ТОП

„Космонаутко“: Да се забрани тик ток, ќе измислат мик мок

Еден од најпознатите лица во земјава, Денис Јанкуловски, кој стана популарен како „Космонаутко“, бидејќи за време на пандемијата тој беше задолжен за земање брисеви од домовите на луѓето, па дечињата го нарекоа Космонаут, заради носењето скафандер, го искажа својот став и мислење околу тоа дали треба или не да се забранат некои од социјалните мрежи.„Ниту сум стручен, особено не од оние со ФБ мастерс, ниту се мешам кај што не ми е местото, ова е само мое размислување како родител, како човек (можеби и не е баш вака, којзнае, веројатно толку ни се измеша се` што веќе ни изгореа сите лончиња и ни претекоа и млеката и јогуртот и маштеницата).На прва, по сите овие случувања велам: Да се забрани и тик ток и јутуб и социјални мрежи и се`. Веројатно тоа е моментална, импулсивна рекација затоа што сме луѓе, затоа што боли тоа што го гледаме, слушаме и за жал доживуваме. Затоа што гледаме во кој правец оди светов со напреднатава технологија. Но...по некое време....Да се забрани тик ток. Ок.Ќе измислат мик мок.Да се забрани мик мок. Ок.Ќе измислат бик бок. Да се заб....ДА СЕ ЗБОРУВА - ДА СЕ РАЗГОВАРА!!Јас сум `71 годиште роден, растев со Том и Џери, Душко и Дача и многу други. И таму имаше моменти кога Џери му фрла пегла на опашката на Том, Којотот мести динамит за да ја разнесе Итрицана, на Дача му се врти пушката у фаца, му пука, него главата 180 степени.... Никогаш не ги забранија.ДА СЕ ЗБОРУВА - ДА СЕ РАЗГОВАРА!!Филмови, документарци во кои се величаат убијци, криминалци, книги каде успехот на криминалецот се претставува како некое високо достигнување, песни...пардон, нешто што личи на музика и глас што ни сам не се разбира што пее со текстови полни дрога, оружје и скупе јаке коле које мораш имати да би био вољен имало а богами и ќе има. Не можеш да забраниш.ДА СЕ ЗБОРУВА - ДА СЕ РАЗГОВАРА!!Како и за многу други работи така и за ова, да не се замижува пред суровата реалност. Болна, извртена, забегана, со страшни „вредности“ и животозагрозувачки т.н. предизвици од кои за дел од секунда нема враќање.....но реалност. Може во училиште да забраниме социјални мрежи, може и дома, ама надвор? Мислам дека ќе се создаде контра ефект, ќе се направи, филмски кажано - подземје, движење во илегала каде скриени во некои напуштени објекти ќе гледаат, споделуваат, уживаат и пробуваат тоа што ќе го гледаат. Прво таму во подземјето а после и надземјето. Фигуративно кажано, но јасна е поентата.Заклучок:ДА СЕ ЗБОРУВА - ДА СЕ РАЗГОВАРА!!“, напиша тој на својот Фејсбук профил.

Коментари | пред 2 години

Мицкоски: Маричиќ призна дека злоупотребуваат европско знаменце за да ги изгласаат законите за коридорите, затоа и Ковачевски бега од дебата

Вицепремиерот задолжен за eвропски прашања, значи оној кој треба да ја интегрира државата вели дека било оправдана одлуката да се злоупотреби европското знаменце за изградба на коридорите 8 и 10Д. Значи оној кој треба да ја интегрира државата во ЕУ го злоупотребува знаменцето на ЕУ само за да пројде случај каде има основан сомнеж за епски криминал. А, не му кажале дека прашањето за почитување на законите и Уставот не е прашање на негова желба, туку негова обврска, рече претседателот проф. др. Христијан Мицкоски на вчерашната трибина на ВМРО-ДПМНЕ во Тетово.Тој потенцира дека власта сето ова го прави затоа што на сила бутка нешто што нема никаква врска со Европска вредност туку со богатење и личен профит. И затоа кон државниот буџет се однесуваат како дупната вреќа пари, па на уште не фрлена лопата за пенали и аванси плаќаат над 300 милиони евра.И затоа Ковачевски ако е во можност ќе фати усвет дури до Сент Китс и Невис само да не дојде на дебата со мене за овој штетен договор со кој ја ставија државата во подредена положба, кажа Мицкоски и продолжи: - А му понудив, но знам дека тој е кукавица и се крие во глувчешка дупка, да ја собере цела влада и Али Ахмети, да изберат време и медиуми и да кажат јас ќе дојдам и ќе дебатираме за сите штетни политики и за овој штетен епски криминален договор.Мицкоски кажа дека на ваквиот однос на власта кон државата, парите на граѓаните и самите граѓани мора да му се стави крај.Заедничкиот патриотизам треба да даде одговор на она што реално му треба на народот. Заедничкиот патриотизам значи доближување на политиката до народот и негово поголемо учество во заедничките работи. Заедничкиот патриотизам треба да ја врати надежта, но и мотивот за борба тука во родните огништа. Да ги вратиме луѓето тука во Македонија, ќе бидеме патриоти ако создадеме иднина тука и перспектива тука за сите луѓе, заклучи Мицкоски.

Македонија | пред 2 години

Законите за коридорите 8 и 10д по скратена постапка денеска на собраниска седница

Собранието денеска треба да ја започне 115. седница на која треба да ја утврди потребата за носење на неколку закони поврзани со изградбата на коридорите 8 и 10д.На дневен ред на седницата се Предлогот на закон за изменување и дополнување на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола) во Република Северна Македонија, по скратена постапка, како и измените и дополнувањата на Законот за урбанистичко планирање, Законот за градење, Законот за експропријација и на Законот за работните односи, сите по скратена постапка.Овие закони, како што предложи Владата која е предлагач, ќе се разгледуваат на Комисијата за европски прашања односно тие се со европско знаменце.

Македонија | пред 2 години

Ахмети да престане да краде, време е ДУИ да оди во опозиција, вели ВМРО-ДПМНЕ

Ахмети треба да биде свесен дека набрзо големиот брат ќе стане многу мал и заедно со неговиот подизведувач СДС ќе одат во опозиција. Затоа што 8 години печалат на грбот на народот со криминал и корупција, вели ВМРО-ДПМНЕ„ДУИ живее од Албанците, а не за нив.Со некаква лажна борба, зад која се кријат лични интереси си ја штитат власта. Колку повеќе владее ДУИ и СДС во државата, толку помалку народ има во Македонија. Колку повеќе Артановци на сцената толку помалку е среќен народот во Македонија.22 години ДУИ е извор на скоро сите порази на државата.22 години ДУИ е дел од сите афери, од сите скандали, од сите патења на народот.Времето на крадење пари и крадење среќа завршува. За сите погрешни политики, за сите криминали одговорност ќе има.Време е за пензија и опозиција.А, тоа народот ќе го испорача на следните избори“, се вели во соопштението.

Македонија | пред 2 години

Пукање во Визбегово, едно лице заврши во болница

Едно лице е рането во престрелка која се случила поладнево во Визбегово.„На 09.05.2023 во 17,20 часот во СВР Скопје А.Б. пријавил дека во Визбегово кон него пукал И.А. и го повредил. Се преземаат мерки за расчистување на случајот“, информираат од МВР.

Скопје | пред 2 години

Родилката од Дебар: Барав сопругот да да ме однесе во друга болница, не дома, како што рече сестрата

Родилката од Дебар, Јалдз Веапоска, која по царски рез, остана без матка, бубрег и јајчник во струшката болница, од денешното судење за нејзиниот случај излезе со дополнителна горчина оти смета дека сестрата Сарита Пешиноска сведочела во корист на обвинетите. Веапоска вели дека она што го кажала сестрата било само делумно точно.„Таа рече дека сум сакала да си одам дома, ама кој човек со болки сака да си оди дома? Се сеќавам на сестрата многу добро. Таа ми помагаше, ми го причува бебето оти јас бев во ужасни болки, ми го подаде телефонот за да му се јавам на сопругот. Јас зборував со сопругот, не со неа, како што таа прикажа. Барав да дојде да ме земе од таа кобна болница и да ме однесе во друга, некаде каде што ќе ми помогнат оти тука сè полошо ми стануваше. А таа претстави дека нејзе сум ѝ кажала дека сакам да си одам дома. Јас не бев во состојба за дома. Му кажав дека не сум добро, дека умирам и дека мора да ме однесе некаде каде што ќе ми укажат помош. Ми се слоши и додека разговарав со сопругот, ми падна телефонот. Во ниеден момент не барав од неа да ме пушти од болница. Потоа се случи операцијата, која ме остави инвалид“, вели Веапоска.На денешното судење медицинската сестра на гинеколошкото одделение во струшката болница, Пешиноска, која ја подготвила Веапоска за операцијата, при што ѝ беа извадени органите, сведочеше дека непосредно пред операцијата Веапоска рекла дека се чувствува добро и сака да си оди дома, но таа повикала лекар, ја задржале и ја оперирале.Следното судење е на 21 јуни кога треба да сведочат вештаците од Институтот за судска медицина, од кои Веапоска очекува да ја кажат вистината и да ја лоцираат вината за извадените органи.Веапоска остана без органите по породувањето со царски рез во 2020 година во болницата во Струга, а судењата за нејзиниот случај почнаа годинава. Првообвинет е Мухамед Асани, гинеколог акушер, кој тогаш беше директор на болницата, потоа неговиот син Блерим Асани, специјализант по гинекологија и акушерство, и Лилјана Јовановска, лекарка гинеколог акушер, која била дежурна кога се случила операцијата.

Македонија | пред 2 години

Ученик од Центар спремил список како на српскиот убиец

Уште еден ученик од центарско основно училиште правел список со ученици, а на кој имало и наставник, што предизвикало загриженост кај родителите, дознава „Макфакс“. Случајот бил во основното „св. Кирил и Методиј“, а за случајот е известена и полицијата. Градоначалникот на Центар, Горан Герасимовски за „Макфакс“ посочува дека на разговорите кои психолог и директор ги имале со ученикот – тој кажал дека списокот го направил на шега.„Од целата ситуација почнаа да прават детска игра. Пријавено е во МВР. Повикан е родителот. Седел во училиштето и правел список, како што го нашле во Белград – список со наставник и дечиња ставени. Повикан е родителот, сослушан е од психолог и директорката. Кажал дека е шега, преземена од таму. Сето ова го сфаќаат како игра, а не треба така. Од наша страна направено е се, имав состанок со директорките од осите осум училишта. Дадов насока да се свикаат состаноци со сите училишни тела – совет на родители, училиштен одбор, родителски средби. За да се разговара и со родителите, за и ние да обрнеме време и грижа за децата“, вели Герасимовски за „Макфакс“. Целиот текст можете да го прочитате тука

Скопје | пред 2 години

На Пендиков утре со највисоки почести ќе му биде врачено бугарското државјанство

Утре на свечена церемонија во Бугарија ќе му биде врачено бугарско државјанство на Христијан Пендиков.Документите ќе му ги врачи потпретседателката на Бугарија, Илијана Јотова, која го потпиша указот за стекнување бугарско државјанство врз основа на неговото бугарско потекло.Според најавата, церемонијата ќе се одржи во т.н. Гербова сала во Претседателството на Бугарија, која важи за најголемата и за најпретставителната сала во објектот и во неа се одржуваат најважните средби, се потпишуваат меѓудржавни договори и се доделуваат награди и одликувања.Како што информираат од кабинетот на Јотова, церемонијата ќе се одржи во 14.30 часот.Пендиков беше претепан во Охрид. Тој беше секретар на бугарското здружение „Цар Борис Трети” во Охрид.

Македонија | пред 2 години

Ученичка од скопско училиште направила список на соученици, во него имало и закани

Кај ученичка во основното училиште „Кочо Рацин“ бил најден список со имиња, а кои соодејствувале со имиња од нејзини другари. Девојчето има помалку од 14 години, а за случајот е запознаена и полицијата. Веќе од вчера се преземаат дејства за расчистување, известени се и родителите. Содржината на писмото не се открива, а повеќето медиуми известуваат дека станува збор за заканувачка содржина.„47-годишна жена пријавила дека во основно училиште на подрачјето на Центар ученичка во училиштето направила список со закани за соученици. Известени се директорката на училиштето, Центарот за социјални работи и јавен обвинител и се преземаат мерки за расчистување на случајот“, велат од МВР.

Скопје | пред 2 години

Ковачевски и Груби во собрание приложиле проценка за капитални расходи поголема за 390 милиони евра во однос на ММФ, вели ВМРО-ДПМНЕ

Ковачевски и Груби знаеле дека изградбата на коридорите ќе чини поскапо, во собрание приложиле проценка за капитални расходи поголема за 390 милиони евра во однос на ММФ, вели ВМРО-ДПМНЕ„Проекциите за капитални расходи на ММФ за 2023-2027 за Македонија се пониски за 390 милиони од владините.Според проекциите на ММФ Македонија ќе има капитални инвестиции за 390 милиони евра помалку од владината проекција која се однесува за истиот период, но е направена неколку месеци подоцна. Постои сомнение дека тие 390 милиони евра кои се јавуваат во владинитр проценки се парите кои власта утврдила дека ќе бидат потребни како дополнување на 1.3 милијарди евра за изградба на коридорите.Имено во извештајот на тимот на ММФ стои „Коридорот 8/10д се очекува да чини 1,3 милијарди евра (10 проценти од БДП во 2022 година) и да биде завршен во период од 6 години, што е вградено во основната макроекономска рамка. Наспроти остриот пораст на трошоците за изградба и неизвесноста поврзана со трошоците за големите инфраструктурни инвестициски проекти, властите побараа сеопфатна и независна физибилити студија од меѓународна реномирана компанија, вклучително и проценета документација, за да се зацврсти проценката на трошоците. Откако ќе се заврши физибилити студијата, таа ќе се користи за информирање на договорот. Властите во моментов избираат независен советник за финансиски трансакции, врз основа на меѓународен тендер, кој ќе го преговара договорот за проектот и ќе го надгледува неговото спроведување. Врз основа на резултатите од физибилити студијата, тие (се мисли на властите) се посветени на преземање мерки за соодветно управување со фискалните ризици, како и трошоците, за да се осигури дека тие се конзистентни со програмските цели и среднорочната фискална рамка“.Владата мора да одговори дали се изработи физибилити студијата и која сума ја покажаа таа?Кој е тој независен советник за финансиски трансакции избран на меѓународен тендер кој преговарал за договорот? И дали тоа всушност е Електра солушнс, фирмата за долна облека од Велес?Дали разликата која што се јавува во проекциите за капиталните расходи од 2023-2027 година којашто беше изработена од ММФ во октомври-ноември 2022 година врз база на консултациите со домашните власти и е пониска од проекцијата на Владата доставена до Собранието на 14.12.2022 година за 390 милиони евра? И дали тоа е првичната проценка за зголемената цена на коридорите, која власта ја знаела уште минатата година?Дали проектот којшто во ноември вредеше 1,3 милијарди евра веќе во декември 2022 година чини 1,7 милијарди евра, со потенцијал да надмине над 2 милијарди евра заради презементи дополнителни обврски во форма на пенали со потпишаниот договор кој се крие од јавноста“, се вели во соопштението.

Македонија | пред 2 години

Тешка несреќа: со „фиат“ излетал од патот - момче од Кочани е во болница со тешки повреди

Вчера околу 01.35 часот во Полициската станица Кочани било пријавено дека на регионалниот пат Зрновци - Кочани, на крстосница „Компосара“, патничко возило „Фиат“ без регистарски ознаки, управувано од Д.А.(21) од с.Грдовци, излетало од патот.„Во несреќата со тешки телесни повреди се здобил возачот Д.А., констатирани во Општа болница Кочани“, велат од МВР.Увид на местото извршила екипа од Полициската станица Кочани.

Македонија | пред 2 години

Малолетник прегазен од автомобил додека возел велосипед - МВР со детали

Вчера околу 10.00 часот во Полициската станица Неготино било пријавено дека на крстосницата од ул.„Едвард Кардељ“ и ул.„Енгелсова“ во Неготино, патничко возило „фолксваген шаран“ со неготински регистарски ознаки, управувано од З.С.(47) од Неготино, удрило во велосипед управуван од малолетник од Неготино.„Во несреќата, малолетникот се здобил со тешки телесни повреди констатирани во болницата во Неготино“, велат од МВР.Увид на местото извршила екипа од Полициската станица Неготино.

Македонија | пред 2 години

Хари без Меган - еве каде е сместен и со кого седи додека го крунисуваат татко му Чарлс

Принцот Хари е во Вестминстерската опатија, каде што присуствува на крунисувањето на неговиот татко, кралот Чарлс III.Војводата од Сасекс, кој е тука без сопругата Меган, влезе во опатијата со своите братучетки принцезите Беатрис и Евгенија, ќерките на принцот Ендру.Принцот Хари беше облечен во елегантен костум додека разговараше со принцезата Беатрис.Хари, кој повеќе не е активен член на семејството, седи во третиот ред во опатијата со принцот Ендру, принцезите Беатрис и Евгенија.Според медиумите, тој во петокот пристигнал во Британија со комерцијален лет.Тој, наводно, ќе остане во Лондон уште неколку часа по службата, пред да одлета назад во САД за роденденот на неговиот син.

Магазин | пред 2 години

Ученик од Чаир со пластичен пиштил отишол во училиште и го вперил во соучениците

Ученик од скопски Чаир извадил пластичен пиштол и го вперил кон учениците. Ова се случило во текот на вчерашниот ден, а реагирала и полицијата. Од МВР велат дека за настанот е известен и јавен обвинител за малолетници. Детето има 13-години„Околу 12 часот во просториите на основно училиште на подрачјето на Чаир, Скопје, полициски службеници во присуство на родители, педагог, психолог и директорката на училиштето извршиле службен разговор со малолетник-ученик во училиштето, постапувајќи по претходна пријава од директорката на училиштето дека извадил пластичен пиштол (играчка) и го насочил кон други ученици, а потоа и го предал на неа“, велат од МВР.Известен е и Центарот за социјални работи за натамошно постапување.Вчера биле приведени и малолетнички поради закани кон соученичка преку „Тикток“.

Скопје | пред 2 години

Ужас во Скопје: Ученик во средно се заканувал на професори по живот

Полицијата вчера покрај врсничкото насилство преку „Тик-ток“ и вперувањето на пластичен пиштол од 13-годишник кон соученици, интервенирала и при закани од 16-годишник кон професори. Тој објавил фотографија на социјална мрежа, која содржла закани.„Полициски службеници од ЕВР Карпош при СВР Скопје привеле 16-годишен малолетник- ученик, постапувајќи по пријава од директорот на училиштето поради објава на социјална мрежа на содржина со закани по живот кон професори. Известен е јавен обвинител и против лицето ќе биде поднесена кривична пријава до ОЈО за сторено кривично дело загрозување на сигурноста“, велат од МВР.За информации „Макфакс“ упати прашања и до скопското Обвинителство од каде чекаме одговори.Сите овие настани доаѓаат по масакрот во белградско училиште каде беа убиени девет лица, од кои осум се ученици, а еден е чувар. Има и тешко ранети, како и полесно повредени.

Скопје | пред 2 години

Нема фотографија

ЕУ потврди - Пуштањето на законите за Бехтел и Енка со европско знаменце е злоупотреба, вели Левица

Делегацијата на Европската Унија во Македонија денес потврди дека анти-работничката и криминална власт на ДУИ и СДС, наспроти нејзините лажни заложби за европски вредности, е и анти-европска, вели Левица.„По најавата на шверцерско носење на законите во корист на американско-турскиот конзорциум Бехтел и Енка, со кој се суспендираат македонските закони и се воведува 60-часа работна недела, преку европско знаме без собраниска расправа, делагацијата на ЕУ изрази загриженост дека власта во овој случај повторно го злоупотребува европското знаменце, со цел заобиколување на јавни консултации и демократските законодавни процедури.Со ова, Европската Унија го потврдува ставот на Левица дека употребата на европското знаменце на законите за коридорите 8 и 10-д не е во согласност со стандардите на Унијата и би претставувало кривично дело.Левица веќе има поднесено кривични пријави за службеници кои имаат претходно овозможено злоупотреба на европското знаменце и јавно изјавува дека по падот на овој анти-европски режим, ќе има кривичен прогон и за службениците кои и во овој случај ќе ќе ги прекршат македонските закони и европските стандарди“, се вели во соопштението.

Македонија | пред 2 години

Нема фотографија

Вработена во „Водостопанство“ од сефот на благајната земала над еден милион денари

СВР Струмица поднесе кривична пријава против А.И.(26) од Струмица поради постоење основи на сомнение за сторено кривично дело „затајување“.Пријавената, вработена како благајник во АД ,,Водостопанство’’ на РСМ, подружница ,,Струмичко поле’’ - Струмица, во период од неколку месеци, од сефот на благајната на АД ,,Водостопанство’’ противправно присвоила парични средства во износ од 1.280.000 денари, доверени од директорот на претпријатието.

Македонија | пред 2 години

Се гонат 10 поранешни директори - овозможиле вевчанец незаконски да земе 730 илјади евра

Кривична пријава е поднесена за злоупотреба на службена положба и овластување против поранешни раководни лица од АД за изградба и стопанисување со станбен и деловен простор.Се гонат дури десетина лица.Во тој период за кога беше поднесена кривичната пријава прв човек на јавното станбено беше Цветко Грозданов.„На 05.05.2023 Единицата за финансиски криминал при Секторот за криминалистички истраги во Одделот за сузбивање на организиран и сериозен криминал, поднесе кривична пријава против десет лица и тоа Ц.Г. (57), поранешен генерален директор во Акционерско друштво за изградба и стопанисување со станбен простор и со деловен простор, С. В. (63), С.С. (66), Ц.И. (70), Л.М. (51), А.Ќ.И. (53), З.Н. (57), А.Т. (40) и Е. С. (43), сите со место на живеење во Скопје, вработени во Акционерско друштво за изградба и стопанисување со станбен простор и со деловен простор, како и лицето А.К. (39), со место на живеење во Кичево, исто така вработен во акционерско друштво, поради постоење на основано сомнение за сторенo кривичнo делo „Злоупотреба на службената положба и овластување“ од член 353 став 5 од КЗ“, соопшти МВР.Пријавените, во својство на службени лица (претседатели и членови на комисија за спроведување на јавни набавки) во периодот од 2012 година до 2016 година искористувајќи ја својата службена положба и овластување постапиле спротивно на одредбите на Законот за јавни набавки и на тој начин овозможиле правен субјект од Вевчани да се стекне со противправна имотна корист во износ од 44.606.548 денари (или 725 илјади евра н.з.).„Имено, пријавените, злоупотребувајќи ја својата службена положба и овластување со неизвршување на својата службена должност постапиле спротивно на одредбите на Законот за јавни набавки и покрај тоа што знаеле дека понудата на економскиот оператор од Вевчани за најголемиот дел од услугите кои се барале во спецификација содржела невообичаени ниски цени, од истиот не побарале писмено објаснување за понудените цени, предвидено во чл.163 од Законот за јавни набавки и спровеле постапка за јавна набавка за изведба на градежни, градежно занатски, инсталатерски и други работи за тековно и инвестиционо одржување на станбениот и деловниот простор и други објекти со кои стопанисува акционерското друштво и изготвиле извештај во кој е даден предлог за најповолна понуда да се одбере понудата на правниот субјект од Вевчани, потоа било постапено и спротивно одредбите на Законот за јавни набавки, чл.169 и наместо да се увиди дека постапката не е спроведена согласно Законот за јавни набавки, донесена е Одлука за избор на најповолен понудувач и во име на АДИССПДП со правното лице од Вевчани е склучен „договор за тековно и инвестиционо одржување на објектите со кои стопанисува акционерското друштво и обврски во гарантен рок со предмет на Договорот изведување на градежни, градежно-занатски работи за тековно и инвестиционо одржување на објектите со кои стопанисува акционерското друштво за Регион 1, Регион 2 и Регион 3.Притоа на горенаведениот начин во текот на 2012 година С.В. во својство на претседател на Комисија за спроведување на јавна набавка, С.С. и Ц.И., членови на Комисија за спроведување на јавна набавка, Л.М., претставник од Одделението за јавни набавки Комисија за спроведување на јавна набавка, како и Ц.Г. во својство на генерален директор на АДИССПДП, овозможиле на правниот субјект од Вевчани да се стекне со противправна имотна корист во износ од 16.992.519 денари.Потоа во текот на 2014 година на истиот начин од страна на А.Ќ.И., во својство на претседател на Комисија за спроведување на јавна набавка, З.Н. и А.Т., во својство на членови на Комисија за спроведување на јавна набавка и Е.С., претставник од Одделението за јавни набавки, како и Ц.Г. во својство на генерален директор на АДИССПДП овозможено е на правниот субјект од Вевчани да се стекне со противправна имотна корист во износ од 24.001.526,00 денари.Исто така, во текот на 2016 година од страна на А.Ќ.И., во својство на претседател на Комисија за спроведување на јавна набавка, А.Т. и А.К., членови на комисијата, Е.С., претставник од Одделението за јавни набавки, како и Ц.Г. во својство на генерален директор на АДИССПДП овозможено е на правниот субјект од Вевчани да се стекне со противправна имотна корист во износ од 3.612.503 денари.Постапувајки спротивно на своите службени овластувања, пријавените го сториле кривичното дело „злоупотреба на службената положба и овластување“ по чл.353 ст.5 од КЗ“, потенцираат од полицијата во своето соопштение.

Македонија | пред 2 години

ЈП„Државни патишта“ го достави до обвинителството договорот за Бехтел и Енка ​

Во текот на вчерашниот ден (4.5.2023 година) ЈП„Државни патишта“ , постапувајќи по барањето на јавниот обвинител од Основното јавно обвинителство за гонење на организиран криминал и корупција, го достави договорот за изведба и надзор над изградбата на коридорите 8 и 10-Д. Претходно, ЈП „Државни патишта“ до обвинителството ги достави броевите на огласите од јавните набавки поврзани со коридорите 8 и 10-д, за кои јавниот обвинител обезбеди пристап до електронската база на податоци на Бирото за јавни набавки.Договорот, како и содржината на севкупната електронска документација од Електронскиот систем за јавни набавки поврзана со сите постапки за јавните набавки каде како предмет на договор се јавуваат коридорите 8 и 10-д, во наредниот период ќе бидат анализирани во насока на утврдување на елементи на евентуално сторено кривично дело.Со оглед дека станува збор за обемна документација на јавниот обвинител и тимот на истражители ќе им биде потребно време за анализа и проверка на сите индиции и наводи што месеци наназад се во интерес на јавноста. За секое постапување што нема да ја попречи постапката и ќе може да се сподели со јавноста, обвинителството навреме ќе информира.​

Македонија | пред 2 години

Лога за изјавата на Јолевски: Не очекував од висок претставник на судската власт да изјавува дека министерот нема право да го бара записникот од Судскиот совет

Изненаден сум од изјавата на претседателот на Советот на јавни обвинители, Антонио Јолевски и не очекував од висок претставник на судската власт кој треба да ги знае Уставот и законите ,во јавноста да изјавува дека министерот за правда нема право да го бара записникот од Судскиот совет, вели Министерот за правда, Кенар Лога.„Министерот за правда согласно Уставот е член на Судскиот совет по функција. Судскиот совет редовно го поканува министерот за присуство на седниците и испраќа извештаи за својата работа.Членот 15 од Деловникот предвидува дека записникот покрај останатите податоци содржи податоци за дневниот ред што е утврден на седницата, наводите , изјаснувањата и предлозите на присутните на седницата , спроведената расправа, донесените одлуки и резултатот од гласањето. Записникот се разгледува и усвојува на седница на Советот, а по евентуални забелешки, Советот донесува заклучок кој што е составен дел на записникот на кој се однесувала забелешката. Усвоениот записник од седницата на Советот го потпишуваат претседтаелот на Советот и генералниот секретар, односно лицето што го водело записникот. Судскиот совет има обрска примерок од записникот да достави до членовите на Судскиот совет по електронски пат.Министерот за правда како член на Судскиот совет има право да реагира и да бара исполнување на обврската за доставување на Записник од седница на Судски совет.Ве информирам дека до овој момент до Министерството за правда сеуште не е пристигнат одговор на писмениот допис од Судскиот совет со кој се бараше да се достават на увид Записникот од 438-та седница и усвоениот дневен ред.Министерството за правда и јас како министер со големо внимание ги следиме состојбите во судството и обвинителството и во оваа насока увидот ќе ни помогне во определување на правецот во кој е потребно да се движат законските измени за отстранување на сите недоследности во функција на обезбедување на владеење на правото и реформи во правосудството.Очекуваме во најскоро време да се надмине ситуацијата во Судскиот совет и тој да претставува орган кој ќе го штити а не нарушува угледот на судството“, додава тој.

пред 2 години

Таткото на киднапираниот Самоил: Станува збор за цела машинерија за тргување со наркотици! Ги штитат полицајци

Веќе два месеци нема трага од мојот син Самоил, кој беше грабнат и чија судбина не ја знаеме. Министерот за внатрешни работи Оливер Спасовски неодамна изјави дека имаат нови сознанија за случајот, но не ги откриваат, за да не и наштетат на истрагата, но ние, семејството веруваме дека нема ништо ново, бидејќи ако имаа нови информации, син ми ќе беше пронајден – за ,,Фокус” раскажува Љупчо Костадиновски, татко на киднапираниот скопјанец Самоил.-Ние самите, семејството, постојано истражуваме и трагаме. Од она до кое досега дојдовме, се работи за голема група, за тргување со наркотици. И токму поради тоа што веќе два месеци нема ништо ново, мојот син не е пронајден, се сомневаме дека оваа група има свои луѓе вработени во МВР, кои ја штитат. Своите сомнежи и сознанија ги споделив и со надлежните во истрагата, значи не тврдиме дека сите вработени во МВР се вмешани и работат нечесно, но дефинитивно има такви кои штитат криминал.Според нашите претпоставки, Самоил можеби имал некаква соработка со тие лица, од групата која го киднапираше, но тоа не можеме да го тврдиме со сигурност. Сепак, тој е мое дете, семеен човек, има сопруга и дете, второто дете е на пат, треба да се роди за помалку од два месеци. Син ми се занимаваше со купување и продажба на стари возила. Ги купуваше, ги средуваше, па ги препродаваше. Снаа ми оди на работа, во тек на ден тој го чуваше детето, беше посветен на фамилијата.Пред да се случи киднапирањето, тој продаде џип во Бугарија за 76.000 евра. Знам дека од продажбата првин зеде 36.000 евра, а останатите 40.000 ги зеде една недела пред да биде киднапиран. Според моите претпоставки, киднаперите знаеле дека тој има пари во тој период, затоа и бил намамен да дојде на средба со нив-тврди таткото.Целиот текст можете да го прочитате тука

Македонија | пред 2 години

Џамбаски со нова провокација: Нема да дозволам името на Гоце Делчев да биде цел на пазарење

Нема да дозволам името на Гоце Делчев да биде цел на пазарење во рацете на бесрамните политички трговци во Скопје, пишува на социјалните мрежи бугарскиот европратеник Ангел Џамбаски по повод одбележувањето на 120 годишнината од смртта на револуционерот Гоце Делчев.120 години бесмртност! На 4 мај 1903 година, во битката за селото Баница, кон бесмртноста на големиот син на Бугарија, Георги Николов Делчев, пишува Џамбаски.„Нема да дозволам името на Гоце Делчев да биде цел на пазарење во рацете на бесрамните политички трговци во Скопје, кои сакаат да ја оправдаат својата антибугарска политика“, дополнува во напишаното.Не треба да заборавиме, додава бугарскиот европратеник во напишаното, дека посмртните останки на големиот бугарски револуционер, бугарските комунисти-предавници им ги предадоа на југословенските бугаромразители по болшевичкиот пуч на 09.09.1944 година.„Таму Гоце беше одвлечен, затворен, оставен во Скопје. Таму каде што денес има злоба и омраза кон македонските Бугари, кон Бугарите воопшто, кон Бугарија.Време е Гоце да го најде својот вечен мир со семејството. Во спомен обележјето во Благоевград, каде почиваат неговите најблиски роднини“, пишува Џамбаски.

Македонија | пред 2 години

Нема фотографија

„Српските медиуми се голема причина за тоа што се случи во Белград, но, овој смрдлив талог од горе ни се спушта, набрзо мечката ќе заигра и на наша врата“

Новинарот Даниел Евросимоски на социјалните мрежи се огласи во врска со вчерашната трагедија во Белград. Тој вели дека српските медиуми се голема причина за овој настан, и додава дека за среќа Македонија не е забегана до тој степен на медиумско-политичко славење на насилство.„Не знам дали е главна, но српските медиуми се голема причина за тоа што денеска се случи во Белград. Младите од Србија преку телевизорите доручкуваат, ручаат и јадат приказни за клановски пресметки и сликовити описи за тоа како некој бил убиен, сомлен, заклан или раскасапен. Тука се и најголемото дно од таблоиди кои на криминалното подземје му даваат џет-сет статус на насловните страни, и кои уживаат во тиражите и кликовите кои ги носат приказните за хулиганскиот шљам, насилниците од секојдневието и ријалити-гнасите и нивниот одвратен речник.Социјалните мрежи се посебна приказна. Таму башибозукот и просекот диктира вредности. Сè што медиумите го нудат, "ботовите" стократно го засилуваат. Идоли на младите се ништожници и измамници чија главна цел е да направат реалност на "Ние" против "Тие".На крајот ја имате власта, која сето ова го контролира и диригира во позадина бидејќи ги има поклопено 90% од медиумите. Од најобичниот партиски полтрон, па сè до претседателот ваквиот говор на омраза го распалуваат преку ТВ екраните нормализирајќи го насилството. Опозицијата, пак, има наседнато на овој свињарник во политичкиот ринг и со власта се валка во срањето кое секојдневно се сервира на илјадници млади.Ако секој ден се збори за насилството како доблест, за злото како стил и за шундот како идеал, не чуди што резултатот е овој. Македонија, за среќа, не е забегана до овој степен на медиумско-политичко славење на насилството, иако некои елементи од овој рецепт го гледавме во 2013-16, а заживува и последниве години. Но, овој смрдлив талог од горе ни се спушта и набрзо мечката ќе заигра и на наша врата“, вели Евросимоски.https://twitter.com/evrosimoski/status/1653816144996753411?s=20

Коментари | пред 2 години

120 години од смртта на македонскиот револуционер Гоце Делчев

Во земјава денеска се одбележуваат 120 години од смртта на револуционерот и борец за слобода Гоце Делчев.Револуционерот Делчев на денешен ден во 1903 бил убиен од турската војска во селото Баница, на пат кон Сер.Визионерот кој пред повеќе од еден век го разбра светот како поле за културен натпревар на народите е роден на 4 февруари 1872 година во Кукуш, во семејството на Султана и Никола.Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата. Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија.По убиството во 1903-та, неговите посмртни останки се чувале во Баница, до 1917 година, кога биле пренесени во Ксанти, а потоа во Софија. До 1923 година, ковчежето со коските се чувало во домот на Михаил Чаков. Останките на Делчев на 11 октомври 1946 година биле пренесени во црквата „Свети Спас“ во Скопје.

Македонија | пред 2 години

Создадовме општества непогодни за живот, фрливме семе од кое никнуваат трагедиии, болка, смрт, вели Божиновски

Божидар Божиновски објави статус на социјалните мрежи ов ворска со убиството во Белград.„Белград, прерано зима ја пресече пролетта на 8 деца… Родителите ја доживеаа најголемата болка која може чоевк да ја доживее, да треба да ги закопаат нивните чеда, на монструозен начин сопрени меѓу детство и зрелост.Создадовме општества непогодни за живот, фрливме семе од кое никнуваат трагедиии, болка, смрт. Најлошите станаа примери, работниците ги осиромашивме па децата мораше да им ги одгледува интернетот дур се бореа да ги прехранат, криминалците станаа идоли. Дозволивме да го извадат најлошото од сите нас и во таква тиња секогаш сме изненадени кога ќе се случат трагедии. Трагедија е што за идните генерации оставивме ваков свет.Нека им е светол патот на децата, а родитеителите, за нив не верувам дека има нешто што би ги утешило“, вели Божиновски.

Коментари | пред 2 години