ТОП

Сите детали за спогодбите во Империја, Обвинителството кажа какво перење пари признал Камчев

Во текот вчерашниот ден, Основниот кривичен суд Скопје прифати две Предлог спогодби склучени пред поднесување на Обвинителен акт помеѓу јавниот обвинител Лиле Стефанова од Основното јавно обвинителство за гонење на организиран криминал и корупција и двајца обвинети во предметот „Империја“. Спогодбите се однесуваат за кривични дела опфатени со Наредбата за спроведување на истражна постапка за период до 2009 година. Со опишаните дејствија обвинетиот Ј.К. сторил кривично дело – „Злоупотреба на службената положба и овластување“ од чл.353 ст.4 вв ст.3 и ст.1 и чл.22 од КЗ, додека обвинетиот Н.Ј. сторил кривично дело ,,Перење пари и други приноси од казниво дело“ од член 273 ст.1 од КЗ. Двајцата обвинети го признаа извршувањето на кривичните дела што им се ставаат на товар и се согласија да им биде изречена казна затвор во траење од по една година во која ќе им се засмета и времето поминато во притвор. Во исто време, правното лице „Кара“ АД Скопје како правен следбеник на правното лице „Орка холдинг“ АД Скопје и ДПТУ„ХООР“АД Кавадарци беше задолжено да ја надомести штетата на Буџетот на Република Северна Македонија на име на неплатени даноци во износ од 320.918.372,00 денари.Во временскиот период од јануари 2004 година до март 2006 година обвинетиот Ј.К. заедно со обвинетите К.К.С. и З.А. и покојниот И.К., како одговорни лица извршни и неизвршни членови на Одборот на директори во правното лице „Орка холдинг“ АД Скопје кое во октомври 2004 година е преименувано во ДПТУ „ХООР“ АД Кавадарци, ги искористиле своите овластувања и положба и го оштетиле доверителот – Министерството за финансии – Управа за јавни приходи Скопје, за износ 322.918.371,00 денари.Обвинетиот Ј.К., во јануари 2004 година, основал оф-шор компанија во САД. Од страна на обвинетите Ј.К., К.К.С. и З.А. заедно со сега покојниот И.К. била донесена одлука за склучување на фиктивен договор со компанијата за наводна изработка и испорака на конфекција – воени униформи. Компанијата која немала вработени лица, ниту деловни активности, била застапувана од обвинетиот Д.Ј. – вработен како возач во правното лице „Орка холдинг“ АД Скопје, кој прифатил да се потпишува како полномошник. Заради наводно обезбедување дека униформите ќе бидат изработени, поголем дел од имотот на „Орка холдинг“ АД Скопје бил ставен под хипотека. За да го намали имотот на „Орка холдинг“ АД Скопје, обвинетиот Ј.К. во име на правното лице од САД во период од месец мај 2004 година до мај 2005 година, во неколку наврати изготвувал невистинити фактури со вкупен износ од 11.000.000,00 евра кои биле евидентирани во книговодствена евиденција како вистинити. Овие фактури биле основа правното лице во чие име постапувал обвинетиот Д.Ј. да поведе судски постапки и да бидат признаени побарувањата што произлегуваат од нив. Врз основа на извршни решенија, правното лице – доверител ја блокира жиро сметката на „Орка холдинг“ АД Скопје кое во меѓувреме се преименува во ДПТУ„ХООР“АД Кавадарци.На крајот на месец август 2005 година обвинетиот Ј.К. иако знаел дека побарувањата се невистинити преку правното лице – доверител, поднесува барање за отворање на стечајна постапка над ДПТУ„ХООР“АД Кавадарци. Со тоа Ј.К. како вистински сопственик на правното лице – доверител поднел невистинито стечајно побарување, по што Основниот суд Кавадарци во 2006 година донел решение со кое го одобрил планот за реорганизација на стечајниот должник ДПТУ“ХООР”АД во стечај – Кавадарци. Со ова за правното лице од САД е прибавена противправна имотна корист од 108.251 акции и станува доминантен сопственик на акциите на правното лице ДПТУ„ХООР“АД Кавадарци на кое правен претходник е „Орка холдинг“ АД Скопје. Правното лице од Швајцарија каде еден од крајните сопственици бил сега покојниот И.К. станува сопственик на 18.381 акција, па доверителот Министерството за финансии – Управа за јавни приходи Скопје е оневозможена да го наплати побарувањето во износ од 322.918.371,00 денари утврдено со решение на Основен суд Кавадарци.Во јуни 2006 година на седница на Собранието на ДПТУ„ХООР“АД Кавадарци на која двете правни лица – сопственици на капиталот биле застапувани од обвинетиот Н.Ј. е донесена одлука правното лице ДПТУ„ХООР“АД Кавадарци повторно да се преименува во „Орка холдинг“АД Скопје. Обвинетиот Н.Ј. поттикнат од сега покојниот И.К. како полномошник на двете правни лица – сопственици на капиталот, во јули 2007 година, иако знаел дека 126.632 акции од „Орка холдинг“ АД Скопје се прибавени со кривично дело – Злоупотреба на службената положба и овластување од чл.353 од КЗ, склучил договор за купoпродажба. За износ од 21.588.000,00 денари на правно лице од Лугано му продал 99,88% од акционерскиот капитал, а правното лице било преименувано во Евро балкан груп. Во август 2012 година акциите повторно се продадени на правното лице „Орка холдинг“ АД Скопје за износ од 61.380.000,00 денари, по што правното лице Евро балкан груп во септември истата година е преименувано во „Кара“АД Скопје со што бил прикриен изворот и сопственоста на акциите.Правното лице „Кара“ АД Скопје како правен следбеник на правното лице „Орка холдинг“ АД Скопје и ДПТУ„ХООР“АД Кавадарци на 26.04.2022 година по претходно дадена сметка и износ од страна на Основното јавно обвинителство за гонење на организиран криминал и корупција исплати износ од 320.918.372,00 денари на сметката на Управата за јавни приходи.За останатиот дел од истражната постапка позната во јавноста како „Империја“, во која е опфатен период по 2009 година, како и стечајната постапка на МПМ, постапката продолжува, течат роковите во кои согласно закон обвинетите и одбраната имаат право на увид во доказите и предлагање на докази. По истекот на овие рокови предметниот обвинител ќе донесе мериторна јавнообвинителска одлука.​​

Македонија | пред 3 години

Двајца починати и нови 137 слуачи на лица со корона

Почитувани,Согласно податоците од Институтот за јавно здравје, Министерството за здравство информира дека во последните 24 часа:Направени се 2.303 тестови, а регистрирани се 137 нови случаи на КОВИД-19: Скопје – 61, Битола – 39, Штип – 7, Кичево – 5, Кавадарци, Ресен и Берово – по 3, Прилеп, Тетово, Охрид, Гевгелија и Свети Николе – по 2, Куманово, Велес, Гостивар, Кочани, Струга и Виница – по 1.Од вкупниот број на позитивни (137), регистрирани се 13 реинфекции.Регистрирани сe 85 оздравени пациенти од: Скопје – 55, Битола – 7, Охрид и Велес – по 5, Кавадарци и Прилеп – по 3, Струга – 2, Штип, Кичево, Тетово, Куманово и Делчево – по 1.Во текот на изминатите 24 часа не се пријавени починати лица. Согласно Регистарот на умрени лица со дијагноза КОВИД-19 од Мој Термин дополнително регистрирани се 2 починати лица од Скопје, на 70 – годишна возраст. Едно лице е починато во домашни и едно во болнички услови. Лицата за починати се пегистрирани во период од 09.04.-17.04.2022 година.Направени се 2.303 тестови преку: ИЈЗ-191, ЦЈЗ Скопје-82, ЦЈЗ Битола-70, ЦЈЗ Прилеп-14, ЦЈЗ Тетово-6, ЦЈЗ Куманово-19, Клиника за инфективни болести и фебрилни состојби-0, Судска медицина-0, лабораторија болница Козле-16, УК Пулмологија со алергологија –0, ГОБ 8-ми Септември-0, Институт за микробиологија–68, Жан Митрев (Филип Втори)-39, Авицена-37, Биотек-77, Систина-47, лабораторија Лаор-34, Синлаб-3, Ремедика-8, Плодност-18, Генеа-16, Никоб Лаб-180, ВФВ Медикал-11, Ели Медика Плус-56, Ројал Медика–6, Спектра-ММ-8, Рапид Лаб–20, Жан Митрев Струмица–5, Нова Лаб Дијагностика–5, Рамус-12, ЈЗУ и ПЗУ (рапид тест) – вкупно 1.255Досега во земјата се направени вкупно 2.018.029 тестирања на КОВИД-19.Вкупната бројка на КОВИД-дијагностицирани лица во нашата земја од почетокот на епидемијата изнесува 309.571, бројот на оздравени пациенти е 299.738, на починати е 9.280, а бројот на активни случаи изнесува 553Дистрибуција по градови Заболени (вкупно), Активни случаи (вкупно)Скопје 145532, Активни 270Куманово 16629, Активни 10Битола 15316, Активни 118Прилеп 14137, Активни 18Тетово 13450, Активни 7Кавадарци 10631, Активни 19Велес 9762, Активни 13Гостивар 9576, Активни 4Охрид 8836, Активни 16Струмица 8050, Активни 5Штип 8021, Активни 16Кичево 5618, Активни 17Кочани 5075, Активни 4Струга 4715, Активни 1Гевгелија 4401, Активни 5Неготино 3677, Активни 3Ресен 2717, Активни 5Свети Николе 2626, Активни 2Радовиш 2528, Активни 0Крива Паланка 2413, Активни 0Делчево 1971, Активни 1Дебар 1673, Активни 0Берово 1655, Активни 12Валандово 1485, Активни 0Виница 1391, Активни 3Пробиштип 1265, Активни 0Богданци 1019, Активни 0Кратово 964, Активни 2Крушево 926, Активни 0Демир Хисар 828, Активни 0Македонски Брод 736, Активни 0Демир Капија 593, Активни 2Македонска Каменица 523, Активни 0Пехчево 486, Активни 0Дојран 346, Активни 0

пред 3 години

Камчев триумфираше: плаќа пет милиони за да добие една година затвор за „Империја“

Бизнисменот Јордан Камчев со спогодба признал вина во случајот „Империја“ и добил казна затвор од една година, изјави шефицата на Обвинителството за организиран криминал и корупција Вилма Русковска во интервју за „Топ тема“ на телевизија Телма. Камчев исто така се согласил да уплати 5,1 милиони евра во државниот буџет.Русковска вели дека спогодбата е верификувана од судија на претходна постапка и тоа значи дека нема да се води постапка против Камчев.Истрагата „Империја“ беше отворена во 2018 година за кривичните дела Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело.

Македонија | пред 3 години

Мицкоски: Ако на едната страна се наставниците и професорите, а на другата криминалната Влада, јас и ВМРО-ДПМНЕ секогаш ќе бидеме на страната на наставниците

Тоа е стратегијата на СДСМ, јас не очекувам дека они мене ќе ме пофалат или дека ќе го пофалат тоа што го работат градоначалниците. Имаше еден збор, завидлизам мислам дека се викаше, тој претходниот, уствари вистинскиот лидер на СДСМ што го користеше во минатото. Но, ако тие нека се занимаваат со ниски страсти, нека завидуваат ние ќе работиме за она што му е потребно на народот. Најпрвин велеа пионот Јаким Неделков на Мицкоски и на ВМРО-ДПМНЕ, па откако гледам дека Јаким Неделков сега стана нивен добар коалиционен партнер, он си знае зошто и како, се завртеа спротивно на интересите на наставниците, па почнаа нив да ги навредуваат и да велат, ете тие биле тие кои што сакале да предизвикаат криза, да имало избори, да ВМРО-ДПМНЕ дошло на власт и т.н., вели претседателот на ВМРО-ДПМНЕ, професор д-р Христијан Мицкоски од Штип, запрашан за коментар на обвинувањата на СДСМ дека стои зад професорите кои се за продолжување на штрајкот во училиштата.„Јас сум пред се просветен работник, универзитетски професор, педагог и како професор и како педагог едноставно јас немам друг избор. Ако од едната страна е корумпирана и криминална Влада, а од другата страна се наставниците и професорите, јас знам дека наставниците и професорите тогаш ќе бидат мојот избор и изборот на ВМРО-ДПМНЕ и интересот на наставниците и професорите, бидејќи тоа се луѓето кои што треба да создадат генерации млади луѓе како овие деца овдека, кој што утре задутре треба да ја градат Македонија“, рече Мицкоски.Додаде дека негов и интерес на ВМРО-ДПМНЕ се наставниците и професорите и дека не разбира зошто Владата се плаши од пркосот и желбата за достоинствен живот на македонските работници, посочувајќи дека дури и да падне оваа влада ако се сигурни дека владата е многу јака, тогаш на предвремените избори ќе победат.Мицкоски додаде дека суштината е поинаква и дека власта се плаши од дебакл и голем пораз на тие избори и затоа грчевито се бори за своите фотелји и привилегии на грбот на напатените и сиромашни македонски граѓани, но и дека секој почеток има и свој крај и дека тие одлучуваат дали достоинствено и недостоинствено ќе си заминат од владата.„Мојот интерес и интересот на ВМРО-ДПМНЕ се наставниците и професорите. Јас не знам зошто Владата е толку исплашена дека овој пркос, оваа желба за повеќе правда и достоинствен живот, мислат дека е од некаде политички мотивиран. И навистина, глупаво делуваат оние изјави од страна на владата и Ковачевски дека сето ова било организирано од ВМРО-ДПМНЕ за да падне владата. Па, еве и да падне владата, ако таа влада е доволно јака на избори ќе победи. Суштината е поинаква, суштината е што тие се плашат од дебакл и од жесток пораз на тие избори и затоа грчевито се борат за своите фотелји и привилегии на грбот на овој напатен и сиромашен народ. Но, како што кажав и вчера така и денеска, секоја една работа има свој почеток но има и свој крај. Тие во владата се тие кои што треба да изберат каков крај ќе имаат, достоинствен или недостоинствен“, истакна Мицкоски.

Македонија | пред 3 години

Мицкоски: Набргу денеска на сето ова ќе му дојде крај

„Почекајте, чекор по чекор“. Ова е одговорот на претседателот на ВМРО-ДПМНЕ, Христијан Мицкоски на прашањето што мисли кога вели дека на СДСМ и премиерот Димитар Ковачевски ќе им се случи народ. Ставот на Мицкоски доаѓа откако Ковачевски одби да се сретне со опозицискиот лидер, за да договорат датум за предвремени избори. Според ВМРО-ДПМНЕ, понудата има подадена рака за единство, за кое Мицкоски смета дека Владата нема капацитет за тоа.„Жалам што во СДСМ и Владата нема мудрост ниту државотворен капацитет. Жалам што вака постапуваат кога на народот му е потребно обединување. Од Ковачевски гледаме сѐ освен она што му е потребно на народот. Не можам да разберам, зар толку им се важни тендерите во четири очи и привилегиите кои ги уживаат? Не можам да разберам како можат денот да го започнуваат и завршуваат кога знаат дека огромно мнозинство граѓани сакаат оваа Влада да замине и огромно мнозинство македонски граѓани велат дека Македонија се движи во погрешна насока. Очекував аналитичност, Ковачевски да излезе пред медиумите, и ако се одлучил да ја одбие подадената рака од мене, тоа да го направи на отворена сцена, да не се крие позади статуси на социјалните мрежи или да испраќа непознати ликови да тоа го прават место него на прес-конференции. Во Ковачевски и Владата гледам неодговорно однесување. Набргу денеска на сето ова ќе му дојде крај“, рече Мицкоски.Првиот човек на ВМРО-ДПМНЕ вели дека јавноста постојано ги прашува „Што правите вие? Каде сте вие? Што прави ВМРО-ДПМНЕ?“. Мицкоски на ова вели: „Одговорот на тоа прашање го дадов и вчера, а тоа е дека ВМРО-ДПМНЕ од позиција на опозиција изминативе пет години е на браникот на татковината. Така и ќе продолжиме“.

Македонија | пред 3 години

Шамарите на Груевски во Центар ги потврди и Врховниот суд

Врховниот суд на РСМ до Основниот кривичен суд Скопје достави решение со Квп2 48/2022 со кое советот на Врховниот суд постапувајќи по барање на осудениот Никола Груевски, поднесенo преку неговиот адвокат, за вонредно преиспитување на правосилна пресуда на Основниот кривичен суд Скопје со К.бр. 1904/16 и пресуда на Апелациониот суд Скопје со КЖ 253/21, а во јавноста позната како „Насилство во Општина Центар“, донел решение со кое барањето се отфрла како недозволено.Согласно провостепената пресуда од 29.09.2020 година, барателот за вонредно преиспитување на правосилната пресуда е огласен за виновен и осуден на казна затвор во трење од 1 година и 6 месеци за кривично дело - Насилство од член 386 став 2 в.в. со став 1 в.в. со член 23 од К.З, која пресуда беше потврдена со пресуда на Второстепениот суд од 10.09.2021.

Македонија | пред 3 години

Кој и зошто пресуди милионски обесштетувања во корист на „Пуцко“ и „Полет“?

Само еден ден откако Советот на Општина Карпош ја врати укинатата маркичка за бензинска пумпа во Карпош на парцела на „Пуцко Петрол“, граѓанскиот суд донесе одлука со која нафтената компанија го губи договорот за земјиштето, но ги добива назад средствата од над 2 милиони евра платени за плацот, како и дополнителни 6,5 милиони евра за „испуштена корист“, плус камати, пишува Фокус.На чело со судечкиот совет била истата судијка, која речиси истовремено „пресуди“ милионско обесштетување и во друг предмет.Се работи за случај каде што друштвото „Полет“, доколку првостепената пресуда стане правосилна, ќе наплати над еден милион евра за вложувањата во објектот што со години го држи под закуп, каде што е сместен Олимпискиот базен.Повеќе на Фокус.

Македонија | пред 3 години

Млади скопјани го запалиле автомобилот на Шилегов, детали за инцидентот

Основното јавно обвинителство Скопје донесе Наредба за спроведување истражна постапка против две лица, на возраст од 24 и 22 години, за кои постои основано сомнение дека сториле кривично дело – Тешки дела против општата сигурност од член 292 став 1 во врска со член 288 став 1 и во врска со член 22 од Кривичниот законик.Со кривичната пријава за истиот настан беше опфатено уште едно лице за кое надлежниот јавен обвинител донесе Решение за отфрлање на пријавата, бидејќи за него не се утврдени елементи на кривично дело кое се гони по службена должност.Двајцата осомничени соизвршители, на 9 март, со пожар предизвикале значителна опасност за животот или телото на луѓето. Првиот осомничен повикал такси возило во Ѓорче Петров и влегол на совозачкото седиште, носејќи со себе пластична туба со жолта течност. На таксистот му кажал да вози до улицата „Козле“, каде во возилото се качил вториот осомничен. По пат двајцата се договарале за начинот на кој ќе го извршат кривичното дело. Од такси возилото се симнале на булеварот „Партизански одреди“ и продолжиле да се движат пеш.Кога пристигнале на улицата „Мексичка“, двајцата осомничени со течноста полеале паркиран автомобил Ауди Q5 и го запалиле. Пламенот се проширил, па освен автомобилот Ауди, целосно изгорел и автомобил Фолксваген пасат, додека делумно биле зафатени и оштетени уште два други автомобили и еден објект. Со тоа осомничените предизвикале поголема имотна штета.Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени, бидејќи постојат околности кои упатуваат дека би можеле да се дадат во бегство, да влијаат врз сведоците или да го повторат делото. Судијата го прифати предлогот и на осомничените им определи притвор во траење од по 30 дена.​

Македонија | пред 3 години

(ФОТО) Мнозинство од граѓаните не веруваат дека Боки 13 и Катица направиле рекет

Анкета на социјалната мрежа „Инстаграм“ покажа дека 82 проценти од испитаниците не веруваат во реалноста на пресудата за случајот „Рекет“. Во тој предмет се обвинети Бојан Јовановски-Боки 13 и Катица Јанева. Анкетата е споделена на профилот на Бојан Јовановски кој има скоро 40 илјади следачи. Најголем дел од нив не се ниту негови поддржувачи, а тоа произлегува и од коментарите кои се споделувани на фотографиите кои ги има објавено. Ова би значело дека пристрасноста би била минимална или незначајна.„Дали верувате во пресудата за ‘Рекет’?“ е прашањето, на кое, резултатите покажуваат дека 18 проценти веруваат, а 82 проценти не веруваат дека бил вршен рекет, иако судииите Софче Гаврилова-Ефремова и Васка Николовска-Масевска го досудија тоа.Не е за занемарување ниту фактот дека Боки 13 и Катица Јанева добиваат низа од позитивни коментари на социјалните мрежи. Поддршката не изостанува, иако, судот ги осуди истовремено со јавноста. Реткост е во јавноста, покрај пресуда со затворска казна, поединци да се охрабрат да кажат дека пресудата е нерелевантна и дека вистината е поинаква. Таква е случајот со „Рекет“, каде Боки 13 и Катица Јанева добија поддршка дека ги осудиле без да се докаже дека сториле нешто спротивно на закон.

Македонија | пред 3 години

Син и татко тепале жена во судот во Гостивар

По спроведена претходна постапка, Основното јавно обвинителство Гостивар денеска поднесе Обвинителен предлог против две лица кои се товарат за кривично дело – Насилство од член 386 став 3 во врска со став 1 и во врска со член 22 од Кривичниот законик.Двајцата соизвршители, син и татко на возраст од 30 и 54 години, наведеното дело го сториле на 20 април, во чекалница пред судница на гостиварскиот суд. Тие физички ја нападнале поранешната вонбрачна сопруга на првообвинетиот и нејзиниот татко, удирајќи ги со тупаници и клоци по главата и телото и нанесувајќи им телесни повреди. Во исто време, обвинетите со своето однесување предизвикале чувство на вознемиреност и страв и кај другите присутни.Надлежниот јавен обвинител до Основниот суд во Гостивар достави и предлог за продолжување на претходно определената мерка притвор за првообвинетиот, инаку полициски службеник, додека за неговиот татко на сила се определените мерки на претпазливост.​​

Македонија | пред 3 години

Критики за Џафери: До вчера Украинец, денес командант Форина со индиции дека бил во врска со УЧК

Саше Јанчев, советник од Левица во Општина Гевгелија, на социјалните мрежи објави статус во кој ја прокоментира посетата на Талат Џафери на Украина.„Џафери до вчера беше Украинец кој се згрозува од воени злосторства. Од денес пак си е дезертер од АРМ и командант Форина за кој постојат сериозни индиции дека бил во директна врска со припадниците на УЧК кои го направија масакрот кај Вејце.Може сте заборавиле но на денот на масакрот дежурен офицер во касарната на АРМ во Тетово е капетан Талат Џафери. После некој ден, нашиот голем хуманитарец и борец за слобода, Џафери, му ја кидна од АРМ сосе оружје и униформа“, вели Јанчев

Коментари | пред 3 години

Апсења за запалениот автомобил на Шилегов

Министерството за внатрешни работи вчера уапси три лица кои пред еден месец ја запалиле колата на ексградоначалникот на Скопје, Петре Шилегов. Како што информираат од МВР, уапсени се А. Ј., С. Б. и С. Ј., сите од Скопје и против нив е поднесена кривична пријава до Основното обвинителство Скопје поради сомнение за сторено кривично дело „тешки дела против општата сигурност” по чл. 292, а во врска со чл. 288 од Кривичниот законик.На 27 април, полициски службеници од СВР Скопје ги лишиле од слобода А. Ј., С. Б. и С. Ј., сите од Скопје. По преземени мерки и активности е утврдено дека тие на 9 март во Скопје со запалива течност предизвикале пожар во патничко возило „ауди Q5“, од кој биле зафатени три други возила, „фолксваген пасат“, „нисан“ и „даеву матиз”, велат од МВР.Како што дознаваме, за трите лица е побарана мерка притвор.

Скопје | пред 3 години

Дедо Геро време е да оди во пензија, место три дена да ја забавља јавноста со Јанева, вели Јоци

Дедо Геро и неговите пајташи, место да пишуваат за економска криза во која се дави државава, три дена ја забављаат јавноста како онаа Катица Јанева (која више е у затвор за друго и е скроз небитна) во 2001 била осудена за навреда, вели Јорданка Ивановска Јоци."И како тоааа, ви се молааам, никој не го кажал досега, ете он каооо открил многу ,,јака прича"!А, таа ,,јака прича" е у ствари гола вода и мелење празна слама, пошто ,,навредата" одамна не е кривично дело!А, кога беше своевремено- по една година се бришеше од досие т.е не постоела никаде по 15 години, кога беше бирана несреќана на чело на СЈО, за било кој да ја види.Ете, затоа дедо Геро треба да иде у пензија, да се посвети на рибарење и да се одмори од пишување глупости. Со грамофон на кој врти некоја песна од негово време, да речеме - ,,The tears of a cLown" од ,,Miracle", додава Јоци

Коментари | пред 3 години

Полицијата ги фати лицата кои му ја запалија колата на Шилегов

Министерството за внатрешни работи вчера уапси три лица кои пред еден месец ја запалиле колата на ексградоначалникот на Скопје, Петре Шилегов. Како што информираат од МВР, уапсени се А. Ј., С. Б. и С. Ј., сите од Скопје и против нив е поднесена кривична пријава до Основното обвинителство Скопје поради сомнение за сторено кривично дело „тешки дела против општата сигурност” по чл. 292, а во врска со чл. 288 од Кривичниот законик.На 27 април, полициски службеници од СВР Скопје ги лишиле од слобода А. Ј., С. Б. и С. Ј., сите од Скопје. По преземени мерки и активности е утврдено дека тие на 9 март во Скопје со запалива течност предизвикале пожар во патничко возило „ауди Q5“, од кој биле зафатени три други возила, „фолксваген пасат“, „нисан“ и „даеву матиз”, велат од МВР.

Македонија | пред 3 години

СОНК го стави штрајкот во мирување

Претседателот на СОНК, Јаким Неделков, на денешната прес-конференција посочи дека штрајкот е ставен во мирување.Тој објасни дека Советот на СОНК расправал во врска со добиено известување од Министерството за труд и социјална политика, за мирно решавање на спорот меѓу Министерството за образование и СОНК, по што се консултирале со правници.„Од денеска генералниот штрајк се става во мирување. Ова е само почитување на законот“, истакна Неделков и потврди дека учениците од утре се враќаат во училиштните клупи.

Македонија | пред 3 години

Маслото за јадење „Брилијант“ ќе се продава со драстично заголемена цена

„Брилијант“ ја зголемува цената на маслото за јадење, од 115 на 135 денари. Како што изјави за МИА директорот на фабриката Коста Ташков, новата цена е резултат на покачувањето на суровината.Според него, новото сурово масло кое е набавено од Бугарија, Романија и Украина чини околу 2 200 евра за еден тон, а пред два-три месеци суровото масло на светските берзи се движело од 1 200 до 1 500 евра за тон.На прашањето дали ќе има ново зголемување на цената на маслото за јадење, Ташков одговори дека тоа ќе зависи од цената на светската берза. Тој смета дека во моментов кризата со маслото се смирува поради увозот од Србија и апелира граѓаните да не прават резерви.Со поскапувањето „брилијант“ ја изедначи цената на маслото за јадење со онаа на другите македонски производители.

Македонија | пред 3 години

Ковачевски да побара заштита за македонскиот јазик, идентитет и историја, вели ВМРО-ДПМНЕ

Ковачевски да каже кои се тие бугарски барања кои тој ги прифаќа, а за кои доколку се согласи наеднаш може да падне владата, вели ВМРО-ДПМНЕ„Ковачевски молчи за изјавата на Петков дека во Македонија има влада која ќе ги прифати бугарските барања, но дека против бугарските интереси е тие наеднаш да се реализираат, зошто така ќе падне таа влада, па наместо тоа истите тие барања сака да ги стави во рамката за преговори за влез во ЕУ. Ковачевски молчи исто како што молчеше и за отворањето на клубот Ванчо Михајлов.Ковачевски наместо да молчи треба да побара заштита за македонскиот јазик, идентитет и историја.Ковачевски треба да се грижи за македонските интереси, и заштита и на правата на Македонците во Бугарија, чии здруженија имаат добиено бројни пресуди во ЕСЧП во Стразбур, а кои Бугарија не ги почитува.Наместо да работи во интерес на Македонија, Ковачевски молчи, и чека проблемите да се решат сами од себе“, се вели во соопштението.

Македонија | пред 3 години

Пендаровски: Економските турбуленции на глобално ниво, во голема мерка влијаат на довербата на граѓаните во банкарскиот систем

Претседателот Стево Пендаровски се обрати на Свечената академија, што по повод 30 години од монетарното осамостојување се одржа вчеравечер во Скопје, во организација на Народната банка на Република Северна Македонија.Во продолжение го проследуваме интегралниот текст од обраќањето на претседателот Пендаровски.Ми претставува особена чест и задоволство да се обратам на оваа Свечена академија организирана по повод 30 години од монетарното осамостојување.Минатата година ја одбележавме 30 годишнината од независноста, меѓутоа, круцијален државотворен аспект без кој ќе беше невозможно заокружувањето на меѓународно-правниот субјективитет на новата држава беше монетарното осамостојување. Со прогласувањето на независноста во 1991-та, нашата централна банка започна да стекнува едно сосема поинакво ново искуство, кое ни помогна успешно да ги надминеме комплексните предизвици од првите години од независноста.Веќе идната година, во 1992-та година, во парламентот беше усвоен пакетот закони со кои беше поставена институционалната рамка на монетарниот систем, а, пред македонските граѓани беа претставени банкнотите на новата македонска валута ‒ денарот, првиот симбол на нашето монетарно осамостојување.Со политиките на воспоставување на стабилен курс на денарот, централната банка во тоа време одигра силна улога во зацврстувањето на темелите на нашата независност и државност. Инфлацијата беше стабилизирана, банкарскиот систем започна да закрепнува, а, беше оформена и позначајна сума на девизни резерви како клучен аспект на девизната ликвидност на земјата.Со тоа беше поставен примарниот одбранбен механизам од евентуалните надворешни регионални и светски финансиски шокови, но и поддршка во процесот на транзиција на националната економија кон современите пазарни економски системи.Почитувани,Јасно е дека освен некои внатрешно генерирани состојби низ годините, сепак, актуелните економски турбуленции на глобално ниво, во голема мерка влијаат на довербата на граѓаните во банкарскиот систем и кај нас и во светот.За жал, таа доверба, денес, во континуитет се поткопува и од фактори кои стануваат се потешки за контрола. Зборувам за хибридните закани, меѓу кои најопасни се дезинформациите кои се широко застапени и сѐ поинтензивно се појавуваат на социјалните мрежи. Сведоци сме, особено во последнава година, дека Народната банка беше таргетирана со многубројни лажни вести со единствена цел, да креираат паника меѓу граѓаните, несигурност и недоверба во системот. Меѓутоа, мораме да констатираме дека нашата централна банка досега успешно ги води тие битки и навремено реагира на сите вести кои пласираат невистини.Изминативе две години, поради пандемијата, а сега уште позасилено поради руската инвазија во Украина, ние, но, воопшто и Европа и светот се соочуваат со економска и енергетска криза, ценовни шокови и инфлација. Но, и во вакви сложени услови, институциите на државата функционираат на стабилизирачки начин, со што ја оправдуваат довербата на граѓаните. Водечка институција во таа смисла е Народната Банка на Република Северна Македонија која водеше, и води ефикасна монетарна политика за време на сите овие кризи, со што испраќа јасни сигнали до економските фактори, што, пак, повратно влијае стабилизирачки во однос на состојбите на пазарот и инфлаторните движења.Работата на Народната банка и наназад низ годините воопшто не беше едноставна, особено за време на големата финансиска криза од 2008 година, кога ризиците за финансиската стабилност беа значително зголемени. Наспроти непредвидливите глобални економски движења и зголемените макроекономски ризици, финансискиот систем на Република Северна Македонија остана стабилен за што клучно влијание имаше сетот на мерки кои во тие услови ги презеде Народната банка.Почитувани,Веќе подолг временски период, заради стекнатиот кандидатски статус за членство во Европската Унија, поставеноста на нашата централна банка од аспект на нејзината независност беше, и е непрекинато предмет на оценување од страна на Европската централна банка, а, будно се следи и од Европската комисија преку нејзините годишни извештаи.Притоа, треба да се одбележи дека во сите свои извештаи и Европската централна банка и Европската комисија потврдуваат дека законските одредби кои се однесуваат на независноста на Народната банка ги опфаќаат сите аспекти на независноста на централните банки утврдени со одредбите од Договорот за функционирање на Европската Унија и Статутот на Европската централна банка и Европскиот систем на централни банки.Почитувани,Како еден од столбовите не само на нашата економија, туку и на нашата држава, уверен сум дека Народната банка ќе го продолжи континуитетот на позитивно работење и успешно водење на монетарната политика согласно нејзините со закон утврдени цели и задачи.Единствено со транспарентна политика и домаќинско работење може да се гарантира улогата на финансискиот сектор, да се поддржи реалната економија и да се работи во интерес на граѓаните.Исто така, очекувам Народната банка да продолжи да ја одржува својата уставно загарантирана независност во однос и на политичките и на економските центри на моќ и во иднина да придонесува кон одржувањето на стабилен, конкурентен и пазарно ориентиран финансиски систем.На сите нека ни е честит јубилејот „30 години монетарно осамостојување“.

Македонија | пред 3 години

Над 16.000 матуранти се во неизвесност поради политизација на штрајкот на СОНК, вели СДСМ

Над 16.000 матуранти се во неизвесност заради политичката агенда на раководството на СОНК, вели СДСМ„Од нив околу 10 отсто или околу 1.600 не го поминале првиот дел од државната матура и не можат да полагаат испити во јуни. Загрозени се и уписите на оние матуранти кои своето школување планираат да го продолжат во странство и сето тоа само заради уценувачкиот однос на раководството на СОНК.Раководството на СОНК одби ново предложено зголемување на платите во образованието и детската заштита за 12 отсто и тоа во време на светска економска и енергетска криза.СДСМ во образованието во изминатите 3 години во три наврати ги зголеми платите на наставниците за над 21 отсто, додека ВМРО-ДПМНЕ за 11 години ги покачи за само 4 отсто.Уцените и политичкото делување на раководството на СОНК се на штета на учениците и наставниот процес.Учениците мора да се вратат на наставата која толку им е потребна.Правото на образование на децата е уставно загарантирано и не смее да се дозволи заради политичка агенда да им се загрозува“, се вели во соопштението.

Македонија | пред 3 години

Нема фотографија

(ФОТО) Нов мурал и театарски перформанс по повод роденденот на великанот Горан Стефановски

Општина Центар одбележа 70 години од раѓањето на македонскиот литературен деец и еден од најпознатите дебармаалци, Горан Стефановски. Роден е на 27-ми април, во Битола во 1952 година, каде неговите татко и мајка, режисер и глумица, работеле во тој период. Стефановски разбирливо, најголемиот дел од детството го поминува во театрите, додека неговиот помлад брат, Влатко, се пренасочува кон музиката.„Семејството Стефановски води потекло токму од Дебар Маало, со кое и самиот тој беше емотивно поврзан и каде после сите претстави, патувања и гостувања, секогаш се враќаше. Дебар Маало е и нераскинлив дел од неговото литературно творештво. За значењето на Горан не треба да се трошат дополнителни зборови. ‘Диво месо’, ‘Дупло дно’, ‘Лет во место’, ‘Тетовирани души’, ‘Демонот од Дебар Маало’, се само дел од капиталните дела, не само на Стефановски, туку и на цела современа македонска драматургија“, изјави градоначалникот на Општина Центар, Горан Герасимовски.Добитник е на многу домашни и меѓународни награди за неговите творештво и достигнувања, меѓу кои и државната награда за животно дело во областа на науката, културата и уметноста - „11 Октомври“. Горан Стефановски до ден денес е присутен во нашето културолошко секојдневие - книгите и расказите ги читаме и сега, а неговите драми сѐ уште се играат и во домашните, но и во театрите ширум Европа. Во рамки на одбележувањето на 70-тиот роденден на Стефановски во Општина Центар, на дел од фасадата на ООУ „Коле Неделковски“ се изработи мурал со ликот на Стефановски и во паркчето спроти општинските бараки се одржа краток пригоден театарски перформанс.„Новиот мурал на Стефановски, изработен од уметникот Блаже Атанасков, кој ќе го краси неговото и наше Дебар Маало е еден мој, личен симболичен гест, чија изведба му оддава почит на еден од најголемите и најпознати центарци. Ви благодарам на сите за денешното присуство“, додаде градоначалникот Герасимовски.Одбележувањето на роденденот се затвори во малиот парк спроти општинските бараки, каде група автори: Васил Христов, Викторија Рангелова – Петровска, Русе Арсов, Ивана Павлаковиќ, Никола Настоски и Исмет Шабанович, го изведоа театарскиот перформанс со делови од драмите на Стефановски, наречен „Маалски драмски разговори“.Во овој парк, пред 3 години Општина Центар, заедно со семејството на Стефановски и Здружението на граѓани за зачувување и промоција на културното наследство на Горан Стефановски, засади чинар и подоцна го постави спомен обележјето со клупата на Горан. Од тогаш наваму, секоја година општината симболично го одбележува 27 април, роденденот на еден од најпознатите центарци, Горан Стефановски.

Скопје | пред 3 години

Ситуацијата со гасот е комплексна, се огласи и Бектеши

Испораката на природен гас не е прекината, изјави денеска министерот за економија Крешник Бектеши по информациите дека руски „Газпром“ ја прекинала испораката на гас кон Бугарија и Полска.На прес-конференција, Бектеши рече дека сите обврски од наша страна се подмирени и дека и денес има увоз на природен гас во земјава.– Сепак, ситуацијата е комплексна и не се знае каква одлука може да биде донесена во наредните денови. Државата има соодветни алтернативи, уверува Бектеши.Според него, Бугарија не смее да направи прекин на гас и преносната мрежа мора да функционира.Најави дека следната недела во Софија ќе се одржи состанок на сите министри од регионот за да се презентираат потребите на државата и да има континуирано снабдување со енергенси.

Македонија | пред 3 години

Ковид: 89 нови случаи на КОВИД-19, нема починати

Согласно податоците од Институтот за јавно здравје, Министерството за здравство информира дека во последните 24 часа:Направени се 1.760 тестови, а регистрирани се 89 нови случаи на КОВИД-19: Скопје – 48, Битола – 18, Берово – 4, Прилеп, Кавадарци, Штип и Кичево – по 3, Велес – 2, Охрид, Струмица, Гевгелија, Ресен и Виница – по 1.Од вкупниот број на позитивни (89), регистрирани се 21 реинфекции.Регистрирани сe 156 оздравени пациенти од: Скопје – 86, Битола – 32, Прилеп – 11, Охрид и Валандово – по 4, Тетово, Кавадарци, Велес, Гостивар, Струмица и Струга – по 2, Куманово, Штип, Кичево, Свети Николе, Радовиш, Виница и Демир Хисар – по 1.Во текот на изминатите 24 часа, не се регистрирани починати лица.Согласно Регистарот на умрени лица со дијагноза КОВИД-19 од Мој Термин, дополнително е пријавено едно починато лице од Скопје (74г), починато во болнички услови, починато на 25.04.2022 година.Направени се 1.760 тестови преку: ИЈЗ-177, ЦЈЗ Скопје-62, ЦЈЗ Битола-39, ЦЈЗ Прилеп-22, ЦЈЗ Тетово-20, ЦЈЗ Куманово-48, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –4, ГОБ 8-ми Септември-0, Институт за микробиологија–97, Жан Митрев (Филип Втори)-30, Авицена-28, Биотек-126, Систина-37, лабораторија Лаор-30, Синлаб-7, Ремедика-14, Плодност-9, Генеа-31, Никоб Лаб-144, ВФВ Медикал-26, Ели Медика Плус-11, Ројал Медика–4, Спектра-ММ-5, Рапид Лаб–20, Жан Митрев Струмица–4, Нова Лаб Дијагностика–2, Рамус-11, ЈЗУ и ПЗУ (рапид тест) – вкупно 752..Досега во земјата се направени вкупно 2.013.928 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 309.310, бројот на оздравени пациенти е 299.539, на починати е 9.278, а бројот на активни случаи изнесува 493.Дистрибуција по градови Заболени (вкупно), Активни случаи (вкупно)Скопје 145406, Активни 265Куманово 16626, Активни 10Битола 15253, Активни 83Прилеп 14127, Активни 13Тетово 13446, Активни 8Кавадарци 10628, Активни 20Велес 9759, Активни 17Гостивар 9572, Активни 2Охрид 8826, Активни 14Струмица 8049, Активни 7Штип 8014, Активни 12Кичево 5610, Активни 11Кочани 5072, Активни 2Струга 4715, Активни 2Гевгелија 4399, Активни 3Неготино 3677, Активни 3Ресен 2713, Активни 2Свети Николе 2624, Активни 0Радовиш 2528, Активни 2Крива Паланка 2413, Активни 0Делчево 1971, Активни 2Дебар 1673, Активни 0Берово 1649, Активни 9Валандово 1485, Активни 0Виница 1390, Активни 2Пробиштип 1265, Активни 0Богданци 1019, Активни 0Кратово 963, Активни 1Крушево 926, Активни 0Демир Хисар 828, Активни 0Македонски Брод 736, Активни 0Демир Капија 593, Активни 2Македонска Каменица 523, Активни 1Пехчево 486, Активни 0Дојран 346, Активни 0

пред 3 години

Се бара укинување на сите рестриктивни мерки, нови одлуки на Комисијата за заразни болести

Комисијата за заразни болести на денешниот состанок препорача укинување на сите рестриктивни мерки за справување со Ковид-19, освен задолжително носење маски во здравствени установи, аптеки, јавен превоз и домови за стари лица.Воедно, Комисијата апелира граѓаните да ги почитуваат препораките за лична заштита и хигиена, како што се често миење раце, дезинфекција и одржување дистанца.Од комисијата потсетуваат дека вакцинацијата и понатаму останува најдобра и најефикасна мерка за заштита на здравјето на населението.Комисијата за заразни болести на дневна основа ја следи состојбата со Ковид-19 и доколку има потреба ќе бидат препорачани нови мерки.

Македонија | пред 3 години

Османи за центарот за култура „Ванчо Михајлов“: Ова е голема навреда за нашите граѓани и се смета за провокација

Министерот за надворешни работи на Република Македонија, Бујар Османи, во интервју за бТВ одговори на прашањето зошто го смета за провокација отворањето на културниот центар во Битола „Ванчо Михајлов“.„Кога ќе влезете во центарот за култура, на главниот влез има голема табла со цитат од Ванчо Михајлов, на која пишува: „Залудни се напорите на таканаречениот македонски народ да го лаже светот“.Ова е голема навреда за нашите граѓани, ова е голема навреда за луѓето што ги застапувам. Ова кај нас се смета за провокација. Не верувам дека бугарските власти дојдоа поради оваа порака на Михаилов, која беше поставена на влезот од клубот. Но вака се толкуваа сите овие пораки што ги налутија граѓаните. И наша должност е да ги разјасниме овие прашања, отворено да си кажеме што е она што не провоцира, што не лути, за да можеме во отворен дијалог да ја создадеме нашата заедничка иднина“, вели Османи.На прашањето дали му пречи само името на центарот и конкретното лице или составот на бугарската делегација, тој вели дека доколку клубот не го носел тоа име, целата влада би присуствувала на настанот„И јас во мојата изјава кажав дека доколку клубот не го носеше ова име ние ќе бевме дел од оваа делегација во Битола. Целата наша влада би била таму, бидејќи ја поздравуваме и сакаме да ја поттикнеме бугарската заедница да се организира, сакаме бугарската заедница да се интегрира во институциите, системите и механизмите создадени преку рамковниот договор. Но, мора да внимаваме на чувствителноста на двајцата, особено во овој период на доверба. Сакаме да ја вратиме довербата еден во друг. Секако дека ваквите прашања ќе ни бидат се помалку важни, бидејќи ќе бидеме фокусирани на иднината, на заедничката европска перспектива за граѓаните на двете земји. Но, ова е деликатен период во кој и вие и ние мора да бидеме внимателни за да ја создадеме нашата заедничка иднина“, додаде Османи.

Македонија | пред 3 години

(ВИДЕО) Карпошани го „заплескаа“ Стевчо: Кога ќе стане ќе си има работна задача

Граќанската иницијатива Независни за Карпош, вчера вечер објави видео од населбата Козле.На објавеното видео може да се забележат крупни камења кои се паднати на улица, а најверојатно истите биле транспортирани за потребите за изградбата на новите згради. Од граѓанската иницијатива велат дека за ова се добиваат казни, а градоначалникот утрово има нова работна задача.„Се наоѓаме во Козле, каде што се градат елитни згради. Еве гледајте. За ова се кркаат казни. Така да градоначалникот утре кога ќе стане ќе си има работна задача“, се вели во видеото.

Скопје | пред 3 години