ТОП

„Напуштени црвени линии и дипломатски дебакл“, Димитров по францускиот предлог за надминување на бугарско-македонскиот спор

Напуштени црвени линии и дипломатски дебакл, обвинува поранешниот шеф на дипломатијата Никола Димитров по објавувањето на францускиот предлог за надминување на бугарско-македонскиот спор и отворање на преговорите со ЕУ.„Не знам што е пострашно, да им верувам на нашиве дека го немаат предлогот или да не им верувам. Ако не се во тек со предлог што се однесува на македонските маки со Бугарија, тогаш тоа е признание дека не си ја работеле работата за најважното прашање за нацијата. Ако пак го имаат, а велат го немаат, си играат со довербата на јавноста“, вели Димитров за ДВ.Предлогот на француското претседателство, смета екс министерот, не носи подалеку, а не поблиску до членство во ЕУ.

Македонија | пред 3 години

(ФОТО) Oпасни оштетувања на мостот кај Визбегово, граѓаните бараат мерки пред да биде предоцна

Граѓните известуваат за опасни оштетувања на мостот кај Визбегово во Скопско, по што Центарот за управување со кризи (ЦУК) постапи за според стандардните оперативни процедури за да се покрене преку институциите во Системот за управување со кризи отстранување на опасноста.„Конкретно, ЦУК, согласно јавувања на грѓани и доставени документациски фотографии за оштетувања на мостот во Визбегово пред фирмата „Пантер мис“ на Качанички пат, што претставуваат опасност за животот и здравјето на граѓаните ги извести надлежните институциите во Системот за управување со кризи за да се преземат мерки за отстранување на опасност, односно санација на мостот. Пред се прво се известени локалната самоуправа Општина Бутел, Улици и патишта и Град Скопје.Граѓаните известуваат дека оштетувањата - дупката пред два месеца беше многу помала за разлика од ова што е денеска, кога известија и пратија фотографии за истото, за како и самите што велат: 'да се преземат мерки за заштита на човечките животи пред да биде предоцна'“, велат од ЦУК.

Скопје | пред 3 години

Мицкоски: Дел од подготовките за протестот - Осветлено Кале, Скопје пулсира, протест за промени

Лидерот на ВМРО-ДПМНЕ, Христијан Мицкоски на социјалните мрежи објави дел од подготовките за вечерашниот протест.„Дел од подготовките за големиот масовен собир.Осветлено Скопското Кале. Скопје пулсира.Протест за промени!Затоа што навистина премногу е.Се гледаме Македонијо...Пред Влада, 20 часот“, стои во објавата.

Македонија | пред 3 години

Kако гласи формулацијата за македонски јазик во преговарачката рамка на Македонија

По реакциите во јавноста околу именувањето на македонскиот јазик во предлог-преговарачката рамка за Северна Македонија, со наводи дека стои само придавката „македонски“ и недостига зборот „јазик“, проверката на преговарачките рамки за Хрватска (земја-членка на ЕУ) и за Србија (земја-кандидат) покажува дека нема каква било разлика, односно јазиците на овие земји биле именувани на идентичен начин кога тие ги почнуваа преговорите за членство во ЕУ, пишува 360 степени.Во сите три документи: оној за земјава и документите за Хрватска и за Србија, се користи иста формулација околу именувањето на јазиците. Таа гласи:„Северна Македонија (Хрватска, Србија) ќе треба да изготви превод на acquis на македонски (хравтски, српски) во соодветно време пред пристапувањето и ќе треба да обучат доволен број преведувачи неопходни за соодветно функционирање на институциите на ЕУ во моментот на пристапување“.Еве како гласи формулацијата за македонски јазик во предлог-преговарачката рамка на С. Македонија:фото: Принтскрин/360Eве ја формулацијата за хрватскиот јазик во Преговарачката рамка на Хрватска:фото: Принтскрин/360Eве ја формулацијата за српски јазик во Преговарачката рамка на Србија:фото: Принтскрин/360

Македонија | пред 3 години

Четири години од потпишувањето на Преспански договор, европска перспектива ни од далеку не се гледа, вели Левица

Изминаа четири години од потпишувањето на таканаречениот Преспански договор, со кој владејачките елити од двете страни на државата, поддржани од европските бирократи, директно го прекршија цивилизациското право на самоопределување на македонскиот народ. После четири изминати години од оваа историска неправда, суштинските проблеми на нашата држава, како сиромаштијата, класната раслоеност, деградираната животна средина и криминалот не се решени, туку се продлабочени, како резултат на политиките водени од владејачката елита, вели Левица.„Нелегитимниот референдум за промена на уставното име на Република Македонија, беше формулиран со прашањето „Дали сте за членство во ЕУ и НАТО со прифаќање на Договорот помеѓу Република Македонија и Република Грција?“. Манипулативната формулација, со отпочнување на прашањето со „членство во ЕУ“, сепак резултираше со неуспешни 36 отсто излезност. Четири години од потпишувањето, се наоѓаме пред уште едно понижување, затоа што бугарските услови стануваат дел од преговарачката рамка за членство на Република Македонија во Европската Унија.Бироктратската машина на ЕУ застана зад шовинистичката надворешна политика на официјална Софија, испраќајки сигнал за политичко изолирање и непријателство кон Република Македонија. Две децении, нашето општество има оптимистичен став за членството на ЕУ, но, низата на случувања од потпишувањето на Преспанскиот договор, поврзани со охрабрувањето на бугарската насилничка дипломатија од страна на европските партнери, придонесуваат до обесхрабреност и негативно јавно мнение за преговорите за членство на Република Македонија во ЕУ. Нашата дипломатија не смее да продолжи да учествува во преговори за идентитетот на македонскиот народ, јазик и држава, бидејќи од Европската Унија нема да има кочница за бугарските апетити.Со Преспанскиот договор, Република Македонија официјално почна да се користи како воена база на САД и НАТО. За прв пат се случи во нашата држава да парадираат и маршираат војски на туѓи држави, помеѓу нив беа и војските на окупаторските и фашистички држави од Втората светска војна. Истовремено, за овој империјалистички чин, македонскиот народ плати 2% од БДП, односно 11 милијарди денари (колку што тој изнесува оваа година), додека нашиот стратешки партнер беше помогнат со дополнителни 210 милиони долари, народни пари, потрошени за вооружување.Реалноста во која живее македонскиот народ, четири години подоцна, ги исфрли на виделина сите ноторни лаги на политичкиот естаблишмент, изнесени во време на кампањата за промена на уставното име на Република Македонија. Европска перспектива ни од далеку не се гледа, користењето на правото на вето од соседните држави (членки на НАТО) е претворено во децениска пракса, додека Европската Унија постојано ги толерира фашисоидните постапки и национал-шовинистичките однесувања на нејзините членки кон македонската држава.Самиот начин на кој беше извршена промената на името, преку амнестии за тешки криминали, погазување на народната волја и ослободување на криминалци и затвореници, според извештајот на „Економист”, резултираше со прогласување на Македонија за хибриден режим. Ова е јасен доказ дека новото нелегитимно име не е прифатено од обичните граѓани на Република Македонија и не може да биде никаков гарант за просперитет или помирување.Помирување и солидарност помеѓу народите се гради единствено преку почитување на националното право на самоопределување на секој народ и соработка на работничката класа, а не преку договори склучени од криминалните елити, поддржани од империјалистички пакт кој го репродуцира национал-шовинизмот.Преспанскиот договор беше донесен заради лукративните интереси на домашните и странските моќници, кои ја уништија социјалната држава и воспоставија владеење на олигархијата и криминалот – и како таков мора да биде поништен!Ниту една нација не може да биде слободна се додека опресира други нации“, се вели во соопштението.

Македонија | пред 3 години

Јавно ќе ги објавиме имињата на компаниите кои имаат многу високи цени, ама прво да донесеме закон за тоа, вели Бектеши

По еноромното поскапување на цените од страна на трговците на почетокот на месецов, членови на Владата се заканија дека имињата на компаниите ќе бидат јавно објавувани поради неетичко работење и големи профитни маржи.Сега министерот за економија Крешник Бектеши вели дека за тоа прво ќе треба да се донесе нов закон. Бектеши најави дека на следната владина седница ќе се усвои Предлог закон за заштита на потрошувачите со кој казните нема да бидат само парични а глобите ќе бидат повисоки. Додаде дека тоа е во согласност со европската регулатива.- Има компании кои заработуваат и по 80 отсто на одредени производи и им се исплатува да платат казна и да продолжат со истата нечесна практика. Сега веќе, со новото решение ќе се соочат и со друг тип на казни, ќе има затворање на компании, јавно ќе ги обравиме компаниите, а ќе има и забрана за вршење дејност, рече министерот во емисијата „Утрински брифинг“.

Македонија | пред 3 години

Јанчев ја откачи Карлеуша за Ламбе

Градоначалникот на Кавадарци, Митко Јанчев, најави дека е можно Ламбе Алабаковски да настапи на манифестацијата „Тиквешки гроздобер“, откако вчера градскиот татко соопшти дека е откажан планираниот настап на српската пејачка Јелена Карлеуша.„Деновиве сме во размислување кој пејач да дојде на нејзиното место, бидејќи, сепак, концертот беше планиран за главната вечер. Можно е да е некој од Балканот, а можно е и да настапи некој од Македонија. Можно е да биде Ламбе, Каролина и Калиопи, размислуваме за нив. Но, засега ништо не се знае. Деновиве има време да се одлучи, па најверојатно во понеделник би се знаело, изјавил Јанчев за ММС.Ламбе Алабаковски оваа недела беше пуштен од домашен притвор, кој му беше одреден откако беше уапсен за потпалувањето на влезот на бугарскиот културен клуб „Иван Михајлов“ во Битола.

Македонија | пред 3 години

Ова се новите цени на горивата, повторно зголемување

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 0,37% во однос наодлуката од 13.06.2022 година.Референтните цени на нафтените деривати на светскиот пазар во споредба со претходната пресметка бележат намалување во просек кај бензините за 2,407%, додека зголемување има кај дизелот за 1,078%, кај екстра лесното масло за 0,346% и кај мазутот има намалување е за 0,102%.Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на Екстра лесното масло за домаќинство (ЕЛ-1) и на Мазутот М-1 НС не се менуваат, додека малопродажнатацена на ЕУРОДИЗЕЛ (Д-Е V) се зголемува за 2,00 ден/лит.Од 18.6.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 111,50 (денари/литар)Моторен бензин ЕУРОСУПЕР БС - 98 113,50 (денари/литар)Дизел гориво ЕУРОДИЗЕЛ БС (Д-Е V) 109,50 (денари/литар)Масло за горење Екстра лесно 1 (ЕЛ-1) 105,00 (денари/литар)Мазут М-1 НС 56,317 (денари/килограм)Курсот на денарот во однос на доларот во изминатиот период по кој беа формирани цените со претходната пресметка е повисок за 1,488%.Напоменуваме дека ова се максималните цени на нафтените деривати од 00:01 часот на 18.6.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Милошоски објави дел од преговарачката рамка на ЕУ: Власта не успеа да ги заштити македонските национални интереси

Антонио Милошоски на неговиот профил на Фејсбук објави дел од преговарачката рамка на Европската унија (ЕУ).Милошоски смета дека Власта не успеа да ги заштити македонските национални интереси.„Ова е извадок од предлог преговарачката рамка на ЕУ, во која има сериозни влошувања наметнати како дополнителни услови за Македонија:1. Билатералниот Договор од Преспа, како и Договорот со Бугарија станува составен дел од преговарачката рамка со ЕУ, заедно со записниците на заедничката историска комисија кои ќе треба да се преточат во опипливи резултати.2. На Македонија И се отвара уште едно малцинско прашање (читај повторно отварање на Уставот) кое ќе биде нов услов, од кој ќе зависи кога ќе се одржи првата меѓувладина конференција.3. Процесот на Стабилизација и асоцијација кој досега беше засебен, ќе стане составен дел од Преговарачката рамка со ЕУ и преку него ќе се вметнуваат нови барања и услови поврзани со Рамковната Декларација на Бугарија од 2019 година .Ковачевски, иако тврди дека не бил во тек со преговорите, овој текст го имал на увид уште пред неколку недели, но со министрите Бујар Османи и Маричиќ не успеале да го заштитат основниот принцип за кој се залагаа многу пријатели членки на ЕУ, и кој И одговара на Македонија, а тоа е билатералните договори да не стануваат дел од рамката за преговори“, напиша Милошоски.

Македонија | пред 3 години

Захариева: Пропагандата на Скопје е дека ако не почнат преговори, тоа ќе ги доближи до Русија, всушност, тие никогаш не се оддалечиле

Во интервју за БГНЕС поранешната вицепремиерка и министер за надворешни работи, Екатерина Захариева, вели дека не ѝ е јасно зошто е ова брзање од страна на премиерот Кирил Петков за укинувањето на ветото на РС Македонија за почеток на преговорите за ЕУ.„Мојот единствен сомнеж е дека Кирил Петков ветил дека ќе го укине ветото до крајот на француското претседателство. Нешто што тој негира, но сите негови постапки зборуваат во спротивна насока, вклучително и оваа одлука која вчера беше усвоена од Советот на министри“, рече Захариева.Таа го опиша како прилично чудна конструкција, што укажува и на тоа дека на премиерот му се брза.Кирил Петков не може да ги заобиколи Народното собрание и МНР, особено МНР, без да ги прекрши правилата и законските прописи, дециднa е Захариева.Захариева го потсети премиерот дека Бугарија е членка на ЕУ, а не РСМ.„За жал, Кирил Петков влезе во играта на РС Македонија, давајќи и ветувајќи дека ќе ги направи овие компромиси кои нема да го одразуваат она што го сака Бугарија“, предупреди Захариева.Според неа, нема потреба да се брза во оваа ситуација. Таа уште во јануари го советуваше премиерот да не го прекршува националниот договор: „Тешко е да се постигне национален договор, дури и за многу важни теми. Ова е едно од ретките што сме го постигнале. Не го прекршувајте националниот договор!Екатерина Захариева рече дека ништо лошо нема да се случи доколку разговорите продолжат и сега не се донесе избрзана одлука во рок од неколку дена, со што се кршат законите и праведните интереси на Бугарија.„Очигледно дека има напредок и тој го има, бидејќи и после 5-6 месеци МНР остана да преговара, да ја брани доследната надворешна политика на Бугарија. Не гледам што ќе се случи ако продолжат овие преговори и сите се обидеме да го постигнеме она за што работиме од 2019 година“, рече Захариева.Таа предупреди дека Бугарија, а особено граѓаните на РСМ, ќе загубат ако сега избрза и РСМ почне преговори без да ги спроведе потребните реформи.„Искрено верувам дека во уште поголем интерес на граѓаните на РСМ е да ја реформираат својата држава. Нивната држава, без разлика како се дефинирани сите нивни граѓани - Македонци, Бугари, Албанци и други. - да живее под еднакви услови и да не биде дискриминиран. Да ги извлечат нивните институции од тоталитарното минато. РСМ е единствената земја која нема дадено проценка и не го осуди ова минато“, потсети Захариева.„Во интерес на граѓаните на РСМ е да ја знаат историјата онаква каква што е за да учат од неа, а не измислената историја што е создадена за да ги оддалечи од Бугарија и бугарството“, нагласи Захариева.Според неа, премиерот Петков не е свесен за последиците за Бугарија од непромисленото укинување на ветото под неисполнети услови од страна на ПКМ на позадината на војната во Украина.„Дел од пропагандата на Скопје е дека ако не почнат преговори, тоа ќе ги доближи до Русија. Всушност, тие никогаш не се оддалечиле. Тоа е наш проблем и тоа многупати сме го кажале на нашите европски партнери“, рече Захариева.Таа нагласи дека на сите - на Бугарија и на ЕУ, но особено на Бугарија како сосед - им требаат реформирани земји. Иако тоа полека се разбира во Европа, постапките на Петков, кој едно зборува, а друго прави, ги поткопува напорите на Бугарија да го реформира ПЦМ и да ја направи нормална земја.„Апсолутно сум убедена дека на следните избори ќе видиме ужасно многу пратеници кои се антиевропски и анти-НАТО. Ова ќе ја загрози геополитичката ориентација на Бугарија“, рече Захариева, додавајќи дека Русија нема проблем со нејзините нереформирани полномошници, како што е РСМ, да бидат членки на ЕУ. Има проблем со НАТО. „РСМ е сојузник во НАТО, благодарение и на Бугарија, така што наводите дека и е загрозена безбедноста се крајно лажни“, објасни Захариева.Таа нагласи дека францускиот претседател Емануел Макрон или германскиот канцелар Олаф Шолц не можат со декларација или писмено да ги гарантираат правичните бугарски барања до ПЦМ доколку не влезат во преговарачката рамка.„Тие мора да станат дел од критериумите, да бидат следени во текот на целиот преговарачки процес. ПКМ не ги исполнува сопствените договори, бидејќи францускиот претседател ќе гарантира нешто договорено од Скопје. Договорот што го потпиша македонскиот премиер, а го ратификуваше македонскиот парламент, не се спроведува. Ова е проблемот и се надевам дека се повеќе европски лидери го сфаќаат тоа. Тоа значи дека не може да им се верува на институциите на РС Македонија. Ова е вистината!“, изјави Екатерина Захариева, поранешна министерка за надворешни работи во интервју за БГНЕС.

Македонија | пред 3 години

Дурловски ќе пее утре на протестот на ВМРО-ДПМНЕ

Оперскиот изведувач Игор Дурловски објави дека и утре ќе ја пее македонската химна на почетокот од опозицискиот протест што го организира ВМРО-ДПМНЕ во Скопје а на кој се најавени десетици илјади присутни.„За сите оние кои ме распнуваа поради ангажманот во ,,Заедничка Македонија", за тие кои ме напаѓаа за моето учество на парламентарните избори во 2020-тата година, за тие кои ја критикуваа одлуката да го отстапам пратеничкиот мандат, но и за ВАС кои ме поддржувате токму поради моите одлуки и постапки - никогаш отстапки.Ќе пејам во чест на сите политички затвореници, за Гоце, за Даме, за Јане, за Питу...Ќе пејам бидејќи да пејам од срце- најдобро знам“, објави Дурловски.Протестот ќе започне утре во 20.00 часот пред зградата на Владата.

Македонија | пред 3 години

Правилникот на Бесими за обновливи извори на енергија е дискриминирачки спрема мнозинството граѓани, вели Левица

Новиот Правилник за обновливи извори на енергија нуди неиздржани и половични решенија за слоевит проблем, додека е предвиден како дискриминирачки спрема мнозинството граѓани, вели политичката партија Левица.„Правилникот за обновливи извори на енергија им овозможува на богатите да ги намалат трошоците за електрична енергија, додека за мнозинството граѓани кои се на работ на егзистенцијата, се предвидува да бидат повторно извесени.Дополнително, ниско-напонската мрежа, за оптимална работа без дополнителни загуби, дозволува приклучување на генераторски уреди до 4 Kw инсталирана моќ. Се' над ова ќе продуцира дополнителни загуби и губитоци на енергија поради основната намена и димезионираноста на дистрибутивната мрежа.Примери за дискриминација:- Ако се знае дека за 25 Kw инсталирана моќ треба нешто повеќе од 700 m² кровна површина, што значи 4 фотоволтаични централи од по 6 Kw исталирана моќ - тогаш, како власта ќе им обезбеди, во една стамбена зграда со повеќе станбени површини, на сите станари еднаква можност да стават сопствена фотоволтачна централа на кровот на сопствената зграда?- Како едно просечно македонско семејство ќе си дозволи инвестиција за фотоволтаик на сопствен кров, а едвај преживува во ова време на економска рецесија?Примери за популизам:- Како власта ќе ги реши техничките загуби и пренапони што ќе се јават во дистрибутивната мрежа со допуштање на поголема инсталирана моќ од 4 Kw на 6 Kw?- Кои се придобивките од зголемувањето на инсталираната моќ, ако не е популизам, кога се знае дека се' над 4 Kw прави поголема штета од добивка?Левица долго време нуди системски решенија за минимизирање на трошоците за електрична енергија за секое македонско семејство.- Проектот "народни електрани", каде секое семејство ќе има сопствена фотоволтаична централа, е единственото одржливо, долгорочно решение за искористување на сончевата енергија во корист на граѓаните.- Изградбата на сите хидро потенциали од буџетски средства е концепт во полза на народот и државата- Долгорочни стабилни договори за снабдување со природен гас со земји кои го поседуват.- Конкретна помош на секое семејство за инсталирање на колектор за топла вода.Јасно е дека пристапот кон решенијата на Левица е во спротивност со бизнис интересите на енергетската мафија, која е дел од владината елита. Затоа, како општествено одговорно партија која ги штити интересите на државата и народот, повикуваме на оставка на владината гарнитура за да можеме да ги санираме последиците од тековната криза“, се вели во соопштението.

Македонија | пред 3 години

Во април издадени 44,6% повеќе одобренија за градење во однос на лани

Според податоците на Државниот завод за статистика, во април 2022 година се издадени 337 одобренија за градење, што е за 44.6 % повeќе во однос на истиот месец од претходната година.Според издадените одобренија за градење, предвидената вредност на објектите изнесува 5 474 500 илјади денари, што е за 58.7% повeќе во однос на истиот месец од претходната година.Од вкупниот број на издадени одобренија за градење, 199 (59.0 %) се наменети за објекти од високоградба, 37 (11.0 %) за објекти од нискоградба и 101 (30.0 %) за објекти за реконструкција.Од вкупно 337 објекти, на 199 (59.1 %) како инвеститори се јавуваат физички лица, а на 138 (40.9 %) објекти инвеститори се деловни субјекти.Во извештајниот период е предвидена изградба на 752 станови, со вкупна корисна површина од 61 866 м2.

Македонија | пред 3 години

Бунт во Идризово, чуварите попладнево на протест

Вистинска драма утринава се случуваше во затворот Идризово откако вчера полицијата влезе во затворот и заплени огромна количина на дрога, ладно оружје како и мобилни апарати од затворениците.Од непознат сторител утринава беше запалено возилото на командирот на затворската чуварска служба во КПУ Идризово.Пожарот бил подметнат во 1:50 часот по полноќ, а возилото било паркирано во кругот на затворот покрај управната зграда на Идризово.Поради настанот денес во 17 часот затворските чувари во Идризово излегуваат на протест пред затворот, како поддршка за колегата кој остана без својот автомобил.

Македонија | пред 3 години

Бектеши ја повика Данела на дебата

Граѓаните нема да ги оставиме на цедило поради неспособноста на Градоначалничката на Град Скопје Данела Арсовска како што беа оставени изминатата зима од нејзе, вели министерот за економија Крешник Бектеши.„За да им биде на сите појасно каква е состојбата со системот за снабдување со топлинска енергија и да се увиди кој е во право во целата ситуација ја повикувам госпоѓа Арсовска на соочување во телевизиска дебата, во кој медиум таа ќе одлучи“, вели Бектеши.

Македонија | пред 3 години

Бектеши: Данела и ВМРО-ДПМНЕ пред шест месеци први излегоа со „решение” за парното греење, а сега бегаат од одговорност

Пред неколку месеци, поточно пред шест месеци, имавме голема криза заради цената на гасот која енормно растеше на светски берзи и имаше опасност Скопјани да останат без парно греење, вели министерот за економија Крешник Бектеши.„Додека Владата се обидуваше да го најде најдобриот можен начин да се реши проблемот со снабдувањето со топлинска енергија и за тоа најмала штета да имаат граѓаните, Градот Скопје и градоначалникчката Данела Арсовска и ВМРО-ДПМНЕ веднаш излегоа и кажаа дека тие имаат “решение” како да го решат проблемот со непречено снабдување со топлинска енергија.Успеавме да ја изменаџираме кризата за краток рок, и тоа успешно. Не само што немаше прекин на испораката на парно греење за Скопјани, туку немаше ни зголемување на цената, односно на сметките за парно за граѓаните.Но, што се случува сега. Во услови кога треба долготрајно решение за менаџирање со парното греење во Градот, а имаме време до средината на октомври кога почнува новата грејна сезона да најдеме решение градоначалничката на Град Скопје Арсовска заеедно со ВМРО-ДПМНЕ и Алијанса, кои пред шест месеци први излегоа со “решение”за парното греење, сега бегаат од одговорноста која како локална власт ја имаат со закон. Згора на тоа и признаваат дека немаат ниту капацитет, ниту воља да се справат со оваа ситуација.Сакаме да ги увериме Скопјани и покрај неодговорноста на градоначалничката, Скопјани и сите граѓани да бидат спокојни бидејќи навремено ги превземаме сите неопходни мерки кои обезбедуваат непречено и континуирано снабдување со парно греење, како и со електрична енергија во услови на светска економска криза“, додава тој.

Скопје | пред 3 години

(ФОТО) Во Драч запленети 45,5 килограми кокаин, крајна дестинација била Македонија

Албанската полиција синоќа, во пристанишниот град Драч запленила 45,5 килограми кокаин, чија крајна дестинација била Северна Македонија.-Дрогата, пакувана во 40 пакетчиња, беше откриена, при детална контрола во контејнер натоварен во Бразил, со пилешко месо, на сметка на трговски субјект од Северна Македонија, стои во полициското соопштение.Како што може да се види од фотографиите кои ги објави полицијата пакетчињата со кокаинот се завиткани со фотографии од анимираниот филм „Драгон бол”.

Македонија | пред 3 години

Запален авотмобил на командир од Идризово

Утрово на паркингот пред затворот во Идризово е запалено возилото на командир вработен во затворот.Според изворот на Аваз.мк, возилото било паркирано на паркингот кој се наоѓа пред затворот додека командирот бил на работа.Случајот е пријавен во полиција.Екипите на МВР се на местото на настанот, се врши увид. Фото: Аваз.мк

Скопје | пред 3 години

Нема фотографија

(ВИДЕО) До темел изгореа три магацини во Лисиче, детали за пожарот кој се гаснеше до утрово

Доцна синоќа избувна пожар во скопската населба Лисиче.Според првичните информации три магацини се целосно изгорени.Според иформациите кои ги има “Скопје1”, изгорел магацин на на фабрика за производство на мебел, вториот магацин е на фабрика за производство на слатки и третиот е магацини на фабрика за производство дистрибуција и продажба на мраз салфети, цевки и други производи.Гасењето на пожарите започна вчеравечерта. Eкипи на територијалната противпожарна единица со пет возила беа на терен, веќе 12 часа, поради можност пожарот повторно да избувне. Утрово над тој дел од Скопје надлетуваше и хеликоптер, но не е познато дали од воздушен пат. Местото се обезбедува и од полиција.

Скопје | пред 3 години

Притвор и психијатриско лекување за двајцата напаѓачи на полицајци во Тетово

За двајца жители на тетовско Гајре кои вчера нападнале полицајци определени се мерки притвор и психијатриско лекување, информираат од СВР Тетово откако денеска до Основното јавно обвинителство Тетово поднеле кривична пријава против А.М.(40) и Л.М.(39). Со кривичната пријава двајцата биле изведени пред судија во претходна постапка на Основниот суд Тетово, кој на А.М. му определил мерка притвор од осум дена, додека на Л.М. мерка за безбедност- задолжително психијатриско лекување и чување во здравствена установа.-Двајцата од тетовско Гајре се пријавени поради основи на сомнение дека сториле кривични дела: напад на службено лице при вршење работи на безбедноста, казниво по член 383 став 2 од Кривичниот законик и противправно лишување од слобода согласно член 140 став 1 од КЗ, а Л.М. и за кривично дело неовластено изработување, држење, посредување и тргување со оружје и распрскувачки материи” казниво по член 396 од Кривичен законик, информираат од СВР Тетово.Четириесетгодишникот кој доби притвор ќе биде спроведен во КПУ Затвор “Скопје” во Скопје за издржување на мерката. Двајцата се приведени вчера откако жители на Гајре и Шипковица ги пријавиле за напад, изнуда и кражба.

Македонија | пред 3 години

Бројот на починати лица во Македонија зголемен за 10.7% во 2021 година

Според податоците на Државниот завод за статистика, во Република Македонија бројот на умрените лица е зголемен за 10.7 % во однос на претходната година и изнесува 28 516 умрени лица. Поголем број се од машки пол, и тоа 15 155 или 53.1 % од вкупно умрените лица. Бројот на умрените доенчиња изнесува 85, a нивното учество во вкупниот број на умрени лица изнесува 0.3 % на 100 умрени лица.Според месецот на смртта, најголем број случаи се во месец април (3 212).Просечната возраст кај умрените од машки пол изнесува 71.6 години, односно 75.2 години кај лицата од женски пол, или за 3.6 години повисока просечна возраст се бележи кај жените.Најголемо учество имаат умрените лица од болести на циркулаторниот систем, според МКБ-10 (шифра I00-I99), и тоа во 35.9 % случаи од вкупно умрените, па потоа се случаите кај кои како причина за смрт се јавува пандемијата на КОВИД-19 (шифра U07) со 20.6 %, неоплазмите (шифра C00-D48), и тоа во 13.8 %, со 5.8 % се застапени случаите кај кои причина за смрт се ендокрините, нутритивните и метаболичните болести (шифра Е00-Е90), со 4.2 % се застапени умрените лица кај кои причина за смрт се болестите на респираторниот систем (шифра Ј00-Ј99), а потоа следат другите умрени лица, но со помала застапеност.

Македонија | пред 3 години

Ќерката Пановска и дала тендер на веледрогеријата др. Пановски, сопственост на нејзиниот татко, обвинува ВМРО-ДПМНЕ

Премногу е, ќерката Пановска му дава тендери на таткото Пановски, а институциите молчат, обвинува ВМРО-ДПМНЕ„Клиниката за Хематологија, каде директор е Ирена Пановска Ставридис, и дала тендер на веледрогеријата др. Пановски, сопственост на таткото на директорката на Хематолигија. Договорот кој е склучен на 6 јуни оваа година тежи 900.000 евра.Ова не е прв договор кој сопственикот на др. Пановски го добива од својата ќерка. ДКСК отвори случај пред неколку години, кој се уште нема завршница за тендери во висина од 3 милиони евра кои биле дадени од ќерката на таткото Пановски.Договорите за набавка кои ги склучува веледрогеријата др. Пановски, каде сопственик е таткото на Ирина Пановска Ставридис, директор на Клиниката за Хематологија од истата таа клиника се чист судир на интереси, и смрдат на корупција.Ќерката Пановска како директор има комплетен увид во постапките за јавни набавки и постои сомнеж дека може да влијае врз изборот на фирма со која ќе се склучи договор за набавка.Дополнително, ќерката Пановска може да го доведе таткото Пановски во предност пред другите потенцијални понудувачи со тоа што предвреме ќе го известува за суштински работи поврзани со постапката за набавка.ДКСК која 3 години молчи за непотизмот и корупцијата во Клиниката за Хематологија веднаш да ја продолжи постапката, а ЈО да отвори случај за потенцијални кривични дела.Премногу е, додека бизнисите на народот тонат, тие на семејствата на функционерите од СДСМ и ДУИ да вртат милионски тендери. Премногу е, протест за промени на 18 јуни во 20 часот пред влада“, се вели во соопштението.

Македонија | пред 3 години

(ВИДЕО) Огромен пожар во Лисиче, полицијата и пожарната на терен

Ужасно голем пожар вечерва избувна во Горно Лисиче. Според информации на „Скопје1“ гори магацин лоциран во овој дел од Скопје. Огнените јазици ги пеплосуваат просториите на објектот, за кои детали во овој момент не се познати.Кон местото каде доцна вечерва избувна пожарот, се упатија неколку противпожарни возила и полициски патроли. Засега детали не се познати.Наскоро повеќе...

Скопје | пред 3 години

(ВИДЕО) Македонија во една сторија: 11 годишната Теа со страшни болки и целосна неподвижност 3 месеци чека да се набави соодветен лек

Тешко, со болки, со плачење.Вака со месеци живее семејството Јованови чија 11 годишна ќерка Теа боледува од ретка болест..Вкочанетите раце и нозе поради дијагнозата се најголемиот хендикеп за ова девојче која и покрај силните болки и оставена без терапија, успева да измами и насмевка. Од март наваму е зависна од инвалидска количка поради прогресијата на болеста.-Не може сама, има болки, плаче...Нема поголема болка за една мајка од оваа, вели Наска Јованова.Кога пред три години и откриле на Теа дека има јувенилен ревматоиден артритис таа била на нога и на почетокот терапијата била соодветна. Лекарите им кажале – болеста е тешка и мора да се борите.-Не знаев што е тоа но подоцна дознав каква болест е таа, дека ги вкочанува рацете и нозете, вели Теа Јованова.Подоцна состојбата на Теа се влошила а дополнителен проблем е и пандемијата каде поради немање на термини морале да одат и во приватни болници.-Сопругот зема кредит и така плаќавме, со една плата сме само, вели Јованова.Ретката болест ја оставила Теа една година надвор од училишните клупи а неможе често да ги гледа и децата на улица бидејќи живеат во зграда на 4ти кат без лифт.-Сакам да имам терапија. Сакам да си играм со децата како и порано, вели Теа.Неможејќи да го издржи плачењето на ќерката, Наска била во Министерството за здравство, но не ја примиле. Од Клиниката за детски болести каде Теа е пациент ни одговорија дека е најден алтернативен лек кој девојчето ќе го прима додека стигне биолошката терапија. Целиот проблем е незавршениот тендер што го прави МЗ и долгите бирократски процедури кои се причина за солзите не само кај Теа туку и други пациенти со ретки болести.Извор: Сител

Македонија | пред 3 години

Полицајци нападнати во Шипковица, биле принудени да пукаат

МВР информира дека двајца полициски службеници во село Шипковица биле принудени да пукаат во воздух откако биле нападнати од двајца жители на селото Гајре. Според полицијата, лицата требало да бидат приведени.Од полицијата велат дека А.М. (40) и Л.М. (39) биле пријавени за неколку инциденти, меѓу кои одземање пари и закани, а на едно лице му го одземале и добитокот.-При лишувањето двајцата се однесувале агресивно и физички ги нападнале полициските службеници, при што од еден полициски службеник бил испукан и предупредувачки куршум во воздух. Двајцата се задржани во Полициската станица Тетово за целосно расчистување и документирање на пријавените случаи и ќе им бидат изготвени соодветни поднесоци, информира портпаролот на СВР Тетово, Марјан Јосифоски.

Македонија | пред 3 години