ТОП

Метео-предупредување: од пладневните часови на повеќе места врнежи, грмежи и засилен ветер – постои опасност од посилно невреме и поројни поплави

Денес од пладневните часови на повеќе места низ Македонија атмосферата значително ќе се дестабилизира, што значи ќе има развој на нестабилна облачност, проследена со пороен дожд, грмежи и засилен ветер.Атмосферата поради високите температури, спарното време и топлиот бран од југ е многу загреана и исполнета со многу енергија, па така локално, особено во западната половина од државава, Пелагониско, како и во делови од северните предели, но и во Скопскиот регион ќе се создрадат услови за по силно невреме, проследено со обилен пороен дожд за кратко време кој може да предизвика локални поројни поплави, силен ветер, силни и чести електрични празнења, како и со појава на граад кој би можел да биде по крупен.Во случај на појава на невреме и на силни електрични празнења препорачуваме голема внимателност, односно да не се претстојува на отворен простор и под осамени дрвја. Исто така во случај на појава на силен ветер и по крупен град, автомобилите да се заштитат.Температурите денес ќе се искачуваат во интервалот од 23 до 30 степени, во Скопје до околу 28 степени.

Македонија | пред 1 година

Се огласија од Владата на Република Македонија: Граѓаните да не наседнуваат на измамата и да не внесуваат лични податоци на веб страната

Ја информираме јавноста дека Владата на Република Северна Македонија НЕМА испратено СМС и други пораки во кои нуди надомест. Во конкретниот случај кој се појави во изминатите часови (прикажан на сликите подолу), станува збор за смишинг и фишинг измама која е пријавена и по која соодветните служби веќе постапуваат.Доколку граѓаните добијат или веќе добиле порака со ваква или слична содржина во која се посочува Владата како испраќач, истата треба да ја сметаат за лажна и да не кликаат ниту на дадените линкови, ниту да одговараат на пораките кои ги добиле.Апелираме до граѓаните да не наседнуваат на лажни пораки од странски телефонски броеви и мејлови и да не ги даваат личните податоци. Граѓаните треба да бидат внимателни и одговорни околу своите лични податоци, односно да не ги споделуваат и разменуваат со непознати лица, како и со лица на кои не може однапред да им се утврди идентитетот.

Македонија | пред 1 година

Европската комисија бара Скопје и Атина да се придржуваат до Преспанскиот договор

Европската комисија, во изјава за „Еурактив“ ги повика Скопје и Атина да се придржуваат до Договорот од Преспа и да ги спроведуваат неговите одредби.Портпарлот на Комисијата изјавил дека билатералните договори треба да се спроведуваат со добра волја од двете страни.„Добрососедските односи и регионалната соработка остануваат суштински за процесот на проширување. Постојните билатерални договори треба да се спроведуваат со добра волја од сите страни, вклучително и Договорот од Преспа меѓу Северна Македонија и Грција“, изјави портпаролот.Дипломатскиот проблем настана кога новата претседателка на Северна Македонија, Гордана Сиљановска Давкова, на инаугурацијата, при читањето на свечената изјава одби да го користи официјалното уставно име на земјата, но документот сепак го потпиша како претседател на Република Северна Македонија.

Македонија | пред 1 година

Трагедија на автопатот Куманово - Скопје: има загинат, но и повредени

Едно лице загина, а две се повредени во сообраќајна несреќа што вчера попладне се случила на автопатот Куманово-Скопје во атарот на Агино Село, информира Министерството за внатрешни работи.Сообраќајката се случила околу 15 часот, кога автомобил во кој се превезувале три лица излетал од автопатот.Во несреќата починало едно лице, додека другите две со тешки повреди се пренесени на лекување.„Околу 15.00 часот во СВР Куманово било пријавено дека на автопатот Скопје – Куманово, атар на Агино село, кумановско, патничко возило „субару импреза“ со кумановски регистарски ознаки, управувано од И.А. (64) од Куманово, излетало од коловозот. Од здобиените повреди на местото на несреќата починал сопатникот Б.Н. од Куманово, а лекар од Итна медицинска помош Куманово констатирал смрт. Возачот И.А. и сопатничката Д.Н. се здобиле со телесни повреди констатирани во Општа болница Куманово. Извршен бил увид од увидна екипа на СВР Куманово и јавен обвинител, по чија наредба телото на починатиот било предадено на обдукција“, соопшти МВР.

Македонија | пред 1 година

Уапсениот поради Кацарска: Ниту сум викал, ниту сум имал намера некого да допрам

Македонецот Мајк В. Поп Гинов кој живее во Шведска, е лицето кое беше приведено за загрозување на сигурноста на уставната судијка Добрила Кацарска. Тој бил приведен откако и кажал „ќе одговарате“, но за „Скопје1“ тврди дека ниту викал, ниту имал намера да ја допре. Посочува дека сѐ се случувало во трговскиот центар „Рамстор“, каде случајно влегол откако бил на самитот „Македонија 2025“.„Влегов во Рамстор каде што ме чекаа две блиски пријателки. Кога се приближив до нивното сепаре пред да седнам, приметив дека возрасна жена во соседното сепаре упорно зјапа во мене. Ја препознав ,тоа беше претседателот на уставниот суд Кацарска ,според мене една од нај корумпираните и лојални судии на квислингот Заев и ДУИ заради која големи Македонски синови се осудени на долгогодишни робии. Мојата пријателка Наде Дуклеска дури го одбрани магистерскиот труд по право на тема 27ми април елаборирајќи како е нарушено човечкото право на македонските уставобраниели. Најмалку што можев беше да и кажам: "ЌЕ ОДГОВАРАТЕ" по што си седнав во сепарето. Дотичната го викна личното обезбедување кои ми ги покажа беџовите на МВР со образложение дека ќе мора да ме идентификуваат“, вели уапсениот за „Скопје1“.Тој е дециден дека намера за физичка пресметка ниту иимало, ниту има.„Ниту сум викал, ниту сум имал намера некого да допрам.. дури мојата пријателка не ме слушнала што сум кажал, а беше по блиску до мене отколку Кацарска. Госпоѓата изгледа си ја има "мувата на капата" па паничеше без потреба. После разбрав дека пред 3 дена имала некаква закана ...па најверојатно поради тоа“, додава Мајк В. Поп Гинов за „Скопје1“.Прашан зошто го направил чинот кон Кацарска, тој додава: „Мојата намера е да им се даде до знаење дека Македонија не им се плаши, сакаме правда и Европско судство. Корумпираните треба да одговараат“.Посочува дека не е насилник.„Во полициската станица бев задржан неколку часа, а еден од инспекторите помеѓу другото ме праша дали знам дека таа е трет човек во државата ,на што му одговорив дека секој треба да одговара пред законот подеднакво и никој не смее да злоупотребува државна позиција, напротив, одговорноста на државните функционери треба да биде поголема бидејќи се платени од граѓаните и треба да работат во интересот на Македонските граѓани. После некое време бев пуштен со напомена дека ќе бидам кривично гонет според член 144 став 4 . Ова го пишувам заради сите мои блиски пријатели кои беа загрижени заради лажните пишувања на многу соросоидни портали во кои се спомнува дека сум бил насилник, физички сум ја нападнал дотичната ,сум викал итн. Ги повикувам сите тие портали јавно да се извинат во спротивно утре поднесувам тужба!“, додава тој.Настанот се случи во петокот, во центарот на Скопје.

Македонија | пред 1 година

Обид за физички напад врз Кацарска, претседателката на Уставниот Суд

Шефицата на Уставниот суд Добрила Кацарска денеска е нападната во трговски центар во Скопје.Лицето од Богданци прво викал и се дерел дрка ќе одговара, а потоа се приближил до масата покрај која седела со уште една жена.Во еден момент обезбедувањето проценило дека постои ризик за директен физички напад и веднаш го отстраниле лицето и повикале полиција која го привела во станица.Од полицијата потврдуваат дека лицето е од Богданци приведен и ќе одговара за загрозување на сигурноста.Ова се случува само три дена по инцидентот во нејзината гаража во која и беше оставен кревет и забоден кујнски нож.

Македонија | пред 1 година

УКИМ започнува со чествувањето на 75 годишниот јубилеј и Денот на Кирил и Методиј

Од денеска до 23 мај Универзитетот „Св. Кирил и Методиј“ организира низа свечености по повод 75 годишнината од основањето.Претпладнево, во Ректоратот ќе бидат доделени наградите на надјобрите дипломирани студенти за учебната 2022/2023 година и наградата „26 јули“ од средствата на Фондацијата „Франк Манинг“ за учебната 2022/2023 година.За утре вечер е предвидена Свечена академија во Македонската филхармонија на која ќе се обратат ректорката на Универзитетот, Биљана Ангелова и претседателот на Универзитетското студентско собрание, Александар Николовски, а ќе биде прикажан и филмот „УКИМ – 75 години академска извонредност“, по што следува уметничкиот дел од програмата.На 22-ри и 23 мај ќе се одржат тркалезни маси во Ректоратот. На 23 мај ќе биде положено и цвеќе на споменикот на Кирил и Методиј по повод Денот на светите Кирил и Методиј – патрониот ден на Универзитетот, 24 Мај.

Македонија | пред 1 година

Времето денеска: Дожд и температури до 27 степени

Метеоролозите најавуваат за денеска променливо облачно време со повремени локални врнежи од дожд.Попладне на повеќе места ќе биде нестабилно со пороен дожд и грмежи локално во форма на краткотрајно невреме со интензивен пороен дожд, силен ветер и изолирана појава на град.Температурите ќе се движат до 27 степени.Утре времето ќе биде сончево и топло со мала до умерена облачност. Попладне ќе има локален развој на нестабилна облачност со пороен дожд и грмежи, наместа со услови за појава на краткотрајно невреме. Ќе дува умерен до засилен ветер од југоисточен правец.До крајот на мај ќе се задржи значително топло време со макасимални температури кој ќе бидат околу просекот и ќе се искачуваат во интервалот од 23 до 30 степени, но и понатаму се најавува можност за голема нестабилност.

Македонија | пред 1 година

Нема фотографија

(Видео) Торнада ја погодија Оклахома

Нeколку торнада се формираа низ американската сојузна држава Оклахома вчера вечерта, вклучително и едно што помина низ Оклахома Сити. Засега не се знае колкава е штетата и нема информации за повредени, пишува News9.Претходно во вечерните часови беа пријавени торнада на западот на државата. Првиот се појави во округот Роџер Милс, а следниот во близина на Кастер Сити.?si=Wnn1hwXWtMvSe1qV

Свет | пред 1 година

Први слики од местото на падот на хеликоптерот на иранскиот претседател: Авионот се срушил на стрмна падина, се е целосно изгорено

Иранскиот претседател Ебрахим Раиси и министерот за надворешни работи Хосеин Амир Абдолахиан загинаа во хеликоптерска несреќа, беше потврдено утрово.Хеликоптер со девет лица налетал на неволја во густа магла додека се враќале од патување до иранско-азербејџанската граница, соопштија иранските власти во неделата.По несреќата, биле организирани повеќечасовни операции за пребарување и спасување со помош на Европската унија и Турција, меѓу другите, но екипите за итни случаи беа отежнати поради маглата и ниската температура.Објавени се првите фотографии од местото на несреќата.https://x.com/MiddleEObserver/status/1792402762099228856

Свет | пред 1 година

Нема фотографија

Мицкоски: Своето не го даваме, туѓо не сакаме, ќе водиме принципиелна политика со соседите

Лидерот на ВМРО-ДПМНЕ Христијан Мицкоски најави принципиелна политика со соседите.,,Како идна Влада, коалицијата „Твоја Македонија“ ќе се залага за принципот-своето не го даваме, туѓото не го сакаме. Нема да се прават избрзани чекори, кои можат многу да ја чинат државата.Мора да сме трпеливи, мора да сме попаметни, тројно попаметни од сите и помудри, затоа што само така можеме да опстанеме во круг на многу предатори кои што верувајте не сакаат да ја видат Македонија успешна, не сакаат да ја видат Македонија просперитетна, среќна, Македонија полна со граѓани кои што се задоволни. Тоа го видовте уште во првите денови кога ние не бевме се уште разбудени од оној историски резултат на 8 мај, а веќе почнаа страстите да се вжештуваат, но не само наоколу туку и дома”, рече Мицкоски.Мицкоски отфрли какво било беспотребно иритирање кон соседите, напоменувајќи дека сепак треба да се почитува елементарното човеково право кое е загарантирано.,,Што се однесува до меѓународната политика нема никогаш да не видите како коленичиме, како се вовлекуваме или како се понижуваме самите себе. Имав можност изминативе години да среќавам светски авторитети од Вашингтон преку Брисел и Берлин и останатите светски важни главни градови. Ништо повеќе за мене не е инспиративно отколку овој преубав македонски народ и ова преубава наша македонска држава, така што ќе имаме и кон нив една политика која што ќе се темели на аргументи, бидејќи никогаш не се плашиме да ги вкрстиме нашите аргументи со аргументите на нашите соговорници””, изјави лидерот на ВМРО-ДПМНЕ.

Македонија | пред 1 година

Кој ќе се офајди од прегласувањето во среда, ЛДП, Вреди, ВМРО-ДПМНЕ или ДУИ ќе остане на исто

Во среда, на 22 мај ќе се исцрта комплетната слика и ќе се знае кој колку дефинитивно добива од изборниот парламентарен колач.И покрај жестоките реакции, па дури и закани од досега неприкосновените ДУИ и Али Ахмети, може да се случи да загубат двајца пратеници и да останат трета партија со 17 пратеници.Управниот суд ги отфрли како неосновани сите седум тужби на Европскиот фронт кои беа поднесени против решенијата на Државната изборна комисија.Ќе се прегласува на седум избирачки места, односно шест во петтата изборна единица – на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во изборната единица 6 на избирачкото место 2101 во Општина Желино.Кампањата за повторното гласање ќе трае до понеделник, до 00:00 часот.Вкупниот број на запишани гласачи на шесте избирачки места во ИЕ 5, каде ќе се прегласува е 3.521 избирачи, што може да влијае на промена на резултатот.Според математиките, доколку коалицијата на ВМРО-ДПМНЕ освои 300 гласови повеќе од резултатот на 8 мај, тогаш таа партија може да го добие единаесетиот мандат, на сметка на ДУИ кои би го изгубиле четвртиот мандат во оваа изборна единица.Бројчано поголеми се шансите за мандат на кандидатот од ЛДП, од коалицијата со СДСМ, доколку неговата коалиција освои 110 гласови повеќе од сегашниот резултат, тогаш пратеник би станал Боби Мојсоски, а би отпаднал Исмаил Јахоски од ДУИ.Според сегашната состојба, мандат добија тројца од СДСМ, четворица од ДУИ, 10 од ВМРО-ДПМНЕ, и по еден од Левица, Вреди и Знам.ДУИ во 6-тата изборна единица освои 9 мандати наспротив 7 на Вреди, но доколку разликата на ова избирачко место се зголеми за дополнителни 80 гласа, тогаш Вреди ќе добие уште еден мандат и ќе се изедначат со по 8 пратеници.

Македонија | пред 1 година

Утврдени сите детали: Заврши истрагата за луѓето на Палчо кои признаа вина за убиствата на Вања и Панче

Скопската обвинителка Жаклина Крстевска-Јосифовска ја заврши истражната постапка и е на пат да покрене обвинение против сите осомничени во случајот за убиствата на 14-годишна Вања Ѓорчевска и Панче Жежовски. „Скопје1“ дознава дека решенијата се доставени до сите освен Љупчо Палевски-Палчо поради тоа што тој треба да даде исказ пред обвинител, па да се донесе решение. Влатко Кешишов, Велибор Манев и Боре Видевски остануваат со статус на осомничени лица за сторени кривични дела убиство, помагање, грабнување. Статус на осомничено лице добива и Александар Ѓорчевски, татко на убиената Вања, за кого обвинителката тврди дека дал информација за траекторијата и времето на движење на неговата ќерка.Според наши извори, обвинителката Крстевска-Јосифовска ги утврдила сите траеоктрии на движења на Љупчо Палевски-Палчо, Влатко Кешишов, Велибор Манев и Боре Видевски како лица кои се гонат за сторување на грозоморните убиства.Обвинителката Крстевска-Јосифовска ги утврдила и дејствијата на сите осомничени ги презеле за убиството на Вања, како и на Панче Жежовски.Во случајот со Вања, како што пишуваше „Скопје1“ и претходно, истрагата утврдила дека Палевски давал насоки на Кешишев, Манев и Видески, со автомобилот на претходно убиениот Панче Жежовски од Велес да одат пред зградата на Вања и да ја грабнат. Таа се симнала со лифт, кога ја зграбиле, ја врзале и ставиле во вреќа за спиење и ја изнеле низ влезот, па ја ставиле во бажаникот на украдениот автомобил марка „цитроен“.До овој момент, според истрагата, го нема Палевски, кој по кратко време се среќава со осомничените, кои во багажниот дел ја носат сега убиената Вања Ѓорчевска. Одат во Бразда, во место кое има див пат до лозја, викендици и дива депонија. И тука се случува убиството. Шефот на скопското Обвинителство, Гаврил Бубевски, на прес-конференција посочи дека куршумот го испукал Палевски.Извесно е дека по сослушувањето на Палевски, и анализа на доказите, обвинителката ќе ја заврши истрагата и за Палевски, по што ќе биде дел од обвинението заедно со останатите осомничени.Освен вербални докази, Обвинителството со помош на МВР дојде до низа снимки кои откриваат детали од планот, а во корелација, ја даваат целата слика за убиството на Вања, но и за убиството на Жежовски. Притоа, има признанија на вина.14-годишната Вања беше пријавена за исчезната на 27 ноември, а велешанецот Панче на 24 ноември. Нивните тела беа пронајдени на 3 декември. Во врска со двата случаи, осомничени се петте лица, од кои тројца (Влатко Кешишов, Велибор Манев и Боре Видевски) признаа вина.

Македонија | пред 1 година

Изјавата предизвика бура по спектаклот: „Неговата земја е во војна, затоа победи“

Изјавата на Тајсон Фјури, британскиот боксер, предизвика бура откако беше поразен од Украинецот Александар Усик во борбата за шампионската титула во тешка категорија.Украинецот му го нанесе првиот пораз на Фјури, чија изјава по натпреварот предизвика хаос.„Усик победи неколку кола, но убеден сум дека победив повеќе. Неговата земја е во војна, а луѓето генерално се на страната на оние кои се во војна. Верувам дека победив на овој натпревар“, изјави Фјури.Судиите гласаа 2-1 за Усик. Два гола за Украинецот (114-113 и 115-112), а еден за Фјури (114-113).Усик сега ги има појасите во верзии на ВБА, ВБЦ, ИБФ, ВБО (како и помалку важниот ИБО), титулата на списанието „Ринг“, како и титулата линеален шампион на светот.

Свет | пред 1 година

Поплави и пожари во Охрид: поројниот дожд бил пресилен, колекторскиот систем не можел да ја прими целата вода

Поројните локални дождови имаше на повеќе места во државата. Регионалниот ЦУК Охрид, известува дека по добиени пријави на граѓани во ЦУК за поплавување на подруми и гаража на две куќи на ул. „Стив Наумов“, во Охрид,од страна на Општина Охрид е контактирано со ЈП „Нискоградба“ и ЈП „Колекторски систем“ дека колекторскиот систем не можел да ја прими во целост количината на вода која поради обилните врнежи од дожд, бидејќи во тој период на пороен дожд количината вода била голема. За кратко време состојбата е санирана.Потсетуваме за голема внимателност при појава на локалните нагли метео промени и особена внимателност при грмежите и молњите, односно при силните електрични празнења: да не се престојува на отворен простор и под осамени дрвја. И секако да потсетиме за внимателно возење, особено на патиштата низ котлините, речните долини и клисурите, каде што има можност од појава на помали одрони при вакви променливи метео услови. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.

Охрид | пред 1 година

Ќе има ли средба Сиљановска-Радев: претседателката ќе патува во Рим

Претседателката Гордана Сиљановска-Давкова заминува за Рим на 24. мај за чествување на св. Кирил и Методиј, но, целата агенда на делегацијата се уште не е готова. Од Кабинетот за „Скопје1“ велат дека дел од средбите се дефинирани. Но не е, евентуалната средба со бугарскиот претседател Румен Радев.„Претседателката Гордана Сиљановска Давкова следната недела ќе ја предводи македонската државно-црковна делегација во посета на Ватикан и Италијанската Република по повод манифестацијата „Македонија во чест на Св. Кирил“, каде е предвидена аудиенција кај Поглаварот на Римокатоличката црква, Неговата светост Папата Франциск и средба со италијанскиот претседател Матарела“, велат од Кабинетот.Прашани дали веќе има договорена средба со Радев, тие одговорија: „Подготовките и деталите за агендата на посетата се во тек и се утврдуваат, по што јавноста ќе биде информирана“.Очите на јавноста се вперени во оваа средба, поради уставните измени кои преку францускиот предлог и преговарачката рамка ги бара Бугарија. ВМРО-ДПМНЕ кажа дека под бугарски диктат - вакви уставни измени нема да има. Сепак, од нив зависи дали ќе продолжат преговорите на Македонија со ЕУ.

Македонија | пред 1 година

(Видео) Водоскоци од скопските шахти, наместо аспровирање на водата - невреме во Скопје

Големо невреме во Скопје, а дел од улиците се и поплавени. Поради поројните дождови, од водоскоци излегуваат од шахтите, кои всушност, треба да ја апсорвираат.Таква е сликата во Чаир, каде улиците се буквално - поплавени.Невремето трае веќе еден час.

Скопје | пред 1 година

Ахмети се налути, ги обвини СДМ и ВМРО-ДПМНЕ за договор за прегласувањето во седум избирачки места

ДУИ се незадоволни од одлуката на Управниот суд кој ги одби нивните жалби за прегласување на седум избирачки места на 22 мај. Со ова прегласување има можност ДУИ да загуби два пратеника.На итна седница на Претседателството одлучиле да одржат состаноци со другите партнери од Европскиот фронт па ќе ги соопштат следните чекори.По тричасовниот состанок соопштија дека е направена неправда кон нивната коалиција.Лидерот на ДУИ, Али Ахмети вели дека тие се победници на изборите на 8 мај, но се прават договори кои се на штета на Албанците и кои ќе ги нарушат меѓуетничките односи. Повторното гласање во неколкуте изборни единици, според Ахмети има ризична позадина, но тој вели дека нема дозволат да се реализира стратегија за содавање тензии.Сите политички акробации, тајни договори во подруми се неприфатливи и казниви затоа што се шминкаат чекор по чекор и не треба да се толерира.Ги снаеме сите детали за доховорите во црвените подруми. Во иднина ќе ги изнесеме детално сите договори”, предупреди Ахмети.

Македонија | пред 1 година

На 22 мај ќе се прегласува на 7 избирачки места, висат два мандати на ДУИ

На 22 мај( среда) ќе се прегласува на 7 избирачки места. Прегласувањето може да го смени резултатот во ИЕ 5 и ИЕ 6И. Се работи за два пратеника кои првично ги доби ДУИ, но по прегласувањето може да ги загуби. Ќе се гласа на едно избирачко место во селото Ларце, Желино кое е дел од шестата изборна единица, како и во шест избирачки места во Крушево, Долнени, Струга и Охрид, кои се во ИЕ 5.Во прашање се два мандати на Коалицијата „Европски фронт“ еден во петката кој на 8 мај му припадна на четвртиот на листата Исмаил Јахоски, а сега може да го добие СДСМ и еден во шестката кој го доби Фатмире Исаки која беше на деветтото место и мандат кој би припаднал би припаднал на Коалицијата „Вреди“.Во петката, сепак има три опции:ДУИ да го задржат пратеничкиот мандат, но и да го добијат или СДСМ или ВМРО ДПМНЕ.

Македонија | пред 1 година

Бебе почина во Охрид: било неконтактибилно, случајот кај полицијата

Вчера во СВР Охрид, пријавено е дека во 8.10 часот во Општа болница во Охрид починало деветмесечно бебе.Тоа било донесено со Брџа помош, но било неконтактибилно.Ова е втор смртен случај на бебе во Охрид за краток период. Во мај почина седуммесечно бебе од Вевчани во специјалната болница за ортопедија и трауматологија „Св.Еразмо“.

Охрид | пред 1 година

Вработената во МВР која правела измами има 41 година: ветувала социјални станови, им барала по 12.000 евра по стан

Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело – Измама според член 247 став 4 во врска со став 1 од Кривичниот законик.Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови.На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација.Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите.Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа.

Македонија | пред 1 година

Првите кадровски решенија на Сиљановска: кои се новите лица на челни функции

Претседателката Гордана Сиљановска Давкова ги има првите кадровски решенија за во Вила Водно. Досегашниот генерален секретар Миле Бошњаковски и неговите заменици Билјана Радева и Тоше Зафиров се разрешени од функциите. Од Кабинетот на претседателката Сиљановска за „Скопје1“ велат дека нов генерален секретар е Ѓорги Божинов, а заменик Горан Момироски. Божинов, според неговата биографија е правник кој работел на повеќе позиции во Министерството за земјоделие пред да отиде во Вила Водно.„Генералниот секретар Ѓорги Божинов е дипломиран правник со речиси тридецениско работно искуство во областа на правото во земјоделскиот сектор, законодавната и институционалната рамка, процесите на јавни набавки, корпоративно советување, програмите за финансиска поддршка, државна помош, како и примена и хармонизација на легислативата на Европската Унија во овие области. Претходно, Божинов својата кариера во областа на правото ја остварува на раководни административни позиции во Министерството за земјоделство, шумарство и водостопанство“, велат од Кабинетот за „Скопје1“.Момироски, е познат за јавноста. Тој долги години е дел од медиумскиот свет.„Заменик генералниот секретар Горан Момироски е дипломиран новинар со долгогодишно работно искуство во повеќе медиуми во земјава, меѓу кои МТВ, А1 ТВ, ТВ Канал 5, МИА, Телевизија Алфа, а соработувал со голем број меѓународни организации и медиуми во регионот. Во текот на бегалската криза во 1999 година и на воениот конфликт во 2001 година Момироски бил шеф на одделот за комуникација при Високиот комесаријат за бегалци на Обединетите Нации, а работел и како регионален координатор за комуникации на Меѓународниот комитет на Црвениот крст“, додаваат од Кабинетот на Сиљановска.Побаравме детали и за други кадровски решенија како што се шеф на протокол, аѓутант, нови лица во Секторот за односи со јавност.„Во однос на други кадровски решенија, јавноста ќе биде навремено известена“, додаваат од кај Сиљановска.

Македонија | пред 1 година

Три возила се судрија кај Кичево: малолетничка со тешки повреди, а уште четири лица се во болница

На 17.05.2024 во 22.55 часот во ОВР Кичево било пријавено дека на регионалниот пат Кичево - Осломеј се случила сообраќајна несреќа помеѓу патничко возило „фиат“ со кичевски регистарски ознаки, управувано од С.Д.(18), патничко возило „фолксваген пасат“ со кичевски регистарски ознаки, управувано од Д.Д.(33) и патничко возило „ауди“ со кичевски регистарски ознаки управувано од В.Х.(59), сите од Кичево.Во несреќата со тешки телесни повреди се здобила малолетна сопатничка од патничкото возило „фиат“, а со телесни повреди се здобиле возачот и уште еден малолетен сопатник, возачот на патничкото возило „пасат“ и неговиот сопатник Ќ.Р.(30) од с.Туин,кичевско, констатирани во Медицинскиот центар Кичево.Извршен бил увид од увидна екипа на ОВР Кичево.

Македонија | пред 1 година

Мицотакис до Македонија: Ќе создадете проблеми, името ви е и за внатрешна употреба

„Ќе ги чекаме официјалните ставови на владата на Северна Македонија, но првите впечатоци се крајно негативни. Во основата на договорот од Преспа беше концептот на едно име, она што ние го нарекуваме ерга омнес, името Северна Македонија да важи за сите, односно да се користи и во странство и во земјата“, изјави премиерот Киријакос Мицотакис во денешно интервју во емисијата „Викенд од 6“ на ЕРТ, одговарајќи на прашање за прашањето поврзано со Договорот со Македонија.„Да потсетам дека не гласавме за договорот од Преспа затоа што изразивме силна резерва за тоа дека со овој договор се гарантира македонскиот етникум и македонскиот јазик. Тоа беше главната причина. Но, за прашањето за името има многу јасно назадување и сакам уште еднаш да испратам порака за предупредување до новата влада да ја смени својата линија отсега па натаму, да ја почитува оваа централна одредба од договорот од Преспа, само да го користи името Северна Македонија во и надвор од земјата, кога се споменува нашиот северен сосед. Во спротивно, сигурно е дека ќе создадат проблеми не само во односите на Грција со Северна Македонија, туку и во односите на Европа со Северна Македонија“, нагласи тој.На прашањето дали има намера да го раскине договорот, тој истакна:„Она што сигурно ќе го направиме е дека нема да ги донесеме на ратификација трите меморандуми произлезени од договорот и сега нашиот став да ја одложиме оваа ратификација е целосно оправдан бидејќи долго време видовме што се случуваше во Северна Македонија. Го слушавме ова вмровски националистичко лудило, знаевме дека ВМРО ќе победи на изборите и сакавме да задржиме некое вистинско преговарачко оружје во случај работите да не одат како што некои очекуваат. Втората работа што ќе ја направиме е - апсолутно ќе ставиме до знаење дека никаков напредок во овој долг марш на Скопје кон Европа не може да се постигне без целосно почитување на договорот од Преспа за прашањето за името.“

Свет | пред 1 година

Убиецот од Стајковци кој со шипка ги утепа братот и снаата, доби притвор

Јавен обвинител од Основното јавно обвинителство Скопје до Основниот кривичен суд Скопје достави предлог за определување мерка притвор за лице осомничено дека сторило кривични дела – Убиство според член 123 став 2 точка 2 од Кривичниот законик.Против лицето беше поведена истражна постапка откако на 14 мај, при вршење семејно насилство, во семејниот дом во Стајковци, тој со умисла ги лиши од живот својот брат и снаата.Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди.По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка.

Македонија | пред 1 година