ТОП

Вили од „27 април“: Гневен сум на гнасите комуњарски кои нѐ затворија, но ќе бидам погневен на „нашите“ доколку лежиме затвор во време на ВМРО

На профилот „Слобода за Вили“, формиран за поддршка на Вилијам Михајловски осуденик за 27 април, се упати јавен аларм дека е време приоритет да биде ослободување на политичките затвореници. Михајловски посочува и на сомнежи дека во прашање е игра, наместо вистински намери за нивно повторно судење.„Приоритет беше слобода за политичките затвореници односно правда и праведно судење!!! Се надевам дека од Септември ќе земете сериозно во предвид да го решите овој политички прогон кој не шета од институција до институција и ни ги потврдува казните и не прогласува за ТЕРОРИСТИ !!! Господа пред избори се збореше се за наша слобода сега се убедуваме дека да се стрпиме и да лежиме да се вратиме у затвор??? Ако немавме трпение во овие 7 години навистина не ви ја разбирам дефиницијата за трпение!! Истрпевме 7 години тортура и, психичка и физичка од страна на комуњарите,ДА за мене тоа е големо трпение!!!“, пишува на „Слобода за Вили“.Потоа се додава: „Гневен сум на гнасите комуњарски кои не затворија но уште погневен ќе бидам на “нашите” доколку лежиме затвор во време кога ВМРО има апсолутно мнозинство а ние во затвор!. Народот е свесен дека неправедно сме осудени и сите очекуваат правда за осудените од 27 АПРИЛ‼️ДАЈ ОДЛУЧЕТЕ СЕ ДАЛИ СТЕ ЗА ПРАВДАТА ДА ВЛАДЕЕ ИЛИ ДА ЛЕЖИМЕ?!?!? Народот е нашата сила. Нешто ми мириса на некоја игра која ќе видиме какви резултати ќе даде“.Во предизборието, претседателката Гордана Силјановска-Давкова упати ветување дека ќе ги амнестира сите осудени за 27 април.[caption id="attachment_300373" align="alignnone" width="688"] Screenshot[/caption]

Коментари | пред 1 година

Врховен му ја врати одлуката на Кривичен за Блерим Рамадани: Одлуката е нејасна!

Врховниот суд на Република Северна Македонија денеска донесе решение за предметот во врска со екстрадицијата на Блерим Рамадани со кое се укинува Решението на Основниот кривичен суд Скопје и предметот се враќа на повторно одлучување и постапување.„Кривичниот совет на Одделението за организиран криминал и корупција при Основниот кривичен суд Скопје, при донесување на својата одлука со која утврдил дека не се исполнети законските претпоставки за екстрадиција на именуваното лице, не дал образложени причини од кои се раководел кога прифатил дека постапката започната согласно член 75 став 1 од Законот за меѓународна соработка во кривичната материја, како скратена постапка да се води како редовна постапка согласно член 68 во врска со член 51 од истиот закон.Ваквото постапување и донесување на одлука на првостепениот суд по оценка на Врховниот суд на Република Северна Македонија е нејасно и неразбирливо, без дадени релевантни причини од кои советот се раководел при донесување на својата одлука.При повторното постапување, првостепениот суд е должен да ги има во предвид наведените укажувања, како и одредбите од Законот за меѓународна соработка во кривичната материја и Европската конвенција за екстрадиција со Првиот и Вториот Дополнителен протокол во врска со Законот за ратификација на Третиот Дополнителен протокол на Европската конвенција за екстрадиција, па врз основа на истите со правилна примена на одредбите да донесе правилна и законита одлука.“, се наведува во образложението на Решението на Врховниот суд на Република Северна Македонија.

Македонија | пред 1 година

Помагачот за убиството кај Мавровка е осуденик од затворот во Шутка

Основното јавно обвинителство Скопје е известено од Министерството за внатрешни работи дека во текот на вчерашниот ден е лишено од слобода едно лице за кое постои сомнение дека било инволвирано во кривично-правниот настан – убиство кај Трговскиот центар „Мавровка“.Во тек се вештачењата на материјалните докази со кои се утврдува основаноста на сомненијата за вклученост на ова лице во настанот.Со оглед на тоа што приведениот е осудено лице за друго кривично дело и бил во бегство од КПУ Затвор – Скопје врз основа на издадената потерница и по консултација со јавен обвинител, тој денеска е вратен во затворот со максимални мерки за обезбедување.За овој кривично-правен настан, Основното јавно обвинителство Скопје претходно поведе истрага против едно лице, кое се гони за кривични дела – убиство, обид за убиство и недозволено поседување оружје и на кое по предлог на јавниот обвинител му е определена мерка притвор во траење од 30 дена.

Скопје | пред 1 година

Косовската полиција привела македонски државјанин со над шест килограми хероин

Косовската полиција на 21.08.2024 година, по добиени информации за случај со наркотици, како резултат на преземање истражни и оперативни дејствија на терен, привела македонски државјанин осомничени и запленила наркотични супстанции од типот хероин и кокаин.Косовската полиција, односно Дирекцијата за истрага на трговијата со наркотици во Приштина, во соработка со локалните безбедносни институции, на 21.08.2024 година, по интензивна истражна работа на терен, презеле оперативни чекори, при што е идентификуван државјанин на Северна Македонија, кој беше осомничен дека кај него, подготвена за продажба, имало количество осомничена наркотична супстанца од типот хероин.Наведените осомничени ја донеле сомнителната наркотична материја кај други две лица, кои со автомобил го напуштиле местото на настанот.По интервенција на косовската полиција, кај пријавениот се пронајдени 6 (шест) пакувања со сомнителна наркотична супстанца од типот хероин со вкупна тежина од 6.137,6 грама (6 килограми и 137 грама), при што вредноста на осомничената наркотична материја од е одземен се проценува на околу 150.000 евра (сто и педесет илјади евра).Во врска со случајот како материјални докази се одземени и следните други материјални докази:• 2 мобилни телефони,• автомобил,• 4305 денари.Сите преземени дејствија и пронајдените докази се одземени по овластување на обвинителот старател.Осомничениот бил придружуван на разговор во присуство на бранителот и со решение на државен обвинител на осомничениот му е одредена мерка притвор во траење од 48 часа, додека по другите две лица полицијата трага.

Македонија | пред 1 година

Ќе и ги изгласаме програмите и нема да се смени ништо - Арсовска е единица мерка на личност која создава непријатели, рече Мицкоски

Премиерот Христијан Мицкоски е подготвен да ги замоли Советниците на ВМРО-ДПМНЕ во Град Скопје да ги изгласаат програмите кои Данела Арсовска ги бара, но тврди дека состојбата во Скопје ќе остане иста.„За Арсовска премногу се кажа периодов. Би кажал дека е единица мерка на личност која создава непријатели, наместо пријатели. Тоа не е добро, доколку и значи мојот совет“, рече Мицкоски.Тој додаде дека ќе ги замоли советниците да ги изгласаат до програмите, но не е до нив.„Тие програми кои не и се гласаат, да и ги изгласаме, но да видите дека нема ништо да и се смени. Да не биде тоа повторно причина дека ВМРО-ДПМНЕ кочи“, додаде Мицкоски.

Скопје | пред 1 година

(Фото/Видео) Се запали автобус пред Бит пазар, се гаснеше со противпожарни боци

Утрово пред Бит пазар, се запали уште еден автобус. Навремената реакција по чадот од моторот - спречи катастрофа. Возачот излезе со две противпожарни боци со кои превенираше поголема катастрофа.Секојдневие по скопските улици стана да се гледаат расипаните автобуси. Речиси да нема ден, а да нема автобус кој со сервисна служба се шлепа до базите во Ѓорче и Автокоманда. View this post on Instagram A post shared by Скопје1 / Skopje1.mk (@skopje1mk)

Скопје | пред 1 година

Немало пожар, туку пареа, тврдат од ЈСП за автобусот кај Бит Пазар - снимки од дел од расипаните автобуси во текот на месецов

Немало пожар, туку пареа, тврдат од ЈСП за автобусот кој утрово пред Бит Пазар остана дефектен, а граѓани сведочат дека се запалил. Според ЈСП, било скинато црево за антифриз. За нив, тенденциозно е да се информира дека автобусите постојано се расипуваат.„Тенденциозна е намерата дека постојано имаме случаи на запалени автобуси по скопските улици, земајќи го предвид фактот дека просечната старост на автобусите е 13 години и оттука произлегува потребата за набавка на нови автобуси во возниот парк на ЈСП. Имено, станува збор за пареа, а не како наведеното дека се работи за пожар. Во истиот момент кога се случил дефектот (скинато црево за антифриз), возачот реагирал исправно по што бил спремен и го извадил ПП апаратот, но не го употребил“, велат од ЈСП.Сепак, како што и претходно информиравме, скоро секојдневно автобуси на ЈСП остануваат дефект по скопските улици, на што сведочат граѓаните. Па така, вчера, беше интервенирано на автобус кој вози на линија 5-ка.Пред два дена, беше влечена со камион автобус на линија 22-ка.Во автобусите, минатата недела имаше и инцидент со контролор, по револт на патничка која не платила карта бидејќи автобусот доцнел цел саат.Минатата недела, исто така дефект остана и 58-ца, чиј возач со саати чекаше помош од колегите.Истиот период, имаше и расипан автобус и на Рекорд, кој беше влечен до база.Исто така пред седум дена...На 12 август, автобус се расипа на Илинденска.И ваквите случаи можеме да ги редиме уште куп. Потсетуваме дека претходно се запанија два автобуси во Бутел и под Железничка. Притоа, еден автобус имаше сообраќајка, а возачот тврдеше дека е технички неисправен.

Скопје | пред 1 година

Расте бројот на заболени од Ковид-19, најзагрозени лицата над 60 години

Расте бројот на заболени од Ковид-19, сепак портпаролот на Комисијата за заразни болести, Злате Мехмедовиќ во изјава за МИА рече дека засега, состојбата со Ковид-19 не е алармантна кај нас и нема простор за паника кај граѓаните.Тој посочи дека таму каде има зголемена фреквенција на луѓе, треба да се користат заштитни маски, како и често да се проветруваат просториите.Во текот на минатата недела регистрирано е и едно починато лице. Од 12 до 18 август, регистрирани биле заболени лица во општините од 17 градови. Најголем дел од регистрираните случаи се од Скопје – 152, Кавадарци – 25, Тетово – 23 и од Охрид – 22, според податоците на ИЈЗ. Највисока инциденца е регистрирана во Кавадарци.Регистрирани се заболени лица во сите возрасни групи, а најголем број случаи пријавени се во возрасната група над 60 години.,, Нема зголемување на тешките респираторни инфекции што се следат редовно од Институтот за јавно здравје, не се зголемува бројот, нема пораст. Тоа ни укажува дека немаме тешки клинички форми на болеста, рече Мехмедовиќ, портпаролот на Комисијата за заразни болести.

Македонија | пред 1 година

Фрчкоски поднесе оставка, не дојде на разговор со Муцунски, но го нападна

Љубомир Фрчкоски поднесе оставка од местото Амбасадор и Постојан претставник во ОН во Њујорк.Фрчкоски оставката ја поднел на Претседателката Гордана Сиљановска Давкова, за што го извести и МНР.Фрчкоски не очекува дека на било каков начин тоа ке се одрази на функционирање во техничка смисла на Мисијата која и до сега работела само бирократско-технички.,,Но има, за жал, шанса да се направи голема штета и срам за државата во една конкретна смисла и по повод еден конкретен случај.Имено, Македонија предложи проект во ООН кој беше прифатен прв пат во својата историја на членство кој се вика “Промоција на дијалог и медијација со цел превенција на геноцид и сличните злосторства (воени злосторства и злосторства против човештвото)“, изјави Фрчкоски за Либертас, додавајќи:,,Министерот за надворешни нема поим за вака важна инцијатива на Македонија за која има патем куп известувања пратени од Мисијата, но за која воопшто не се интересира и не комуницира. Тој има поважна работа во надворешната политика – да се занимава со сметките на амбасадите и амбасадорите”.Фрчкоски не дојде на разговор со министерот, иако беше повикан. Во тоа време извади боледување.

Македонија | пред 1 година

(ФОТО) Царина запленува фејк производи од „Армани“, „Гучи“, „Ролекс“

За време на изминатите денови и во текот на вчерашниот ден царинските инспектори и царинските службеници спречија неколку обиди за нелегална трговија и криумчарење и тоа:- Спречена нелегална трговија со фалсификувани производи со потпис на познати модни брендови, при што во неколку контроли, запленети се вкупно 10.618 парчиња, меѓу коишто облека и чанти „Луи Витон“, „Армани“, „Гучи“ и часовници „Ролекс“. Производите се запленети, против сторителите се поднесени прекршочни пријави, а поведена е и постапка за повреда на право од интелектуална сопственост.- На граничен премин Богородица во четири контроли запленети се 37.200 парчиња цигари или 186 штеки цигари. На прашање од каде им се купени цигарите, лицата изјавија дека истите ги купиле на фри – шоп. Со ова е спречен обид за пуштање во промет акцизна стока за која е избегнато плаќање увозни давачки во износ од 319.177 денари.- Спречен обид за нелегален изнес на поголема сума на девизи или точно 18.450 евра и дополнителни седум илјади долари кои што македонски државјанин сакал без да ги пријави да ги изнесе од државата преку граничен премин Табановце. На лицето кое во себе носело вкупно 20.450 евра и седум илјади долари, согласно закон, му се вратени две илјади евра, а останатите се запленети. Против него е поднесена пријава за девизен прекршок.

Македонија | пред 1 година

(Видео) Трамп на митингот заштитен со стакло отпорно на куршуми

Отсега, Дoналд Трамп своите говори на собири на отворено ги одржува зад стакло отпорно на куршуми, јавува Би-Би-Си.Поранешниот претседател и републикански претседателски кандидат зборуваше во Северна Каролина, негов прв митинг на отворено по обидот за атентат врз него во Пенсилванија минатиот месец.На собирот беа присутни силни безбедносни сили, а забележлив беше и голем број снајперисти.

Свет | пред 1 година

Нема фотографија

Се огласи Тејлор Свифт за откажувањето на концертите во Виена

Поп-ѕвездата Тејлор Свифт изјави дека е „преплавена“ откако властите открија план да го нападнат нејзиното место на концерт во Виена, како и да ја обвинат за неуспехот на публиката со откажување на три концерти во градот.„Откажувањето на концертите во Виена е срцепарателно, а причината за откажувањето ме исполни со ново чувство на страв и вина, бидејќи толку многу луѓе планираа да дојдат на концертите“, напиша пејачката на Инстаграм.Таа рече дека концертите во Лондон поминале без инциденти и дека завршиле во вторникот, со што заврши европската етапа на нејзината турнеја „Ерас“.Турнејата „Ерас“ ќе се одржи од октомври до декември во САД и Канада.

Магазин | пред 1 година

Бајден одобри тајна нуклеарна стратегија: Овие три земји се најголемата закана за Америка

Во доверливиот документ одобрен во март, американскиот претседател им нареди на американските сили да се подготват за можни координирани нуклеарни конфронтации со Русија, Кина и Северна Кореја.Во март, американскиот претседател Џо Бајден одобри високо класифициран нуклеарен стратегиски план за Соединетите држави, кој, за прв пат, ја преориентира американската стратегија за одвраќање да се фокусира на брзо растечкиот нуклеарен арсенал на Кина.Промената доаѓа во време кога Пентагон верува дека залихите на нуклеарно оружје на Кина ќе ја достигнат големината и разновидноста на оние на САД и Русија во следната деценија.Белата куќа никогаш не кажа дека Бајден ја одобрил ревидираната стратегија, наречена „Насоки за употреба на нуклеарно оружје“, која исто така има за цел да ги подготви САД за можни координирани нуклеарни предизвици од Кина, Русија и Северна Кореја. Документот, кој се ажурира приближно на секои четири години, е толку класифициран што нема електронски копии, само мал број печатени копии дистрибуирани до неколку функционери за национална безбедност и команданти на Пентагон.Меѓутоа, во неодамнешните говори, на двајца високи функционери на администрацијата им беше дозволено да алудираат на промената - во внимателно ограничени, еднократни линии.„Претседателот неодамна издаде ажурирани упатства за употреба на нуклеарно оружје за да се земат предвид повеќе противници вооружени со нуклеарно оружје“, рече Випин Наранг, нуклеарен стратег на МИТ кој служеше во Пентагон. „И особено“, додаде тој, „насоките за оружје го земаа предвид значителното зголемување на големината и разновидноста на кинескиот нуклеарен арсенал“.Во јуни, високиот директор на Советот за национална безбедност за контрола на оружјето и неширење на оружјето, Пранај Вади, исто така се осврна на трудот, првиот што детално испита дали Соединетите држави се подготвени да одговорат на нуклеарните кризи кои избувнуваат истовремено или последователно, користејќи комбинација на нуклеарно и ненуклеарно оружје.Новата стратегија, рече Вади, ја нагласува „потребата да се одвратат Русија, Кина и Северна Кореја истовремено“.Во минатото, можноста американските противници да ги координираат нуклеарните закани за да го совладаат американскиот нуклеарен арсенал изгледаше далечна. Сепак, сè поблиското партнерство меѓу Русија и Кина и конвенционалното оружје што Северна Кореја и Иран и го даваат на Русија за војната во Украина, суштински го променија размислувањето на Вашингтон.Русија и Кина веќе спроведуваат заеднички воени вежби. Разузнавачките агенции се обидуваат да утврдат дали Русија и помага на ракетните програми на Северна Кореја и Иран во замена за оружје.Новиот документ е остар потсетник дека кој и да положи заклетва на 20 јануари ќе се соочи со променет и многу понестабилен нуклеарен пејзаж од оној што постоеше пред само три години. Рускиот претседател Владимир Путин постојано се закануваше дека ќе користи нуклеарно оружје против Украина, вклучително и во октомвриската криза во 2022 година, кога Бајден и неговите помошници, гледајќи ги прислушуваните разговори меѓу високи руски команданти, стравуваа дека веројатноста за употреба на нуклеарно оружје може да се зголеми до 50 проценти или дури повеќе.Друга голема промена произлегува од нуклеарните амбиции на Кина. Проширувањето на кинескиот нуклеарен арсенал се одвива со побрзо темпо отколку што предвидуваа американските разузнавачи пред две години.

Свет | пред 1 година

Трагедија во Индија: 17 лица загинаа, речиси 40 се повредени во експлозија во фармацевтска фабрика

Седумнаесет лица загинаа, а речиси 40 се повредени во експлозија во фармацевтска фабрика во јужната индиска држава Прадеш.Опишана како најтешката несреќа што ја погодила Индија во последните неколку години, таа се случила вчера попладне во производствената единица на компанијата „Esciencija Advanced Sijensis“ на површина од околу 40 хектари.„Речиси 40 луѓе се повредени, а спасувачките операции се завршени“, изјави за Ројтерс секретарот на Одделот за индустрии и трговија Н. Џуварај.Esciencia Advanced Sciences не одговори веднаш на барањето за коментар, но владините претставници рекоа дека се сомневаат во експлозија во хемискиот реактор.Официјалните лица рекоа дека ги прегледуваат снимките и ги испрашуваат повредените за да утврдат дали вработените се виновни за експлозијата.Во објава на Х, премиерот на Индија, Нарендра Моди, изрази сочувство до роднините на починатите.Две лица загинаа, а пет беа повредени во пожар во истиот кварт минатата година.

Свет | пред 1 година

Помагачот на убиецот на скопјанецот кај Мавровка сам се пријавил во станица - сега е во ПС Кисела Вода

Сам се пријавил во станица осомничениот помагач на убиецот на скопјанецот кај Мавровка на паркинг, дознава “Скопје1”. Според нашите извори, лицето е во полициската станица во Кисела Вода.Ова доаѓа откако убиецот беше спроведен во суд и му се одреди притвор. Во Шутка ќе остане 30-дена. Двете лица се роднини. Обвинителство сподели детали.

Скопје | пред 1 година

Познати сите детали за убиството кај Мавровка: Од сопругата на убиениот украден алат, лаптоп - убијците избегале со ,,ауди”

По поднесена од кривична пријава од Министерството за внатрешни работи против едно лице, Основното јавно обвинителство Скопје донесе Наредба за спроведување истражна постапка против осомничениот за кривично дело – Убиство по член 123 став 2 во врска со став 1 точка 4, кривично дело – Убиство по член 123 во врска со член 19 (во обид) и кривично дело – Неовластено изработување, држење, посредување и тргување со оружје и експлозивни материи од член 396 став 3 во врска со став 1 од Кривичниот законик.На 20 август, со пиштол марка „ГЛОК“ со калибар 9 милиметри, што го поседувал без дозвола, осомничениот на паркинг просторот на улицата „Филип Втори Македонски“ во Скопје, позади ТЦ „Мавровка“, со умисла и од користољубие лишил од живот едно лице, по што од сопругата на жртвата одзел торба со лаптоп и избегал со автомобил „Ауди“ без ргистарски ознаки. На местото пристигнало и второ возило „Цитроен“ со белгиски регистарски ознаки, од кое излегло засега непознато лице и од багажникот на автомобилот на жртвата одзело гајба со рачен алат и исто така се оддалечило. Автомобилот „Цитроен“ вториот осомничен го оставил во Гази Баба и се качил во автомобилот „Ауди“, по што продолжиле да се движат, но на улицата „Стојна Стефкова“ биле пресретнати од полициски службеници. Додека другото лице управувало, сега осомничениот излегол од совозачка врата и пукал, обидувајќи се да ги лиши од живот полицајците кои сакале да го запрат. Четворицата полициски службеници во самоодбрана испукале неколку предупредувачки проектили во воздух со службеното оружје, па го совладале и привеле осомничениот. Другото лице се дало во бегство и по него се трага.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице.

Македонија | пред 1 година

Позната состојбата на убиецот кој утрово пукаше во гимназија во Босна и Херцеговина: Има прострелна рана во градниот кош, планирана е операција

Страшното тројно убиство кое утрово се случи во гимназијата во Сански Мост ја шокираше цела Босна и Херцеговина и регионот, а полицијата ги истражува сите околности кои довеле до ова злосторство.Лицето што пукаше и кое по пукањето, при што беа убиени три лица, е пренесено во болница во има прострелна рана во градниот кош и се планира операција, рекоа на Срна во оваа здравствена установа.Според информации на Сански Мост, убиецот е чувар во училиштето М.В, а според првите информации од истрагата, убиецот имал одредени нерасчистени работни и правни односи со институцијата каде што работел, а наводно претходно разговарал со управата на училиштето за неговиот работен статус, односно дисциплинска постапка која според првите сознанија била спроведена против него.Полицијата ќе ги соопшти целосните мотиви на ова страшно злосторство по завршување на истрагата.Ги убил директорот на Гимназијата во Средниот училишен центар Н.Х., професорката по англиски јазик Г.М. и секретарот на училиштето Н.К.На местото на злосторството во моментов се наоѓаат голем број полициски службеници каде се спроведува истрагата.Убиецот се обидел да се самоубие и бил пренесен во Универзитетскиот клинички центар во Бања Лука, а според медиумите неговиот живот не е во животна опасност.

Свет | пред 1 година

(Видео) „Преку глава ми е“, Стојкоски се налути откако со комбе во вреќи исфрлаа отпад среде Ѓорче

Засилени контроли се прават од општинските служби на Ѓорче Петров поради одлагање на кабаст отпад на несоодветни места, како и правење на мини-депонии покрај контејнерите. Вчера, градоначалникот на општината, Александар Стојкоски и лично затекнал лица кои исфрлале вреќи со отпад покрај контејнери, по претходни дојави од граѓани.Од снимките кои ги направиле жителите се гледа како лицата прво се расправаат со градоначалникот, на што тој повикува инспектори кои треба да постапат. За да избегнат одговорност, трите лица ги собираат вреќите со смет и ги враќаат назад во возилото со кое ги донеле. Градоначалникот Стојкоски им укажува дека му е преку глава од вакво однесување, а им најавува и дека за ова ќе понесат правна одговорност.„Преку глава ми е...“, им вели Стојкоски, кој повикал инспектори.Ова е уште еден проблем кој го има низ Градот Скопје, покрај преполните контејнери на кои скоро сите граѓани беа сведоци изминативе месеци. Дополнително, неретко, ЈП Комунална хигиена и одбива да го собира отпадот покрај контејнерите, без разлика што е оставен бидејќи истите биле преполни.И Град Скопје, најави засилени контроли со кои сака да стави ред при одлагање на отпадот, иако, главниот проблем е недостаток на камиони и работници кои истиот би го собирале.

Скопје | пред 1 година

Фалсификувано логото на електронската картичка Скопска, се работи за измама со лажен линк

,,ЈСП Скопје утврди лажна вест со која е ФАЛСИФИКУВАНО логото на електронската картичка Скопска објавено на социјалните мрежи од страна на група наречена Транспортна карта на град Скопје, која не е поврзана со ЈСП Скопје. Се работи за измама со лажен линк што краде податоци од платежните картички на граѓаните.Јавно сообраќајно претпријатие Скопје ја пријави измамата во МВР и очекува брзо постапување од надлежните за изнаоѓање на сторителите на измамата и очекува итно преземање на сите законски мерки за заштита на ЈСП.", информираат од ЈСП Скопје

Македонија | пред 1 година

Убиениот кај Мавровка не носел злато, МВР потврдува дека сите убијци се со криминално досие

Во возилото на 60-годишниот скопјанец Васил Ефтимов кој вчера беше убиен кај Мавровка, не било пронајдено злато. Ова го потврдуваат и од Министерството за внатрешни работи. Оттаму посочуваат дека се спроведуваат активности за апсење на третиот осомничен кој учествувал во ликвидацијата.„Во возилото не беше пронајдено злато, извршено е вештачење на сите предмети кои се од интерес на истрагата. Лицата кои беа инволвирани во убиството извршено на паркинг простор пред ТЦ “Мавровка”, каде беше застрелан В.Е.(59), се со криминално досие“, велат од МВР за „Скопје1“.„Скопје1“ веќе во детали објави за профилот на убијците. Причината за убиството е изнуда, според првичните информации.

Скопје | пред 1 година

Врховен суд треба да донесе одлука со која ќе го затвори случајот за екстрадицијата на Рамадани, оти не е во државава, вели Туфегџиќ

Безпредметно би било одлучувањето на Врховниот суд, за ексдрадицијата на Блерим Рамадани. Ова го смета адвокатот и екссдуија, Владимир Туфегџиќ. Тој посочува дека случајот треба да се затвори, а не да се одобрува или одбива барањето за екстрадиција поднесено од Србија.„Читајќи ги коментарите и дилемите како ќе одлучи врховниот суд по однос на прашањето за екстрадицијата на Блерим Рамадани, според моето мислење врховниот суд треба да прибави официјален доказ дека лицето не се наоѓа на територијата на државата и да донесе одлука со која барањето се одбива како беспредметно, затворен случај“, вели Туфегџиќ.Највисокиот суд во државава, може да ја запре постапката, со оглед дека Рамадани, ексвојник на ОВК е надвор од нашите граници и Македонија при позитивна одлука нема кого да екстрадира.Сепак, неофицијално се зборува дека одлука на Врховен ќе има, а ќе биде во корист на Рамадани, а која може да послужи за судијата Пајазит Пајазити да ги правда неговите постапки кои се според судска пракса, но не и според закон.

Македонија | пред 1 година

Доктори што отидоа по приватни болници, сега сакаат да се вратат во јавното здравство, рече Таравари

Доктори кои „избегале“ од јавното здравство, бараат да се вратат на државните клиники. Ова го соопшти министерот за здравство, Арбен Таравари. Според него, станува збор за искусен кадар со над 10 години искуство.„Доктори од приватното здравство, сакат да се вратат во јавно здравство. Ние ќе бараме решение како специјалистите да ги вратиме. Ова нѐ прави горди, гледаме дека има интерес од докторите од приватно здравство да се вратат во јавно здравство“, рече Таравари.Заложбата на здравствениот систем е да го стопира одливот на квалитетен кадар.

Македонија | пред 1 година

(Видео) Јахта потона за минута во близина на брегот на Сицилија, шест лица исчезнати

Објавена е снимка од надзорна камера која го прикажува моментот непосредно пред потонувањето на луксузната јахта што потона во понеделникот наутро во близина на брегот на Сицилија во Средоземното Море.Според очевидци, бродот потонал за помалку од една минута, а италијанската новинска агенција АНСА потврдила дека не е можно да се спаси.Се уште се трага по шест лица исчезнати по потонувањето на јахтата, додека телото на готвачот е пронајдено.Меѓу исчезнатите се и сопственикот на јахтата, британскиот технолошки тајкун Мајк Линч и неговата 18-годишна ќерка Хана. Сопругата на г-дин Линч, Ангела Бакареш е меѓу 15-те луѓе кои беа спасени.Продолжува потрагата по Џонатан Блумер, претседателот на банката Морган Стенли, Крис Морвила, адвокат во големата компанија „Клифорд Ченс“ и нивните сопруги Џуди Блумер и Нед Морвила.Во тек е голема операција за пребарување, во која учествуваат крајбрежната стража, пожарникари, нуркачи и хеликоптери.

Свет | пред 1 година

Нема фотографија

(Видео) Голема автобуска несреќа во Иран: Најмалку 28 загинати

Најмалку 28 лица загинаа во несреќа на автобус кој превезувал шиитски аџии од Пакистан за Ирак во централен Иран, изјави денеска локалниот функционер Мохамад Али Малекзаде.Во несреќата што во вторникот вечерта се случи во централната иранска провинција Јазд, повредени се уште 23 лица, од кои 14 се здобиле со тешки телесни повреди.Во автобусот во моментот на несреќата имало 51 лице, а причината се истражува, пренесува АП.Аџиите биле на пат за Ирак да го одбележат Арбаин, 40-тиот ден по смртта на шиитскиот светец во VII век.Тие се собираат во Карбала, Ирак, на најголемиот годишен јавен состанок во светот.

Свет | пред 1 година

(Видео) Мишел и Барак Обама ја поддржуваат Камала Харис

Поранешниот американски претседател Барак Обама и неговата сопруга Мишел им се обратија на делегатите на конвенцијата на Демократската партија, каде што ја поддржаа Камала Харис во трката против Доналд Трамп, велејќи дека таа е личност која сака на сите луѓе да им даде еднакви можности.„Не знам за вас, но се чувствувам возбудено!, изјави Обама во обраќањето пред делегатите на партиската конвенција во Чикаго. „Имаме можност да избереме личност која работеше цел живот за да им обезбеди на сите луѓе истите можности што му ги пружи Америка“, рече тој.Покрај него, на конвенцијата пристигна и неговата сопруга Мишел, која многу демократи сакаат да ја видат во иднина како претседател. „Америко, ни се врати надежта“, рече таа со силен аплауз од публиката. Во својот говор Мишел Обама се осврна на републиканскиот кандидат Доналд Трамп. „Тој човек направи сè што можеше за да ги натера луѓето да се плашат од нас“, рече таа, мислејќи на себе и нејзиниот сопруг, кој живееше во Белата куќа од 2009 до 2017 година.Неговите ограничени светогледи и погледи на светот доведоа до тоа да се згрози од појавата на двајца вредни, високообразовани, успешни луѓе, кои исто така се црнци“, нагласи Мишел Обама, по што доби уште еден аплауз од публиката.„Кој ќе му каже дека работата за која повторно се пријавил можеби е само една од оние „црни работни места?“ праша таа, што ја насмеа толпата. На конвенцијата преку виртуелна рута од предизборниот митинг во Милвоки се приклучи и потпретседателката на САД и демократска кандидатка за нов претседател Камала Харис. Во тој момент делегатите во Чикаго подигнаа транспаренти со натпис „слобода“. Интересно, Харис зборуваше од истото место каде што пред еден месец републиканците ја одржаа својата конвенција и официјално го избраа Доналд Трамп за свој кандидат.Во својот говор, Харис го критикуваше Трамп, кој рече дека не жали за одлуката на Врховниот суд од 2022 година, со која се поништи пресудата Роу против Вејд од 1973 година. Тоа е пресуда со која жените имаат уставно право на абортус.„Верувам дека лошото однесување не може да остане неказнето. Ќе се погрижиме тој да се соочи со последици, а тоа ќе се случи на гласачките места во ноември“, рече Харис. Во претстојната кампања, демократите го гледаат правото на абортус како едно од прашањата што може да им донесе победа.На конвенцијата на демократите беа присутни и познати јавни личности како раперот Лил Џон, режисерот Спајк Ли и актерот Шон Астин.

Свет | пред 1 година