ТОП

Претепан секретарот на бугарскиот клуб во Охрид

Дваесет и едногодишниот Бугарин од Охрид, Христијан Пендиков кој е секретар на бугарскиот клуб „Цар Борис Трети“ во Охрид, бил претепан од три лица, а нападот бил извршен синоќа околу 21 часот пред угостителски објект во центарот на градот.Оваа информација ја потврдија од СВР Охрид.„На 19.01.2023 околу 22.30 часот во Охрид е пријавен физички напад врз Х.П. (21) од Охрид од страна на С.К., С.К. и И.С., сите од Охрид, по што на Х.П. му била укажана лекарска помош во Општа болница Охрид. Според пријавеното од Х.П., во угостителски објект лоциран на кеј „Македонија“ во Охрид, а потоа и надвор од објектот, физички бил нападнат од С.К., С.К. и И.С., сите од Охрид и притоа се здобил со тешки телесни повреди, констатирани во Општата болница во Охрид. Известен е јавен обвинител и СВР Охрид презема мерки за расчистување на случајот, по што ќе следува соодветна пријава“, рекоа од СВР Охрид.Агенцијата БГНЕС објави дека 21-годишниот Бугарин од градот Охрид Христијан Пендиков има повеќе испукани пршлени, ребра и скршена вилица, а објави и фотографија од нападното лице.„Пендиков бил заедно со уште една девојка. Пред да излезе од кафеана беше навредуван и испровоциран од друштвото поради неговата припрадност. Тој моментално се наоѓа на лекување во локалната болница. Се чека неговото транспортирање и префрлање во болница во Скопје“, објави БГНЕС.

Македонија | пред 3 години

Дојде крај на јануари, издишаа лагите на Мицкоски за распуштање на Собранието, вели СДСМ

Издишаа лагите на Мицкоски дека на крај на јануари ќе собере 61 пратеник и ќе се случи распуштање на Собранието ,вели СДСМ„Дојде крај на јануари, а нема ништо од неговите најави, нема распуштање на Собранието.Ниту има, ниту ќе има распуштање на Собранието, ниту пак има притисоци врз пратеници.Мицкоски, исплашен за својата фотелја во Белиот дворец, се заплетка во сопствените лаги“, се вели во соопштението.

Македонија | пред 3 години

(ВИДЕО) Во охридски Оровник „исчезна“ светиот крст

Матната охридска вода беше осветена за празникот Богојавление - Водици но среќен фаќач на крстот кој беше фрлен во водите немаше, кога е во прашање селото Оровник, односно целата општина Дебрца.Петнаесетина верници се обидоа да го пронајдат фрлениот свет крст, но не успеаа поради силниот ветар, односно брановите кои тој ги предизвика.Поради ниските температури потрагата по светиот крст не траеше долго, а верниците се повлекоа. Крстот беше фрлен близу брегот на езерото од страна на свештените лица.

Охрид | пред 3 години

(ВИДЕО) Пиромани палат контејнери низ Карпош, ги гасне пожарна

Вечерва на повеќе локации во Карпош се запалени контејнери за отпад.Скопје1 на три локации забележа како гори отпад, а сите во дело на Влае и Капош 4.Една од локациите на која се наоѓаат контјнерите е близу бензинска пумпа, а пожарот го пријавиле вработените со оглед на опасноста дека истиот може да се прошири.Со оглед дека контејнерите се пластични, изгорени се во целост.

Скопје | пред 3 години

Единствената девојка која скокна по крстот во Велес: Не се откажувам, ќе скокам сè додека не го фатам!

Меѓу 71 православни христијани, кои денеска скокнаа во водите на Вардар во Велес за Богојавление –Водици, беше и единствената девојка,  28 – годишната Ели Апостоловска, вработена во Армијата, во Воената полиција. Таа досега три пати се пријавувала за учество, а два пати скокала по светиот крст во водите на Вардар. За МИА, потенцира дека крстот бил блиску до неа, но среќа прв да стигне до крстот имал нејзиниот колега од Армијата, Игор Василевиќ.Апостоловска  потенцира дека и во наредните години за Водици не се откажува и ќе се пријави да скока по крстот во водите на Вардар, а се надева дека ќе и се насмевне среќата и ќе го фати светиот крст за Водици. Воедно, таа потенцира дека е многу среќна што била учесник и е горда што е дел од традиционалната манифестаци, која е многу значајна за христијаните.– Имав преголема желба и така се пријавив. Исто како кога требаше првпат да скокам, така и овој пат,  синоќа цела вечере не можев да заспијам од возбуда. Преубаво се чувствувам и сум многу среќна што влегов во осветените води на Вардар.Тоа значи и здравје и среќа, појасни за МИА, Апостоловска.Ели Апостловска во Армијата работи од 7 септември 2015 година. Прво се вработила во Полкот за специјални операции – Ренџери, па во чета за Логистичка поддршка, а сега е во Воената полиција во Касарната „Илинден“ во Скопје.Таа ни сите православни христијани им го честита празникот Богојавление Водици и им посака многу здравје и среќа.Извор: Миа.мк

Македонија | пред 3 години

ВИДЕО: Кристијан Нинески по третпат го извади крстот од Вардар во Скопје

Осветени се водите на Вардар, чин кој заврши со положување на светиот крст од страна на г.г. Стефан. Кристијан Нинески е среќнот верник кој го фати крстот во Вардар. На крајот од осветувањето на водите, г.г. Стефан рече го честиташе празникот Богојавление Водици. Среќниот верник беше даруван. Ова е третпат тој да го извади крстот од Вардар. Првпат во 2019, вторпат во 2020 година и сега, 2023 година.„Со прекрасниот поздрав Бог се јави и со радосниот одговор Навистина се јави, христијанските народи на овој велелепен ден го потврдуваат своето непоколебливо верување дека Бог навистина се јавил во светот и дека светот му поверува, како што сведочи и светиот апостол Павле. Тоа јавување на Бога на реката Јордан, кое и денеска не собра тука, на Вардар, нашиот македонски Јордан е најцелосното и најјасното јавување на Бога пред човечкиот род“, кажа г.г. Стефан.Околу 130 верници учествуваа во фаќањето на светиот крст, кој беше положен во реката Вардар во Скопје точно на пладне.Како што информираа за МИА од МПЦ-ОА – Скопска епархија, сите пријавени беа полнолетни и се проверени на спортска медицина, а некои учесници се спортисти.

Скопје | пред 3 години

Полукриминални групи под контрола на СДСМ и ДУИ вршат притисоци врз пратеници, нема да им успее и ќе зажалат за тоа, кажа Мицкоски

Денеска по завршувањето на централниот настан на положување на светиот крст во водите на Охридското езеро, претседателот на ВМРО-ДПМНЕ, Христијан Мицкоски беше прашан за пратениците од власта кои што посакуваат избори, при што истакна дека нема рационален човек во македонскиот парламент и што и сака добро на Македонија, а да не сака избори.Но, посочи Мицкоски, оние полукриминални групи кои се дел од македонското подземје, а кои се контролирани од високите раководства во Социјалдемократскиот сојуз (СДСМ) и Демократската унија за интеграција (ДУИ), веќе почнуваат да вршат притисоци врз пратениците во македонскиот Парламент кои се организирање предвремени парламентарни избори.И покрај притисоците кои што почнаа да им се вршат, Мицкоски изрази убедување дека овие пратеници, кои што пред се му посакуваат добро на државата, ќе ги издржат притисоците од криминалните структури и останат доследни на кажаното, бидејќи борбата за Македонија нема цена.„Па, мислам дека не би имало човек во Парламентот, рационален човек кој што и сака добро на Македонија, а да не посакува избори. Но, оние полукриминални групи кој што, високото раководство на СДСМ и ДУИ ги контролираат и се дел од македонското подземје, веќе почнуваат да вршат притисок врз тие пратеници. Јас сум убеден дека тие ќе останат доследни, бидејќи борбата за Македонија нема цена, а криминалците еден ден ќе зажалат за ова што го прават“, рече Мицкоски.

Македонија | пред 3 години

Васко Довлев е среќниот фаќач на светиот крст во Охрид

Чествувањата по повод празникот Богојавление – Водици започнаа утрово во 7 часот со богослужби во охридските парохиски цркви. Литиите од трите цркви „Св. Никола- Геракомија“, „Успение на Пресвета Богородица – Каменско“ и „Св. Георги од Горна Влашка Мала се сретнаа на плоштадот Св. Климент Охридски неколку минути пред 10 часот и се упатија кон пристаништето.Крстот во осветените води на Охридското Езеро беше положен од Светилникот на пристаништето.Васко Довлев од охридската населба Варош е среќниот фаќач на светиот крст во Охрид.

Охрид | пред 3 години

(ВИДЕО) Деца немојте да се борите за крстот: Инцидент во Крива Паланка

Инцидент се случи во водите на Крива река за време на фрлањето на Светиот крст. Поголема група на млади момчиња кои се фрлија по крстот, почнаа да се борат за крстот и за малку беше избегнат поголем инцидент.И покрај апелите на свештеното лице кое го фрли крстот, младите момчиња продолжија да се тегнат и да се влечат.Погледнете:

Македонија | пред 3 години

(ФОТО) Коњ шета сред булевар во Скопје

Вчера на социјалните мрежи беа објавени фотографии од коњ кој шета во Ѓорче Петров. Коњот се движел по главниот булевар во близина на општинската зграда.„Во Ѓорче сам коњ на улица,кај општината оди на кај Сарај.Некој да помогне“, стои во објавата.Граѓаните реагираа на социјалните мрежи, велат дека често возачите возат брзо на овој булевар, па може да се предизвика сообраќајна несреќа

Скопје | пред 3 години

(ВИДЕО) Фрлањето на крстот во Подмочани се уште е број 1

Православните верници денеска масовно го одбележуваат верскиот празник Богојавление – Водици.Ако досега не сте го погледнале, тогаш да се потсетиме на ова несекојдневно видео, фрлање на крстот во преспанското село Подмочани.Видеото е снимено пред 11 години, односно во 2011-та година.Овој празник го симболизира крштавањето на Исус Христос во водите на реката Јордан од страна на свети Јован, кој од тогаш се нарекува Крстител.На Водици, црквата го извршува големиот водосвет, а осветената вода се верува дека е лековита.

Магазин | пред 3 години

Жесток Фејсбук дуел меѓу Апасиев и Сали: „Треба сериозно да бара лек против албанофобија“

Откако денеска излезе список дека актуелниот министер за здравство Беким Сали унапредил 17 лица, меѓу кои 14 Албанци и тројца Македонци роднини на актуелни функционери, дојде до жесток фејсбук дуел меѓу првиот човек во здравството и лидерот на Левица, Димитар Апасиев.Првично, Апасиев сподели кај него статус за новите унапредувања во здравството, по што актуелниот министер му возврати:„Апасиев, треба сериозно да бара лек против албанофобија. Иако имаме добар кадар на клиниките, за жал Министерството за здравство се уште не открило лек за албанофобија. Во министерството што јас го раководам секој се унапредува според заслугите и работата што ја работи, а не според партиската и политичката определба“, напиша Сали на службениот профил.Меѓутоа, лидерот на Левица не му остана должен, па уште пожестоко му одговори:„Шовинисту, оди прво обезбеди им лекови на болните од цистична фиброза! Уште се лечиме преку СМС и Македонци и Албанци“, напиша Апасиев.

Коментари | пред 3 години

ВИДЕО: Тешка сообраќајка кај рампа во Кисела Вода

До редакцијата на Канал 5 пристигнаа видео снимки на кои се гледа штететата што ја претрпеле двете возила кои учествувале во несреќата.На снимките може да се види и дека на местото на несреќата интервенираат екипите на МВР и Брзата помош.Засега останува непознато дали има повредени или настрадани лица.Повеќе информации очекувајте наскоро. 

Скопје | пред 3 години

Затвореник наместо во затворот „Идризово“, си крадел

Денеска (18.01.2023) околу 10.30 часот полициски службеници од СВР Тетово го привеле 35-годишниот Р.А. од тетовско Одри за доиздржување затворска казна од 4 години и 11 месеци, откако претходно бил пуштен на викенд и не се вратил во КПУ Затвор "Идризово" во Скопје.Тој е спроведен во казнено- поправната установа за доиздржување на казната.Инаку, Р.А. се сомничи и дека ноќеска (18.01.2023) извршил тешка кражба во куќа во тетовско Беловиште, при што одзел пари и лични предмети. Одземеното е пронајдено и вратено на сопственикот.

Македонија | пред 3 години

Правилник на Тетово: Колку посилно те касне кучето, толку повеќе поени и пари можеш да добиеш

Општина Тетово објави Правилник за надомест за каснување од кучиња.Ако ве касне куче скитник во Тетово, треба да го земете правилникот издаден од Општина Тетово и според него да утврдите колку поени ќе добиете врз основа на кои ќе ви се исплати надомест.За каснување се добиваат од 5 до 15 поени, во зависност од тоа колку било силно. Ако ве каснало еднаш или повеќепати, повторно добивате од 5 до 15 поени. Различен број поени се добиваат и за големината на претрпениот страв и за последиците на каснувањето.Секој каснат граѓанин ќе добие предлог-спогодба и можност за надоместок од минимум 30.000 до максимум 100.000 денари.Вака изгледа тарифникот за собирање поени:Повеќе детали од Правилникот на следниот ЛИНК.

Македонија | пред 3 години

И Шилегов играше на картата ,,ај, ќе заборават", па потона покатастрофално одошто му предвидов., ѝ Јоци до Данела

Јорданка Ивановска Јоци на социјалните мрежи објави статус во врска со разрешениот директор на МКЦ кој не сакал да потпише вработување на Бени Шакири.„Скандал во МКЦ. Брујат медиуми. Разрешен директор затоа што не сакал да потпише вработување за Бени Шакири, а новиот директор бил детектив по професија. Завчера, пак, беа отпуштени вработени од обезбедувањето на Град Скопје.Неверојатно за читање.А, ене ја кај е 2025.И Шилегов играше на картата ,,ај, ќе заборават", па потона покатастрофално одошто му предвидов“, вели Јоци.

Коментари | пред 3 години

ВИДЕО: Пратеник патуваше 150 километри за да му докаже на министерот за транспорт дека лаже

Бојан Стојаноски од ВМРО-ДПМНЕ во дебата му посочи на министерот Благој Бочварски дека на автопатот Кичево-Охрид дел од трасата од Другово до Извор не е пробиена.„Јас целата траса сум ја поминал, така што вие мене не мора да ме носите на трасата. Можеме слободно кога сакате да направиме увид во градежните активности. Апсолутно не сте во право. Правиме напори да заврши целиот пат. Тоа може во вашите прес-конференции така да изгледа, но на терен не е така“, изјави Бочварски.Денес Стојаноски објави видео од локацијата каде трасата не е пробиена.„Директно од терен - доказ за лагите на власта.На лице место од мостот над селото Попоец, трасата од Другово до Извор, кој ниту е завршен ниту трасата е целосно пробиена како што во текот на нашиот дуел ме убедуваше министерот за транспорт и врски Благој Бочварски.Потребни се предвремени избори што е можно побрзо, за да ги промениме овие неспособни луѓе од власта кои шеста година не можат да завршат еден автопат кој им беше оставен реализиран скоро 50%.Доста е за лаги и манипулации, време е за работа и проекти!“, вели Стојаноски.

Македонија | пред 3 години

Полицајка на граница фатена додека примала поткуп

Одделот за внатрешна контрола, криминалистички истраги и професионални стандарди при МВР до Основното јавно обвинителство за гонење на организиран криминал и корупција- Специјализирано одделение за гонење на кривични дела сторени од лица со полициски овластувања поднесе кривична пријава против С.А., полициска службеничка во Полициската станица за граничен премин и граничен надзор Богородица при Регионалниот центар за гранични работи Југ поради постоење на основи на сомнение дека сторила кривично дело „примање поткуп“ по член 357 ст.1 од Кривичниот законик.Пријавената на 21.12.2022 околу 12 часот побарала и примила поткуп (пари) за да не изврши службено дејствие кое била должна да го изврши, односно да не ги евидентира оштетените (грчка државјанка и нејзиниот сопатник) во системот на контрола на патници и возила дека оствариле излез од Република Северна Македонија кон Република Грција.Против С.А. е поведена и постапка за утврдување на дисциплинска одговорност, како и отстранување од работното место.

Македонија | пред 3 години

Јовица Стојановиќ поставен ВД директор на Управата за извршување на санкции

Владата на Република Северна Македонија ја одржа 120-та седница.На седницата, Владата го прифати предлогот на Министерот за правда и за ВД директор на Управата за извршување на санкции, до изборот на нов директор, е именуван Јовица Стојановиќ.Владата го прифати и предлогот на Министерот за правда, да се распише јавен оглас за именување нов директор на Управата за извршување на санкции, како што е образложено, согласно член 27, став (2) од Законот за извршување на санкции.Стојановиќ е именуван за ВД директор на Управата за извршување на санкциите, откако на вчерашната владина седница беше разрешен директорот на Управата.

Македонија | пред 3 години

Можеше ли да се спречи катастрофалната несреќа на автопатот Струма во Бугарија во која во 2021 година загинаа 45 макеоднски државјани, а седум беа повредени?

Можеше ли да се спречи катастрофалната несреќа на автопатот Струма во Бугарија во која во 2021 година загинаа 45 макеоднски државјани, а седум беа повредени? – Ова прашање се наметнува по денешната седница на Комисијата за спречување корупција (ДКСК) која иницираше Владата да утврди одговорност за министерот за внатрешни работи Оливер Спасовски, затоа што не донел навремено решение за забранана вршење дејност на станицата „Виа Комерц“, каде технички преглед мина и автобусот на „Беса Транс“ непосредно пред несреќата и му била издадена потврда дека е исправен.Министерството за внатрешни работи (МВР) три месеци пред несреќа, односно во август 2021, при контрола на станицата за технички преглед, констатираше низа неправилности, по што е доставен предлог за забрана на вршење дејност, затоа што меѓу другото техничкиот преглед го вршат нестручни лица и овозможуваат во сообраќај да се вклучат технички неисправни возила. Но, забраната за вршење на дејност е издадена три дена по несреќата во Бугарија.„Дали министерот намерно или ненамерно не го потпишал навремено решението и дали во таа постапка имало влијание или корупција не е потврдено. Но, од друга страна, прекршени се тие одредби, три месеци стоело решението и се предизвика тоа што се предизвика“, вели Шемси Сали, член на ДКСК.Пријавата за овој случај е доставена од непознат подносител до Комисијата за спречување на корупција. ДКСК одлучи дека поради фактот што Јавно обвинителство веќе има отворено предмет и се води судски процес за овој случај, сите докази кои ги имаат ќе ги достават како дополнување на докази во обвинителството, а до Владата да достават иницијатива за утврдување на одговорност на министерот Оливер Спасовски.„Ние немаме податок дали техничка неиспрваност е причина за несреќата но наше е да укажеме од аспект на несовесно работење на министерот. Затоа до владата доставуваме иницијатива а целиот материјал оди во ЈО во прилог на нивниот веќе отворен предмет, вели Билјана Ивановска, претседателка на ДКСК.

Македонија | пред 3 години

Скопјанец осомничен дека ја силувал бившата девојка

Основното јавно обвинителство Скопје донесе Наредба за спроведување истражна постапка против едно лице за кое постои основано сомневање дека сторило кривично дело – Силување од член 186 став 1 од Кривичниот законик.Осомничениот 24-годишен скопјанец, на 13 јануари, во стан на улицата „Мавровска“, извршил обљуба врз девојка со која претходно бил во неколкумесечна љубовна врска. Тој влегол во станот во кој престојувала оштетената и иако таа се спротивставувала, со употреба на физичка сила и удари, ја принудил на сексуални односи.Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, бидејќи постојат околности кои укажуваат на опасност од бегство и можност тој да го повтори делото.​​

Македонија | пред 3 години

Поставени нови директори во јавните претпријатија во град Скопје

По завршување на мандатот за кој беа назначени в.д. директорите на ЈП „Водовод и Канализација“, МКЦ и Зоолошката градина, градот Скопје назначи нови директори со значителено работно и раководно искуство.За нов директор на ЈП „Водовод и Канализација“ е назначен Драган Илиевски кој е машински инженер со повеќе од 20 години работно искуство. Досегашниот директор Марјанчо Митовски кој на позицијата беше назначен од редот на вработените продолжува со ангажман како секторски директор на претпријатието.Нов директор на Зоолошката градина е Зоран Попов, кој доаѓа од редот на вработените. Попов е економист со 20 годишно работно искуство.Младинскиот културен центар МКЦ ќе добие нов директор по евалуацијата на биографиите за позицијата.Косана Мазнева назначена е со нов мандат и продолжува да ја извршува функцијата директор на јавното претпријатие Комунална Хигиена.

Скопје | пред 3 години

Ковачки до Ахмети: Кажи кои Македонци ти нуделе поделба на Македонија

Од настапите на Али Ахмети пред своето членство повторно гледаме дека кога се отвораат прашањата за борба со корупција и кога е очигледно дека конечно е дојдено време да се стави крај на пљачкањето и понижувањето на Македонија и Македонците, тој отвора теми кои се национал-романтични и не носат никаков напредок на државата, вели Драган Ковачки од ВМРО-ДПМНЕ.„Дополнително, се служи со манипулации кои никој повеќе не ги зема за сериозно.На пример, Ахмети кажува дека ДУИ 20 години инвестирала во кадри и спремање на специјалисти од различни области за да не сме црвенееле пред другите развиени држави.Состојбата е обратна - токму заради таквите кадри во кои 20 години инвестирал Ахмети, добивме јавен укор од амбасадорката на САД, па уште ни донесоа и тим за борба со корупција затоа што институциите во кои инвестирал Ахмети се пренатрупани со нестручност, некомпетентност и криминализираност, односно се пред колапс.Командантот, претседателот или како и да се перципира себеси стариот, наместо да се извини за јавниот напад врз медиумите, бара новинарите да "не и' дувале на бељата".Ете така ја разбира демократијата Али Ахмети, тој да зборува и да прави притисок врз новинарите, јавно етикетирајќи ги според лично убедување, но за неговите постапки поврзани со ограничување на Уставно загарантирани права, никој да не смее јавно да коментира оти тоа било "дување на бељата".И конечно, Ахмети повторно зборува за воениот конфликт во 2001 година и признава дека македонската страна била таа која му понудила поделба на Македонија, но бидејќи тој бил посветен на Македонија, не прифатил поделба. (?!)Тука се поставува едно прашање и кое доколку е искрен пред Македонците како што сака да се претстави, Ахмети треба да го одговори:Кој е тој од македонската страна што нудел поделба на државата, неговиот коалиционен партнер Љубчо Георгиевски или другиот коалиционен партнер - СДС?Граѓаните треба да добијат одговор и да знаат кој е тој што си земал право да одлучува во име на сите тогашни и идни генерации Македонци, но и на сите останати граѓани врз кои почива суверенитетот на државата и дали таквите лица се' уште се на платен список на граѓаните на Македонија“, дадава тој.

Македонија | пред 3 години

Арсовска ја поднесе кривичната пријава против цементарница „Титан Усје“

Денес градот Скопје ја поднесе најавената кривична пријава против цементарницата „Титан Усје“ во која одговорност освен од правното, се бара и од одговорното лице - Борис Хрисафов, кој како надлежен за спроведување на обврските кои произлегуваат од А интегрираната дозвола која ја издава Министерството за животна средина и просторно планирање, не се придржувал кон истите обврски за максимално дозволените граници на испуштање на штетни гасови во амбиенталниот воздух, велат од Град Скопје.„Имено, цементарницата „Титан Усје“ испуштала значително поголема концентрација на ПМ10 честици од котлите за загревање кои работеле на мазут, наместо на природен гас, при мерењата извршени на 3 и 4 јануари. Односно, наместо дозволениот максимум од 50 микрограми/м3, од оџакот се испуштале 121 микрограми/м3 секој час.Исто така, забележано е зголемување на испустот на азотни оксиди за најмалку два пати, односно наместо дозволените 350 мг/м3, се испуштале 711 мг/м3 секој час.Производниот процес на цементарницата „Титан Усје“ е непрекинат и се одвива секој час од секој ден во текот на годината.Поради овие дејствија, против цементарница „Титан Усје“ и одговорното лице Борис Хрисафов, на иницијатива на градоначалничката на градот Скопје Данела Арсовска, денес се поднесе кривична пријава согласно членот 234 од Кривичниот законик „Тешки дела против животната средина и природа“ во врска со член 218 од истиот закон насловен како „Загадување на животната средина и природа“. За овие дела е предвидена затворска казна.Апелираме до Основното Јавно Обвинителство во Скопје, темелно да ги истражи наводите и да постапи по истата соодветно. Граѓаните на градот Скопје недозволиво е да бидат жртви на профитите на неколкумина кои со децении не трујат, и кои не смеат да бидат амнестирани од одговорноста за загадувањето на животната средина од кое илјадници граѓани страдаат од бројни заболувања“, се вели во соопштението.

Скопје | пред 3 години

Вишоците на струја се продаваат по двојно пониски цени од берзански, тврди ВМРО-ДПМНЕ

Кога СДС се фали дека државната ЕЛЕМ продава вишоци струја, треба воедно да каже дека ЕЛЕМ и Ковачевски државата и граѓаните ги чинат 230 милиони евра за само една година, колку што употребија пари од буџетот за купување на струја од пајташи блиски до власта, тврди ВМРО-ДПМНЕ„Воедно да одговорат зошто се чекаше цели дваипол месеци за смена на генераторот, со што беше успорено производството на струја?Главното прашање е што се прави и каде завршуваат тие вишоци на струја, односно зошто се продаваат на сомнителни субјекти по двојно пониски цени од берзанските?Ова се прави за да броилото и фирмите на Ковачевски во енергетиката растат додека народот осиромашува. Добро е Ковачевски да објасни како неговата сопруга преку ноќ стана бизнис тајкун во овој енергетски сектор“, се вели во соопштението.

Македонија | пред 3 години