ТОП

(ВИДЕО) Објавени нови снимки од дивеењето на студентите во Охрид

На социјалните мрежи продолжуваат да се шират видеа од дивеењето на студентите од 12-те кинезиолошки факултети од Хрватска и регионот. Сите учествуваа во Охрид на, како што велат, традиционалниот собир на студентите „Дифовијада“.Лустери наместо чаши, фрлање прозорци низ прозорец – сето тоа може да се види на новите снимки, пишува хрватскиот портал„24сата.хр“.- Тоа беше вистинска руина. Сите дојдовме да се опуштиме, а некои претераа малку, како што можете да видите. Да не зборуваме како снимаа сѐ и уште се фалеа со тоа на мрежите, изјави за весникот студент кој учествувал на „Дифовијадата“.Од хотелот „Десарет“ каде што се случило демолирањето претходно кажаа дека се многу изненадени.- Имаме големи групи студенти кои доаѓаат да се дружат овде. Никогаш до сега немало проблем, изјави претходно хотелскиот менаџер.Претседателот на Сојузот на студенти на Хрватска за уништениот хотел во Охрид изјавил дека пожарот е предизвикан од инсталациите.

Македонија | пред 2 години

Хајредини: Изборен модел како што и одговара на ДУИ, инаку паѓа влада или „војна ќе има“

Џевдет Хајредини на социјалните мрежи објави статус во кој вели дека консензус за изборниот модел може да има само доколку сите партии прифатат тоа што и одговара на ДУИ.„До консензус за изборниот модел лесно може да дојде, само под услов сите други партии да прифатат тоа што му одговара на ДУИ, инаку паѓа Владата или “војна ќе има”“, вели Хајредини.

Коментари | пред 2 години

Лоши вести за Скопје - мостот кај „Ист гејт“ ќе биде затворен најмалку една година

Мостот „Беласица“ кој минатиот четврток доцна вечерта се запали ќе биде затворен најмалку една година, вели деканот на Градежниот факултет од Скопје, професот Горан Марковски. Тој за САКАМДАКАЖАМ.МК вели дека сериозна е работата со мостот, потребна е сериозна истрага и е зачуден од лежерниот однос на институциите.Марковски утрото по пожарот на, како што вели „колегијално барање на колегите од Град Скопје, а не официјално“ бил на увид и од првичните сознанија постои сериозен ризик за безбедноста на мостот.„Високите температури штетат на три составни компоненти на мостот, односно на бетонот, обичната арматура и најкритична точка се каблите кои се внатре во бетонот на мостот. Каблите се изработени од високо вреден челик, тие се многу чувствителни на високи температури и ги губат своите карактеристики ако дојдат до контакт со висока температура. Прашањето е, односно треба да се утврди која температура стигнала до нив и дали нивната носивост е нарушена. Тоа не е ни малку лесно, бара сериозна истрага и не е добар ваквиот лежерен однос на институциите“, вели Марковски.

Скопје | пред 2 години

Додека министерот за здравство живее во куќа од скоро милион евра, животот на пациентите со цистична фиброза виси на конец, лек Трикафта и понатаму нема за сите, вели ВМРО-ДПМНЕ

Додека Меџити живее во куќа од скоро милион евра, животот на пациентите со цистична фиброза виси на конец, лек Трикафта и понатаму нема за сите, вели ВМРО-ДПМНЕ„Пет месеци пациентите со цистична фиброза се оставени без лекот Трикафта.Пет месеци владата на СДС, ДУИ и Алијанса на Албанците не можат да обезбедат лек за сите 140 пациенти.Нов министер, стари проблеми. Пациенти умираат, останатите едвај преживуваат, а министерот за здравство Меџити наместо да даде јасен одговор, изјавува дека не зависи се од него.Па, јавно прашуваме ако владата и министерот за здравство Меџити не можат да набават лек за 140 пациенти, тогаш како може да очекуваат граѓаните да ги подобрат состојбите во здравството?Бараме под итна реакција од надлежните, и одговор од министерот за финансии Фатмир Бесими уште колку ќе се чека лекот да биде набавен?Пратеничката група на ВМРО-ДПМНЕ даде поддршка за законските измени се со цел да се обезбедат потребните финансиски средства за лекот, а лек се уште нема.Владата на СДС, ДУИ и Алијанса на Албанците ги дели луѓето и по болест и целосно го урнаа здравствениот систем.Доста е од негрижата и неспособноста на владата.Потребни се итни промени“, се вели во соопштението.

Македонија | пред 2 години

Бугарски европарламентарец „исвиркан“ во македонското Собрание

Бугарскиот европратеник Александар Јорданов, кој наедно е и поранешен амбасадор на Бугарија во Скопје, беше исвиркан во македонското Собрание откако повторно се служеше со навреди на национална основа.На Јорданов кој за време на прославата на годишнина од раѓањето на Гоце Делчев на социјалните мрежи се служеше со квалификации како „титоисти“, „Србомански измет“ и „родени Бугари“ денеска му беше дозволено да зборува во македонскиот Законодавен дом.-Мора да знаете историја. Таа е вечна дисциплина. Гоце Делчев неколкупати се декларирал како Бугарин. Браќата Миладиновски напишаа зборник на бугарски народни песни кои ги нарекоа македонски само затоа што се од регионот на географска Македонија. Не може тие да станат македонски песни, рече Јорданов.По ова наиде на довикувања од пратениците дека ова не е час по историја, дека има кој да расправа за тоа, дека постои историска комисија и дека историјата овде не е тема, на што тој возврати дека „ историјата била европска вредност“.-Непримерно е овде да зборувате за тоа, ниту пак имате научни докази како се чувствувале Македонците, му возврати Соња Мираковска од СДСМ. Потоа го потсети дека Комитетот на министрите на Советот на Европа има резолуција која утврдува дека нашата држава системски не го дискриминира бугарското малцинство. За законот за имињата на граѓанските здруженија му порача дека е усвоен со консензус од сите политички партии, дека тие не се забрануваат туку начинот на кој се именуваат и дека такви правила има и во Германија. За уставните измени рече дека е формирана работна група која работи на нив и дека станува збор за долг процес во кој самата процедура на измена на Уставот трае четири месеци.Реагираше и Александар Николоски од ВМРО-ДПМНЕ кој рече дека нема втор пример во светот на ваков систематски начин да се удира по правото на самоопределување на еден народ, по правото да го именува мајчиниот јазик и слично и дека е крајно понижувачко Македонија да треба да ја менува историјата и да менува како се определува за да влезе во Европската унија.

Македонија | пред 2 години

СДС и ДУИ го уништија РЕК- со набавка и користење на несоодветен увезен јаглен оштетиле блок во комбинатот, вели ВМРО-ДПМНЕ

Власта на ДУИ и СДС систематски го уништуваат најголемиот енергетски капацитет во Македонија РЕК Битола. Она на кое што ВМРО-ДПМНЕ предупредуваше се случи. Независни експерти и медиуми известија дека на еден од блоковите на РЕК му се случила хаварија поради неквалитетниот јаглен од увоз кој скапо го набавуваше оваа власт на ДУИ и СДС, вели ВМРО-ДПМНЕ„Бидејќи речиси 7 години не инвестираа во нови ископи и рудници на јаглен, среде криза на оваа неодговорна власт и текна дека има потреба од јаглен. И тогаш криминалците од власта се сетија овој јаглен да го увезуваат и од тоа да се печалат високи провизии, наместо да се ископува од домашни извори.Патем, како што пренесоа медиумите овој јаглен бил крајно некомпетентен, со наслаги слични на бетон, кои се лепат на опремата. Тендерот за набавка на јаглен го доби фирма од Мала Речица, а најголемиот дел од ваквиот јаглен беше набавен од Албанија.Вработените во РЕК и во ЕЛЕМ се под сериозен притисок да молчат, додека раководството се правда со вообичаените флоскули дека на блокот се прави “планиран/редовен ремонт“ или дека “опремата е премногу стара и дотраена“.Вистината е дека неодговорноста и криминалот на оваа власт на ДУИ и СДС го уништи енергетскиот сектор во државата и најголемиот енергетски капацитет РЕК Битола. За ова мора да има одгвоорност“, се вели во соопштението.

Македонија | пред 2 години

Јоци за Арсовска: Цело Скопје и е затнато, што мисли да прави околу алтернативно отворање на мостот кај Керамидница кој го изгради Шилегов?

Јорданка Ивановска Јоци ја искоментира изјавата на градоначалничката на Данела Арсовска во која таа вели дека мостот Беласица зависи од институциите кои прават проценка на безбедноста, а не од Градот Скопје.„Цело Скопје и е затнато, по затворање на мостот кај Транспортен центар - од Чаир, преку Мавровка до Центар секој ден е катаклизма!Искача Dan€la на ТВ21 и вели цитат - ,,не зависи од Град Скопје колку ќе биде затворен мостот ,,Беласица"⁉️Зависело од институциите кои правеле проценка на безбедноста⁉️Добро, еве ,,институциите" за некое време ќе речат ,,треба санација" и од кого ќе зависи колку ќе биде затворен? Секако, од Dan€la.Мостот е целосно во надлежност на Град Скопје, го изгради Р.Пенов, иако невестава сака да купи време и да звучи дека не е. И доколку треба да се санира, тоа ќе го прави Градот, не ,,институциите кои прават проценка".Туку, во моментов, поради затворање на овој исклучително важен мост, единствена преостаната сообраќајна врска на Југ со Скопје - Север, Гази Баба и излезот од градот е - бул. Кочо Рацин и крстосницата кај ,,Мавровка" - каде неколку дена сообраќајот е апокалиптичен.И ќе продолжи да биде сé до санација на мостот и негово отворање за сообраќај.Колоната почнува од Џон Кенеди во Чаир и бидејќи сé е затнато, луѓето до Центар патуваат еден час.Прашањето е, што мисли да прави градската власт околу алтернативно отворање на мостот кај #Керамидница кој го изгради Шилегов?Ова прашање треба да заврши на седница на Совет, патем.Тоа би било идеално решение како замена за мостот ,,Беласица".Не може Dan€la вечно да дава изговори како имало имотни проблеми и да си игра шљакање асфалт низ Скопје, а кога ќе се ,,умори од одморот", да се шета по телевизиички“, се вели во објавата.

Коментари | пред 2 години

Пожарот на мостот „Беласица“ е предизвикан од човечки фактор, тврди Арсовска

Градоначалничката на Град Скопје, Данела Арсовска истакна дека пожарот на мостот „Беласица“ е предизвикан од несовесни граѓани.-Прелиминарната истрага покажа дека се работи за фактор човек, имаме несовесни граѓани кои за жал, не размислуваат кои се штетите кои може да настанат, не само по јавното добро , туку и по животот на нашите сограѓани. и тоа е нешто апелиравме и се надеваме дека МВР и ЦУК ќе ги преземат соодветните мерки да бидат елиминирани последици и да се најдат сторителите и за истото да бидат санкционирани, рече Арсовски во вчерашното гостување во емисија на ТВ21.Таа потенцира дека Градот Скопје ќе ги чека анализите и извештаите од МВР и ЦУК за да почне да постапува.Одговорајаќи на прашањето колку би потраел периодот на затворање на мостот за сообраќај, Арсовска рече дека тоа не зависи од нив.-Се додека не е 100 процентно безбеден и сигурен за премин од страна на граѓаните и на возилата, не смее да биде пуштен сообраќајот. Пред да бидеме сигурни дека издржливоста и статиката на мостот и да се испита дали е безбеден за премин, не можеме да дадеме одговор, рече Арсовска.Во петок, Градот Скопје донесе одлука да се затвори сообраќајот за сите моторни возила и за движење на пешаци на мостот што ги поврзува Железничката станица и Ист гејт мол, се додека не се утврдат точните штети од пожарот кај мостот „Беласица“.

Скопје | пред 2 години

Македонската економија годинава со раст од два отсто, а следната 3%, вели Европската банка за обнова и развој

Северна Македонија годинава ќе има раст на БДП од два отсто, а во нардната од три проценти, се наведува во најновата прогноза на Европската банка за обнова и развој (ЕБОР) за регионалните економски перспективи.Целиот регион на Западен Балкан во 2023 ќе забележи раст од 2,2, а догодина од 3,4 отсто.Албанската економија годинава ќе има раст од 2,5, а следната 3,3 проценти, Босна и Херцеговина (2,0% и 3,0%), Косово (3,5% и 4,0%), Црна Гора (3,3% и 3,7%), и Србија (2,2% и 3,4%)ЕБОР во извештајот наведува дека на економските перспективи на Западен Балкан годинава ќе влијаат инфлаторните притисоци и послабите изгледи на напредните економии во Европа, со попозитивни прогнози за 2024 година кога се очекува економскиот раст да се зголеми на 3,4 отсто.

Македонија | пред 2 години

(ВИДЕО) Ние им ја оспоруваме верата, Албанците територијата, Грците идентитетот, а Бугарите сè, вели Јовановиќ за Македонија

Српскиот политичар Чедомир Јовановоќ во поткастот „Буре барут“ зборува за политиките на ЕУ кон Балканот. Тој вели дека ЕУ планира дека го реши проблемот со Македонија така што таа нема да постои. Меѓудругото, Јовановиќ вели дека на Србија ѝ било понудено дел од Македонија, Црна Гора и Босна и Херцеговина, во замена за Косово.„Србија треба да се откаже од Косово. Не знаат друго што да прават па ни нудат дел од Македонија, северот на Косово, дел од Црна Гора и Република Српска. Ќе го решиме проблемот со Македонија така што нема да постои и тоа се случува веќе три години. Го нема повеќе Заев бидејќи е измамен. Измамен е од ЕУ. Тие му рекоа договори се со Ципрас, реши ги прашањата меѓу Македонија и Грција конечно и тоа тој го направи. Тоа е многу тешка тема во Македонија за тој народ. Ние им ја оспоруваме верата, Албанците територијата, Грците идентитетот, Бугарите сè – и јазикок и се друго.Тој (Заев) направи договор во Преспа, и наместо да ги отворат преговорите, тие одложија за шест месеци, тоа беше француско-германската иницијатива, кога Макрон паметно рече дека не е време за проширување на ЕУ, треба ние прво нашите проблеми да ги решиме, па потоа излезе со неговата идеја за малку поголеми малку помали членови на ЕУ. Но, во меѓувреме се појавија Бугарите и сега има најнов услов на кој Македонија треба да одговори, тие бараат и бугарскиот јазик да биде изедначен со албанскиот и македонскиот јазик, бараат Македонија да биде држава на бугарскиот народ. Значи бараат нештои што Македонците не можат никако да им го дадат“ вели Јовановиќ.Видеото од интервјуто стана вирално по објавата на социјалните мрежи.

Македонија | пред 2 години

ВМРО-ДПМНЕ го доведе Скопје пред банкрот, Советот да расправа за тешката финансиска состојба, вели СДСМ

Неспособноста и кавгите за рацете во медот на ВМРО-ДПМНЕ Данела Арсовска и се причините што денес Град Скопје е со блокирана сметка и му се заканува банкрот, вели СДСМ„Околу 100 милиони евра годишно изнесува Буџетот на Градот а дополнително при преземањето на власта Арсовска и ВМРО-ДПМНЕ наследија плус од 13 милиони евра.Парите се потрошени, а за сето време додека се на власт во Скопје нема ниту еден проект нема довршување ниту на наследените а јавните претпријатија крпат крај со крај.Тоа е срамно и недозволиво.Денес СДСМ ќе поднесе иницијатива за одржување на седница на Советот на која ќе се расправа за тешката финансиска состојба во Градот.Арсовска и ВМРО-ДПМНЕ мора да одговорат каде завршиле стотици милиони евра пари на граѓаните“, се вели во соопштението.

Скопје | пред 2 години

За прв пат размислувањата на некој министер се толку блиску до моите, вели д-р. Беќаровски

Познатиот доктор Нико Беќаровски вели дека откако го изгледал интервјуто на актуелниот министер за здравство, Фатмир Меџити, и дека се согласува со неговите ставови.„Денес успеав да го изгледам петочното интервју на Министерот Fatmir Mexhiti и морам да признаам дека не паметам кога последен пат размислувањата на некој Министер биле толку блиски со моите, посебно за спојувањето на Клинички Центар во една организациона единица и децентрализација на кадарот од Скопје.Да се надеваме дека ќе успее заедно со сите нас да ги оствари.Како мој прв личен придонес во неговата визија, спремен сум во било кое време и на било кој начин, да ги посетам сите болници и Здравствени домови низ Македонија, да им помогнам на колегите кои таму работат со дополнителна едукација пред се за третманот на акутните интоксикации, но и сите останати интернистички болести.Можеби не е лоша идеја сите колеги од Клиничкиот Центар кога ќе наполнат 64 години, да им се продолжува договорот за работа до 67 години, само ако потпишат изјава дека во тие три години секоја работна недела ќе поминуваат 2-3 дена во некој од Медицинските центри низ Републиката.Така делумно ќе се супституира недостатокот на доктори од една страна кој е алармантен во сите градови вон Скопје, а и колегите во овие центри ќе има од кого да научат и да се советуваат“, пишува д-р Беќаровски.

Коментари | пред 2 години

Кој и зошто го враќа собранието 20 години назад, каде е целата база на податоци, прашува поранешниот претседател Трајко Вељаноски

Поранешниот претседател на собранието Трајко Вељановски испрати писмо до Претседателот на Собранието, координаторите на пратеничките групи на СДСМ, ВМРО-ДПМНЕ, ДУИ, Алијанса, Алтернатива, Беса, Левица и другите учесници на координативните средби, средствата за јавно информирање, невладините организации и граѓаните корисници на сајтот на Собранието. Тој прашува кој и зошто го враќа собранието 20 години назад и што се случува во него повеќе од една година.Писмото Ви го пренесуваме во целост:Кој и зошто го враќа собранието 20 години назад!?Што се случува во Собранието на Република Македонија повеќе од една година?Каде е целата база на податоци, дневни редови на седници од 1991 година, стенограми на сите тие седници од 1991, видео записи од седниците од 2002 година наваму, гласања по точки, податоци за сите пратеници и нивни биографии почнувајќи од првиот собраниски состав од 1991 година,..?Каде се целиот труд, време и енергија вложени од собраниската служба со цел собранискиот сајт и е-Парламент систем да бидат едни од најдобрите во светот, да бидат пример и да им користат на граѓаните, пратениците и службата??Кој тоа се поигрува со два изградени, имплементирани и функционални системи? И зошто?Требаше само совесно и одговорно да се одржуваат и користат!Ретроспектива на воведувањето на е-Парламент системот:Согласно преземените обврски, а врз основа на член 68, став 2 од Уставот на Република Македонија, од:1. Декларацијата прифатени од земјите членки на Пактот за стабилност за Југоисточна Европа, потпишана на 4 јуни 2002 година;2. Агендата за развој на информатичкото општество за земјите од Југоисточна Европа донесена на 20 октомври 2002 година;3. Акциониот план на Европската комисија E-Europe 2005;4. Заклучоците од Министерската конференција за електронска управа, во 2003 година;5. Завршната декларација на светскиот самит за информатичко општество (WSIS) усвоена во 2003 година во Женева;6. Други договори и конвенции ратификувани од страна на Република Македонија;7. Усвоена Декларација за забрзан развој на информатичкото општество и дигитална економија во Република Македонија како национален приоритет од 2002 година;8. Усвоена Национална стратегија за развој на информатичкото општество од 21 септември 2005 година.Собранието на Република Македонија на седница одржана на 15 декември 2005 година донесе ДЕКЛАРАЦИЈА ЗА ВОВЕДУВЊЕ НА е-ПАРЛАМЕНТ ВО СОБРАНИЕТО НА РЕПУБЛИКА МАКЕДОНИЈА.Откако станав Претседател на Собранието на Република Македонија (21.06.2008 година) оваа обврска ми беше високо на агендата на приоритети и заедно со тогашните колеги пратеници, координатори на пратеничките групи, потпретседателите на Собранието, но пред се благодарение на стручната, професионална и силно посветена собраниска служба успеавме да го реализираме/воведеме системот е-Парламент кој овозможи огромни придобивки од многу аспекти.Повеќе месечни консултации, часови и часови работа на службата на Собранието, работа со имплементаторот на системот компанијата Некст Сенс допринесоа Собранието во 2009 година го има е-Парламент системот како еден од најдобрите во светот.Проектот го реализиравме заедно со компанијата „Некстсенс“, која беше автор на софтверот. Ова особено го истакнувам бидејќи станува збор за домашна фирма, односно за домашен производ и вградено знаење за кое сметав дека може, но и кое се покажа како конкурентно на сите пазари, а нашиот е-Парламент систем пример и репер кој го земаа и вградија повеќе држави во регионот.Со воведувањето на Е-парламентот, во суштина, целиот законодавен процес во Собранието се направи да се одвива по електронски пат. Во пракса тоа значи дека од влегувањето на законот во парламентот, сите фази во законодавната постапка предвидени со Деловникот, се одвиваат по електронски пат.Идејата беше секој пратеник, како и вработените во Собранието, да можат многу ефикасно да го следат движењето на секој закон, или друг документ, или акт кој е во собраниска процедура. Сето ова, од една страна ја зајакнува ефикасноста и квалитетот на самиот законодавен процес, а во исто време има и економски ефекти.Втора, исто толку значајна димензија, која произлегува од воведувањето на Е-парламентот, е јакнењето на транспарентноста на законодавниот дом. Oсновна алатка за постигнување на оваа цел е собраниската веб-страница која беше поврзана со Е-парламент-системот од каде ги црпи податоците во врска со материјалите од законодавната постапка и која секојдневно, покрај на македонски, се ажурираше на албански, англиски и француски јазик. Со тоа е овозможено на истата, освен дневната агенда, како за пленарни седници, така и за сите собраниски комисии и други работни тела, да може да го најдете и секој закон кој влегува во собраниската процедура, како и сите други документи, акти и извештаи кои се тема на расправа во Собранието. Исто така, идеја беше да можат да се следат сите предложени амандмани од страна на пратениците, расправите преку стенограмите во собраниските комисии, како и заклучоците, па сè до усвојувањето на законот на пленарна седница. Односно, секој заинтересиран да може преку нашата веб-страница да го следи целокупниот законодавен процес.Понатаму, на веб-страницата можеше да ги најдете пратеничките состави на сите досегашни мандатни периоди, со основни биографски податоци за секој актуелен, но и поранешен пратеник.Огромна работа, време и енергија службата на Собранието вложи во дигитализацијата на стенограмите од сите пленарни седници од првиот парламентарен состав (од 1991 година), па се до актуелниот, што претставува огромна и значајна база на податоци за која верував и верувам дека ќе има примена и во научно-истражувачката дејност за оние кои сакаат да го истражуваат парламентаризмот во Република Македонија, но беше од огромна полза и за самото работење на пратениците и службата.Имавме намера преку собраниската веб-страница секој граѓанин може да се обрати до својот пратеник со свои размислувања и предлози.Воведовме и стриминг преку кој можат во живо да ја следите работата на пленарните седници.Фактот дека според истражувањата на јавното мислење, токму интернетот, односно нашата веб-страница во тој период се проби во врвот на медиумите преку кои граѓаните добиваат информации за работењето на парламентот, беше показател дека замислата успешно ја реализиравме во рамките на Е-парламент системот, со постојано настојување за унапредување и надоградување.Овие наши резултати во релативно краток временски период добија високи оцени и од страна на меѓународната заедница.По воведувањето на системот и отпочнување на негово функционирање во ноември 2009 година следеше Светската е-Парламент конференција во Вашингтон, на која учествуваат највисоките претставници на парламенти од целиот свет. Конференцијата ја отвори тогашниот спикер на Претставничкиот дом на САД, г-ѓа Ненси Пелоси.Како позитивно искуство на Конференцијата беше претставен проектот Е-парламент на Собранието на Република Македонија од страна на тогашниот потпретседател на Собранието, г. Јани Мaкрадули, кој исто така беше активно вклучен во целиот просец на воведување на е-Парламент системот.Во септември 2010 година следеше дводневна Конференција за е-Демократија во Охрид на која учествуваа повеќе од 35 делегации од 15 земји.„Македонскиот парламент е еден од најдобрите во регионот кога станува збор за користење на информатичките технологии. Македонија е пример за останатите земји“, оцени на Конференцијата Блаж Голаб, директор на ЦЕЕ центар за развој на е-Влада на отварањето на конференција за е-Демократија: „Информатичко-комуникационата технологија - двигател на демократијата и транспарентноста“.Во мај 2012 година на покана од г-ѓа Ева Копаз претседател на Сејмот на Република Полска и г. Богдан Боришевич, претседател на Сенатот на Република Полска, учествував на Конференција на претседатели на парламенти од земјите на Европската унија во Варшава, Република Полска на која учествуваа 28 претседатели и потпретседатели на парламенти, како и претседателот и потпретседателот на Европскиот парламент г. Мартин Шулц и г. Мигуел Ангел Мартинез, една точка од расправата беше посветена токму на оваа тема „Парламентот, мислење на јавноста и медиуми“:„Воведувањето и функционирањето на Е-парламентот е неминовност која е во функција на зголемување на ефикасноста на парламентарната демократија, на поголемата транспарентност во работењето на парламентите, а со тоа и на вистинска и ефикасна интеракција меѓу парламентот како законодавен дом и граѓаните и невладиниот сектор. Во суштина, тоа е и основата на демократијата“, истакнав во обраќањето.Потпретседателот на Собранието на Република Македонија и член на Делегацијата во Интерпарламентарната унија (ИПУ), г Јани Макрадули, учествуваше на Светската конференција за е-парламент, што се одржа во септември 2012 година во Рим, Италија на која учествуваа високи претставници од парламентите, меѓународните организации и експерти од областа на информатичките и комуникациските технологии во парламентите и повторно македонскиот систем е-Парламент беше презентирани и ценет како одлично решение.За жал, од една ваква ситуација наместо веб страницата на Собранието на РМ да се развива натаму имаме нејзино целосно уништување и замена со нова која има податоци од 2020 година. За жал собраниската страница на мрежата е денес илустрација за неодговорното владење на актуелниве власти. Сепак светот не почна од 2020 година и Македонија не е самостојна држава од 2020 година, напротив од тогаш започна нaјнеодговорниот период на владеење во нашата историја.Со вакво неодговорно однесување :- Се губи транспарентноста на Собранието;- Се губи отчетноста на пратениците пред своите гласачи;- Се губи најсилната алатка на медиумите за прибирање на многу податоци за работата на Собранието, сега и во минатото;- Пратениците губат можност за црпење на искуства од меморијата на работа и пракса на Собранието;- Фрлени во сенка се можностите за проверка на ставовите на партиите и пратениците за значајни теми во сегашноста и минатото;- Пратениците не можат да црпат искуство од воспоставените практики за работа на Собранието;- Академската и стручна јавност губи сериозен извор на информации и податоци за своите научни потреби.Со почит,Скопје, 15.04.2023 годинаТрајко Вељаноски,Поранешен претседател на Собранието на Република Македонија

Македонија | пред 2 години

Нема фотографија

(ВИДЕО) Има многу гнев, ќе се повтори тоа во Србија, Весна Петрушевска со сведоштва за насилството меѓу децата

Фаќање за задник, скубење, удирање, навреди – вака изгледа детството на многумина тинејџери, сведочи актерката Весна Бејби Петрушевска, која секојдневно работи со деца во нејзината актерска школа. Јавна тајна е дека деца шетаат со ножеви по училишта, врсничкото насилство стана секојдневие. Петрушевска во интервју за „Макфакс“ сведочи за секојдневието на децата во Македонија, кои се мета на булинг, што подоцна носи тригери за себеповредување.„Немаше дете кое не ми раскажа приказна за врсничко насилство. Дете немаше. Сите имаа нешто да ми раскажат, ‘чекај и јас да ти кажам ова имав’, ‘јас да ти кажам она имав’“, посочува Петрушевска за „Макфакс“.Коментирајќи го масакрот во училиште во Белград, а прашана дали може во Македонија да се повтори нешто слично, таа вели: „Многу брзо, моето чувство е многу страшно и никогаш не ме излажало. Многу има гневни деца“.Посочи и примери од нејзината актерска школа, каде деца кои се суперѕвезди меѓу младите се малтретирани на улица, па во дел од интервјуто вели: „Оди надвор од зграда на школско игралиште му се собираат поголеми деца му викаат ваков си таков си, па ќе го удрат, го малтретираат, па ќе купи пица, ќе му ја истурат пицата.„Јас сум видела врсничко насилство и мои деца коишто се удирале со глава затоа што надвор имале деца кои ги претепале оти биле главни во ‘Дајте музика’“, рече Петрушевска, по што раскажа детали.Децата меѓусебно се нарекуваат со „педер“, „курва“, „лезбејка“ – а тоа носи трауми. Петрушевска раскажа и за родителскиот пристап кон овие проблеми, како и суров пристап на родител чија ќерка имала психолошки проблем и било на лекување на Психијатриската клиника во Скопје.„…И доаѓа некој да ја посети, јас таму и сега мене сите ме препознаваат… Ми вика ‘Вие тука?’, ‘да јас тука’. Продолжува: ‘ за кого?’, викам ‘за дедо ми, за кого’. Нели гледате дека има проблем… а вие викам што сте, „а татко сум јас“,…. па додава: ‘инaку нејзе ништо не и е“. Викам: ‘господине вие имате тука врвни доктори, штом имала таков напад, штом имала таков тригер, сигурно е за тука и ќе и помогнат, тоа не е ништо страшно’“, раскажува актерката.

Македонија | пред 2 години

„Механизацијата била само за сликање, за дваа часа циркус“, Левица за изградбата на автопатот Прилеп-Битола

Политичката партија „Левица“, во врска со отпочнувањето на подготвителните работи за изградбата на автопатот Прилеп-Битола, на Фејсбук напиша дека сето тоа било циркус.„ Далеку од очите на јавноста, пред само неколку новинари, денес самонаречениот премиер на нивната земја го најави според него отпочнувањето на подготвителните работи за изградба на автопатот Прилеп-Битола, проект кој влегува од еден во друг скандал преку разни злоупотреби.Иако присутна, механизацијата неколку часа не работеше и само чекаше да дојдат новинарите и делегациите за да на крајно аматерски начин пред камерите одглумуваат дека наводно нешто работат. Но набрзо и на тоа имаше крај по што само по два часа откако заврши целиот настан, тешката механизација беше транспортирана во непознат правец. Тука биле само за сликање!Мора да се напомене дека целиот настан беше крајно нетранспарентен, немаше изјави за медиумите, а на присутните вклучувајќи ги и новинарите не им беше дозволено да поставуваат прашања со што уште еднаш се докажа дека целата постапка е крајно сомнителна и скандалозна, без вклучување на јавноста“, обвини партијата.

Македонија | пред 2 години

Нов инспектор во МВР е кандидат на СДС за градоначалник на Дебрца, каде е департизацијата која ја најавуваше Спасовски, вели Ковачки

МВР продолжува да се полни со неуспешните и поразените кандидати за градоначалници на СДС, вели Драган Ковачки од ВМРО-ДПМНЕ.„Од пред некој ден, нов инспектор во МВР е Игор Крцоски, кандидат на СДС за градоначалник на Дебрца.И сега, каде е департизацијата на институцијата која ја најавуваше Оливер Спасовски уште во 2015?Министерот Спасовски е тој кој не го почитува сопствениот закон за внатрешни работи според кој, вработените не може да бидат членови на политичка партија и за кој држеше интервјуа на разни медиуми.Значи го прави токму спротивното од тоа што го зборува.Истиот министер што го крши сопствениот закон по којзнае кој пат, е задолжен за спроведување на други закони и борба со криминалците и корупцијата во Македонија.Директно одговорен за падот на довербата во МВР е лично Оливер Спасовски со своите против-законски постапки“, додава тој.

Македонија | пред 2 години

Овој воз вози кон Брисел и никој не може да го сопре, вели Груби

Подиум со автопатски линии, пулт со „10 д“ и Артан Груби со маичка со истата ознака. Вака изгледаше церемонијата за почнување на изградбата на Коридорот 10 д. Имаше поздрав на три јазици, па рече дека е среќен што денот ќе го сподели со присутните. На премиерот Димитар Ковачевски му се заблагодари на поддршката за проектот за коридорите 8 и 10 д. Преку собранискиот претседател Талат Џафери им се заблагодари и на пратениците. Од пултот неколку минути имаше и низа други поздрави.„Овој проект продолжува и сите влади, а следната секако ќе биде истата како оваа денеска, ќе го завршат овој проект, ќе ги пресечат лентите. Втората порака денеска ми е тоа што го гледате денеска во Собранието и тоа што Владата го направи е порака дека е дојден крајот на заложништвото на Собранието, проектите и иднината на граѓаните. Ова мнозинство демонстрира што значи да се стави крај на блокадата. Од денес при изградба на вакви проекти упатувам порака дека е дојдено време да ставиме крај и на блокадата на нашето европско интегрирање“, рече Груби.Груби рече дека тој е качен на возот, па ги покани и другите. Им рече: „Овој воз вози кон Брисел и никој не може да го сопре“.На претходната церемонија Груби се појави со маичка „8“, што подоцна му ја подари на новинар.

Македонија | пред 2 години

Нема фотографија

Лефков до Груби: Ќе одговарате и ти и Ковачевски, знаете дека Мицкоски пардон со криминалот нема да има

Ниту Груби, ниту Димитар Ковачевски нема да се спасат од одговорност за криминалот кој со години го прават, под превезот на ЕУ интеграцијата, која ја злоупотребуваат за богатење и крадење и ја крадат иднината на граѓаните, обвини пратеникот на ВМРО-ДПМНЕ, Миле Лефков.„Груби многу добро знае дека со Христијан Мицкоски нема да му поминуваат криминалите, знае дека ќе одговара и знае дека нема да избега од правдата, затоа и сите напади од него и од Ковачевски се упатени кон Мицкоски, затоа што знаат дека пардон за криминалот нема да има.Груби ќе одговарате и ти и Ковачевски, тоа да го знаете“ порача Лефков.

Коментари | пред 2 години

Канческа-Милеска ослободена за случајот „Тендери“

Судијата Осман Шабани и даде ослободителна пресуда на ексминистерката за култура, Елизабета Канческа-Милевска. Тој и судиите поротници ги анализирал сите докази по што утврдил дека јавниот обвинител не докажал дека таа ја фаворизирала фирмата „Бетон“ од Штип да го гради Музејот на ВМРО. Додаде дека не е докажано ниту дека имало градежни работи уште пред тендерот да биде распишан. Ослободени се и другите три обвинети.„Јавниот обвинител не успеа да ја докаже вината кај обвинетите, надвор од разумно сомневање. Обвинетите се ослободуваат од обвинение“, рече Шабани.Тој кажа дека имало јавен оглас за завршни градежни работи. Па согласно Законот за јавни набавки огласот бил објавен во Службен весник. По објавата, имало четири економски оператори, а само „Бетон“ од Штип доставила понуда.„Во присуство на членовите на Комисијата за јавни набавки, констатиран е прием на една понуда. Извршен е избор на фирма за градежни работи на музеите“, додаде Османи.Случајот се судеше пет години. Се врати и на повторно судење откако пред изрекување на пресудата, судија-поротник отиде во пензија.

Македонија | пред 2 години

Млекото и млечните производи се безбедни, тврди АХВ

По кој знае кој пат и вчера преку објавен ФБ статус, Цветан Трипуновски од ВМРО ДПМНЕ се обиде да ја изманипулира и заплаши јавноста дека во опасност е доведено здравјето на потрошувачите поради неспроведената јавна набавка за лабораториско испитување на болеста бруцелоза. Како одговорна институција апелираме граѓаните да не подлегнуваат на политичките инсинуации на Трипуновски дека на пазарот ќе се пласираат небезбедно млеко и млечни производи поради нереализираната јавна набавка која е навреме објавена, а за која Државната комисија за жалби по јавни набавки е во фаза на одлучување по поднесена жалба, вечат од АХВ.„Одговорно тврдиме, безбедносниот систем за млекото и млечните производи не е нарушен. Покрај лабораториските испитувања, во спроведувањето на Годишната наредба за здравствена заштита на животните за годинава, како дел од повеќегодишните програми за контрола и искоренување на болестите кај животните, вклучително и на бруцелозата, се вршат и клинички прегледи. Лабораториските испитувања се само една од методите за докажување на здравствениот статус на животните на одгледувалиштата.Примарната контрола на здравствениот статус на животните на фармите ја имаат сточарите и тие водат сметка за ова. Ја почитуваат законската обврска секоја промена во здравствениот статус на животните да ја пријават до ветеринарните друштва или официјалните ветеринари.Суровото млеко кое влегува во процесот на производство задолжително термички се третира(стерилизира/пастеризира) со што се елиминира и можноста, млеко заразено со бактеријата бруцела да влезе во производството. Оваа бактерија со термичкиот третман на млекото се уништува. Дополнително, врз основа на сопствени контролни програми и контролите кои ги спроведува Агенцијата за храна и ветеринарство, се контролира и безбедноста на секој готов производ.На крајот, единствено за што е во право Трипуновски е неговото тврдење дека здравјето нема цена и затоа, неетички и неморално е од негова страна, исклучиво за политички цели, постојано да се игра и манипулира со него“, се вели во реакцијата.

Македонија | пред 2 години

Коридорите 8 и 10Д се национален интерес, со законите заштедуваме 150 милиони евра, вели СДСМ

Предлог измените и дополнувањата законите што влегоа во собраниска процедура имаат за цел унапредување на ефикасноста во изградбата на патната, железничката и енергетската инфраструктура во државата, вели СДСМ„Коридорите 8 и 10 Д се од национален интерес со што нашата држава конечно ќе стане вистинска балканска крстосница.Со измените на предвидените закони, се обезбедува побрза, поевтина и квалитетна изградба не само на коридорите, туку и за сите идни национални и стратешки инфраструктурни проекти, меѓу кои спаѓаат и проекти финансирани од ЕУ, од меѓународни финансиски институции.Сите предложени законски измени се во согласност со Уставот и со нивното донесување ќе се заштедат 150 милиони евра и две години изградба за коридорите 8 и 10Д.Оттаму, важно е сите пратеници да ги поддржат измените и дополнувањата, тие да бидат донесени побрзо за делниците да бидат изградени побрзо и поевтино“, се вели во соопштението.

Македонија | пред 2 години

Ковачевски, Груби и Маричиќ ја загрозуваат ЕУ интеграцијата на Македонија, и евроамбасадорот потврди дека го злоупотребуваат европското знаменце, вели ВМРО-ДПМНЕ

Ковачевски, Груби и Маричиќ ја загрозуваат ЕУ интеграцијата на Македонија, и евроамбасадорот потврди дека го злоупотребуваат европското знаменце, вели ВМРО-ДПМНЕ„Системот на европско знаменце се користи кога ја усогласувате вашата легислатива со легислативата и стандардите на ЕУ. Не загрижува означувањето на законите поврзани со коридорите 8 и 10д со европско знаменце, со оглед на тоа што тука нема усогласување со стандардите на ЕУ, кажа евроамбасадорот Гир во изјава за медиумите.Ковачевски, Груби и Маричиќ свесно го злоупотребуваат европското знаменце за да прават криминал и гласаат закони кои се и противуставни.Владата на ДУИ поддржана од СДС само декларативно се залага за ЕУ, а всушност, ја злоупотребува евроинтеграцијата за да прави криминал, со што ја загрозува репутацијата на ЕУ во Македонија и влијае негативно кај граѓаните.Владата на ДУИ поддржана од СДС свесно ги злоупотребува ЕУ и интеграцијата на Македонија вк Унијата. Народот тоа го гледа и за тоа ќе ги казни на следните избори.Ги повикуваме амбасадите на земјите членки на ЕУ, Делегацијата на ЕУ во Македонија и Европската Комисија да ја повикаат владата да ги повлече законските измени со европско знаменце и да не го оцрнува процесот кој има за цел хармонизација на нашето законодавство со тоа на ЕУ“, се вели во соопштението.

Македонија | пред 2 години

Рашковски: Кога обвинител ќе промаши 99% во обвинителниот акт - тоа зборува за каков стручњак станува збор

Кога обвинител ќе промаши 99% во обвинителниот акт - тоа зборува за каков стручњак станува збор, вели Драги Рашковски.„Кога во сето тоа ќе внесе мали деца со цел да предизвика омраза – тоа кажува за каков (не)човек станува збор.Кога приватно сте лош човек или непрофесионален цената ја плаќате самите, но кога тоа ќе го правите во службата, тогаш подлежите на кривична одговорност и разрешување.Ивана Трајчева 2 години тврди дека на сметките на моите малолетни деца има огромна сума на незаконски средства. Милиони.... За на последното рочиште, сама, од немај каде, не дека и проработи свеста, да смени дека од моја страна на нивните сметки се внесени 475 евра!!! Да. 475 евра. За толку 2 години се труе јавноста.Сега ќе треба да им погледне во очи на сите судии кои ги лажеше овие 2 години за да блокираат средства убедувајќи ги дека има докази дека станува збор за сериозен криминал.Судиите како да се претворија во неми послушници на барањата на обвинителите. Како за притвор, така за времени мерки, така и за претреси. Демек ова право на обвинителите “им е од бога дадено”, а тие се само исполнители на нивните желби. Не само глупоста, туку и злобата нема граници. На последното рочиште ЈО Ивана Трајчева направи 3 потези за кои Советот на Јавни обвинители веќе не смее да остане нем набљудувач.1. Откако призна дека нема ништо криминално, а и незаконско зголемување на мојот имот (кој патем се има зголемено за 4.000 евра додека сум бил на функција), ЈО Ивана Трајчева направи досега невидено “Salto mortale” во обвинителската историја. Во својата изјава вели дека бидејќи обвинителството не можело да најде ништо незаконско во моите средства, ја испратиле документацијата до ДКСК за тие да најдат!!! Замислете, на затворена истрага, јавен обвинител праќа материјали до друга институција која нема законска можност да гони кривично да врши истрага, само затоа што тие не успеале да најдат ништо незаконски. Мора да има криминал затоа што она така сака?2. Откако е веќе јасно дека случајот “Софтвери” е беспредметен, без никакви докази за сторено кривично дело, а на површина излегуваат, односно најверојатно сами си ги вадат скриените намери, ЈО Ивана Трајчева поднесува обвинителен предлог против мене за сторено кривично дело “Фалсификување исправа”, притоа покажувајќи основно непознавање што е тоа картица од партија која банката ја издава. Просто е за неверување дека јавен обвинител кој работи во организиран криминал не знае што е картица од партија. Со ова ЈО Ивана Трајчева ја обвинува во позадина и НЛБ Банка дека издала фалсификат документ. Кому му се сите криви? Се знае како е поговорката.3. После 2 години и се разјасни дека не може средства од 2017 и 2015 кога и не сум бил ни функционер да потекнуваат од 2019!!! Ете за таква динамика на логика правиме муабет во обвинителниот акт.Обвинителот кој ќе промаши 99% не се вика ОБВИНИТЕЛСТВО. Не е тоа одраз на состојбата во обвинителството. Таму има многу стручни правници. Има име и презиме. Се вика Ивана Трајчева.Затоа кога некој ќе направи фрапантно промашување, слободно кажете му “Ај не ми се прај Ивана Трајчева”“, додава тој.

Македонија | пред 2 години

ДУИ и СДС го претворија во Судски совет во „Стрини на чешма“ заради нивните партиски и бизнис интереси, вели ВМРО-ДПМНЕ

Правосудството во Македонија со власта на ДУИ и СДС го допре дното. Довербата на граѓаните во правосудните органи е сведено на статистичка грешка од само 3 до 4%. Тоа е резултат на партизирањето и силувањето на судските органи кое го прави оваа власт, вели ВМРО-ДПМНЕ„Да потсетиме дека за половина година се сменија три претседатели на Судскиот совет, институцијата која одлучува за тоа кој судија ќе биде именуван, унапреден или разрешен. Сето тоа помина со скандали, прекршување на норми и обвинувања за политички, бизнис и слични интереси. Сега како капак на се, се забрани присуство на камери на состаноците на Судскиот совет што уште повеќе го нарушува угледот и кредибилитетот на оваа институција. Ваквиот потег за забрана на снимања на седниците на Судскиот совет има за цел да прикријат пазарите со правото и правдата кој што се случуваат. Судски совет се претвори во "Стрини на чешма", тело без суштина, без кредибилитет, крајно политизирано и девастирано.Без здраво судство нема правна држава, а без правна држава нема напредок, туку само корупција и криминал од функционерите. Тоа доволно говори зошто и кој го уништува судството и кој има корист од тоа. Тоа само говори дека дното во судството ќе биде пробиено. Доверба во судството ќе почне да се мери во промили. Ова е системско уништување на судството кое треба да биде коректив во една држава. За тоа мора да има одговорност“, се вели во соопштението.

Македонија | пред 2 години

Димитриевски распали по полицијата: Со вашиот непрофесионализам, полуписменост и лукративност ги елиминиравте професионалците!

Кумановскиот градоначалник, Максим Димитриевски, откако добил пријава од граѓанин за паркирано полициско возило на место каде што паркирањето е забрането, „распали“ по полицијата.„Најостро ги осудувам ваквите вандалски однесувања особено кога доаѓаат од страна на овластени службени лица во овој случај полициски службеници.- Класичен пример како не треба, за жал со оваа се потврдуваат многуте тврдења на локалната самоуправа дека тој кој што со закон е обврзан да го прави редот прв и во континуитет го крши.- Работите одамна избегаа од контрола, не ни очекувам било што да корегираат, освен да се фалат со безбедноста на хартија и на партизирани настани и да не замајуваат дека живееме во најбезбедна држава во која со калашникови како на филм се убиваат, но спас има и од вас како и од тие пред вас на ист начин, на избори, народот ќе ве смени.Возилово на МВР е паркирано преку травникот и живата ограда на тротоарот и велосипедската патека на влезот на градот на новиот кружен ток на бул. Трета МУБ на десет метри на спротивната страна од улицата има новоизграден паркинг простор кој во овој момент е полупразен. Навистина "убав пример за граѓаните" а подоцна ќе барате од општината да свикува совет за превенција преку кој наводно ќе ги едуцирате возачите на совесност, невидена хипокризија...Со вашиот непрофесионализам, полуписменост и лукративност ги елиминиравте професионалците, институциите станаа ваш заложник а ние секој ден се повеќе се срамиме од вашите институции кои ги приватизиравте.Благодарамнаграѓанинот кој совесно го пријави оваа до мене а јас во интересна јавноста го споделувам со Вас“, вели Димитриевски.

Коментари | пред 2 години