја посети Клиничката болница во Штип.Информираше дека голем дел од дефицитот на лекарски кадар во здравството ќе се надомести со приватните специјализанти.,,Голем дел од дел од дефицитот на лекарски кадар во здравството ќе се надомести со приватните специјализанти од кои на последниот повик се пристигнати околу 480 апликации, а ќе се постапува според интересот на болниците. Се надевам дека во првите 300 доктори, дел од нив, можеби повеќе од 10, ќе ги ангажираме во Штип.Разговаравме и со директорот, и кај него дошле специјализанти кои изразиле интерес, но и кај нас се дојдени, апликаците се веќе собрани, околу 480 доктори од вкупно 600, нормално, ќе постапиме по интересот на болниците. За во Штип информацијата е дека некаде околу 30 доктори изразуваат интерес, не само од Штип туку и од околните места, ќе постапиме според тоа што ќе го каже директоорт дека е приоритет.", изјави министерот за здравство Арбен Таравари.

Македонија | пред 1 година

(Видео) Бугарија на нозе, се бара оставка од македонскиот министер Александар Николоски

Денеска лидерот на ГЕРБ, сестринската партија на ВМРО-ДПМНЕ, Бојко Борисов е прашан за коментар на изјавата, рече дека за тоа има само еден еден одговор, а тоа е извинување и побара оставка од вицепремиерот Николоски.„Мислам дека постапија подло со претседателот, со министрите кои се сретнаа со нив, најдобронамерно, тоа не можам да го одречам. Навистина тие се од неодамна во Владата во Северна Македонија и работите околу протоколите не му се јасни на државниот протокол. Тоа е јасно опишано, за пријателска средба што се прави, за официјална, за работна, но да речеме дека тука немаат искуство. Но, јазикот што го користат има само едно оправдување – извинување. Оставка на тој министер. И, ако не го направат тоа, ниту претседателот, ниту премиерот, ниту министрите, ниту партиите не треба да се сретнат и да разговараат со нив“, изјави Борисов, пренесуваат бугарските медиуми.Околу средбата со Сиљановска-Давкова, тој вели дека тие не треба да се одржуваат надвор од официјалните протоколи.„Очигледно, пријателските средби со овие луѓе, дури и поврзани со операта, не треба да се остваруваат надвор од официјалното, ако се прават според протокол јасно да се каже што мисли едната или другата држава“, вели Борисов, пренедуваат бугарски медиуми.

Македонија | пред 1 година

Маж од кочанско почина поради компликации со западно - нилска треска

Седумдесет и осумгодишен маж од Општина Чешиново-Облешево на 16 септември починал по комликации од западно-нилска треска, стои во извештајот на Институтот за јавно здравје (ИЈЗ).„Четвртиот случај е исто така автохтон, во септември 2024 година, кај жител од општина Чешиново-Облешево, на територијата на Центар за јавно здравје (ЦЈЗ) Кочани. Од страна на Одделението за вирусологија при ИЈЗ, Одделот за епидемиологија на заразни болести беше информиран за случај со западно-нилска треска преку добиена Пријава за изолиран/докажан причинител доставена на 12 септември. Првичните симптоми кај пациентот започнале на 09.09.2024 со намален апетит, малаксаност и покачена температура до 39°Ц. Поради појава на вознемиреност, агресивност, афазија и губиток на свест, пациентот на 10.09.2024 година со возило од Итна медицинска помош Кочани е пратен во Клиничката болница во Штип каде биле спроведени дијагностички невролошки процедури. Поради тешката состојба на пациентот и дијагностициран енцефалитис, во текот на истиот ден е упатен за Клиниката за инфективни болести и фебрилни состојби Скопје. Земени се примероци за микробиолошки анализи на повеќе причинители.Со серолошко испитување потврдено е заболувањето западно-нилска треска.Поради влошената состојба на пациентот и покрај поставување на кислородна маска и дадена терапија за стабилизирање на состојбата, пациентот егзитирал на 16 септември за време на хоспитализација при Инфективната клиника“, вели ИЈЗ.Годинава во Македонија, пријавени се вкупно 4 лабораториски потврдени случаи на западно-нилска треска. Вирусот на западно-нилската треска е присутен меѓу дивите птици, а на луѓето се пренесува при каснување од обичниот (домашниот) комарец кој претходно се заразил хранејќи се на птиците.Од ИЗЈ информираа дека пациентот е пензионер и татко на две деца. Според аналисите тој не патувал надвор од државата, ниту низ државата. Во семејството немало други лица со слични симптоми.

Македонија | пред 1 година

Слави Трифoнов: Вие постоите поради Бугарија; источните соседи удрија по Македонија

Лавина реакции во Бугарија предизвикаа изјавите на македонскиот вицепремиер и министер за транспорт Александар Николоски, кој ја нарече земјата „нецивилизиран домаќин“, говорејќи за изостанувањето на македонското знаме на фотографијата на македонската претседателка, Гордана Сиљановска-Давкова и нејзиниот бугарски колега, Румен Радев.Лидерот на партијата Има таков народ и поранешен шоумен, Слави Трифонов, на својот фејсбук-профил ја коментира изјавата на вицепремиерот и министер за транспорт Александар Николоски, упатена кон бугарските власти во врска со непоставувањето на македoнското знаме на средбата на претседателката Гордана Сиљановска-Давкова со бугарскиот претседател Румен Радев.„И при официјалната посета на македонскиот премиер на Република Хрватска исто така немало македонски знамиња, туку само хрватски. Но, за ова ниту еден Македонец не кажа ништо. И сега да го цитирам дотичниот Николоски, кој, ословувајќи нè домаќини, го кажува следното: Домаќинот очигледно не е цивилизиран, ако сакаат, нека испратат протестна нота на тоа што го кажувам. Домаќинот не е ниту цивилизиран, ниту пристоен, ниту има почит, па ситуацијата е таква каква што е. Помизерни од нив се само оние слуги кај нас што потпишаа дека македонскиот и бугарскиот народ имаат заедничка историја, а немаат. Истите луѓе што потпишаа дека македонскиот јазик е дијалект на бугарскиот и дека никогаш нема да влеземе во Европската Унија ако не признаеме дека сме Бугари и имаме бугарски корени, сега зборуваат за патриотизам. Крај на цитатот“, пишува Трифонов на својот фејсбук-профил.Рекција стигна и од Кабинетот на Радев, од кадешто велат дека манипулирањето со фактите и хистеричните реакции на владата на Република Северна Македонија не влеваат оптимизам за напуштање на полето на провокации и оркестрирани скандали.„Отворениот и конструктивен дијалог, дури и на неформалниот состанок, каков што се одржа меѓу претседателите на Република Бугарија и на Република Северна Македонија на 13 ноември, очигледно длабоко вознемири одредени кругови во владата на РСМ“, се вели во соопштението од кабинетот на Радев.Според Лена Бориславова, Република Македонија се оттргнува од европскиот пат поради внатрешно-политички причини.„Она што можеме да го коментираме за случајот со Северна Македонија е дека јазикот што го користат е неприфатлив. Ние сме на мислење дека договорот што е склучен врз основа на францускиот предлог е доволно добар и се виде дека и покрај критиките издржавме во тој момент, целосно политички мотивирани, во моментов интересите на Бугарија се заштитени, но колегите од Северна Македонија од политички причини, внатрешно-политички причини го оттргнуваат својот народ од европскиот пат“, рече таа, пренесе „БНР.бг“.Бугарското Министерство за надворешни работи вчера соопшти дека ги известиле партнерите за неиспровоцираните провокации од функционери на Македонија, чија цел е да се наруши дијалогот.

Македонија | пред 1 година

Во Италија повеќе од 1.000 луѓе се евакуирани: Водата стигна до центарот на градот, затворени училишта

Реката Сенио се излеа во населбата Кастел Болоњезе кај Равена и водата стигнува до центарот на градот, додека низ регионот Емилија-Ромања повеќе од 1.000 луѓе се евакуирани поради влошување на временските услови, соопштија денеска локалните власти во Италија.Покрај 800-те луѓе евакуирани во областа Равена, уште 165 лица биле принудени да ги напуштат своите домови во областа Болоња, пренесува Анса.Железничкиот сообраќај е во прекин од синоќа меѓу Форли и Фаенца, меѓу Равена и Кастел Болоњезе, Равена и Ферара и меѓу Равена и Фаенца поради временските услови кои можат да доведат до поплави.Покрај железничкиот сообраќај, затворени се и училиштата.Најпогодени се провинциите Болоња, Чезена, Форли, Равена и Римини.Во мај 2023 година, регионот беше погоден од поплави и одрони поврзани со врнежи во кои загинаа 15 луѓе и предизвикаа штета од милијарди евра.Да потсетиме, циклонот Борис со денови предизвикува проблеми во Европа, откако донесе обилни врнежи и предизвика поплави во Полска, Чешка, Австрија, Унгарија и Словачка.

Свет | пред 1 година

Следуваат нови врнежи во Македонија, проследени со грмежи

Под влијание на веќе споменатата циклонска активност со центар на Југоисточна Европа, која секако влијае на времето и во нашата Македонија, денес во попладневните часови, преку ноќта кон утрешниот ден (петок), како и утре преку ден кај нас ќе има нови повремени врнежи од дожд на повеќе места, и тие ќе бидат со променлив интензитет.Локално пак ќе се развиваат конвективни грмотевични облаци од кои се очекуваат поројни врнежи од дожд, грмежи и засилување на ветерот во зоната на нестабилност. Не се исклучува можноста, локално процесите да бидат поинтензивни и во форма на невреме, проследено со обилен пороен дожд за кратко време, силен ветер, електрични празнења и со услови за појава на град.И во Скопскиот регион денес попладне и навечер, како и утре (петок) ќе има појава на повремен локален дожд. Во делови од регионот врнежите ќе бидат поројни и со услови за појава на грмежи, како и со засилување на ветерот во зоната на нестабилност.Апелираме, во случај на појава на невреме и на електрични празнења, да не се претстојува на отворен простор и под осамени дрвја.Што се однесува до температурите, тие ќе се искачуваат во интервалот од 17 до 24 степени, во Скопје максималната температура ќе се искачи до околу 24 степени.

Македонија | пред 1 година

Две девојчиња загинаа на екскурзија во Италија: Мерцедес со полна брзина налета на група пешаци

Две девојчиња од Германија кои биле на екскурзија во Италија загинале кога на нив налетал мерцедес. Несреќата се случила во Лидо ди Камахоре во средата околу 19 часот.Жена, која била зад воланот на мерцедес, налетала на група пешаци и убила две девојчиња од Германија. Девојчињата биле средношколки. Италијанската полиција се уште не објавила информации за нивниот идентитет.Според надлежните, жената (44) наводно изгубила контрола над својот мерцедес кога се случила несреќата. Пред тоа со голема брзина поминала низ две црвени семафори, а потоа удрила во група пешаци.Наводно, таа прво ги удрила девојките, а потоа и останатите пешаци, за на крајот да удри во неколку паркирани возила во близина на хотелот.Според Анса, вкупно седум лица се повредени, меѓу кои и возачот. Сите се пренесени во болница, а жената е уапсена.Направен е и алкотест и нарко тест за да се провери дали е под дејство на алкохол или други супстанци.Истрагата продолжува.

Свет | пред 1 година

Северна Кореја тестираше нови ракети користејќи „супер големи“ боеви глави

Северна Кореја денеска објави дека претседателот на земјата, Ким Џонг Ун, го надгледувал тестирањето на два типа ракети. Едниот што може да носи „супер-голема конвенционална боева глава“, а другиот, како што пренесува АП, најверојатно е наменет за нуклеарна боева глава, а Ким повикал на зајакнување на конвенционалното оружје и нуклеарните способности.Според АП, се претпоставува дека овие тестови се оние кои вчера ги пријави јужнокорејската војска, а тоа беше втор пат во една недела Северна Кореја да тестира ракети.„Тестовите за подобрување на способноста за оружје се неопходни поради сериозната закана што ја претставуваат надворешните сили за безбедноста на земјата“, рече Ким, како што јави денеска севернокорејската новинска агенција KCNA.Севернокорејскиот претседател ја нагласи „потребата да се продолжи со зајакнувањето на нуклеарните сили и да се поседуваат најсилни воено-технички способности и супериорни офанзивни способности во областа на конвенционалното оружје“, пренесе КЦНА.Вчерашните тестови вклучуваа нова тактичка балистичка ракета, Хвасонгфо-11-Да-4.5, објави КЦНА, наведувајќи дека таа е дел од серијата балистички ракети со краток дострел што ги развива, а некои од нив се верува дека биле извезени во Русија.Претставници на Киев и независни експерти рекоа дека има индиции дека некои од ракетите што Русија ги користела во војната против Украина се од севернокорејско производство.Ракетата беше монтирана со супер голема конвенционална боева глава од 4,5 тони, а тестовите вклучија и стратешка крстосувачка ракета која беше надградена за борбена употреба.Северна Кореја ги критикуваше воените вежби на јужнокорејската и американската војска, вклучително и големата вежба спроведена ова лето. Сојузниците велат дека вежбите имаат одбранбен карактер и имаат за цел одржување на подготвеност против каква било „севернокорејска агресија“.

Свет | пред 1 година

Нема фотографија

Земјотрес со јачина од 4,9 степени ја погоди Индонезија, има и загинти

Во земјотресот со јачина од 4,9 степени според Рихтеровата скала што ја погоди Западна Јава во Индонезија, едно лице загина, а најмалку 82 се повредени, јави агенцијата ВНА.Епицентарот на земјотресот бил на 24 километри југоисточно од провинцијата Бандунг и на длабочина од 10 километри.Најпогодено е подрачјето на Бандунг, каде се повредени 81 лице, а по него е Гарут.Според првите проценки, оштетени се околу 700 куќи.Оштетени се и речиси 100 здравствени, образовни, верски и јавни објекти, вклучително и пазари.Поради земјотресот евакуирани се 450 лица.

Свет | пред 1 година

Израел го нападна Либан: Загинаа 20 луѓе, повеќе од 450 се ранети

Бран експлозии вчера го зафати Либан, еден ден по големите пејџер експлозии во кои загинаа 12 лица, а илјадници беа повредени. Во вчерашниот напад експлодираа воки-токи на борците на Хезболах, како и соларни панели на куќи. Во новите експлозии загинаа 20 луѓе, но бројот може да се зголеми. Повеќе од 450 се ранети.Израел е одговорен за експлозиите, кои најавија почеток на „нова фаза од војната“. Прелиминарната истрага откри дека стотиците пејџери што експлодираа низ Либан биле однапред програмирани да се активираат, изјави за АФП извор од безбедносните сили. Изворот тврди дека податоците покажуваат дека уредите содржеле експлозивни материјали поставени до батеријата.Израелската армија објави дека во текот на ноќта извршила воздушни напади врз инфраструктурата и складиштето за оружје на Хезболах во јужен Либан. Израелските одбранбени сили (ИДФ) соопштија дека израелските воздухопловни сили ја погодиле инфраструктурата на Хезболах на шест локации - Чихине, Таибе, Блида, Меис Ел Џабал, Аитарун и Кфаркела - и складиште за оружје во областа Киам.Покрај тоа, ИД со артилериски напади целеше „неколку области“ во јужен Либан, соопшти војската. Сè уште не е познат степенот на штетата.Јапонскиот ИКОМ соопшти дека моделот на нивните воки-токи поврзани со експлозиите во Либан бил прекинат пред една деценија и дека не може да утврди дали се фалсификувани или испорачани од нејзината компанија. „IC-V82 е рачно радио кое се произведуваше и извезуваше, вклучително и на Блискиот Исток, од 2004 до октомври 2014 година. Тој беше прекинат пред приближно 10 години и оттогаш не беше испорачан од нашата компанија“, соопшти компанијата во изјава.Компанијата соопшти дека производството на батериите во уредите исто така е суспендирано и дека „не е прикачен холограмскиот печат за идентификација на фалсификувани производи, така што не е можно да се потврди дали производот е испорачан од нивната компанија“.ИКОМ соопшти дека сите нејзини радија се произведуваат во префектурата Вакајама под строг надзор за да се осигура дека „не се користат други делови освен оние што ги специфицира компанијата во производот“. „Сите наши радија се произведуваат во иста фабрика и ние не ги произведуваме во странство“, се вели во соопштението.Исто така, наведено е дека производите за прекуокеанските пазари се продаваат исклучиво преку овластени дистрибутери и дека „строгите контроли на извозот“ се спроведуваат врз основа на владините прописи за трговска безбедност.

Свет | пред 1 година

Села: Јас не го палев Парламентот, други го палеа

Целта на Законот за правата на бранителите и нивните семејства, кој е предложен, е со цел дестабилизација на земјата, рече Зијадин Села во „Претрес” со Кристијан Ландов.„И другите“, рече, „имаат права. Двете страни кои се судрија во 2001 треба да уживаат исти права.“,„Тоа би бил добар почеток за да не дојде до дестабилизација”, рече Села, кој немаше одговор на прашањето каде е регистрирана УЧК.Се потсети на изјава од пред десетина години дека ако се донесе Закон за бранители ќе го запали Собранието. На прашањето дали сега ќе го пали Парламентот одговори:„Јас не го палев Парламентот, други се тие кои го палеа Парламентот”, рече Села, алудирајќи на настаните од 27 април.

Македонија | пред 1 година

Села: Одлуката на Уставен за балансерот е погрешна и е наредба на Мицкоски

Зијадин Села, од Алијанса на Албанците, во „Претрес” со Кристијан Ландов ја коментираше одлуката на Уставен суд за замрзнување на вработувањата според балансерот до конечната одлука. Тој рече дека не е ова случајно сега.„Ова е политичка наредба на премиерот Мицкоски. Одлуката е погрешна и не враќа назад во минатото бидејќи се укинува едно право. Да не треба да сме радосни за ова”, праша Села.Посочи дека Собранието треба под итно за ова да расправа. Се заложи за Бадентер и во Уставниот суд. Ако некоја одлука се носи со двојно мнозинство во Собранието, со исто мнозинство треба да одлучуваат и уставните судии.Ова практично, рече, значи дека треба да се преточи балансерот во закони за правична застапеност, тоа и во 2020 на избори го барале.Ова нагласи е начин на живот а не само чувство.„Јас сум од политичарите кои сметаат дека не треба во минатото да се гледа. Укинувајќи механизми значи се враќаме во минатото, затоа треба да се погледне некогаш во ретровизорот“, посочи Села.

Македонија | пред 1 година

(Во живо) „Претрес“ на Зијадин Села: Балансер, бранители, навреди кон Македонци

Замрзнатиот Балансер ќе ја одмрзне националистичката реторика дека на албанската опозиција дека се работи против Алнбанците. Затоа, вечерва ќе го претресеме Зијадин Села, пратеник до „Европски фронт“, предводен од ДУИ. Што милува Села, да го прегледа саглам доктор или поважно е да е Албанец? Зошто со дрва и камења фрла по македонската химна и знаме, а не му пречат парите на македонските граѓани од кои зема плата со години како дел од државните институции.Ќе ги кршиме копјата за македонските бранители, Арбен Таравари, ДУИ... Ќе бараме детали и за Али Ахмети, кој со месеци е исклучен од јавноста.. Нема да заборавиме да прашаме за црквата во Галате, дел од Општина Врапчиште каде раководи Исен Шабани од Алијансата за Албанците.Следете во живо:

Македонија | пред 1 година

Уставен ги замрзна вработувањата со етнички клуч: додека не се одлучи дали Балансерот е уставен, институциите не смеат да вработуваат според етничка припадност

Уставниот суд денеска поведе постапка за одредби од Законот за вработени во јавен сектор, Законот за административни службеници, Правилникот за задолжителни елементи на јавниот оглас при вработување во јавен сектор, односно одредби од акти оспорени од страна на Државната комисија за спречување на корупција.Судот ги оцени како основани наводите во иницијативата на Комисијата и ги прошири сомнежите за неуставност и незаконитост и на други одредби и по сопствена иницијатива поведе постапка за одредби од истите закони и подзаконски акти кои произлегуваат од истите.Во оваа фаза Уставниот суд изразува сомнеж дека се загрозуваат основните слободи и права на човекот и граѓанинот кои се признати во меѓународното право и утврдени во нашиот Устав, слободното изразување на националната припадност, соодветната и правична застапеност на граѓаните кои припаѓаат на сите заедници, во органите на државната власт и другите јавни институции на сите нивоа, кои се темелни вредности на кои почива нашиот уставно-правен поредок.Судот изрази сомнеж дека со одредбите за кои поведе постапка се доведува во прашање уставно-загарантираниот принцип на еднаквост на граѓаните пред Уставот, утврден со членот 9, понатаму, уставната гаранција секому, под еднакви услови да му е достапно секое работно место, утврдено со членот 32, како и членот 54 според кој, ограничувањето на слободите и правата не може да биде дискриминаторско, по основ на пол, раса, боја на кожа, јазик, вера, национално или социјално потекло, имотна или општествена положба.Во суштина на аргументите во расправата беше посочена Одлуката на Уставниот суд во предметот У.бр.92/2023 во која е одлучено дека националната припадност е лично чувство на граѓанинот и како такво може да биде менливо, лично право е на граѓанинот да одлучи дали ќе се изјасни, како ќе се изјасни за својата припадност, вклучително и правото да не се изјасни. Расправајќи за одредби од Законот за матична евиденција одлучи дека националноста е приватно и внатрешно чувство и никој не може да биде принуден тоа чувство да го манифестира во јавноста, а уште повеќе тоа чувство да биде предмет на задолжителна институционално администрирање во регистрите на државата.Пред Судот денеска се постави прашањето дали со оспорените одредби за кандидатите за административни службеници, идентично како и во Регистарот на вработените во јавниот сектор, се наметнува законска обврска за изјаснување на припадноста кон одредена заедница?Исто така основано се постави прашањето дали одредбите од Правилникот за задолжителни елементи на јавниот оглас претставуваат ограничување на правото на кандидатите кои припаѓаат на различни заедници од онаа наведена во јавниот оглас, со што се доведува под сомнеж нивната усогласеност со принципот на еднаквост и со уставната гаранција секому под еднакви услови да му биде достапно секое работно место.Судот донесе и т.н. времена мерка за оспорените одредби ,што значи додека не се донесе конечна одлука не може да се применуваат.Одредби за кои денеска е поведена постапка:- член 19 став 1 алинеја 1 во делот „припадност на заедница“,од Законот за вработени во јавен сектор („Службен весник на Република Македонија” бр. 27/14, 199/14, 27/16, 35/18, 198/18 и “Службен весник на Република Северна Македонија” бр. 143/19 14/20 и 302/20);-член 36 став 1 алинеја 1 во делот „и припадност на заедница“,од Законот за административни службеници („Службен весник на Република Македонија” бр.27/14, 199/14, 48/15, 154/15, 5/16, 142/16, 11/18 и „Службен весник на Република Северна Македонија” бр. 275/19, 14/20 215/21 и 99/22)- член 2 став 1 алинеја 8 и член 3 алинеја 1 во делот „припадност на заедница“ од Правилникот за задолжителните елементи на јавниот оглас за пополнување на работно место во јавниот сектор преку вработување и на пријавата за вработување, како и формата, содржината и начинот на водење на регистарот на лица кои дале лажни податоци при вработување во јавен сектор бр.12/1-42/4 од 27.02.2015 година („Службен весник на Република Македонија” бр. 34/15);ПО СОПСТВЕНА ИНИЦИЈАТИВАСе поведува постапка за оценување на уставноста и законитоста на:- член 2 став 2 и 3 од Правилникот за задолжителните елементи на јавниот оглас за пополнување на работно место во јавниот сектор преку вработување и на пријавата за вработување, како и формата, содржината и начинот на водење на регистарот на лица кои дале лажни податоци при вработување во јавен сектор бр.12/1-42/4 од 27.02.2015 година („Службен весник на Република Македонија” бр. 34/15);- член 3 став 1 алинеја 8 од Правилникот за формата и содржината на регистарот на вработените во јавниот сектор, начинот на неговото водење, начинот на пристап користење, обработка на податоците, како и начинот на обезбедување одговорност за веродостојноста и безбедноста на податоците бр. 14/2-2766/3 од 29.08.2014 година („Службен весник на Република Северна Македонија“ бр. 132/2014);

Македонија | пред 1 година

Големиот циклон кој ја зафати Европа, сега доаѓа и во Македонија: За среќа, нема место за паника, нема да има поплави кај нас

Големиот циклонски систем кој ја зафати Централна и Источна Европа и направи многу проблеми во тој дел, а поради големите поплави однесе и многу човечки животи, истиот сега се наоѓа над нашиот дел од Европскиот Континент, односно над југоисточна Европа, условуваќи многу нестабилно време со чести врнежи, но за среќа големи поплави и проблеми со врнежите кај нас во Македонија не се очекуваат.Сепак, и покрај ова, утре (четврток) како и во петок во попладневните часови овој циклонски систем во нашата Македонија ќе условува повремени локални врнежи од дожд со променлив интензитет. Локално пак ќе се развиваат конвективни грмотевични облаци од кои се очекуваат поројни врнежи од дожд, грмежи и засилување на ветерот во зоната на нестабилност. И во Скопскиот регион утре (четврток), како и во петок во попладневните часови ќе има појава на повремен локален дожд, додека во делови од регионот можни се поројни врнежи од дожд, проследени со грмежи како и со засилување на ветерот.Не се исклучува можноста, локално процесите да бидат поинтензивни и во форма на невреме, проследено со обилен пороен дожд, силен ветер, електрични празнења и со услови за појава на град. Но како што кажав, штети и некои големи поплави кај нас за среќа не се очекуваат. Секако мора да напоменам, доколку падне поголемо количество на воден талог за кратко време, поради тоа што очекуваме локален развој на грмотевични конвективни облаци, можно е да дојде и до локални поројни поплавувања, но тоа би било многу далеку од она што се случи во Централна и во Источна Европа, што значи место за паника од големи поплави во Македонија нема.Што се однесува до температурите, тие ќе се искачуваат во интервалот од 18 до 25 степени., Во Скопје утре (четврток) како и во петок температурата ќе се искачи до околу 24 степени.

Македонија | пред 1 година

Петнаесет лица вработени во УЈП обвинети за даночно затајување и перење пари

И покрај поднесениот Обвинителен акт за предметот познат во јавноста како „Синџир“, предметниот обвинител Основното јавно обвинителство за гонење на организиран криминал и корупција предметниот јавен обвинител продолжи со постапување. Постапката е како резултат на индиции што произлегоа од доказите што обвинителството ги достави до судот со поднесување на обвинителниот акт во предметот „Синџир“. Врз основа на дополнително обезбедениот доказен материјал денеска до Основниот кривичен суд Скопје обвинителството поднесе Обвинителен предлог против петнаесет лица вработени во Генералниот даночен инспекторат на УЈП и Регионалните дирекции на УЈП во Скопје, Битола и Прилеп. На сите обвинети им се става на товар дека сториле продолжено кривично дело – Злоупотреба на службената положба и овластување од чл.353 ст.4 в.в. ст.1 и чл.45 од КЗ.Станува збор за службени лица во Управата за јавни приходи кои во посочениот период биле главни генерални инспектори или вршители на должност, нивни заменици, управници на регионалните дирекции, началници на даночни инспекторати и раководители на Одделенијата за регистрација и утврдување на даноци во регионалните дирекции, членови на телата за одобрување на ДДВ побарувања со барање за враќање при регионалните дирекции, самостоен даночен советник за анализа на ризик и планирање на контроли и инспектор за даночни обврзници.Според дејствијата содржани во диспозитивот на предлогот обвинетите во периодот од 01.01.2019 до 31.12.2021 година како службени лица во Управата за јавни приходи, искористувајќи ист траен однос и исти прилики, не ја извршиле својата службена положба и овластување со намера да прибават за друг значителна имотна корист или на друг да му нанесат значителна имотна штета. Притоа, постапиле спротивно на одредбите од Законот за даночна постапка, Законот за управата за јавни приходи, Правилникот за систематизација на работни места во Министерството за финансии, Управа за јавни приходи, Процедурата за надворешна контрола, Упатството за одобрување и враќање на даночно побарување за ДДВ и Правилникот за внатрешна организација на Управата за јавни приходи. Така, во зависност од нивните службени овластувања не ја организирале и координирале работата на Генералниот даночен инспекторат со функциите на Регионалните даночни инспекторати во Скопје, Прилеп и Битола, за дел од даночните обврзници не извршиле соодветно рангирање според степенот на ризичност и самостојно не издале налози за контроли, не изготвиле предлог листи на даночни обврзници за вршење надворешна контрола, иако дел од обврзниците според степенот на ризик припаѓале во ризични даночни обврзници каде задолжително било потребно да се извршуваат надворешни контроли. Така, за дел од кривичноодговорните правни лица опфатени во предметот „Синџир“ кои како даночни обврзници поднесувале задолжителни даночни пријави и годишни завршни сметки во Регионалните дирекции Прилеп, Битола и Скопје, по основ на непресметан и неплатен данок прибавиле значителна имотна корист во износ од 167.918.419 денари предизвикувајќи штета на УЈП во вкупен износ од 206.456.437 денари.Заедно со Обвинителниот предлог, имајќи ги предвид околностите сврзани за личноста на обвинетите, околностите под кои е сторено делото, особено имајќи предвид дека обвинетите се службени лица кои во вршење на својата служба го имаат сторено кривичното дело и дека може да бидат недостапни на органите на прогонот и на тој начин да го оневозможат непреченото водење на постапката, предметниот обвинител поднесе и посебен предлог со кој предлага судот спрема обвинетите да определи мерки на претпазливост. Воедно, укажувајќи дека во Специјализирано судско одделение за судење на кривични дела од областа на организиран криминал и корупција при Основниот кривичен суд Скопје веќе се постапува по предмет оформен по обвинителен акт на ОЈО за ГОКК од 22.01.2024 година против физички и правни лица обвинети за кривични дела Злосторничко здружување од чл. 394 ст1 и 2, Даночно затајување од чл. 279 ст. 2 в.в ст. 1 чл.45 и Перење пари и други приноси од казниво дело по чл. 273 ст.1 од КЗ, предметниот обвинител достави и посебен предлог да се спроведе единствена постапка и поднесениот обвинителен предлог да биде споен во веќе оформениот предмет. Како образложение на предлогот обвинителството укажа дека постои меѓусебна врска помеѓу извршените кривични дела сторени од страна на обвинетите наведени во обвинителниот предлог и кривичните дела сторени од страна на обвинетите наведени во поднесениот Обвинителен акт, како и дел од доказите кои веќе се доставени со претходно поднесениот обвинителен акт.​

Македонија | пред 1 година

Осум лица добија кривични по несреќа на автопатот Скопје - Куманово: во овој настан починаа маж и дете

Единицата за насилен криминал при СВР Скопје, до ОЈО Скопје, поднесе кривична пријава против Д.Д.(40), Д.М.(59), П.Г.(42), П.М.(56), С.С.(39) и Р.П.(58), сите од Скопје и скопско, против З.Н.(61) од Битола и Х.Р.(58) од Косово, како и две правни лица од Скопје и едно правно лице од Гостивар поради постоење основи на сомнение за сторени кривични дела „предизвикување опасност при градежни работи" предвидено и казниво по член 289 став 1 од Кривичниот законик во врска со кривично дело „тешки дела против општата сигурност“ предвидено и казниво по член 292 став 2 од Кривичниот законик и кривично дело „загрозување на безбедноста на сообраќајот“ предвидено и казниво по член 297 став 1 од Кривичниот законик во врска со кривично дело „тешки дела против безбедноста на луѓето и имотот во сообраќајот“ предвидено и казниво по член 300 став 2 од Кривичниот законик.На 02.09.2024 во 11.30 часот во СВР Скопје било пријавено дека на автопатот Скопје – Куманово, на околу два километри пред наплатна станица Миладиновци, патничко возило „мерцедес“ со кумановски регистарски ознаки, управувано од Б.А.(34) од село Опае, кумановско, удрило во непрописно поставени сообраќајни знаци за пренасочување на сообраќајот и во запрено товарно возило „ман“ со скопски регистарски ознаки, сопственост на правно лице од Скопје, а непрописно паркирано од Р.П.(58) од село Глумово, скопско. Во несреќата од здобиените повреди на местото на настанот починал возачот Б.А., а подоцна, во Комплексот клиники „Мајка Тереза“ во Скопје од здобиените повреди починал и малолетен сопатник од село Опае.

Македонија | пред 1 година

(Видео) Нови детали и снимки: Откриено како Мосад ги претвори пејџерите во мини-бомби, меѓу загинатите се две деца

На социјалните мрежи се појавуваат се повеќе видеа од моментот на експлозиите, како и од нејзините последици.https://twitter.com/RavijhaX/status/1836313494993449284?ref_src=twsrc%5Etfw%7Ctwcamp%5Etweetembed%7Ctwterm%5E1836313494993449284%7Ctwgr%5E0f6e5fbd31c8476a571887f5143c3746cb9e21de%7Ctwcon%5Es1_&ref_url=https%3A%2F%2Fwww.jutarnji.hr%2Fvijesti%2Fsvijet%2Fotkriveno-kako-je-mossad-pejdzere-pretvorio-u-mini-bombe-eksploziv-je-ubrizgan-mjesecima-prije-nego-sto-su-stigli-do-hezbollaha-15503372https://twitter.com/THE_DC_DOG/status/1836223824561365218?ref_src=twsrc%5Etfw%7Ctwcamp%5Etweetembed%7Ctwterm%5E1836223824561365218%7Ctwgr%5E0f6e5fbd31c8476a571887f5143c3746cb9e21de%7Ctwcon%5Es1_&ref_url=https%3A%2F%2Fwww.jutarnji.hr%2Fvijesti%2Fsvijet%2Fotkriveno-kako-je-mossad-pejdzere-pretvorio-u-mini-bombe-eksploziv-je-ubrizgan-mjesecima-prije-nego-sto-su-stigli-do-hezbollaha-15503372https://twitter.com/Hanniba3il/status/1836036237833981968?ref_src=twsrc%5Etfw%7Ctwcamp%5Etweetembed%7Ctwterm%5E1836036237833981968%7Ctwgr%5E0f6e5fbd31c8476a571887f5143c3746cb9e21de%7Ctwcon%5Es1_&ref_url=https%3A%2F%2Fwww.jutarnji.hr%2Fvijesti%2Fsvijet%2Fotkriveno-kako-je-mossad-pejdzere-pretvorio-u-mini-bombe-eksploziv-je-ubrizgan-mjesecima-prije-nego-sto-su-stigli-do-hezbollaha-15503372Израелските разузнавачи вметнувале експлозивни состојки во илјадници пејџери за време на нивното производство, неколку месеци пред да бидат увезени од Хезболах, изјави либански безбедносен извор.https://twitter.com/JasonMBrodsky/status/1836036408366039108?ref_src=twsrc%5Etfw%7Ctwcamp%5Etweetembed%7Ctwterm%5E1836036408366039108%7Ctwgr%5E0f6e5fbd31c8476a571887f5143c3746cb9e21de%7Ctwcon%5Es1_&ref_url=https%3A%2F%2Fwww.jutarnji.hr%2Fvijesti%2Fsvijet%2Fotkriveno-kako-je-mossad-pejdzere-pretvorio-u-mini-bombe-eksploziv-je-ubrizgan-mjesecima-prije-nego-sto-su-stigli-do-hezbollaha-15503372„Хезболах користи постара технологија токму за да го избегне израелскиот надзор, а Мосад им вбризгуваше експлозив на нивните пејџери Gold Apollo за време на производството и вчера ги активираше со симултани кодирани пораки“, вели безбедносниот извор за светските медиуми.Операцијата претставува невиден пробив во безбедносните мерки на Хезболах. Илјадници пејџери беа детонирани низ Либан, при што загинаа девет лица, а беа повредени речиси 3.000 други.Либанскиот министер за здравство Фирас Абијад изјави дека во експлозиите загинале 12 лица, меѓу кои и осумгодишно девојче и 11-годишно момче. Тој додаде дека меѓу загинатите има и здравствени работници.

Свет | пред 1 година

Таравари би седнал на маса со Села и Ахмети за Албанците: Ама нека се навикнат дека се во опозиција

Министерот за здравство, Арбен Таравари вели дека коалицијата Вреди е подготвена да разговара со Ахмети за прашања кои се од интерес на Албанците. Ова доаѓа по повикот на Зијадин Села упатен до партиите од албанскиот политички блок да разговараат за прашањата и теми кои се однесуваат на Албанците.„Господинот Села и господинот Ахмети пред се треба да се навикнат дека се во опозиција, инаку нема проблем, со било кој, во било кое време подготвени сме да разговараме“ – рече Таравари.Претходно, Села за ТВ21 рече: „Ние сме во време кога многу добро треба да размислиме какво ќе биде однесувањето, позиционирањето, не на Алијансата за Албанците, Беса, или што знам, Демократското движење или како и да се вика, во однос на ВМРО, но во однос на македонската политика. Ние овде мора да најдеме заеднички јазик за да спречиме во иднина да се реализираат планови кои не се пријателски настроени кон Албанците, но и кон другите заедници“.

Македонија | пред 1 година

Фрустрацијата на граѓаните ќе ја прнесеме во Брисел, бидејќи вештачки ни наметнуваат пречки, рече Мицкоски за средбата со Урсула

Премиерот Христијан Мицкоски кажа дека во Брисел на средба со претседателката на Европската комисија, Урсула фон дер Лајен, ќе ги брани македонските интереси.„Доколку стане збор за евроинтегративниот процес, јас сум тој што треба да ги брани и одбрани македонските национални интереси. Како што беше во минатото, кога бевме опозиција, а дури и сега како Влада кога имаме повеќе аргументи, сакаме фрустрацијата која ја чувствуваат македонските граѓани да ја пренесеме таму“, рече Мицкоски.Тој кажа дека по една деценија од првиот позитивен извештај кој Македонија го доби од ЕУ, не можеме да почнеме оти има вештачки пречки.„По една деценија ние не можеме да почнеме со преговори, но не затоа што не ги почитуваме критериумите, туку бидејќи има вештачко наметнатни пречки, кои ги немал ниту еден народ, ниту една држава. Нека бидат сигурни граѓаните дека ќе се бориме и ќе се избориме за македонските интереси“, додаде Мицкоски.

Македонија | пред 1 година

Повеќе помали пожари на отворено и покрај дождот; „Вриел“ телефонот на ЦУК, примиле над 1600 повици

Имало вкупно 1 620 повици на Единствениот повикувачки број за итни случаи 112 во ЦУК, во последното деноноќие. Од нив „реални“ повици биле 56%, а 44% биле за други потреби на граѓаните што не биле итни.Кон Полиција биле упатени 64%, кон Итната медицинска помош 27%, a кон пожарникарите 6%, а кон АМСМ 0,42% од реалните повици кон 112 во ЦУК. Инаку, имало 711 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици и на тие што се именувани како „неитни повици“. Сите тие повици за итни случаи биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).Центарот за управување со кризи (ЦУК) информира дека во последното деноноќие повече помали пријавени пожари на отворено, покрај пожари во урбани средини и населени места, на територијата на државата.Конкретно, Регионалниот ЦУК Скопје, известува дека БППЗ на град Скопје во текот на изминатото деноноќие ги имала следните интервенции: од 06:05 до 17:30 часот, со 4 пожарникари и 1 ПП возило интервенирале на запалена мешана шума во атарот на с.Танушевци (Општина Чучер Сандево); Во период од 14.10 до 15.50 часот, со 4 пожарникари и 1 ПП возило интервенирале на запалена ниска вегетација на површина од околу 1 000 m2 во атарот на с.Долно Коњари (Општина Петровец); од 16.55 до 17.35 часот, со 3 пожарникари и 1 ПП возило интервенирале на запалена депонија покрај ул.Црногорска бр.1 (Опш.Ѓорче Петров) и имала уште една помала интервенција.РЦУК Струмица, известува од ТППЕ Струмица дека во период од 11.00 до 12.50 часот, со 1 ПП возило и 3 пожарникари интервенирале на запалена ниска вегетација и лозје насади на површина од 17 хектари во с.Пирава (Општина Валандово); Во период од 12.05 до 14.15 часот, со 1 ПП возило и 2 пожарникари интервенирале на запалена просторија на сточен пазар кај с.Ново Село (Општина Ново Село).РЦУК Куманово, известува од ТППЕ Куманово од 14.55 до 15.20 часот, со 1 ПП возило и 3 пожарникари интервенирале на запалена ниска вегетација на автопатот Скопје – Куманово; од 16.35 до 17.35 часот, со 1 ПП возило и 2 пожарникара интервенирале на запалено ѓубре и дрва во ЈП „Чистота и Зеленило“ – Куманово; Во период од 20.20 до 21.00 часот, со 1 ПП возило и 3 пожарникари интервенирале на запалена ниска вегетација во с.Пчиња; Во период од 18.50 до 21.55 часот, со 1 ПП возило и 4 пожарникари интервенирале на запалено стрниште во м.в. „Никулски Пат“.ТППЕ Старо Нагоричане, известува дека во период од 15.52 до 16.20 часот, со 1 ПП возило и 2 пожарникара интервенирале на запалено стрниште во с.Младо Нагоричане (месност Трендаловце).ЦУК апелира за редовно чистење на локалните одводни канали, а и да не се фрлаат отпадоци во нив, а секако и во речните корита.

Македонија | пред 1 година

(Вознемирувачки видеа) Масовни експлозии на пејџери во Либан, илјадници ранети - прстот вперен во Израел

Најмалку девет лица загинаа во експлозиите кои се случија вчера во Либан кога пејџери што припаѓаат на членови на групата поддржана од Иран експлодирале речиси истовремено, што откри масивен безбедносен пробив и ја покажа големината на израелското разузнавање. Речиси 3.000 беа повредени - вклучувајќи и бројни борци на Хезболах и иранскиот амбасадор во Бејрут.Хезболах вети дека ќе одговори на вчерашниот израелски напад.Си-ен-ен дознава дека експлозиите биле резултат на заедничка операција помеѓу израелската разузнавачка служба Мосад и израелската војска. Иако израелската војска изјави дека нема да коментира за експлозиите, и Либан и Хезболах го обвинија Израел за нападот. Иран, исто така, обвини, нарекувајќи го „израелски тероризам“.Шпекулациите се зголемуваат околу тоа како нискотехнолошките безжични комуникациски уреди може да биле искористени. „Њујорк тајмс“ вчера објави дека Израел сокрил експлозиви во серија пејџери нарачани од тајванскиот производител „Голд Аполон“ и наменети за Хезболах. Додаден бил прекинувач за нивно далечинско детонирање, се наведува во медиумскиот извештај.Основачот и претседателот на „Голд Аполон“ изјави денеска пред новинарите дека пејџерите користени во нападот биле направени од европски дистрибутер. Су Чинг-куанг рече дека неговата фирма потпишала договор со дистрибутерот за користење на брендот „Голд Аполон“.

Свет | пред 1 година

(Видео) Ѓоковиќ направи хаос во ноќен клуб: Пееше хитови и свиреше на тапани

Новак Ѓоковиќ, моментално најдобриот тенисер на светот, ја искористи можноста од престојот во Софија, каде одигра егзибициски меч против Григор Димитров, за незаборавна забава по мечот.Новак заедно со Димитров ја помина вечерта во ноќен клуб, каде атмосферата дополнително се „вжешти“ со присуството на бугарската пејачка Камелија.Камелија, чија песна „Луда по тебе“ Ѓоковиќ ја обожава, вети дека ќе му ја отпее лично откако диџејот во салата не ја пуштил на негово барање.Пејачката го исполни ветувањето, а Новак беше одлично расположен, а тоа го забележаа и видеа кои набрзо станаа вирални на социјалните мрежи.На видеата се гледа како Ѓоковиќ ужива во песните на Камелија, танцува со Григор Димитров, фрла салфетки, свири на тапани, па дури и тој запеа. Веселата атмосфера и опуштената вечер потврдија дека Новак знае да се забавува и надвор од тенискиот терен.

Магазин | пред 1 година

Експлозија на летот од Крит: Патниците извикувале „бомба, бомба“, виделе пламен и чад

Вистинската драма се одвивала вчера на летот од Крит, кога дошло до експлозија во авионот.Според пишувањата на медиумите, на летот EasyJet, кој требало да полета од Ираклион за Лондон, експлодирала електронска цигара додека била во полначот.Во авионот настанала паника откако одекнала експлозија и кабината почнала да се полни со чад.Патниците за DailyMail изјавиле дека слушнале силна експлозија.„Потоа видовме чад, нешто црвено светна, а потоа видовме пламен и многу чад“, велат патниците.Еден од патниците рекол дека непосредно пред експлозијата слушнал друг патник како вика: „Што е тоа? Што е тоа?!“.„Викаа: „бомба, бомба, излези брзо“, ги раскажа патникот детали од драмата и додаде дека жената која имала електронска цигара во џебот почнала да мавта кога од нејзината чанта излегол чад.Друг патник тврди дека жената, за која се вели дека е Британка, се обидела да излезе од авионот, барајќи од другите патници да се движат. Меѓутоа, кога чантата се запалила, таа ја фрлила во ходникот меѓу седиштата.„Од торбата тргна оган и чад, потоа се слушнаа звуците на експлозијата и чадот почна да ја исполнува кабината“, сведочат вознемирените патници.EasyJet потврди дека авионот на летот EZY8216 од Ираклион до Лондон бил евакуиран бидејќи за време на качувањето избувнал пожар во торбата на еден од патниците.„Пожарникарите влегоа во леталото, а персоналот ги евакуираше патниците според протоколот“, соопшти компанијата.

Свет | пред 1 година