ТОП

Нема фотографија

Најголемиот обид за напад на Москва

Руските сили за воздушна одбрана соборија 10 беспилотни летала кои летаа кон Москва во текот на ноќта и наутро, а ова е еден од најголемите обиди за напад на главниот град на Русија со дронови досега, изјави градоначалникот Сергеј Собјанин.Претходно, градоначалникот на Москва на Телеграм објави осум соборени дронови во Московскиот регион, пренесува РИА Новости.Гувернерот на руската област Брјанск, Александар Богомаз, утринава пријавил седум соборени дронови над тој регион, пренесува Интерфакс.Во рок од еден час, силите за противвоздушна одбрана на Министерството за одбрана на Руската Федерација открија и уништија седум дронови од типот на авиони“, напиша тој на својот канал Телеграм.Богомаз додаде дека нема жртви или разурнувања.Речиси секој ден Украина се обидува да користи беспилотни летала за да нападне цели во пограничните и централните региони на Русија.

Свет | пред 1 година

(Видео) Снимка од денешното апсење за убиството кај Мавровка

Директорот на Бирото за јавна безбедност, Александар Јанев, објави видео снимка од денешното апсење за убиството кај „Мавровка“:

Скопје | пред 1 година

(Видео) „Не е моја работа!“ - Арсовска не знае каде заглави прочистителната станица, ниту дали е платена, а е надлежност на Водовод

Градоначалничката на Град Скопје, Данела Арсовска не знае до каде е реализацијата на проектот за прочистителната станица која треба да го спаси Вардар од фекалии, кој го спроведува „Водовод“, претпријатие под нејзина контрола. Иако за ова не и треба Советот, туку одлуките ги носи сама со директрот кој го назначува, сепак, скопјани не гледаат ни „п“ од пречестителната станица. Неофицијално, „Скопје1“ има информација дека се е стопирано бидејќи е се платени парите.„Јас во делот на трансакции не можам да кажам, не е моја работа, не сум упатена. Извештаи добиваме од страна на Водовод“, вели Арсовска, па на прашање од „Скопје1“ дали ќе се согласи дека не е платена, таа вели: „Не би знаела сега јас да кажам нешто што не е моја ингеренција, моја надлежност, нити пак искрено да ви кажам треба да го коментирам. Нашата насока е по извештаите од Водовод, а во првата година не ги добиваме, да се информираме за текот на работите“.На коментарот од „Скопје1“ дека нејзе не ја интересира до каде е пречистителната станица, Арсовска одговори: „Вие може да карикирате и манипулирате, јас не сум кажала дека не ме интересира, туку дека не можам да давам паушани изјави на кои прецизен одговор ниту имам, ниту сум побарала“.

Скопје | пред 1 година

„Скопје1“ дознава: Осомничените убијци се од исто семејство од Чаир, еден е затвореник кој од април е во бегство

Изнуда е причината за убиството кај Мавровка, каде убиен е 60-годишниот Васил Ефтимов, дознава „Скопје1“ од извори во истрагата. Осомничени остануваат три лица, од кои две се уапсени и се на распит, по што Обвинителството ќе одлучи дали ќе се бара притвор.„Скопје1“ дојде до детали околу уапсените лица, осомничени дека го извршиле убиството. Тројцата осомничени доаѓаат од исто семејство, кое живее во Чаир. Неофицијално, еден од осомничените по кој е во бегство и по кој се трага е затвореник, кој порано извршил тешки кражби. Станува збор за лице кое издржува затворска казна во „Идризово“, а кое од април е во бегство.Друг од осомничените, кој веќе е уапсен, е негов внук од брат, додека третиот е нивни роднина. Според непотврдени информации, станува збор за група која и претходно била во судир со законот. Фамилијата е озогласена како склона кон криминални активности.Дел од медиумите објавија дека иницијалите на убиеното лице е В.Е. и дека се работи за адвокат, што набргу беше демантирано. Станува збор за скопјанец кој имал своја фирма, со седиште во скопски Аеродром.По убиството МВР затвори дел од градското подрачје, изврши преглед на повеќе домови и преглед на повеќе возила. Во операцијата беа вклучени специјални полициски сили, хеликоптери и дронови.Иако дел од медиумите објавија дека возилото со убијците, со белгиски регистерски таблици е пронајдено во Гази Баба, МВР соопшти дека на подрачјето на општина Чаир, забележено е патничко возило со лица во обид да побегнат, при што лицата од возилото пружиле отпор со употреба на огнено оружје.Полициските службеници возвратиле, по што едно лице е лишено од слобода.При преземањето понатамошни мерки, од слобода било лишено уште едно лице, а на полицијата е познат и идентитетот на третото осомничено лице кое е во бегство и за кое се преземаат мерки за негово пронаоѓање.

Скопје | пред 1 година

Дамева давала предлози кај Мицкоски како да ја вратат довербата во судството

Претседателката на Судски совет, Весна Дамева, по средбата со премиерот Христијан Мицкоски, која траеше помалку од час, кажа дека дала конструктивни предлози за враќање на довербата на судството. Иако новинарите инсиситираа да каже кои се тие предлози, Дамева не даде одговор. Според неа, тие прашања ќе ги одговара кога ќе биде во Судскиот совет.„Средбата беше иницирана од Судскиот совет, з дадеме конструктивни предлози за враќање на довербата во судството. Судската и извршната власт сметам дека не треба да се гледаат како соперници, туку како соработници, бидејќи таа институционална соработка е важна за наредните резултати. Граѓаните заслужуваат, а ние треба да обезбедиме правна држава. А тоа може да се стори со меѓуинституционална соработка и преземање дејствија во рамки на својата надлежност“, вели претседателката Весна Дамева.Според нејзе, странците, кажале што треба да се прави со Судскиот совет.„Целосната имплементација дадени во извештајот на оценската мисија зависи од сите нас. Судскиот совет ги имплементира тие препораки. Главен патоказ ни се толку препораките од оценската мисија“, додава Дамева.

Македонија | пред 1 година

Се заплеткува: Врховен ќе одлучува за екстрадиција на човек кој воопшто не е достапен за екстрадирање

Обвинителството доставило мислење за предметот во врска со екстрадицијата на Блерим Рамадани, соопшти Врховниот суд. Од наши извори, дознаваме дека сега, се проблематизира и евентуалното одлучување по тоа дали екстрадицијата ќе се дозволи или не, со оглед дека лицето не е достапно за органите на прогонот во Македонија. Сепак, од Врховен најавуваат дека одлука ќе донесат.„Врховниот суд на Република Северна Македонија ја информира јавноста дека денеска, 20.08.2024 година, Јавното обвинителство на Република Северна Македонија, до Врховниот суд достави мислење за предметот во врска со екстрадицијата на Блерим Рамадани.Врховниот суд на Република Северна Македонија согласно член 68 став 2 од Законот за меѓународна соработка во кривичната материја, е должен да одлучи по конкретниот предмет во рок од три дена од доставувањето на мислењето од Јавното обвинителство на Република Северна Македонија“, велат од Врховен суд.Највисокиот суд во државава, може да ја запре постапката, со оглед дека Рамадани, ексвојник на ОВК е надвор од нашите граници и Македонија при позитивна одлука нема кого да екстрадира. Сепак, неофицијално се зборува дека одлука на Врховен ќе има, а ќе биде во корист на Рамадани, а која може да послужи за судијата Пајазит Пајазити да ги правда неговите постапки кои се според судска пракса, но не и според закон.

Македонија | пред 1 година

(Видео) За сватот Гаши, дајте една свадбарска

Почесниот сват на свадба на Косово, собранискиот спикер Африм Гаши, доби посебна покана од музичарите за да го поведе орото.Снимката ја објави ТВ Клан, а самиот настан на одење во сватови со службено возило и обезбедување предизвика лавина реакции во јавноста.Денеска од опозициската СДСМ реагираат дека има тешка злоупотреба на граничниот премин Блаце и пропуштање на приватни возила и лица без контрола кои патувале во поворка заедно со Гаши и сватовите.За владејачкото мнозинство, ВМРО-ДПМНЕ , самата позиција на Гаши е проследена со задолжителен протокол и постојана придружба.Левица веќе за неколку случаи поднесе интерпелација за Гаши.

Македонија | пред 1 година

(Видео) На Арсовска сите и се виновни: не знае, не умее, не може? Зошто останува да зема плата?

На Данела секогаш другите и се криви. Советот си носи свои одговорности, но градоначалничката не умее да најде решение за проблемите на скопјани.Ќе си останела да зема плата до крајот на мандатот од граѓаните.

Скопје | пред 1 година

МВР за убиството: уапсени две лица

Денеска (20.08.2024) во СВР Скопје било пријавено кривично дело убиство на паркинг простор пред трговски центар „Мавровка“ во Скопје, при што со огнено оружје е застрелано едно лице и починало на местото.Од страна на полицијата веднаш се преземени оперативно - тактички мерки, затворање на дел од градското подрачје, преглед на повеќе домови и преглед на повеќе возила, во кои се вклучени специјални полициски сили, хеликоптери и дронови. Имено, на подрачјето на општина Чаир, забележено е патничко возило, кое се обидело да побегне, при што лицата од возилото пружиле отпор со употреба на огнено оружје. Полициските службеници возвратиле, по што едно лице е лишено од слобода. При преземањето понатамошни мерки, од слобода било лишено уште едно лице, а на полицијата е познат и идентитетот на третото осомничено лице кое е во бегство и за кое се преземаат мерки за негово пронаоѓање.Министерството за внатрешни работи ги информира граѓаните дека во периодот што следува во некои делови од град Скопје ќе има зголемено полициско присуство со цел целосно расчистување на случајот.

Скопје | пред 1 година

(Видео) Арсовска без срам, не си оди од Град Скопје: наместо одговори, напади кон новинарот на „Скопје1“, кого го галеше по лице

Скопската градоначалничка Данела Арсовска не се срами, ниту пак планира да си оди од Град Скопје. Таа немаше одговор како го направила долгот на Градот да биде 575 милиони денари.Наместо одговор на прашањето дали ќе поднесе оставка, таа галејќи го новинарот на „Скопје1“ му рече: „За вас ми е многу жал“ и одговори на прашањата најави за попладне.На прашањето дали се срами од тоа што градот е катастрофа невидена, немаше одговор туку напад кон новинарот со „Жал ми е што морате овие работи да ги правите“.На укажувањето дека таа мора да чисти и да се грижи за Градот, Арсовска не искоментира ништо, а на прашањето како го направила долгот 575 милиони денари рече: „Не ги разбирате овие работи. Извинете, ќе се видиме подоцна, се ќе ви одговорам“.‘Во текстот е направена ненамерна техничка грешка за износот на парите, која ја корегиравме.

Македонија | пред 1 година

На повеќе места следуваат нови обилни врнежи, грмежи и локално силно невреме

Циклонската активност која е со центар над Италија и понатаму влијае на времето во нашата Македонија. Истата во текот на изминатата ноќ, најпрвин во западните предели, потоа и во Скопскиот регион, како и во источните предели на повеќе места услови нестабилно време со пороен дожд, грмежи и засилен ветер.Во текот на денешниот ден (вторник) времето во Македонија ќе биде променливо облачно и нестабилно, на повеќе места со пороен дожд, грмежи и засилен ветер. Локално процесите ќе бидат интензивни и во форма на посилно невреме, проследено со обилен пороен дожд, силен ветер, силни грмежи и електрични празнења и со појава на град.Апелираме, во случај на појава на невреме и на електрични празнења да не се претстојува на отворен простор и под осамени дрвја.И во Скопскиот регион денес (вторник) повторно ќе биде нестабилно со повремен пороен дожд, грмежи и засилен ветер. Можна е и појава на невреме.Што се однесува до температурите, тие денес ќе се искачуваат во интервалот од 25 до 32 степени, додека во Скопје температурата ќе достигне до околу 30 степени.Утре (среда) во попладневните часови ќе има изолирана нестабилност, проследена со пороен дожд, грмежи и засилен ветер. И утре е можна појава на локално невреме.

Македонија | пред 1 година

Нема фотографија

Синер го победи Американецот и го освои Синсинати

Италијанскиот тенисер Јаник Синер ја освои титулата на Мастерсот во Синсинати.Со победата над Саша Зверев во полуфиналето, Јаник Синер се зацврсти како број 1 на светската листа, а во финалето се почести со нов трофеј.Синер го победи Френсис Тиафое со 2-0 во сетови за час и 36 минути игра, а резултатите беа 7:6, 6:2 за најдобриот играч на планетата.За Синер ова е петта титула оваа година и тој е убедливо најуспешен тенисер на АТП турнејата, па на УС Опен ќе дојде како фаворит бидејќи ја зголеми предноста пред Новак Ѓоковиќ и Карлос Алкараз.Ѓоковиќ во 2024 година не освои ниту еден грен слем турнир, но успеа да освои златен медал од Олимписките игри во Париз.

Спорт | пред 1 година

Силен земјотрес го погоди Пакистан: Населението во паника

Земјотрес со јачина од 5,3 степени според Рихтеровата скала утринава погоди делови од Пакистан и предизвика паника кај жителите, а се уште нема извештаи за штета, соопштија властите.Епицентарот на земјотресот бил во југозападен Кашмир, претежно муслимански регион кој е поделен меѓу Индија и Пакистан, пренесува АП.Според Националниот центар за сеизмички мониторинг во главниот град на Пакистан, Исламабад, епицентарот на земјотресот бил на длабочина од 20 километри.Земјотресот бил почувствуван во поголемиот дел од Пакистан. Во земјотресот со јачина од 7,6 степени според Рихтеровата скала во 2005 година загинаа 20.000 луѓе во Пакистан и Индија, потсетува АП.

Свет | пред 1 година

Нема фотографија

Откажани летовите на аеродромот во Јапонија поради бизарна причина: Ножици исчезнале од продавница, патниците двапати поминале низ безбедносни проверки

На терминалот на новиот аеродром Читозе во Хокаидо, Јапонија, 36 летови беа откажани, а 201 одложени во текот на викендот, откако исчезнаа ножици од продавница во близина на капијата за качување.Безбедносните проверки на терминалот беа прекинати во саботата наутро на околу два часа, а потоа патниците мораа повторно да поминат низ нив, јавува Би-Би-Си.Ножиците биле пронајдени следниот ден во истата продавница.Иако ножиците не беа пронајдени во саботата, денот кога исчезнаа, безбедносните проверки и летовите продолжија до вечерта.Министерството за земјиште, инфраструктура, транспорт и туризам побара од аеродромот во Хокаидо да ја истражи причината за исчезнувањето на ножиците и да спречи тоа да се повтори.„Веруваме дека ова се случи како резултат на недоволни системи за складирање и управување во продавницата. Ова е исто така инцидент кој може да биде поврзан со киднапирање или тероризам и ќе работиме на зголемување на свеста за важноста на управувањето“, соопштија од аеродромот.Корисниците на социјалната мрежа Х го пофалија одговорот на аеродромот, а некои од нив рекоа дека овој случај ја потврдил нивната доверба во безбедноста на воздушниот сообраќај во Јапонија.Аеродромот Читозе е еден од најпрометните аеродроми во Јапонија, со повеќе од 15 милиони патници кои го користат во 2022 година.

Свет | пред 1 година

Повторно пукање во Скопје

Вечерва повторно имаше пукање во Скопје, според извори на порталот 24ИнфоВо пукањето во скопски Сингелиќ едно лице со повреди е пренесено во Градската општа болница.Според неофицијални извори пукано било во возило во движење во кое имало две лица, а испукани се 7 истрели кон возилото, објави 24 инфо.

Скопје | пред 1 година

(Видео) Од Арсовска не било побарана оставка во Влада, но има најава за можна кривична одговорност

Владата не побарала од Данела Арсовска да замине од градоначалничката функција, а министерот за локална самоуправа, Златко Перински најави дека како граѓанин можеби ќе поднесе кривична пријава за злоупотреба на службената положба и овластување од страна на градската мајка.„Состанокот беше во конструктивна насока, да ги решиме проблемите. Јас сметам дека тоа е едно од решенијата на проблемите. Но меѓутоа, мене ми треба ад-хок решение, системско. Ние имаме проблем во девет јавни претпријатија, кородиран е системот. Но за тоа треба некој да сноси одговорност, но не е мое јас да кажам“, рече Перински.Тој на прашање од „Скопје1“ кажа дека како граѓанин, ќе размисли за да побара законска одговорност пред правосудните органи.„Можеби како граѓанин на Скопје – да“, рече Перински на прашањето дали ќе поднесе кривична пријава, па додаде: „Не како министер. Стојам зад тоа што го говорам. Ако го отворите Кривичниот законик, ќе сфатите за што зборувам“.

Скопје | пред 1 година

(Видео) Владата уште позагрижена за Скопје по средбата со Арсовска

Владата е уште позагрижена за Градот Скопје по средбата со градоначалничката Данела Арсовска. Министерот за локална самоуправа Златко Пирински, посочи дека Владата можела да стои на страна и да не прави ништо, но посочија дека сакаат да му помогнат на Градот.„Сега сме уште позагрижени од пред состанокот. Сметавме дека од страна на Градот ќе чуеме за некакви реални потреби за планот да се реализира. Не чувме ништо конструктивно. Очајна е состојбата во Градот и јавните претпријатија. Заклучокот е дека препреките се тоа што нема никаква комуникација помеѓу советничките групи. Градоначалничката кажа до крајот на неделава да состави некаков план. Нашите очекувања не се големи. Тој план ќе го покаже на советниците. Ќе видиме какви потреби има“, рече Пирински.Тој додаде дека Владата сакала да помогне и во ЈСП зошто за десетина дена ќе има голем проблем. Но од ова ништо. Посочи дека спремни се да помогнат согласно законските ингеренции.„Очекувавме план и ние. Не добивме. Освен критика кон советот, која е неоснована според мене. Камен на сопнување беше зошто не се гласаат одлуките. Но тие не кочат ништо. Комунална собира смет зошто законска надлежност им е тоа. Нема потреба од јавен оперативен план“, рече Перински.

Скопје | пред 1 година

Како спинува Кривичен за бегството на Рамадани: се повикуваат на пракса, наместо закони!

Повикувајќи се на судска пракса, а не на закони, Кривичен суд се обидува да го одбрани судијата Пајазит Пајазити, кој го ослободи Блерим Рамадани од екстрадиционен ефективен притвор и го прати во домашен. Пајазити не негира дека при непроменети околности донел одлука за Рамадани да биде пуштен од зад решетки, па вперува прст во МВР оти тие требало да вршат надзор, но не соопштува дека надзор според закон можел да врши и самиот суд – но тоа не било направено. Пајазити се повикува на судска пракса, иако требало да постапува според Законот за меѓународна соработка во кривична постапка.„Факт број два е дека конкретното лице било во активен притвор со решение на Судија на претходна постапка од 17.07.2024 до 01.08.2024 година, или 15 дена, односно, согласно досегашната судска пракса за овие случаи, тоа е максималното време кое некое лица го поминало во екстрадиционен притвор“, вели Кривичен суд.Но вистинскиот факт е дека Законот не му забранува на судијата Пајазити да одреди притвор во должина соодветна за да се спроведе целата постапка за оценување на евентуалната екстрадиција. Дотолку повеќе што Законот посочува дека само при посебни причини, ефективниот притвор може да се замени со друга мерка – што во конкретниот случај и не се наведени дека постојат.„Надлежниот судија на претходната постапка, доколку тоа го оправдуваат посебни причини, наместо притвор може да определи друга мерка за обезбедување присуство на лицето чијашто екстрадиција се бара согласно со закон“, стои во Законот за меѓународна соработка во кривична постапка.Пајазити во одлуката за ослободување од зад решетки на Рамадани, кој потоа избега, се повикува на претпоставка дека досега судовите не дозволувале екстрадиција во слични случаи, па сметал дека тоа ќе биде така и сега.„Факт број три е дека на 01.08.2024 година, по предлог на одбраната на лицето, донесено е решение со кое лицето и понатаму останува обезбедено за органите на прогон преку куќниот притвор, а при донесување на решението, судијата имал предвид дека: имајќи ја предвид веќе воспоставената судска пракса за постапување на нашите судски органи при идентично исти случаи, односно на лица на кои првично им било определена мерка притвор, во сите одлуки на Кривичниот совет при надлежните судови е утврдено дека не се исполнети Законските претпоставки за екстрадиција, а овие одлуки се потврдени од Врховниот суд на РСМ, согласно Законските одредби, може да биде обезбедено со поблаги мерки како куќен притвор, мерки за обезбедување присуство или гаранција. – што е наведено во решението, додека надзорот над куќниот притвор, согласно решението се доверува на МВР односно надлежната полициска станица“, се вели во писанието на Кривичен за правдање на Пајазити.Сепак, Кривичен суд испушта да соопшти неколку клучни моменти. На пример, Законот за кривична постапка предвидува одредување на притвор се додека постои основано сомневање дека Рамадани сторил кривично дело, а тоа значи сѐ додека не се донесе судска одлука која ќе го потврди спротивното. Воедно, Законот посочува дека основа за притвор е можноста лицето да бега и да се крие – што во конкретниот случај се случи при одредување на поблага мерка.„Врз основа на распишана меѓународна потерница, односно врз основа на барање за екстрадиција, а кога се исполнети условите за определување притвор согласно со одредбите на Законот за кривичната постапка“, стои во Законот за меѓународна соработка во кривична постапка, за во Кривичниот законик, член 165 се дообјаснува: „Ако постои основано сомневање дека определено лице сторило кривично дело, доколку притворот е неопходен за непречено водење на кривичната постапка, против тоа лице може да се определи притвор, ако: 1) се крие, ако не може да се утврди неговиот идентитет или ако постојат други околности што укажуваат на опасност од бегство“.За Судот, последен факт е дека Кривичниот совет донел решение со кое екстрадицијата се одбива, но одлуката била донесена по 8 дена откако Рамадани бил пуштен од зад решетки, а истата и не е конечна бидејќи последната одлука ја носи Врховен суд.„Како последен факт, би сакале да потенцираме дека согласно воспоставена судска пракса и меѓународното право, Кривичниот совет донесе решение според кое не се исполнети Законските услови за ектрадиција и целиот предмет е доставен на надлежно постапување на Врховниот суд на РСМ“, велат од Кривичен суд.„Скопје1“ пишуваше како избега Рамадани.

Македонија | пред 1 година

Ангелов: Благодарение на дождот во моментов нема активни пожари

Директорот на ЦУК, Стојанче Ангелов преку видео изјава информираше за состојбата на пожарите низ државата.,,Благодарение на дождот кој што вчера во попладневните часови падна на повеќе места на држават и притоа ги поклопи скоро сите активни пожари, пожарите се целосно изгаснати.Вчера имавме многу тежок ден затоа што имавме неколку многу ризични пожари како што беше пожарот на Кајмакчалан и пожарот во близина на Пробиштип.", вели АнгеловСпоред УХМР нови врнежи од дожд се очекуваат и денес во попладневните часови, Ангелов смета дека со овие врнежи оваа сезона на пожари драстично ќе биде намалена.Во моментов нема активни пожари.

Македонија | пред 1 година

Доктор Лазаров удри по Лекарска комора: Раководстовот е избрано со епско местење, зад врати со обезбедување - нема потреба министерот би се гледал со нив

,,На овој начин е избрано актуелното раководството на Лекарска Комора, епско местење избори зад затворени врати со приватно обезбедувањеи навистина не разбирам и гледам потреба министерот со нив/неа да се оди на состанок и било каква средба!Истата особа паралелно беше директор на клиника и претседател на ЛКМ, нема 1% поддршка од фела и репрезент на се што е погрешно, безгласно ги премолче сите катастрофи во здравството на Филипче и тие по него во изминатите 8 години и најмалку што заслужува е секоја могуча инспекција да ја исчешла а не кафе да пие.Малку достоинство и етика да имаше ќе си отидеа со тивки оставки, но тоа се високи кортикални функци...", напиша докторот Ненад Лазаров.

Македонија | пред 1 година

(Видео) Пустош: Карпош и „Паркови“ на Град Скопје ненадлежни - тревата исушена, наоколу ѓубре

Претпријатието „Паркови и зеленило“ одбива да се грижи за тревата под зградите кои се наоѓаат на булеварите, а во голем дел, тоа не сакаат да го прават ниту општините. Пример за тоа е спрегата на релација Општина Карпош-Град Скопје, односно Стевчо Јакимовски-Данела Арсовска.Зелените површини под зградите во Карпош 4 се целосно пожолтени, бидејќи во текот на цело лето, не виделе ниту капка вода. „Скопје1“ побара од новиот директор на ЈП „Паркови и зеленило“ да објасни зошто не се наводнуваат тревниците.„Тоа што е низ булеварите, тревата на средина - се под наша надлежност. Парковите што се под зградите, се под надлежност на општините. Ние организираме акции за да се проверат сите булевари“, вели в.д. директорот Јетон Бучи кој доаѓа од ДУИ.Општина Карпош исто така „крена раце“ пред тревата во нивната општина. Тие сметаат дека не треба да водат грижа ниту за наводнување, ниту за отпадот – па истиот, ниту го чистат градските комуналци, ниту општинските. Па така, по невремето кое го зафати Скопје пред скоро два месеци, гранките од дрвата стоеа на улиците, па на паркинзите и на крај останаа на тревниците. Сепак, Карпош, реши да ги собере иако и натаму се правдаа дека ако не ги најдат паднати после првата улица од тревникот – не треба да мрднат со прст.Сепак, и покрај пребарувајќи на сите онлајн-сервиси, не најдовме правилник кој го уредува ова прашање. Останува отворено прашање дали „надлежноста“ е законски уредена или станува збор за џентламенски договор.Кога Стевчо Јакимовски дојде за градоначалник на Карпош, небитно му беше чија е тревната површина или надлежноста за чистење. Тој посочуваше дека сѐ мора да биде средено, бидејќи граѓаните него и општината го критикуваат.

Скопје | пред 1 година

Таравари сега не знае ништо за ослободувањето на Блерим Рамадани, иако претходно го поздрави ослободувањето пред да се донесе судска одлука

Министерот за здравство, Арбен Таравари, кој го поздрави ослободувањето на поранешниот војник на ОВК, Блерим Рамадани, уште пред да биде донесена судската одлука, сега посочува дека нема информации за конкретниот случај. Прашан дали судијата на претходна постапка, Пајазит Пајазити треба да биде разрешен, тој даде само општ коментар.„За секого кој што не постапувал како што треба, треба да има одговорност. За конкретниот случај, немам информација. Кога ќе имам, ќе имаме став како коалиција ВЛЕН“, рече Таравари.Судијата Пајазит Пајазити го ставил, па го пуштил поранешниот припадник на ОВК, Блерим Рамадани од ефективен притвор, иако околностите под кои е одреден притворот биле непроменети, дознава „Скопје1“. На МВР им била дадена насока да вршат контроли, кои биле правени секојдневно. Обвинителството за гонење организиран криминал (ОЈО-ГОКК) не се согласило и поднело жалба. Денот кога Кривичен совет одлучува по жалбата – Рамадани бега. Вака изгледал текот на настаните кога во прашање е Рамадани, за кого Србија има потерница и го бара за извршени воени злосторства.„Скопје1“ дојде до информации како постапувале судијата Пајазит Пајазити, Кривичниот совет кој одлучува по жалби, Обвинителството кое бараше притвор и се жалеше за куќниот притвор, Министерството за внатрешни работи задолжено да прави контроли на адресата каде Рамадани беше во куќен притвор. Заклучокот е дека МВР не може да го пушти Рамадани да избега, туку судот со неодредување на најстрогата мерка.

Македонија | пред 1 година

Реновирањето не е причина за смртта на 48-годишната пациентка, вели Таравари за жената која не била примена на Инфективна со корона

„Нема лекарска грешка, третирана е според протоколи“, рече министерот за здравство, Арбен Таравари за пациентката која не била примена на Инфективната клиника иако имала Ковид, по што починала. Според Таравари, мора да се реновира, а пациентката на 48-години не починала поради нехоспитализирањето.„Причината за смртта сигурен сум дека не е реновирањето на Инфективна клиника, рече Таравари.На прашањето, како може пациентката да не е хоспитализирана на Инфективна иако од Хематологија насочиле дека мора да биде во болнички кревет, тој рече дека побарал извештај од двете клиники.На прашањето каде се третираат лицата со коронавирус, тој рече дека речиси сите здравствени институции имаат интензивен ден.„Се работи за случај со акутна леукемија. Тоа е сериозна болест, која има обично лоша прогноза. Пациентката е третирана на Хематологија по сите протоколи. Пациентката е 47-годишна, во петта декада. И во меѓувреме е инфицирана од Сарс-Ков-2, што е нормлано, го поминвуваме сите, нормална инфекција. За пациентката е повикан и консултиран и инфектолог, и анестезиолог. Дадена е соодветна терапија. Треба да знаеме од што починала. Добила повторно терапија деновиве. Така што, дајдете да добиеме дефинитивни податоци“, рече Таравари.

Македонија | пред 1 година

Струшки инспектор во МВР крадел струја: фатен кабелот кој доаѓал директно од бандера

Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство Струга поднесе кривична пријава против В.Р. - инспектор за прекуграничен криминал и миграции Струга во Одделение за прекуграничен криминал, миграции, странци и реадмисија во Регионалниот центар за гранични работи Запад, поради постоење основи на сомнение дека сторил кривично дело „кражба на електрична енергија, топлинска енергија или природен гас“ по член 235-а од Кривичниот законик.На 11.06.2024, вработени во ЕВН Струга констатирале дека пријавениот В.Р. врши неовластено преземање на електрична енергија на трифази во неговата куќа во с.Делгошти, струшко. Пријавениот, кражбата на електрична енергија ја вршел од бандера на ЕВН преку електрично броило поставено во куќата на неговиот починат татко, од каде бил пуштен кабел за електрична енергија до неговата куќа.Одделот за внатрешна контрола, криминалистички истраги и професионални стандарди против В.Р. ќе поднесе предлог за поведување на постапка за кршење на работниот ред и дисциплина.

Македонија | пред 1 година

Нови обилни врнежи низ цела Македонија: Утре појава на силно невреме

Циклонската активност која е со центар над Италија, попладнево и вечерва, како и утре (вторник), во најголем дел од Македонија ќе донесе нови обилни врнежи од дожд, проследени со грмежи и засилен ветер.На повеќе места ќе има појава на посилно невреме, проследено со обилен пороен дожд кој би можел да услови локални поројни поплавувања, силни грмежи и електрични празнења, силен ветер и со појава на град. Апелираме во случај на појава на невреме, како и на електрични празнења, да не се претстојува на отворен простор и под осамени дрвја.Локално повторно ќе наврне позначително количество на воден талог (над 20 л/м2). Сето ова очекуваме многу да помогне во гаснење и на останатите неколку помали пожари во Македонија.И во Скопскиот регион денес попладне и навечер, како и утре (вторник) ќе има појава на пороен дожд, грмежи и засилен ветер, а можна е и појава на невреме.Што се однесува до температурите, тие ќе се искачуваат во интервалот од 27 до 34 денес, а утре (вторник) тие ќе се искачуваат во интервалот од 27 до 32 степени. Во Скопје температурата ќе се искачи до околу 33 степени.

Македонија | пред 1 година