ТОП

Радев не престана со провокации: Сите сме Бугари денеска

На 24 мај сите сме само Бугари - со тие зборови ја започнува честитката претседателот Румен Радев до бугарскиот народ по повод 24 мај, денот на светите браќа Кирил и Методиј- Денес има седум милиони бугари во бугарија. милиони други се надвор од татковината. Но, секогаш постои невидлива татковина што секој ја носи со себе каде и да оди. Тоа е бугарскиот јазик. од раѓање сме предодредени да размислуваме и чувствуваме на богат, звучен, нијансиран и изразен мајчин јазик. јазикот нè инспирира, јазикот нè утешува. јазикот е нашиот дом и надеж во тешките и осамени моменти, особено далеку од татковината, вели Радев.

Македонија | пред 3 години

139 казнети возачи во Скопје бидејќи зборат на телефон, возат пијани, со нерегистрирани возила

Министерството за внатрешни работи во текот на вчерашниот ден (23.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 139 мерки, меѓу кои за возење повеќе од дозволената брзина 26 санкции, 16 мерки за недавање првенство на минување на пешаци, 14 санкции за прекршоци што ги прават возачите на мотоцикл, 11 мерки за возење без возачка дозвола.Изречени се седум мерки за користење на мобилен телефон, четири санкции за возење под дејство на алкохол, три мерки за возач почетник, пет санкции за нерегистрирани возила, пет мерки за некористење сигурносен појас...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 3 години

г.г. Стефан треперејќи: Еве сега имаме и кој да ни нацрпи вода, ова е празник за сите Христијани

Архиепископ Охридски и Македонски г.г. Стефан се заблагодари на Српската православна црква и посочи: „Како да го разбереме ова денешно Собрание, ако не со настаните од воскресението. Имено, ова свештено Собрание каде во совршена заедница ни се нуди целиот и сам Христос, е и патот од Ерусалим до Емаус, е и горната одаја каде Христос преку Тома ни се нуди на сите нас, да се допреме до него и никогаш да не посакаме повторно да се оддалечиме или посомневаме колку е добар и совршен“.„Бог ни даде ден во кој дочекавме да ја слушнеме одамна посакуваната и очекуваната вест. Затоа уште еднаш ваша свестост, Вам и членовите на Архиерскиот собор, Ви благодариме. Стоејќи трепетно во овој момент, овој свештен собор, во мене, оѕвонуваат зборовите: „Целата си убава и дамка нема на тебе“. Ја гледам токму убавината на црквата и длабоко ги разбирам зборовите на Апостолот на народите кој вели дека Христос е глава на телото односно на црквата, а ние сме членови на неговото тело. Затоа од длабочината на душата воскликнувам фалејќи го Бога за неговиот дар, за црквата, па велам: „Постојано те величаме тебе Христе, кој неискажливо ги соедини небесното и земното и ја создаде единствената црква на ангелите и луѓето“. Еве нам и денес ни се нуди таа несовршена заедница, која е чиста и долгорочна, чија чистота со ништо не се осквернува и со ништо не може да се одземе. Која е од едниот до другиот крај на Вселената“, кажа г.г. Стефан.Тој посочи: „Овој историски период кој сите го минуваме е празник за сите Христијани во Македонија, без разлика на национално потекло, кои се внуци на оние кои сонуваа да ја видат обновена ОА, да ја видат афтокевална или се правнуци на сите оние кои некогаш живееле обединети под едниот омофор на охридскиот архепископ. Тие наши предци од небесната црква се радуваат заедно со нас, гледајќи ги нашата радост и нашето единство. Верувам дека деновиве конечно е радосен и Арсениј, последниот охридски архиепископ, а и архиепископот Доситеј и патријархот Герман и сите кои искрено сакаа да ја видат возобновена Охридската архепископија. Кога некој ја чита историјата на Охридската црква, се соочува со црква која не воспоставува граници, која ниту денес не ја користи самостојноста за да се изолира, туку да стане поблиска со другите, да биде тоа што се и другите, неоткинлив и суштински дел на една апостолска црква“.„55 години седевме и чекајќи во тремот и ненаоаѓајќи некој да се погрижи за нас. Потоа ни пристапи друг човек, нашиот собрат и денешен сослужител, неговата светост српскиот Патријарх Порфириј. И еве сега имаме и кој да ни нацрпи вода. Сега и сите ќе видат колку е нашата нива плодна и дека посеаното стигнало за жетва. Сега целосно ги гледаме сите убавини на рајот бидејќи имаме со кого да ги споделиме, не тагуваме веќе како Адама, туку се радуваме како апостолите, на денот на педесетницата, опиени од слаткиот пијалак на заедницата и братската љубов. Само вака подготвени, можеме со радост да го чекаме и денот на духот свети, бидејќи љубовта кога се споделува таа се преумножува. Ние православните исповедаме дека црквата е Соборна, затоа што не се ограничува од никакво место, народ, време туму во себе ги содоржи оние кои правилно и вистински веруваат во сите места, народи. Црквата не е федерација од помесни цркви туку од секогаш била една и единствена, обединета од духот свет, како единствено цело на целото човешство. Нејзина цел е да го обедини човекот во себеси и да го освети“, додаде Архиепископ Охридски и Македонски г.г. Стефан.

Македонија | пред 3 години

Српскиот Патријарх Порфириј: Се менуваат граници, единствена е црквата Христова која не се менува

„Се се менува во овој свет. Се менуваат границите, се менувале, сигурно и повторно ќе се менуваат. Црквата Христова е единствена моја не се менува. Таа столб и тврдина на вистината. Затоа Апостолот Павле како света должност ни остави нас, па вели: Ве молам браќа во име на Исус Христос меѓу вас да нема раздор, да бидете потврдени во ист збор и иста мисла. Браќа и сестри, пред некој ден во Белград служеме во св. Сава. Денес тука. И во Белград каде имаше повеќе илјади луѓе собрани, така и тука, видов радост, љубов, во очите на сите Вас. Видов и обврска, задача и порака до нас архирeите. А тоа е, дека вашата љубов, молитви, го надминаа искушението и овозможија Господ да направи чудо. Покажа дека не можеме едни без други, дека Христос е нашата мерка, дека неговите заповеди се закон во кои сакаме да живееме, дека тој е алфа и омега за нашето постоење. Пред се поради вашите молитви, на вас овде и тие во Белград и молитвите на сите, воспоставивме единство“ кажа Српскиот Патријарх Порфириј.По ова, Српскиот Патријарх посочи дека Соборот на МПЦ ја прифаќа и признава афтокефалноста на Македонската православна црква-Охридска Архепископија. Ова беше поздравено со громогласен аплауз.„Во исто време, Светиот Синод на нашата црква стави на должност на Синодот заедно во соработка со архепископот Стефан да разработат се, техничко-организациски детали, за потоа да следи свеченото прогласување на официјален акт. Потоа ќе биде известени сите православни цркви во својот канонски ред и поредок и повикани и тие да ја прифатат афтокефалноста на МПЦ-ОА. Ве молиме и вие да не примите во вашите молитви“, додаде Српскиот Патријарх Порфириј.

Македонија | пред 3 години

СПЦ ја призна автокефалноста на МПЦ ОА, аплаузи во Соборниот храм

Аплаузи во Соборниот храм Свтеи Климент Охридски, откако Српскиот Патријарх обзнани дека Соборот едногласно прифати автокефалност за МПЦ ОА.„Видов пред некој ден и сега радост и љубов во очите на сите вас. Гледам обвска и задача за нас архиереите а тоа е дека вашата љубов и молитви во Белград и овде го надминаа искушението ни да Бог направи чудо, да разбреме дека сме едно и дека не можеме едни без други. А сега ви носиме уште една вест. Собороот на СПЦ едногласно излезе во пресрет на молбата на МПЦ ОА каде Соборот благослоував прифаќа и признава автокефален статус“, изјави српскиот Патријарх.

Македонија | пред 3 години

Бектеши бара 900 милиони за да врати долгови на Владата во која ДУИ е скоро 20 години

Министерот за економија, Крешник Бектеши, вечерва во дебатниот магазин „Click Plus“ на ТВ21 посочи дека се бараат 900 милиони евра за враќање на долгови од претходните Влади.„Како што објасни и министерот за финансии, и јас кажувам дека голем дел од овие средства се за враќање на долгови кои ги наследивме од претходните Влади“, рече Бектеши.Тој додава дека дел од овие пари ќе бидат искористени за нови мерки, кои Владата ги подготвува со цел да им помогне на граѓаните и компаниите, а посебно на социјалните категории.„Како што предвидовме, 100 милиони евра на почетокот на годината за помош за граѓаните, сега проектираме нови 80 милиони евра повторно како директна помош за граѓаните и компаниите. Ние работиме напорно, за да им помогнеме на граѓаните“, порача Бектеши.

Македонија | пред 3 години

Центарот на Скопје утре ќе биде затворен за сообраќај

На 24.05.2022 (вторник) поради официјална посета на делегација на Српската православна црква, Одделението за безбедност на патниот сообраќај при СВР Скопје ќе преземе мерки за посебен режим на сообраќај по сообраќајниците на поширокото централно подрачје на град Скопје, при што за сообраќај ќе бидат затворени бул. „Партизански одреди” од крстосница со ул. „Аминта Трети” до крстосница со бул. „ВМРО” и ул. „Св.Климент Охридски” од крстосница со бул. „Илинден” до крстосница со ул. „Димитрие Чуповски” во Скопје.СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

Скопје | пред 3 години

Монструозно: Наставник од Струмица сексуално нападнал ученичка

Основното јавно обвинителство Струмица донесе Наредба за спроведување истражна постапка против 40-годишник осомничен за кривично дело – Полов напад врз дете кое не наполнило 14 години од член 188 став 1 од Кривичниот законик, за кое е предвидена казна затвор од најмалку 12 години.Осомничениот, наставник во основно училиште во струмичко, во периодот од октомври 2020 година до мај 2022 година, преку социјална мрежа испраќал пораки со експлицитна сексуална содржина на ученичка која немала наполнето 14 години. Искористувајќи прилика кога останале сами во спортската сала на училиштето, тој во два наврати извршил и други полови дејствија, допирајќи ја и бакнувајќи ја оштетената.Надлежниот јавен обвинител до судијата на претходна постапка од Основниот суд во Струмица достави предлог за определување мерка притвор, бидејќи постои опасност тој да се даде во бегство, да влијае врз сведоци или да го повтори делото. Судијата го прифати предлогот и на осомничениот му определи притвор во траење од 30 дена.​

Македонија | пред 3 години

(ФОТО) Скопје во една слика: Коњот заврзан на тераса во напуштен објект во Дебар Маало е спасен

Коњ бил заврзан во напуштена зграда во Дебар Маало. Според информациите на спасувачите, тој бил оставен дехидриран, без храна и вода. За него јавија случајни минувачи и медиуми, по што следеше акција за негово извлекување.„Вчера на неколку портали беше објавено дека во Дебар Маало има коњ на тераса од стан во напуштена зграда, а полицијата добила и неколку пријави од граѓани. Колегите од Скопје ЗОО, заедно со директорот Кристијан Стаменов, МВР и инспектор на АХВ излегоа на терен и ја започнаа спасувачката мисија на коњчето кое за жал било врзано во руинираниот објект и оставено без храна и вода. Доцна вечерта коњот беше пренесен во Скопје ЗОО каде што ќе му обезбедиме ветеринарна грижа и најдобра нега. Апелираме да не се измачуваат овие најпрекрасни животни и што поскоро да се направи план на централно ниво за што поголема благосостојба на коњите“, објави ЗОО-Скопје.

Скопје | пред 3 години

Бизнисмени вие сте на ред: Државата крена раце од Марианчо познат по „Идол“, остана без кров над глава, роднини и родители

Марианчо Костовски е суперхерој од Прилеп-познат по видеото од Идол. Сега, се бара претприемач кој ќе му овозможи достојни услови за работа, како и примања, но и сместување. Неговиот сограѓанин, Даниел Кочоски, објави за состојбата на Марианчо.„Идол мој со кој седам секоја вечер пред домот за култура Марко Цепенков и пијам пиво. Лик со големо срце и душа. Државата има кренато раце од него има преголем долг во ЕВН, нема струја, нема вода, нема греење, нема кров, нема роднини, нема родители, нема ништо и покрај тие сите нечоечки услови тој е позитивен со сите прилепчани. Има приход од Тобако 🙌 со разнесување на лото. Има храна од сите угостители во цела чаршија 🙌. Секоја чест за нив !!! Има социјална помош од 5000ден. Која му ја укинуваат доколку се согласи да живее во домот за старци и мора од 21:30 да се прибере таму. Мацио не сака да ги изгуби тие 5000ден. и не сака да биди условуван во колку часот да се прибира таму. Мацио е млад и сака да живеј нормално! Мацио одбива да седи таму и порај неколку иницијативи од прилепчани кои сакале да му помогнат за да го вдомат таму.Мацио е златен чоек на кој мора да му помогниме. Помош се бара само од стабилен претприемач кој можи да му обезбеди соба и работа. Вреден е, сите го знајме чоеков. Доколку има чоечки услови за живот тој можи да ја одржува хигиената и нормално(со малце помош) да функционира перфектно. Во градов мислам дека има стабилни претприемачи кои би му помогнале. Ги замолувам претприемачиве со страшни фирми да му помогнат! За чоечки живот зботувам на долг период! Мациов че си работи кај вас поштено, само дајте му минимална плата и чоечки услови за живот. Кој сфати, сфати! Добротворни донации не се добрдеојдени. Добредојдени се само доби работодавци кои можат да му помогнат. Поздрав! За чоек прајме муабет!“, напиша Костовски.

Магазин | пред 3 години

„Додека владее тешка криза за граѓаните, службеници на Владата се луксузираат под прикритие како новинари“, обвинува ВМРО-ДПМНЕ

„Вработени во службата за општи и заеднички работи при Владата, како новинари, на државен трошок престојувале во Софија, Бугарија три дена од 24 до 26 јануари. Кај ги прикривале како новинари, па и скапо го плаќале нивниот престој. За шест лица вработени во Владата, според написите на медиумите биле обезбедени шест хотелски соби со полн пансион, за три дена, иако посетата била дводневна, плус дополнителен превоз со возила од Владата“, вели ВМРО-ДПМНЕ.Тие додаваат:„Ете ова е луксузот на Власта во време на криза. Додека ги убедуваат просветните работници дека нема доволно пари за законското покачување кое им следи, додека нема исплатени субвенции во образованието, додека нема ефективни мерки за зауздување на инфлацијата, оваа власт продолжува со трошењето народни пари за хотелски услуги, патувања и слично.Да потсетиме дека стотици милиони евра од буџетот се наменети за непродуктивни трошења, луксузи и задоволства на власта. Во време на криза потрошија 2,5 милиони евра за службени возила, а дополнителни 2 милиони евра само на мебел, кафиња и режни цвеќиња.Народот го плаќа скапо луксузот на власта. Ова мора да престане. Оваа власт е извор на скандали и кризи и мора да си замине“.

Македонија | пред 3 години

„Кај нас мајмунските сипаници ќе си ги викаме прилепски?“, Македонците ја коментираа новата инфекција

Околу 80 случаи на инфицирани од мајмунски сипаници се потврдени во 11 земји, објави Светската здравствена организација на крајот на мај 2022 година. Од таму предупредија дека најверојатно ќе бидат пријавени уште случаи. Сипаниците се предизвикани од вирусот на мајмунски сипаници, член на истата фамилија на вируси како малите сипаници, иако тие се многу помалку сериозни. Почетните симптоми се: треска, главоболка, оток, болки во грбот, болки во мускулите и општа малаксаност. Детектиран случај со вакви сипаници има и во Грција.И дел од јавноста во Македонија ги коментираше мајмунските сипаници:https://twitter.com/SolarNik/status/1528394961422532614https://twitter.com/travellstories/status/1528359405116325888https://twitter.com/L_Traveler__/status/1528307717961555968https://twitter.com/unstabIeweirdo/status/1528143540404068352https://twitter.com/AnDroidMkd/status/1528102497188995073https://twitter.com/Fingerprint83/status/1528061216945577984https://twitter.com/LegitMacedonia/status/1528059217315258368https://twitter.com/AdvokatNikolco/status/1528000106334674944

Коментари | пред 3 години

Полицијата со детали за пожарот во скопскиот хотел „Буши“

На 21.05.2022 во 17,45 часот во СВР Скопје, Ќ.Б. пријавил дека во Старата скопска чаршија, на ул.„Самоилова“, во Скопје настанал пожар во кујна од хотел. Пожарот е изгаснат од противпожарната единица Скопје, а на седум лица, според до сега пријавеното, им е укажана помош во Комплекс клиники „Мајка Тереза“ или други болници.На повеќе лица им е пружена лекарска помош на лице место..Известен е јавен обвинител и по насоки од обвинителството се врши увид и се преземаат мерки за расчистување на случајот.

Скопје | пред 3 години

(ВИДЕО) Ечат тапани, матуранти се качуваат на ѕид, идни доктори од скопското медицинско училиште ја фрапираа јавноста

Снимка од прослава за матура стана вирална на социјалните мрежи. Истата наиде на низа негативни, но и позитивни критки. Според објавувачот, станува збор за матурска прослава на студенти по медицина. Се вијат ора, ечат тапани. Интересен момент кој наиде на посебна заинтересираност е качувањето на ѕид на еден од матурантите. Она што е јасно е фактот дека снимката навистина е направена во скопското средно училиште за медицина.Меѓу коментарите, се вели: „Ќе биде доктори од овие“.

Скопје | пред 3 години

Војниците протестираат со шатори пред Влада

Од денеска шатори и вреќи за спиење пред Владата, Независниот синдикат на професионални војници излезе на штрајк. на ваков чекор се одлучиле бидејќи, како што велат веќе два години владата за дел од професионалните војници не презема никакви активности за префрлување во друга институција.- Согласно член 40а од Законот за служба во армијата, професионалните војници со наполнување на 45 години старост се префрлуваат во други сродни институции. Но, веќе 2 години од страна на владата за дел од професионалните војници не се превземени никакви активности за префрлување во друга институција“, велат од Синдикатот по што аплеираат дека со шатори пред влада ќе останат се додека не се исполни нивното барање.

Македонија | пред 3 години

Трговците во туристичките места ќе можат да работат во недела и на празници

Министерството за економија веќе предложи до Собранието измени и дополнувања на Законот за трговија со кои се овозможува работа во недела и празници на сите трговци на мало и на големо во туристичките места, утврдени со Законот за туристичка дејност, кажа Министерот за економија Крешник Бектеши при денешната посета на охридско-струшкиот регион.Бектеши при обиколката на Охридската чаршија каде оствари средба со стопанствениците истакна деке законските измени се веќе во собраниска процедура и во зависност од работата на Собранието очекува најмногу за две недели овие законски измени да бидат изгласани и да стапат на сила со почетокот на туристичката сезона.„Измените на Законот за трговија во делот на „Недела неработен ден“ се во собраниска процедура, со нив им се дава можност на сите трговци во туристичките места да можат да работат и во недела и празници преку целата година. Овие измени дополнително ќе ја поттикнат економската активност во земјата, посебно во туристичките места“ кажа Бектеши и потенцираше дека измените се донесени со заеднички дијалог во инклузивен процес со сите засегнати страни, а работниците во трговските објекти кои ќе работат во недела ќе добијат дневница поголема за 100 проценти, а останатите во дејностите кои се определени согласно Законот за работни односи ќе добијат дневници поголеми за 50%.“Имајќи ги во предвид податоците кои што ги имаме од Државниот завод за статистика за раст на бројот на туристи во првиот квартал, а и очекувањата за бројот на туристи согласно веќе направени резервации за странски туристи кои ќе ја посетат Северна Македонија оваа летна сезона, посебно Охрид и Струга овие законски измени очекуваме дека ќе придонесат за уште поуспешна сезона. Министерството за економија и Владата ќе продолжат со креирање на мерки за поттикнување на домашниот туризам со цел за зголемување на бројот на домашни и странски туристи во земјата“ кажа Бектеши.Како дел од мерките кои што и оваа година ќе се реализираат за поддршка на домашниот туризам како што истакна министерот е и мерката за ваучери за одмор во домашните туристички капацитети на работници со ниски приходи.“Со Ребалансот на буџетот се предвидени 15 милиони денари за да продолжиме со мерката за ваучери за туризам за работници со ниски приходи, согласно предвидените средства проекциите се дека ќе се обезбедат ваучери за 1.500 до 2.000 семејства“ кажа Бектеши.

Македонија | пред 3 години

246 сообраќајни казни во Скопје

Министерството за внатрешни работи во текот на вчерашниот ден (21.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 246 мерки, меѓу кои за возење повеќе од дозволената брзина 32 санкции, 12 мерки за прекршоци што ги прават пешаците, 20 мерки за возење без возачка дозвола.Изречени се 12 мерки за користење на мобилен телефон, 56 санкции за прекршоци што ги прават возачите на мотоцикл, четири мерки за минување на затворен сигнал (црвено светло), 24 санкции за возење под дејство на алкохол, пет санкции за некористење сигурносен појас...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 3 години

(ВИДЕО) Обраќање на премиерот Ковачевски: Успеавме, просечната плата надмина 30.000 денари

Премиерот Ковачевски преку видео обраќање се заблагодари на сите владини претставници во овој и минатиот мандат за трудот кој го вложиле во реализација на едно од најважните ветувања на Владата, просечна плата од над 30.000 денари.Во прилог ви го пренесуваме интегрално неговото обраќање:„Владата предводена од СДСМ го реализираше едно од најважните ветувања дадено пред граѓаните уште во 2017, просечна плата од над 30.000 денари.Покачувањето на платите и вложувањето во стандардот на граѓаните е политика на која останавме доследни. И покрај сите опструкции од опозицијата и блокирани закони за раст на платите, платите во континуитет растат.Малку кој веруваше дека ќе имаме просечна плата од 30.000 денари. Ова ветување беше мета на критика и потсмев, но со доследни политики успеавме да го реализираме.Во време на голема економска криза сфаќаме колку е значајно вложувањето во приходите на граѓаните и работниците. Со покачувањето на платите се штитиме од големиот раст на цените, а Буџетот го насочуваме онаму каде е најпотребно. Пред нас е тешка зима во која ќе ги вложиме сите сили да ги намалиме ценовните шокови. Сакам да ве уверам, дека Владата е целосно посветена и подготвена за се што претстои. Ќе работиме максимално одговорно, посветено и ефикасно во интерес на граѓаните.За крај, изразувам благодарност на сите членови на Владата во овој и минатиот мандат кои доследно и посветено работеа на остварување на ова ветување. Докажавме дека ветувањата ги исполнуваме и од зацртаните цели не отстапуваме“.

Македонија | пред 3 години

Малку кој веруваше дека ќе имаме двоцифрена инфлација, вредноста на 30.000 денари сега и пред една година не е иста, порача опозицијата

„Малку кој веруваше дека ќе имаме двоцифрена инфлација која е една од највисоките во регионот. Малку кој веруваше дека за една година цените на основните животни потреби на граѓаните ќе се зголемат од 30 до 100%“, вели ВМРО-ДПМНЕ во реакција на видео обраќањето на Димитар Ковачевски.Тие додаваат:„Цената на струјата е покачена за 30%, цената на горивата е покачена за 80%, цените на лебот и брашното се покачени за 100%, шеќерот за 40%, млекото за 50% , маслото за јадење е двојно поскапо итн.Стандардот на граѓаните е уништен. Платите ја изгубија својата вредност. Прашањето кое треба да си го постават во владата е колкава вредност имаат 30 илјади денари сега, а колку имале пред една година.Ковачевски треба наместо со евтини пи-ар трикови и снимени обраќања, да се симне меѓу народот и да ја види растечката сиромаштија.Над 35% од граѓаните се во ризик од сиромаштија. Над половина милион граѓани живеат со 150 денари дневно, а власта во исто време предвидува стотици милиони евра за непродуктивни трошоци како набавки на мебел, службени возила, цвеќиња, кафиња, жардињери, плаќа криминални физибилити студии и испумпува пари во партиски фирми преку матни тендери.Криминалот, неодговорноста и неспособноста на оваа власт на СДСМ и ДУИ народот скапо ја плаќа“.

Македонија | пред 3 години

Пожар во хотелот „Буши“ во скопската чаршија, навремено евакуирани сите гости

Десет лица повредени во пожарот што попладнево избувна во хотелот „Буши“ во Скопје со возила на Итната медицинска помош се однесени во Градската општа болница „8 Септември“ и на Клиниката за токсикологија, изјави за МИА раководителката на Итната медицинска помош (ИМП), Милица Бубало.Од нив, посочи таа, двајца се здобиле со потешки повреди.Додаде дека на лице место екипите на ИМП интервенирале и за други полесно повредени лица кои се пожалиле на тешкотии со дишењето.Попладнево во пожарот што избувна во хотелот „Буши“ во Старата скопска чаршија биле зафатени дел од рецепцијата и кујната на хотелот, информираа од Противпожарната бригада Скопје за МИА.Тие потврдија дека пожарот е локализиран.

Скопје | пред 3 години

(ФОТО) Сообраќајка на Качанички пат, маж е со повредена глава

Сообраќајка се случи на Качанички пат. Попладнево, се судрија две возила од кои едното е марка “панда”. Двете со скопски регистарски ознаки. Очевидци сведочат дека двајцата возачи се повредени.Од тоа што може да се види на местото на несреќата, пристигната е и Брза помош. Еден од патниците во возилата е веќе со преврзана глава.Од ударот оштетени се и двете возила. Едното од нив марка “Панда” има поголеми оштетувања, меѓу кои предната гума која е целосно откачена.Непознато е како дошло до несреќата. На терен има и полиција. Сообраќајот се одвива отежнато.

Скопје | пред 3 години

ФОТО: Ужасна сообраќајка во Влае, повредени однесени во болница

Маж и жена се повредени по тешка сообраќајка која се случи во Влае, пред мостот „Обединети нации“. Според првичните информации станува збор за судир меѓу возила. Очевидци велат дека судрени се две возила, од кои едното е „Фиќо“.Први на помош истрчаа очевидците на настанот кои се обидуваа да им помогнат на мажот и жената. По нив, дојде и Брза помош. Лицата кои им се обидоа да помогнат, велат дека жената тешко реагирала, а мажот можел да мрда.„Скопје 1“ се обрати и до МВР од каде се очекуваат детали за страшната несреќа.

Скопје | пред 3 години

Позната состојбата на повредените од вчерашната сообраќајка во Влае

Двете лица кои вчера беа повредени во сообраќајката која се случи меѓу „Венто“ и „Фиќо“, кај мостот „Влајко“ немале тешки повреди. Иако на местото имаше локви крв, тие биле надвор од животна опасност.Докторите од болницата „8 септември“ по укажување на лекарската помош, ги пуштиле на домашно испитување.Увидот од страна на полицајците и крим техника, траеше повеќе часа, до доцна вечерта. Се утврдуваше како се судриле двата автомобили. По ова, се очекуваат и официјални детали.

Скопје | пред 3 години

Османи: Ги ценам напорите на Фрација за почеток на пристапни преговори и членство во ЕУ

Остварена средба со висока делегација од француското МНР во состав: Сирил Дикемал, заменик директор на Директорат за ЕУ во МЕНР на Франција, Леонор Гим, советничка во Директорат за ЕУ, Силвен Гиоге, заменик директор на Директорат за Континентална Европа и Никола Фај, шеф на мисијата за Западен Балкан во Директорат за Континентална Европа.„Особено ги ценам напорите кои Франција ги вложува во насока на одблокирање на евроинтегративниот процес преку одржување на првите меѓувладини седници со Северна Македонија и Албанија, уште за време на француското претседателство со Советот на ЕУ. Почетокот на пристапните преговори и членството во ЕУ е геостратешка инвестиција за стабилност и просперитет за земјите од Западниот Балкан, но и за Европа, особено во актуелниот геополитички контекст“, вели Бујар Османи, министер за надворешни работи.

Македонија | пред 3 години

Девет години затвор за Груевски, три за Јанакиески, Трајковски доби четири години

Поранешниот премиер Никола Груевски за злоупотреба на службената положба и овластување доби девет години затвор во случајот „ТНТ“. Миле Јанакиески, ексминистер за транспорт и врски е осуден на три години затвор. Поранешниот градоначалник на Гази Баба Тони Трајковски доби четири години затвор. Инспекторката од Гази Баба, Елисавета Најдовска е осудена на четири години затвор. За спроведување на тендерот за уривање на „Космос“ односно фаворизирање на фирма која уривала се ослободени три лица: Насе Ралев, Марика Зафировска, Александра Димитриевска – Аврамовска бидејќи не е докажано дека го сториле делото.„Обвинетите за да му се одмазат на Фијат Цановски кој ја напуштил коалицијата со ВМРО-ДПМНЕ, искористувајќи ја нивната моќ со умисла го поттикнале Тони Трајковски да стори кривично дело, тој како градоначалник да ја искористи службената положба и да го сруши незаконски објектот Космос. Тони Трајковски го прифатил тоа и ја поттикнал обвинетата Елисавета Најдовска. Тој ѝ кажал дека Јанакиески и Груевски побарале да се сруши објектот, а таа прифатила. Таа направила мерење на максималната височина на нултата точка, без да постојат законски услови на мерење на таа височина, без да има заштитен тротоар на зградата. Составила записник каде незаконски навела дека објектот отстапува од квотите и донела незаконско решение за уривање“, објасни судијата Ставрев.Според обвинението на СЈО, обвинетите во 2011 година сториле кривично дело од политичка омраза со уривање на комплексот „Космос“ на Фијат Цаноски. Случајот добива првостепена пресуда по 11 години.

Македонија | пред 3 години