ТОП

Нема фотографија

Земјотрес рано утринава ја погоди Грција

Умерен земјотрес со јачина од 3,9 степени според Рихтеровата скала рано утринава ја погоди Грција, западно од островот Крф, јавуваат грчките медиуми.Земјотресот е регистриран во 6:29 часот по локално време, на 34 километри од островот Отони во Јонското Море, соопшти Атинскиот геодинамички институт.Епицентарот на земјотресот бил на длабочина од 6,8 километри.Засега нема информации за евентуални жртви или материјална штета.

Свет | пред 1 година

Новите пратеници ќе седнат во удобните фотелји, конститутивна седница во вторник, 28 мај

На 28 мај, вторник ќр се одржи конститутивна седница на новиот парлсментарен состав.Од собраниската прес-служба информираа:- Претседателот на Собранието Јован Митрески, врз основа на член 9 став (2) од Деловникот на Собранието, одржал состанок со претставниците на политичките партии застапени во новоизбраното Собрание, на кој консензуално било одлучено конститутивната седница, по одржувањето на единаесеттите парламентарни избори, да се одржи на 28 мај 2024 година, вторник, во 11 часот.Митрески ги информирал присутните дека дневниот ред на конститутивната седница, според Деловникот, ќе има три точки односно избор на Верификациона комисија, избор на Комисија за прашања на изборите и именувањата, како и избор на претседател на Собранието.Конститутивната седница, според новиот Деловник, трае најмногу три дена, а Собранието е конституирано со изборот на собранискиот претседател.На денешниот состанок присуствувале Никола Мицески од Коалицијата „Твоја Македонија“ - ВМРО-ДПМНЕ; Оливер Спасовски од Коалицијата за европска иднина - СДСМ; Арбер Адеми од Коалицијата „Европски фронт“; Халил Снопче од Коалицијата „Влен“; Борислав Крмов од партијата Левица и Бобан Карапејовски од Движењето ЗНАМ - За наша Македонија.На состанокот присуствувале и Мерита Колчи Коџаџику, која како највозрасна пратеничка ќе раководи со седницата до изборот на новиот спикер. Ќе присуствува и генералната секретарка на Собранието Цветанка Иванова.

Македонија | пред 1 година

СДСМ сама „крвта“ си ја пролеа: Маричиќ или Лога, кој ќе раководи со ДИК,

Прегласувањето донесе нов распоред на силите, па на второ место според мандати си ист број прстеници се „пласираа,, Коалицијата предводена од СДСМ и Коалицијата предводена од ВМРО- ДПМНЕ.И бидејќи собранискиот деловник во овој дел е непрецизен, нејасно е кој е најсилна опозициска партија: СДСМ или ДУИ.Довчерашните коалициски партнери СДСМ и ДУИ сега ќе бијат битка кој ќе биде, како предлог на најголемата опозициска партија претседател на Државната комисија: Бојан Маричиќ, миленикот к на Заев и на Ковачевски киј му доверија два значајни ресори: правда и заменик претседател на Влада, но не знаеме дали да влегува во скандали, да троши државни пари за гоштевања. Ни Маричиќ не веруваше дека нема да влезе како пратеник, иско беше на престижното четврто место кое до сега без проблем беше освојувано од СДСМ. Оваа партија сега бара место каде да го „вдоми” Маричиќ.Исто вдомување се бара и за министерот Алијанса на Албанците Кренар Лога. Тој во внатрепартиската пресметка застана контра Таравари.Лога побара од Сиљановска Давкова да даде уште еднаш заклетва во Собранието бидејќи не го изговори уставното име на државата.Близок човек на Села и беше член на Алијснсата на Албанците.ДУИ смета дека местото претседател на ДИК треба да е на нивната коалиција.Со разрешување на Гордиевиот јазол со толкување на Деловникот ќе се знае кој ќе биде прв човек на Комисијата за заштита на слободите и правата на граѓаните и на значајната Комисија за финансирање и буџет, која треба да ја раководи опозицијата.Незаинтересираноста на СДСМ на терен на прегласувањето да работи за пратеник плус за четрврти пратеник (Боби Мојсовски од ЛДП) ги доведе во оваа позиција да бидат изедначени со ДУИ. Тоа го покажуваат и бројот на гласовите кои кандидатот на ЛДП очигледно не ги доби од својот коалициски партнер.

Македонија | пред 1 година

Опозицијата меѓу себе ќе се бори за претседател на ДИК и неколку комисии

Вчерашното прегласување во ИЕ 5 и ИЕ 6 го смени распоредот на силите во Законодавниот дом.Ова отвора можност за борба и докажување кој е вистински најсилна опозиција. СДСМ и ДУИ сега имаат ист број пратеници, по 18.Деловникот за работа на Собранието нема јасна одредба што во овој случај 2 или повеќе кога опозициски партии имаат број мандати. Само е наведено дека „претседател на комисија се избира од редот на пратениците од опозицијата“.Битка меѓу СДСМ и ДУИ ќе има кој ќе биде претседател си Државната изборна комисија, а кој ќе биде прв човек на Комисијата за заштита на слободите и правата на граѓаните и на значајната Комисија за финансирање и буџет.Нема ниту потврда ниту демант дека претседателското столче во Државната изборна комисија е посакувано за Бојан Маричиќ од СДСМ и Кренар Лога од Европски фронт.

Македонија | пред 1 година

Радев: Желбата на Македонија за дијалог е позитивен знак

,,Република Северна Македонија мора да покаже дека навистина сака да биде дел од обединета Европа со тоа што ќе ги исполни сите барања што ѝ ги поставува ЕУ како што беше со случајот с секоја земја-членка“, изјавил бугарскиот претседател Румен Радев пред новинарите во Рим.Бугарскиот претседател објаснил дека поради набиената програма бугарската делегација денес не била во можност да се сретне со македонската делегација.,,Очекувам дека таква средба ќе има наскоро, рекол тој, додавајќи дека ја кани Сиљановска Давкова на официјална средба во Софија. Сметам дека желбата на PCM за дијалог е позитивен знак. Само преку дијалог ќе ја зајакнеме меѓусебната доверба, ќе ги решиме сите спорни прашања и ќе ја отвориме вратата на РСМ кон ЕУ. Се надевам и мој апел е дека оваа средба ќе се случи час поскоро. На ред е претседателката на РСМ, ако не се лажам, да дојде во Бугарија.”, вели Радев, пренесуваат бугарските медиуми.

Македонија | пред 1 година

Директорката на Академијата за судии и обвинители пријавена во Обвинителство за вработувањата за време на избори!

Државната комисија за спречување на корупцијата покрена иницијатива до сите надлежни органи за утврдување одговорност на директорката, претседателот и членовите на Управниот одбор на Академијата за судии и јавни обвинители поради прекршување на Законот за спречување на корупцијата и судир на интереси, како и на Изборниот законик.„Надлежните институции имаат рок од 60 дена да ја разгледаат и да постапат по оваа иницијатива.Потсетуваме дека ДКСК отвори предмет за вработувањата во Академијата за судии и јавни обвинители, за време на изборите, за што утврдивме дека е спротивно на законите, а тоа практично го потврдија и Управниот и Вишиот Управен суд, кои ја отфрлија жалбата на Академијата за судии и јавни обвинители.Затоа, сметаме дека и оваа иницијатива е целосно оправдана и дека надлежните институции ќе постапат соодветно и во предвидениот рок“, велат од ДКСК.

Македонија | пред 1 година

Сашо Мијалков од утрово е на слобода

Поранешниот шеф на Управата за безбедност и контраразузнавање (УБК), Сашо Мијалков, утрово се одјавил од струшкиот затвор.„Замина денеска, 9:20 – 9:30 часот. Куќниот ред го почитуваше, беше добар пример и за другите осуденици, им помагаше и на останатите во работните ангажмани внатре во затворот, во средување на паркот итн“, вели Ваљон Ќура, директорот на казнено-поправниот дом.Тој ги отфрла како шпекулации сомнежите во јавноста дека Мијалков воопшто не ни престојувал во затворот.Мијалков излегува од затвор под услов до 25 април 2025 година да не стори кривично дело.

Македонија | пред 1 година

(Видео) Врховниот судија Наке Георгиев ќе си остане во затворот во Шутка, познато каде е сместен

Кривичен совет ја одби жалбата на врховниот судија Наке Георгиев со која бараше да се брани од слобода односно да излезе од истражниот затвор „Скопје“ во Шутка, дознава „Скопје1“. Судиите ја потврдиле одлуката на судијата на претходна постапка кој најде оправданост во одредување на ваква мерка поради опаност од бегство, влијание врз сведоци и поради опасност да го повтори делото.Георгиев е веќе два дена во притвор. Тој во затворот во Шутка е класифициран како лице со висок безбедносен ризик. Сместен е во притворското одделение. Директорот Филип Андов за подкастот „Претрес“ зборуваше за третманот, а ексклузивно снимивме и во каква ќелија е сега веќе сместен.?t=1359Георгиев се сомничи за противзаконито влијание за што примил поткуп од 10.000 евра. МВР го фатило со парите, по што го задржаа во станица.Кривичното дело за кое се сомничи Георгиев е примање награда за противзаконито влијание. Битието на делото ќе биде исполнето кога некој за себе ќе прибави противправна имотна корист, на начин што, со своето претпоставено влијание ќе го натера другиот да стори противправно дејствие во одредена постапка или процес.Сопругата на Георгиев е обвинителка од Струмица, а неговиот син заврши академија за судии и јавни обивнители, па стана судија во Кривичен суд. Судиската кариера ја почнува во основиот суд во родната Струмица од каде продолжува во штипска апелација како судија, а подоцна и претседател и од 2020 е врховен судија.Георгиев имаше и обид да стане член на Судски совет. Тој беше единствен кандидат од Врховниот суд. На гласањето тој доби повеќе чкртаници и неважечки гласачки ливчиња отколку гласови – но беше избран. Потоа поднесе оставка за да нема судир на интереси и син му да стане судија.

Македонија | пред 1 година

Сиљановска нема да се сретне со бугарскиот претседател: Ќе ја реализираме во првиот можен момент

Претседателката Гордана Сиљановска-Давкова нема да има средба со бугарскиот претседател Румен Радев во Рим.„Обете делегации имаме агенда, но рековме дека час поскоро во првиот можен момент ќе ја реализираме. Само што излегов од кај Папата и дознав дека нема да има средба. Но останува да се видиме“, рече кратко Сиљановска.Претседателката на Македонија Гордана Сиљановска Давкова предводи државна делегација во Ватикан и Рим. Во италијанската престолнина е и бугарскиот претседател Румен Радев. И двајцата доаѓаат по ист повод 24 мај, Денот на Светите браќа Кирил и Методиј.

Македонија | пред 1 година

(Видео) Палчо имал посета во затворот, а бил и шишан

Осомничениот за двојното убиство, Љупло Палевски-Палчо имал посета во затворот „Скопје“ во Шутка, откри за „Претрес“ директорот Филип Андов. Екипата на „Претрес“ влезе во притворското одделение и во ќелија, иста како таа во која е сместен Палчо.Палевски исто така поминал детални проверки, а бил и ишишан при приемот согласно протоколите. Немал повреди, а имал барања до судот.Повеќе за однесувањето на Палчо и детали од притврското одделение:?t=1955

Македонија | пред 1 година

Иџет Мемети се знае со судијата Наке Георгиев, но не гледа вина кај себе за митото од 10.000 евра

Членот на Советот на јавни обвинители, Иџет Мемети не сакаше да го коментира случајот каде тој е осомничен. Посочи дека го знае врховниот судија Наке Георгиев кој е осомничен за земање на 10.000 евра за противзаконито влиајние, но тврди дека за предмети со него не разговарале.„Не сакам друго да зборувам. Од интерес на јавност аи моја е што побрзо да се заврши оваа работа. Ова секако како човек ме погодува, но јас и вчера кажав, не е добро да зборувам пред медиумите за работа која се тера по судски пат. Многу брзо ќе заврши и ќе излезе дека нема ништо“, рече МеметиМемети е пријавен од синот на ексградоначалникот на Ново Село, Боро Стојчев, за земање на пари со цел противзаконито влијание.

Македонија | пред 1 година

Иџет Меџити од Советот на обвинители остана без пасош

Членот на Советот на јавни обвинители, Иџет Мемети, остана без пасош и треба да се јавува во суд. Овие мерки му гиодреди судија на претходна постапка, откако тој доби статус на осомничен во случајот со примање на награда за противзаконито влијание каде осомничен е и врховниот судија Наке Георгиев фатен со 10.000 евра.„Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење организиран криминал и корупција за определување мерки за претпазливост за И.М., второ осомничен во истрагата поврзана со Примање награда за против законито влијание за која веќе информираа од ОЈО:По денешното произнесување на осомничениот во присуство на неговиот бранител како и ценење на фактите и доказите во прилог на ОЈО ГОКК, донесе решени со кое предлогот се уважува.На осомничениот му се определуваат мерки за претпазливост од чл. 146 ст.1 т. 2 и 3 односно обврска на осомничениот повремено да се јавува на определено службено лице во судот и одземање на патна и друга исправа за напуштање на државната граница како и забрана за издавање нова.Мерките важат до правосилноста на постпаката, а против ова решение странките имаат право на жалба пред Кривичниот совет на овој суд“, велат од Кривичен суд.

Македонија | пред 1 година

СДСМ и ДУИ со ист број пратеници: борба за ДИК и претседатели на комисии во Собрание

СДСМ и ДУИ имаат исти број на пратеници по прегласувањето кое се одвиваше вчера. Сега, меѓу нив ќе има трка за тоа од која партија ќе дојде идниот претседател на Државната изборна комисија, кој се предлага од опозициската партија која освоила најмногу гласови.За ова место, заинтересираност имало од Бојан Маричиќ од СДСМ, а пак, Кренар Лога е лицето кое сака да биде претседател доколку кандидира ДУИ/Алијанса.Дилеми има и во делот која партија ќе именува претседател на анкетната комисија за заштита на слободите на граѓаните и Комисијата за финансирање и буџет.Во Деловникот нема толкување од типот најмногу освоени гласови, само одредба од "редот на пратениците од опозицијата".

Македонија | пред 1 година

Милошоски: Нова Влада до 20 Јуни

Антонио Милошоски од ВМРО-ДПМНЕ на социјалната мрежа „Х“, напиша дека до 20 јуни се очекува да биде формирана новата Влада, која најверојатно ќе ја сочинуваат ВМРО-ДПМНЕ, ВРЕДИ и ЗНАМ„Избори во Македонија, 120 пратенички места: коалиција предводена од ВМРО ДПМНЕ освои 58 пратенички места, коалицијата предводена од ДУИ 18 пратенички места, коалицијата предводена од СДСМ 18 пратенички места, ВРЕДИ освои 14 пратенички места и помалите политички партии од македонскиот блок, ЗНАМ и Левица освоија по 6 пратенички места“, напиша Милошоски.

Македонија | пред 1 година

Нема фотографија

(Видео) Израел објави страшно видео

Израелската телевизија вчера објави снимка од пет регрути облечени во пижами киднапирани од вооружени лица на Хамас за време на нападот на 7 октомври што ја предизвика војната во Газа.Семејствата на заробените девојчиња се надеваа дека видеото ќе го зголеми притисокот врз премиерот Бенјамин Нетанјаху да преговара за примирје со Хамас и да обезбеди ослободување на заложниците.Владата го виде објавувањето на триминутниот клип со титл за националните и меѓународните медиуми како можност да добие поддршка.„Овие девојки сè уште се во заробеништво на Хамас. Ве молиме, не го тргајте погледот“, им рече на новинарите владиниот портпарол Дејвид Менсер, додавајќи:„Гледајте го филмот. Поддржете го Израел да ги врати нашите луѓе дома“.На видеото можете да видите млади жени, исплашени, а некои облеани во крв, како ги врзуваат и ги ставаат во џип.„Имам пријатели во Палестина“, вели на англиски еден од регрутите, 19-годишната Нама Леви.Се слуша како еден од напаѓачите вика на арапски: „Вие сте кучиња! Ќе ве газиме, кучиња!“Друг терорист и вели на затвореничката: „Ти си убава“.Во соопштението, Хамас рече дека видеото е „монтирано и не може да се потврди автентичноста на неговата содржина“.„Војниците беа третирани во согласност со етиката на нашиот отпор и не е докажано лошо постапување со тие војници во оваа единица“, додаде Хамас.Милитантната група рече дека снимката е дел од израелската промоција на „фиктивни наративи“.https://x.com/Israel/status/1793296042890309821

Свет | пред 1 година

ДСЗИ: Договорите на нововработените се само со потпис од Иљази

Државниот санитарен и здравствен инспекторат (ДСЗИ) откри дека договорите за вработување на 18 лица на Клиниката за токсикологија се неважечки, што претставува прекршување на Законот за здравствена заштита. Министерството за здравство ја задржува надлежноста да го реши проблемот и да утврди соодветни активности.„Што се однесува до потпишувањето акти на самата клиника од страна на медицинскиот и организацискиот директор, кои имаат заедничка надлежност, децидно стои во Законот за здравствена заштита дека договори за вработување треба да бидат потпишани од двајцата директори, како и за отказни решенија, јавни набавки. Во овој случај станува збор за договори за вработување кои се потпишани само од организацискиот директор“, вели директорката на ДСЗИ, Рената Младеновска.Таа вели дека извршиле контрола на Клиниката откако на 2 мај издадоа решение во кое се забрани пристап на здравствени работници и работници кои немаат важечки договори за вработување и извршување здравствена дејност.

Македонија | пред 1 година

Нема фотографија

(Видео) Се урна бина на предизборен митинг во Мексико: Најмалку девет мртви

Најмалку девет лица загинаа, а околу 50 се повредени откако се урна бина на предизборен митинг во Мексико, соопштија локалните власти. Инцидентот се случил додека претседателскиот кандидат на левиот центар Хорхе Алварез Мајнез држел говор во градот Сан Педро Гарза Гарсија. Уривањето на бината е предизвикано од ненадеен силен налет на ветер, напиша Мајнез на Х, а пренесе Би-би-си.На социјалните мрежи се појавија снимки на кои се гледа моментот кога конструкцијата се урна додека неколку луѓе беа на сцената. Гувернерот на државата Самуел Гарсија ги повика локалните жители да останат дома поради силните грмотевици во областа.Мајнез е кандидат на партијата Граѓанско движење и моментално е на третото место во националните анкети. Во објава на Х тој изјави дека самиот не е повреден, но дека се повредени неколку членови на неговиот тим.https://x.com/brauliolunan/status/1793475806599204973

Свет | пред 1 година

Нема фотографија

ЕУ и порача на Русија: Не ги добивате замрзнатите средства

Европската унија нема намера да ги префрли приходите од замрзнатите средства во Русија и по укинувањето на санкциите.Советот одлучи дека руските приходи не се сметаат за суверени средства. Одлуката ќе стапи во сила на 23 мај, според проширената одлука на Советот на ЕУ, објавено е во Службен весник на ЕУ.„Неочекувани и вонредни приходи не треба да бидат достапни на Централната банка на Русија, во согласност со сегашните правила, дури и по укинувањето на забраната за трансакции“, се наведува во документот, Советот на ЕУ одлучи дека приходите од руските резерви „не припаѓаат суверени фондови, а со тоа и нормите за заштита на суверените фондови не се применливи за нив“, пренесува Комерсант.Под неочекувани и вонредни приходи, Советот на ЕУ подразбира приход што се акумулира благодарение на рестриктивните мерки. Прес-службата на претставништвото на Русија во Европската унија одлуката на Советот на ЕУ ја нарече кражба, наведувајќи дека „последиците од создадениот преседан ќе бидат непредвидливи“ за ЕУ.На 21 мај, Европската комисија објави дека првите приходи од средствата на Централната банка на Русија ќе бидат префрлени во Украина во јули. Планирано е 90 отсто од остварената добивка во 2024 година да биде насочена кон Украина преку Европскиот фонд за мир.Оваа година Украина може да добие три милијарди евра од руските замрзнати средства. Парите ќе бидат наменети за воена помош. По почетокот на специјалната воена операција во Украина, ЕУ и земјите од Г7 замрзнаа околу 280 милијарди долари средства на Централната банка на Русија. Повеќето од овие средства се чуваат од белгискиот депозитар Euroclear.

Свет | пред 1 година

ОН гласаат за резолуцијата за геноцидот во Сребреница

Попладнево во Њујорк, генералното собрание на ОН треба да гласа за предложената резолуција со која се бара прогласување на 11 јули за Меѓународен ден на сеќавање на геноцидот во Сребреница.Србија силно се спротивставува на ова и започна голема дипломатска офанзива против резолуцијата.Десетина земји се очекува да гласаат против резолуцијата, додека неколку десетици членки на ОН се воздржани од гласање поради српската дипломатска офанзива, особено меѓу неврзаните земји, според дипломатски извори, пренесува словенечката новинска агенција СТА.Предлогот за резолуција за едно од најголемите злосторства во Европа по Втората светска војна, меѓу другото, го осудува негирањето на геноцидот и глорификацијата на осудените за воени злосторства.Србија и Република Српска, во која доминираат босанските Срби, постојано негираа дека се случил геноцид во Сребреница.Резолуцијата ја предложија земји кои имаат тешко историско искуство со неа - Германија и Руанда. Текстот беше спонзориран од уште 34 земји, вклучувајќи ги сите поранешни југословенски републики, освен Србија и Црна Гора.Текстот никаде не ја осудува Србија или Србите.Во 1995 година, војниците на босанските Срби убија најмалку 8.000 Бошњаци во Сребреница, која тогаш беше под заштита на ОН.Ова злосторство беше дефинирано од страна на Меѓународниот трибунал за воени злосторства во поранешна Југославија како геноцид.За ова досега во тој суд и судовите во БиХ се осудени над 50 лица.Масакрот во Сребреница беше прогласен за геноцид и од Меѓународниот суд на правдата во Хаг (МСП).Во средата Собранието на Република Српска усвои соопштение во кое протестира против резолуцијата, а претседателот на тој ентитет Милорад Додик на мрежата Х напиша дека усвојувањето на резолуцијата ќе предизвика непоправлива штета, што ќе значи крај на Босна и Херцеговина.Тој се заканува дека Република Српска, каде што се наоѓа Сребреница, ќе се одвои од Босна доколку резолуцијата биде усвоена.Српскиот претседател Александар Вучиќ, со благослов на патријархот на СПЦ, Порфирија, пред гласањето отиде во Њујорк, каде што продолжува да лобира против резолуцијата, објави порталот Радио Слободна Европа.„Ќе одам во Њујорк затоа што некој треба да им даде одговор на оние кои сакаат да ја обвинат Србија дека е геноцидна нација“, рече Вучиќ минатата недела.

Свет | пред 1 година

(Видео) Судијата Георгиев е со највисок степен на ризик во затворот во Шутка

Судијата Наке Георгиев не е привилигиран во затворот „Скопје“ во Шутка, кажа директорот Филип Андов во репортажата за подкастот „Претрес со Ландов“ . Според него, третманот е за сите исти. Се внимава на сите детали, а Георгиев е сместен соодветно.„Проценките се направени. Не може да дискриминираме еден калибар на таков судија да биде ставен со било кого. Внимаваме на тоа. Тој е со највисок степен на ризик“, рече Андов.Тој има право на 60-минути шетање на шеталиштето, кое го користи.Гледајте го во живо поткастот „Претрес со Ландов“ и поставувајте прашања во коментари на јутуб каналот на prvatv.mk:https://www.youtube.com/live/6PiuekSbuHA?si=TbIyHjzMIbelPbMW

Македонија | пред 1 година

ДУИ загуби еден пратеник, Влен со пратеник плус

Заврши прегласувањето на 7 избирачки места во ИЕ5 и ИЕ 6.По ова ДУИ изгуби еден пратеник во ИЕ 6, а коалицијата Влен доби уште еден народен избраник.Ова го покажуваат сѐ уште неофицијалните резултати.ВМРО-ДПМНЕ не успеа во петтата изборна единица да добие пратеник плус. ДУИ успеа во петтата изборна единица да го задржи истиот број пратеници. Ниту коалицијата предводена од СДСМ не успеа да прокнижи на свое конто уште еден пратеник.За потсетување, денеска имаше прегласување на шест изборни места во петтата изборна единица, а на едно избирачко место во шестата изборна единица.

Македонија | пред 1 година

(Видео) Боро „Марлборо“ имал проблеми со срце, една недела пред да се спогоди за казната и да го пријави судијата за мито

Осудениот ексградоначалникот на Ново Село од СДСМ, Боро Стојчев познат како Боро „Марлборо“ има проблем со здравјето, откри во репортажата за подкастот „Претрес со Ландов“. Тој минатата недела бил однесен и во болница, каде имал интервенции.„Здравствената состојба се имаше пожалено и беше однесен на Кардиологија, каде имаше интервенции. Вратен е повторно во притворското одделение. Не е проблематичен, само здравствената состојба ја пратиме будно и гледаме да не дојде до несакани дејствија“, рече Андов.Ова се случило на само една недела пред Стојчев да се спогоди со Обвинителството за 5,3 години казна затвор, односно една недела пред неговиот син да ги пријави судијата Наке Георгиев за примање награда за противзаконито влијание заедно со членот на Советот на јавни обвинители, Иџет Мемети.Боро Стојчев користи 60-минутно шетање во шеталиштата.Гледајте го поткастот „Претрес со Ландов“ во живо и поставувајте прашања на јутуб каналот на prvatv.mk:https://www.youtube.com/live/6PiuekSbuHA?si=TbIyHjzMIbelPbMW 

Македонија | пред 1 година

(Во живо) „Претрес“ во ќелиите на затворот во Шутка, па разговор за затвореничките проблеми и последни апсења

Влеговме во ќелиите каде осомничениот за двојното убиство Палчо издржува притвор, министри и политичари поминаа бројни денови, а каде се спрема и евентуален влез на врховен судија.Ја посетивме берберницата од филмот „Тетовирање“, кујната на затворот во Шутка, на шеталиштата..Го посетивме и озлогласеното одделение „Ц“ каде се сместуваат лица од висок ризик како што се Миле Јанакиески, Сашо Мијалков, осуденици за 27 април..Директни одговори од директорот на затворот „Скопје“, Филип Андов за тоа што прават политичарите кои се огрешиле пред законот, зад решетките – но и одговори на низа прашања поврзани со високопрофилни личности.По репортажата во затворот „Скопје“, разговараме со Јован Андоновски, заменик-народен правобранител за затвореничките проблеми, условите, но и за осомничениот за мито Иџет Меџити.Следете во живо:

Македонија | пред 1 година

Ковачевски поднесе оставка и испрати допис до СДСМ

Димитар Ковачевски поднесе оставка од функцијата претседател на СДСМ по двојниот изборен пораз.Како што објави „Скопје1“, тој Целосната содржина на писмото за оставка на Ковачевски, упатено до Извршниот одбор и до претседателката на Централниот одбор, Славјанка Петровска, ја прикажува неговата перспектива за изборните резултати и идната насока на партијата.“Драги пријатели,На 8 мај 2024 година, парламентарните и вториот круг од претседателските избори се одржаа во фер и демократска атмосфера, во согласност со европските стандарди, што претставува огромен исчекор како резултат на високиот степен на демократија, слобода на медиумите. и мирот и стабилноста што ги воспоставивме во изминатите години во земјата.Им благодарам на нашите членови и симпатизери кои и покрај големиот пораз во првиот круг од претседателските избори, достоинствено излегоа на изборите во вториот круг и овозможија да се дојде до цензусот за избор на претседател на Р. Северна Македонија. Со тоа СДСМ уште еднаш го покажа и докажа својот врвен патриотизам и одговорност. Покажавме дека Македонија ни е најважна и така ќе биде секогаш.На парламентарните и претседателските избори СДСМ доживеа пораз, кој и зададе тежок удар, не само од граѓаните, туку и од симпатизерите, дел од сегашните, како и дел од членовите на партијата организирани во друга политички субјект, а стимулирана и од поранешните носители. на високи партиски функции.И раководството на партијата и јас имаме одговорност, како и сите именувани и избрани функционери, вклучително и сите партиски функционери на локално и централно ниво. Никој не е навистина без одговорност.Овој резултат и создаденото јавно мислење веќе беше евидентно на локалните избори во 2021 година кога СДСМ доживеа пораз, по што партијата не ги анализираше изборните резултати како што налага Статутот и не ги лоцираше причините за поразот за да извлече соодветни лекции.СДСМ ќе мора добро да погледне внатре, да размисли што направивме и кои се резултатите и слабостите во последните 4 години, можеби и во последните 7 години. И уште поважно, што треба да се направи за да се врати и врати довербата на граѓаните што ја изгубивме. Процесот на обнова мора да биде на сите нивоа.Тој процес не смее да биде долг, но не смее да биде брз, спонтан и експресен. Тој процес на длабоки внатрешни промени и консолидација можат да го спроведат само оние кои се подготвени да се жртвуваат за иднината на партијата и демократијата во државата. Оние кои немаат никаков багаж, особено не такви карактеристики, за кои граѓаните го испратија СДСМ во опозиција и на локално и на централно ниво.Согласно член 26 став 2 и став 4 барам да се свика Конгрес на СДСМ заради анализа на изборните резултати и изјавување доверба на органите на СДСМ, избрани од Конгресот, во поглед на изборните резултати. , со следниот дневен ред:1. Избор на работно претседателство и претседател на Конгресот.2. Извештај на претседателот на СДСМ за периодот декември 2021 до мај 2024 година.3. Менаџмент извештаи4. Извештај на CISH за парламентарните и претседателските избори одржани во 2024 година.5. Единечна дискусија на делегатите на Конгресот за втората, третата и четвртата точка.6. Изјава за доверба на органите на СДСМ избрани од Конгресот.Според член 68б став 3, а врз основа на изборните резултати од парламентарните и претседателските избори во 2024 година, како и врз основа на очигледната пасивност на дел од членовите и симпатизерите на СДСМ, вклучително и мнозинството од избраните и именуваните функционери на централно и локално ниво, како високо морален чин, поднесувам оставка од функцијата претседател на СДСМ.Истовремено го повикувам целото раководство на партијата истото да се направи вертикално од членовите на раководството, преку централните партиски тела, па се до општинските органи на партиското раководство.Ваквиот чин е редовна процедура во сите европски и светски демократии, како што тврдиме и треба да биде практика на сите партиски раководства по изборен неуспех.Барам ИО, претседателот на КО и КП на СДСМ да ги донесат сите потребни одлуки, акти и процедури согласно Статутот на СДСМ за организирање Конгрес на СДСМ заради анализа на изборните резултати и искажување доверба во органите на СДСМ и организирање внатрепартиски избори согласно статутот на партијата.Првиот чекор во консолидацијата на СДСМ мора да биде враќање на идеолошката и вредносната матрица што ќе ги собере сите прогресивни сили на левиот центар во државата.Вториот чекор треба да биде длабока кадровска промена и создавање силен кадровски потенцијал, со вистински и докажани социјалдемократи, со вредности и знаење, со чесност и енергија, со мотив и искреност во партијата.Во овој процес на реконструкција, според статутот, сите мора да работиме со разум, чесно и со срце, без тесногради и ситни лични интереси. Треба да работиме во партиски интерес и да мотивираме вклучување на луѓе во органите и телата на партијата кои од партиските членови и граѓаните ќе бидат препознаени како автентични социјалдемократи, чие однесување се води од принципите и вредностите на социјалдемократијата.И трето, да се реформира организациската поставеност на партијата што ќе овозможи целосна консолидација на СДСМ и враќање на победничките патеки.Но, додека се одвива овој процес на внатрешна реконструкција, не можеме и не смееме да ја занемариме нашата одговорност кон државата и граѓаните. И затоа СДСМ и коалицијата треба и мора да бидат одговорна, силна, принципиелна и државничка опозиција.Сегашниот систем во кој живееме повеќе се грижи за ПР отколку за суштината, за површината отколку за длабочината. Граѓаните со право се незадоволни и не веруваат во ништо. Многуте кризи придонесоа голем број наши граѓани да се иселат, да се чувствуваат несигурни, обесправени и без верба во својата земја. Корупцијата на секое ниво, личните интереси, долгата евроинтеграција и изневерените очекувања на граѓаните, нискиот просечен раст на економијата во изминатите три децении, непотизмот, бизнис интересите, етничката професионалност, се само дел од главните дефекти на систем, кој ја јаде и уништува државата и кој конечно мора да се промени. Таа промена треба да почне од СДСМ, која ќе може прво да ја препознаат членовите и симпатизерите на партијата, за да ја препознаат и граѓаните.Во изминатите две години најважно ми беше што во услови на најголема и тотална криза никого не оставивме сам, се грижевме за сите, и за младите и за пензионерите и за работниците и земјоделците ги зголемивме платите и пензиите и ја намаливме невработеноста на најниско ниво од тешката и долга транзиција на деведесеттите. Не ги користев кризите како изговор или бегство од проблеми. Напротив, работев како што знаев и умеев, чесно, директно, чесно и посветено да помогнам на државата и на граѓаните и знам дека постигнавме многу и дека за некои работи времето ќе потврди дека сме биле во право.Како што кажав во изборната ноќ, им порачувам на сите оние кои мислат дека гласањето било против Европа или ќе се обидат да ја искористат можноста да го блокираат природниот пат на Македонија кој води кон Европската Унија, блокирањето на патот кон Европа нема само да донесе голем пад. во нашиот животен стандард, но ќе ги зголеми етничките тензии во земјата, ќе ги наруши односите со нашите соседи и ќе не изложи на безбедносен ризик што никој навистина не може да процени колку може да биде голем. Нема средина за земја како Македонија. Нема играње со две столчиња. Тоа е или напред или назад. Местото на Македонија е во НАТО и во Европската Унија. Местото на Македонците со нивниот македонски јазик, македонска култура и македонски идентитет е во Европската Унија, место каде што припаѓаат сите останати граѓани на Северна Македонија, без разлика на нивната етничка или верска припадност.Ми беше чест да ја водам СДСМ повеќе од 2 години, да ја водам македонската Влада, а тоа ќе го почувствувам како силен мотив за мојот натамошен ангажман во претставувањето на социјалдемократските, прогресивните и евроатлантските вредности на нашата земја.Сакам да се заблагодарам за соработката на моите колеги, во Владата и во партијата.Сакам да им се заблагодарам на сите прекрасни членови на СДСМ кои и во најтешките времиња не калкулираа поради лични амбиции и интереси, туку се бореа за партијата, не внатрепартиски. Тие се најголемата вредност на СДСМ.Поминавме заедно тешки години, време на кризи, години на тешки, но големи одлуки за државата, бевме изложени на јавен притисок, неосновани закани и линчови, се жртвувавме за нашата татковина, и нема поголема жртва од тоа.Нема поголемо задоволство од работа водејќи се од социјалдемократските вредности во кои верувате уште од мали нозе. Но, исто така, нема поголема сатисфакција кога знаете дека сте дале се од себе за земјата во која сте родени и која ја сакате“, напиша Ковачевски.

Македонија | пред 1 година

Боро „Марлборо“ се спогодил за затворската казна, истиот ден кога им ја скрои судбината на судијата и членот на СЈО

Ексградоначалникот на Ново Село, Боро Стојчев кој во јавноста го доби прекарот Боро Марлборо, се спогоди со Обвинителството за гонење организиран криминал и корпуција за предметот во кој се гони за продажба на дрога, дознава „Скопје1“. Според судски извори, обвинителката предложила Стојчев да биде осуден на 5,3 години затвор, санкција која судијата ја прифатил и му ја изрекол.Стојчев е лицето чиј син го пријави врховниот судија Наке Георгиев за примање награда за противзаконито влијание, заедно со членот на Советот на јавни обвинители Иџет Мемети. Георгиев беше затекнат со 10.000 евра во него и уапсен од полицијата. Според информации на „Скопје1“ ова е истиот ден кога Стојчев бил и правосилно осуден.Со спогодбата која ја направил со обвинителката, Стојчев признал дека продавал марихуана во повеќе наврати, на повеќе места. Со дрогата тргувал заедно со други лица кои се обвинети во предметот.Затворската казна за која се спогоди Стојчев е речиси и најниската која може да ја добие, согласно Кривичниот законик. Тој се гони за неовластено пуштање во промет на наркотични дроги, дело извршено со мрежа на препродавачи – за кое е предвидена казна од најмалку пет години. Стојчев доби три месеци повеќе од најниската.Тој издржува притвор во затворот „Скопје“ во Шутка. Екипата на подкастот „Претрес“ влезе таму и вечерва во 21 часот ви носи најнови информации поврзани со неговиот престој, здравствената состојба и нечуени детали.

Македонија | пред 1 година