Сообраќајка попладнево се случи на булеварот Илинденска во Скопје.Несреќата се случи на пешачки премин во близина на скопската зоолошка градина.Според фотографиите во верижниот судир учествувале три возила, а неоофицијално нема повредени лица.Полиција изврши увид на местото на сообраќајката.
Скопје | пред 2 години
Претседателот Стево Пендаровски денеска за медиумите потврди дека добил за 78 отсто повисока плата за месец април, откако Уставниот суд ги укина законските ограничувања.- По ново 165.000 денари, по старо 93.000 денари. Тоа го објавија сите медиуми, потврди кратко шефот на државата пред новинарите.Највисоки плати ќе добиваат премиерот Димитар Ковачевски, министрите, претседателот на Собранието, Талат Џафери, и пратениците, како и градоначалниците.
Македонија | пред 2 години
Претседателот на Република Македонија, Стево Пендаровски изрази сочуство до семејствата на загинатите и граѓаните на Србија за страшната трагедија во Белград.„Изразувам најдлабоко сочувство до семејствата, граѓаните на Србија и претседателот Вучиќ за страшната трагедија во Белград. Нема утеха за семејствата што ги изгубија своите најмили и прераната загуба на детски животи. На повредените им посакувам брзо закрепнување и оправување“, напиша Пендаровски.https://twitter.com/SPendarovski/status/1653719897325596672?s=20
Македонија | пред 2 години
На повидок е уште едно недомаќинско и расипничко трошење на народни пари. Хемиско чистење, перење, пеглање, претапацирање – Талат Џафери го „светнува“ Собранието, вели Левица.„Согласно договорите во 2023 година наменети се преку 2.442.600,00 денари народни пари за:– хемиско чистење и перење на персиски килими, машински килими, теписони, фотелји, полуфотелји, двоседи и троседи, завеси и драпери, знамиња;– чистење на две мали и една голема стаклена купола и поставување на знамиња;– претапацирање на мебел со материјали по потекло од Италија и Турција.Ако се спореди со претходните години (2020, 2021 и 2022 година) кога за иста услуга биле во просек наменети околу 500.000 денари на годишно ниво, тогаш очигледно е дека договорот склучен во 2023 година тежи повеќе од сите три претходни договори заедно. Се поставува прашањето зошто постои толку голема разлика во цената на услугите во 2023 година во однос на претходните години?Дали јавните набавки се планираат согласно потребите и можностите или пак се манипулира со износите по желба на поединци?Антикризните мерки, кои беа усвоени минатата година, главен акцент ставаат на намалување на помалку приоритетните расходи. Напротив, непродуктивните трошоци и луксузирање со народни пари наместо да биде намалено, тоа бележи рекорден пораст, особено во последната година.Додека граѓаните се принудени сами да се снаоѓаат за да можат да ја преживеат економската криза, а законодавниот дом со леснотија ги троши парите на граѓаните. Сведоци сме како Владата на СДС и ДУИ калкулира со набавка на лекови за животно загрозени пациенти, под изговор дека нема средства, додека се трошат милионски суми за претапацирање мебел“, се вели во објавата.
Македонија | пред 2 години
Загина 34-годишен градежник од Турција при пад од скеле на градилиштето на „Лимак“ во центарот на Скопје, објави Макфакс.По падот, градежникот бил пренесен во комплексот клиники, каде што починал.Неофицијално, откога починал, негови блиски луѓе не дозволувале телото да биде дадено на обдукција, при што била повикана полиција.Целиот текст можете да го прочитате тука
Македонија | пред 2 години
На пладне пред Министерството за финансии се одржа протест на болни со цистична фиброза. Тие го бараат лекот „Трикафта“.Пациенти со цистична фиброза денеска протестираат пред Министерството за финансии бидејќи, како што велат, немаат одговор од надлежните институции, до каде е набавката на лекот „трикафта“ за сите на кои им е неопходна.Дваесетина минути откако почна денешниот протест, претставници од Асоцијацијата за цистична фиброза беа повикани и влегоа во Министерството на разговор.Додека внатре се разговара за нереализираното ветување дека лек ќе се набави за сите, протестот пред Министерството продолжува. Ечат свирчиња, а болните и нивните семејства носат транспаренти „Ретки сме и постоиме“, „Наше право за лек, ваша обврска“, „Здравје пред профит“, „Бидете и сојузници на нашата борба за живот“ и „Не диши, имаме други приоритети“, со кои бараат Министерството за финансии за одвои средства за набавка на лекот.По смртта на Благојче Илиевски, еден од најгласните борци за набвак ана „трикафта“, лекот беше итно обезбеден но го добија само 12 пациенти чија состојба беше оценета како најкритична. Беа донесени и законски за олесна набавка но веќе трет месец нема известување дека лекот се набавува и за останатите болни.Според податоците од Асоцијацијата, во земјава има околу 140 болни од цистична фиброза
Македонија | пред 2 години
Доктор Ненад Лазаров, објасни зошто покачувањето на платите на функционерите е погубно за македонското здравство.„12 до 15 лекари месечно ја напуштаат Македонија.Вчерашното покачување од 78% на плати за функционери е голема шлаканица за сите сегашни и идни млади лекари специјализанти кои добиваат хонорар од 26.000 денари и задолжителни 4 пати месечно БЕСПЛАТНО по 24 часа дежурства. Немаат трудничко.Затоа ќе нема здравство“, вели Лазаров.
Коментари | пред 2 години
На 03.05.2023 Одделот за сузбивање на организиран и сериозен криминал до ОЈО Скопје поднесе кривична пријава против С.Т.(58) од Ресен, за сторени кривични дела „употреба на исправа со невистинита содржина“ по чл. 380 с. 1 и „измама“ по чл. 247 с. 1 и с. 4 од Кривичниот законик.Пријавениот делото го сторил од позиција на адвокат, во периодот од 2020 до 2022, кој со намера за себе да прибави значителна имотна корист, со приложување на полномошно со невистинита содржина спровел оставинска постапка пред надлежен суд и нотар, без знаење и одобрување од страна на оштетената А.Л., како наследник на имот кој бил предмет на оставина. Исто така, С.Т., со прикажување на лажни факти, ги довел и ги одржувал во заблуда оштетените, правен субјект од Скопје и Б.Е.А. од Скопје дека е полномошник на сопственикот на имотот и во два наврата, со двете оштетени страни поединечно, склучил преддоговори за купопродажба на еден ист недвижниот имот. Притоа, во полномошното кое е предмет на кривично дело било наведено средствата од продажбата на имотот да се префрлат на неговата сметка, а не на сметка на сопственичката.За изготвување на полномошното кое е предмет на кривично дело и претставува исправа со невистинита содржина, како и за изготвување на двата преддоговори за купопродажба на имотот од страна на пријавениот биле искористени податоци од лична карта на А.Л., исправа која во периодот на склучување на преддоговорите за купопродажба на недвижниот имот била со изминат рок, односно неважечка, со важност до 23.06.2020, поради што не би можела да се користи во правниот сообраќај, но пријавениот ја употребил како да има датум на важност до 21.06.2027.Со горенаведените дејствија, пријавениот С.Т., постапувајќи спротивно на законот и извршувајќи ги кривичните дела „употреба на исправа со невистинита содржина“ и „измама“ успеал за себе да прибави противправна имотна корист во вкупен износ од 4.750.540 денари (или 77.250 евра) со што правниот субјект го оштетил во вкупен износ од 1.048.840 денари (или 17.250 евра), а Б.Е.А. во вкупен износ од 3.701.700 денари (или 60.000 евра), додека на А.Л. ѝ била нанесена штета во вкупна вредност на имотот кој бил предмет на незаконска оставинска постапка и незаконска продажба.
Македонија | пред 2 години
На комеморативната церемонија на ОВК (УЧК) во кумановското село Слупчанe, лидерот на ДУИ, Али Ахмети, доживеал непријатна ситуација.На видеото што го објави порталот Лајм на Фејсбук, се гледа како Ахмети положува цвеќиња на гробовите на загинатите припадници на ОВК.2 мај 2001 година се смета за посебен ден за областа Карадак. но и за сите Албанци, кој овој датум го слават како ден на ослободување на оваа област. А Слупчанe се смета за симбол на отпорот.Но, кога доаѓа до гробот на извесен Али Махмути, борец на ОВК кој загинал кај Матејче во 2001 година, таткото на загинатиот не дозволува Ахмети да стави цвеќе на гробот на неговиот син.Погледнете го видеото ТУКА.
Македонија | пред 2 години
СДСМ постојано покажува вистинска грижа за работниците, земјоделците, за младите и пензионерите преку конкретни мерки и политики, вели СДСМ„Минималната плата денес изнесува 20.175 денари, што е многу повеќе од 8.900 денари колку што изнесуваше во 2017 година.Просечната плата денес е околу 34.000 денари и е за 44 отсто повисока од 2017 година, додека за истиот период платите во образованието и детската заштита се зголемени за 36 отсто.Преку системско решение, пензиите денес растат на секои шест месеци, во март оваа година 330.000 пензионери добија зголемени пении за 8,4 отсто, а следното покачување на пензиите е во месец септември.Стапката на невработеност е намалена за осум отсто, странските директни инвестиции и Оперативниот план за вработување сериозно ја намалија младинската невработеност.Зголемена и навремена е и исплатата на субвецниите кон земјоделците, а со новиот модел на субвенционирање, дел од субвецниите се исплаќаат аванасно.Сето ова е пример за успешноста на мерките и политиките што СДСМ ги спроведува низ отворен дијалог со сите засегнати страни.Остануваме на страната на граѓаните“, се вели во соопштението.
Македонија | пред 2 години
Залудни се бајатите споредби на Артан Груби, за изградба на автопати, со тие во Србија и Македонија, вели ВМРО-ДПМНЕ„На сите во Македонија е позната восхита на Груби кон Александар Вучиќ и Србија но овој пат, математиките околу споредбата на двата автопати, му се во најмала рака смешни.За почеток, Србија распиша тендер за автопат и овозможи експропријација и т.н. „брза трака“ за документи.Немаше промена на закони, кои се спротивни на Уставот, немаше изедначување на легалното со дивоградбите, немаше газење врз сопствените археолошки локалитети и секако немаше пенали од над 100-тици милиони евра! Имаше позната траса, со познат проект, без газење на законите за урбанизам и градење!Понатаму, за 7 милиони евра километар автопат, Србија доби: Автопат 112 км, широк 30 метри, со 139 објекти на него, 84 моста, 26 надвозници, 3 подвозници, 10 раскрсници, познати како петљи, по три одморалишта и паркинзи. Но и регулација на реката Морава и нејзините притоки, како и изградба на телекомуникации по самиот автопат, за разлика од автопатот во Македонија, кој чини неверојатни 20 евра по километар, а за кој ништо не се знае, освен тоа што до денеска се исплатени околу 120 милиони пенали, без една даска да биде закована.Пред ВМРО-ДПМНЕ, како партија која ќе ја формира идната влада има 2 опции.Првата опција, е да се раскине договорот, пред судот во Париз да се изгуби по прифатените закони на Англија и Велс. Тоа ќе чини стотици милиони евра штета, но без квадрат поставен асфалт!Втората опција, е да се зачува суверенитетот, да се зачува Уставот и законите и автопатот да се заврши во рамки на македонските закони и македонските процедури! Така би се продолжило времето на изградба, но и сумата, заради катастрофалниот договор и обврските преземени од криминалната влада на ДУИ, подржана од СДС.ВМРО-ДПМНЕ има план, како да ја заштити државата и граѓаните од овој штетен договор“, се вели во соопштението.
Македонија | пред 2 години
Артан Груби му фрли ракавица на првиот опозиционер Христијан Мицкоски, доколку до следната недела државата не плати пенали за „Бехтел и Енка“, неговите пратеници да ги гласаат законите во Собранието кои се на барање на компанијата што треба да ги гради коридорите 8 и 10д, а меѓу кои е и тој за 60 работни часа неделно за работниците кои ќе работат на автопатите.Груби во фејсбук пост и порача на опозицијата дека блокадата во Собранието не може да ја запрат градбата на автопатите, туку само како што вели да ја поскапат и пролонгираат.Професорката Најчевска на вели дека ова веќе не е ни мафија, туку ниво на маалски мангуп-насилник„Ова веќе не е ни мафија.Ова е на ниво на маалски мангуп-насилник.Дај бре луѓе тргнете ги Артан Груби и неговата банда од власта заедно со неговиот потрчко Ковачевски да почнеме да личиме на држава.Нека оди и нека се клади средсело кај чешмата“, вели Најчевска.
Коментари | пред 2 години
Утринава околу 04,00 часот во СВР Битола е пријавено дека патнички воз кој сообраќал на релација Битола-Скопје, на железнички премин на ул.Трајко Николоски со ул.Леце Котески во Прилеп, во близина на железничката станица–Прилеп удрил во патничко моторно возило „поло“ со битолски регистарски ознаки, управувано од Х.И.(76) од Крушево, кој починал на лице место.„Од доктор од итна медицинска помош била констатирана смрт“, велат од МВР.Увид на местото на настанот извршиле Јавен обвинител и увидна екипа од ОВР-Прилеп.
Македонија | пред 2 години
Полицијата уапси шест лица во Скопје, меѓу нив и малолетник. Слично и во Тетово, каде полицајците привеле тетовец и малолетник. Сите апсења се поради пронајдена прашкаста материја за која се сомневаат дека е дрога, како и поради марихуана.„Вчера во 21.50 часот во Тетово, од полициски службеници од СВР Тетово се лишени од слобода Г.С.(36) и еден малолетник, двајцата од Тетово, затоа што кај Г.С. била пронајдена и одземена марихуана“, вели МВР.Во Скопје апсењата се на повеќе локации.„Вчера во 21.25 часот пред казино на подрачјето на Ѓорче Петров, од полициски службеници бил лишен од слобода Ф.А.(33) од Скопје, затоа што кај него била пронајдена и одземена прашкаста материја. ПВо 20.35 часот на подрачјето на Центар, од полициски службеници бил лишен од слобода малолетник од Скопје, затоа што кај него била пронајдена и одземена марихуана. Во 01.15 часот на подрачјето на Аеродром, од полициски службеници бил лишен од слобода А.Т.(21) од Скопје, затоа што кај него била пронајдена и одземена грутчеста материја. Во 02.00 часот на подрачјето на Карпош, од полициски службеници се лишени од слобода М.Б.(27) и С.И.(21) двајцата од Скопје, затоа што кај нив биле пронајдени и одземени прашкаста материја и марихуана. Во 23.50 часот на подрачјето на Ѓорче Петров, од полициски службеници бил лишен од слобода Х.П.(20) од Скопје, затоа што кај него била пронајдена и одземена марихуана“, додаваат од МВР.По целосно документирање на случаите ќе следи соодветен поднесок.
Македонија | пред 2 години
Работниците се лути на функционерите кои си добија покачување на платите за 78 отсто, а минималната плата ја зголемуваат за 2.000 денари. Тие при говорот на Дарко Димовски, претседател на Сојузот на синдикати на Македонија, викаа „уа“ додека тој говореше за функционерските плати.„Денес ќе им се обратиме на оние кои си покачија платите за 78 проценти а нас не убедуваат дека 2.000 денари се доволни. Е па не може вака. Мора да добиеме и ние покачување за 78 отсто, исто како нив. Ќе им се случи народ бидејќи не се грижат за работниците“, рече Димовски.Протестниот марш по повод 1-мај продолжува од пред седиштето на Сојузот на синдикати, пред Собранието, па пред Владата.
Скопје | пред 2 години
Вчера околу 14 часот на локален пат Куманово-с. Речица, патничко моторно возило „хјундаи“ со кумановски регистарски ознаки, управувано од С.С.(58) од с.Речица, излетало надвор од коловозот.С.С. (женско лице) и сопатничката М.И.(34) од Куманово, биле пренесени во Општа болница Куманово, каде од лекар на С.С. и била констатирана тешка телесна повреда, а на сопатничката М.И. и била констатирана телесна повреда.„За настанот е известен Јавен обвинител, а увид на местото на настанот извршила екипа од СВР Куманово“, велат од МВР.
Македонија | пред 2 години
Поради здравствени предизвици Зухејр Реџепи, кадар на ДУИ, денес си поднесе оставка од функцијата директор на ЈП Паркови и Зеленило. Реџепи за оставката информираше преку социјалните мрежи.„И благодарам на градоначалничката Арсовска за укажаната доверба и можност, но здравјето е поважна од секоја функција. На новото раководство му посакувам успешна и плодна работа“, напиша тој.Реџепи беше назначен на функцијата лани во септември откако кадрите на ВМРО-ДПМНЕ и нивните коалициони партнери си поднесоа оставки по караницата на градоначалничката на Скопје Данела Арсовска која пред еден месец му даде на Реџепи менаџерски договор од 4 години.
Скопје | пред 2 години
Биологот Кирил Арсовски – Пржо, кој се занимава со истражувања на националниот биодиверзитет и урбаната екологија повика Градскиот парк во Скопје да се прогласи за заштитено подрачје, објаснувајќи дека овој дел од градот ги исполнува условите да биде внесен во таа категорија.Како што вели, поради интезивното и агресивното урбанизирање на Скопје, се' повеќе се губи и она малку зеленило во градот. Бидејќи не се почитуваат ни основните урбанистички правила и стандарди се појавува потребата Градскиот парк во Скопје, да се прогласи за заштитено подрачје.Градскиот парк, како најголема зелена површина во градот е дом на многу видови, мали живеалишта и екосистеми.Екологот Арсовски – Пржо објаснува дека според неколкуте спорадични истражувања знаеме дека паркот привремено или постојано го населуваат околу 90-тина видови птици, езерата се дом на многу видови на влечуги и водоземци, а паркот на илјадниците безребетници. Зеленилото во паркот има и ретки примери на гинко, багреми и две огромни стари стебла од џиновска секвоја меѓу другото.Градскиот парк, вели тој, со своите езерца може да се смета и за еколошко-историски наследник на старите Вардарски ракави, езера, рипариски шуми и влажни ливади што значи чува и дел од старите екосистеми на Скопје. Само според библиографската анализа, Градскиот Парк во Скопје заслужува да биде заштитен во категоријата III Споменик на природата според Законот за природа и IUCN.„Споменик на природата природно или природно-културно обележје од исклучителна или единствена вредност поради неговата реткост, естетски квалитет или културно значење. Градскиот парк поради неговото историско, културно, естетско, а сега и еколошко значење ги исполнува условите за оваа категорија“, вели билогот.Понатаму, тој објаснува дека урбани паркови може да се заштитени споменици и тоа не е никаков еколошко-правен преседан, а пример за тоа се: Дворката градина во Сремски Карловци, Каменичкиот Парк во Сремска Каменица, Паркот Бландаш во Кикинда, Жупанискиот парк во Зрењанин и секако Дунавскиот парк во срцето на Нови Сад.Се апелира дека со цел заштита на паркот од идни, себични и недомаќински харања и уништувања, МЖСПП и Град Скопје мораат под итно да ги започнат истражувањата на просторот. Законска заштита не значи ништо сама по себе, вели екологот, но е прв чекор кон покажување на грижа кон природното наследство.
Скопје | пред 2 години
Малолетно девојче пријавило дека нејзиниот дечко од Кавадарци ја малтретирал и и’ се заканувал.Полицијата го повика на службен разговор.„На 29.04.2023 во ОВР Кавадарци извршен е службен разговор со малолетник од Кавадарци по претходна пријава од малолетничка од Кавадарци, со која бил во љубовна врска, дека била малтретирана од него и дека и се заканувал“, велат од МВР.По целосно документирање на случајот ќе биде поднесен соодветен поднесок до надлежното обвинителство.
Македонија | пред 2 години
До редакцијата на Канал 5 се обрати Мелиса Захитовиќ, која се пожали дека со години трпат насилство од нивниот сосед, но дека нема реакција од надлежните.Писмото на малтретираната жена од Канал 5 го пренесоа во целост со апел до надлежните за соодветна реакција:„Јас сум Мелиса Захитовиќ (25), по професија Образовен Асистент во училиштето ОУРЦ (основно училиште со ресурсен центар) ИДНИНА.Вчера околу 18:30ч во Петровец доживеавме брутален физички напад од сосед, јас и мојата мајка која е во лоша состојба. Со години трпиме психичка тортура и константни закани по живот од соседот, неговиот поголем брат и останатите членови од фамилијата.Живееме во страв и трепет секоја секунда плашејќи се за својот живот. Полицијата апсолутно не превзема ништо. Откако бевме физички нападнати, удирани со клоци и нозе по глава и тупаници по лицето и горните екстремитети додека неговите 5 малолетни деца го гледаа целиот настан кој траеше отприлика 10/15 без престан, дотичниот потоа се упати кон полициската станица во Петровец за да не пријави нас двете.Додека јас на лице место повикав полиција, полицијата дојде после 2ч заедно со соседот додека неговите пријатели полицајци од полициската станица дојдат на смена.Меѓувреме три пати ја барав полицијата плачејќи и молејќи за итна помош, полициските службеници се однесуваа дрско преку телефон велејќи "патролата е одамна пратена чекајте", додека од итната помош ме бараа велејќи "ништо не ти е измиј се со вода ќе помине". ВЕ МОЛАМ!Зарем треба да згасне нечиј живот и потоа да се разбудиме?! Кога ќе престанат мажите да креваат рака врз жена?! СТОП ЗА НАСИЛСТВОТО ВРЗ ЖЕНИ! Се обратија и од МВР за истиот случај.
Скопје | пред 2 години
Низа боледувања и земени одмори има од затворската полиција во затворот „Идризово“, потврдува директорот Зоран Јовановски во интервју за „Макфакс“. Ова се случува во период кога интензивно беа палени автомобили, а добивале и закани по живот. Околу 15 проценти од затворската полиција во моментов има извадено боледување, а Јовановски посочува дека „штом матичен доктор дал боледување, тогаш се болни“. Тој открива дали затворската полиција отвора боледувања оти се плашат од закани.Одредени затворски полицајци воопшто не пријавуваат закани од затвореници, а Јовановски вели: „На мое прашање зошто не пријавуваат, велат, за да немаат проблеми“.„Имаме соработка со МВР, работиме на расчистување на случаите на палењето, закани има и ќе има од страна на затворениците, да биле чесни и поштени луѓе немало да завршат позади решетките“, посочува Јовановски.Прашан дали се точни информациите дека полицајците добиваат закани и по нивните семејства, тој додава: „Исказите на вработените го потврдуваат тоа дека им се заканувале и дека резултатот на заканите е палењето на возилата“.„Има такви случаиви што даваат отказ, меѓутоа со зголемување на бројот на затворска полиција би се сузбило тоа заканување“, додава Јовановски.Јовановски посочува дека присуството на недозволени телефони во затворот, овозможува затворениците да пристапат до социјалните мрежи.„На социјалните мрежи нашите вработени имаат фотографии од сопруги, деца, така што многу лесно затворениците да го симнат тој профил и да детектираат и која му е сопруга, кои му се деца“, додава Јовановски.Повеќе за состојбата во „Идризово“ и како 12 години вработените немаат униформи, одговара директорот Јовановски.
Македонија | пред 2 години
Министерството за внатрешни работи ги демантира наводите објавени во дел од медиумите за наводно нереагирање на полицијата во врска со извршено насилство врз М.З. (24) од Петровец, скопско.„Напротив, веднаш се преземени мерки и активности од полициски службеници од СВР Скопје и насилникот е лишен од слобода“, велат од МВР и додаваат:„Веднаш по добиената пријава од М.З. дека на 27.04.2023 во дворот пред нејзиниот дом во Петровец била физички нападната од Е.Л. од Петровец, кој потоа ја нападнал и нејзината мајка З.З., преземени се соодветни мерки и активности. Е.Л. е лишен од слобода и во службен разговор во полициска станица го признал делото. Известен е јавен обвинител и против Е.Л. по документирање на случајот ќе биде поднесена кривична пријава за кривично дело насилство по чл.386 од КЗ.“
Скопје | пред 2 години
Пожарот кој се случи пред осум дена во прилепската фабрика „Тила“ избил на покривот кај панелите за струја, велат на нивниот официјален Фејсбук профил. Ги критикуваат надлежните институции дека дури по шест дена земале примероци за да ја побараат причината.„Како се случи пожарот?! Она што ние го видовме со свои очи и она за кое сведочат нашите соседи е дека пожарот избил на покривот на фотоволтаичните панели кои тие произведуваат струја, а она што ние не го знаеме е како избил пожарот и што го предизвикало тоа. Одговор на ова прашање очекуваме сите ние од надлежните институции кои вчера после 6 дена од денот на пожарот зедоа примероци од инверторите од фотоволтаиците со цел да ја утврдат причината за избивањето на пожарот“, велат од прилепската фабрика во својата објава на Фејсбук.Пожарот започна во 13:20 часот на 21 април, а е изгаснат 35 минути по полноќ. Во текот на целото гаснење на пожарот интервенирале вкупно 20 пожарникари со 10 противпожарни возила, соопшти ЦУК тогаш за индидентот.
Македонија | пред 2 години
Екс заменик-министерот за локална самоуправа и член на Демократски сојуз, Зоран Димитровски, во вечерашното гостување во „Само интервју“ на „Канал 5“ го коментираше дочекот на косовската претседателка Вјоса Османи во Тетово, каде имаше превод само на албански јазик.Тој рече дека ваквиот однос е скандалозен со оглед на фактот дека не е првпат Тетово да се нарекува „центар на Албанците во Македонија“.„Наместо едно општество за сите, направивме цела држава за ДУИ“ , рече Димитровски.Вели дека нарушени се сите постулати на Рамковниот договор, сега има 50-50 проценти албански министри во Владата.Претседателката на Косово, Вјоса Османи Садриу, денеска присуствуваше на на инаугурација на улицата со името „Ибрахим Ругова“ во Општина Чаир.
Коментари | пред 2 години
Екс премиерот на Македонија, Никола Груевски, на својот Фејсбук профил го кажа своето мислење по однос на настаните од 27 април, кога се случи упадот во Собранието.„Се ближи крајот на владеењето на СДСМ и констатацијата дека за време на целиот нивни мандат, од почеток и веројатно до нивниот крај, владеат со политички прогон врз голем број лица нивни политички неистомисленици.Некои од нив се веќе неправедно осудени, други се малтретираат по судови, трети по притвори, некои со политички азили во три земји членки на ЕУ, некои во истраги, предистраги, претреси и слично.Дел од процесите се водат во Скопје, дел низ градовите и судовите во внатрешноста на Македонија, но над 300 луѓе ставени на “листата за острел” на власта, уште при доаѓањето на сеуште актуелната власт, доживуваат тешка тортура, која луѓето од власта (и не само од власта) спокојно ја следат и просто како да уживаат во неа.Тоа се незрели и неуки луѓе кои не прочитале три книги од историја, па да знаат што сѐ се има случувано во вакви ситуации низ историјата, кога еден ден ќе разберат дека околностите вон нивна воља и желба, поприлично се промениле. Тоагаш е најчесто прекасно…Веројатно најеклатантен пример е со осудените и оние кои се судат за настаните од 27. Април 2017 година, на кои во политички монтиран процес им одредија вина за непостоечка односно невистинита правна квалификација “тероризам” или попрецизно “терористичко загрозување на уставниот поредок и безбедност на државата”.Во оваа прилика сакам да потенцирам дека секогаш се потенцира законскиот назив на кривичното дело, "Терористичко загрозување на уставниот поредок и безбедноста на државата".И тоа е точно дека со таква квалификација се осудени, но не се потенцира дека се осудени за кривично дело ПРОТИВ ДРЖАВАТА, затоа што член 313 е предвиден во главата на кривични дела против државата и за нив се бара пред се' ДОКАЖАНА намера за непријателска активност, делување од непријателски побуди.Значи, се работи за политичко кривично дело “по книга”, “по учебник”, така што и “по книга” се осудени за непријателска активност против државата и теоретски, но и реално тие се ПОЛИТИЧКИ затвореници. Ова го напишав пошироко за да ја доловам поентата за официјални “де јуре” ПОЛИТИЧКИ ЗАТВОРЕНИЦИ “по книга” во 21 век, надвор од многуте “де факто” политички затвореници за кои се смислуваат разни други непостоечки обвиненија со лажни докази и уценети сведоци и обвинети за да се затворат, понижат и елеминираат од политичката сцена како потенцијални конкуренти оние кои се главен таргет на “листата за острел”.Ги следам дел од луѓето во или околу власта и сваќам дека уште веруваат дека успешно ја лажат јавноста, односно дека им верува мнозинството од јавноста кога особено на овој ден се препелкаат и се обидуваат да убедат некој во нивните лаги, а не се свесни дека никој не им верува, освен најогнените нивни подржувачи кои најчесто не мислат со својата глава, туку само како хипнотизирани го превземаат и најчесто заради личен интерес, го говорат кажаното и наративот на нивните политички водачи и властодршци.Никој друг нормален човек во Македонија и дијаспората не им верува дека осудените и обвинетите за настаните од “27 Април”, биле таму со цел да го ликвидираат Заев и неговата дружина инсталирана на власт со цел да извршат како што и самиот кажа редефинирање на државата, кое и го извршија во голема мерка, а на сметка на тоа очигледно им беше овозможено да прават огромен криминал паралелно со политичкиот прогон кон неистомислениците од ”листата за острел”.Па потоа, според нивната пропаганда таа толпа народ кој со ретки исклучоци претходно немале никаков посериозен инцидент во животот, а уште помалку нешто што може да се поврзе со тероризам, биле со нив во една иста просторија повеќе од еден час, во нивна најнепосредна близина и како присутни неспоредливо во многу поголем број не посегнале да ги ликвидираат.Ако сакале да ги убијат, ако тоа била целта и Органзиацијата, ќе дошле со оружје и со навежбан план, и можеле тоа да го направат за помалку од една минута, а не да го губат времето околу еден час во вербални довикувања и мал дел од нив во физички тепчачки кои наликуваа на улични тепачки какви што секој ден имало и има низ цел свет, за кои јасно е дека не се начин или форма на кој се вршат атентати и ликвидации на високи политичари или пак насилно превземање на власт со државен удар.Каков е тој тероризам, да дојдеш без оружје за ликвидација, да бидеш во огромен број на два метра од лицата кои сакаат да не убедат дека биле цел на ликвидација и тероризам, да немаш никаков план и организација што да правиш по влезот во парламентот и цел еден час да си со нив кои го прекршија уставот и законите и да си покрај нив во таква атмосфера и да не ја завршиш работата за која си дошол?Нема таков тероризам, како што очигледно луѓето кои влегоа во парламентот, вклучително и оние мал број кои направија насилство, ниту помислиле да ликвидираат некого, ниту влегле со таква цел, ниту пак имале некаков план или организација за присилно превземање на власта и државен удар. Поттикнати од неправдата која ја следеле преку социјалните мрежи влегуваат во парламентот сосема непланирано, независно на она несреќно отворање врати на двајца пратеници понесени од армосферата.Ама ако квалификацијата за оние кој употребија физичка сила беше насилство, предвидената казна во законот е од 6 месеци затвор па до максимум 5 години затвор, а се што е до две години затвор може и логично е за вакви ситуации да се преименува во условна осуда, што практично значи воопшто да не одат во затвор доколку не го повторат делото во следните неколку години.Затоа одлучија да ги обвинат и осудат за друга непостоечка квалификација.Јасно е дека СДСМ дојде на власт да направи многу крупни национални остапки, да прави криминал и да владее со терор и со политички прогони и преку тој терор и прогони кон голем број поединци втерување страв кај поширокото граѓанство, слично како нивните претходници во комунизмот, да владеат што подолго.Погледнете ја правдата денес, после овие шест години и помислете каква правда, односно неправда донесоа божемните жртви на 27. Април кој всушност со своите свесни постапки ги предизвикаа реакцијата на народот на протестот и инцидентите во собранието.Настрана што помеѓу неправедно осудените се и невини припадници и службеници на МВР, за кои ноторен и познат е фактот дека во безбедносните структури се познати и докажани професионалци.На чело на таа група професионалци е тогашниот директор за јавна безбедност а претходно министер за внатрешни работи Митко Чавков, кој иако не бил на работа бидејќи настанот е вон работното време, и бил во лични и приватни ангажмани како и секој човек после работното време, па сепак за една таква ситуација прилично брзо реагирал во правец на смирување на ситуацијата.Но, малкумина знаат на пример зошто Митко Чавков е “на листата ја острел” на Заев.Тој уште кога бил на високи позиции во МВР во неговиот роден град Струмица, далеку пред да добие повисоки позиции во Скопје, навлегол подлабоко и бил посветен на разоткривање, спречување и казнување на криминалите на кланот Заеви.Во процесот на приватизацијата бил опфатен чичкото на Заев за злоупотреби во фирмата Агропромет. Тоа е во 1994 година и од тоа време според струмичани им се зачетоците во бизнисот. Тогаш ја купиле фабриката за цигли Еленица, ја отвориле штедилницата и го купиле најпрофитабилниот дел од ЗИК Струмица, оранжериите - Стакленици за раноградинарски производи.Тогаш било покренато обвинение за злоупотреба.За жал мафијашка та власт на СДСМ во деведесетите години од минатиот век, се погрижи со политичко правни чекори да им помогне на нивните пулени и сите случаи паднале во 1996 година, со донесувањето на кривичниот законик со кој директорите на општествени претпријатија ги иземаа од членот 353 Злоупотреба на службена должност. Демек не се службени лица.Со тоа сите тие добиваат ФАКТИЧКА АМНЕСТИЈА, не само чичкото на Зоран Заев туку и сите директори кои учествувале во незаконска приватизација.СДСМ во 1999 година новата влада предводена од ВМРО-ДПМНЕ ја врати одредбата за одговорност на директори во општествени претпријатија но претходно веќе беа “исчистени” структурите на СДСМ кои ја спроведоа приватизацијата од можна одговорност, што пак беше основ по кој подоцна одговараа директори блиски до ВМРО - ДПМНЕ од 1998 до 2002 година.Митко Чавков низ годините како истакнат професионалец во професијата напредувал.Бил директор на криминалисточката полиција во Струмица, па началник за борба против организиран криминал во Скопје, па директор за јавна безбедност, па дури потоа добива политичко назначување како министер. Подоцна повторно е директор за јавна безбедност во време на владата пред избори, вклучително и во периодот кога се случува настанот на 27. Април 2017 година, популарно наречена “Пржинска влада”.Карактеристично за него е што секогаш бил храбар во справувањето со криминалот и кланот Заеви го гледале како голем нивни непријател кој немало начин како да го придобијат.Митко Чавков е на висока државна полициска функција за борба против криминалот, како началник за борба против организиран криминал и во времето на криминалниот случај “Глобал” во Струмица, и кланот Заеви и тоа го вбројуваат во неговите активности кои го загрозуваа нивниот бизнис честопати базиран на криминални активности.Во време кога во 2015 година струмичкиот бизнисмен на кого му се бара мито од 1 евро од квадрат, за да му се заврши општинска услуга која му следува по закон, пријавил за истото во МВР, Митко Чавков ја извршува функцијата министер за внатрешни работи.И тоа е во време кога тоа уредно пријавено криминално однесување, подоцна е видео и аудио документирано со наредба на судија, за кое исто така Заев со подршка на Кацарска која беше судија во процесот до пред самиот крај беше ослободен од обвинение и покрај еклатантните и очевидни законски прибавени докази.Па наместо Митко Чавков да добие награда и јавно признание за долгогодишна посветеност на гонење на мафијата, како во криминален филм, водачот на мафијата доаѓа на власт, ја користи ситуацијата на 27. Април 2017 година и му доаѓа идејата дека ова е добра прилика и изговор да се одмазди и вечно да го острани еден од малкуте посветени и решени да ризикуваат во спроведување на правдата.Така, во еден класичен мафијашки стил го елиминира оној кој со години му бил “зад петици” во кршењето на Законот и незаконското богатење нему и нему блиските, па преку поткупената со ветување висока функција судијка Добрила Кацарска, во која функција сега ужива, и во тоа време партиската обвинителка Вилма Русковска, е осуден на 18 години затвор, а судиите на повисоките судови притиснати од мафијашка власт ниту помислуваат да ја демаскираат шемата, туку колку за мало перење на сопствената совест само ја смалуваат казната на 16 години затвор.Како може некој да очекува Македонија да излезе од канџите на мафијата и да оди напред, додека мафијата која доби власт врши прогон на оние кои работеле да се разоткрие криминалот на маријата?Да, 27 април е не само немил настан кој се случи со директна и свесна провокација на власта преку најеклатантно кршење на уставот, правилата на парламентот и законите, провокација кон народот кој до тој момент 60 дена мирно протестираше во невообичаено голем број, туку и процес во кој имаше се што може да е дел од еден од најголемите судски монтирани процеси во историјата на Македонија, од судство и обвинителство со 3% доверба, контролирано од власта, чии водач претходно бил криминалец и се искупил со предавство на националните интереси, поткупени и уценети судии, партиски обвинители, лажни, односно лажно конструирани обвиненија со погрешна и лажна квалификација и со јасна намера неистомислениците и непослушните сурово да се казнат и прогонуваат.Со лажни и уценети сведоци, со процес и судење по 10-15 часа на ден, без докази за квалификацијата со која се товарат и се осудија, со хистерична пропаганда на огромен број контролирани медиуми главно исто така со мафијашки методи.И со една глупава верба дека победниците ја пишувале историјата, демек тие биле победниците па што и да одлучеле преку контролираните правосудни органи, тоа ќе била историјата, небаре станува збор за држави победници од светска војна а не бескорпулозни мафијаши и криминалци со моментална политичка моќ, не свесни дека во демократија (каква-таква) нема вечен победник, бидејќи има редовни избори и секогаш во вакви монтирани политчко судски процеси има доволно правни причини за повторување на постапките и рехабилитација на жртвите.И секако несвесни дека еден ден многу лесно може да се случи улогите да бидат заменети“, вели Груевски.
Коментари | пред 2 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
