ТОП

„Преку фрлање дрва и камења по Албанците како да се непријатели на оваа држава, се прави обид да се направи етнички јаз“, вели Османи

Министерот за надворешни работи, Бујар Османи реагираше на изјавата на Александар Николоски и смета дека неговите тези сакаат да создадат етнички јаз по стратешките прашања.Османи порача дека ова е обид да се ослабне позицијата на државата и така да се обезбеди политичка предност за опозицијата.„Обично се обидувам да ги игнорирам ваквите напади, особено кога тие се на теми кои претставуваа стратешки интерес за сите граѓани, вклучувајќи ги и гласачите на опозицијата.Но...., но....Понекогаш, како што во неколку наврати тоа го прави г-нот Николовски, не само што се преминуваат црвените линии на пристојност, туку без трунка одговорност, онака лежерно и волунатаристички, се напаѓа севкупната државна позиција и успехот на целиот политички спектар да се обедини околу стратешките прашања.Буквално сите граѓани, без разлика дали се Македонци, Албанци, Роми, Турци, Срби, Власи или Бошњаци, буквално сите граѓани се обединети во одбрана и на државните интереси, и на националните интереси на нашите сограѓани Македонци. Еден од клучните темели на кои се потпира нашата цврстина и во преговорите со Бугарија, но и во претставувањето на нашите позиции во ЕУ и меѓу земјите – членки, е токму обединетоста на целиот политички, етнички, културен и општествен спектар во земјава.Јас сум свесен дека борбата за политички поени е цврста и непријатна, ние сме сите политичари и се бориме да ги освоиме симпатиите на своите гласачи; но да си дозволиш да го нападнеш, и да се обидеш да го загрозиш клучниот државен столб на кој се потпира цврстината на нашите позиции, тоа не говори само за неодговорност, туку за еден вид патологија во чија суштина лежи длабоко вкоренета албанофобија.Колку ли само треба да си алчен, и да не си ја ниту почитуваш ниту сакаш државата, за да ја нападнеш нејзината суштинска придобивка – успешната мултиетничка обединетост по стратешките интереси?Јасна е намерата на овие тези кои се надевам не се позиции на ВМРО ДПМНЕ. Преку фрлање дрва и камења по Албанците како да се непријатели на оваа држава, се прави обид да се направи етнички јаз по стратешките прашања, да се направи раздор по етничка линија, со цел да се ослабне позицијата на државата и со тоа да се обезбеди политичка предност за опозицијата.Наша задача е тоа да го покажеме, јасно и гласно да го посочиме, и со тоа да ги осуетиме. Да ве уверам дека нема да успеат: ќе ги зачуваме националните интереси на нашите сограѓани Македонци, ќе ги зачуваме и македонскиот јазик и посебноста на македонската култура и пристојноста, а воедно и ќе ѝ обезбедиме европска иднина на земјава и на сите нејзини граѓани“, напиша Османи.

Македонија | пред 3 години

(ВИДЕО) Километарски колони на Богородица

На граничниот премин Богородица за влез во Грција има километарска колона поради огромниот број на возила.Станува збор претежно за туристи од соседна Србија, како и од неколку други европски земји патуваат кон Грција.Според информациите гужва има само од македонската страна, додека од грчката возилата поминуваат многу побрзо.„На г. п. Богородица за излез од државата, има чекање околу 15-20 минути. На другите гранични премини, од македонска страна, нема подолги задржувања за влез и излез од државата“, велат од АМСМ.

Македонија | пред 3 години

На Македонецот за влакно му избега победата во „Ѕвездите на Гранд“, заврши како втор

Вечеравечер се одржа големото финале на музичкото натпреварување „Ѕвездите на Гранд“, а победата по тензично гласање ја однесе Нермин Ханџиќ кој има само 19 години.Саша Поповиќ го објави победникот, а неговата менторка Вики Миљковиќ беше пресреќнаа.Нермин не ги криеше емоциите поради победата, па цело време беше на работ на солзи, додека присутните му приоѓаа сакајќи да му честитаат.Во финалето на популарниот натпревар влегоа вкупно 16 кандидати. Шеснаесет од нив влегоа во суперфиналето како кандидат од Босна и Херцеговина Нермин Ханџи, како и Александар Јосифовски од Македонија.Тој освои 40 илјади гласови помалку од Нермин. Саша Поповиќ откри дека победникот Нермин добил 128.456, а Александар 87.650 гласови.Победникот како награда доби автомобил.

Магазин | пред 3 години

Преведувач одбил да преведува од „северномакедонски јазик“: Јас не знам таков јазик!

Лиценцираниот преведувач Агим Нухиу од Тетово, објави документ во кој стои да преведува од „северномакедонски јазик“. Нухиу одбил, а на социјалните мрежи стана херој.„Утрово добив понуда за превод на материјали од Северномакедонски јазик. Кој е тој јазик, знае ли некој?Јас не знам за таков јазик. Проектот е инаку од ЕУ“, напиша Нухиу.Утрово добив понуда за превод на материјали од Северномакедонски јазик.Кој е тој јазик, знае ли некој?Јас не знам за таков јазик😶Проектот е инаку од ЕУ🇪🇺.Posted by Armend Nuhiu on Friday, June 24, 2022

Македонија | пред 3 години

Катастрофа во Скопје: 168 казни за прекршоци, 49 за пребрзо возење

Министерството за внатрешни работи во текот на вчерашниот ден (24.06.2022) продолжи со засилените акциски контроли во областа на сообраќајот.„На територија на град Скопје изречени се вкупно 168 мерки, меѓу кои за возење повеќе од дозволената брзина 49 санкции, 15 мерки за возење без возачка дозвола, а седум за користење на мобилен телефон.Изречени се и 19 мерки за прекршоци што ги прават возачите на мотоцикли, пет мерки за некористење на сигурносен појас, седум за технички неисправни и нерегистрирани возила...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР

Скопје | пред 3 години

„Макрон згрешил“, Османи ја правдаше употребата на „северномакедонци“

Претседателот на Франција, Емануел Макрон, чија земја претседава со ЕУ до крајот на месецов, се надева дека сѐ уште е можен договор меѓу Скопје и Софија за преговарачката рамка, јави дописничката на МИА од Брисел нагласувајќи дека Макрон го употребил изразот „Северномакедонци“. На ова имаше реакции од јавноста која е децидна дека таква нација не постои. Министерот за надворешни работи, Бујар Османи, кажа дека искомуницирале со Амбасадата на Франција во Македонија.„Комунициравме со француската амбасада. И вчера бевме цел ден со неговата делегација. Нема никакви дилеми дека тоа е ненамерна погрешна формулација. Претседателот Макрон нема дилема по однос на идентитетот и прашањата кои овде се дефинирани но и во Обединетите нации и ЕУ.Претходно, Макрон рече: „Блиску сме до договор кој овозможува правда за бугарските барања и е компатибилен со тоа што Северна Македонија може да го направи, потребно е видливост и доверба, во следните часови ќе има гласање на бугарскиот Парламент, ќе гледаме кон бугарскиот претседател и партиите од сегашното мнозинство, опозициските партии“, и додаде дека со „северномакедонците“ во следните часови ќе разгледува начин да се склучи договорот, за до идната недела да помине на амбасадорско ниво и да се деблокира процесот.

Македонија | пред 3 години

Османи не знае што е изгласано во Бугарија за кревање на ветото, Македонија има став но не се знае дали ќе влијае

Министерот за надворешни работи, Бујар Османи не знае која е финалната верзија која е усвоена во бугарскиот парламент за кревање на ветото со услови од францускиот предлог. Ставот на Македонија е историските прашања, промената на Уставот и македонскиот јазикот да не бидат дел од преговарачката рамка, но дали истиот ќе влијае – не е познато.„Прво треба да видиме што текст има изгласано Бугарија и што француското претседателство ќе достави како конечен предлог. Верзијата која беше доставена беше работна, бидејќи одредени прашања за кои не сме усогласени останаа во загради. Така што допрва треба да видиме која е бугарската позиција и што француското претседателство кога ќе види наша и бугарска позиција, како ќе пристапат во овој процес. Ќе бидеме во комуникација со нив за да видиме што ќе биде“, кажа Османи.Тој додаде: „Ќе видиме каква резолуција донел бугарскиот парламент, па што ќе одлучи француското претседателство“.

Македонија | пред 3 години

Бугарија ќе го укене ветото за Македонија, но преговорите ќе бидат според францускиот предлог

Парламентот со 170 гласа „за“ го прифати предлогот на Демократска Бугарија да му даде мандат на Советот на министри да го прифати предлогот на француското претседателство за Северна Македонија.Народното собрание ги потврдува условите под кои Бугарија може да поддржи каков било чекор во процесот на европска интеграција на Северна Македонија, и тоа:Ефикасно спроведување на Договорот за пријателство, добрососедство и соработка од 2017 година и записниците од состаноците на Меѓувладината комисија според овој ДоговорГарантирање на правата на Бугарите во РСМ, вклучително и преку нивно вклучување на рамноправна основа со другите народи во Уставот на РСМПостоење на европски гаранции во однос на исполнувањето на условите од точките 1 и 2За таа цел, Владата на Република Бугарија треба да ги одобри нацрт-преговарачката рамка и заклучоците на Советот предложени од актуелното претседателство со Советот на ЕУ, под услов да бидат следниве:Појаснување на текстот на нацрт-заклучоците на Советот за да се обезбеди вклучување на Бугарите во уставот на РСМ во одредбите во кои се споменуваат другите народи и на еднаква основа со овие народиПодобрување на предложената нацрт рамка за преговори и нацрт-заклучоците на Советот со цел појасно да се одрази фактот дека ништо во процесот на пристапување на Северна Македонија во ЕУ не може да се толкува како признавање од страна на Република Бугарија на постоењето на македонскиот јазик.Гарантира дека добрососедството останува хоризонтален критериум во текот на процесот на пристапување кон ЕУ во PCM, за чие спроведување ЕК треба да го информира Советот пред секоја меѓувладина конференција

Македонија | пред 3 години

„Критично кај мостот Шипковица- Бродец“, објавена состојбата во Македонија по обилните врнежи од дожд и град

Како резултат на врнежи од дожд што го зафати подрчјето на Општина Виница на ден 23.06.2022 година пријавени се следните штети: откорнати кровни лимени конструкции на зграда и на зградата на општина Виница, имало скршени и откорнати дрва кои го отежнувале сообракајот, имало паднати тополи врз објект на Саманто (оранжерии) и имало скинати кабли на ЕВН поради кои општината на ден 23.06.2022 година останала без напојување со електрична енергија, велат од ЦУК.„На ден 23.06.2022 година, населените места Серменин, Ново Конско и Моин, Општина Гевгелија во попладневните часови беа зафатени од невреме проследено со град. Иако краткотрајно, поради силината, градот предизвикал сериозни штети врз земјоделските посеви. Поради тоа Комисијата за процена и утврдување на висината на штетата настаната од природни непогоди и други несреќи при Општина Гевгелија ќе врши процена на сите пријави од граѓаните за штети од невремето на подрачјето на Општината.Во Општина Демир Капија на ден 23.06.2022 година во попладневните часови подрачјето на Демир Капија, беше зафатено со врнежи до дожд проследено со силен ветар и град. Како резултат од невремето кое траело 10 минути предизвикало штети во градот Демир Капија. Околните населени места не биле зафатени со невреме и град.Од Македонија пат известуваат дека од невремето имало паднати дрва и одрони и наноси од земја на стариот регионален пат од село Прждево кон Демир Капија, на кој и денес се работи на негово расчистување но нема прекини во сообраќајот.Како резултат на силен ветер на ден 23.06.2022 година во с.Петралица, Општина Ранковце, дошло до паѓање на дрво кои направило штета (кршење на керамиди) од куќа. Дополнително се очекува Комисијата за процена на штети да излезе на терен за да ја утврди направената штета.Во моментот дефекти на електродистрибутивнаа мрежа има во селата: Липково, Глажња, Лукаре и Гошинце.Како резултат на дождот кој бил со посилен интензитет на ул.171 во село Речица дошло до поплавување на одредени места по улиците. Каналот кој служел за одвод е затрупан во должина од 20м. Но ситуацијата да не биде полоша помогнало чистењето на шахтите за атмосферска вода кои биле исчистени предходно од страна на Општината. Во моментов нема опасност за поголеми поплави бидејќи интензитетот на дождот е прекинат. Но сеуште состојбата е критична и се следи.Поради вчерашните и претходните врнежи од дожд критична е состојбата кај мостот Шипковица- Бродец“, се вели во соопштението од ЦУК.

Македонија | пред 3 години

„Образовниот систем симулира петки и вештачки успех, а писменоста си ја покажува на дело импровизацијата“, вели Алексиќ

Главната причина за резултатите на приемниот тест кај одличните ученици во гимназијата „Орце Николов”, е тоа што образовниот систем стимулира петки како единица мерка за успех и упис на факултет, вели за „Фокус“ професорката по македонски јазик во гимназијата „Корчагин“, Татјана Алексиќ.– Такви се образовните политики, уписните трески, врскаџискиот систем и примерите кои им ги даваме на децата – вредиш онолку колку имаш, а не колку што знаеш или умееш. Успехот се форсира со ,,сите петки” , а тоа е реално невозможно. Образовниот систем не стимулира туку симулира петки и вештачки успех, а писменоста со хиперпридукција на ,,школувани” кадри си ја покажува на дело импровизацијата, вели таа.Со години се зборува за стимулација на надарените и вистинските одлични ученици, но ништо во реалноста не се презема и многу често вистински одличните ученици на крајот на учебната година се најмногу разочарани од системот, за ова професорката Алексиќ вели дека е „најболната“ тема.-Како да им излезеш пред очи кога ќе ставиш незаслужени петки од илјада причини ама еден повод – успех за упис на факултет. Напишана петка е напишана, никој не знае што стои зад неа. Затоа се такви резултатите на приемниот во ,,Орце Николов”. Очекувано беше после тригодишна импровизација на настава. Јаките ученици, одговорно учат во било какви услови и постигнуваат максимални резултати. Најмалку што можеме е да им ја потенцираме генијалноста пред сите, особено пред родителите, да им се извиниме што ќе имаат и други ученици петки заради успех и да ги ослободиме од испрашување последните две -три недели, додека другите си ги поправаат оценките за успех, додава таа.Целиот текст можете да го прочитате тука

Македонија | пред 3 години

Ужас во затворите во Македонија, состојбата е повеќе од загрижувачка

Полицајци добиваат притисоци, а затвореници се сместени во мизерни услови со бубашваби. Народниот правобранител Насер Зибери посочува дека условите во македонските затвори се лоши. Најголеми проблеми има во затворот „Идризово“ каде се сместени најмногу затвореници, каде според него состојбата е повеќе од загрижувачка. Тој вели дека има игнорантски однос од властите, а не се даваат ниту потребните пари за нормално функционирање.„ Во шеснаесет метри квадратни, со осум кревети, имаше шеснаесет осудени лица. Во друга просторија од деветнаесет квадрати имаше дванаесет лица. Во голем дел од просториите условите се неадекватни а се сместуваат повеќе од девет лица. Поради несоодветните материјални услови не се врши сместување во второ, петто и осмо крило. Условите не се подобри ниту во просториите кои се користат. Просториите каде се сместени лицата од отвореното одделение и т.н. амбулантско одделение, можат да се опишат како нехумани и деградирачки. Осудените лица сместени во овој оддел беа затекнати како спијат на под, на сунѓери, во ходници, во импровизирани кревети, ставени еден врз друг на три спрата. Хигиената на ниско ниво, а просториите се полни со инсекти како лебарки, бубашваби, тафтабити и слично. Осудените лица се жалат дека немаат пристап ниту до топла вода“, рече Насер Зибери.Ништо подобро не е ниту во затворот „Скопје“.„Таму се сместени во простории во простории со мувла по ѕидовите, каде има стар инвентар, ниско ниво на хигиена, со расипани чешми. Притворениците се жалат на пристапот до вода, кој не е решен. Затворениците складираат вода во пластични шишиња“, додава Зибери.Проблеми има и во затворот Тетово каде се сместени деца. Тие веќе една година, не посетуваат настава во затворот.

Македонија | пред 3 години

„Ковачевски и Османи се двајцата актери на кои им се случи најголемиот дипломатски дебакл“, вели Милошоски

Антонио Милошоски од ВМРО-ДПМНЕ вели дека Ковачевски и Османи се актери на кои им се случи најголемиот дипломатски дебакл.„Премиерот Ковачевски и министерот Османи се двајцата актери на кои им се случи најголемиот дипломатски дебакл, после оној со Лисабонската декларација.Македонија доби непринципиелен и понижувачки предлог за преговарачка рамка, преполн со наметнати билатерални прашања и со поглед во минатото.Факт е дека во обликувањето на овој документ активно учествувале и Ковачевски и Османи, иако тоа го криеа од јавноста. Затоа нема потреба ниту од два збора, ниту има потреба од правдање со загради. Еден збор е доволен. Оставка“, вели Милошоски

Македонија | пред 3 години

Планот на Ковачевски и Османи беше откриен од народот, беа приморани да го одбијат предлогот, вели Ковачко

„Вчера излеговме со прес конференција и побаравме оставка од премиерот Ковачевски, но не само од него туку од целокупната Влада. Ние сме разочарани што не се наоѓа начин да се започнат тие преговори, долгоочекувани преговори кои што се ветуваат години наназад со потпишување на разно разни договори, преговарања итн. Така да од таа страна можам да изразам разочарување што се уште еве не се почнати преговорите, и за нас како партија, а воедно и како држава цениме дека тоа е погубно“, истакна Драган Ковачки, пратеник и член на ИК на ВМРО-ДПМНЕ во утринска емисија на радио „Лидер“.Ковачки искажа благодарност до македонскиот народ, до македонските интелектуалци, новинарите, колумнистите, и сите општествени чинители бидејќи застанаа во одбраната на македонските национални интереси. Граѓаните јасно кажаа дека не прифаќаат услови со кои што се брише македонскиот национален идентитет, негира македонскиот јазик и се гази македонската историја. Граѓаните не дозволија асимилација на македонската нација.„Тоа што премиерот Ковачевски и министерот за надворешни работи Бујар Османи го преговарале во изминативе шест месеци не е никако за честитање затоа што тие се тие кои што го имаат креирано документот, работеле на него. И на крај Ковачевски е токму тој што дал одобрување за тој документ. Францускиот предлог е документ кој што е направен тука пред месец, месец и половина и веќе се случува и француското претседателство како што слушнавме по медиумите. Се гледа дека и ние како опозиција се информираме од медиумите и претежно се информираме од медиумите во соседна Република Бугарија, за жал не се информираме од нашите претставници односно од нашава Влада која што ја плаќа народот и е должна да даде одговори пред нас пратениците, пред македонската јавност“, појасни Ковачки.Тој посочи дека власта цело време ја убедуваше македонската јавност дека не се разговора за македонскиот национален идентитет за на крај да се воочи дека целата проблематика се сведува токму на распродажба на македонските национални интереси.„Целата работа е дека премиерот Ковачевски и Бујар Османи имале сценарио во врска со реализацијата на овој документ. Како е тоа планирано? Планирано е во три чекори. Тие прифатиле практично се што барале Бугарите, а тоа веќе го потврди и вчера на социјалните мрежи комесарот Вархеји. А, Вархеји си кажа дека сите бугарски барања се прифатени. И сега што планирале Ковачевски и Бујар Османи? Значи првата точка односно првиот момент е веднаш да се отпочнат преговорите и при тоа тие не барале никакви дополнителни условувања, значи не ги интересирало внатре што стои туку да се почне со преговорите. Зошто? Затоа што на тој начин сакале да создадат еуфорија во земјава, дека еве готово почнуваме со преговори кои толку долгоочекувани преговори и конечно се почнуваат. И на тој начин создавајќи ја таа еуфорија сакале да направат на некој начин еден блиц крик, но во меѓувреме народот и опозицијата да ги стават пред свршен чин, значи онаа ситуација која што ја кажавме и вчера на прес конференцијата морковот или стапот, и да се доведеме во ситуација да мораме да прифатиме. Практично ако цела Европа еве да речеме прифати, а што би правеле ние со тој предлог, ние би биле доведени во ситуација да бидеме во една многу незавидна ситуација и би морале тоа да го прифатиме“, појасни Ковачки.Ковачки укажа дека за среќа тоа не му помина ниту на Ковачевски, ниту на Османи, беа препознаени од народот, од интелектуалците и од новинарите. Ковачевски беше доведен во ситуација да мора да го одбие предлогот.Во текот на емисијата тој се осврна на тоа дека се потребни предвремени парламентарни избори во Македонија час поскоро бидејќи со оваа власт државата не може да оди напред.„Ние веќе ги најавивме некои чекори и гледате што се случува во Собранието, имаме една активна блокада на македонскиот Парламент каде што не ги гласаме законите кои што се на штета на македонските граѓани. и не само што не ги гласаме туку и целосно ги блокираме штетните закони. Дозволуваме да поминат само закони кои што се во интерес на граѓаните каде што треба да им се помогне на некој начин финансиски, процедурално некои работи да се решат“, истакна Ковачки.Тој додаде дека ВМРО-ДПМНЕ изминатиот викенд покажа една масовност на протестот. И токму тој протест практично докажа дека народот ги одобрува чекорите на ВМРО-ДПМНЕ.„А, што се однесува до понатамошните чекори, сите имаа можност на протестот да го слушнат и претседателот на ВМРО-ДПМНЕ дека доколку не договориме датум за избори, ќе продолжиме со уште посериозни чекори значи ќе одиме кон целосна блокада дури и на системот. Така да од интерес на Република Македонија, од интерес на граѓаните, па и од интерес на Социјалдемократскиот сојуз и нивната коалиција е да што побрзо се организираат избори, затоа што факт е дека со оваа структура на власт Македонија не може да продолжи ниту еден чекор понатаму“, рече Ковачки.Ковачки посочи дека Македонија има деградација на секое поле поради неодговорноста и неспособноста на власта. Образованието, здравството, одбраната, безбедноста, практично на секое поле власта направи катастрофа.

Македонија | пред 3 години

„Тврдењата дека наводно државата ќе се бугаризирала пукнаа како меур од сапуница“ вели СДСМ

Сите лаги што Христијан Мицкоски и ВМРО-ДПМНЕ ги пласираа во однос на евроинтеграциите потонаа, вели СДСМ„Тврдењата дека наводно државата ќе се бугаризирала, дека народот ќе бил асимилиран пукнаа како меур од сапуница како и многу други лаги претходно.Премногу е од лагите од белиот дворец, Мицкоски и ВМРО-ДПМНЕ да смогнат сили и да им се извинат на граѓаните.Еве шанса ВМРО-ДПМНЕ и Мицкоски да се променат и наместо да одработуваат за туѓи центри на моќ, да се престројат на страна на на граѓаните, на страната на националните интереси.Претседателот на СДСМ и на Владата, Димитар Ковачевски покажа државништво, покажа како се брани национален и државен интерес, како се штити националното достоинство на македонскиот народ.Од тој пример, Мицкоски и ВМРО-ДПМНЕ можат доста да научат“, се вели во соопштението.

Македонија | пред 3 години

Македонија треба да ја замрзне работата на историчарите, бара Димитров

Некој е нервозен. БГНЕС гледам пак се занимава со мене, со како што ме нарекоа “корона вирусот” за бугарската политика, вели поранешниот министер за надворешни работи Никола Димитров.„Потсетуваат на протокол на меѓувладината комисија оддржана во време кога Софија го поддржуваше почетокот на пристапните преговори со ЕУ!Документот содржи охрабрување до Комисијата на историчарите да ја забрза својата работа вклучувајќи ги и најделикатните теми од најделикатниот историски период важен за двете држави. Се разбира, формулацијата не создава обврска, ниту правна ниту политичка, бидејќи политиката може само да охрабрува и да создава позитивен амбиент за историчарите.Па тој амбиент го оневозможи токму Бугарија, кога реши со уцена и со сила да проба да добие тоа што го сака.За сите нации е здраво општествата и експертската јавност да отворат и теми од минатото околу кои има различни гледања.Тој процес го направи невозможен токму Софија, меѓу другото и со затворање очи спрема сегашноста. Дека во нивниот сосед живее македонски народ што говори македонски јазик. Без прифаќање на таа реалност, без почитување на нашето право да кажеме кои сме, не може ниту да се разговара вистински за минатото, ниту да се гради пријателство.Овој обид, се разбира е израз на нервоза околу мојата улога во битката да не’ влеземе во замката на францускиот предлог.Не гледајќи, дека бетонирањето на уцената со европски печат, ја прави работата на комисијата за историски прашања уште поневозможна. Мој став е дека македонската страна треба да ја замрзне работата на историчарите како контра мерка на прекршувањето на членот 2 од договорот од страна на Софија. Додека има вето, нема услови за работа на комисијата растоварена од уцени.Мојата улога се разбира ќе продолжи.Овој “корона - вирус” прерано сте го прогласиле за готов“, вели тој.

Македонија | пред 3 години

ВИДЕО: Францускиот предлог не е прифатлив, рече Ковачевски и ја искара и ЕУ

Изарзив незадоволсто од динамиката со која се одвиваат пристапните преговори. Македонија е кандидат близу 18 години. Ова што се случува e сериозен проблем и сериозен удеар врз кредибилитетот на ЕУ. Македонија и Албанија не смееме да дозволиме да тапкаме во место поради една земја членка која едноставно не успева да се искоординира и да обезбеди деблокада на нашиот европски пат. Бугарија реши да се врати во минатото и повторно да постави блокада која никому не оди во прилог. Македонија направи многу, донесовме многу тешки одлуки, врме Ееу да ги даде своите ветувања пред да даде нови, ова го изјави Димитар Ковачевски по самитот на ЕУ.„Во врска со францускиот предлог, предлог кој би бил прифатлив треба да ги гарантира клучните елементи: чиста формулација за македонскиот јазик во преговарачката рамка и јасна заштита на македонскиот идентитет. Иаториските прашања не можат да бидат критериуми во преговарачката рамка. Преговорите меѓу Македонија и ЕУ мора да почнат пред почнување на постапката за уставните измени за вклучување на Бугарите, Хрватите и Црногорците во преамбулата на уставот. Предлогот во ваква форма е неприфатлив за мене, претседателот на државата, за Владата, за коалиционите партнери и за граѓаните на Македонија“, изјави Ковачевски

Македонија | пред 3 години

(ФОТО) Ламбе за прв пат ќе се појави во јавност

Популарниот фестивал во Прилеп, Пивофест годинава ќе се одржи од 14 до 17 јули. Акцентот е ставен на македонската музичка сцена.Наум Петрески, Миле Кузманоски, Елена Велевска, Елена Петреска, Вера Јанковиќ, Нокаут, Игор Џамбазов и Гуру Харе, Љубојна, ДНК, Некст Тајм, Лозано, Ареа, Владо Јаневски, Џамбо Агушев,  Суперхикс, се дел од имињата кои ќе настапат оваа година.Но, дел од програмата е и пејачот Ламбе Алабаковски, кој за прв пат по инцидентот во Битола ќе се појави во јавноста.  Алабаковски е предвидено да настапи на 16.07 (сабота).  

Македонија | пред 3 години

Рама си направи селфи со Ковачевски: „Се уште го чекате Годо?“

Албанскиот премиер Еди Рама на Твитер објави селфи со македонскиот премиер Димитар Ковачевски и порача од Брисел дека повеќе не го чекаат Годо бидејќи се навикнати на ова и двете земји.„Сè уште го чекате Годо? Не, ние сме навикнати на оваа шарада и повеќе од кога било посветени сме да ја поттикнеме модернизацијата на нашите земји и нашиот регион со непоколеблив европски дух“, објави Рама.Утрово тој повторно ја обвини Бугарија дека киднапира две членки на НАТО среде војна во Европа.

Македонија | пред 3 години

Нема фотографија

„Да го пратевте Нефи да преговара, ќе ги нашлакаше сите. Вие го одбравте Бујар...“, „Спроведува ред и дисциплина во Охрид, како суперхерој“, реакции по тепачката на светоникот

Охридскиот бизнисмен и и советник од ДУИ во општина Охрид, Нефи Усеини, додека ја чека пресудата за нападот против неговиот сограѓанин, Спиро Топаловски, предизвикал нов инцидент.Тој во просториите на општината со тупаници натепал педесет и шест годишен сограѓанин, кој учествувал во наддавањето на тезгите на кејот во Охрид.Граѓаните на социјалните мрежи се шегуваа дека Усеини треба да го пратат во Брисел или во Бугарија, па тоа можеби ќе е решението.https://twitter.com/marsedonec/status/1539712033171677191?s=20&t=WgyTLkko418CepvjG-vGeghttps://twitter.com/posleDIKnaPIK/status/1539718324019499031?s=20&t=WgyTLkko418CepvjG-vGeghttps://twitter.com/Magnetolicious/status/1539845875052298241?s=20&t=WgyTLkko418CepvjG-vGeghttps://twitter.com/goranman2/status/1539886584736235521?s=20&t=kkymo8jbnFEyqJcrcEAynAhttps://twitter.com/MilaShila9/status/1539884671345070080?s=20&t=kkymo8jbnFEyqJcrcEAynAhttps://twitter.com/UsernameRonin/status/1539885181183688705?s=20&t=kkymo8jbnFEyqJcrcEAynAhttps://twitter.com/Skopskiot/status/1539842148270489600?s=20&t=kkymo8jbnFEyqJcrcEAynAhttps://twitter.com/evrosimoski/status/1539835726220738561?s=20&t=kkymo8jbnFEyqJcrcEAynAhttps://twitter.com/MkShlem/status/1539811779022315525?s=20&t=kkymo8jbnFEyqJcrcEAynAhttps://twitter.com/CrosseeCrossy/status/1539748852189773824?s=20&t=kkymo8jbnFEyqJcrcEAynAhttps://twitter.com/BehSasKozite/status/1539739429866295296?s=20&t=kkymo8jbnFEyqJcrcEAynAhttps://twitter.com/Bavcov/status/1539714410213679106?s=20&t=kkymo8jbnFEyqJcrcEAynAhttps://twitter.com/NemamBgPasos/status/1539720044950724609?s=20&t=kkymo8jbnFEyqJcrcEAynAhttps://twitter.com/Tomche29/status/1539711679109513216?s=20&t=kkymo8jbnFEyqJcrcEAynA 

Коментари | пред 3 години

(ФОТО) „Пукна гума, автобусот изгуби контрола“, нова несреќа со Дурмо турс

На автобус на Дурмо турс при движење му пукна гума. Во автобусот имало луѓе, но за среќа немало никакви последици, велат очевидци за ТВ КланМ.Патниците во автобусот биле во паника кога почувствувале мирис на изгорено, а еден од нив за ТВ Клан сведочеше за немилиот настан:„Околу 12 патници денеска се трауматизирани и исплашени од инцидентот што се случи со автобусот кој сообраќа на линијата Скопје - Гостивар. Во движење на автобусот пукна автобуската гума и возилото на кратко изгуби контрола. Возачот пред настанот го запрел возилото откако забележа дека нешто не е во ред, но по 5 минути продолжи да се движи. Во автобусот се ширеше мирис на нешто запалено а инцидентот се случи набргу потоа. Патувавме до првата наплатна рампа и застанавме таму да не земе друг автобус. Прашањето што се поставува е: Дали требаат повеќе жртви за да има судска одлука за претходниот случај?“.Извор: ТВ Клан

Македонија | пред 3 години

Бугарија сака да кажеме дека не ја окупирале Македонија и не ги депортирале Македонските Евреи во Треблинка, вели Николоски

Би сакал да го поддржам извештајот што беше презентиран денеска и мислам дека овие предизвици се, се уште пред нас. Како што можеби знаете, имаше голема еврејска заедница во Скопје, како и во Македонија во целост, но за жал за време на Втората светска војна, главно, повеќето од луѓето што живееја во Скопје всушност над 90% беа депортирани во Треблинка во тоа време, во логорите на смртта, а сега има мала заедница. Но, изградивме Музеј на Холокаустот, еден од ретките што ги има во Европа, во самиот центар на градот каде што сакаме да им оддадеме комеморација на жртвите, вели Александар Николоски, потпретседател на ВМРО-ДПМНЕ„Една друга работа која сакам да ја поврзам со тоа, но и со сегашните времиња.Сите знаеме дека Македонија има огромен проблем со Бугарија околу започнувањето на пристапните преговори со Европската унија. Едно од клучните прашања со кои се соочуваме е поврзано со историјата, но и со негирањето за бугарската држава за време на Втората светска војна, тие беа тие што го окупираа денешна Македонија. Тие беа оние кои за жал го организираа ова протерување на еврејската заедница и тие беа оние кои ги испратија во Треблинка.Она што бараме од нив е да го одбележат и да признаат дека тоа се случило. За жал, она што го гледаме е целосно негирање и со употреба на силата на членството во Европската унија не присилува да ја смениме историјата на таков начин за да ги отвориме пристапните преговори. Верувале или не, она што од нас се бара е да ја смениме историјата, да го смениме идентитетот на земјата, на нацијата, дури и да преговараме за јазикот, само да ги започнеме пристапните преговори со Европската унија, користејќи го нивното членство во Европската унија да ја препишат историјата повеќе, би рекол учтиво за нив, но начин на кој е целосно лажен, кој не е вистина и е против историјата и е против она што се случи за време на Втората светска војна.Би сакал да побарам овде од Стразбур, овие практики да се сменат, оваа недела се одржува Европскиот совет во Брисел каде ќе има средба и со лидерите на Западен Балкан, а барам и Бугарија да го промени своето однесување и да дозволи отворање на пристапните преговори, и да се соочат со реалноста, да се соочат со нивниот историски проблем, но и да се соочат со историјата каква што е и да се соочат дека постои нација која постои до нивната граница што се нарекува македонска нација и држава што е македонска. Само со прифаќање на заедничките вредности можеме да одиме понатаму и чекорот кој што може да го направи бугарскиот премиер за да дојде во музејот на холокаустот во Скопје и да побара една голема прошка од жртвите“, додава тој.

Македонија | пред 3 години

Граѓаните вечерва повторно на протест: Секој ден во седум во одбрана на идентитетот и до пад на хибридниот режим

Граѓаните денес се организираат на нов протест пред Владата на Република Македонија.Настан со наслов „Протест против бугаризација на Македонија секој ден во седум пред влада“, масовно се шири на социјалните мрежи.„Секој ден во седум во одбрана на идентитетот и до пад на хибридниот режим!“, стои во описот на настанот.Вчера граѓани се собраа на мирен протест пред Владата на Република Македонија, против францускиот предлог за решавање на спорот со Бугарија.

Македонија | пред 3 години

„Таче викендов ќе го прифати францускиот предлог, заедно со народот ќе спречиме нов Преспански“, вели Апасиев

Лидерот на Левица, Димитар Апасиев вели дека, премиерот Димитар Ковчевски викендов ќе го прифати францускиот предлог.„Таче викендов ќе го прифати "францускиот предлог" за БУГАРИЗАЦИЈА на Македонија (кој е претходно договаран од Бујар). Мислам дека доаѓа денот и часот за сериозен опозициски Отпор. Само ме јаде јанѕа дали е пак и ДПМНЕ декор у причава? Се надевам искрено дека не е и дека опозицијата, заедно со народот, ќе спречиме нов Преспански. Од нас зависи!#ДојдеНожДоКоскаДругари“, се вели во објавата.

Коментари | пред 3 години

По четврти пат Нефи Усеини натепа сограѓанин со боксови

Охридскиот бизнисмен и и советник од ДУИ во општина Охрид, Нефи Усеини, додека ја чека пресудата за нападот против неговиот сограѓанин, Спиро Топаловски, предизвикал нов инцидент.Тој во просториите на општината со тупаници натепал педесет и шест годишен сограѓанин, кој учествувал во наддавањето на тезгите на кејот во Охрид.– На 21.06.2022 година околу 15.30 часот на улицата ‚Димитар Влахов’ во Охрид нарушен е јавниот ред и мир со физички напад извршен од Н.У. врз Т.В.(56), двајцата од Охрид. Против напаѓачот, ќе биде поднесена соодветна пријава, се вели во билтенот на СВР Охрид.

Македонија | пред 3 години

„Иднината во слободен пад“, ракции по приемните резултати во гимназијата Орце Николов

На социјалните мрежи изминатите денови беше објавена информација за спроведенето тестирање во средното училиште „Орце Николов“ каде биле пријавени повеќе од 200 ученици со одличен успех, но по спроведеното тестирање само 11 од нив го постигнале истиот успех.Ова се дел од реакциите на социјалните мрежиhttps://twitter.com/Caesar1Gaius/status/1539584156933431296?s=20&t=jTbmulGt8FqmUg5tWfr-3whttps://twitter.com/ATANASOP/status/1539581103492808704?s=20&t=jTbmulGt8FqmUg5tWfr-3whttps://twitter.com/BokiAlterEgo/status/1539556061077811200?s=20&t=jTbmulGt8FqmUg5tWfr-3whttps://twitter.com/AntovSr/status/1539339777937485824?s=20&t=t8Xpg20cTqSkdoXBitDpRwhttps://twitter.com/BatmanSaysT/status/1539525006794932224?s=20&t=-F0jYFq6E5OSgbo6MRGFvAhttps://twitter.com/partizangunner/status/1539568621319593990?s=20&t=QaG8hWycbFd_drftZ5-HiQhttps://twitter.com/spirovskib/status/1539537072435896320?s=20&t=zgOVRpZ75C5-RfAV3HPqiQhttps://twitter.com/snowgirly2/status/1539562628623876101?s=20&t=jTbmulGt8FqmUg5tWfr-3whttps://twitter.com/ZenskiPrikazni/status/1539550373752578048?s=20&t=jTbmulGt8FqmUg5tWfr-3whttps://twitter.com/mei_botata/status/1539544121454493696?s=20&t=jTbmulGt8FqmUg5tWfr-3w

Коментари | пред 3 години