ТОП

Одново стотина казни во Скопје: се вози брзо, се поминува на црвено, а возат и пијани

Министерството за внатрешни работи во текот на вчерашниот ден (19.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 180 мерки, меѓу кои за возење повеќе од дозволената брзина 12 санкции, 44 мерки за прекршоци што ги прават пешаците, 12 мерки за возење без возачка дозвола.Изречени се 11 мерки за користење на мобилен телефон, седум санкции за прекршоци што ги прават возачите на мотоцикл, пет мерки за минување на затворен сигнал (црвено светло), четири санкции за возење под дејство на алкохол, девет мерки за недавање првенство на минување на пешаци, шест санкции за некористење сигурносен појас...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, вели МВР.

Скопје | пред 3 години

Димитров го кара Ковачевски: Невнимателен сте! Се навлекуваме на бугарски тези!

Ексминистерот за надворешни работи Никола Димитров одново „удри“ по премиерот Димитар Ковачевски. Тој вели дека изненадува изјавата на премиерот Ковачевски кој вели дека сите земји членки на ЕУ ја оправдувале уцената на Бугарија со историјата.„Прво, тоа воопшто не е точно. Од каде му е тој впечаток на премиерот!? Јас постојано сум низ земјите членки во последните години, и од позиција на министер, ама и сега и ниту гледав ниту гледам разбирање за анахроните антиевропски бугарски позиции. Впрочем, поплаките во Софија дека нема доволно солидарност кон нив и дека не се разбрани, се јавна тема кај комшиите веќе подолго време. А на истата линија беа и обвинувањата кон мене директно од Софија, оти практично им ги разобличував тезите обезбедувајќи да бидат осамени во небулозите. Изјавата на Ковачевски е во најмала рака невнимателна. Но, исто така може да биде и опасна и лесно да биде злоупотребена како притисок токму врз македонските позиции“, посочува Димитров.Тој додава:„Оти оди на линија на Радев, кој упорно пласира вакви тези веројатно терајќи домашна политика со прашањето.Конечно, македонската влада и дипломатија мора повторно да се разбуди и да продолжи да ги разобличува анахроните обиди и аргументи за разнебитување на македонскиот идентитет што речиси целосно се поклопуваат со рускиот наратив за Украинците, без разлика што тоа можеби нема да им се допаѓа на носителите на оваа политика во Софија.Бидејќи “пријателство” изградено на криви основи, едноставно нема да опстои. Бугарија има подобра преговарачка позиција бидејќи е земја членка, но токму затоа не смееме да престанеме да потсетуваме дека на наша страна се принципите, европските вредности и меѓународното право. И да се бориме за нив. И да бараме помош кај другите земји членки бидејќи се бориме и за образот на Унијата. А не да се навлекуваме на бугарските тези дека поведението им е прифатено и поддржано.Па ние ќе се срамиме и ќе се стегаме гласно да викнеме дека ни се газат основните права и достоинство? Или ќе направиме Радев да се срами кога вели дека ЕУ не смеела да го “легитимира македонизмот”?“, прашува Димитров.

Коментари | пред 3 години

Расколот болеше, сега раната е зацелена и се случи чудо, порача г.г. Стефан

Поглаварите на СПЦ и на МПЦ-ОА денеска во храмот „Свети Сава“ одржаа заедничката богослужба во присуство на владиците од двете цркви. Раната која более цели 55 години е излекувана порача Поглаварот на СПЦ патријархот Порфирије. Поглаварот на МПЦ-ОА г.г. Стефан изрази надеж дека деновиве ќе биде и радосната вест за афтокефалност на МПЦ-ОА.– Имамвме раскол кој траше 55 години, таа рана беше длабока и болеше. Легнуваме и станувавме со мислата како таа рана да се зацели. Рана на телото христво не може да бие излечена само со нашата сила и волја. Раната е зацелана и тоа е чудо божје. Разбравме дека раната е направена со нашите постапки и затоа се обравиме до бога и до сите светци за да го направат она што нам не ни одеше од рака. И се случи чудо неочекувано. Браќа, нашата радост денеска е неизмерна. Сега сме едно. Одзивот на сите верници од Србија и од Македонија е доказ дека срцето ни чука во христовиот ритам“ – порача по литургијата поглаварот на српската црква партјархот Прфирије.Архиепискотот г.г. Стефан рече дека дошлов време да завршат страдањата на православниот македонски народ и на Охридската Архиепископија.

Македонија | пред 3 години

Денеска сум порадосен отколку денот кога добив томос за автономија на ПОА, порача Вранишковски

Не знам кога радоста ми беше поголема – кога го примав томосот за автономија за Православната охридска архиепископија од раката на патријархот Павле или денеска кога се воспоставува целосно литургиско општење со сите архиереи на МПЦ-ОА. Ако треба да одбирам би дал предност на денешната радост бидејќи денеска се воспостави целосно евхаристичко единство со нашите браќа со кои не бевме.Вака рече Јован Вранишковски, поглавар на Православната охридска архиепископија (ПОА), во обраќањето на денешната заедничка литургија на СПЦ и МПЦ-ОА во храмот „Свети Сава“ во Белград.Тој повика да им се оддаде признание и почит на архиереите од МПЦ-ОА на чело со архиепископот Стефан кои, како што рече, ги издржаа неразумните и противцрковните притисоци на јавноста во РСМ.„Овој ден го создаде Господ за да се радуваме и веселиме во него. Единството на црквата не е дополнување на суштината на црквата, туку самата суштина на црквата. Не може да имаме две или повеќе цркви како што веруваат протестантите или две или повеќе литургии. Со денешната литургија се признаваат сите свети тајни и молитвословија кои се извршени во МПЦ-ОА за цело време додека таа не беше во единство со СПЦ, а преку неа и со сите православни цркви. Треба да се оддаде голема почит и признание на архиереите од МПЦ-ОА на чело со архиепископот Стефан кои ги издржаа неразумните и противцрковните притисоци на јавноста во РСМ“, рече Јован во обраќањето на српски јазик.

Македонија | пред 3 години

Бугарите велат дека сопругата на Ковачевски е Бугарка, тој даде свое објаснување

На службениот редакцискиот мејл на бугарски „Труд“ пристигнала копија од документ според кој Елена Ковачевска, сопругата на актуелниот македонски премиер Димитар Ковачевски, е Бугарка.Бугарскиот весник „Труд“ вчера го објави документот, и како што пишува, консултациите со лица кои детално го познаваат процесот на стекнување бугарско државјанство, покажале дека документот ги содржи сите потребни атрибути за да биде вистинит. Според неговата содржина, таткото и дедото на Елена Ковачевска – Митко Станојковски и Станојко Станојковски се Бугари родени во општина Босилеград, денес во Србија.Денеска се огласи и премиерот Ковачевски, кој вели дека неговата сопруга е родена во Крива Паланка и дека не може да коментира за прадедовци и чукундедовци.„Не знам зошто би било од интерес потеклото на мојата сопруга. Таткото на мојата сопруга е роден во Куманово, дедото на мојата сопруга е роден во Крива Паланка. Мојата сопруга е родена во Крива Паланка, јас сум роден во Куманово, нашите деца се родени во Скопје. Сите ние поседуваме лични документи на РСМ“, изјави премиерот на денешната прес-конференција.

Македонија | пред 3 години

(ВИДЕО) Се запалил воз близу Неготино

Пожар во локомотива на Македонски железници избувна вчера, кога возот, кој сообраќа на релацијата Скопје-Гевгелија, запре на станицата во тиквешкото село Кукуричани.Според полицијата, „на 17.05.2022 околу 18.42 часот во ОВР Неготино било пријавено дека на железничка станица Кукуричани настанал пожар во локомотива од патнички воз кој сообраќал на релација Скопје – Гевгелија“.Снимка од пожарот денеска се појави на ТикТок, а на неа се гледа како неколку луѓе се обидуваат со кофи со вода да ја изгаснат локомотивата, од која се извива густ чад.

Македонија | пред 3 години

Над сто возачи се казнети од полицијата во Скопје

Министерството за внатрешни работи во текот на вчерашниот ден (18.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 108 мерки, меѓу кои за возење повеќе од дозволената брзина пет санкции, 12 мерки за возење без возачка дозвола, пет санкции за прекршоци што ги прават возачите на мотоцикл.Изречени се шест мерки за користење на мобилен телефон, четири санкции за возење под дејство на алкохол, шест мерки за минување на затворен сигнал (црвено светло), пет санкции за недавање првенство на минување на пешаци, шест мерки за возач почетник...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, информира МВР.

Скопје | пред 3 години

Скоро ист број на оздравени и новозаразени лица од корона во Македонија

Почитувани,Согласно податоците од Институтот за јавно здравје, Министерството за здравство информира дека во последните 24 часа:Направени се 1.314 тестови, а регистрирани се 96 нови случаи на КОВИД-19: Скопје – 63, Битола – 15, Куманово, Кичево и Берово – по 3, Тетово и Охрид – по 2, Прилеп, Кавадарци, Велес, Штип и Свети Николе – по 1.Од вкупниот број на позитивни (83), регистрирани се 13 реинфекции.Регистрирани се 88 оздравени пациенти од: Скопје – 57, Битола – 8, Охрид и Ресен – по 3, Кичево, Кавадарци, Велес, Свети Николе, Кочани и Неготино – по 2, Куманово, Тетово, Гостивар, Крива Паланка и Демир Хисар – по 1.Во текот на изминатите 24 часа не се пријавени починати лица. Согласно Регистарот на умрени лица со дијагноза КОВИД-19 од Мој Термин дополнително не се регистрирани починати лица.Направени се 1.314 тестови преку: ИЈЗ-133, ЦЈЗ Скопје-63, ЦЈЗ Битола-42, ЦЈЗ Прилеп-19, ЦЈЗ Тетово-10, ЦЈЗ Куманово-19, Клиника за инфективни болести и фебрилни состојби-1, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–97, Жан Митрев (Филип Втори)-26, Авицена-41, Биотек-37, Систина-34, лабораторија Лаор-17, Синлаб-9, Ремедика-20, Плодност-8, Генеа-5, Никоб Лаб-64, ВФВ Медикал-14, Ели Медика Плус-18, Ројал Медика–4, Спектра-ММ-3, Рапид Лаб–1, Жан Митрев Струмица–1, Нова Лаб Дијагностика–4, Рамус-9, ЈЗУ и ПЗУ (рапид тест) – вкупно 615.Досега во земјата се направени вкупно 2.041.295 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 311.038, бројот на оздравени пациенти е 301.202, на починати е 9.293, а бројот на активни случаи изнесува 543.Дистрибуција по градови Заболени (вкупно), Активни случаи (вкупно)Скопје 146285, Активни 315Куманово 16663, Активни 13Битола 15576, Активни 70Прилеп 14194, Активни 17Тетово 13470, Активни 7Кавадарци 10672, Активни 16Велес 9783, Активни 2Гостивар 9603, Активни 9Охрид 8888, Активни 20Струмица 8071, Активни 2Штип 8044, Активни 11Кичево 5641, Активни 7Кочани 5087, Активни 6Струга 4724, Активни 5Гевгелија 4417, Активни 4Неготино 3687, Активни 2Ресен 2743, Активни 11Свети Николе 2629, Активни 3Радовиш 2530, Активни 1Крива Паланка 2415, Активни 0Делчево 1983, Активни 3Дебар 1675, Активни 1Берово 1674, Активни 13Валандово 1488, Активни 0Виница 1393, Активни 0Пробиштип 1267, Активни 0Богданци 1021, Активни 0Кратово 965, Активни 0Крушево 927, Активни 1Демир Хисар 836, Активни 2Македонски Брод 736, Активни 0Демир Капија 593, Активни 0Македонска Каменица 525, Активни 2Пехчево 486, Активни 0Дојран 347, Активни 0

Македонија | пред 3 години

Полицијата со апсења во Аеродром, Карпош, Гази Баба и Центар

На 17.05.2022 во 20.00 часот во угостителски објект на подрачје на Аеродром, полициски службеници од Единицата за интервентна полиција при СВР Скопје го лишиле од слобода А.И.(18) од Скопје затоа што кај него била пронајдена марихуана. По целосно документирање на случајот ќе биде поднесен соодветен поднесок.На 17.05.2022 во 19.10 часот на подрачје на Карпош, полициски службеници од Единицата за интервентна полиција при СВР Скопје го лишиле од слобода Д.С.(21) од Скопје затоа што кај него биле пронајдени марихуана и дробилка. По целосно документирање на случајот ќе биде поднесен соодветен поднесок.На 17.05.2022 во 22.30 часот на подрачје на Центар, полициски службеници од Единицата за интервентна полиција при СВР Скопје го лишиле од слобода М.Ѓ.(27) од Скопје затоа што кај него била пронајдена марихуана. По целосно документирање на случајот ќе биде поднесен соодветен поднесок.На 18.05.2022 во 00.50 часот на подрачје на Гази Баба, полициски службеници од Единицата за интервентна полиција при СВР Скопје го лишиле од слобода Д.Т.(25) од с.Муртино, струмичко, затоа што кај него била пронајдена марихуана. По целосно документирање на случајот ќе биде поднесен соодветен поднесок.

Скопје | пред 3 години

Претседателот Пендаровски до Вселенскиот Патријарх Вартоломеј: Не е сеедно дали единството ќе биде врз живата реалност или анахрони решенија

Претседателот Стево Пендаровски упати писмо до Неговата Сесветост Вартоломеј, Архиепископ Цариградски – Нов Рим и Вселенски Патријарх, по повод признавањето на каноничноста на нашата Црква од страна на Вселенската патријаршија.Во писмото претседателот Пендаровски оценува дека со примањето на нашата Црква во канонско единство и во евхаристиско општење е исправена историската неправда нанесена врз Црквата и нејзините верници. Претседателот Пендаровски изрази надеж и очекување за скорешно конечно решавање на административниот статус на Нашата црква преку доделување на Томос за автокефалност од страна на Вселенската патријаршија, истакнувајќи дека целосното заокружување на автокефалноста на Нашата црква е од врвен национален интерес, бидејќи отвора можност за нов и необременет духовен раст на Охридската Архиепископија и напредок и помирување во македонското општество.Во продолжение го проследуваме интегралниот текст од писмото на претседателот Пендаровски до Вселенскиот Патријарх Вартоломеј.Ваша Сесветост,Со големо задоволство ја примив веста за историската одлука од 9 мај 2022 година на Светиот и Севишен Синод на Вселенската Патријаршија. Примајќи ја нашата Црква во канонско единство и во евхаристиско општење, Вие ја исправате историската неправда нанесена врз Црквата и нејзините верници и ги исцелувате длабоките рани предизвикани од децениската изолација. Особено важно е што на нашата Црква и го признавате и нејзиниот историски континуитет со древната Охридска Архиепископија која низ вековите била прибежиште и извор на духовна сила и надеж за православните верници.Вашата Сесветост ужива голем углед и почит кај огромното мнозинство македонски граѓани, независно од нивната етничка, верска, политичка и генерациска припадност. Со овој праведен и мудар чекор вие ја оправдувате надежта на моите сограѓани од православна христијанска вероисповед дека токму Вселенската Патријаршија може да и помогне на нашата Црква конечно да го завземе своето вистинско место во православниот свет. И со тоа, да ги избришете вештачки создадените поделби и да го отворите просторот за градење на духовно единство на православните верници.Во овој клучен период, навремените одлуки на Вселенската Патријаршија можат решавачки да влијаат на духовниот идентитет на сегашните и идни генерации, а со тоа и на духовниот и општествен амбиент во Република Северна Македонија. Оттука, не е сеедно дали нашето единство со православниот свет ќе се темели врз живата реалност на нашата Црква, или врз анахрони решенија, наметнати од надвор кои се спротивни на волјата на бројните верници.Имајќи го предвид историското и канонско право на Вселенската Патријаршија, заедно со моите сограѓани од православна вероисповед искрено се надевам и го очекувам скорото конечно решавање на административниот статус на Нашата црква преку доделување на Томос за автокефалност од Ваша страна. Целосното заокружување на автокефалноста на Нашата црква е од врвен национален интерес за нас бидејќи отвора можност за нов и необременет духовен раст на Охридската Архиепископија и напредок и помирување во македонското општество.На крај, Ваша Сесветост, ја користам оваа прилика Вам и на Светиот и Севишен Синод на Вселенската Патријаршија да ви ги пренесам изразите на моето највисоко почитување

Македонија | пред 3 години

Има Бугари кои провоцираат за да Македонија биде виновник и остане блокирана, посочи Османи

Бујар Османи смета дека не треба да се наседнува на провокациите кои доаѓаат од Бугарија, прашан за изјава на бугарскиот претседател Румен Радев кој најави дека нема да дозволи легитимација на македонизмот во Европа, Османи рече дека од соседите има намера да и се наметне на Македонија да биде кај нас.„Јас мислам дека реков и во друга прилика, има чинители во Бугарија, не можам да го апострофирам претседателот Радев, не само што сакаат блокадата да продолжи, туку и вината пред светот да биде наша. Затоа има обиди за провокација и блокада. За да наседнеме и направиме грешки во последните недели од процесот. Ако не само ние, да бидеме изедначени како виновници, заедно. Досега С. Македонија нема од никого забелешки за овој процес. Мислам дека овие недели и денови е важно да не наседнеме на провокациите кои се со цел да бидеме виновни и блокирани“, додаде Османи.Промени во статусот за бугарска поддршка со цел Македонија да ги почне преговорите, засега нема. Османи додава: „Мислам дека и тие знаат дека тој процес не може да се врзе директно односно да се поврзе со уставни измени. Мислам дека има компромиси да се заврши тоа пред нашето членство. Мислам дека е добро решение, дека се свесни за тоа“„Се уште останува на констатацијата дека топката е кај Бугарија и дека таму треба да се консолидираат ставовите за тоа што понатаму. Ние кажавме што имавме и го формализираме во различни документи. Ние не работиме на нешто ново од тоа што досега го разговараме. Очекуваме Бугарија да има консолидиран став од Владата. За жал комуникација има, но конкретни разговори, се додека не го чуеме консодилираниот став на Бугарија – нема“, додаде Османи.

Македонија | пред 3 години

144 казнети возачи во Скопје, 19 возачи на мотоцикл

Министерството за внатрешни работи во текот на вчерашниот ден (17.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 144 мерки, меѓу кои за користење мобилен телефон 15 санкции, 19 санкции за прекршоци што ги прават возачите на мотоцикл, девет мерки за возење без возачка дозвола.Изречени се шест мерки за возење под дејство на алкохол, пет санкции за минување на затворен сигнал (црвено светло), шест мерки за непрописно престигнување и обиколување, четири санкции за непрописно престројување...Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 3 години

Почина скопски шоумен, пејач и угостител, Џамбазов прв се прости од него

На 57 годишна возраст, почина Сашо Пижевски - Пиже — познат скопски шоумен, пејач и угостител. Тажната вест на социјалните мрежи прв ја објави Игор Џамбазов. Тој се прости од Пиже преку социјалните мрежи.Пиже е роден е во скопско Дебар маало, каде го поминал своето детство, за потоа да се преселил во Влае, каде што и до денеска живееше. Тој е еден од главните творци на ноќниот и забавен живот во Скопје од крајот на 80-тите па со мали паузи сè до денес. Заедно со Горан Атанасов - Зеко и Игор Џамбазов бил основач и член на култната група Хавана Бенд, која била своевидна атракција на македонската естрада во раните 90-ти, позната по хитовите Шток ми бејби, Нема спас, Дај ми, жити се и др. По нејзиното распаѓање, се посветил на својот бизнис - угостителството и само повремено, како гостин, учествувал во неколку музички проекти.Во последно време актуелен беше со повторното обединување на Хавана Бенд и нивниот хит Балада за мајка ти и татко ти, плод на соработката со Александар Митевски и како сопственик на привлечниот кафе-бар Мајка ти и татко ти.Џамбазов, се прости од него.„Каде бе Пиже? Каде бе брате? Само пред пет дена пиевме кафе кај мене у маало. Ми збореше за Скјатос, а во очите ти светкаа тинејџерски искри на радост. Имаше повеќе живот во тебе од сите гости во бавчата. Ми рече: "Џамбаз, уште не и ме се дааме на копиљациве, така? Па шо бе, боље изглеаме од нив". Довидување, другар мој. И сликни едно селфи од горе. Ја ќе го објавам, ти шерни го. Тага. Збогум брате...“, напиша Џамбазов.

Скопје | пред 3 години

Се договрија наставниците со државата, откриен процентот на покачувањето

Министерот за образование и наука, Јетон Шаќири, вечерва информира дека заедно со СОНК ги прифатиле предлозите на медијаторот МТСП во однос на сите отворени теми и причините за штрајкот.-Повисоки плати во образованието ќе има, се договоривме за покачување на платите на сите вработени во образование од 15%, почнувајќи од септемвриската плата. Тоа е во согласно со буџетските можности. Нема да има кратење за времето кога се штрајкуваше. Најдовме целосно разбирање и ќе се исплатат целосни плати за април. Ги допрецизиравме работите и околу колективните договори, рече Шаќири после денешната средба со претседателот на СОНК, Јаким Неделков.

Македонија | пред 3 години

„Стани Таче, отиде државата у...“, , бура од реакции по тврдењето дека ДУИ копа криптовалути со државна струја

Не стивнуваат реакциите откако Зијадин Села откри дека во училишта раководени од директори на ДУИ се копале криптовалути. Тоа значи дека со струја плаќана од граѓаните, печалат приватници. Имајќи во предвид дека копањето криптовалути чини скапо и влече многу струја, ако ова е точно, тогаш штетата на буџетот треба да е голема.Во јавноста се вели:https://twitter.com/seirdotmk/status/1526444935750230017https://twitter.com/viksa_m/status/1525171915601633280https://twitter.com/apasiev/status/1526310466699534338https://twitter.com/Zmugalo/status/1526316355036889089https://twitter.com/SancoPansa5/status/1526322267411603461https://twitter.com/draskachev/status/1526455175921160192https://twitter.com/AntovSr/status/1526458674817925120https://twitter.com/Aldrigmin/status/1526461952381304833https://twitter.com/YNBfzQ9IW9LaJEx/status/1526334494046830596

Коментари | пред 3 години

„Во училишта раководени од ДУИ се копаат криптовалути“

Лидерот на Алијанса на Албанците, Зијадин Села во синоќешното гостување на ТВ 21 обвини дека се копаат криптовалути во училишта чии директори се поставени од ДУИ.-Имам информации дека во училишта кои се раководени од ДУИ се копаат криптовалути, каде е полицијата и што преземаат институциите?, праша Села.Тој додаде дека кога ќе има повеќе и конкретни информации и имиња, ќе излезе со детали за обвинувањето на прес-конференција.facebookShare on Facebook

Македонија | пред 3 години

127 казнети возачи во Скопје, 18 возачи на мотоцикл

Министерството за внатрешни работи во текот на вчерашниот ден (16.05.2022) продолжи со засилените акциски контроли во областа на сообраќајот.„На територија на град Скопје изречени се вкупно 127 мерки, меѓу кои за возење повеќе од дозволената брзина девет санкции, 18 санкции за прекршоци што ги прават возачите на мотоцикл, 16 мерки за возење без возачка дозвола.Изречени се пет мерки за користење на мобилен телефон, пет санкции за возач почетник, пет мерки за нерегистрирани возила... Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 3 години

ВМРО-ДПМНЕ закажа протест, одреди и датум

ВМРО-ДПМНЕ остана на барање за предвремени парламентарни избори. Тие закажаа протест на 18 јуни, карактеризирајќи го како неопходен. Според нив, само со обединување на граѓаните, ќе има подобар живот.„Се согласивме од неопходност за организирање на голем народен протест на 18 јуни. ИК одлучи да продолжи активната блокада во Собранието, а ја оставаме отворена вратата за дополнителни чекори. Остануваме со подадена рака за напатениот народ. Молкот не е опција, протест за промени и подобар живот. Основата причина за одлуката е отсуството на било каква подготвеност на премиерот за вообичаен политички дијалог со опозицијата“, рече Тимчо Муцунски.Тој додаде дека не се исклучува можноста за дополнителни чекори.

Македонија | пред 3 години

СПЦ ја врати МПЦ-ОА во автономија, со статус полош од Нишкиот договор: Што значи оваа одлука

Скандалозен крај во преговорите меѓу МПЦ-ОА и СПЦ. Соборот на СПЦ ја врати Македонската црква во автономен статус од 1959 година. Она што е скандалозно е што Соборот на СПЦ таквата одлука ја донел, како што вели по барање на Синодот на МПЦ-ОА, објави религија.мкШТО ПРАКТИЧНО ЗНАЧИ ОВАА ОДЛУКА НА СПЦ?Како и што се предвидуваше, СПЦ нема никаква намера да отстапи од епархиите во Македонија и ја враќа МПЦ-ОА како Автономна црква во СПЦ, без притоа да се знае кога и дали воопшто МПЦ-ОА ќе добие некогаш Автокефалност. Оваа одлука практично е многу полоша и од Нишкиот договор од 2002 година, бидејќи во нејзе пишува дека МПЦ-ОА се согласила дека за конечниот статус за автокефалност ќе мора да одлучува општ православен консензус. Со други зборови МПЦ-ОА сама се сгласува со поставување вето од која било црква.Во евентуално иден ваков развој на настаните МПЦ-ОА никогаш нема да дојде до автокефалност, а и некогаш да дојде нема да има никакво право на името Охридска Архиепископија, затоа што Бугарската црква со такво име нема да се согласи. Евентуално идно име на МПЦ-ОА би било Православна Црква на Северна Македонија.Оваа одлука е опасна затоа што, практично СПЦ ја замени ПОА со МПЦ-ОА. Тоа значи дека ПОА и Вранишковски во сите овие 20 години биле во право, а МПЦ на погрешната страна која предизвикувала расколи.Со оваа одлука Архиереите на Синодот на МПЦ-ОА стануваат дел од Соборот на СПЦ и ќе учествуваат во него.Она што е искулчително опасно во целата ситуација е што Соборот на СПЦ вели дека таа одлука ја носи по барање на Синодот на МПЦ-ОА. Владиците на македонската црква уште денеска се должни да објаснат кога, од кој, и како се согласил на автономија, кој го испратил писмото и зошто е тоа барање.? Зошто е фрлена во вода жртвата на генерации автокефалисти дадена за иднината на оваа црква.Како и што предвидуваше Религија, мк во одлуката СПЦ се обидува да игра на емотивната карта. Наводно дозволувајќи и на МПЦ-ОА да се именува како сака и како сака да комуницира со останатите цркви, со што сака да предизвика нови поделби и расколи во македонската јавност.Од оваа одлука, веќе нема дилема колку била важна одлуката на Вселнската патријаршија да го реши канонскиот статус на МПЦ-ОА пред оваа одлука.ШТО ПОНАТАКА?Оваа одлука на СПЦ има само една позитивен елемент, ако може да се толкува така. Тоа е што се согласува дека МПЦ-ОА веќе не е расколничка црква.МПЦ-ОА, на оваа оваа одлука треба да одговори токму во тој дух. Да се заблагодари што СПЦ препознала дека МПЦ-ОА е каноснка исправна црква и да посочи дека нејизниот канонски статус е решен со одлуката на Вселенската Патријаршија и дека МПЦ-ОА , во периодот до конечно решавање на автокефалниот статус, останува во организационата структура како и досега како автокефална црква. На литургиите прв ќе го споменува Вселенскиот патријарх, и потоа сите останати по редот од диптихот како и досега.

Македонија | пред 3 години

Дизелот поевтинува, бензините поскапуваат

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 0,09 % во однос на одлуката од 12.05.2022 година.Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалуваат за 1,00 ден/лит, додека малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.Малопродажната цена на Мазутот М-1 НС се намалува за 0,258 ден/кг и сега ќе изнесува 52,436 ден/кг.Од 17.5.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 92,00 (денари/литар)Моторен бензин ЕУРОСУПЕР БС - 98 94,00 (денари/литар)Дизел гориво ЕУРОДИЗЕЛ БС (Д-Е V) 86,00 (денари/литар)Масло за горење Екстра лесно 1 (ЕЛ-1) 84,00 (денари/литар)Мазут М-1 НС 52,436 (денари/килограм)Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,334 %, кај дизелот има намалување за 1,840%, кај екстра лесното масло намалувањето е за 1,559% и кај мазутот има намалување за 0,96%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,307%.Напоменуваме дека ова се максималните цени на нафтените деривати од 00:01 часот на 17.5.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Доаѓа тешка зима, ценовни шокови, ама и недостаток на енергенси

Премиерот Димитар Ковачевски смета дека ВМРО-ДПМНЕ постапува погрешно со блокадите на Собранието и најавите за блокади на улиците. Според него, цел свет живее во кризно време, а Владата во Македонија работи за ценовните шокови да се што помали. Најави дека доаѓа тежок период и побара пратениците од ВМРО-ДПМНЕ да престанат со блокадите.„Не очекува тешка зима. Владата работи ценовните шокови да бидат помали и да се обезбедат реагенси за непречено снабдување на домаќинствата и индустријата. Правиме ребаланс, Министерството за финансии намалува на трошоци кои не мора да бидат направени, за да има средства за поддршка на компаниите и најранливите категории на граѓани“, кажа Ковачевски.

Македонија | пред 3 години

Никој не остана поштеден, полицијата напиша скоро рекордни 600 казни за еден прекршок

Во текот на вчерашниот ден (15.05.2022) Министерството за внатрешни работи спроведе засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 598 возачи. Од нив 47 возила се движеле со брзина над 50 километри на час повеќе од дозволеното, а девет возила се движеле со дури над 70 километри на час повеќе од дозволената брзина. Притоа, 277 возачи ја пречекориле брзината во населено место, а 321 надвор од населено место.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија | пред 3 години

Апасиев открива каква агенда се спроведува во македонското Собрание од ДУИ

Пратеникот и лидер на Левица, Димитар Апасиев прашува дали ДУИ заедно со Талат Џафери спроведуваат антимакедонска агенда во македонското Собрание. Ова доаѓа откако Џафери на македонски јазик пцуеше собраниски службеници„Еден момент кој ни промакна, во случајот со пцостите и мобингот на спикерот ЏАФЕРИ кон собраниските стафери... Секогаш кога Џафери зборува со службеници-Албанци, им се обраќа на албански. Но, на снимката вреѓањето и понижувањето е на македонски јазик! Дали тоа значи дека силеџиите од ДУИ, во македонското собрание, спроведуваат антимакедонска агенда поддржана од претседателот, на омаловажување врз етничка и национална основа!?“, вели Апасиев.

Македонија | пред 3 години

Ковачевски е толку уплашен од Џафери што вчера мораше да гледа и фудбал со него, реагира ВМРО-ДПМНЕ

„Ако падне Талат Џафери паѓа владата, затоа Ковачевски прави будала од себе и не смее да го осуди дивеењето во собрание“, реагира ВМРО-ДПМНЕ.Тие додаваат:„Ковачевски е толку уплашен од Џафери што вчера мораше да гледа и фудбал со него, само за да покаже пред јавноста дека стои зад Џафери, и да го понесе срамот врз себе.До кога Ковачевски ќе продолжи да прави будала од себе за да не му излезе ДУИ од влада?Сите го слушнаа Талат Џафери како пцуе вработени во собранието и врши мобинг врз нив, само Ковачевски едвај чека јавноста да заборава на случајот, за да не мора да го осуди Џафери и да не му се налути ДУИ.Ковачевски само за да остане на власт е спремен да премолчи се, па дури и малтретирањето на вработените во собранието од страна на Џафери.Ковачевски е спремен на се, па дури и да се слика со примитивецот од Форино, додека цела јавност се згрозува, само да поседи уште некој ден во фотелјата во влада.Ковачевски е срам за државата исто колку и Џафери, затоа што за власт е спремен да жртвува десетина човечки судбини и да ги остави луѓето да бидат шиканирани од Џафери“.

Македонија | пред 3 години

На концерт во Скопје се уапсени пет лица!

Во текот на 14/15.05.2022 од страна на полициски службеници од Единицата за недозволена трговија при СВР Скопје, во содејство со полициски службеници од Единицата за интервентна полиција при СВР Скопје при контрола во објект на подрачјето на Центар, во кој се одржувал музички концерт, од слобода биле лишени пет лица.Притоа, кај Б.М.(45), А.С.(26), двајцата од Скопје и В.М.(27) од Р.Косово е пронајдена марихуана, кај Д.Н.(23) е пронајдена дробилка со марихуана, а кај М.А.(23) пронајдена е прашкаста материја.Лицата се приведени во полициска станица и по документирање на случајот против нив ќе биде поднесен поднесок по член 215 од Кривичниот законик.

Скопје | пред 3 години