ТОП

Уште од каде треба да ја вратат Арифи, за Ковачевски да престане да ја бламира државата, вели ВМРО-ДПМНЕ

Уште од каде треба да ја вратат Теута Арифи, за Ковачевски да престане да ја бламира државата со обидите да ја наметне по секоја цена, вели ВМРО-ДПМНЕ„Очигледно е дека ниту во Вашингтон, ниту во Анкара, ниту пак во Брисел сакаат за амбасадори лица кои на платен список имале над 800 лица кои фиктивно се воделе како вработени или вршители на разни дејности, само за да земат плата, а не доаѓале на работа.Никој не сака за амбасадор политичар кој договарал спорна бетонизација како таа на ШИК Јелак, со контроверзниот Миодраг Давидовиќ Дака.Ковачевски да не ја бламира државата, амбасадорските позиции, особено во држави наши стратешки партнери треба да бидат заземени од дипломати со долго искуство“, се вели во соопштението.

Македонија | пред 3 години

Мицкоски најави блокада, СДСМ му порача дека нема да дозволи

Лидерот на ВМРО-ДПМНЕ, Христијан Мицкоски, во денешното гостување во дневникот на ТВ Сител најави блокада на Собранието во обид да се издејствува одржување на предвремени парламентарни избори.„Македонија никогаш не била полоша. И во таква состојба, не треба да се гледаат тесните партиски интереси, туку да се подаде рака. Во услови на криза, треба да генерираме единство. Се чудам како премиерот пред само 100 дена се фалеше дека имал телефонски разговор со мене, за 100 дена подоцна се плаши да излезе на лидерска средба на која ќе разговараме за предвремени избори. Јас не се плашам да излезам на избори, тој бега од предвремени избори“, рече тој.СДСМ возвраќa дека нема да дозволи блокада на Собранието.„Деструктивноста на Христијан Мицкоски не познава граници, особено кога се во прашање неговиот личен и партискиот интерес. Во услови на криза кога на граѓаните им треба функционално Собрание кое ќе носи закони во интерес токму на најважните, граѓаните, Мицкоски решава да го блокира. Очигледно решил по деструкција и пакост да го надмине и неговиот шеф Груевски. Или токму ова е насоката на Груевски којашто ја спроведува“, вака возвраќаат од владејачката СДСМ на најавата на лидерот на ВМРО-ДПМНЕ, Христијан Мицкоски кој вечерва изјави дека после 10-ти мај ќе го блокираат Собранието.„Законот за Клинички центар, Законот за наставници и стручни сорабтници во основните и средните училишта, Законот за службата во Армијата се само дел од десетиците закони во интерес на граѓаните кои ВМРО-ДПМНЕ ги блокира во Собранието.Ништо друго и не се очекуваше од Мицкоски и ВМРО-ДПМНЕ, тие продолжуваат во ист стил, со иста цел - блокада на државата.Мицкоски не го блокира ниту СДСМ ниту Владата, туку на тој начин ги блокира решенијата за подобар живот на граѓаните“, се наведува во соопштението на СДСМ испратено вечерва до медиумите.Оттаму додаваат дека остануваат отворени, како што велат, за сите добронамерни конструктивни предлози, но ги осудува сите обиди за блокади и вештачки кризи заради лични и партиски интереси, во време кога се води секојдневна борба против последиците од кризита и за заштита на стандардот на граѓаните.„СДСМ е одговорна партија и по секоја цена со сите, разумни општествени партнери ќе ги надмине блокадите на Мицкоски и криминалната ВМРО-ДПМНЕ“, се додава во реакцијата на СДСМ.

Македонија | пред 3 години

Османи со сите сили ја брани Теута и ја претстави како жртва

Mинистерот за надворешни работи, Бујар Османи, тврди дека никогаш немало предлог поранешната градоначалничка Тута Арифи да биде амбасадор во Анкара.„Никогаш немало предлог за Теута Арифи да биде амбасадор во Анкара. Вчера беа објавувани информации без да се бара став од МНР. Немало размислување, предлог, ниту одбивање. Ниту предлог во Вашингтон. Немало формализиран предлог за во Брисел, имало само размислувања. Три дена се споменува име, места, дека се одбиени агремани, и покрај тоа што пуштивме соопштение, за второто не бев прашан, така да, да внимаваме, во однос на споменување на имиња. Јас не можам да коментирам имиња, но бидејќи беше спомената Арифи, да кажам дека немало таков предлог“, рече Османи.Тој посочи дека кога влегле во политиката, како политичари, биле свесни дека ќе бидат жртви на лажни вести.„Ве замолувам да внимаваме, затоа сум толку транспаретен, ние работиме со луѓе. Важно е кога луѓето ги ставаме на тапет без проверени информации“, кажа Османи.

Македонија | пред 3 години

Се укинуваат сите мерки за коронавирус

Минитерството за здравство ја информира јавноста дека се укинуваат сите рестриктивни мерки за справување со Ковид-19. Исклучок се единствено аптеките, домовите за стари лица, здравствените институции и јавниот превоз, каде заштитните маски и понатаму ќе бидат задолжителни.

пред 3 години

Двоцифрен број заразени и двајца починати од корона

Согласно податоците од Институтот за јавно здравје, Министерството за здравство информира дека во последните 24 часа:Направени се 773 тестови, а регистриран е 21 нов случај на КОВИД-19: Скопје – 9, Битола – 5, Кавадарци и Охрид – по 2, Штип, Кичево и Делчево – по 1.Од вкупниот број на позитивни (21), регистрирани се 5 реинфекции.Регистриран e 71 оздравен пациент од: Битола – 21, Скопје – 16, Кавадарци и Охрид - по 7, Кичево – 5, Прилеп и Берово – по 4, Куманово – 2, Штип, Кочани, Неготино, Ресен и Демир капија – по 1.Во текот на изминатите 24 часа не се пријавени починати лица.Согласно Регистарот на умрени лица со дијагноза КОВИД-19 од Мој Термин дополнително регистрирани се 2 починати лица од Скопје (66г) и Штип (80г). Лицата се починати во домашни услови. Лицата за починати се регистрирани во период од 29.04.-01.05.2022 година.Направени се 773 тестови преку: ИЈЗ-87, ЦЈЗ Скопје-0, ЦЈЗ Битола-0, ЦЈЗ Прилеп-0, ЦЈЗ Тетово-0, ЦЈЗ Куманово-4, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–0, Жан Митрев (Филип Втори)-28, Авицена-22, Биотек-26, Систина-20, лабораторија Лаор-23, Синлаб-0, Ремедика-0, Плодност-12, Генеа-0, Никоб Лаб-114, ВФВ Медикал-24, Ели Медика Плус-3, Ројал Медика–0, Спектра-ММ-0, Рапид Лаб–5, Жан Митрев Струмица–4, Нова Лаб Дијагностика–0, Рамус-0, ЈЗУ и ПЗУ (рапид тест) – вкупно 400.Досега во земјата се направени вкупно 2.023.422 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 309.790, бројот на оздравени пациенти е 299.936, на починати е 9.282, а бројот на активни случаи изнесува 572.Дистрибуција по градови Заболени (вкупно), Активни случаи (вкупно)Скопје 145626, Активни 280Куманово 16632, Активни 6Битола 15372, Активни 130Прилеп 14150, Активни 24Тетово 13449, Активни 8Кавадарци 10641, Активни 17Велес 9762, Активни 6Гостивар 9579, Активни 6Охрид 8845, Активни 17Струмица 8056, Активни 8Штип 8029, Активни 17Кичево 5622, Активни 12Кочани 5074, Активни 2Струга 4716, Активни 2Гевгелија 4401, Активни 3Неготино 3678, Активни 2Ресен 2718, Активни 5Свети Николе 2626, Активни 2Радовиш 2528, Активни 0Крива Паланка 2413, Активни 0Делчево 1976, Активни 6Дебар 1673, Активни 0Берово 1658, Активни 11Валандово 1485, Активни 0Виница 1391, Активни 3Пробиштип 1266, Активни 1Богданци 1019, Активни 0Кратово 965, Активни 2Крушево 926, Активни 0Демир Хисар 830, Активни 2Македонски Брод 736, Активни 0Демир Капија 593, Активни 0Македонска Каменица 523, Активни 0Пехчево 486, Активни 0Дојран 346, Активни 0

пред 3 години

Ново зголемување на горивата

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 1,73 % во однос на одлуката од 28.04.2022 година.Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,00 ден/лит, додека малопродажната цена на ЕУРОДИЗЕЛ (Д-Е V) се зголемува за 1,50 ден/лит.Малопродажната цена на Екстра лесното масло за домаќинство (ЕЛ-1) се зголемува за 1,00 ден/лит.Малопродажната цена на Мазутот М-1 НС се зголемува за 0,510 ден/кг и сега ќе изнесува 52,294 ден/кг.Од 4.5.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 86,00 (денари/литар)Моторен бензин ЕУРОСУПЕР БС - 98 88,00 (денари/литар)Дизел гориво ЕУРОДИЗЕЛ БС (Д-Е V) 87,00 (денари/литар)Масло за горење Екстра лесно 1 (ЕЛ-1) 85,00 (денари/литар)Мазут М-1 НС 52,294 (денари/килограм)Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 2,350 %, кај дизелот за 2,503%, кај екстра лесното масло за 2,674% и кај мазутот намалување е за 0,222%.Курсот на денарот во однос на доларот во изминатиот период по кој беа формирани цените со претходната пресметка е повисок за 1,225%.Напоменуваме дека ова се максималните цени на нафтените деривати од 00:01 часот на 4.5.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Судар меѓу два автобуси, еден со патници: Се прави увид

Дежурен јавен обвинител од Основното јавно обвинителство Прилеп, заедно со полициски увидни екипи, утрово извршија увид во населбата Точила каде се случи сообраќајна незгода меѓу 2 автобуса.Според првичните сознанија, во едниот автобус освен возачот немало други патници, додека во другиот се превезувале 20-тина работници кои се пожалиле на полесни повреди.Дежурниот јавен обвинител издаде наредби за фотографирање и скицирање, како и за прибирање на траги од лице место, по што ќе биде издадена наредба за нивно вештачење. Исто така, издадена е наредба да се извршат разговори со сите патници со цел да се утврдат причините за несреќата.​​

Македонија | пред 3 години

Македонија е на 57-мо место на листата за слобода во медиумите

Северна Македонија е на 57-мо место на листата од 180 земји според Индексот на слобода на медиумите на Репортери без граници за 2022 година, што е скок од 33 позиции во однос на лани кога беше рангирана на 90. место.Во Извештајот за државава се наведува дека иако новинарите не работат во непријателска атмосфера, распространетите дезинформации и недостигот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади.– Иако телевизијата е доминантен извор на информации, онлајн медиумите играат важна улога. Сепак, мора да се направи разлика помеѓу професионални онлајн редакции кои вработуваат професионални новинари и објавуваат оригинална содржина, и поединечни портали кои објавуваат плагијат и прават копи-пејст на таквата содржина. Исто така, постои голем јаз помеѓу употребата и довербата: најгледаните ТВ станици имаат низок индекс на доверливост, стои во Извештајот во однос на медиумскиот пејзаж.Во однос на политичкиот контекст се наведува дека „целокупната средина останува поволна за слободата на печатот и дозволува критичко известување, иако транспарентноста на институциите е прилично слаба. Поради силната политичка поларизација, медиумите можат да бидат подложени на притисок од страна на властите, политичарите и бизнисмените”.– Двете најголеми партии (на власт и во опозиција) создадоа паралелни медиумски системи врз кои го вршат своето политичко и економско влијание. Јавниот радиодифузен сервис нема уредувачка и финансиска независност, стои во Извештајот.Во однос на правната рамка се наведува дека додека Уставот ја гарантира слободата на говорот и забранува цензура, земјата заостанува во однос на усогласувањето на законодавството за медиумите со стандардите на Европската Унија, на која има намера да се приклучи.– Судската злоупотреба на Законот за граѓанска одговорност за клевета поттикнува самоцензура во медиумите. Тужбите се користат како алатка за заплашување и притисок врз независните медиуми. Етичката рамка е составена од Кодекс на однесување и медиумски саморегулатор што и двете поттикнуваат добри новинарски практики, иако имплементацијата е слаба, стои во Извештајот.За економскиот контекст се вели дека „иако одредени видови медиумска концентрација се забранети со закон, редакцијата на некои од главните ТВ канали е изложена на економски притисоци од нивните сопственици. Државното финансирање е ограничено и нетранспарентно, а независните медиуми во голема мера се потпираат на донаторите. Странските грантови засновани на проекти придонесуваат само за опстанок, но не и за понатамошен развој. Постои влијание меѓу маркетиншките агенции и одредени медиумски куќи”.Во однос на социокулурниот концепт се наведува дека иако не постојат јасни ограничувања во социјалната и културната средина кои влијаат на слободното новинарство, социјалните мрежи и дигиталната сфера генерално го фаворизираат ширењето на дезинформации и сајбер-закани.– Во комбинација со ниските професионални стандарди, тие придонесуваат за опаѓање на довербата на јавноста во медиумите и го отвораат патот за напади врз новинари врз основа на полови, етнички или верски критериуми, стои во Извештајот.

Македонија | пред 3 години

„Влегле во Собрание и се осудени на драконски казни, другите убавле демек за права и никому ништо“

Коментар објавен јавно од Дарија Андоновска стана вирален на социјалните мрежи. Тој доаѓа како споредба на осудните за „27 април“ и борците на т.н. ОНА односно УЧК. За Македонија, вели дека е вандализирана и расчеречена.„Едните, оти влегле во собрание, се судени за терористичко загрозување и осудени на страшни, драконски казни. Другите масакрирале, дигале во воздух, палеле (па и живи луѓе), киднапирале, малтретирале, убивале демек во името на човекови права. Е, после влегле во собрание. Никому ништо. Никој никогаш не ги судел.Денес и огромен споменик подигнаа за декларирана терористичка и сепаратистичка организација, со огромно знаме од друга држава, незаконски. Сите спомен плочи за бранителите на Македонија се редовно вандализирани, а шеснаесеткракото сонце се шмиргла. Македонија е вандализирана. Расчеречена. Однатре и однадвор. Со децении. Од наши и ваши. Ова е само мала забелешка, да ми пројде маката, малку од малку...“, е јавниот коментар на Дарија Андоновска.

Коментари | пред 3 години

Ахмети да го објасни бенефитот за граѓаните на Липково од споменикот, вели ВМРО-ДПМНЕ

Добро е ДУИ да каже дали овој нејзин проект е од зелената агенда, или пак од онаа стандардната, кога треба да се краде, да се дефокусира вниманието со политички теми за ширење на национализам, вели ВМРО-ДПМНЕ„Добро би било да го објасни Ахмети бенефитот за граѓаните на Липково од споменикот, со оглед на тоа што тамошните жители се иселија во отсуство и бесконечно чекање на инвестиции.Липково чекаше фабрика, а доби уште едно замајување, споменик и лага на ДУИ.Секако ваквите теми и потези предизвикуваат фрустрација на останатите граѓани, и во таков еден случај кога ќе има други чекори, кога некое друго спомен обележје ќе изникне, ДУИ и СДСМ не треба да глумат изненадена страна.Жално е што Ковачевски и СДСМ останаа неми за активностите на нивниот коалициски партнер.СДСМ и Димитар Ковачевски како по обичај кога се случуваат вакви нешта се прават недоветни, на тој начин со нечинење придонесувајќи натамошно да се разградат кревките мостови на соживот во земјата“, се вели во соопштението.

Македонија | пред 3 години

Ахмети: Да потсетиме дека без УЧК оваа земја нема историја и иднина

Првиот човек на ДУИ, Али Ахмети денеска од Слупчане, по повод отворањето на спомен-кулата во чест на војниците на УЧК рече дека овој споменик ги обединува народите од Македонија, пренесува ТВ21.Ахмети истакна дека УЧК е составен дел од историјата на Македонија, преку која е постигнат Охридскиот договор, кој потоа доведе до Договорот од Преспа, кој го обезбеди членството на земјата во НАТО.-Овој споменик не не дели, овој споменик не обединува. УЧК е дел од нераскинливата историја на оваа земја. Не може да има историја оваа земја без УЧК, не може да има иднина оваа земја без најголемото достигнување.Да потсетиме дека без УЧК оваа земја нема историја и иднина. Иднината на државата е обележана токму со овие три златни букви и генеза од 2001 година. Дури и Охридскиот мировен договор е резултат на оваа армија, како и идниот договор од Преспа кој не направи членки на НАТО. Вечноста е во делото на војниците на слободата, во благословот на нашите мајки, во маченичките маченици и во посветувањето на татковината, изјави меѓудругото Ахмети.0

Македонија | пред 3 години

Километарска колона: Тешка сообраќајка на патот Охрид-Кичево, едно возило излетано

Сообраќајка го блокираше патот од Охрид односно Дебрца до Кичево. Километарска колона веќе еден час стои во место, односно споро се движи. Бројни викендаши не можат да стигнат до Скопје и попатните градови.Сообраќајката се случила на местото викано Пресека.Според првичните информации, сударот е меѓу две возила. Нема информации од МВР за тоа дали има повредени.Инаку, за време на продолжениот викенд, Охрид беше полн.

Охрид | пред 3 години

Денеска е Рамазан Бајрам, како се слави?

За Рамазан се вели дека е Султанот на 11-те месеци. Верниците во текот на цел еден месец не јадеа и не пиеја ништо од изгрејсонце до зајдисонце. Се чуваа да не направат било каков грев, а сега со завршувањето на постите го слават Рамазан бајрам. Насекаде таму каде што живее Муслиманот низ целиот свет се слави Рамазан бајрам.Бајрамот првин се слави во домот. Мажите во раните утрински часови итаат на првиот бајрамски намаз, а жените кои исто така стануваат рано и ги подготвуваат мажите за во џамија ги будат децата, ги облекуваат во најубавата и нова облека и заедно ги чекаат машките членови од семејството да се вратат од џамија. Кога сето семејство ќе се собере дома, почнува меѓусебното честитање на бајрамот. Пред тоа мажите кои биле на бајрам намазот на излегување од џамија си честитаат бајрам едни на други и си посакуваат уште многу години заеднички и среќен живот.После честитањето во кругот на семејството се оди на честитање на постарите роднини и пријатели ако живеат во истиот град или село, а ако не, честитките се реализираат преку телефон или другите видови на комуникација, а денес веќе и преку раширената појава на социјалните мрежи на интернет.Децата добиваат подароци и пари како од повозрасните членови на семејството така и од гостите, роднините и пријателите кои доаѓаат или кај кои се оди на честитање.Бајрамскиот ручек е богат со разни видови јадења и секако со традиционалната баклава.Бајрамските празнични денови поминуваат во весела и срдечна атмосфера, со чувството на гордост и среќа поради припадноста на муслиманската вера. Бајрамот е исто така време на помирување на скараните на љубење рака на постарите и на делење подароци и пари на децата.Постарите на бајрам секогаш копнеат по младоста велејќи “ ех, каде се старите денови кога се славеше бајрам“. Најмногу се радуваат децата бидејќи добиваат голем број подароци, но и нова облека, нови кондури, понекогаш велосипеди и играчки. Децата исто така добиваат чоколади и бонбони кога и да заѕвонат на ѕвоното на кој било дом.RAMAZANБајрамот се слави со големи прослави во целиот муслимански свет. Почнувајќи од далечната Кина во регионите каде што живеат муслиманите Ујгури, па преку азиските земји, Индонезија, до земјите на Блискиот исток, Палестина, африканските земји и земјите на Балканот, дури и до Европа, насекаде каде што се распространети Муслиманите, било во заедници или поединечно.Бајрамот е исто така повод да се истакнува солидарност со Муслиманите кои трпат маки, кои што живеат во услови на војна и кои што се потчинети. Се испраќаат пораки полни со солидарност, изрази на морална помош и пораки за што поскоро поминување на мачните и тешките денови.Бајрамот е исто така повод за да се потсети на сиромашните, децата без родители и осамените. Малите садаки кои ќе се приложат на нивна адреса можат да предизвикаат голема среќа кај овие луѓе.Тоа е должност на секој Муслиман во Бајрам.

Македонија | пред 3 години

ФОТО: Несфатлива сообраќајка во скопски трговски

Два автомобили со скопски регистерски таблички денеска се судрија на паркингот во трговскиот и забавен центар East Gate Mall во Скопје.Според фотографијата споделена на социјалната мрежа Твитер, автомобили марка „Волксваген Поло“ и „Хјундаи Елантра“ се видно оштетени, а повеќе детали како дошло до судирот при попупразен мол засега не се познати.Засега нема информации дали при инцидентот има можеби и повредени лица или пак станува збор само за материјална штета на автомобилите.

Скопје | пред 3 години

Скопје: Уапсени 14 лица, највозарсниот има 29 години, сите поради дрога

Ноќта на 30.04./01.05.2022 од страна на полициски службеници од Единицата за недозволена трговија при СВР Скопје во содејство со Единицата за интервентна полиција при СВР Скопје извршени се контроли во угостителски објекти на подрачјето на Скопје, при што се лишени од слобода се 14 лица, поради основано сомнение за „неовластено производство и пуштање во промет на наркотични дроги, психотропни супстанци и прекурсори“. Притоа, кај А.Г.(21), С.Н.(24), С.Д.П.(25), А.З.(24), Х.Ј.(18), М.К.(23), А.Н.(28) била пронајдена марихуана, додека кај С.С.(18), С.В.(33), И.Т.(25), М.К.(29), Л.Н.(19) и К.М.(29) била пронајдена бела прашкаста материја, а кај Т.Б.(22) грутчеста материја, инаку сите од Скопје. Лицата се приведени во полициска станица и против нив ќе биде поднесена пријава по член 215 од Кривичниот законик.

Скопје | пред 3 години

И Турција не ја прифаќа Арифи за амбасадор

Поранешната градоначалничка на Тетово, Теута Арифи, изгледа дека нема да може да се вклучи во македонската дипломатија. По Вашингтон и Брисел, и официјална Анкара одбила таа да биде амбасадор на Македонија во Турција, дознава весникот „Коха“.Извори на „Коха“ тврдат дека по одбивањето на Вашингтон и Брисел, Владата и Министерството за надворешни работи се обиделе да ја испратат Арифи во Анкара, Турција. Сепак, официјалната реакција на Република Турција била брза и агреманите нема да бидат одобрени, се вели во Текстот. 

Македонија | пред 3 години

„Ви сметаа спомениците на Александар и Ќосето, сега одете летнете на двоглавиот орел на УЧК“, лавина реакции за споменикот во Слупчане

И споменикот на УЧК вреден 200 илјади евра наиде на лавина реакции од страна на јавноста. Критиките се во насока дека градењето на таков споменик е удар врз македонските борци во 2001 година. Надлежните институции кренаа раце, никој не издал дозвола. Велат дека одлучувала општина Липково.„Фронтот кај Слупчане го браневме со бугарските тенкови што ги стопи Бучко како старо железо“, се вели во првиот коментар.https://twitter.com/osmini_/status/1519628555906424833„Па зошто во Слупчане? Спомеников на УЧК треба да се стави во паркот Жена Борец веднаш до Градски ѕид а на платото да им и групна склуптура на Грчев, Тричковски и Ориѓански како се саблазнуваат со дилдо со ингравиран двоглав орел“, се додава во нов коментар.https://twitter.com/boni99943/status/1519642889495719936„Споменикот во Слупчане да не е донација од граѓаните кои не плаќаат данок и струја?“, прашува твитерџија.https://twitter.com/KashlicOfficial/status/1519686481388122113„Споменикот у слупчане е мост за збратимување на народите на нашата земја“, коментира друг.https://twitter.com/Becka_skola/status/1519684915423555585„Сега коа ќе нагрнат туристи у слупчане“, се вели во еден од коментарите.https://twitter.com/Becka_skola/status/1520096104872054784„Каде за 2ри мај? Па тоа е лесно на отварање на споменикот на ОНА во Слупчане“, пишува Безценна.https://twitter.com/DeboraSkunk/status/1520428379220160514„Споменикот во Слупчане уште еднаш покажа на дело, дека ДУИ е навистина, вистинска, „ЗЕЛЕНА ПАРТИЈА“...“, пишува во еден од коментарите на темата.https://twitter.com/ZoranJovanoski3/status/1520452880548909064„Спомен кула на УЧК... 20м, 200к евра. Немам зборој поќе за ова држава“, пишува твитерџија со прекар Ержебет Батори.https://twitter.com/erzebet_batori/status/1520405986703466502„Ви сметаа спомениците на Александар и Ќосето, сега одете летнете на двоглавиот орел на УЧК“, пишува твитерџијата со прекар Недопирливата.https://twitter.com/Nedopirliva1/status/1520450306164858880„Дали доколку Македонија во 2001 имаше паравојска која е обвинувана за злодела врз Албанците и за радикална идеологија, но успеала да го одбрани Тетово или Дебар од УЧК, за вас денеска ќе беа херои?“, пишува во друг коментар.https://twitter.com/avalsiniarku/status/1520458413846806531„Си изградиле кула во Слупчане за борците од УЧК без никој да знае и се тоа е нормално во оваа вукојебина бе“, се коментира на „Твитер“.https://twitter.com/djamadanceto/status/1520458815833059329

Коментари | пред 3 години

„Кога судиите и обвинителите дозволуваат богаташите да се спогодат, покажуваат дека криминалот во Македонија не е забранет“, вели Богоевски

Павле Богоевски на социјалните мрежи објави статус во кој вели дека кога обвинителите и судиите им дозволуваат на богаташите да се спогодат, покажуваат дека криминалот во Македонија не е забранет.„Кога обвинителите и судиите им дозволуваат на богаташите како Орце да се 'спогодат' со правдата за определена цена, покажуваат две работи:1. Дека не се сигурни дека случајот можат да го докажат во редовната постапка; и2. Дека криминалот во Македонија не е забранет, туку е комодитет кој најбогатите можат да си го дозволат за одредена цена и без никакви дополнителни последици.п.с. Конфискацијата на имотот треба да оди дополнително со, а не наместо главната казна затвор“, вели Богоевски.

Коментари | пред 3 години

„Поради изложеноста на хемикалии, вработени во фабрика се заболени со карцином, но немаме регистар за да го докажеме тоа“, вели Ампева

Кристина Ампева од НВО „Гласен Текстилец” вели дека до сега околу 1.000 текстилни работници кои кај нив пријавиле дека им е исплатена плата под минималната.„Според пријавите кои ги имаме до сега, околу 1000 работници, од текстилни компании, има исплати под минималец, има исплати на минимална плата, без вклучени додатоци кои што се за минат труд за прекувремена работа, или работа за празник. Има голем дел од фирммите кои ги сметаат работниците за вистински капитал. Додека има некои фирми кои го заобиколуваат законот, што институциите на државата ги дозволиле како менување на фирми, неисплаќање на три плати на работниците, пуштање по 2 денари плата, а потоа се жалат дека немаат работници“, вели Ампева.Таа додава дека постои фабрика каде се појавуваат белодробни заболувања и карциноми поради изложеноста на хемикалии, но поради тоа што не постои регистар на професионални заболувања, тие тоа не можат да го докажат.„Земавме податоци од систематски прегледи од 6447 текстилни работници, и направено е теренско анкетно истражување со текстилни работници, и детектирани се проблеми со видот, проблеми со слухот, анемија, зголемен крвен притисок, проблеми со срце, крвни садови, респиратеорни болести и карциноми. Како главни проблеми и фактори се прашината, хемикалиите, бучавата и начинот на кој се работи. Ние немаме регистар на професионални заболувања. Знам една фабрика каде што се појавуваат белодробни заболувања и карциноми на горен и долен респираторен систем и ние неможеме да докажеме дека тоа е поради изложеноста на хемикалии во конкретната фабрика. Тоа е така оти немаме регистар. А имаме 9 или 10 случаеви на вработени кои имаат карциноми“, додава таа.

Македонија | пред 3 години

Изграден споменик посветен на борците на УЧК во Слупчане

Споменик вреден 200.000 евра и висок над 20 метри, во понеделник, на 2 мај ќе биде свечено откриен во кумановското село Слупчане.Споменикот ќе биде посветен на борците на УЧК.Свеченото откривање на споменикот преку Фејсбук го најави градоначалникот на Општина Липково, Еркан Арифи, од ДУИ.„За тоа што мачениците го дадоа за нашата слобода, ние ја поставивме Спомен кулата за да го одбележиме нивното херојско дело за цел живот“, напиша Арифи.

Македонија | пред 3 години

Теута не го помина филтерот на ЕУ

Предлогот за амбасадор во Европската Унија, во Брисел, да биде испратена Теута Арифи, кадар на ДУИ, не го поминала филтерот на ЕУ.Информацијата ја oбјави МКД.мк повикувајќи се на доверливи дипломатски извори.Претходно, Алијанса за Албанците беше против обидите Арифи да биде испратена како амбасадорка, бидејќи сметаат дека на тој начин ДУИ сака да ја заштити со дипломатски имунитет поранешната градоначалничка на Тетово од кривичните постапки кои се водат против неа. Токму поради тоа на почетокот од месецов Алијанса за Албанците ја повика ЕУ да ја одбие акредитацијата на Арифи за амбасадор.Таа претходно беше градоначалник и раководеше со Општина Тетово.

Македонија | пред 3 години

ВМРО-ДПМНЕ нема да дозволи промена на Уставот и внес на Бугарите без писмени гаранции за македонскиот јазик, народ и историја

 ВМРО-ДПМНЕ никогаш нема да прифати и дозволи во рамки на преговорите со Бугарија да се отвори македонскиот Устав со цел промена на преамбулата, без претходни писмени гаранции за нашата историја, за нашиот македонски јазик, без вештачки фусноти, за нашата посебност и културна различност.„ВМРО-ДПМНЕ никогаш нема да се согласи на исполнување на барањата во Бугарската декларација, затоа што тоа ќе значи негација на македонскиот јазик, историја и народ. Тоа е став не само на ВМРО-ДПМНЕ, туку и на мнозинството македонски граѓани.Не може Ковачевски воден од желбата да му удоволи на Петков да прави есап спротивно на државните интереси и интересите на народот во Македонија“, се вели во соопштението.

Македонија | пред 3 години

Боки 13 за кредитот на Камчев: Русковска да не е кокредитобарател, освен што му е жирант и гарант?

Дали јавноста ќе биде позадоволна ако добијат 5 или 10 години казна затвор и државата да не може да ги наплати парите или да поминат со помали казни а државата да ги наплати парите. Јас мислам дека поважно на државата ќе и биде да ги наплати парите, а да има помали казни“ изјави вечерва Русковска во нејзиниот обид да ја оправда КРИМИНАЛНАТА СПОГОДБА СО КАМЧЕВ, вели Бојан Јовановски во својата објава на социјалните мрежи.„Тоа е онаа истата Русковска која без ниеден доказ за случајот Рекет и Меѓународен сојуз бараше максимални казни затвор !!!!Се извинувам, имам прашење кое ме мачи, дали Русковска со погоре цитираната несреќна изјава е сеуште обвинител или од вечерва и официјално е адвокат на Камчев?Вечерва Русковска така насмеана и среќна ни кажа дека нејзиниот властодавател Камчев подигнал кредит, па да прашам покрај тоа што е негов жирант и гарант да не е случајно и кокредитобарател и кој од нив ќе ги плаќа ратите за кредитот???Ратите за тој милионски "кредит" однапред ги имаат платено граѓаните на оваа држава, е така да си знаете!!!Денеска на виделина излезе пактот на Камчев со Русковска и останатите "заинтересирани"Меѓудругото, вечерва Русковска призна како е Рашковски пуштен од притвор да се брани на слобода.... па чисто да ја потсетам на член 353 од КЗ !!!Ова не беше историска спогодба, ова е историски државен и правосуден срам !!!До конечна правда!!!Рекет е паднат“, вели Јовановски.

Коментари | пред 3 години

Синот и адвокат на Катица Јанева по спогодбата за “Империја”: Од денеска нема да ја бараме Луј Витон чантата!

Злосторничко здружување од член 394 ст.1 од КЗ - (казна затвор 1-5 години), вели синот на поранешната специјална јавна обвинителка Катица Јанева, Лазар Јанев„Продолжено кривично дело Оштетување или повластување на доверители од член 257 ст.3 вв ст 2 од КЗ (казна затвор од 1-10 години)Продолжено кривично дело Злоупотреба на службена положба и овластување од член 353 ст.4 вв ст.3 и ст.1 од КЗ (казна затвор од 1 -10 години)Измама од член 247 ст.4 вв ст.1 од КЗ (казна затвор 1-10 години)Продолжено кривично дело Перење пари и други приноси од казниво дело од член 273 ст 5 од КЗ (најмалку 5 години затвор)Овие се кривичните дела кои му се ставаат на товар на најголемиот плаќач на даноци!Овие се кривичните дела за кои се склучена (прифатена/одобрена) спогодба за казна затвор од 1 година!Да не се замајува јавноста со 5 милиони евра! Биле платени пред спогодбата! Па знаеме дека се платени пред спогодбата. Еве од денеска нема да ја бараме чантата Луи Витон!Биле легални 5-тте милиони евра, за нив бил земен кредит! Не се проблем парите уплатени во буџетот па да прашуваме дали се од кредит. Проблем е како и од каде ќе биде вратен овој кредит! Кое е покритието на овие средства и да не случајно му текне на некој да го опрости кредитот..На која ли „гарнитура“ се потпирале обвинителиве !?!„Во наше време“ ние најпрво ги дознавме одлуките од медиумите, овдека ручекот ќе загорел од средата а никој не дознал и не бил известен“, додава тој.

Коментари | пред 3 години

„Кога Албанците зборат само македонски тие се каури и предавници, а премиерот Албанец на Црна Гора е патриот иако зборува само на црногорски“

Умејр Муамеди кој е правник од Скопје, го искоментира величењето на Дритан Абазовиќ кој е нов премиер на Црна Гора. Тој вели дека Абазовиќ го користи исклучивло црногорскот јазик во своите излагања и е херој за Албанците во Македонија. Истовремено, посочува на апсурдната вистина, каде истите Албанци ги понижуваат сограѓаните кои ги користат само македонскиот јазик.„Новиот Премиер на Црна Гора (Дритан Абазовиќ) во своите објави на социјалните мрежи како и во други излагања го користи исклучиво црногорскиот јазик ама за некои Албанци од Македонија тој е херој, тој е албанец патриот, тој го отвори патот за Етничка Албанија итн. За истите овие Албанци ако некој Албанец од Македонија го користи исклучиво македонскиот јазик пред албанскиот тогаш тој е предавник, каур, шпиун итн. ДА, и за мене Абазовиќ е патриот, тој е патриот бидејки ја сака својата Држава, бидејки за разлика од овие “големите албанци” кои живеат во Македонија а сонуваат за “Етничка Албанија” тој храбро се бори за Црна Гора, кој знае да прави разлика помеѓу нација и држава“, стои во објавата.

Коментари | пред 3 години