ТОП

Анастасовска: Јанкулоска уште еднаш покажува дека е поголем маж од нејзините бивши колеги и претпоставени

Гордана Јанкулоска е поголем маж од бившите колеги и претпоставени, вели адвокатката Сузана Јошевска Анастасовска за екс министерката за внатрешни работи.Таа на Фејсбук изрази поддршка за поранешната министерка за внатрешни работи Гордана Јанкулоска, на која, во затворот „Идризово“ не ѝ е дозволено да ги оствари сите права кои ги имаат затворениците-мажи.„На Јанкулоска ѝ е оневозможено користење на посети надвор од установата, одмор, работно ангажирање и сл., погодности кои се достапни ако си осуденик -маж. Поддршка за овој глас за борба за еднакви права на жените, независно што доаѓа од казнено-поправна установа и што има директен интерес. Борбата за рамноправност не смее да бидеј ограничена во својата поддршка зависно од тоа дали ни е симпатичен оној кој за истата цел се бори. Таа треба да е апсолутна во својот корен, во основата на својата идеологија. Јанкулоска секако, уште еднаш покажува дека е поголем маж од нејзините бивши колеги и претпоставени“, пишува адвокатката.Поранешната министерка за внатрешни работи, Гордана Јанкуловска е дискиминирана врз основа на пол, е мислењето на Комисијата за спречување и заштита од дискриминација.„Се утврдува директна дискриминација врз основа на пол во областа на правосудство и управа, од страна на Управата за извршување санкции, врз Гордана Јанкуловска. Се утврдува дискриминација на врз основа на пол од страна на Управата за извршување санкции врз лица од женски пол од Република Северна Македонија“.Вакво мислење на 16 март донела Комисијата за спречување и заштита од дискриминација, постапувајќи по претставка од Гордана Јанкуловска поднесена на 22.12.2022 година, преку адвокатот Влатко Илиевски, кој е и нејзин сопруг, против Управата за извршување санкции.Јанкулоска, осудена за случајот „Тенк“, издржува затворска казна во времетраење од четири години, од 28 септември 2020 година, во „Идризово“.

Коментари | пред 3 години

Груби: Баскетот ми е од Перо Антиќ, голчето од ФФМ, а топката од Наумче

Првиот вицепремиер Артан Груби во емисијата „Топ Тема“ на Телма рече дека сите спортски реквизити кои ги има во кабинетот во Министерството за политички систем не се купени со пари на јавни набавки, туку дека му се донирани.- Голчето ми е дадено од Фудбалската федерација на Македонија, баскетот ми е поклонет од Перо Антиќ, а ракометната топка од Наумче Мојсовски, директорот на Агенцијата за млади и спорт која ќе биде дел од Министерството за политички систем и ќе ги претставува интересите на сите групи, рече Груби.Шефот на кабинетот на лидерот на ДУИ, Али Алихмети, рече дека во неговата канцеларија стои и позлатеното пенкало со кое го потпишал договорот со Бехтел и Енка за изградба на коридорите 8 и 10д.

Македонија | пред 3 години

Џамбазов по веста за смртта на Мешковски: „Навиваше за мене и тогаш кога не требаше, се гледаме стари“

Доајенот на македонското глумиште Димче Мешковски почина по долго боледување во својот дом во Лос Анџелес, САД. Колегите актери преку социјалните мрежи се простуваат од легендарниот актер.Меѓу нив е шоуменот Игор Џамбазов кој вели дека Мешковски го прифатил како син, и тогаш кога не требало.-Збогум, драг мој Мешко. Има ли име ова? Оваа тага… Низ главава ми експлодираат спомени. Претстави, филмови, серии, радио драми, легендарното Хихирику, тезги, софри, песни, гитари, бесконечни партии карти во театарот. И многу ќеф. Што те познавав, што ме прифати како син, и што навиваше за мене и тогаш кога не требаше. Се гледаме стари…, напиша Џамбазов на Фејсбук.

Магазин | пред 3 години

Најчевска: Секој судија чиј предмет ќе застари треба да биде разрешен

Професорката Мирјана Најчевска објави статус на социјалните мрежи во кој вели дека секој судија чиј предмет ќе застари треба да биде разрешен од должност.„За секој застарен предмет е крив судијата кој ја води постапката.Секој судија чиј предмет ќе застари треба да биде разрешен од должност со забрана за вршење било каква професија која има врска со правото и секако со протресување на имотната состојба пред и по застарувањето“, вели Најчевска.

Коментари | пред 3 години

Ахмети: Патот кон ЕУ не се запира со пропаганда кон Артан, ние не сме воз туку незапирлив урган

„Во последно време некои се лутат, но кај мене нема враќање назад!“, порача лидерот на ДУИ Али Ахмети од Чаир.Ги почитувам, додаде Ахмети, одлуките на мнозинството од партиските тела, но не можам да излезам од патот трасиран со крв и вредности.„Нашата мисија започна за обединување, да им го дадеме на Албанците тоа што историски го заслужиле, слобода, правда, еднаквост. Јас, Талат Џафери и сите како нас, мора да работиме да го трасираме овој пат и да го направиме просперитетен за новите генерации бидејќи времињата се сменија. Денес се бара образование, квалитет и експерти, па јас сум многу горд на тимот што го има ДУИ во Владата, а оваа гордост се зголемува кога добивам комплименти од меѓународни претставници за тоа колку е добар нашиот имиџ“, истакна Ахмети.Според него треба да се поддржат професионалните кадри за да ги покажат своите вештини, а не да се задуши ДУИ.„Отворете ги рацете и прифатете ги младите, прифатете ја иднината, затоа што не можеме да бидеме дел од Европа без квалитетен и стручен кадар.Тој со порака до лидерите на политичките партии, да го тргнат гневот, и да се обединат за земјата да стане дел од Европа.„Патот кон ЕУ не се запира со пропаганда кон Артан, ние не сме воз туку незапирлив урган, и не излегувајте пред него зашто ќе ве однесе“, рече Ахмети.Потребно е помирување и обединување, а не поделба, дополни вицепремиерот Артан Груби.„Раката ми останува подадена, затоа што немам огорченост или лутина, научени сме да бидеме заедно затоа што така ни налага времето и овој е вистинскиот момент. Сите заедно ги трасираме патиштата на ДУИ за интересите на нацијата, а не на поединецот, затоа што ДУИ е на сите, а не на неколкумина. Само слабите се плашат од конкуренција. Ништо не започнало и нема да заврши ниту со мене, ниту со некој друг“, рече Груби.

Македонија | пред 3 години

Грковска ги опоменала Груби, Османи и Нуредини поради користење службени возила за партиски цели!

Вицепремиерката за борба против корупцијата Славица Грковска изрекла опомени за вицепремиерот и министер за политички систем Артан Груби, но и за шефот на дипломатијата Бујар Османи и пранешниот министр за животна средина Насер Нуредини, поради користење службени возила за партиски цели врз основа на документација од Антикорупциска. Освен за овој случај, за играњето фудбал во просториите на министерството за политички систем со кое раговоди Груби, Грковска рече дека не е начин на кој функционерите треба да се однесуваат туку да имаат повеќе сензибилитет каква слика оставаат пред граѓаните.-Морам да признам дека тоа не беше добро прифатено од јавноста. Не сметам дека тоа е начин на кој што функционерите би требало да се однесуваат. Сметам дека треба да се има малку повеќе сензибилитет за тоа како функционерите треба да се однесуваат и каква слика даваат пред граѓаните, изјави Славица Грковска, вицепремиер за борба против корупцијата.

Македонија | пред 3 години

Хајредини: Али Амети, како најкорумпиран, самиот стои на чело на структурираната криминална група

Џевдет Хајредини објави статус на социјалните мрежи во кој вели дека Али Ахмети е најкорумпиран, и стои на чело на структурирана криминална група.„Никој никогаш не бил и е денес против коридорите 8 и 10. Оние што досега не ги изградиле нека одговорат. За 20 години не можат да се изградат ни 2 км.Али Амети, како најкорумпиран, самиот стои на чело на структурираната криминална група. Доволно е само да се спомене аферата Телеком“; вели Хајредини.

Коментари | пред 3 години

(ФОТО) Оштетено возилото на пратеничката Солза Грчева: Ама ич нема да ме замолчат!

Екс пратеничката на СДСМ, Солза Грчева, професорка по информациски технологии и претседателка на партијата Глас за Македонија, вчера на Фејсбук објави дека нејзиното возило било мета на напад, за како што вели нејзиното гостување во тв емисија на Алфа.- Секој мој жесток настап, како оној пред три дена на Алфа, има своја цена со која морам да живеам. И не е прв, ниту последен пат. Среќа што се уште насочени (на разни начини) на колата. Можат да станат и поинвентивни. Ама ич нема да ме замолчат. Напротив - напиша таа.

Коментари | пред 3 години

(ФОТО) Претрес во Скопје, пронајден килограм марихуана

Денеска (20.03.2023) полициски службеници од СВР Скопје-Единица за недозволена трговија со дрога, по претходно добиени оперативни сознанија и наредба за претрес од Основен кривичен суд Скопје, извршија претрес во дом на С. Т. (38) во Скопје. При претресот пронајдени се четири најлонски кеси со околу 800 грама марихуана и две стаклени тегли со околу 200 грама марихуана и седум куршуми.Лицето е лишено од слобода и задржано во полициска станица и против него ќе биде поднесена соодветна кривична пријава.

Скопје | пред 3 години

ДНК ја ставија на лицитација статуетката од „Златна Бубамара“, средствата ќе ги донираат за фондацијата „Марко Божиновски“

Панчо и Андреј годинава добија „Златна бубамара“ за најпопуларна група за 2022 година. Освоената статуетка ја ставија на лицитација и парите ќе ги донираат за фондацијата „Марко Божиновски“. Лицитацијата е веќе во тек и ќе трае до среда. Во четврток ќе го објават новиот сопственик.„Наградите од секогаш биле добредојдени за еден уметник како мало признание за трудот и сме преблагодарни на Ранко Петровиќ и „Златна Бубамара“ за дадената награда и укажаната чест за истата. Оваа наша награда решивме да ја ставиме на лицитација и средствата кои ќе бидат собрани ќе бидат наменети за фондацијата „Марко Божиновски”. Оваа фондација им помага на сите оние фамилии каде што е потребно и каде што државата нема слух за истите. Почетната цена на статуетката ќе биде 6.000 денари и искрено се надеваме дека сумата ќе достигне многу повеќе. Сопственикот на статуетката ќе стане оној кој последен ќе ја даде највисоката сума, напишана во коментар, а ќе му ја предадеме лично во пакет со потпишано ексклузивно цеде од нашиот најнов албум „Дваесет” и ДВД издание од јубилејниот концерт одржан во арената ‘Борис Трајковски’“, рекоа Панчо и Андреј.За потсетување, пејачите досега повеќе пати им помогнале на луѓе со егзистенционални проблеми, било да е тоа во пари, храна, средства за хигиена и друго.

Магазин | пред 3 години

Се спасив од сообраќајка, сакам уште долго да живеам: Добрила од Дојран на 94 години пишува автобиографија

Добрила Ивановска Чабриќ (94) од Дојран пред пет години настапи во музичкото шоу „Никад није касно“ и успеа да ги освои симпатиите на публиката.Иако е најстарата ветеранка која досега се појавила во популарното шоу, таа има енергија на која можат да ѝ позавидат и нејзините млади колеги, пишува nova.rs.Добрила откри дека дека подготвува многу изненадувања за својата публика, а својата животна приказна ќе ја претвори во автобиографска книга.“ Подготвив книга во која ќе го опишам мојот досегашен живот, наскоро ќе излезе од печат и мислам дека публиката ќе биде воодушевена. Според мојата книга ќе биде направена монодрама, каде јас ќе ја играм главната улога, бидејќи пред се‘ сум актерка. Учеството во шоуто „Никогаш не е доцна“, најмногу го опишав, ми остави најголем впечаток досега. Сигурно има детали кои никој до сега не ги знаел – вели таа.Нејзин заштитен знак е младешката енергија со која зрачи и на 94 години, а неодамна доживеа и сообраќајна несреќа во која едвај остана жива.“ Скоро имав несреќа, автомобилот се преврте на покривот, едвај излегов, само воланот ми остана во раце. Но, еве, продолжувам понатаму, не се откажувам и сакам уште долго да живеам“ – изјави Добрила.

Магазин | пред 3 години

Директорот на кумановската болница демантира дека се вработени само партиски кадри: Ниту една медицинска сестра не е член на ДУИ

Пратеникот од ВМРО – ДПМНЕ, Бране Петрушевски, вчера обвини дека во Здравствен дом Куманово на распишаниот оглас за вработување на медицински сестри вработени се само партиски кадри на ДУИ. Директорот на Здравствен дом, Фарук Алили, вели дека информацијата не е точна, односно дека ниту една примена не била член на ДУИ и дека вработувањата оделе преку Министерството за здравство поради што тој не можел да влијае врз оценките и знаењата на сестрите.Алили вели дека како функционер се залага за вработувања на стручни, не на партиски кадри. Тој кажа дека побарале вработување на 26 лица, но биле одобрени само десет и потенцираше дека тестовите ги подготвува Министерството за здравство, а ги контролира тричлена стручна комисија чиј претседател е Македонец.– Не се вистините овие информации, пратеникот шпекулира. По нашето барање за вработување до ресорното Министерството кое после праќа на финансии одобрени ни се десет. Ниту една не е член на ДУИ, дури и од мојата партија реагираа дека не се вработени членки. Јас не можам да кажам ништо за тестовите, си има стручна комисија која ги разгледува и оценува. Автоматски се рангираат кандидатите, согласно оценките од средно образование и знаењата покажани на тестирањето. Како јас да интервенирам кои се од ДУИ, кои од друга партија. Исклучиво се залагам за вработувања на стручни кадри, никако партиски, нам проблем ни е недостиг на сестри – вели Алиу.Тој додава дека не се набркани Македонки, туку три медицински сестри Албанки. Според него недозволиво е во ова време да се игра на карта на национализам, но не негира дека десетте вработени се Албанки. Тој нагласи дека најголем дел од раководителите се Македонци.– Пратеникот наместо да дојде да поразговара да праша што е потребно шири деизнформации и прави етнички тензии – вели Алиу.Тој ги повика медиумите, инспекциите да го истражат случајот и кажа дека и сега аплицирале за вработување, бидејќи имаат недостиг на кадар за нови 16 вработувања.

Македонија | пред 3 години

Човечки коски и облека пронајдени во нива во Кочани

Жител на кочанската населба Оризари вчера претпладне, додека изведувал земјоделски активности на својот имот, забележал остатоци од облека и човечки коски, по што веднаш ја известил полицијата.Од СВР – Штип го потврдуваат настанот, но не соопштуваат дали се работи за остатоци од постар датум.-На 19.03.2023 во 11.15 часот во ОВР – Кочани било пријавено дека во нива на место викано Кочански Дол биле пронајдени човечки коски, облека и обувки. Известен е јавен обвинител, а увид на местото извршила екипа од Одделението за внатрешни – Кочани. По наредба на основниот јавен обвинител пронајденото е дадено на вештачење, истакнуваат од Полицијата.Месноста Кочански Дол не е населена, се наоѓа меѓу катастарските општини Кочани и Оризари и има лозја, ниви и неколку помошни земјоделски објекти.

Македонија | пред 3 години

(ФОТО) Ова е 35 годишната Ирена која трагично го загуби животот ноќеска на Копаоник

Ирена Р.(35) од Нови Сад и Драган В.(39) од Александровац загинаа во текот на ноќта на Копаоник кога снежната моторна санка на која се возеле се превртела и паднала во бездна.Драган В. ја возел снежната моторна санка, а Ирена Р., девојката што седела со него на санката, е од Нови Сад.На нејзиниот профил на социјалните мрежи стои дека дипломирала на Правниот факултет во Нови Сад, по што магистрирала и како што неофицијално дознаваат српските медиуми, се запишала и на докторски студии. Се вели и дека била една од најдобрите студенти на нејзината генерација.Таа често објавуваше фотографии од патувањата, а судејќи по нејзините објави, била многу блиска со мајка си и со семејството.Мајката Изабела под фотографиите често и оставаше љубовни пораки за својата ќерка, а последен пат се огласи во средината на февруари кога закачи слика од нејзините две ќерки од детството и напиша „Концерт за мама за еден 8 март“.

Македонија | пред 3 години

Струмичанката која го воодушеви жирито на Гранд, не помина во следниот круг

Струмичанката Ангела Котуровиќ не помина во следната фаза од шоуто „Ѕвездите на Гранд“ иако ги воодушеви членовите на стручното жири и доби пофални зборови.Ангела ги пееше песните „Круна“ и „Радио свира за нас“.„Ти, драга моја, ти не си лоша, само треба малку да си го скротиш гласот. И на двете ви посакувам среќа во бараж“, рече Цеца.„Ангела, ти беше добра, имам само една замерка. Не знам дали е од страв, ама ти некаде ми беше малку ниска. Имаш добра песна и се бориш во баражот“, рече Марија.

Магазин | пред 3 години

Нема фотографија

(ВИДЕО) Кијану Ривс игра со кученца во емисија во живо

Еден од омилените холивудски актери, Кијану Ривс, гостуваше во шоуто на Џими Фалон „Тунајт шоу“ и разговараше за својот најнов филм „Џон Вик 4“, во кој се појавува речиси 10 години откако ја доби главната улога во првиот дел од серијалот.По дискусијата за филмот следеше забавен дел од емисијата, квиз во кој актерот одговараше на прашањата на водителот за различни животни, а за секој точен одговор добиваше кученце во рацете како награда.Актерот се забавуваше додека одговараше на прашањата, па во еден момент седеше во фотелја со еден куп кутриња златни ретривери во скутот. „Кој е кралот на кученцата? Јас сум кралот на кученцата,“ вели Кијану на крајот од квизот, целиот прекриен со мали ретривери.Глетката го топи срцето.Инаку, Кијану Ривс е познат како најголемиот добротвор на Холивуд со оглед на тоа што голем дел од својата заработка ја донира во хуманитарни цели. Актерот често се дружи со бездомници и е исклучително љубезен и трпелив кога се среќава со своите многубројни фанови.Неодамна, по премиерата на „Џон Вик 4“ во Тексас доби предлог за брак. „Ќе се омажам за тебе“, му рекла една жена од публиката. Актерот кој никогаш досега не бил оженет ѝ одговорил: „Да, внимавај што посакуваш“ и со својот одговор насмеа многумина.

Магазин | пред 3 години

Цуцуловски му го „плесна“ на Мицкоски: Дури сега сфаќам дека не било битно вметнувањето на Бугарите во Уставот, туку кој парламентарен состав тоа ќе го направело

Љубмир Цуцуловски на социјалните мрежи објави статус во кој вели дека не било толку битно отварањето на Уставот и вметнувањето на „бугарското малцинство“ во него, туку дека многу побитно било во кој парламентарен состав тоа ќе се направело„РАЗБИРАТЕ? Дури сега сфаќам, кутар јас, дека не било толку битно отварањето на Уставот и вметнувањето на „бугарското малцинство“ во него, туку дека многу побитно било во кој парламентарен состав тоа ќе се направело, бидејќи овој собраниски состав (објаснуваат) не бил легитимен.Значи, според нив: прво избори, а потоа ќе следи отварање на Уставот.Разбирате, почитувани посетители? Јас, искрено, разбирам што сакаат да кажат/порачаат, само што тоа не можам да го прифатам, уште помалку да го оправдам“, вели Цуцуловски.

Коментари | пред 3 години

Објавена листата на најсреќни нации, Косовците, Србите и Албанците се посреќни од Македонците

Објавена е листата на најсреќни нации, Косовците, Србите и Албанците се посреќни од Македонците.Финска е прогласена за земја со најсреќна популација шеста година по ред, според Светскиот извештај за среќа објавен денеска.Извештајот, кој се занимаваше и со ефектите од кризата предизвикана од коронавирусот врз благосостојбата на луѓето, секоја година го составуваат научници во САД врз основа на анкети на Институтот Галуп.Според извештајот, по среќните Финци следуваат Данска, Исланд, Израел, Холандија, Шведска, Норвешка, Швајцарија, Луксембург и Нов Зеланд.Македонија е на 87 место, а од соседните земји Косово е на 34, Србија е на 45, Грција на 58, Бугарија на 77 и Албанија на 83 место. Црна Гора е 67-ма во Светскиот извештај за среќа, а Босна и Херцеговина е 71-ва.Саудиска Арабија е на 30. место, Казахстан е на 44. место, а Аргентина е на 52. место.На дното на рангирањето се претежно африканските земји, а Авганистан и Либан разурнати од војна се двете најнесреќни земји во светот, во истражувањето во кое беа опфатени вкупно 137 земји.Научниците рекоа дека проценката на среќата на луѓето остана „извонредно отпорна“ и покрај пандемијата „Ковид-19“, со глобални просеци во 2020 до 2022 година исто толку високи како оние во годините пред пандемијата од 2017 до 2019 година.Табелата можете да ја погледнете тука

Македонија | пред 3 години

Марјан Стаменковски од „ДоказМ“ итно пренесен во болница

Марјан Стаменковски, сопственик на „ДоказМ“ кој е во притвор во затворот „Скопје“, ноќеска е пренесен во болница, дознава „Макфакс“. Откако била повикана Брза помош, која констатирала дека состојбата не може да се санира на лице место, посочиле дека Стаменковски треба да биде однесен во болница. Директорот на затвор „Скопје“, Филип Андов, за „Макфакс“ посочува дека Стаменковски е однесен во Клинички центар „Мајка Тереза“.„Откако притвореникот се пожалил на тегоби, согласно протоколот, од затворот била повикана Брза помош. Повеќе информации не можам да споделам во моментов“, посочува Андов.Стаменковски е во притвор повеќе од еден месец. Тој се гони дека сторил две дела - ширење на расистички и ксенофобичен материјал по пат на компјутерски систем, а потоа и уцена, пиратерија на аудиовизуелно дело, злоупотреба на лични податоци. Против него е поднесено обвинение и му се суди. Истовремено, Обвинителството отвори уште една постапка во која испитува и можно сторување на нови кривични дела од страна на Стаменковски.Досега се одржаа и неколку рочишта, на кои, Марјан Стаменковски се сретна со жртвите односно оштетените во процесот, кои биле негов таргет. Не призна вина и реши да се брани и да докажува дека не сторил ништо незаконски. Новинарките Валентина Вурмо и Ирена Мулачки и јавно по сведочењето во судница кажаа дека очекуваат правда, но и да се најдат нарачателите на текстовите кои осамнуваа на порталот „ДоказМ“.

Македонија | пред 3 години

(Видео) Ковачевски со порака до Вучиќ и Курти

Премиерот Димитар Ковачевски посочи дека верува дека со дијалог ќе се решат отворените прашања помеѓу Србија и Косово. Тој ги повика претседателот на Србија, Александар Вучиќ и премиерот на Косово, Албин Курти, на конструктивност. Ковачевски посочи дека сака регионот да го види интегриран во ЕУ. Рече дека ќе даде поддршка на процесот.„Сакав да им укажам од важноста која ја посветуваме на овој состанок. Цврсто верувам дека дијалогот е неопходен и единствен пат до решение во демократскиот свет. Дијалогот е единствена алатка за европска интеграција на двете земји“, рече Ковачевски.Тој посочи дека местото на Западен Балкан е во ЕУ особено кога ќе се земе во предвид на поделбите во светот.„Ги охрабрувам страните да бидат конструктивни и да имаат продуктивен ден. Република Северна Македонија не е случајно избрана за да се одржи овој дијалог, туку бидејќи е фактор на стабилност во регионот“, додаде Ковачевски.Тој посака успешни преговори. Посочи дека со дијалог се постигнале договори, а се донеле и државнички одлуки.„Во услови на геополитички превирања и воена агресија, местото на Западен Балкан е во ЕУ. Јасно сакам да порачам дека ние сме политичари кои носат тешки но државнички одлуки. Никому не му е тешко во вакви ситуации бидејќи дијалогот значи и отстапки, но знаеме дека тие тешки одлуки се за подобра иднина на сегашните и идните генерации“, посочи Ковачевски.

Македонија | пред 3 години

Нема фотографија

Почина д-р Горан Беговиќ, претседателот на синдикатот на клиниките

„Со огромно жалење и неверување ја примив веста дека денес не напушти Асс. Д-р Горан Беговиќ dr. sci.-субспецијалист, хирург и Претседател на Самостојниот синдикат на вработените во универзитетските клиники, центри, клинички болници и други јавни здравствени установи во Република Македонија“, објави Ивица Апостолов, претседателот на Здружението на медицински лаборанти на клиниките.„Како вработен во Клинички центар, денешната смрт на др.Беговиќ ме остава збунет, во болка и во неверување, но сигурен сум дека се она што го направи како човек и Претседател за ССКЦ, д-р Беговиќ засекогаш ќе биде дел од срцето на Синдикатот на Клинички и никогаш нема да биде дел од некое минато време, туку дел од сите нас кои сме членови во Синдикатот. За оние кои го познаваа, останува празнина во душата и како верен колега, пријател и човек со работата во ССКЦ и тоа во време кога ни беше најпотребен, но за жал денес остануваме без неговата безрезервна љубов и поддршка, без неговата емотивност и грижливост за сите колеги во Синдикатот на Клинички, но и во овие тешки моменти како членови на ССКЦ ние мораме да продолжиме по неговиот пат“, пишува Апостолов, изразувајќи длабоко и искрено сочувство до семејството на д-р Беговски за големата загуба.

Македонија | пред 3 години

Дамева: Ќе се ослободиме од судиите кои не заслужуваат да ја носат тогата

Сите во правосудството треба да ја почувствуваат одговорноста, вели претседателката на Судскиот совет, Весна Дамева во најновото издание на Трилинг, на прашањето дали чувствува одговорност за состојбите во правосудството.-Обврска е дека треба да ја враќаме довербата кај граѓаните. Ниска е довербата во повеќе институции, наше е како ќе почнеме да ја враќаме довербата. За враќање треба да се констатираат причините. Во наредниот период ќе преземаме чекори. Прв чекор е транспарентност и отчетност, втор чекор е да се ослободиме од судии кои не заслужуваат да ја носат тогата – рече Дамева.Во врска со непотизмот и партизираноста во судството таа вели:-Јас не сум член на политичка партија, а дружбата и пријателството со политичари, во иднина ќе се покаже дали има влијание врз мене. Немам ни дете судија или обвинител, ниту сопруг. Не може да забраните дискриминација по семејна положба – вели Дамева.На прашањето дека упатените во правосудството велат дека во Судскиот совет има три струи, едната поддржана од Заев, втората на Миле Зечевиќ, а третата од ДУИ, Дамева рече дека прв пат слуша за тоа.

Македонија | пред 3 години

Средношколците по средбата со МОН: Ни беше кажано дека материјалот е веќе скратен, но не добивме увид

Кратење на материјалот предвиден за полагање на државната матура поради онлајн наставата, дојавите за бомби, изгубената настава и дупките во знаењето било главното барање на претставници на Организацијата за дијалог и афирмација на средношколците и студентите (ОДАС) на денешната средба во Министерството за образование и наука.Како што соопштија од ОДАС, на средбата разговарале за проблемите и предизвиците со кои средношколците се соочуваа изминативе четири години, при што било издејствувано учениците да добијат банки со прашања за полагање на интерните предмети.-Успеавме да издејствуваме училиштата да мораат оваа година да им достават на учениците банки со прашања за полагање на интерните предмети. Од друга страна, ни беше кажано дека материјалот е веќе скратен, но не добивме целосен увид во тоа колку и кој материјал е скратен. Тоа што го забележавме беше дека скратениот материјал по мајчин јазик (македонски) е речиси идентичен со тој од минатогодишната матура. Продолжуваме да го следиме процесот и да работиме на заложбата за подобро образование, и ќе информираме за сите следни чекори по извршување на разговори со средношколците, велат од ОДАС.

Македонија | пред 3 години

Се бара притвор за наставничката која дилала дрога

Основното јавно обвинителство Скопје поведе истражни постапки против петмина осомничени за продолжено кривично дело – Неовластено производство и пуштање во промет наркотични дроги, психотропни супстанции и прекурсори. Во периодот од крајот на јануари до средината на март, осомничените четворица мажи и една жена која е наставничка во основно училиште во Аеродром, со умисла извршиле повеќе временски поврзани дејствија што претставуваат повеќекратно остварување на исто дело, искористувајќи исти прилики.„Со посебни истражни мерки и други дејствија по наредба на јавниот обвинител од Основното јавно обвинителство Скопје обезбедени се докази за основано сомнение дека осомничените во наведениот период неовластено заради продажба купувале, држеле и продавале психотропна супстанца – амфетамин, стимуланс на централниот нервен систем (ЦНС) кој е класифициран во Националната листа II на контролирани психотропни супстанции“, кажа Обвинителството.Оттаму соопштија и детали за претресите и што е пронајдено.„При претресите извршени на седум локации во Скопје во текот на вчерашниот ден и рано утрово, припадници на Единица за недозволена трговија со дрога и оружје при СВР Скопје открија лабораторија за производство на амфетамин, како и дрога со проценета вредност на „црниот пазар“ од околу половина милион евра – амфетамин во количина од околу седум килограми, еден килограм кокаин, околу 22 килограми марихуана, околу 3000 таблети екстази, повеќе дигитални ваги и опрема за производство на амфетамин, евиденции, тетратки и листови со прибелешки за должници односно лица кои купувале дрога, како и пари за кои постојат основи на сомнение дека потекнуваат од продажба на дрога“, додаваат од Обвинителството.Еден од осомничените се товари и за кривично дело – неовластено изработување, држење посредување и тргување со оружје или распрскувачки материи, бидејќи при претресот кај него била пронајдена и автоматска пушка, 667 куршуми со различен калибар, рамки и други делови од огнено оружје.„Надлежниот јавен обвинител до судијата на претходна постапка од Основниот кривичен суд Скопје попладнево достави предлог за определување мерка притвор за осомничените, бидејќи оцени дека постои опасност тие да се дадат во бегство или да го повторат делото“, додава Обвинителството.

Македонија | пред 3 години

Адвокатот на Боки 13 очекува да паднат и оставки: Никој не е толку црн за да го доведете во животозагрозувачка состојба

Адвокатот Владимир Туфегџиќ, бранител на Бојан Јовановски-Боки 13, за „Макфакс“ посочува дека очекува оставка од неколку лица што во изминатиот период одлучувале по однос на барањето за прекин на казната. Туфегџиќ посочува дека токму тие што одлучувале и го оставиле Боки 13 во „Идризово“ со влошено здравје треба да сносат одговорност. Осудениот денеска е хоспитализиран и во болница, каде што треба да му биде извршена операција.„Реално, лично очекувам морален чин на оставка од неколку лица што постапувале и одлучувале во изминатиот период бидејќи ниту еден осуденик не е до толку црн за со своето постапување дополнително да го казнувате и да го доведете во животозагрозувачка состојба, а сето тоа можело да се одбегне“, вели Туфегџиќ за „Макфакс“.Тој додава дека докторите и тој како адвокат алармирале дека може да се избегнат овие последици ако Боки 13 бил третиран во согласност со насоките од докторите.„На овие последици врз животот и здравјето на осуденото лице во изминатите 7 месеци предупредуваа лекарите специјалисти од областа и јас како бранител. Укажуваа како и на кој начин да се одбегнат тешките последици врз животот и здравјето на лицето и сите укажувања се составен дел од списите на предметите водени во Основниот кривичен суд Скопје и Управата за извршување на санкциите.Во конкретниот случај надлежните органи што постапувале однапред знаеле за здравствената состојба, биле свесни за настапувањето на последиците, кои извесно може да настанат, па оттаму оправдано е барањето за одговорност упатено од семејството“, додава Туфегџиќ.Утринава, правниот тим на Боки 13 посочи дека тој е хоспитализиран во болница. По правење на проверките, тој ќе биде и опериран, соопштија тие.

Македонија | пред 3 години