ТОП

МВР расветлува нов криминал: Возило на Шеваљ било незаконски регистрирано

Дисциплинска одговорност за службено лице кое извршило регистрација на моторно возило без присуство на сопственикот и три лица кои не ги констатирале пропустите во станицата за технички преглед.Одделот за внатрешна контрола, криминалистички истраги и професионални стандарди, достави известување до јавното обвинителство и изготви предлог за утврдување дисциплинска одговорност против лицето Р.И. на работно место референт во станица за технички преглед.„Одделот за внатрешна контрола, криминалистички истраги и професионални стандарди при МВР, постапувал по известување доставено од страна на Одделот за криминалистичка полиција, според кое постапувале по наредба на Основен кривичен суд за одземање на моторно возило сопственост на лицето Ф.Ќ. од село Грчец. При проверките од нивна страна било констатирано дека возилото е регистрирано во отсуство на сопственикот, односно со временски период, во кој според проверките, лицето Ф.Ќ. било надвор од границите на државата. Согласно проверките направени од страна на надлежните служби констатирано било дека од страна на службено лице Р.И. – референт на Станица за технички преглед лоцирана во Сарај – Глумово, била извршена регистрација и промена на регистарските таблички на моторното возилото, во отсуство на сопственикот, со што Р.И. извршил потешко кршење на работниот ред и дисциплина и постапил спротивно на Законот за возила и Правилникот за регистрација на моторни возила. Дополнително, од стрaна на Одделот за внатрешна контрола, криминалистички истраги и професионални стандарди, доставен е предлог за утврдување дисциплинска одговорност против три лица Г.П. началник на сектор, В.Н. главен инспектор и Л.М.Б. главен инспектор за сообраќај, кои при вршење на контрола во станицата за технички преглед, не постапиле според нивниот попис и опис на работни места и не ги констатирале пропустите на станицата за технички преглед“, стои во соопштението на МВР.

Македонија | пред 1 година

Пожар во женското одделение во затворот „Идризово“

Вчера во 19.55 часот во СВР Скопје од Казнено – поправната установа Затвор Идризово било пријавено дека во затворениот дел од женското одделение настанал пожар во една од просториите, соопшти МВР.Пожарот бил изгаснат, а повредени нема.

Македонија | пред 1 година

Силно невреме во Србија, загина една жена

Една жена загина во силното невреме кое го зафати Сомбор на северот на Србија и околината.„За време на силно невреме што го зафати Сомбор и неговата околина околу 17 часот, една жена загина кога дрво паднало врз возилото што го возела. Од повредите почина на лице место“, изјави вицепремиерот на Србија и министер за внатрешни работи Ивица Дачиќ.Обилни врнежи од дожд, на места и град и силен ветар вчера ја зафатија Србија. Републискиот хидрометеоролошки завод го подигна метео-алармот за некои делови во земјата на највисоко, црвено, ниво.

Свет | пред 1 година

Кој ќе добие или загуби пратеник, прегласување на седум избирачки места

Почна прегласувањето на седум избирачки места.Се гласа на две избирачки места во Крушево, две во Долнени, и во по едно избирачко место во Желино, Охрид и Струга.Право на глас во овие избирачки места имаат вкупно 4521 избирачи.Вчера гласаа болни и немоќни лица, лица кои се на издржување казна затвор, како и лица сместени во домовите за вонсемејна грижа.Државната изборна комисија утврди дека ќе има прегласување на седум избирачки места во петтата и шестата изборна единица, откако Управниот суд минатиот петок ги отфрли како неосновани сите седум тужби од коалицијата „Европски фронт“, предводена од ДУИ, поднесени против решенијата на ДИК.Резултатот може да биде сменет, па ДУИ може да задржи или загуби пратеник во ИЕ6 , а тој пратеник да оди на контото на Вреди.Во ИЕ6 ДУИ исто може да го задржи бројот на пратеници или да загуби пратеник кој може да го добијат коалициите предводени од СДСМ или ВМРО-ДПМНЕ.На потег се гласачите.

Македонија | пред 1 година

Денес попладне и навечер нова опасност од посилно невреме

Денес особено попладне и навечер, особено во источната половина од државава ќе има локален развој на нестабилна облачност, проследена со пороен дожд, грмежи и засилен ветер. Локално повторно и тоа токму во споменатите предели можно е по силно невреме, проследено со обилен пороен дожд за кратко време, силен ветер, силни и чести електрични празнења и со појава на град кој би можел да биде по крупен.Услови за пороен дожд, грмежи и засилен ветер ќе има и во делови од Скопската котлина.Во случај на појава на невреме, како и на силни електрични празнења препорачуваме голема внимателност, односно да не се претстојува на отворен простор и под осамени дрвја.Што се однесува до температурите, тие ќе се искачуваат во интервалот од 22 до 29-30 степени. Во Скопје температурата денес ќе достигне до околу 26-27 степени.Потоа, утре и во петок ќе имаме по стабилна Атмосфера и без опасност од по големо невреме, а нови врнежи од дожд и нестабилност очекуваме за време на викендот.

Македонија | пред 1 година

Кој е Иџет Мемети, член на СЈО, осомничен за мито, омбудсман кој наместо да ги штити молчеше за бруталност врз новинари и пратеници

Второосомничен за мито во случајот со Боро Малборо, екс градоначалник на Ново Село, кој се сомничи за шверц со марихуана е Иџет Мемети, заменик претседател на Советот на јавни обвинители. Тоа д органот кој одлучува за изборот и разрешување на јавни обвинители.Мемети има богата политичка и правна кариера а важи за човек близок до ДУИ.Мемети бил државен советник во Влада, член на Комисија за избирачки списоци, 2001 година е избран за министер за правда како експерт, а потоа кратко и уставен судија. Оваа престижна функција ја напушта за да се врати повторно какоминистер за правда.По една година ја одбра функцијата Народен правобранител каде беше два мандати или цели 16 години.Вториот избор беше на крвавиот понеделник а човекот чија задача беше да ги штити граѓаните, нивните слободи и права од институциите, молчеше додека насилно од собраниската сала и галеријата беа исфрлани новинари и пратеници. Чекаше само да се изгласа буџетот а тој да добие уште 8 години мандат како омбудсман за да продолжи да ги „штити граѓаните”.По завршување на мандатот го сместуваат во Советот на јавни обвинители.

Македонија | пред 1 година

Одземен пасошот на Иџет Мемети, член на Совет на јавни обвинители

На Иџет Мемети, второосомничениот за можно примање мито привремено ќе му биде одземена патната исправа за преминување на државната граница, односно има мерка за забрана за издавање на нова патна или друга исправа за преминување на државна граница на име на осомничениот, како и забрана за употреба на лична карта на име на осомничениот како исправа за преминување на државната граница.Во барањето се наведува мерките да траат додека постои потреба, а најдоцна до правосилноста на пресудата согласно чл. 146 ст.5 од ЗКП.Случајот во кој судијата на Врховниот суд, Наќе Георгиев е во врска со екс градоначалникот на Ново Село, Боро Стојчев, познат како Боро Малборо, кој се сомничи за шверц со марихуана. Според пријавата на неговиот син двајцата осомничени лажно ветувале дека ќе извршат влијание во корист на неговиот татко. Првоосомничениот е фатен со 10.000 евра обележени од полицијата.

Македонија | пред 1 година

(Видео) Палевски прашан каде бил за време на убиствата: Не сум бил во бегство

Љупчо Палевски-Палчо, осомничен за убиството на Вања Ѓорчевска и Панче Жежовски, не одговори каде бил за време на убиствата и искоментира: „Не смеам да говорам за истрагата“. На прашањето зошто се дал во бегство, Палевски посочи: „Не сум бил во бегство“.При спроводот во Кривичен суд, Палевски дека не ги сторил убиствата. Прашан од „Скопје1“ дали за тоа има докази – рече: „да“. Тој не одговори какви докази поседува. Пред судијата на претходна постапка нема да се брани со молчење.

Македонија | пред 1 година

Судијата Наке Геориев оди во Шутка: одреден му е 30-дневен притвор

Судија на претходна постапка му одреди 30-дневен притвор на врховниот судија Наке Георгиев, дознава „Скопје1“. Тој е осомничен за тргување со влијание, за што полицијата соопшти дека го фатиле со 10.000 евра на лице место, по што го уапсиле.Според судот, оправдани се сомневањата на обвинителката дека тој може да се даде во бегство, да прикрива докази или да го повтори делото.Тој ќе биде спорведен во истражниот затвор „Скопје“ во Шутка.

Македонија | пред 1 година

(Видео) Љупчо Палевски-Палчо: Не сум ги сторил убиствата, имам докази

Љупчо Палевски-Палчо, осомничен за двојното убиство на Вања Ѓорчевска и Панче Жежовски, при спроводот во Кривичен суд кажа дека не ги сторил убиствата. Прашан од „Скопје1“ дали за тоа има докази - рече: „да“.Тој не одговори какви докази поседува. Пред судијата на претходна постапка нема да се брани со молчење.

Македонија | пред 1 година

(Видео) Судијата Наке Георгиев донесен во суд каде се бара да добие притвор

По 24 часа поминати во станица, врховниот судија донесен во Кривичен суд каде се бара да му биде одреден притвор.Георгиев се сомничи за противзаконито влијание за што примил поткуп од 10.000 евра. МВР го фатило со парите, по што го задржаа во станица.Кривичното дело за кое се сомничи Георгиев е примање награда за противзаконито влијание. Битието на делото ќе биде исполнето кога некој за себе ќе прибави противправна имотна корист, на начин што, со своето претпоставено влијание ќе го натера другиот да стори противправно дејствие во одредена постапка или процес.Сопругата на Георгиев е обвинителка од Струмица, а неговиот син заврши академија за судии и јавни обивнители, па стана судија во Кривичен суд. Судиската кариера ја почнува во основиот суд во родната Струмица од каде продолжува во штипска апелација како судија, а подоцна и претседател и од 2020 е врховен судија.Георгиев имаше и обид да стане член на Судски совет. Тој беше единствен кандидат од Врховниот суд. На гласањето тој доби повеќе чкртаници и неважечки гласачки ливчиња отколку гласови – но беше избран. Потоа поднесе оставка за да нема судир на интереси и син му да стане судија.

Македонија | пред 1 година

Директорката на Токсикологија Иљази забранила вработените да комуницираат со новинари

Организациската директорка на Клиниката за Токсикологија, Бесија Иљази издала наредба со која им забранува на докторите, сестрите и болничарите на клиниката да даваат изјави на медиумите без нејзина согласност.Наредбата е закачена на огласна табла и во неа пишува:,,Организацискиот директор донесе наредба за забрана за неовластено присуство, давање изјави за јавност преку интервјуа и свикување прес конференции. Се забранува неовластено свикување на конференции за печатени и електронски средства за информирање, давање интервјуа и слично, со што би се нанело штета на интересите и на угледот на клиниката. Средби со новинари само со претходно известување до в.д. организацискиот директор. Непочитувањето на оваа наредба подлежи на санкции“.Без да се објасни врз основа на кои законски решенија е донесена наредбата, таа доаѓа ден по одлуката на Бесија Иљази да им ги додели решенијата за работа на 18 работници кои имаа истечени договори на дело на Токсикологија и една недела откако министерот за здравство го разреши медицинскиот директор Данил Петровски кој користи годишен одмор.Дали е ова законски ДСЗИ ќе проверува деновиве.

Македонија | пред 1 година

ЈОРМ: За судијата Георгиев има законски основ да се бара притвор, а за Иџет Мемети нема основи

По одземањето на имунитетот ЈОРМ излезе со соопштение дека според доказите и претресите до овој момент даваат законски основ на предметниот јавен обвинител да предложи притвор само за првоосомничениот судија Георгиев кој е затекнат при извршување на кривичното дело, додека во однос на второосомничениот, членот на Совет на јавни обвинители Иџет Мемети до овој момент доказите не даваат основи за да се предложи најстрога мерка за обезбедување.Еве што пишува ЈОРМ:По претходна пријава од син на обвинет во предмет што се води во Основното јавно обвинителство за гонење на организиран криминал и корупција, вчера во попладневните часови МВР реализираше акција во која од слобода е лишен активен врховен судија. Врз основа на доставеното Известување од МВР, БЈБ, Оддел за криминалистичка полиција, Сектор за економски криминал и корупција, предметен јавен обвинител од Основното јавно обвинителство за гонење на организиран криминал и корупција донесе Наредба за спроведување на истражна постапка против две лица за кои постои основано сомнение дека сториле кривично дело Примање награда за противзаконито влијание од член 359 од Кривичниот законик.Според сознанијата добиени од пријавителот, првоосомничениот користејќи ја својата службена положба и претпоставено влијание лажно ветувал погодности за обвинет (татко на пријавителот) во друга постапка што се води пред Основното јавно обвинителство за гонење на организиран криминал и корупција, и лажно прикажале дека ќе извршат влијание заедно со второосомничениот.Предметниот обвинител, вчера вечер покрај предлозите за претрес на повеќе локации, ценејќи дека се исполнети условите до Основниот кривичен суд Скопје достави и предлог за определување на мерката притвор за првоосомничениот. Со оглед на тоа што станува збор за судија во највисокиот суд во државата – Врховниот суд кој ужива имунитет, а кој е фатен in flagranti во извршување на кривичното дело, предлогот преку Основниот кривичен суд е доставен на одлучување до Судскиот совет на РСМ кој во текот на ноќта му го одзеде имунитетот, по што денеска Основниот кривичен суд Скопје ќе одлучува за предложената мерка.Прибраните докази и извршените претреси до овој момент даваат законски основ на предметниот јавен обвинител да предложи притвор само за првоосомничениот кој е затекнат при извршување на кривичното дело, додека во однос на второосомничениот до овој момент доказите не даваат основи за да се предложи најстрога мерка за обезбедување. Истрагата продолжува до целосна проверка на сите околности и наводи.

Македонија | пред 1 година

Несреќа во кичевско: Загина 32-годишен маж, сопатникот со повреди

На 20.05.2024 во 13.00 часот во ОВР Кичево било пријавено дека на магистралниот пат А2, кај с.Трапчин Дол, кичевско, патничко возило „фолксваген туран“ со кичевски регистарски ознаки, управувано од А.Б.(32) од с.Колибари, кичевско, излетало од коловозот. Од здобиените повреди на местото на несреќата починал возачот А.Б., а сопатникот Л.Џ. се здобил со телесни повреди, констатирани во Медицинскиот центар Кичево. Извршен бил увид од увидна екипа на ОВР Кичево и јавен обвинител, по чија наредба телото на починатиот било предадено на обдукција.

Македонија | пред 1 година

Хајредини: Познато е дека во Македонија не се казнети тие што од Телеком примиле по 2,5 милиони евра

Ексминистерот за финансии и политички аналитичар, Џевдет Хајредини, на социјалната мрежа „Фејсбук“, смета дека неказнети останале лицата од „Телеком“, откако врховниот судија Наке Георгиев беше уапсен за земени 10.000 евра поради примање на награда поради противзаконтио влијание.„Не ми е познато колку е казната за мито од 10.000 евра, меѓутоа, познато е дека во Македонија не се казнети тие што од ТЕЛЕКОМ примиле по 2,5 милиони евра“, вели Хајредини.Поранешниот министер за финансии Џевдет Хајредини, кој последниве години во јавноста настапува како политички аналитичар, јавно го прашуваше експремиерот Димитар Ковачевски – кога Владата ќе го избрка „Телеком“ од земјава, по скандалот со поткупувањето политичари во земјава и во други држави од регионот, за кој компанијата-мајка, „Дојче Телеком“ беше тужена и спогодбено плати казна во САД.„По десетти пат, истото прашање до Ковачевски: Дали и кога Владата мисли од Македонија да го избрка ТЕЛЕКОМ, затоа што е познато дека нивни менаџери подмитувале некогашни и сегашни високи политичари и државни функционери на нашата земја?Ковачевски не одговара на ова прашање, иако прво за заменик министер, а потоа и премиер на Владата (дали случајно?), дојде токму од оваа коруптивна компанија, во која бил на раководни функции.П.с.Сигурно и самиот не мисли дека на прашањето одговорил кога вели: “Благодариме што нè контактиравте. Ја примивме вашата порака и го цениме што се јавивте”.Не случајно, и Зоран Заев, при една средба во својот кабинет, на актуелните директори на МАЃАР ТЕЛЕКОМ им вети “искрена соработка” на Владата и во иднина, исто како во минатото.Заев пред да замине изјави дека во Македонија нема корупција во првиот и вториот ешалон, туку само во пониските ешалони.Уште нешто: Компанија која ги корумпира државните функционери, како што е случајот со ТЕЛЕКОМ, од каде Вие сте дојдени, не може да биде “препознатлив бренд”, како, од само на Вас познати причини, така ја нарекувате“, пишуваше Хајредини.

Македонија | пред 1 година

(Видео) Крај на забавниот парк кај „Борис Трајковски“ во Карпош: ноќеска влегла полиција и куп инспектори

Полиција влезе на просторот пред спортскиот центар „Борис Трајковски“, каде без никаква дозвола и оваа сезона е поставен забавен парк. Министерот за внатрешни работи, Панче Тошковски, најави отстранување на реквизитите поставени на диво, на приватен простор. На терен делувале и инспекторати.„Постапувајќи по допрен глас дека во Скопје, на подрачјето на Општина Карпош, поточно пред спортскиот центар Борис Трајковски без соодветни документи и потребни дозволи се поставени реквизити за забавен парк меѓу кои и панорамско тркало, на 20.05.2024г. Единицата за економски и компјутерски криминал при СВР Скопје во координација со службени лица од Државниот пазарен инспекторат, Управата за јавни приходи и градежен инспектор од Општина Карпош излезе на лице место и презема конкретни соодветни мерки и активности од делокругот на својата надлежност и овластувања.Имено, од страна на инспекциските служби по преземените мерки и активности и констатираната фактичка состојба изготвени се Записници за констатирана состојба додека од страна на овластен градежен инспектор од Општина Карпош поведена е постапка за констатираните неправилности, по што ке бидат преземени конкретни мерки во насока на отстранување на истите, престанување со вршење на активноста, како и дислоцирање на реквизитите“, вели Тошковск

Скопје | пред 1 година

И обвинител вплеткан во земањето 10.000 евра со судијата: синот на ексградоначалникот пријавил и второ лице

Обвинител, член на Советот на јавни обвинители е вториот пријавен во случајот каде врховниот судија Наке Георгиев е осомничен за земање на 10.000 евра со цел вршење на противзаконито влијание, дознава „Скопје1“. Пријавата за ова лице доаѓа од страна на синот на ексградоначалникот на Ново Село, Боро Стојчев, кој пак, одлежува затворска казна за трговија со марихуана.Засега кај него немало претреси - обвинителот се обидува да дојде до докази.Станува збор за лице кое е поранешен обдусман, но и министер за правда во периодот на широката владејачка коалиција, за време и по воениот конфликт во 2001 година. Во 2003 година, тој беше и втор мандат министер за правда, во првата Влада на СДСМ и на ДУИ, а краток период беше и член на Уставниот суд.Од 2020 година, овој обвинител е дел од Советот на јавни обвинители.Повеќе информации во текот на денот.Претходно: 

Македонија | пред 1 година

Георгиев уште во станица: Ќе биде однесен пред судија за притвор, а ноќеска полицијата тресеше повеќе локации

Врховниот судија, Наке Георгиев, осомничен за примање на награда за противзаконито влијание, вечерта ја помина во полициска станица, а беше и носен на секоја локација каде беа вршени претреси. За него, се бара ефективен притвор поради тоа што, според МВР, бил затекнат на лице место како прима 10.000 евра во кеш, од страна на синот на поранешниот градоначалник на Ново Село, Боро Стојчев кој е осуден за трговија со марихуана.Случајот го работеше Министерството за внатрешни работи, по претходно добиена пријава. Судијата е затекнат на лице место како прима пари, соопшти и полицијата. Уапсен е вчера околу 15 часот, а може да биде држен најмногу 24 часа. Ова значи дека до 15 часот мора да има одлука на судот - дали ќе има притвор или не.„Судијата е лишен од слобода на лице место при извршување на кривичното дело. Се чекаат понатамошни насоки од надлежен јавен обвинител“, велат од МВР.„Скопје1“ веќе објави дека пријавителот е синот на Боро Стојчев.Кривичното дело за кое се сомничи Георгиев е примање награда за противзаконито влијание. Битието на делото ќе биде исполнето кога некој за себе ќе прибави противправна имотна корист, на начин што, со своето претпоставено влијание ќе го натера другиот да стори противправно дејствие во одредена постапка или процес.Сопругата на Георгиев е обвинителка од Струмица, а неговиот син заврши академија за судии и јавни обивнители, па стана судија во Кривичен суд. Судиската кариера ја почнува во основиот суд во родната Струмица од каде продолжува во штипска апелација како судија, а подоцна и претседател и од 2020 е врховен судија.Георгиев имаше и обид да стане член на Судски совет. Тој беше единствен кандидат од Врховниот суд. На гласањето тој доби повеќе чкртаници и неважечки гласачки ливчиња отколку гласови – но беше избран. Потоа поднесе оставка за да нема судир на интереси и син му да стане судија.

Македонија | пред 1 година

Врховниот судија Наке Георгиев однесен во станица, пред Врховен неуиниформирани полицајци

Обвинителството за гонење организиран криминал и корупција за „Скопје1“ потврдува дека врховниот судија Наке Георгиев е задржан на распит во полициска станица. Според информации на „Скопје1“ тој околу 17 часот е донесен во полициската станица во Кисела Вода, со полициско присуство.„Во координација со надлежен јавен обвинител од ОЈО-ГОКК, МВР презема дејствија“, велат кратко од ОЈО-ГОКК и најавуваат информации во текот на утрешниот ден.Крим-полицајци има и пред зградата на Врховниот суд ова попладне. Засега не се открива каде е уапсен Георгиев, освен дека тоа било во Скопје.Претходно, „Скопје1“ објави дека Георгиев е уапсен поради сомнежи за тргување со влијание за судски предмет во Врховниот суд.

Македонија | пред 1 година

Како врховниот судија се заплетка со 10.000 евра: пријавата е од роднина на ексградоначалник

Близок рoдонина на ексградоначалник кој одлежува затворска казна е лицето кое го пријавило врховниот судија, Наке Георгиев за примање награда за противзакотино влијание, дознава „Скопје1“. Според информациите на нашата редакција, биле побарани 10.000 евра за да се влијае врз судска постапка однсоно за нејзино олесување во полза на ексградоначалникот.Пријавата за парите кои биле побарани стигнала полицијата, по што, во точно утврдено време и место, кога се случувало примо-предавањето, судијата бил затекнат. Во тој момент, по насоки од јавен обвинител од Обвинителството за гонење организиран криминал и коруцпија, била дадена насока на полицајците судијата да биде однесен во станица, а банкнотите да бидат одземени. Тие ќе бидат дадени на вештачење.Според информации на „Скопје1“, судијата Георгиев бил затекнат во сторување на кривично дело околу 15 часот. Во полициска станица е однесен околу 17 часот, каде што ќе биде задржан. Тој ужива судиски имунитет, на кој може да се повика, а да му биде симнат само доколку така одлучи Судскиот совет. Засега во највисокото судско тело, нема закажано итна седница од страна на претседателката Весна Дамова.Кривичното дело за кое се сомничи Георгиев е примање награда за противзаконито влијание. Битието на делото ќе биде исполнето кога некој за себе ќе прибави противправна имотна корист, на начин што, со своето претпоставено влијание ќе го натера другиот да стори противправно дејствие во одредена постапка или процес.„Судијата е лишен од слобода на лице место при извршување на кривичното дело. Се чекаат понатамошни насоки од надлежен јавен обвинител“, велат кратко од МВР.Од Обвинителството за „Скопје1“ посочуваат дека акцијата е со нивна координација.„Во координација со надлежен јавен обвинител од ОЈО-ГОКК, МВР презема дејствија“, велат кратко од ОЈО-ГОКК и најавуваат информации во текот на утрешниот ден.Сопругата на Георгиев е обвинителка од Струмица, а неговиот син заврши академија за судии и јавни обивнители, па стана судија во Кривичен суд. Судиската кариера ја почнува во основиот суд во родната Струмица од каде продолжува во штипска апелација како судија, а подоцна и претседател и од 2020 е врховен судија.Георгиев имаше и обид да стане член на Судски совет. Тој беше единствен кандидат од Врховниот суд. На гласањето тој доби повеќе чкртаници и неважечки гласачки ливчиња отколку гласови – но беше избран. Потоа поднесе оставка за да нема судир на интереси и син му да стане судија.

Македонија | пред 1 година

Јавноста надвор: Судски совет ќе му го чува угледот на врховниот судија Георгиев, за инунитетот и притворот ќе зборуваат сами во четири ѕида

Со десет гласа „за“, членовите на Судскиот совет ја исклучија јавноста односно медиумите од седницата на која се одлучува за одземање на имунитетот на врховниот судија Наке Георгиев. Според мнозинството судии, на Георгиев може да му се наруши неговиот углед. Во салата беше присутна екипа на МИА, која беше отстранета.„Благодарам на јавноста, но законската обврска не дозволува понатаму следење“, рече претседателка Весна Дамева.На седницата се одлучува за симнување на имунитетот на Георгиев, по барање на Кривичниот суд, со цел определување на мерка притвор„Расправа по барање на Кривичен суд, за одземање на имунитет на судија и одобрување на притвор за судија“, рече Дамева.Судијата бил лишен од слобода на самото место додека го извршувал кривичното дело, наведуваат од Министерството за внатрешни работи.Како што објави „Скопје 1“, Наке Георгиев, бил фатен со 10 000 евра. Тој бил пријавен од лице кое тврдело дека му бил баран поткуп во врска со судски случај. Наводно ветувал олеснителни околности во случајот против поранешниот градоначалник на Ново Село, Боро Стојчев поврзан со трговија со марихуана.

Македонија | пред 1 година

Врховниот судија Георгиев по 10.000 евра остана без имунитет, може да оди во притвор, а оддалечен е и од работното место

Врховниот судија Наке Георгиев остана без судиски имунитет, а Судски совет со ваква одлука ги отвори вратитњ тој да оди во притвор. Ова е конечната одлука од вчерашната седница која се одржа зад затворени врати на полноќ.„Се одзема имунитетот на врховен судија заради непречено водење на кривичната постапка. Се одобрува барањето за одобрување на мерката притвор за судија на Врховен суд поднесено од судија на претходна постапка на Основниот кривичен суд Скопје. Времено се одалечува од вршењето судиска функција, судија на Врховниот суд до правосилно решавање на кривичната постапка“, соопштија вечерва од Судскиот совет.Георгиев е фатен со 10.000 евра мито, за кое според истрагата, ги земал за да врши противзаконито влијание. Парите ги земал од синот на ексградоначалникот на Ново Село, кој одлежува затворска казна во затворот „Скопје“. Сѐ е работено од страна на МВР во координација со обвинител, по претходна пријава. МВР веќе објави дека судијата е фатен на лице место со парите.Пријавата е од синот на ексградоначалникот на Ново Село, Боро Стојчев кој одлежува казна за шверц на марихуана.Според информации на „Скопје1“, судијата Георгиев бил затекнат во сторување на кривично дело околу 15 часот. Во полициска станица е однесен околу 17 часот, каде што ќе биде задржан.Кривичното дело за кое се сомничи Георгиев е примање награда за противзаконито влијание. Битието на делото ќе биде исполнето кога некој за себе ќе прибави противправна имотна корист, на начин што, со своето претпоставено влијание ќе го натера другиот да стори противправно дејствие во одредена постапка или процес.Сопругата на Георгиев е обвинителка од Струмица, а неговиот син заврши академија за судии и јавни обивнители, па стана судија во Кривичен суд. Судиската кариера ја почнува во основиот суд во родната Струмица од каде продолжува во штипска апелација како судија, а подоцна и претседател и од 2020 е врховен судија.Георгиев имаше и обид да стане член на Судски совет. Тој беше единствен кандидат од Врховниот суд. На гласањето тој доби повеќе чкртаници и неважечки гласачки ливчиња отколку гласови – но беше избран. Потоа поднесе оставка за да нема судир на интереси и син му да стане судија.

Македонија | пред 1 година

Притвор се бара за врховниот судија Георгиев, претреси во канцеларијата во Врховен

За врховниот судија Наке Георгиев ќе се бара најстрогата мерка за обезбедување присуство, односно ефективен притвор во затворот „Скопје“ во Шутка. За него, точно на полноќ е закажана и седница на Судски совет, каде треба да му се симне имунитетот, за да може да се гони.„За 487-та итна седница на Судскиот совет на РСМ за ден 20.05.2024 година, со почеток во 24,00 часот. Расправа и одлучување по барање на Основен кривичен суд Скопје за одземање на имунитет на судија и за одобрување на притвор на судија, велат од Судски совет“, велат од Судски совет.Истовремено, траат претреси на повеќе локации, меѓу кои и во Врховниот суд односно просторијата која судијата ја користел.Георгиев е фатен со 10.000 евра мито, за кое според истрагата, ги земал за да врши противзаконито влијание. Парите ги земал од синот на ексградоначалникот на Ново Село, кој одлежува затворска казна во затворот „Скопје“. Сѐ е работено од страна на МВР во координација со обвинител, по претходна пријава. МВР веќе објави дека судијата е фатен на лице место со парите.Тој неколку часа помина и во полициската станица Кисела Вода, каде по некое време дојде и неговото семејство и тоа - синот кој е судија и сопругата која е обвинителка.

Македонија | пред 1 година

Гласаат затворениците, болните и изнемоштените пред утрешното прегласување на седум избирачки места

Утре се прегласува на седум избирачки места во изборните единици 5 и 6, а денеска гласаат болните и изнемоштени лица, затвореници и лица сместени во домовите за вонсемејна грижа. Право на глас во овие избирачки места имаат вкупно 4 521 гласач.Во избирачкото место 2101 во Желино право на глас имаат 993 гласачи, во избирачкото место 1194 во Крушево право на глас имаат 470 избирачи, во 1202 исто така во Крушево 298, во 1272 во Охрид 712, во Долнени во избирачкото место 1470 – 659, додека во 1470/1 – 634 и во избирачкото место 1844 во Струга 755 избирачи.Четири болни и немоќни лица се пријавени да гласаат во избирачкото место 2101 во Желино , 20 во избирачкото место 1194 во Крушево, осум во 1202 во Крушево, две во 1272 во Охрид, седум во избирачкото место 1470 во Долнени, две во 1470/1 исто во Долнени и четири болни и немоќни во избирачкото место 1844 во Струга.Вкупно пет лица кои се на издржување казна затвор може да гласаат во затворите во Прилеп и во Скопје, а две лица ќе можат да гласаат во старските домови во Битола и Карпош.Агенцијата за аудио и аудиовизуелни медиумски услуги вчера ги извести националните радиодифузери и радиодифузерите кои емитуваат програма на подрачјето на Охрид, Крушево, Струга, Долнени и Желино дека за нив важат обврските за изборниот молк, кој почна од ноќеска на полноќ и ќе трае до 19 часот на 22 мај 2024 година.По прегласувањето може да дојде до промена на два пратенички мандата, и тоа по еден во петтата и во шестата изборна единица.Според партиските математики, најголеми се шансите ДУИ да изгуби еден мандата а СДСМ да добие еден, но според распоредот тој мандат може да го добие и ВМРО-ДПМНЕ.Во шестата изборна единици мандатот од ДУИ може да оди на кинто на Вреди. Од ДУИ обвинија за изборен инженеринг и се заканија со протести.

Македонија | пред 1 година

Најголемото зло во правосудниот систем се "фамилијарните кланови", засекогаш мора да се стави крај на тоа ако сакаме правна држава, вели Ченто

Осудениот за „27 април“, Јане Ченто, смета дека е ред да се стави крај на фамилијарни кланови во судството, ако Македонија има за цел да биде правна држава. Осврнувајќи се на случајот каде судијата Наке Георгиев осомничен за примање на награда за противзаконито влијание, има членови на семејството кои се во судскиот систем, , смета дека тоа е тотално погрешно.„Најголемото зло во правосудниот систем се "фамилијарните кланови", татко судија, мајка обвинител, син судија и така со години се ствараат кланови и фамилијарни октоподи во правосудниот систем..... Еднаш ЗАСЕКОГАШ мора да се стави крај на тоа ако сакаме да имаме правна држава.Затоа довербата во судството и обвинителството е на мизерни 1%.Се надевам дека идната влада ќе има 2/3 мнозинство во Собранието за да се направат длабоки реформи во тој правосуден систем кој е рак рана во Македонија и еднаш засекогаш да прекине со форсирање децата од елитата од колено на колено да бидат судии и обвинители.Најголемата мафија и корупција во Македонија е токму во тој судско-обвинителски систем и тука треба да се сече во корен за да се врати довербата.Чест на исклучоци, има учени, принципиелни и судии и обвинители кои работат по слово на законот, но оние како оној судија што денес беше уапсен и тоа не било кој судија туку ВРХОВЕН се злото во државата и со нив НЕ СМЕЕ ДА ИМА КОМПРОМИС, мора да одговараат од прв до последен.Македонија мора да биде правна држава!“, вели Ченто.

Коментари | пред 1 година