ТОП

Нема фотографија

Ова се најзадолжените земји од ЕУ

Долгот во еврозоната е во пораст, покажуваат податоците на Евростат, а најзадолжените земји се на југот на континентот.„На крајот на првиот квартал од 2024 година, односот на бруто долгот кон БДП во еврозоната беше 88,7 отсто, додека на крајот на четвртиот квартал од 2023 година беше 88,2 отсто. Во рамките на Европската унија долгот забележа и пораст од 81,5 на 82 отсто“, наведува статистичката институција на ЕУ.Дефицитот на еврозоната или разликата помеѓу тоа колку владите трошат и собираат, од друга страна, се намали во првиот квартал на 3,2 од четири отсто од БДП.Највисоки стапки на националниот долг во однос на БДП на крајот на првиот квартал од 2024 година забележаа Грција (159,8 отсто), Италија (137,7 отсто), Франција (110,8 отсто), Шпанија (108,9 отсто), Белгија (108,2 отсто) и Португалија (100,4 отсто), а најмала Бугарија (22,6 отсто), Естонија (23,6 отсто) и Луксембург (27,2 отсто).

Свет | пред 1 година

ЦУК: 5 пожари сѐ уште активни, 16 беа изгаснати

Центарот за управување со кризи (ЦУК) информира дека имало вкупно 2 376 повици на Единствениот повикувачки број за итни случаи 112 во ЦУК, во последното деноноќие. Од нив „реални“ повици биле 62,33%, а 37,67% биле за други потреби на граѓаните што не биле итни. Кон Полиција биле упатени 64,33%, кон Итната медицинска помош 20,81%, кон пожарникарите 11,46%, а кон АМСМ 0,21% од реалните повици кон 112 во ЦУК. Инаку, имало 910 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (3,18%) и на тие што се именувани како „неитни повици“ (37,67%). Сите тие повици за итни случаи биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).Вчера, недела (28.07.2024) имаше вкупно 24 пожари на отворено, од коишто 5 се активни, 3 се под контрола и 16 се изгаснати во последното деноноќие, согласно информациите добиени од регионалните центри за управување со кризи.Активните пожари, пет (5) на број, на отворен простор, се во:Општина Лозово, кај с.Бикирлија, месност „Убого“, Општина Градско и кај Јаношево, Општина Неготино (каде што гори ниска вегетација);Општина Македонски Брод , кај с.Тажево и с.Брезница, крак од пожарот кон ЈП „Јасен“ во правец кон месноста „Раставувачи за струја“ (борова шума);Општина Кочани, кај с.Главовица (мешана шума);Општина Долнени, кај с.Долгаец и Маргари (висока трева и мешана деградирана шума) и воОпштина Демир Хисар, на Илинска Планина помеѓу селата Слоештица, Брежани и с.Плаќе.(каде што интервенираатле 4 пожарникари од ТППЕ, 16 од ЈП „Национални шуми и 5 луќе од месното население, коишто гаснеле запалена ниска вегетација).Трите (3) пожари под контрола се во:Општина Старо Нагоричане, кај с.Ругинце (каде што горела ниска и мешана шума) и воОпштина Штип, кај с.Цршка (ниска вегетација); Општина Македонски Брод, кај с.Латово и с.Русјанци (мешана шума).Изгаснатите 16 пожари на отворено биле во: Општина Охрид, депонија Мауцкер (гореше ѓубриште); Општина Кратово, кај с.Татомир (каде што гореше мешана шума); Општина Босилово, меѓу с.Босилово и с.Турново (мешана шума); Општина Делчево, кај с.Очипала (ниска вегетација); Општина Гостивар, кај с.Чајле (ниска вегетација); Општина Старо Нагоричане, кај с.Степанце (ниска вегетација и грмушки); Општина Сарај, кај с.Семеиште, с.Чајлане и с.Арнакија (мешана шума); Општина Петровец, кај с.Бадар (ниска вегетација); Општина Желино:с.Лешница (ниска вегетација); Општина Берово, кај с.Будинарци (борова шума); Општина Струмица: с.Куклиш (депонија); Општина Гостивар, кај с.Чајле (ниска вегетација); Општина Крушево, имаше два (2) пожара, кај с.Саждево и кај с.Нерово (ниска вегетација) и во Општина Сарај, кај с.Дворце (ниска вегетација).

Македонија | пред 1 година

Приведен маж од кичевско, пукал на семејна веселба и повредил три лица

На 28.07.2024 во 03.00 часот, полициски службеници од полициското одделение во кичевското село Зајас го лишиле од слобода Б.У.(46) од кичевското село Бачишта, на привремена работа во Австрија.Тој, претходно, на семејна веселба во истото село неовластено испукал повеќе куршуми од пиштол „Смит и Весон“, сопственост на неговиот татко Р.У.(64) од истото село, кој го поседувал со дозвола.Притоа, Е.Е.(33), М.Р.(57) и една малолетничка, сите од селото Бачишта, кои биле на веселбата, се здобиле со повреди и биле пренесени во Итната медицинска помош во Кичево, каде им биле констатирани тешки телесни повреди. Од Р.У. бил одземен пиштолот и 300 куршуми, кои ги поседувал со дозвола.По целосно документирање на настанот, ОВР Кичево ќе поднесе соодветни пријави.

Македонија | пред 1 година

Уапсени се девет лица: најмногу се од Скопје, најмладиот има 20 години

Денеска (28.07.2024) во 02.00 часот на локалниот пат во с.Камењане, тетовско, полициски службеници од Полициското одделение Камењане го лишиле од слобода А.М.(35) од с.Равен, гостиварско. При преглед во возилото во кое се превезувал, кај него била пронајдена и одземена бела прашкаста материја. По целосно документирање на случајот ќе следува соодветен поднесок.Денеска (28.07.2024) во 02.30 часот на бул.„Ослободување“ во Кичево, полициски службеници од ОВР Кичево го лишиле од слобода С.А.(20) од Швајцарија, со престој во село Дебреше, гостиварско, затоа што кај него била пронајдена и одземена марихуана и дробилка. По целосно документирање на случајот ќе следува соодветен поднесок.На 27.07.2024 во 01.00 часот во хотел во Нов Дојран, полициски службеници ги лишиле од слобода М.С.(41) и М.С.(31) двајцата од Гевгелија, затоа што кај нив биле пронајдени и одземени бела грутчеста материја, пари и мобилен телефон. По целосно документирање на случајот ќе следуваат соодветни поднесоци.Денеска (28.07.2024) во 00.25 часот во Скопје, на подрачјето на Кисела Вода, полициски службеници од СВР Скопје го лишиле од слобода С.И.(27) од Скопје затоа што кај него била пронајдена и одземена марихуана. По целосно документирање на случајот ќе следува соодветен поднесок.На 27.07.2024 во 21.00 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода М.К.(28) од Скопје затоа што кај него била пронајдена и одземена марихуана. По целосно документирање на случајот ќе следува соодветен поднесок.На 27.07.2204 во 22.00 часот во Скопје, на подрачјето на Драчево, полициски службеници од Единицата за интервентна полиција при СВР Скопје го лишиле од слобода Н.Т.(22) од Скопје затоа што кај него била пронајдена и одземена марихуана. По целосно документирање на случајот ќе следува соодветен поднесок.На 27.07.2024 во 23.00 часот на влез во с.Бојане, општина Сарај, полициски службеници од СВР Скопје го лишиле од слобода Џ.У.(24) од с.Желино, тетовско. При преглед на патничко возило „фолксваген поло“ со тетовски регистарски ознаки, кое го управувал, биле пронајдени и одземени марихуана, метална дробилка и нож. По целосно документирање на случајот ќе следуваат соодветни поднесоци.На 27.07.2024 во 23.20 часот на паркинг простор кај Градскиот стадион во Виница, полициски службеници од ОВР Виница ги лишиле од слобода Е.Ј.(19) и Б.М.(18), двајцата од Штип, затоа што до патничко возило „фолксваген голф“ со штипски регистарски ознаки, кое го управувал Б.М., била пронајдена и одземена бела прашкаста материја. По документирање на случајот ќе следува соодветен поднесок.

Македонија | пред 1 година

(Видео) Досие: Идризово-2: Најужасните услови, тајните на затворот, што се крие зад убиството на хрватскиот ракометар Тот..

Во вториот дел од „Досие: Идризово“ кој ќе се емитува во среда, 21 часот во поткастот „Претрес со Ландов“ ќе ги видите најужасните услови во машкиот дел на казнено-поправната установа, борбата за преживување, проблемите, ќелиите со тафтабити (инсекти).Ексклузивно ќе се чуе втората страна за убиството на хрватскиот ракометар, Денис Тот од еден од осудените, Андреј Костовски..Најава:Погледнете го претходниот дел од „Досие:Идризово“: Претрес на Катица Јанева, исповед на жена која го убила мажот, репортажа од ќелиите..https://youtube.com/live/xspLZVxcQ3M

Македонија | пред 1 година

(Видео) Како изгледа „Идризово“ внатре: стара градба направена за политички затовреници, а не криминални групи

Екипата на поткастот „Претрес со Ландов“ беше во најголемиот затвор во Македонија, „Идризово“. Емитуван е првиот дел, од женското крило на затворот. Директорот Зоран Јовановски раскажа дека градбата е стара, командирите за состојбата, а зборуваа и затворениците.Затворот „Идризово“ е граден за политички затвореници, а не за криминални групи - градбата е стара„Затворскиот систем не ги прател развивањата на криминалните групи, подемот на умрежувањето, однесувањето на криминалните групи, членството.. Така што градбата на овој затвор е стара, изграден е во период кога сме имале политички затвореници“, вели директорот на затворот „Идризово“, Зоран Јовановски во репортажата во „Претрес со Ландов“.„Ова за мене е одмор“, раскажува осудена за убиство на сопругот, која била 12 години малтретиранаОсуденичката Анита Стојова, во подкастот „Претрес со Ландов“, раскажа како по 12 години малтретирање од сопругот, решила правдата да ја земе во свои раце. Немала помош од никого, ниту од држава ниту од институции - го убила.„Ова за мене е одмор, нема малтретирање, немам било каква казна. Ова за мене е одмор, не знам како ќе ме разберете и сфатите. Тоа надвор не се издржуваше ова е одмор“, раскажа Анета во „Претрес со Ландов“.Јанева: Кога би кажала сѐ, морам да бидам надвор и психолошки да се спремам, да се потсетам на работи кои сум сакала да ги заборавамЕксспецијалната јавна обвинителка, Катица Јанева во првото појавување откако е во затвор, во поткастот „Претрес со Ландов“ објасни како ги поминува деновите во затвор, што највеќе ја боли, но и кога ќе прозбори за сето она што се шпекулира во јавноста.„Црната кампања е најтешка. Сликите кои ги објавуваат ме разочаруваат бидеќи сега сум 40 кила послаба, и се разочарувам од себе. Се вадат од контекст некои работи..“, рече Јанева.Прашана дали ќе дојде ден кога Катица ќе каже сѐ, таа во „Претрес со Ландов“ објасни: „СЈО има договор за доверливост, рокот не е поминат. Јас сум човек од збор, што ги почитува се уште институциите и затоа многу луѓе ми пристапуваат и бараат да кажат нешто или наметнуваат некои работи. Јас се оградувам се што е кажано досега. И кога би кажала се, морам да бидам надвор, морам психолошки да се спремам. Тука психолошкиот момент е друг, морам да се спремам, да се потсетам на работи кои сум сакала да ги заборавам. И тогаш ќе одлучам што понатаму“Јас се извинувам многу, како што ќе ме казнат, треба да ми дадат и шанса за да се оправда довербата, вели Јанева за казната од Управата за санкцииТаа рече: „Јас се извинувам многу за недоразбирањето. Мислам дека ова ќе го надминеме на нормален начин“.„Никој не дојде, никој не нѐ побарал. За шест месеци, никој. Не знаеме дали има правилник и можност да се напушти канцеларијата. Дали имаме право да излеземе, јас пример сум пушач, колку метри смеам да се движам.. Дали внатре смеам да пушам..“, рече Јанева.Таа објасни и случај кога и се слошило на портите од затворот. Другиот ден не знаела дали смее да остане во ќелијата, а немала ни каде да праша.„Јас не се чувствував добро. Нема број за да ти ги кажат правилата. Ако не излезеш, зошто не си излегла.. И така се случи, јас отидов, кажав на син ми дека не можам да седам. Не е едноставно, мора да се изрегулираат сите правила. Животот се среди. Навиките, вештините. Не се работи само за криминалци.. Можат да работат.. Малку треба да има рамка, бар за мене. Јас тоа го очекував да им го кажеме кога ќе дојдат во просториите каде бевме. Никој не дојде“, додаде Јанева.Јас сум слободна, зошто мислите дека не сум, можам да бидам вклучена во пробацискиот систем„Јас сум слободна, зошто мислите дека не сум... Од 2022 година одам на викенди, на седум часа..“, објасни Јанева.Посочи дека само три месеци била целосно затворена, а потоа ги користи сите привилегии.„Променети се условите, јас би можела да бидам вклучена и во пробацискиот систем. Времето за моја ресоцијализација помина“, додаде Јанева и посочи: „Користам седум часа, доволно да се излезе испазари..“.Јанева: И честитам на Владата, се надевам ќе бидат носители на промените, се надеваме на колективна амнестија„Мислам дека сите колешки, моментални затворенички ќе ме благословуваат. И честитаме на новата Влада, 600 илјади гласа се цела Македонија. Се надеваме ќе бидат носител на промените. Ние се надеваме дека ќе биде тоа колективна амнестија, за да ни се скратат некои маки“, рече Јанева.Прашана дали има правда во Македониај, посочи дека има..„Добри се измените на Кривичниот законик. Задоцнетата правда, не е правда. Нека биде поука на идните судии и обвинители“, кажа Јанева.Имало ли нарачки кај Катица Јанева?Ексспецијалната јавна обвинителка Катица Јанева, која е осудена во случајот „Рекет“ во потакстот „Претрес со Ландов“ одговори на прашањето дали некој имал нарачки кај нејзе. Таа искоментира дека обвинителите не носат правда, туку обвинуваат, притоа ги поздрави измените на Кривичниот законик.„Добри се измените на Кривичниот законик. Задоцнетата правда, не е правда. Нека биде поука на идните судии и обвинители“, кажа Јанева.

Македонија | пред 1 година

„Знаеме да нападнеме“: Блискиот исток е се поблиску до војната од која сите стравуваат, Израел објави дека армијата се подготвува

Началникот на Генералштабот на израелските вооружени сили (ИДФ), генерал Херзи Халеви, денеска изјави дека армијата ја зголемува својата подготвеност за „следната фаза на борбите на северот“, по вчерашниот ракетен напад на Хезболах врз стадион во едно село на Голанската висорамнина, во која загинаа најмалку 12 лица.„Ние точно знаеме од каде е истрелана ракетата. Ги испитавме остатоците од ракетата на ѕидот на фудбалскиот стадион и знаеме дека се работи за ракета Фалак со боева глава од 53 килограми. Тоа е ракета на Хезболах. Кој истрела таква ракета врз урбана област, сака да убива цивили, сака да убива деца“, рече Халеви во видео обраќањето од местото на настанот, објави „Тајмс оф Израел“.Тој додаде дека ИД ја зголемува својата подготвеност за следната фаза од борбите на северот, а истовремено се бори и во Појасот Газа.„Знаеме да нападнеме дури и многу далеку од Израел. Ќе има повеќе предизвици, ќе ја зголемиме нашата подготвеност“, додаде Халеви.Тој исто така рече дека кога е потребно, ИД дејствува силно. Халеви истакна дека должност на вооружените сили е безбедно да ги вратат жителите на северот во нивните домови, низ целата територија, во Галилеја и Голанската висорамнина.„Ова е тежок ден, ќе работиме за подобри денови“, рече тој вчера најмалку 12 лица, меѓу кои и деца, беа убиени во ракетен напад на стадионот во селото Мајдал Шамс на Голанската висорамнина. .Израел го обвини Хезболах за нападот и вети дека ќе возврати, додека либанската милитантна група блиска до Иран ја негираше одговорноста за нападот.Израел ја зазеде Голанската висорамнина од Сирија во таканаречената „Шестдневна војна“ во 1967 година, а повеќето Сиријци мораа да побегнат или беа протерани, оставајќи само неколку села во кои денес живеат арапските Друзи, наведува ДВ.

Свет | пред 1 година

Олимпиецот Никола ја освои јавноста: 16 години, си отишол на Олимпијада, батали експертиве што од тренинг имаат шопска и ракија, они ни дома не биле први!

16-годишниот Никола Ѓуретановиќ кој се натпреваруваше во пливање на Олимпијадата во Париз, ја освои македонската јавност по малкуте критики кои ги доби оти резултатот не беше според очекуваното. Ѓуретановиќ веќе изјави дека завршил последен поради годините и тремата. Јавноста му даде поддршка да продолжи понатаму со уште подобри настапи, а со оглед дека тој по 28 години го помина рекордот на Маленко во Македонија.„Ако досега сте ја следеле кариерата на нашиот шамион и олимпиец Никола Ѓуретановиќ сите ќе бевте горди и среќни за неговата истрајност,храброст и желба за презентирање на нашата земја! Никола ги немаше условите за подготовки кои ги имаа германците, американците, швеѓаните и т.н. но Никола и неговиот тренер макотрпно се спремаа и отидоа! Никола уште сега во регионов победува каде и да оди, а замислете на следната Олимпијада со какво искуство ќе се натпреварува! И уште нешто! Никола Ѓуретановиќ има 16 годинини а се натпреваруваше на Олимпијада! Другите 16 годишни секоја вечер кршат колички од Тинекс и Веро и тоа за нив е успех...Понатаму не продолжувам....Се е јасно! Сега честитајте му на ова младо дете за истрајноста и упорноста и посакајте му се поголеми успеси! Никола, ти си гордост наша! Прв во групата беше Илијас Ел Фалаки од Мароко, а по него следеа Џибрил Раеквон Ноел од Гвајана, Алберто Вега од Костарика, како и Мохамед Ридван од Кенија. Ѓуретановиќ (10 години помал од нив) од првиот пливач заостана 3,79 секунди. П.с. А ниеден пливач од Македонија не исполнил норма за настап на Олимписки игри. Сите настапуваат со Вајлд карта за да може секоја држава на планетава да има претставник на Олимпијада!“, стои на социјалните мрежи.„Браво Никола! Без разочарувања! 👏💪 Како најмлад Олимпиец пред тебе е успешна долга кариера“, му порачаа други."Прв во групата беше Илијас Ел Фалаки од Мароко, а по него следеа Џибрил Раеквон Ноел од Гвајана, Алберто Вега од Костарика, како и Мохамед Ридван од Кенија. Ѓуретановиќ (10 години помал од нив) од првиот пливач заостана 3,79 секунди. П.с. А ниеден пливач од Македонија не исполнил норма за настап на Олимписки игри. Сите настапуваат со Вајлд карта“, напиша Ангелина Тасевска.„Навредуваат едно дете кои со своите 16 години се појави на олимпијада, додека нивните деца и внуци не знаат кај тераат од гнасотилаци и невоспитување. Па добро, кога подобро ќе размислиш, таа несреќна фрустрација мораше да ја истурат на некого и ете им се пружи шанса. Напред дете наше. Животот е пред тебе ❤️🇲🇰 Не сме сите со ист “сотфвер” на мислење и живеење живот во оваа наша Македонија“, напиша водителот Ване Марковски.„Ама пливачов Ѓуретановиќ дека изјавил "имав трема, следниот пат ќе биде подобро". Срце. Дечко, претставуваш земја која во спортот инвестира само луѓе кои ги празнат касите наменети за таленти, услови за тренинзи зеро, имаш 16 години и си отишол на Олимпијада, биди горд на себе. И батали ова експертиве што од редовен тренинг имаат само шопска ракија па зборат дека си бил последен. Они први ни дома не биле, не па на Олимпијада. Само напред дечко“, напиша Ина Многуфина.

Коментари | пред 1 година

(Видео) „Ова за мене е одмор“, раскажува осудена за убиство на сопругот, која била 12 години малтретирана

Осуденичката Анита Стојова, во подкастот „Претрес со Ландов“, раскажа како по 12 години малтретирање од сопругот, решила правдата да ја земе во свои раце. Немала помош од никого, ниту од држава ниту од институции - го убила.„Ова за мене е одмор, нема малтретирање, немам било каква казна. Ова за мене е одмор, не знам како ќе ме разберете и сфатите. Тоа надвор не се издржуваше ова е одмор“, раскажа Анета во „Претрес со Ландов“.Нејзината исповед погледнете ја тука:

Македонија | пред 1 година

Запалено складиште за нафта во регионот Курск: Нов напад на украинско беспилотно летало во руска територија, експлозии и пожари

Нападот со беспилотни летала во текот на ноќта врз рускиот регион Курск, кој граничи со Украина, предизвика експлозии и пожари во областа, вклучително и оној што зафати складиште за нафта.Алексеј Смирнов, гувернерот на областа Курск, утринава објави дека тамошната противвоздушна одбрана е „во состојба на готовност“ поради заканата од напади со беспилотни летала и го предупреди населението да биде „внимателнo“, но не даде никакви детали, пренесува kyivinindependent. com.https://twitter.com/Gerashchenko_en/status/1817427828406698059?ref_src=twsrc%5EtfwКиевската независна наведува дека засега нема информации за жртви или материјална штета.Курската област се наоѓа на другата страна на границата со украинската област Суми.Киев Индипендент наведува дека, како и другите руски области кои се граничат со Украина, во последните месеци постојано била нападната со беспилотни летала и друго оружје со долг дострел.

Свет | пред 1 година

(Видео) Сообраќајни полицајци од Скопје со цел арсенал оружје по дома: се фалеа со пушки „Инстаграм“, па беа претресни

Навидум полицајци од сообраќајното одделение на МВР, а дома чувале цел арсенал на пиштоли и пушки. Фотографија на социјалните мрежи им пресуди на двајца припадници на полицијата, кои вчера беа уапсени. „Скопје1“ дознава дека координираната акција при која се запленети пиштоли, пушка, куп рамки и куршуми се реализирала по допрен глас, односно објава на мрежата „Х“.Полицајците кои се уапсени, со пушките кои ги поседувале се фотографирале во селото Стрима во Липково и се пофалиле на социјалните мрежи. На едната фотографија, сообраќајниот полицаец носи и качулка на глава. Кога МВР дознала за случајот, била координирана и акцијата. Интересно е што истите овие полицајци се фалеле и дека поседуваат скапи, луксузни возила – за кои до овој момент не се знае дали се нивна сопственост. Веќе е утврдено дека оружејто било нивно, но го поседувале без дозвола.[caption id="attachment_297732" align="alignnone" width="481"] Алармот по кој се покренала акцијата[/caption]„При претресот, извршен со судска наредба, во нивниот дом во село Сингелиќ, скопско, беа пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив беше пронајдено и друго оружје и муниција кои ги поседуваат со дозвола“, велат од МВР.Тие ќе добијат кривична пријава, а не се знае дали обвинител побарал да се одреди и притворска мерка.

Македонија | пред 1 година

(Видео) Пустош, змии, руини, сцена како од хорор филмови, кој ги „лапна” парите на скопјани за изградба на езерото Треска

Руина, пустош, исечени и исушени дрвја, трева до колена, змии. Тоа е се што остана од некогашното популарно место за разладување и уживање на скопјани, езерото Треска.Од трските не се ни препознава местото каде некогаш беше езерото. Местото е како тука да се снима некој хорор филм.Пред две години Општина Сарај почна со уривање на објектите. Прво нелој дозволи да се изнесе целото железо за препродавање, а потоа се отстранија бунгалови, кафулиња, ресторани, базени, гардероби, тушеви и тоалети. Камперите кои тука го бараа спасот од скопските горештини протестира, но толку, градежната механизација си го заврши своето.Но ништо не е ни почнато да се прави од тоа што беше кажано и зацртано. Сега царуваат само змиите.За скопјани остана нејасно кој го разграби нивното езеро и колку се офајди.Во 2020 година, Владата дел од земјоделското земјиште во селата Глумово и Шишево, кое се наоѓа околу езерото, го пренамени во градежно за да може Општина Сарај да направи Детален урбанистички план. Тогаш од Владата рекоа дека оваа одлука е донесена за да може во овој дел од предградието на главниот град да се цртаат маркички и да се гради викенд населба, хотелски комплекс и спортско-рекреативен центар за развој на еко туризам, со што воедно ќе се врати во функција и езерото.Езерото Треска е изградено во 1978 година со самопридонес од жителите на Скопје. Со површина од 136.000 метри квадратни и капацитет за 10.000 капачи, во 1980-тите и 1990-тите функционираше бешеглавно излетничко место за скопјани, особено во летните месеци. Околу езерото кое беше длабоко од 1,6 до 3 метри се наоѓаа бунгалови, кафулиња, ресторани, базени, гардероби, тоалети, спортски терени, како и камп за приколки и трејлери. Езерце Треска живееше само 20 години. Во 1998 година, поради загаденост на водата е затворено за капење и оттогаш почнува неговото пропаѓање. Денеска, комплексот околу езерото е целосно уништен и никој ништо не кажува дека нешто се размислува да се превземе.

Скопје | пред 1 година

Амбасадорот Жерновски повикан на разговори, внукот на Ахмети ги пакува куферите во Брисел - одлуки на Муцунски

Андреј Жерновски, амбасадорот на Македонија во Романија, наредните денови да допатува од Букурешт во Скопје и да седне на консултации со министерот за надворешни работи, Тимчо Муцунски.Муцунски досега на консултации ги повика македонските амбасадори во Тирана и Рим, Данчо Марковски и Весел Мемеди и амбасадорот на Македонија во Обединетите нации, Љубомир Фрчкоски.Министерот за надворешни работи, Тимчо Муцунски го прекина договорот и на Бесиан Ахмети кој е внук на контроверзниот лидер на ДУИ, Али Ахмети.Бесиан досега ја извршуваше функцијата прв секретар во македонската амбасада во Брисел. Муцунски, една година пред предвиденото го прекина неговиот договор и го враќа во Скопје. Ваквата одлука следува по откривањето на негова наводна вмешаност во злоупотребата на концесија на рудник кај Кичево.

Македонија | пред 1 година

Го убиле со калашников, по кратка караница - страотни детали за крвопролевањето во Гостивар

Основното јавно обвинителство Гостивар донесе Наредба за спроведување истражна постапка против три лица затоа што постои основано сомнение дека како соизвршители сториле кривично дело – Убиство од член 123 став 2 точка 4 од Кривичниот законик.Тројцата браќа од селото Дебреше, на 23 јули, со умисла и од безобзирна одмазда лишиле од живот еден соселанец со кого имале подолготрајни недоразбирања.На критичниот ден, најпрво настанала физичка пресметка меѓу еден од браќата и жртвата. По тепачката, осомничениот ги повикал и своите браќа, кои револтирани од домовите зеле огнено оружје – калашников и пиштол. Сите тројца со автомобил “Волво” со швајцарски регистарски таблички се упатиле кон куќата на оштетениот.Кога го пронашле, пукале кон него и со пиштолот и со автоматската пушка, нанесувајќи му повеќе огнострелни повреди од кои жртвата веднаш починала.По настанот тројцата осомничени беа задржани во краткотраен 48-часовен притвор со цел да се извршат сите вештачења. Со поведувањето на истрагата, надлежниот јавен обвинител до Основниот суд во Гостивар достави предлог за определување мерка притвор за осомничените, бидејќи постојат околности што укажуваат на опасност од бегство и основан страв дека ќе ја попречуваат кривичната постапка со влијание врз сведоците кои евентуално би било потребно да се сослушаат.Categories

Македонија | пред 1 година

„Извини Коста, не знаевме дека дното е толку длабоко, грозно е!“, велешанец објави каде се чуваат книгите на Рацин

Велешанецот Игор Смилев тврди дека делата на Коста Солев-Рацин се чуваат во влажни подруми.„Велес, подруми на Спортска сала " Гемиџии", лето 2024 ! Грозно е, понижувачки е, тажно е, Мизерно е Рацин да коравее во влажниите подруми на спортската сала "Гемиџии" . ‼️Немате право да го осудувате на ново заточеништво ! Извадете ги овие книги , едиција од " Рацинови средби" и подарете ги на училиштата во Велес, на библиотеките низ Македонија!Можеби вие не сфаќате, но има луѓе на кои еден од овие примероци би му бил вистинско богатство во домашната или училишната библиотека. Извини Коста, не знаевме дека дното е толку длабоко“, пошува Смилев.

Коментари | пред 1 година

Се испотепале соседи, парнтери, малолетници - кражби и малтретирања вчера низ Скопје

На 25.07.2024 во 18.20 часот во СВР Скопје, А.Д.(35) од с.Батинци, скопско, пријавил дека околу 15.20 часот на подрачјето на Бит Пазар бил физички нападнат од Ф.К., кој употребил и тврд предмет. Се преземаат мерки за расчистување на случајот.На 25.07.2024 во 18.05 часот во СВР Скопје, 29 - годишна жена пријавила дека на 21.07.2024 околу 02.00 часот на подрачјето на Драчево била физички нападната од нејзиниот поранешен партнер Б.И.(22) од скопско. Се преземаат мерки за расчистување на случајот.На 25.07.2024 во 12.30 часот во СВР Скопје, А.Б.А.(76) од Скопје пријавил дека на 22.07.2024 околу 19.30 часот на подрачјето на општина Аеродром бил физички нападнат од неговиот сосед Б.Д.. Се преземаат мерки за расчистување на случајот.На 25.07.2024 во 20.30 часот во СВР Скопје, Б.Б.(49) од Скопје пријавил дека околу 17.10 часот на автобуска постојка на подрачјето на Гази Баба, двајца малолетници физички го нападнале неговиот малолетен син и му одзеле пари. Се преземаат мерки за расчистување на случајот.На 25.07.2024 во 20.40 часот во СВР Скопје, Е.Г.(41) од Скопје пријавила дека околу 13.15 часот на подрачјето на Центар, по претходно недоразбирање, била физички нападната од нејзиниот сосед К.С.. Се преземаат мерки за расчистување на случајот.На 25.07.2024 во 20.00 часот во СВР Скопје, Д.Ѓ.(19) од Скопје пријавил дека околу 18.00 часот на подрачјето на Центар бил физички нападнат од В.Н., кој му се заканувал и со остар предмет. Се преземаат мерки за расчистување на случајот.На 25.07.2024 во 14.10 часот во СВР Скопје било пријавено дека во нотарска канцеларија на подрачјето на Центар, по претходна расправија околу оставинска постапка, бил нарушен јавниот ред и мир со физичка пресметка помеѓу С.Ј.(59) и С.С.(67), двајцата од Скопје. По целосно документирање на случајот ќе следува соодветен поднесок.На 25.07.2024 во 23.30 часот во СВР Скопје било пријавено дека околу 22.00 часот на подрачјето на Бит Пазар, две лица фрлиле шишиња со запалива течност и предизвикале пожар на бетонска подлога пред гаражи од станбена зграда. Повредени лица нема. Извршен бил увид од увидна екипа од СВР Скопје и се преземаат мерки за расчистување на случајот.

Скопје | пред 1 година

Докторот Чадиковски со став за ненадејната смрт на бебиња и деца

Познатиот детски хирург Владимир Чадиковски се огласи со стручен став и перпорака за случаите со смртен изход кај новороденчиња, бебиња и мали деца. Таков случај имаше и вчера, каде четиримесечното бебе почина во Богданци, кое претходно подолг период се лекувало на клиника во Скопје. ,,Долго време нагласуваме дека кога ќе слушнеме дека дете во Македонија, без претходна болест, ненадејно починало (особено во случајот на новороденчиња), во речиси 70% од случаите, се работи за вродени срцеви мани!! Носете ги вашите деца на редовни систематски прегледи кај педијатар!”, порача докторот Чадиковски. 

Македонија | пред 1 година

Нови цени на горивата од полноќ

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,48 % во однос на одлуката од 22.7.2024 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,072%, кај дизелот 1,940%, кај екстра лесното масло за 2,096% и кај мазутот намалувањето е за 3,565%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,2688%.Од 27.7.2024 година од 00:01 часот максималните цени на нафтените деривати ќе изнесуваат:Моторен бензин​ЕУРОСУПЕР БС - 95​​ 81,50 (денари/литар)Моторен бензин​ ЕУРОСУПЕР БС - 98​​ 83,50 (денари/литар)Дизел гориво​ЕУРОДИЗЕЛ БС (Д-Е V)​ 74,00 (денари/литар)Масло за горење​Екстра лесно 1 (ЕЛ-1)​ 72,50 (денари/литар)Мазут М-1 НС​​​​​​ 44,656 (денари/килограм)Малопродажната цена на Мазутот М-1 НС се намалува за 1,101 ден/кг и сега ќе изнесува 44,656 ден/кг.Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.Напоменуваме дека ова се максималните цени на нафтените деривати од 00:01 часот на 27.7.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

Одложено првото судење за убиството на Вања и Панче - и на Палчо ќе му се суди заедно со другите обвинети

Основното јавно обвинителство Скопје до Основниот кривичен суд Скопје на 26.07.204 година достави Предлог за одлагање на закажана главна расправа за предметот со К.бр. 1339/24, насрочена на 30.07.2024 година, а поврзан со двојното убиство на малолетната В.Ѓ. и велешанецот П.Ж.„Имено, со оглед на фактот дека истрагата против осомничениот Љ.П. е завршена и по истек на законските рокови по известување за завршена истражна постапка, ќе биде изготвено и поднесено обвинение, кое се однесува за истиот кривично – правен настан за кој се води и предметот К.бр. 1339/24 против четворица други обвинети, а воедно се работи и за исти докази, од ОЈО Скопје, согласно чл. 28 од ЗКП ќе биде поднесен и предлог за спојување на двете постапки.Имајќи го предвид добиениот предлог на обвинителството, а заради економичност и ефикасност на постапката, судот ги отповика наредбите за спровод на обвинетите кои издржуваат мерка притвор и мерка куќен притвор, а судечкиот совет во согласност со одбраната ќе насрочи нов термин за отпочнување на главната расправа за што странките и јавноста ќе бидат благовремено известени“, велат од Основен кривичен суд Скопје.

Македонија | пред 1 година

Диви свињи на Водно: девојки се евакуирани, откако се движеле околу нив среде ноќ

Сношти три девојки, кои се симнувале од врвот на Водно, по 23.00 часот, кон Средно Водно, имале непријатна средба со диви свињи. На 112 во ЦУК пријавиле дека стадо диви свињи се постојано зад и околу нив, иако се симнувале по асфалтираниот пат и дека се многу уплашени. Притоа, побарале да се отклучи рампата на Средно Водно, за да може нивни блиски да ги земат со возило, јавува ЦУК и додава:Во 23.42 часот од пријавувачката на итниот случај е добиена на 112 во ЦУК повратна информација дека полициско комбе дошло на лице место, во коешто била и нивна братучетка, и дека се веќе се безбедни.

Скопје | пред 1 година

Автомобил целосно изгоре кај Струмица, пожарот зафатил и дел од ридот

,,Денес, (петок) 26.07.2024 година, во 01.00 часот на локацијата викано Двата пата на ридот над Струмица, ТППЕ Струмица со 1 ПП возило и 4 пожарникари-спасители интервенираше на гасење на запалено патничко моторно возило. Пожарот беше во разгорена и поодмината фаза и беше зафатена и блиската вегетација на ридот, при што беше сопрено неговото натамошно ширење.Во случај на пожар или друга елементарна непогода, јавете се на бесплатниот телефонски број 112/193.”, информираат од Пожарникари - Струмица.

Македонија | пред 1 година

Пораки од телефонот на Наќе Георгиев доведoa до претрес во Академијата за судии: земени досиеја на кандидати

Телефонот на врховниот судија Наќе Георгиев кој беше уапсен поради земање 10.000 евра со цел да намести случај во полза на обвинет, откри и други можни кривични дела. Од него, обвинителката утврдила дека имало и ургенции во Академијата за судии и обвинители, со цел, кандидати кои треба да судат и обвинуваат положат испити.„Во рамките на предмет против врховен судија, јавниот обвинител од Основното јавно обвинителство за гонење на организиран криминал и корупција при анализа на телефонот на осомничениот дојде до сознанија што упатуваат на можно сторување на друго кривично дело.Како резултат на тоа, предметниот обвинител со цел да ги испита ваквите индиции оформи предмет со кој достави барање до судијата на претходна постапка при Основен кривичен суд Скопје за одземање на два мобилни телефони од лице вработено во Академијата за судии и јавни обвинители, како и видео запис и две досиеја за еден поранешен и еден актуелен кандидат на Академијата.Во текот на вчерашниот ден, припадници на Одделот за крим полиција и Одделот за сузбивање на организиран криминал постапија по Наредбата на судијата и ги обезбедија бараните предмети. За сите дополнителни активности и детали кои нема да влијаат на постапката обвинителството ќе ја информира јавноста навремено“, вели Обвинителството.

Македонија | пред 1 година

Серијата земјотреси продолжи во Македонија, пак се тресеше во Берово

Земјотрес со јачина од 2,1 степени според Рихтеровата скала е регистриран и утрово во близина на Берово.40 минути пред овој, регистриран е уште еден со јачина од 3,2 степени. Потресите се регистрирани на седум минути – еден по друг.Ова е четврт земјотрес во овој дел на Македонија од вчеравечер кога имаше два други со слична јачина.

Македонија | пред 1 година

Скопје денес одбележува 61 година од катастрофалниот земјотрес

Скопје денес ќе одбележи 61 година од катастрофалниот земјотрес што се случи на 26 јули 1963 година. Во земјотресот кој се случи, животот го загубија 1070 лица, а 3000 беа повредени. Трагедијата засекогаш го смени изгледот на градот под Водно и судбината на неговите жители. Беа урнати 15. 800 станови, а оштетени 28. 000. Над 200 000 луѓе остана без покрив над главата.Во Музејот на град Скопје вечерва во 20:30 часот ќе биде отворена изложбата „Културните институции во Скопје по земјотресот во 1963 година“ чиј автор е Зоја Богдановска, која е кустос советник историчар во Музејот.Во Музеј на современата уметност во сеќавање на катастрофалниот скопски земјотрес од 1963 година, вечерва во 21 часот, во рамки на Летното кино под тремот, ќе биде прикажан експерименталниот документарен филм „Екран за Скопје“ (1988, 31′) на полската филмска режисерка, актерка и продуцентка Малгоржата Потоцка.По завршувањето на проекцијата, предвидено е дружење со музика.Во Кинотека на Македонија скопјани ќе можат да погледнат неколку кратки македонски филмови посветени на скопскиот земјотрес.Проекциите почнуваат во 20.30 часот, а ќе бидат прикажани пет кратки филмови и тоа „Школите и универзитетот во скопската катастрофа“, „Писмо од Скопје“, „Проштевање“, „Скопје“ и „Катастрофа, страдања, надежи“.Од Град Скопје нема најавено никакви содржини за одбележување на денот.„Скопје не е филм, не е трилер каде што го погодуваме главниот настан. Скопје е концентрација на човековата борба за слобода, резултат кој инспирира понатамошни борби и неприфакање на поразот”, ќе напише Жан Пол Сартр таа 1963 година…

Скопје | пред 1 година

Доаѓа нов топлотен бран: Овој викенд температури до 38 степени

За време на овој викенд територијата на Македонија ќе биде зафатена од нов топол бран од Африка, но истиот ќе биде со нешто помал интензитет за разлика од минатиот кога беше екстремно топло.Температурите за време на викендот ќе се искачуваат во интервалот од 31 до 38 степени, додека во Скопје максималната температура ќе се искачува во интервалот помеѓу 35 и 38 степени.Времето ќе биде стабилно, суво и сончево со слаб до умерен ветер од променлив правец. Ув индексот ќе има многу висока вредност и ќе изнесува коефициент помеѓу 8 и 9.

Македонија | пред 1 година