ТОП

Ивановска апелира родителите да не бркаат „врски“ за оценки

Државната комисија за спречување на коруцпија (ДКСК) и денеска ја продолжи кампањата „Бидете херои на чесноста“ во ОУ „Братство“. Претседателката на Комисијата Билјана Ивановска упати апел дека родителите не треба да бараат „врски“ за оценки, туку децата сами треба да си ги заслужат.-Во досегашните анкети децата беа многу искрени и искажаа дека повеќе од половината, околу 60-70 проценти кажаа дека се сведоци на незаслужени оценки, а причината за тоа е поради тоа што родителите барале „врски“. Апелот треба да биде до сите, не само до децата, тука се и родителите од дома и наставниците од училиште. Родителите се тие кои треба да воспитуваат, наставниците треба да образуваат и не треба да има мешање на едното и другото. Кога детето веќе е дадено во училиште треба да се има доверба во просветните работници кои даваат се од себе за тоа дете да биде како што треба образувано. Не треба да имаат перцепција дека треба да се потпрат на родителите, и тоа им е еден одговор дека помош секогаш бараат од родителите, туку сами да се борат со свое знаење и своја умешност а не со помош на родителите да ги добиваат оценките, изјави Ивановска.Таа се надева дека преку оваа кампања со која сакаат да испратат порака за транспарентност и интегритет ќе се зголеми свеста кај децата за корупција.-Без интегритет не може да има никој борба против корупција, па ниту и дечињата. Перцепцијата е дека родителите бараат врски. И тоа е поразително. Мора да работиме на тоа, не е важно да бидат сите со петки, затоа има оценка од 1 до 5 важно е оценката да биде нивна заслужена и да се стекнат со знаење, нагласи Ивановска.Директорката на ОУ „Братство“ Јадранка Поповски истакна дека учениците стануваат се повеќе свесни и нагласи оти родителите треба да имаат целосна доверба дека нивните деца се во сигурни и безбедни раце и дека наставниот кадар како и стручната служба умеат да го извлечат најдоброто од нивните деца.-Ние овде работиме со иднината на нашето општество, рече Поповски.За поедноставно спроведување на кампањата, ДКСК ангажира и глумци кои се многу блиски до оваа популација на ученици и кои ќе успеат на својствен начин да ги им ги предочат проблемите со кои се соочува нашето општество да им укажат како на полесен начин да ги препознаваат и да ги следат позитивните, а не негативните примери.Кампањата започна на 16 мај, а претходно се спроведе во ОУ „Патр Поп Арсов“ и во ОУ „Коле Неделковски“.

Македонија | пред 2 години

По кратко боледување почина Ферус Мустафов

По кратко боледување, синоќа почина кралот на ромската музика, музичарот Ферус Мустафов.Веста за неговата смрт ја потврдија членовите на неговото семејство.Ферус имаше мозочен удар на 26 април и оттогаш се наоѓаше во болницата „8 Септември“.Мустафов е роден во Штип 1950 година во ромско семејство на музичари и е син на Илми Јашаров. Неговата професионална кариера започнала на седумнаесетгодишна возраст, додека студирал виолина и кларинет во локална музичка академија. За тоа време, тој бил поканет да оди на турнеја со бенд предводен од Тома Чрчев, а успехот на турнејата го натерало да се откаже од академското учење за да стане работен музичар.По една година воена служба, за време на која тој ја воспоставил својата репутација играјќи на вечерни танци, тој се преселил во Сараево, Босна и Херцеговина, каде ја презел водечката улога во експлозијата на популарноста на народната музика што се случила таму во тоа време. Подоцна станал директор за музичко програмирање на ромски јазик за Радио Телевизија Скопје и се здобил со меѓународна публика преку изданијата на албумите на светските музички записи како што се Глобус Стил и Тропски. Настапуваше во голем број земји во светот и сними десетина албуми, главно со инструментални композиции.

Магазин | пред 2 години

Дојде време еден Стојанче Ангелов да го уценува Али Ахмети, вели Меџити

Изет Меџити денеска се јави со своите први изјави по одлуката на ДУИ да го промени него и уште четворица членови на Централното претседателство на „интегративците“. Влијателниот член на ДУИ рече дека претседателот на партијата, Али Ахмети, како што вели, се спуштил на тоа ниво да може лидерот на „Достоинство“, Стојанче Ангелов, како коалиционен партнер да го уценува.Ова следува откако Ангелов вчера објави дека премиерот Димитар Ковачевски и Ахмети се подготвени да разговараат за барањето на „Достоинство“ за обештетување на бранителите. Меџити вели дека најновиот срам за ДУИ е потклекнувањето пред поранешниот бранител Стојанчо Ангелов, заради социјалдемократите.„Господинот Ахмети ги оквалификува како ултиматуми или како огромни неприфатливи барања кои ќе служат за зајакнување на ДУИ, но во исто време гледаме ултиматум од Стојанче Ангелов, кој нема ни пратеник во Собранието, само за да не ги доведе во опасност 4-5-тте илјади гласови на неговиот партнер СДСМ, прифатен е ултиматумот за бранители, заборавајќи ги војниците на ОНА. Сè ова говори дека ДУИ е заробена од диво месо и платеници, узурпатори кои се таму за интереси и функции“, рече Меџити.Од Огнената група велат дека ќе продолжат да бидат дел од ДУИ како фракција, користејќи ги сите демократски форми и нема да се откажат од ограноците кои ги граделе и тоа не се однесува само на Чаир и Сарај.Ниту денеска од ДУИ не објаснија врз основа на кој член од статутот на партијата го темелат едногласниот заклучок за смена на петте членови на Централното претседателство. Последната комуникација со медиумите беше во петокот пред влезот на средбата во Речица, кога Ахмети рече дека нема да се зборува за разрешувања. Но, потоа од партијата изразија жалење што Изет Меџити, Муса Џафери, Блерим Беџети, Висар Ганиу и Невзат Бејта самите си заминале од највисокото тело на партијата, но тоа тие го негираа.

Македонија | пред 2 години

Следува период на нестабилно време, можна е појава на свлечишта, одрони и запушување на атмосферската канализација

Центарот за управување со кризи предупредува дека од денеска во попладневните часови, па се до крајот на неделата, следува период на променливо облачно и нестабилно време со повремени поројни врнежи од дожд, грмежи и засилен ветер. Локално процесите се очекува да бидат во форма на невреме со услови за појава на град а на некои места локално да има и пообилни врнежи од дожд.Доколку процесите бидат поинтензивни и доколку на одредени места локално за кратко време наврнат поголеми количини на дожд можно е да дојде до забрзано зголемување на водостојот на малите реки и суводолиците. Исто така, доколку во градските урбани средини процесите бидат во форма на невреме придружувани со силен ветер и град, поради неможноста за впивање на водата како и поради можното запушување на канализационата мрежа со гранки и лисја можни се локални проблеми. Исто така, на одредени места локално е можна појава на одрони и свлечишта.Препорачуваме на внимателно движење покрај помалите реки и суводолиците и претпазливост на оние места каде во наредните денови (пред се во попладневните часови) се очекуваат поинтензивни врнежи од дожд", велат оттаму.

Македонија | пред 2 години

Петковски: Македонија да подзастане со уставните измени и со засилена дипломатска активност да ја разобличи фашизоидната политика на Бугарија

Тито Петковски, кој 17 години ја предводеше НСДП, објави статус на социјалните мрежи со наслов „Како натаму со Бугарија?“. Тој вели дека Македонија мора нешто да менува во стратегијата за односите до оваа европска земја.„По најновата антимакедонска кампања во Бугарија диктирана од самиот државен врв, станува јасно дека Македонија мора нешто да менува во стратегијата за односите со оваа европска земја.Станува збор за држава која во континуитет веќе две години е во постојани предвремени парламентарни избори и не е во состојба да состави функционална влада. Што значи, сеуште без консолидирана парламентарна демократија.По коментарите на бриселско “Политико” дека станува збор за ”мафијашка држава” во која отворена војна водат Главниот обвинител и поранешниот премиер Борисов, станува појасно зошто официјална Софија, кон Македонија се однесува дипломатски неодмерено, дрско, агресивно и потценувачки.Познато е дека, во услови кога една земја(како сега Бугарија)ќе се соочи со сериозни внатрешни проблеми, причините не ги бара внатре, туку вината ја префрла на “надворешен непријател”.Бугарија во овој момент е изложена на жесток притисок од ЕУ околу реформите во правосудството, криминалот, корупцијата и “мафијашкото однесување” на органите на прогонот и извршната власт. Дури и отворено заговара промена на бугарскиот Устав за внесување европски стандарди во овие области. Секако дека тоа е една од причините зошто на Бугарија ,покрај другото сеуште не и е дозволен пристап во монетарната унија.Евентуалната промена на бугарскиот устав ,може да биде добра прилика на реципрочна основа да се реши статусот Бугарите во македонскиот устав и на Македонците во Бугарскиот устав.До тогаш, Македонија треба малку да подзастане и да ја преиспита својата стратегија на градење односи со Бугарија и со засилена дипломатска активност да ја разобличи фашизоидната политика на бугарското државното водството.ЕУ добро знае дека Македонија целосно, уште одамна ги исполни Копенхашките критериуми за влез во ЕУ и во никој случај не треба да биде заложник на бугарската хегемонистичка политика а самата Бугарија, единствената пречка за почеток на пристапните преговори на нашата држава со ЕУ.

Коментари | пред 2 години

Најчевска: Амбасадорката дефинитивно ги прекрши сите правила на дипломатско однесување

Амбасадорката дефинитивно ги прекрши сите правила на дипломатско однесување, вели професорката Мирјана Најчевска.„Прво, стана адвокат на приватна фирма што е во конфликт со функцијата која ја има.Второ, ги девалвира институциите во земјата домаќин (Јавен обвинител, суд, Уставен суд, Собрание, комисија за заштита од корупција).Трето се промовира како експерт во домашното законодавство. Што дефинитивно не е.Четврто, пред само две недели даде сосема поинаква изјава (која е во рамките на дипломатските узуси) што сега потполно ја згази.Петто, отворено поддржува конкретна политичка партија во државата.Незапамтен дилетантизам.Изгледа, каква држава домаќин такви амбасадори“, додава Најчевска.

Коментари | пред 2 години

Доцевска-Божиновска: Стразбур пресуди дека ми биле прекршени правата при постапката за одредување притвор за „27 април“

Европскиот суд за човекови права во Стразбур пресуди дека на Елена Доцевска-Божиновска, советничка на ВМРО-ДПМНЕ во Општина Куманово, ѝ биле прекршени правата при постапката за одредување притвор во врска со упадот во Собранието на 27 април 2017 година.Доцевска-Божиновска на социјалните мрежи објави дека во пресудата се наведени бројни повреди и прекршувања во текот на целата постапка за настанот од 27 април 2017 година. Таа во тој период беше вработена во Кабинетот на тогашниот претседател на Собранието. Во Судот во Стразбур, Доцевска-Божиновска се жалеше дека судот и обвинителството ги одолговлекувале нејзините жалби за притворот.Кумановката Доцевска-Божиновска беше една од 33-та обвинети за случувањата во Собранието на 27 април.– Поминаа пет години … во претходната фаза од постапката, минатата година ми беше понудена спогодба. Ја одбив без размислување! Сакам правда, не пари, напиша Доцевска-Божиновска.

Македонија | пред 2 години

Нема нарушување на структурниот интегритет на мостот „Беласица“, вели Арсовска

Првичните информации говорат дека благодарение на брзата реакција на пожарникарите, оштетувањата на објектот се минимални и не довеле до нарушување на структурниот интегритет на мостот.Ова денеска го изјави градоначалничката на Скопје, Данела Арсовска на прес конференцијата одржана на мостот „Беласица“.-Службите на Градот Скопје и лично јас уште од првата вечер сме на терен на увид во настаната штета при пожарот. Денеска со мене е и еден од најголемите експерти не само во Македонија туку и пошироко професорот Михаил Гаревски кој во текот на изминатата недела изврши иницијални проверки со цел да добиеме потврда и да бидеме сигурни дека во моментот кога мостот ќе биде пуштен во употреба нема да биде загрозен никој.Напоменувам дека заедно со помошта на видни стручни лица од областа, Град Скопје ги презема сите потребни проверки со цел да бидеме сигурни дека никој нема да биде доведен во опасност и затоа се спроведува детално истражување за штетата која би можела пожарот да ја нанесе на мостот „Беласица“, рече Арсовска.Таа апелираше до сите институции да бидат на висина на задачата и прво да се спроведат сите можни испитувања на мостот Беласица, како што, како што рече, тоа го прави Градот Скопје со цел да дојдеме до вистински заклучок кога најбрзо мостот може повторно да биде пуштен во употреба.-Паушалните тврдења како досега кои произлегоа од политичките агенди на групи и поединци, што само шират страв и паника помеѓу граѓаните, не помагаат никому. Жалам што можам да констатирам дека секоја непогода со која се соочува градот резултира со медиумски линч на градската администрација иако на граѓаните им е јасно дека се работи само за очајни обиди за собирање на политички поени, рече Арсовска.

Скопје | пред 2 години

Со нож се обидел да нападне екипа од брза помош

На 19.05.2023 во 16.35 часот во СВР Скопје, од Итна медицинска помош било пријавено при интервенција во село Инџиково, Т.К.(42) се обидел со остар предмет да ја нападне екипата за домашна посета, но бил спречен од возачот на Итната медицинска помош. По документирање на случајот Единицата за насилен криминал при СВР Скопје ќе поднесе соодветна пријава.

Скопје | пред 2 години

Избегал од Идризово, па ограбил казино

Од Министерството за внатрешни работи известија дека утрово во Гази Баба е приведен разбојник кој утрово избегал од затвор каде издржувал 13-годишна казна- Денеска (20.05.2023) во 09.13 часот на ул.„Благоја Стефковски“ на подрачје на Гази Баба, полициски службеници од Специјален тим при СВР Скопје го лишиле од слобода Д.К.(48) од Куманово.Тој бил фатен веднаш откако со закана со пиштол одзел пари од вработен во казино на ул. „Благоја Стефковски“.Инаку, тој утрово побегнал од Казнено-поправната установа Затвор Идризово каде што издржувал затворска казна од 13 години и шест месеци за сторени кривични дела по член 237 и член 396 од Кривичниот законик, а имал за доиздржување три години и осум месеци - соопштуваат од МВР.Од Министерството додаваат дека при апсењето, полициските службеници испукале еден предупредувачки куршум. Кај него биле пронајдени одземените пари и пиштол „Чешка зброевка“ калибар 9 мм со муниција.По целосно документирање на случајот против него ќе биде поднесена соодветна пријава и ќе биде спроведен во казнено-поправната установа за доиздржување на казната.

Скопје | пред 2 години

Зошто народот треба да собира пари за лекување на некој млад човек, зошто државниот фонд не ја плати операцијата, вели Груевски

Зошто народот треба да собира пари за лекување на некој млад човек осигуран во фондот за здравство? Зошто државниот фонд не ја плати операцијата? На што личи една држава ако секоја или секоја втора недела за некој се собираат пари за лечење, вели поранешниот премиер Никола Груевски.„На што личи една држава која наместо редовно да си купува медицинска опрема и апарати и истата да ја одржува, чека некој да се смилува и да и даде донација?Нема една градба во моментот на некоја нова болница или клиника, а нема ни реновирања.Тие што беа почнато се запрени цели шест години, како клиничката болница во Штип, реновирањето на болницата Еразмо во Охрид кое го оставивме завршено, само се чекаше лифтот да се вгради, и реновираната болница да се пушти повторно во функција. За новиот клинички центар несакам ни да говорам…Нема никакви реформи.Нема програма за континуирана обука на лекарите во најнапредни клиники низ светот, а одеа по 1000 годишно?Зошто вака? Што се случува? Вака беше до 2006 година.Зошто пак?Се сеќавам дека предложив и се спроведе мерка државата преку фондот за здравство да ги покрие трошоците за секое лекување во странство за операции и интервенции за кои нема квалификувани лекари во Македонија.И така бидна. Се најдоа пари кога имаше воља.Се донесе одлука за плаќање на партиципација од најмногу 200 евра за лекување во странство.Пациентите кои имаат потреба да се ле- куваат во странство на државна сметка, кога во јавното здравство не може да се изврши таа интервенција, плаќаа партиципација од најмногу 200 евра.Претходно пациентите учествуваа со 20% од трошоците, а од први јануари 2013 година плаќаа најмногу 12 илјади денари за лекување во странство. Целиот останат трошок, без разлика колкав е трошокот, го плаќаше државата.Секако, се формираше комисија од лекари специјалисти кои само требаше стручно да потврдат дека са одредена дијагноза не може да се изврши лекување во Македонија, и потоа државата преку институциите ги покриваше трошоците.Така запреа оние секојдневни јавни апели и отворени, бесплатни и незнам какви телефонски линии за собирање пари за нечие лечење. Потоа такви случаи со собирања пари имавме само кога се донираше за други држави, како кога беа големите поплави во Србија или слично! Но не и за своите граѓани осигуреници на фондот.Убаво е и за поздрав е што граѓаните и дијаспората се хумани и дарежливи, но ова не е никаков систем, ова не личи на држава, ѓногу лошо изгледа, многу лошо! И многу тешко за болните.Додатно, ова ја намалува довербата во системот во очите на секој граѓанин во земјата! Може цел живот да плаќаш здравствено осигурување и ако еднаш се разболиш ти или твоето дете, да треба куќата да си ја продадеш за лекување. Тоа ли е правда? За таква ли правда се бараше власт и глас на изборите?Одкако ја во воведовме таа мерка, бројот на вакви случаи се сведе речиси на нула, и единствено се јавуваа вакви ситуации ако некој не е здравствено осигуран, бројка која е многу мала а и за оваа категорија луѓе имавме некои програми или доколку државата склучила договор за одредена интервенција на пример со некоја врвна клиника во Турција или Германија, а на пример родителот инсистира неговото дете да го оперира некој друг доктор во некоја друга врвна клиника, за кој некој пријател му пренел некое добро искуство, па бара помош од ваков тип. Но, не бил оставен на улица, туку сам решил да поклони доверба не на една врвна клиника и лекар, туку на друга врвна клиника и лекар. И тоа беа 1-2 случаи годишно такви, не повеќе.Паралелно побарав и направивме листа на болести и интервенции за кои државата преку фондот за здравство троши најмногу пари за лекување во странство бидејќи во земјата нема специјалист за истото и мора да се плаќа во странство, и потоа баравме соработка и праќавме на обука лекари во странство во најнапредните клиники, или организиравме странски лекари да дојдат во Македонија за да ги обучат нашите лекари за да може тие болести и интервенции успешно да се решаваат во домашниот здравствен систем.Најпрвин по 500 годишно, а потоа по 1000 лекари и медицински сестри одеа на обуки кои ги договаравме со врвните клиники во САД, Германија, Холандија, Италија, Франција, Велика Британија, Турција, Канада итн, а за одредени специфични работи и во Кина, Индија, Хонг Конг…Тие кои не знаеја некој од светските јазици, ги праќавме во околните земји со понапредни системи и клиники каде може да се разберат, во Љубљана, Загреб, Софија, Белград…Каде отидоа тие лекари во овие шест години?Сега повторно имаме многу често вакви случаи на јавни апели за сеопшто собирање пари за на некој да му се спаси животот.Па зошто граѓаните плаќаат придонес за здравство преку одвојувања од бруто платата?За кога ќе се во мака, да просат преку медиумите за пари и тоа не малку туку 110 илјади евра од илјадници граѓани да бараат милостина, а потоа како во овој случај подолу на скриншотот тоа да е некаква вест во државата?Зошто родителите на ова момче цел живот работејќи плаќале придонеси за здравство?За денес нивното најмило со целата мака која ја има уште и да моли и да се заблагодарува јавно за подарени 100-200 денари од илјадници хумани граѓани?Зошто да се понижуваат и оптеретуваат тешко болните, кога ова прашање беше решено и одлично функционираше со години?Не е во ред ова!На младиот матурант му посакувам здравје, успешно лекување и брзо закрепнување, а на власта да биде почовечна, повеќе фокусирана на проблемите на луѓето и да не ги остава граѓаните да молат за милостина токму тогаш кога им е најтешко во животот и се чуствуваат беспомошни.Не го заслужиле тоа“, додава тој.

Коментари | пред 2 години

Првите луѓе на згаснатиот клуб добија бугарски пасоши: „Ќе бидеме достојни граѓани на Бугарија, како што сме на Македонија“

Бугарскиот претседател Румен Радев им ги врачи бугарските лични документи на Љубчо Георгиевски и на Благој Шаторов – претседателот и секретарот на затворениот бугарски клуб од Битола „Иван Михајлов“.„За мене е привилегија да доделам бугарски лични документи на двајца наши сонародници, чија патриотска активност и храброст ја потсети цела Бугарија дека железниот светилник на бугарскиот патриотизам никогаш не бил згаснат во соседна Република Северна Македонија, дека илјдагодишната бугарска култура и историското наследство во Македонија се неизбришливи и ќе продолжат да ги будат умовите и срцата на Бугарите“, рече Радев.Претседателот, како што пишуваат бугарските медиуми, им вети дека државата ќе ги заштити нивните животи, достоинство и правда.Шефот на бугарската држава повторно кажа дека вклучувањето на Бугарите во Уставот на Македонија рамноправно со другите народи е практично гаранција за нивната рамноправност и неопходно барање на ЕУ за почеток на преговорите за членство и им заблагодари на европските лидери за прифаќањето и разбирањето на нивниот став.„Да работиме заедно во името на граѓаните во Бугарија и Северна Македонија, народот од двете страни на границата, со убедувањето дека споделуваме не само заедничка вековна историја, туку и заедничка иднина во обединета Европа“, рече Радев.Претседателот на затворениот клуб „Иван Михајлов“, Љубчо Георгиевски се заблагодари за документите и кажа дека претседателската институција во Бугарија прва го слушнала нивното барање за помош, како и дека проблемот на Бугарите допрел до европските институции и држави.„Мислам дека ќе бидеме достојни граѓани на Бугарија, како што сме и на Македонија“, рече тој.

Македонија | пред 2 години

(ВИДЕО) Запленети над 200 килограми тутун, за кој не била платена акциза

Денеска (19.05.2023) полициски службеници од Одделот за криминалистичка полиција, Сектор за економски криминал и корупција во заедничка координирана акција со царински службеници од Сектор за контрола и истраги при Царинската управа, Управата за јавни приходи и Државниот пазарен инспекторат на повеќе локации во Скопје спроведоа мерки и активности против криумчарење на акцизна стока и избегнување на давачки за продажба на режан тутун и производи од тутун без акциза и платени давачки.За време на контролата е констатирано дека во продажен објект, сопственост на Џ.А., пронајдени се и одземени 90 килограми режан тутун, избегнувајќи плаќање на акциза во износ од 193.500 денари. Покрај ова констатирано е дека објектот нема регистрирано правно лице, за што ќе следи глоба од Државен пазарен инспекторат.На тезга на влез на пазар, сопственост на У.Х. пронајдени се и одземени 105 кг. тутун, при што е избегната акциза од 225.750 денари, целата стока е одземена од страна на Царинската управа, а против лицето ќе следува и глоба од пазарните инспектори, додека во возило сопственост на О.И. биле пронајдени и одземени 19 килограми режан тутун, со што избегнал плаќање акциза во вкупен износ од 40.850 денари.Со денешната заедничка акција спречено е криумчарење на акцизна стока со вкупен износ на избегнати давачки кон државата над 460 илјади денари. Против лицата ќе следуваат соодветни поднесоци од надлежните институции.

Скопје | пред 2 години

Беровчанец си ја запалил куќата додека семејството му било внатре

Беровчанец си ја запалил куќата додека семејството му било внатре.На 17 март годинава во село Митрашинци, беровско, поради нарушени семејни односи, пријавениот предизвикал пожар во сопствената куќа.Надворешната канцеларија за криминалистички работи Берово поднесе кривична пријава против Г.Д.(21) од Берово, поради постоење основи на сомнение за сторено кривично дело „тешки дела против општата сигурност“ во врска со кривично дело „предизвикување општа опасност“.

Македонија | пред 2 години

Новиот директор на Биро за метрологија: Мислев дека тоа е наука за времето

Авдуљ-Селам Селами, кадар на ДУИ и поранешен заменик-директор на УЈП, денеска како нов директор на Биторот за метрологија, институција под надлежност на Министерството за економија за работа со мерни инструменти за контрола на квалитет, се обрати по повод Светскиот ден на метрологијата.Тој рече дека порано пред да стапи на функција си мислел дека оваа државна институција ги следи метеоролошките промени. Покрај објаснувањето за значењето, достигнувањата и плановите на ова Биро меѓу другото рече и дека тој до пред некое време мислел дека ова е наука за времето.-Метрологијата е наука за мерењата, метрологијата нема врска со временска прогноза во која што и јас, очигледно да ви кажам, до пред некое време грешев, мислев дека е наука за времето, рече Селами пред присутните.Селами по професија е дипломиран правик, а негово прво вработување било инспектор во УЈП. Потоа беше заменик директор на Агенција за финансиска поддршка на земјоделието и рурален развој, заменик директор на Управа за јавни приходи, бил член на Управен одбор на Универзитетска клиника за невролоија и член на Управен одбор на ЈП „Улици и патишта“-Скопје.На Светскиот ден на метрологијата се обрати и министерот за економија Кршеник Бектеши.

Македонија | пред 2 години

Нема фотографија

Изгледа Агелер има амбиции како поранешниот амбасадор во Косово, откако го излобира најскапиот автопат се вработи во Бехтел, вели Мојсовска

Дали Анџела Агелер претендира по завршување на дипломатската кариера да си обезбеди место во познатиот конзорциум „Бехтел и Енка“? Ова прашање се наметнува ако го читате постот на членката на политичката партија „Левица“, Јована Мојсовска.Мојсоска на својот Твитер профил посочува дека Агелер има амбиции како и поранешниот амбасадор во Косово, Кристофер Дел, кој, според нејзините пишувања, по завршување на диполоматските обврски се вратобил во компанијата- Изгледа Агелер има амбиции како поранешниот амбасадор во Косово КРИСТОФЕР ДЕЛ, кој откако го излобира најскапиот автопат, се вработи токму во корпорацијата Бехтел. Излобираниот автопат во Косово достигна сума од речиси 17 милиони долари за еден км (повторно со таен договор).https://twitter.com/Mojsoskata/status/1659151214175453186?s=20

Коментари | пред 2 години

Ковачевски треба да покаже кој го платил патувањето за неговите деца бидејќи вака остава лош впечаток, вели Ивановска

Билјана Ивановска, претседателката на Државната комисија за спречување на корупција, го повика премиерот Димитар Ковачевски да покаже кој го платил патувањето на неговите деца кои ги поведе додека беше на работни средби во Вашингтоб и Њујорк.- Значи треба да покаже кој го платил патувањето бидејќи вака остава лош впечаток, лоша перцепција се создава дека ако е таткото некој функционер може цела фамилија да оди. Не е единствен случај, за жал таа перцпеција треба да се промени, но тоа ќе се промени со фактичка состојба. Нека оди, нека патува, но нека покаже кој тоа го покрива, рече Ивановска.ДКСК денеска ќе донесе одлука за тоа дали ќе отворат предмет за овој случај. Тоа ќе се разгледа на Колегиумот и јавноста ќе биде известена.- Ние одлуките дали отвараме или не предмет ги носиме на колегиум, денеска после овој настан ќе имаме колегиум и ќе ги известиме, посочи Ивановска.Премиерот Ковачевски веќе изјави дека нема потреба да покаже кој го платил патувањето на неговите деца во САД каде владината делегација беше во работна посета една седмица.Единствено кажа дека трошоците за синот и ќерката не биле на товар на буџетот.

Македонија | пред 2 години

Апелација го одби барањето на Марјан „Доказ М“ за иземање на обвинителот Рајчев

Апелацискиот суд Скопје го одби барањето на обвинетиот Марјан Стаменковски, сопственик на порталот „Доказ М“, за иземање на обвинителот Сашо Рајчев од случајот „ДоказМ“.По поднесеното барање одлучуваше Јавното обвинителство на Република Северна Македонија. На Стаменковски Основниот кривичен суд Скопје му изрече единствена затворска казна во траење од три години и еден месец.Стаменковски се товареше за пет кривични дела, односно за две дела ширење на расистички и ксенофобичен материјал по пат на компјутерски систем, уцена, пиратерија на аудиовизуелно дело и за злоупотреба на лични податоци. Освен затворската на Стаменковски му беше изречена и парична казна од пет илјади евра заради злоупотреба на лични податоци. При претрес на домот на сега осудениот полицијата запленила документација, електронски уреди и 90.000 евра.

Македонија | пред 2 години

(ВИДЕО) Скопјанец малтретира и повредува мачка, „Анима мунди“ бара одговорност

Извесен Д.Д. од населба Лисиче, Скопје на најсуров и монструозен начин малтретира и повредува мачка. Ова преку соопштение го изјавија од здружението за заштита на животни „Анима Мунди“ кои велат дека во текот на вчерашниот ден пристигнало видеото до нив.„Ова видео е само дел од долготрајното психопатско изживување врз мачката бидејќи според сведоштвата истиот ја удирал од земја неколкупати со што и нанел очигледни повреди и траума. Ваквите слики од млади лица кои судејќи по смеењето во позадина на видеото и задоволството во изживување врз живо битие се скоро секојдневие и аларм за тоа каква младина продуцира ова општество и која би била следната жртва на насилниците од овој калибар“, велат од Здружението.Како што посочуваат, млади лица кои покажуваат ваква ниска свест, нула емпатија и се изживуваат, убиваат животни, подоцна нивната агресија според стручни лица можат да ја применат и на луѓе.„Бараме од надлежните институции да преземат соодветни дејствија и да има одговорност во овој случај, да се интервенира навремено кај овој млад човек и превенираат вакви случки во иднина. Недозволиво е било кое живо суштество да е мета на насилници со вакво девијантно и монструозно однесување“, завршуваат од Анима Мунди.

Скопје | пред 2 години

Каракамишева со предлог текст за нова Преамбула за уставните измени

Професорката Тања Каракамишева излезе со предлог текст за нова Преамбула за уставните измени кој треба да ја штити самобитноста на македонскиот народ и продолжување на континуитетот од Крушевската република, АСНОМ и 8-септември 1991 година.-Во изминативе месеци јавноста се изнаслуша различни видувања, ставови, мислења за промената на Преамбулата на Уставот.Не коментирав ништо!Но, како одминува времето слушам толку големи небулози и се соочувам со такви непознавања на уставната материја што си велам зарем е можно!!!Јавноста заслужува да има објективни информации за целиов процес, податоци втемелени не на политички/партиски/етнички желби и каприци, туку на научни параметри врз основа на кои и треба да се води дебатата за и околу измената на нашиот Устав!Во интерес на таа објективност и научна втемеленост еве го мојот став:Предлог-текст за промена на Преамбулата на идниот Устав на Македонија:"Ние, припадниците на Македонската нација, преземајќи ја одговорноста за сегашноста и иднината на својата татковина, свесни и благодарни на своите предци за жртвите и посветеноста во нивните заложби и борба за создавање самостојна и суверена држава Македонија и одговорна пред идните генерации за зачувување и развој на сé што е вредно од богатото културно наследство и соживот во Македонија, еднаква во своите права и обврски кон заедничкото добро - Република Македонија - во согласност со традицијата на Крушевската Република и одлуките на АСНОМ и на Референдумот од 8 септември 1991 година, одлучивме да ја конституираме Република Македонија како самостојна, суверена држава, со намера да се воспостави и зацврсти владеењето на правото, да се гарантираат човековите права и граѓанските слободи, да се обезбеди мир и соживот, социјална правда, економска благосостојба и напредок на личниот и заедничкиот живот, преку своите претставници во Собранието на Република Македонија, избрани на слободни и демократски избори го донесуваат овојУ С Т А В**************Во предлог-текстот намерно ги немам вклучено измените од Амандман XXXIV бидејќи сите амандмани (од XXXIII до XXXVI) објавени во „Службен весник“ на 11 јануари 2019 година се неуставни, односно се донесени во постапка спротивна на Уставот.Освен постапката, спорна е и номотехниката на амандманите. Во 2019 година со само еден амандман се смени името на државата во целиот текст на Уставот, непозната пракса во светската уставна теорија и пракса, Во 2019 година не се донесе посебен амандман за насловот на Уставот каде се додаде новото име на државата, значи без уставен амандман се смени насловот на Уставот, правен преседан пар екселанс.Сите амандмани од 2019 година имаат грешка од номотехничка природа.Како посебно спорен го издвојувам Амандманот XXXIV со кој се измени Преамбулата на Уставот.Имајќи предвид дека Преамбулата во Уставот на Македонија не е составен дел на Уставот на Македонија, бидејќи Преамбулата се наоѓа над насловот Устав на Македонија, ова значи дека нејзината измена не е во согласност со член 129 од Уставот каде што стои дека Уставот на Македонија се изменува и дополнува со уставни амандмани.Со оглед дека Преамбулата не е составен дел на Уставот, таа не може да се изменува и дополнува со уставни амандмани, туку само во постапка на донесување нов Устав.Оттука, мојот предлог-текст на новата Преамбула на Уставот на Македонија би можел да се примени само ако се отвори постапка за донесување нов Устав во кој би требало да се исправат сите досегашни грешки и фалинки во Уставот, а работата на сегашната комисија за измена на Преамбулата ја сметам за беспредметна, бидејќи Преамбулата не може да се промени со амандман од веќе споменатата причина.Кои устави во Европа, заедно со Уставот на САД, во својата преамбула ја имаат вклучено нацијата како основа или темел на државата и државноста?1. Уставот на Ирска2. Уставот на Словенија3. Уставот на Хрватска4. Уставот на Шпанија5. Уставот на Унгарија6. Уставот на Франција7. Уставот на Германија8. Уставот на Полска9. Уставот на Словачка10. Уставот на Естонија11. Уставот на Летонија12. Уставот на Литванија и други.Останатите земји немаат преамбули во уставите, како на пример, Финска, Шведска, Норвешка, Италија, Австрија, Белгија, Грција, и други.. се наведува во нејзиниот предлог.

Коментари | пред 2 години

Мостот „Беласица“ ќе биде затворен од два месеца до една година, вели деканот на Градежен факултет

Не е лесно да се направи детална форензика на еден мост, вели деканот на Градежен факултет Горан Марковски, кој беше гостин во утринска на Телма.Според него, доколку истрагата покаже дека е потребна скромна санација, таа би траела најмалку два месеци, а доколку е потребна сеопфатна санација тогаш ќе мине една година.Мостот „Беласица“ беше оштетен во стравичен пожар пред една недела, а како главна сообраќајна артерија, која сега е надвор од употреба, предвика невиден сообраќаен хаос во Скопје.

Скопје | пред 2 години

Ниеден надлежен орган не утврдил неправилности во работата на „Банана филм“, велат од продукцијата на Милчо Манчевски

Придукцијата на режисерот Милчо Манчевски излезе со реакција по неколку дена откако Агенцијата за филм поднесе кривична пријава за незаконско работење на „Банана филм“ и за тоа ја извести јавноста во вторникот.Како што се вели во соопштението правниот тим на „Банана филм“, Агенцијата за филм лаже дека инспекцијата на Министерството за култура нашла неправилности во работата продукцијата на Манчевски, за како што велат од таму, да го дефокусира вниманието од нејзиното незаконско работење и како одмазда затоа што нивниот криминал е пријавен до надлежните институции.„Ниеден надлежен орган не утврдил неправилности во работата на „Банана филм“ и ниту еден надлежен орган во моментов не води постапка против оваа продуцентска куќа. Напротив, неколку институции веќе заклучиле дека Агенцијата за филм работи незаконски.Според Записникот на инспекцијата на Министерството за култура од 4 април 2023 година, инспекторот јасно и недвосмислено утврдил дека нема неправилности во работата на „Банана филм“, поради што и ја запрел постапката за инспекциски надзор.Записникот вели: „Не е утврдено ненаменско или спротивно на договорот користење на средства добиени од Агенцијата за филм, од причина што корисникот на средствата се придржувал кон финансискиот и оперативен план согласно Законот за филмска дејност“.Да потсетиме дека инспекцијата на Министерството за култура ја разгледуваше работата на „Банана филм“ по барање токму на Агенцијата за филм. Ги повикуваме медиумите и јавноста да побараат коментар од самото Министерство или да го побараат записникот ИП.бр.57-27 од 04.04.2023 година и да заклучат на дело како Агенцијата лаже“, реагираат од „Банана филм“.Во вторникот Агенцијата за филм соопшти дека поднела кривична пријава против продукцијата „Банана филм“ – Скопје на режисерот Милчо Манчевски и понатаму ќе ги стопира сите заеднички проекти.Од таму се сомневаат дека продукцијата не ја искажала фактичката состојба за работењето на проектите „Мајки“, „Врба“, „Кајмак. и „Биста“, а се повикуваат и на инспекција извршена од Министерството за култура и од Управата за финансиска полиција.Според „Банана филм“, ваквиот потег на Агенцијата за филм е да се дискредитира работата на Милчо Манчевски.„Филмовите на „Банана филм“ се резултат на меѓународни копродукции и поминуваат со позитивни оценки низ домашни и странски ревизии, како и на паневропскиот фонд Еуримаж, и низ инспекција на Министерството за култура.Истакнуваме дека имаме добиено и позитивен извештај токму од истата таа Агенција за сите наши филмови – „Мајки“ (2010), „Врба“ (2019) и „Кајмак“ (2022).Групата која сега незаконски владее со Агенцијата за филм ја пласира лагата за наводни неправилности во „Банана филм“ за да го дискредитира најтрофејниот македонски режисер Милчо Манчевски и неговите домашни и меѓународни успеси кои се без преседан во современата македонска култура.Оваа кривична пријава е поднесена со цел да се оправдаат најмалку две незаконски постапки на Агенцијата – незаконското одбивање да се доисплатат средствата кои според правосилниот договор Агенцијата ѝ ги должи на „Банана филм“ за завршениот филм „Кајмак“ кој од минатата година со успех го обиколува светот, како и незаконското одбивање на Агенцијата да потпише договор за проектот на „Банана филм“, „Биста“, кој беше поддржан како филм од национален интерес на конкурсот на истата таа Агенција од мината година.Лагата на Агенцијата и кривичната пријава имаат за цел и да се одвлече вниманието на јавноста од катастрофалните извештаи за работата на Агенцијата: (1) на Државниот завод за ревизија, во кој е изразено неповолно мислење за работата на Агенцијата за филм, со бројни наоди за незаконска работа („Со извршената ревизија изразивме неповолно мислење во однос на вистинската објективност на финансиските извештаи и за усогласеноста на финансиските трансакции со релевантната законска регулатива, упатства и воспоставени политики за 2021 година“), (2) на Транспаренси Интернешнал Македонија (со наоди за судир на интереси и концентрација на моќ. (3) на Министерството за култура кое има негативно мислење по Годишните извештаи за работа на Агенцијата , (4) на инспекцијата при Министерството за култура кое констатирало судир на интереси во Агенцијата, но и од фактот дека (5) Антикорупциската комисија активно ја истражува работата на Агенцијата и ДФРМ и дека (6) лани заклучи судир на интереси“, додадено е во реакцијата.Од таму велат дека сериозни поплаки од повеќе филмаџии против Агенцијата и ДФРМ има и до вицепремиерката за антикорупција Славица Грковска, и тоа можело да се провери во нејзиниот кабинет.„И самиот Манчевски, изминативе неколку години со пријави до надлежните институции укажал на корупција во Агенцијата за филм.Правниот тим на „Банана филм“ подготвува тужби и кривични пријави против луѓе во Агенцијата за филм и други за кршење на законот по повеќе основи, како и за попречување на нашата професионална работа, за клевета и за замолчување укажувачи на корупција.Како продуцентска куќа која стои зад филмски проекти кои се културно наследство на Македонија, и покрај сè, ние веруваме во институциите и во нивната чесна работа за одбрана на јавниот интерес.Ја повикуваме Владата, откако ќе ги разгледа негативните извештаи за работата на Агенцијата за филм да ги разреши директорот и Управниот одбор поради бројните негативни оценки од релевантните институции, а Обвинителството го повикуваме да отвори истрага против нив“, стои во отвореното писмо до јавноста.

Магазин | пред 2 години

Час поскоро треба да добиеме одговори и да се почне со санација на мостот Беласица, вели Јанчева

Ситуацијата со мостот во близина на молот Ист геј е за вонредна седница, за да се најдат одговори и да започне неговата санација час побрзо.Ова го исткна советничката во Град Скопје, Љубица Јанчева од редовите на СДСМ во телевизиско гостување на Телма.- Ние побаравме вонредна седница по информацијата дека една од сметките на Град Скопје е блокирана. Тоа е прашање за кое час поскоро треба вонредна седница. Нашето барање, согласно деловникот, беше потпишано од најмалку една третина членови на советот. Доставено беше во понеделникот, а уште нема абер. Таквото однесување е недопустливо, одговорноста тука ја барам од претседателот на Советот - рече советничката во Град Скопје од СДСМ, Љубица Јанчева во „Вин-вин“ на Телма.Таа додаде дека кога има барање за вонредна седница, тогаш претседателот на совет е должен да ја закажа, а оправданоста на тоа барање се гласа дополнително.- Вчера добивме информација дека најран термин за вонредна седница е 27 мај. Тоа се 15 дена од барање, што е период за две редовни седници. Потребна е вонредна седница и за мостот кај Беласица исто така час поскоро - рече Јанчева.Советничката истакна дека Советот на Град Скопје треба да дискутира, да донесе заклучоци и да даде задолженија на градоначалничката во врска со опожарениот мост.- Ваквата ситуација е прашање за вонредна седница. Час поскоро треба да добиеме одговори и да се почне со санација на мостот - рече Јанчева, која додаде дека не може градоначалничката да се обвини за пожарот, но тоа не значи дека Град Скопје не треба ништо да прави.

Македонија | пред 2 години

Арсовска мора да го информира Советот за состојбата на мостот Беласица, властите наместо да го решат проблемот, си ја префрлаат топката, вели ВМРО-ДПМНЕ

Советничката група на ВМРО-ДПМНЕ во Советот на град Скопје очекува што побрзо да биде ставена на дневен ред точката за мостот Беласица, потребна е итна санација.„Арсовска мора да го информира Советот што се случува и зошто со денови нема конкретни информации во врска со состојбата на мостот Беласица.Граѓаните ги интересира што побргу мостот да биде ставен во функција.Скопјани не можат да чекаат на префрлањето на топката помеѓу Владата и Арсовска. Како што се договараат за гласање на финансиските програми, така да се договорат и мостот да биде поправен во најитен рок.Неколку стотина илјади скопјани кои секојдневно се на релација од Центар и Аеродром кон Гази Баба се соочуваат со метеж, затоа што властите наместо да го решат проблемот, си ја префрлаат топката.Оттука Советничката група на ВМРО-ДПМНЕ во Советот на град Скопје побара најитно ставање на дневен ред на точката за барање информација во врска со состојбите, по што ќе може да произлезат и конкретни предлози и решенија“, се вели во соопштението.

Скопје | пред 2 години

Нема ден без порази и неуспеси, УКИМ на 1990 место на светското рангирање на универзитети, 26 места полошо од лани, вели ВМРО-ДПМНЕ

Нема дно кое власта на ДУИ и СДС не може да го пробие. Кога јавноста ќе помисли дека во секторот образование не може да биде полошо, доаѓа нов пораз и неуспех, вели ВМРО-ДПМНЕ„Имено најдобриот македонски универзитет, УКИМ, бележи пад од 26 места на листата на Центарот за рангирање на светските универзитети во споредба со лани. Од 1964 место сега се дошол до 1990 место и е далеку зад универзитетите во регионот. Универзитетите во Крагуевац, Нови Сад, Ријека според рангирањето се далеку подобри од македонскиот најдобар универзитет.Ова само покажува дека во Македонија се случува сериозен пад на квалитетот на високото образование со оваа власт на СДС и ДУИ. Нема инвестиции во науката, нема инвестиции во образованието, нема инвестиции во човечкиот капитал и кадарот на универзитетите.Ковачевски треба да се срами од овој поразителен податок, дотолку повеќе што се преставува како професор. Штом не неправил ништо за образовниот сектор од кој доаѓа, значи дека и од таа област нема врска.Се случува целосен распад на системот. Се е пуштено во удолница со оваа власт. Единствено што ги интересира властодршците од СДС и ДУИ е како да наместат тендер, како да украдат, како да се збогатат на сметка на граѓаните и на државата. Ќе одгововараат за урнисувањето на образованието како и за сите други сектори во државата“, се вели во соопштението.

Македонија | пред 2 години