ТОП

Посебна комисија ќе утврдува дали имало пропусти во лекувањето на починатото новороденче од Ресен

Државниот санитарен и здравствен инспекторат (ДСЗИ) ќе иницира формирање на комисија со цел да се утврди дали имало пропусти во начинот на лекување на родилката и новороденчето од Ресен кое почина 30 часа од породувањето.,,Веднаш е направена аспирација, вештачка вентилација, тактилна стимулација и срцева масажа. Ординирана е терапија, направени се лабораториски анализи (крвна слика и ацидобазен статус) на ден 14.06.2024 и 15.06.2024. Поради влошување на клиничката слика на ден 15.06.2024 година од страна на неонатлог од битолската Болница по претходна консултација со анестезиолог од КАРИЛ и ЈЗУ УК за детски болести – Скопје извршен е транспорт со медицинско возило но во тек на транспортот доаѓа до дополнително влошувањена општата состојба со брадикардијата. При прием на Клиниката за детски болести новороденчето е без срцева акција и дишење, спроведена е реанимациска постапка по протокол, без одговор на истата и е констатиран Exitus letalis во 16.55 часот. Упатената дијагноза е P22.9 (респираторен дистрес синром) а причина за смртта Insufitientio cardiorespiratoria.”, се наведува во соопштението.Констатирано е дека родилката се јавила во здравствената установа на ден 14:06.2024 година заради болки кои перзистирале два дена. Извршен е преглед од страна на специјалист гинеколог-акушер, направени две кардиотокографски иследувања и примена е на одделот за гинекологија и акушерство за породување со царски рез со оглед на тоа што ова и била втора бременост. Во 2012 година исто така била породена со цариски рез. Земени се примероци за лабораториска анализа – крвнa слика и анализи за фактори на коагулација и крвна група во службата за трансфузиологија.,,Породувањето е извршено со спинална анестезија во 11:43 часот на наведениот датум за што постои писмена согласност од страна на родилката. По породувањето, и наредниот ден 15.06.2024 година постојано се следи нејзината здравствена состојба и вршени се лабораториски анализи.”, се наведува во соопштението од ДСЗИ.

Македонија | пред 1 година

Џафери му ја предаде премиерската функција на Мицкоски

Новоизбраниот претседател на Владата, Христијан Мицкоски ја презеде премиерската функција од досегашниот претседател на техничката Влада, Талат Џафери.,,При официјалното примопредавање на премиерската должност на новоизбраниот премиер Христијан Мицкоски му посакав успешна и ефикасна работа во интерес на сите граѓани.Ги нагласивме слободните, фер и демократски избори како додадена вредност на евроинтеграциите.Искажав надеж дека политичките субјекти ќе покажат високо ниво на политичка свест и отвореност за соработка за стратешките приоритети на државата.”, напиша Талат Џафери.

Македонија | пред 1 година

Игор Филков ја презеде функцијата министер за правда

,,Игор Филков ја презеде функцијата- министер за правда.Министерот најави дека во својот мандат ќе преземе реформи во сферата на правосудството и засилување на борбата против криминалот и корупцијата, деполитизација на судството и обвинителството, враќање на довербата на граѓаните во правосудниот систем и владеење на правото.Во периодот кој следи ќе се обрне поголемо внимание на измените на Законите за Судски совет, за Јавно обвинителство, за Совет на Јавни обвинители, спроведување на реформската агенда во рамки на процесот на имплементација на Планот за раст на Западен Балкан, Патоказот за владеење на правото кој ќе ги исцрта насоките на реформите и мерките до крајната цел-завршување на преговорите како и вклучување на земјите кандидати во Извештајот за владеење на правото како инструмент за рана детекција или превенција на предизвиците со владеењето на правото.”, пишуваат од Министерството за правда.

Македонија | пред 1 година

Почина осуммесечно бебе од Прилеп на пат кон Скопје

Осуммесечно бебе почина за време на транспорт со брза помош од прилепската болница до Скопје.Мајката вчера попладне го донела во болница во многу тешка состојба.Станувало збор за бебе кое тежело само три килограми. Педијатарот веднаш одлучил да го испрати во Скопје, но не го издржало транспортот и починало на пат за Скопје.Бебето немало извод од родените и затоа случајот е пријавен во полиција. Ќе биде извршена обдукција.

Македонија | пред 1 година

Герапетритис: Неупотребата на уставното име е кршење на Договорот од Преспа

,,Државните и политичките лидери на Северна Македонија одбраа да не го користат уставното име на земјата на домашната сцена, што претставува кршење на Договорот од Преспа”, изјави Јоргос Герапетритис, шеф на грчката дипломатија.Тој нагласи дека сите мора да сфатат дека меѓународното право е основа на глобалниот мир и безбедност и дека тоа не е процес во кој ќе се избира тоа што некому одговара.,,Договорот од Преспа предвидува име на државата кое ќе биде едно и единствено за севкупна употреба, а тоа е Северна Македонија.”, рече Герапетритис и додаде:,,Неприфатливо и незамисливо е членство во Европската Унија без целосна имплементација на европското законодавство и на меѓународното право и меѓународните договори.”

Македонија | пред 1 година

(Видео) Владо Мисајловски го презема Министерството за одбрана

Владо Мисајловски ja преземa функцијата министер за одбрана од досегашниот заменик министер за одбрана Тирон Јајага. Ова е прва во низата свечености која ќе се одржи во текот на денешниот ден.Закажани се примо-предавања и на другите министерски функции, како и премиерската во Владата.

Македонија | пред 1 година

Нема фотографија

(Видео) Пожарот во Белград е ставен под контрола, гори кафуле и становите над него

Пожарот што утринава избувна во кафулето во Маршала Толбухин во Нов Белград е ставен под контрола, а повредени нема, јавува репортерот на Танјуг.Во гаснењето учествувале девет возила со 27 пожарникари, а пожарот избувнал нешто пред шест часот во кафе-барот, а потоа го зафатил и станот на првиот кат кој се наоѓа директно над шанкот.Чадот стигна и до катовите над првиот кат, а првиот кат беше евакуиран.

Свет | пред 1 година

Нема фотографија

(Видео) Терористички напади во Русија: Улични тепачки, нападнати цркви, убиени 15 полицајци

Најмалку 15 полицајци беа убиени вчера во серија напади во јужната руска провинција Дагестан, а убиени се и пет напаѓачи, пренесе Ројтерс, повикувајќи се на руските агенции. Вооружени напаѓачи отворија оган врз синагога и две православни цркви во Дербент, како и врз полициски контролен пункт во Махачкала. МВР соопшти дека во нападот бил убиен и православен свештеник, а биле запалени синагогата и православната црква. Агенциите јавуваат дека улични борби избиле во Махачкала, административниот центар на Дагестан. Националниот комитет за борба против тероризмот, од друга страна, соопшти дека се убиени пет напаѓачи.Локалните агенции јавуваат дека има и цивилни жртви. Дагестан е руска провинција претежно населена со муслимани на Каспиското Езеро. Соопштено е дека е отворена истрага за „терористички акти“, без дополнителни детали. Дирекцијата на Истражниот комитет на Русија за Република Дагестан објави дека покренала истрага за тероризам за нападите според Кривичниот законик на Руската Федерација. „Се утврдуваат сите околности на настанот и лицата кои учествувале во терористичките напади, а за нивните постапки ќе биде дадена правна оценка“, се наведува во соопштението.„Вечерва во Дербент и Махачкала непознати напаѓачи се обидоа да го дестабилизираат општеството“, изјави лидерот на Дагестан Сергеј Меликов. Убиени се и православен свештеник и чувар на црквата. Претседателот на Дагестанската јавна комисија Шамил Кадулев изјави дека отец Николај е убиен: „Му го пресекоа грлото. Имаше 66 години и беше многу болен“, рече Кадулев.Досега ниту една организација не ја презеде одговорноста за нападите, кои се случија три месеци откако огранок на ИСИС ја презеде одговорноста за нападот во градското собрание на Крокус во Москва, во кој загинаа повеќе од 140 луѓе. Руските власти соопштија дека вооружените лица во Дагестан биле „поддржувачи на меѓународна терористичка организација“.Дагестан е претежно муслимански регион со мало христијанско и уште помало еврејско малцинство. Руските безбедносни сили се бореа во регионот во 2000-тите против исламистичкиот бунт што се прошири од соседна Чеченија, иако нападите станаа поретки во последниве години.

Свет | пред 1 година

Над 1.300 загинати на аџилак во Саудиска Арабија

Бројот на загинати за време на овогодинешниот аџилак е 1.301, изјави денеска министерот за здравство на Саудиска Арабија Фахад Ал-Џалаџел. Министерот, чии зборови ги пренесе државната телевизија, рече дека причината за смртта е „патување на долги растојанија под директна сончева светлина без соодветно засолниште и удобност“.Меѓу загинатите има многу постари лица и оние кои заболеле од хронични болести. Околу 83 отсто од смртните случаи се оние на кои не им било одобрено за аџилак, рече тој. Секоја година десетици илјади верници се обидуваат да учествуваат на хаџот без официјална дозвола, која се плаќа и се доделува според квоти, а која овозможува пристап до климатизирани простори.Хаџ е еден од петте столбови на исламот и секој муслиман кој може да си го дозволи е должен барем еднаш во животот да ја исполни оваа верска должност.

Свет | пред 1 година

(Видео) Соборените ракети паѓаат на плажa: Се зголемува бројот на загинати во нападот на Крим, 3 деца загинаа на плажа

Најмалку пет лица загинаа, а повеќе од 100 се повредени кога шрапнели од проектили паднаа врз луѓето на плажата вчера за време на украинскиот напад на Севастопол на Крим, полуостров незаконски анектиран од Русија во 2014 година. „За жал, во моментов имаме 124 жртви, се три деца“, рече гувернерот на Севастопол Михаил Развозаев на Телеграма.На социјалните мрежи се прошири видео на кое наводно се гледаат фрагменти од соборените ракети како паѓаат на плажа.„Одговорноста за намерниот ракетен напад врз цивилите во Севастопол, градот на Крим, е првенствено на Вашингтон, кој го испорача оружјето на Украина, но и на властите во Киев“, се вели во соопштението на руското Министерство за одбрана. „Но, таквите постапки нема да останат без одговор“, додаваат тие.Во април Вашингтон објави дека испратил ракети ATACMS во Украина. Киев долго време ги бара од Западот за да може да изврши напади понатаму зад линијата на фронтот. Во октомври Украина за прв пат употреби американски ракети АТАКМС против Русија, но оние што неодамна ѝ беа испратени имаат поголем дострел, до 300 километри.Украинските власти сè уште не го коментирале нападот врз цели во Севастопол, пристанишен град кој е редовна цел на напади, особено затоа што е дом на руската Црноморска флота. Крим е многу важен логистички центар за руската војска.„Руската противвоздушна одбрана собори четири проектили. Меѓутоа, за време на одбраната, уште еден отстапил од траекторијата, при што боевата глава експлодирала во воздухот над градот“, велат руските власти. Нападот се случил кога некои цивили се враќале од работа, а некои веќе биле заминати на плажа со своите деца, рече Развозајев.Очевидци наведуваат дека сирената за воздушен напад што предупредувала за напад не се огласила.

Свет | пред 1 година

Поплавена и болницата во Тетово, пола град без напон: нови информации по невремето

Регионалниот ЦУК Тетово, известува дека на ден 23.06.2024 година во 16:35 часот попладне имаше локална појава на пороен дожд грмежи силен ветар и град.На Единствениот повикувачки број за итни случаи 112 во ЦУК е добиена пријава на настани во врска поплавени куќи,подруми заглевени коли под подвожњакот,поплавени улици,патишта паднати дрва и дурги слично порблеми.На повеќе улици на градот забалежено е поплавување на голем број подрумски простории како на пример Кај касарна има собирано вода но се поминува и нема застој на сообраќајот.Исто така има поплавено улица кај 172,голема речица патот што излегува до ЈИЕФ,улица 146, населба Голема Речица,подвозникот кај авто школа Уно-1,исто времено има заглевено комбе под подвожњакот. Поплавени се сите подрумски простории на клиничката болница тетово.Има поплавени куќи како на пример во село Јегуновце, фалише, село Сиричино,Ул.Благоја тоска,улица 180,улица 172,улица 109,улица 171, улица Илинденска и др. По барање на Комадирот на Тппе Тетово Авни амети да биде исклучена електрична енергија во целиот град Тетово од страна на дежурна служба евн не известија дека само пола Тетово е без напон и не можат да го исклучат целито електрична енергија за целито град,само можат да иклучат електричната енергија каде што има поплавени куќи или подруми, или кај има искри од бандери што е оштетени од невремото.За ова случај изветен е Командирот на Тппе тетово и рак на РЦУК Тетово Арлинда Мухареми. Исто така, во раазговрос со Командирот на Тппе тетово бара помош од другите надлежни информации,не можат да излезат во пресрет кои се поплавени подруми и куќи.Од ЦУК известен е и заманеик Рак на ДЗС тетово и му е пренесоно дека Тппе Тетово бара помош.На терен активно работат екипи од ЈКП Тетово,Тппе Тетово кои со помош на пумпи вршат испумпање на во на водата од поплавените простории.Од страна на раководителот РЦУК Тетово го има извезтено кризниот штаб тетово на настанот што го опфати Тетово.Подетално инфорамции од ЦУК, интегрално::„Невремето што во попладневните часови го зафати Полошкиот реон и траеше околу 40 минути проследено со силен дожд, град и ветер заврши. Моментално времето е стабилизирано. Како последица на невремето на тел 112 пријавени се огромен број на настани од кои поголем дел се за поплавени подрумски простории, одрони , поплавени подвозници и улици, прекини на ел.енергија паднати дрвја и друго. Моментално екипи на ЈКП Тетово и ТППЕ Тетово интензивно интервенираат во нормализирање на состојбата. Од страна на ЈКП Тетово сме известени дека подвозникот на влезот во Тетово од кај Скопје кој беше поплавен и непрооден сега е прооден и сообраќајот се одвива редовно. Заглавеното возило од ТППЕ Тетово нај истиот подвозник е тргнато. Исто така од страна на ЈКП исчистена е шахтата која го блокираша патот кај касарната во Тетово и истиот патен правец сега е прооден, а исто така и патот од кај спортскиот центар што оди кон касарната од страна на ЈКП е исчистен и прооден. Моментално во Тетово сите патни правци се проодни. Од страна на ЈКП Тетово во најкоро време ќе се интервенира на влезот на општина Желино каде што на подвозникот запушена е шахтата и има насобрано околу два метри вода. Се очекува истиот да биде прооден во наредните часови. Во разговор со шефот на кабинетот на градоначалникот на Општина Желино не извести дека цистерна од ЈКП сеуште не не дојдена и се интервенира со екипа од Комуналното претпријатие од Општина Желино со една пумпа и се очекува на помош да дојде едно возило цистерна од приватна фирма. Засега немаме добиено информации за излевање на вода од реките и потоците во полошкиот регион како што се Доброшка Река, Поројска Река, Пена, Вардар и останатите. Од страна на Раководителот на РЦУК Тетово Арлинда Мухареми сме известени дека раководителот на ДЗС Г-дин Беким Максути формирал екипа за помош на погодените реони во Тетово и околината опремена со пумпи и останата опрема и истите ќе се вклучат во помош во најкраток можен рок. Поради невремето голем дел од Тетово како и околните населени места се без ел.енергија. На сите пријавители на поплавени куќи и подруми од наша страна им е сугерирано да ја исклучат ел.енергија во својот дом за да не дојде до спој и несакани последици се додека не се испумпа водата од полпавените објекти. Во реоните каде што се интервенира од страна на ТППЕ Тетово и ЈКП Тетово во испумпување на водата а каде што има проблеми со ел.енергија ( паднати бандери, искрење и др ) во координација со евн ќе биде исклучена ел.енергија во времетраење на испумпување на водата од објектите. Имаше еден наста од поплавена куќа во Тетово во која слегувајќи по скалите во подрумот сопственичката се лизнала по скалите и се здобила со полесни повреди на главата и крварење на истата. Од наша страна е пријавено на Брза Помош кои интервенираа и на повредената и е укажана медицинска помош. Исто така има пријавено неколку настани за одрони како на патниот правец Скопје Тетово поточно 1 мк до с.Групчин-Општина Желино.Од наша страна известени се Македонија пат и кои рекоа дека ќе пратат екипа за да го исчисти одронот. На патниот правец Гостивар Маврово пријавено е дека има паднато дрво кај Хотел Империјал. Известени за настанот се Македонија Пат кои ќе интервенираат во отклонување на истото. Паднато дрво има и на патниот правец Брвеница Гостивар кај фармата Единство во с.Челопек и искинати се кабли од ел.енергија. Известени се ЕВН како и ПС Жеровјане кои ќе пратат екипа и по пристигнување на местото на настанот ќе не информираат за моменталната состојба. По пристигнување на екипата од ПС Жеровјане добиена е информација дека не се работи за кабел од ел.енергија туку за телефонски кабел кој не претставува опасност по луѓето.Пријава за паднато дрво има и во с.Сараќино-Општина Тетово врз жици на далековод на ел.енергија. Од наша страна известена е дежурната служба на ЕВН на која им е сугерирано да го исклучат целиот извод за да може да се тргне дрвото и санира проблемот со ел.енергија.Од страна на Градоначалникот на Општина Јегуновце Г-дин Димитар Костадиновски сме известени дека во с.Сиричино има поплавено 10 тина куќи подрумски простории и дворови. Истиот бараше помош од ТППЕ Тетово , но поради проблемите настанати во градот ТППЕ Тетово не се во можност да помогнат во реонотна Општина Јегуновце. Моментално ТППЕ Тетово со 15 пумпи и сите расположиви сили интервенира етапно во градот и поради големиот број на пријавени настани не се во можност веднаш да интервенираат на сите места. На пријавителите од наша страна им е сугерирано да имаат трпение.Моментано до сега пријавени поплавени подруми, куќи има од с.Јегуновце, с.Сиричино, с.Желино, ул.Јордан Златаноски, ул. Дервиш Цара, ул.141, ул. Предраг Јанчески, ул.171 ул.146, ул.Мехмет Паша Дерала, ул.151, ул. Фуштанска, ул.Кумановска, ул.Мирче Ацев, ул.Благоја Тоска, Блок 70, ул.118, Населба Тетовчанка и Населба мала Речица сите од Општина Тетово.Во разговор со дежурната служба на ЕВН добиена е информација дека моментално се врши проверка на мрежата и доколку е се во ред ќе се пушти струја“.

Македонија | пред 1 година

(Видео) Македонија доби нова Влада, чиј премиер е Христијан Мицкоски

Со 77 гласови „за“, 22 гласови „против“ и без воздржани е изгласана новата Влада, чиј премиер ќе биде Христијан Мицкоски.Премиерот Христијан Мицкоски кажа дека ова е последна шанса за Македонија да биде повторно горда. Во говорот кажа дека нема да се откаже од враќање на старото име на државата, без придавката „северна“. Говорот му беше поздравен со аплауз.Европскиот фронт предмалку донесе одлука да ја напушти седницата и да не учествува во гласањето за избор на нова Влада предвбодена од мандатарот Христијан Мицкоски.Досегашниот технички министер за внатрешни работи Панче Тошковски е предложен за министер во овој ресор, за надворешни работи и надворешна трговија - Тимчо Муцуски, а за финансии потпретседателката на ВМРО-ДПМНЕ, Гордана Кочоска Димитриеска. Функцијата на заменик претседател на Владата и министер за транспорт треба да ја добие Александар Николоски, во ресоротот одбрана се предлага Владо Мисајловски, а за информатичко општество и дигитална трансформација Стефан Андоновски. Министер за локална самоуправа ќе биде поранешниот директор на ЈП „Водовод и канализација“, Златко Перински.Со новоформираното Министерство за енергетика, рударство и минерални суровини ќе раководи Сања Божиновска, Цветан Трипуновски ќе го добие Министерството за земјоделство, шумарство и водостопанство, Весна Јаневска ќе биде прв човек во образование и наука, кандидат за во Министерството за култура и туризам е актерот Зоран Љутков, а со Министерството за спорт ќе раководи ракометарот Борко Ристовски.Вицепремиерски места ќе имаат и коалициските партнери Социјалистичката партија и Демократската партија на Србите. Љупчо Димовски, претседателот на СП ќе биде вицепремиер и министер за политички систем, а Иван Стоиљковиќ - вицепремиер задолжен за односи со заедниците. Шабан Салиу ќе биде министер без ресор задолжен за интеграција и имплементација на декадата на Ромите.На министерската функција во правда треба да дојде Игор Филков, додека за министер за јавна администрација е предложен Горан Минчев од Движењето ЗНАМ.

Македонија | пред 1 година

(Видео) Ќе ја кажам срамната придавка, немоќен сум во овој момент, ама ќе правам се да го исправам тој срам, порача Мицкоски до СДСМ

Ви благодарам, ќе ги имам на ум во натамошното делување, повеќе како пример како не треба“, вака мандатарот Христијан Мицкоски одговори на критиките од опозицијата на седницата за избор на нова Влада. Тој кажа дека на народот му е доста од препирки помеѓу политичари, па смета дека треба да се посвети само на проблемите кои ги имаат граѓаните. За критиките смета дека се обид за дефокус.„Нападите кои ги слушам овие два дена, се сведуваат на две тези: првата е Преспанскиот договор и вратете го името и второто е Францускиот предлог. Поради клевети СДСМ е двапати осудена, а тоа што не се извинивте е друга работа. Вие не ја научивте лекцијата од граѓаните. Еве ќе ви дадам два совети: првиот е дека со лаги нема да ја вратите довербата од граѓаните бидејќи тие знаат што правевте и зошто ја изгубивте, за да ја вратите треба време, а ние во ВМРО-ДПМНЕ бевме свесни дека треба да му дадеме време на времето. Јас во политичка пензија испратив еден ваш претседател, а вториот е тука се уште политички активен, а следната година по локалните избори ќе треба да бирате и четврти. Изборите ги изгубивте бидејќи играа фудбалчиња вашите коалициони партнери, понижувајќи ве вас, ви се случи Ласкарци, Беса Транс..“, рече Мицкоски.Тој додаде дека неговата рака била подадена и ќе биде за националните интереси.„Втората теза дека за Преспанскиот договор сме викале една работа, сме правеле друга – не само што е страмна, еве уште еднаш да ви појаснам, ваков бугарски договор под ваков диктат, нема да донесе уставни измени додека јас сум премиер. Таа работа како што вие или некој друг ја замислил, не врви. И да ќе ја кажам срамната придавка во заклетвата, бидејќи таа ме потсетува на срамот кој го нанесовте на мојата татковина, моето семејство, децата, и тие по нив. Јас ќе правам се што можам тој срам да го исправам, а во овој момент сум немоќен“, додаде Мицкоски.

Македонија | пред 1 година

Се појавија и свлечишта: внимателно ако возите на патот Скопје-Тетово

Поради обилни врнежи од дожд проследени со град што ги зафатија скопскиот, тетовскиот и гостиварскиот регион на патниот правец Скопје – Тетово – Гостивар наместа има одрони и помали свлечишта и тоа посебно од наплатна станица Глумово до Карпалак и Групчин.„Кај наплатна станица Желино поради големи колчини на вода на самата рампа сообраќајот се одвива споро што доведува до создавање колони.Ги молиме возачите за стрпливост.Апелираме до учесниците во сообраќајот крајно внимателно да управвууват со возилата како и да ја прилагодат брзината спрема условите на патот.Екипите на ЈП за одржување на магистрални и регионални патишта се на терен и работат на расчистување на критичните места и нормализација на сообраќајот“, велат од ЦУК.

Македонија | пред 1 година

(Видео) Поплавени домови во Скопје, падна цела ограда од пешачки мост во Автокоманда, одлетани кровови оштетија автомобили

Од невремето кое вечерва го зафати Скопје во оперативниот центар на ЦУК стигнаа околу 70 пријави од 112 кои претежно се за паднати дрва во општините Аеродром, Гази Баба и Центар. Има и пријави за поплавени подруми и улици во Бутел и Ѓорче Петров. Сите пријави се пренесени на надлежни институции.Дел од оградата заедно со рекламно пано од железничкиот мост во Автокоманда паднале врз две возила во движење. Немаме имформации за повредени лица.Граѓаните јавуваат и за гужви на обиколницата во Скопје, на исклучокот кај Бутел.Невремето направи хаос кај Хотел Хилтон.

Скопје | пред 1 година

Хаос во Тетово: поплавени домови, итно се бара исклучување на струја

Командирот на ТППЕ Тетово бара да биде исклучена струјата во цело Тетово бидејки според него ризикот од струен удар по граѓаните е многу висок поради тоа пто се поплавени подрумските простории на повеќе куќи и објекти.На 112 стигнаа неколку пријави од граѓани за поплавени подруми.Во моментов се воспоставува контакт со ЕВН.

Македонија | пред 1 година

Адвокатски тим бесплатно ќе ја брани жената од Кратово која им пресуди на сопругот и свекорот

36-годишната жена од Кратово која го уби својот сопруг и свекорот доби правна помош и адвокатска канцеларија која ќе ја застапува во случајот и на судскиот процес.,,Сe работи за многу ситна жена која сè уште има траги од критичниот ден. Сметам дека ниедно семејство не треба да го помине ова што го помина обвинетата и нејзините малолетни деца. Ни претстои долга правна битка”, вели адвокатот Христијан Георгиевски.Неколку соседи веќе се пријавиле како сведоци.Адвокатот Георгиевски и неговиот тим веќе побарале комплетна документација за сите досега поднесени пријави од осомничената како и против неа.

Македонија | пред 1 година

(Видео) „Груевски мислеше дека нѐ победи“, Катерина Цаневска раскажа за А1 телевизија и како дознала дека е прислушувана

Катерина Цанеска е еден од најпознатите телевизиски новинари, како и едно од заштитните лица, но и глас на згаснатата А1. Во “Претрес со Ландов” раскажа за моментите пред и по затворањето на најгледаниот медиум. Цаневска посочи дека Груевски само мислел дека ги победил, но во пракса тоа не било така.„А1 во еден период беше блиска со власта, а потоа газдата се закара со раководството на тогашната владејачка партија, а не бевме најомилена, туку најомразена телевизија“, рече Цаневска.Таа раскажа како открила дека е прислушувана.„Добивавме деманти на уште неемитувани вести. И по тоа знаевме дека се прислушувани тие разговори. Тогаш ме прислушуваа на четири телефони, дури и на приватниот преку кој зборував само со мајка ми“, додаде Цаневска. Таа ја опишува А1 телевизија како „чуден феномен“.„Условите беа многу полоши од другите телевизии. Од тој момент, многу падна цената на новинарскиот/снимателскиот труд“, посочи таа.

Македонија | пред 1 година

Израелската војска врзала повреден Палестинец за џип

Војската на Израел соопшти дека нејзините сили го прекршиле протоколот со врзување на ранет Палестинец за предниот дел од нивното возило за време на рација во градот Џенин на Западниот Брег.Израелските одбранбени сили (ИДФ) го потврдија инцидентот откако беше снимен и споделен на социјалните мрежи. Во соопштението на ИД се вели дека мажот бил ранет во размена на оган за време на рацијата, во која бил и осомничениот.Семејството на повредениот вели дека кога повикале итна помош, војниците го однеле мажот, го врзале за хаубата од нивниот џип и се оддалечиле.Лицето на крајот било пренесено на лекување во Црвената полумесечина. ИД најави дека инцидентот ќе се истражува.Очевидци кои разговараа за новинската агенција Ројтерс го идентификуваа човекот како локален жител по име Муџахед Азми.„Утрово (оп. сабота), за време на контратерористичките операции насочени кон фаќање барани осомничени во областа Вади Буркин, терористите отворија оган врз војниците на ИД, кои возвратија со оган“, се вели во соопштението на ИД.„При размена на оган еден од осомничените е ранет и заробен.

Свет | пред 1 година

Подгответе се: Во склоп со екстремно високите температури, доаѓа силно невреме и во Македонија

Екстремно топлото време во Македонија ќе продолжи и овој викенд, па така и температурите ќе бидат без поголеми промени во одност на оние кои ги имавме до вчера. Токму поради ова, апелираме граѓаните без потреба да не излегуваат во најтоплиот дел од денот, односно во периодот од 11 до 17 часот, но и да пијат што повеќе течности.Сепак од друга страна, од денес попладне нашата територија полека ќе подпаѓа под влијание на веќе споменатиот висински циклон кој се разви над Средоземјето. Во овие околности, денес доцна попладне и навечер можна е изолирана појава на нестабилност, проследена со пороен дожд, грмежи, силен ветер и со услови за појава на покрупен град кој би можел да биде со пречник од 2 cм па дури и покрупен.На повеќе места нестабилно ќе биде утре попладне и навечер и со појава на пороен дожд, грмежи и засилен ветер. Поради големата енергија во атмосферата, токму поради повеќе дневниот екстремно топол бран од Африка, локално и на повеќе места процесите ќе бидат во форма на силно невреме, проследено со обилен пороен дожд, силни грмежи и електрични празнења, силен ветер и со појава на крупен град со пречник од 2 cм па дури и покрупен од 2 cм.Апелираме во случај на појава на силно невреме, граѓаните да бидат крајно внимателни и да не се претстојува на отворен простор и под осамени дрвја. Исто така, во случај на појава на крупен град автомобилите да се заштитат.

Македонија | пред 1 година

Две од девојките се во тешка состојба, убиецот на Мартина заврши каде што припаѓа, објави вереникот на загинатото девојче во Грција

Ристе Илијовски, вереник на Мартина Наумовска која загина во тешката несреќа во Грција, се прости од својата сакана. Тој објави дека и нејзините две другарки се во тешка состојба, како и дека лицето кое ја предизвикало сообраќајката е онаму каде што припаѓа.„Со тешко срце и сили сакам да ги известам сите роднини, пријатели, душегрижници, зависници и душмани дека на вчерашен ден во тешка сообраќајна несреќа од страна на грчки душмани животот го одзеде на нашата најчиста душа, мојата вереница, мојата душа и човек со најголеми човечки особини кој денешно време никој ги нема, Мартина. Нема зборови со кои можам да ви опишам која карпа од човек е ова чупе, чекаме да се разбудиме од овој сон, не остави сите кога најмалку требаше, Господ ни го зеде ангелот кој со пари не се купуваше а повеќе не припаѓа на овој свет“, пишува Илијовски.Во името на фамилијата на загинатата Мартина и неговата, се прости од девојката.„Им посакувам опоравување на другите 3 девојки од кои две се во тешка состајба а за оној кој несовесно ја постигна оваа трагедија и то уби нашето чупе заврши онаму каде што припаѓа. Мартина, ти си нешто што со зборови не се опишува, нема збор во нашиот речник со кој можам да те опишам, храбра а толку мека, не бараше ништо освен љубов и внимание, најубава мистерија која некогаш постоела на овој свет, sвезда која ќе сјае на небото, ангел кој ќе сјае во рајот!Почивај во мир душо моја најсакана!“, додаде Илијовски.

Коментари | пред 1 година

(Фото) Во Скопје, „Парада на гордоста“: марш, па забава на Стадионот на АРМ

Стотици учесници дојдоа на овогодинешната „Парада на гордоста“ која се одржа во Скопје.Пораката која ја испратија е „спектакуларно непослушни“, а обраќања имаа претставници на организаторите, родители на ЛГБТ лица, претставници на феминистките.Од Жена парк се маршираше преку Илинденска до Стадионот на АРМ. Таму ќе има забава.

Скопје | пред 1 година

Тешко на Скопје: Приватните автобуси во гаража, ЈСП нередовен - одново проблем со јавниот превоз откако Арсовска го води градот

Приватните автобуси во понеделник ќе бидат паркирани во гаражите, возачите нема да возат, а главниот град ќе остане без превоз, бидејќи приватниците тврдат дека не добиле пари од месец јануари.Дел од нив за медиумите тврдат дека долгот се зголемил на повеќе од 140 милиони денари, а надлежните никако да го решат проблемот.Револтот кај приватните превозници е чест откако Данела Арсовска стана градоначалничка на Скопје. И во текот на изминатата година тие протестираа и бараа да им се платат парите кои им ги должат, а Арсовска се контраше и велеше дека не должи ништо.Граѓаните речиси 2 години се жалат од јавниот превоз оти автобусите се нередовни, а кога доаѓаат се преполни со патници.Протестот на приватните превозници доаѓа во време кога ЈСП намалува број на автобуси низ скопските улици, укинува линии, а некогаш дел од автобусите иако стојат во распоред, не се обраќаат на релациите.

Скопје | пред 1 година

Мицкоски: Државата е во клиничка смрт, не барам сто дена меден месец туку најавувам фуриозен почеток на инвестиции и реформи

Од она што го дознаваме за состојбите во државата, ситуацијата е рамна на клиничка смрт во повеќе клучни области, девастирана до мера на непрепознатливост каде институциите се доведени пред буквална пропаст и незапаметена нефункционалност. И за се ќе биде известена јавноста, изјави претседателот на ВМРО-ДПМНЕ, Христијан Мицкоски во експозето како мандатар за новата влада на денешната собраниска седница.Мицкоски додаде дека ова не го говори како изговор туку дека одлучно ќе се одговори, затоа што оваа генерација нема опција за неуспех и заедно ќе мора да направиме големи чекори напред.- И затоа нема да барам никакви 100 дена меден месец, туку најавувам фуриозен почеток на проекти и нови инвестиции веднаш. Впрочем немавме ниту една секунда изминатиов период. Веќе во вторник најавувам нова инвестиција над 400 милиони евра, потоа ќе ги намалиме даноците, покачиме пензиите, ќе обезбедиме пари за капитални проекти. Доста времето се трошеше на измислени теми, и етнички прашања, време е да се засукаат ракавите решат проблемите и ова да биде влада на економија и развој. Тоа го сакаат сите, истакна Мицкоски.Мицкоски потенцираше дека носечка цел е да се обнови довербата во институциите на државна власт, да се елиминира корупцијата и да се обезбеди владеење на правото.Централно место во нашата животна мисија е економското заживување. Ќе започнеме нов силен циклус на економски раст, поттикнат од стабилни јавни финансии. Поддршка за конкурентен приватен сектор и значајни инвестиции во иновациите и во информатичката технологија. Нашата цел е да создадеме продуктивни и добро платени работни места, да ја намалиме невработеноста и да поттикнеме средина каде што бизнисите можат да се развиваат, рече Мицкоски.

Македонија | пред 1 година

Четири лица повредени, меѓу кои и деца: возач удрил во нивното возило и избегал

На 21.06.2024 во 20.10 часот во СВР Скопје било пријавено дека на локалниот пат за с.Глумово, скопско, се случила сообраќајна несреќа помеѓу патничко возило „фолксваген голф“, кое го напуштил местото и патничко возило „ауди“ со скопски регистарски ознаки, управувано од Б.Љ.(27) од Скопје, кое потоа излетало надвор од коловозот.Во несреќата со тешки телесни повреди се здобила сопатничката Ш.Љ.(49) од Скопје, додека останатите тројца сопатници, меѓу кои двајца малолетници, сите од Скопје и 27- годишната Б.Љ. се здобиле со телесни повреди констатирани во Комплекс клиники „Мајка Тереза“ Скопје.Извршен бил увид од увидна екипа од СВР Скопје.

Скопје | пред 1 година