ТОП

Кои се тие бугарски барања за кои и Петков знае дека доколку Ковачевски ги прифати наеднаш ќе падне владата, вели ВМРО-ДПМНЕ

Ковачевски да каже кои се тие бугарски барања кои тој ги прифаќа, но за да не падне владата Петков истите ги предлага како дел од рамката за влез во ЕУ, вели ВМРО-ДПМНЕ„Ковачевски прифаќа бугаризација на Македонија, ако дозволи бугарските барања за негација на јазикот и нацијата да бидат дел од рамката за влез во ЕУ.Кирил Петков во изјава од Бугарија кажа дека против бугарските интереси би било доколку Бугарија инсистира на исполнување на сите нејзини барања пред отпочнување на преговорите со ЕУ, односни дека тоа ќе значи пад на владата на Ковачевски, и дека сите тие бугарски барања треба да бидат дел од преговарачката рамка на Македонија со ЕУ. Особено сега кога има влада како таа на Ковачевски која е спремна истите тие барања да ги реализира.Оттука се поставува прашањето, кои се тие бугарски барања за кои и Петков знае дека доколку Ковачевски ги прифати наеднаш ќе падне владата?Дали тие барања задираат во македонскиот идентитет, јазик и историја?Дали тоа што прифаќа бугарски максималистички барања Ковачевски не сака да побара писмени гаранции за македонскиот јазик, идентитет и историја?Ковачевски наместо да бега од одговори, да каже што е тоа што е тој спремен да го прифати, а би можело да ја сруши владата“, вели ВМРО-ДПМНЕ

Македонија | пред 3 години

Да не крадеше СДСМ сега со 900 милиони евра ќе се направеа автопат од Велес до Битола и од Гостивар до Кичево, вели ВМРО-ДПМНЕ

Ковачевски ја краде иднината и на неродените - 900 милиони евра се доволни за 3 автопати, а се трошат за покривање загубите на СДСМ, вели ВМРО-ДПМНЕ„900 милиони евра колку што владата ќе се задолжи за овозможување на буџетска ликвидност се пари со кои можеа да се направат над 200 километри автопат.Со 900 милиони евра кои Ковачевски ги троши за покривање на својата неспособност ќе имаше автопат од Велес, преку Прилеп до Битола, и втор автопат од Гостивар до Кичево или од Штип до Струмица.Автопат со Ковачевски нема зошто СДСМ наместо да работи крадеше и несовесно се однесуваше со буџетот, па потроши стотици милиони на матни тендери во РЕК, на тендерите на Рашковски, договорите во четири очи на Мухамед Зекири, диловите на Филипче и Дончев, бизнисите на Заеви.Криминалот на СДСМ сега не чини сите нас, граѓаните на Македонија 900 милиони евра, кои наместо на над 200 километри автопат одат на покривање на расипништвото на СДСМ“, се вели во соопштението.

Македонија | пред 3 години

Министерот за образование нервозен: Се договоривме, но зборот на СОНК не издржа ниту едно деноноќие!

Министерот за образование и наука, Јетон Шаќири излезе со реакција откако СОНК одлучи да продолжи со штрајкот.„Во интерес на учениците и непречен воспитно образовен процес, како и во интерес на наставниците и унапредување на нивниот општествено материјален статус, во текот на вчерашниот ден постигнавме согласност со СОНК , која од претставници на социјалните партнери, а во присуство на највисокото раководство на Европската конфедерација за синдикати за образование, беше соопштена пред целата јавност: 12% повисоки плати во образованието од месец јули, заедничко утврдување на методологија за раст на платите која би се применила од 2023 година и исплата на регрес за годишен одмор исто така од следната година. Но, зборот на СОНК не издржа ниту едно деноноќие. Одлуката на синдикалното раководство денес е променета и тоа на штета на нашите млади, учениците од основните и средните училишта. Министерството за образование и наука цени дека премногу настава е изгубена досега и тоа мора да престане. Доволно голем е јазот во знаењето кој го создаде овој штрајк со целосно блокирање на работата на училиштата и тој повеќе не смее да се продлабочува“, вели Шаќири.Тој додава:„Ги повикуваме директорите на училиштата, како одговорни за организирањето на работата на овие образовни установи, од утре да ги отворат вратите на училиштата и да продолжат да организираат настава согласно законите за основно и средно образование. Имаат надлежности и одговараат за непостапување по истите. Исто така, ги повикуваме и родителите/старателите на учениците од утре да продолжат да ги пуштаат/ носат своите деца на училиште. Тие се најмалку виновни што губат настава поради несериозноста на една организација, но можат многу да помогнат во нормализирањето на состојбите. Да го завршиме ова лошо поглавје од тековната учебна година и да им овозможиме иднина на децата. Многумина од нив ги чекаат уписи во средни училишта или факултети. Многумина одлучиле да се вработат по завршување на средното образование, но неизвесно е доделувањето на дипломите во предвидениот рок. Да не ги уништуваме нивните планови и очекувања. Сите имаме одговорност!“.

Македонија | пред 3 години

Нема фотографија

Училиштата затворени, градинките отворени - решение нема, одлука донесена

Продолжува штрајкот во училиштата, додека во градинките ќе биде ставен во мирување и од утре вратите во предучилишните установи ќе бидат отворени, изјави првиот човек на СОНК, Јаким Неделков.Тој по денешната седница истакна дека од 480 синдикални организации во земјава, 388 се за продолжување на штрајкот од утре.„Советот на СОНК одлучи да продолжи штрајкот и утре се’ до наоѓање на заедничко решение со Владата“, рече Неделков.Како што додаде, градинките ќе ги отворат вратите во интерес на родителите, децата и стопанството кое трпи поради неможноста за згрижување на децата.Советот на СОНК одлучил и да организира голем масовен протест во среда на 4 мај.Неделков пoвтори дека жалат за непријатностите со кои се соочуваат родителите и учениците и повика на разбирање.

Македонија | пред 3 години

Уште едно големо зголемување на цените на горивата

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 2,29 % во однос на одлуката од 21.04.2022 година.Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,50 ден/лит, додека малопродажната цена на ЕУРОДИЗЕЛ (Д-Е V) се зголемува за 1,00 ден/лит.Малопродажната цена на Екстра лесното масло за домаќинство (ЕЛ-1) се зголемува за 1,50 ден/лит.Малопродажната цена на Мазутот М-1 НС се зголемува за 1,226 ден/кг и сега ќе изнесува 52,825 ден/кг.Од 27.4.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 84,00 (денари/литар)Моторен бензин ЕУРОСУПЕР БС - 98 86,00 (денари/литар)Дизел гориво ЕУРОДИЗЕЛ БС (Д-Е V) 85,50 (денари/литар)Масло за горење Екстра лесно 1 (ЕЛ-1) 84,00 (денари/литар)Мазут М-1 НС 52,825 (денари/килограм)Референтните цени на нафтените деривати на светскиот пазар во споредба со претходната пресметка бележат зголемување во просек кај бензините за 1,579%, кај дизелот има намалување за 1,059%, кај екстра лесното масло намалувањето е за 1,418% и кај мазутот зголемувањето е за 1,876%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,082%.Напоменуваме дека ова се максималните цени на нафтените деривати од 00:01 часот на 27.4.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

МВР со детали за пукањето во Чаир: Кој е убиен, а кој пукал

На 25.04.2022 околу 21.40 часот во СВР Скопје било пријавено дека во угостителски објект на ул.„Браќа Реџепагиќ“ две лица пукале со автоматско оружје. Од пукањето со тешки повреди се здобил Ј.И.(47) од Скопје и бил пренесен во Комплексот клиники „Мајка Тереза“, каде што околу 22.20 часот починал. Исто така, со повреди се здобиле М.А.(43) и Л.Ш.(42) од Скопје, кои биле пренесени во Градската општа болница „Св.Наум Охридски“ за укажување на лекарска помош. Додека во Комплексот клиники „Мајка Тереза“ со повреди-исекотини на раката бил донесен А.И.(30) од Скопје. Увид на местото извршиле полициски екипи и се преземаат мерки за пронаоѓање на сторителите и за расчистување на случајот.

Скопје | пред 3 години

Интеграцијата во ЕУ не смее да биде процес на побугарчување, вели ВМРО-ДПМНЕ

Ковачевски да внимава што потпишува, интеграцијата во ЕУ не смее да биде процес на побугарчување, вели ВМРО-ДПМНЕ„Бугарските барања и изјавите на Петков за поместување на ветото со услови кои како што вели не треба да се бараат наеднаш, се опасност дека Ковачевски е на пат да потпише или прифати рамка за асимилација на Македонците.Ковачевски и Османи целосно нетранспарентно го водат процесот на преговори, и ги носат граѓаните и општеството пред свршен чин.Ковачевски уште не се изјаснил ниту за клубот Ванчо Михајлов и фашистичките тенденции, тој немаше ниту да реагира на негацијата на Македонците да не беше преголемиот јавен и медиумски револт.Ковачевски се со преговорите се однесува како да не е од овде, па чека првин дали одредена работа ќе наиде на критика на јавноста, за потоа тој да ја осуди или пофали.Ковачевски не однесува целосно не зрело, и тој заради неговиот аматеризам и неспособност е на пат да ја понижи државата.Токму затоа Ковачевски веднаш да побара писмени гаранции од ЕУ за македонскиот идентитет, јазик и историја“, се вели во соопштението.

Македонија | пред 3 години

Пукање сред Скопје, загина едно лице

Вечерва во СВР Скопје е пријавено пукање од огнено оружје во чајџилница на ул. Браќа Реџепагиќ во Скопје, при што, според пријавеното се повредени три лица, а едно од нив починало од повредите, велат од МВР за КУРИР. На терен е полиција.

Скопје | пред 3 години

Нов земјотрес почувствуван во Македонија

Земјотрес со Рихтерова локална магнитуда ML 3.6 е почувстуван во близина на Делчево во 18:55 часот.Според податоците земјотресот е на 17 км од Делчево на длабочина од 2 километри.Земјотрес со Рихтерова локална магнитуда ML 2.8 и интензитет од III степени според Европската макросеизмичка скала, на 115 км југоисточно од Скопје кој потекнува од епицентрално подрачје Пехчево-Кресна, регистрираше изутринава во 6:36 часот.

Македонија | пред 3 години

(ФОТО) Осамнаа пораки од Катица Јанева, извесен е пресврт: Кому угодувала ексшефицата на специјалните обвинители

Екс специјалната шефица на специјалните обвинители Катица Јанева по подолго време на јавноста и најави вистински пресврт. За време на велигденските празници, таа преку социјалните мрежи сподели пораки до целата јавност. Објавите се јавни, не се ограничени, што значи дека можат да ги видат сите.Таа во првата порака објавена на ден Велигден напиша: „Се трудев да угодам на сите, не чинев. Од сега ќе се трудам да си угодам на себеси, и натаму нема да чинам на никого“.Ова предизвика и лавина реакции, јавноста го толкува како прв од низата чекори на Јанева каде таа ќе ја извади целата вистина на виделина и ѝ дава поддршка, како никогаш претходно.Утрово (понеделник), Јанева, го надополни своето излагање. Сподели фотографија со дланка која држи шајки, што симболизира болка. На неа имаше испишано и нова порака.„Од дното стануваат само храбрите. Тоа не е работа за слабите“, пишува на фотографијата.Катица Јанева одлежува казна затвор за случајот „Рекет“. Повеќепати во излагања кажа дека „Рекет“ е резултат на желбата на елити во Македонија да се уништи специјалното јавно обвинителство. Против Јанева, сведочеа и нејзини колешки. Таа на рочиште во Граѓанскиот суд, овој месец рече: „ „Истите мои поранешни колешки, а тие се колешки по ракија по чашка, во предметот Плацови на Водно побараа поблаги мерки за него (Орце Камчев), најголемиот финансиер и перач на пари во историјата на Македонија. Без срам и перде побараа за неговото сторено кривично дела“, а откако таа доби затворска казна по обвинение дека му овозможила поволна позиција на Орце Камчев во „Империја“.Се чини дека Јанева тек сега започнува да најавува вистински пресврти. Особено, што овие пораки доаѓаат за време на големиот христијански празник, но и по нејзиното појавување во јавност на рочиште во Граѓански суд. Таму, Јанева за првпат преку сарказам почна да „удира“ по многу важни и големи лица од македонското општество, како што се бизнисмени, обвинители, политичари.

Македонија | пред 3 години

Извесно дека учениците ќе си останат дома и оваа неделa, штрајкот продолжува: Можам да изразам само надеж

Владата да најде средства и да се договориме во однос на побарувањата на СОНК, се во интерес на учениците, родителите и наставници, вели претседателот на сонк, Јаким Неделков. Тој рече дека „има сигнали“ за продолжување на преговорите. На прес-конференцијата поддршка на СОНК му изрази Сусан Флокен, директор на Европската конфедерација на синдикатите за образование - ETUCE. Денеска очекува нова средба со преставници на владата.„Можам да изразам само надеж дека до вечер ќе имаме добри резултати, доколку членството позитивно“, рече Неделков и порача дека е мошне извесно дека штрајкот ќе продолжи и утре.На прес-конференцијата на СОНК учество имаше Сусан Флокен, директор на Европската конфедерација на синдикатите за образование - ETUCE, која изрази поддршка на СОНК и најави придружување на лидерот на СОНК во преговорите со министерот за образование.Флокен изрази солидарност со синдикалните барања, рече дека јасно ја изразува поддршката и нагласи дека се потребни поголеми вложувања во образованието во Македонија, како и во наставниот кадар.

Македонија | пред 3 години

Албанец крадел во Струга

На 24.04.2022 во 14.40 часот на локалниот пат с.Велешта-с.Долна Белица, струшко, полициски службеници од Полициската станица Струга го лишиле од слобода Х.А.(56) од Република Албанија. Тој бил затекнат при извршување кражба во плац за авто делови. Одземените предмети биле пронајдени и вратени на сопственикот, а лицето било приведено во полициска станица. По целосно документирање на случајот против него ќе биде поднесена соодветна пријава.

Македонија | пред 3 години

Земјотрес во Македонија

Земјотрес со Рихтерова локална магнитуда ML 2.8 и интензитет од III степени според Европската макросеизмичка скала, на 115 км југоисточно од Скопје кој потекнува од епицентрално подрачје Пехчево-Кресна, регистрираше изутринава во 6:36 часот телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево.Ова го соопшти Сеизмолошката опсерваторија при Природно-математичкиот факултет во Скопје од каде посочуваат дека земјотресот бил почувствуван во Делчево, Берово и Пехчево.

Македонија | пред 3 години

15 казни за возење без возачка дозвола во Скопје

Министерството за внатрешни работи во текот на вчерашниот ден (23.04.2022) продолжи со засилените акциски контроли во областа на сообраќајот.На територија на град Скопје изречени се вкупно 69 мерки, меѓу кои за возење повеќе од дозволената брзина 15 санкции, 15 мерки за возење без возачка дозвола, три санкции за возење под дејство на алкохол.Изречени се пет мерки за користење мобилен телефон, три санкции за минување на затворен сигнал (црвено светло), шест за недавање првенство на минување на пешаци...Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 3 години

Пендаровски: На овој Велигден да помислиме на сите оние коишто страдаат во воените судири, и да им ги посветиме нашите молитви и благослови

Честитка од претседателот Пендаровски по повод големиот христијански празник Воскресение Христово – ВелигденПретседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и македонски и на Јустинијана Прима, г.г. Стефан и сите православни верници, и до претседателот на Црковното претставништво на Евангелско – методистичката црква, Емил Заев и припадниците на Евангелско – методистичката црква во државата.„Најискрено ви посакувам празничните денови да ги поминете, пред сѐ, во добро здравје, неизмерна радост и во среќа, исполнети со духовен мир.Вдахновени од Христовото страдање за човештвото и од неговото воскреснување да им дадеме смисла на нашите животи и да ги победиме искушенијата, отворајќи ги нашите срца и споделувајќи безусловна љубов.На овој Велигден да помислиме на сите оние коишто страдаат во воените судири, коишто се погодени од елементарни непогоди, коишто се соочуваат со здравствени тешкотии, на сите оние коишто се без топлината на својот дом, на разделените од семејствата, на сите во беда и немаштија. Ним да им ги посветиме нашите молитви и благослови.Се надевам дека светлината на Велигден ќе ни даде сила и поттик за добра мисла и за добри дела.Христос воскресна!“

Македонија | пред 3 години

(ВИДЕО) Во полн сјај блесна црквата св. Петар и Павле во Ѓорче Петров, илјадници верници го дочекаа Велигден

Биењето на камбаните во храмовите на Македонската православна црква, точно на полноќ, ја најавија радосната вест за воскресението Христово. Илјадници верници ги посетија црквите и манастирите во Скопје. Во полн сјај блесна и црквата св. Петар и Павле во Ѓорче Петров.Велигден е најголемиот христијански празник, Празник на победатата над смртта. Ден кога Исус Христос ја докажал својата божествена моќ и воскреснал од мртвите. Веста за христовото воскресение вечерва на полноќ ја објавија свештениците и архиереите на богослужбите во сите цркви и манастири.Овој празник е спој на верата и традицијата, негувана од памтивека, а почнува на Велики Четврток уште пред изгрејсонце кога домаќинките ги бојадисуваат првите црвени велигденски јајца. Оваа црковна традиција потекнува од првиот век по Христа, односно тоа се практикувало уште во времето на светите апостоли – христови ученици и нивните наследници. За тоа ни сведочи Светото предание.Велигденското јајце е старо колку и Христијанството и црквата го прифатила во својата традиција и практика како симбол на Христовото Воскресение. Првите христијани и современици на апостолите почнале да бојадисуваат јајца и да ги подаруваат на Велигден, поздравувајќи се со радосниот поздрав Христос Воскресе! На тоа отпоздравувале: Вистина Воскресе!Така поздравувајќи се, првиот ја соопштува веста за Христовото воскресение, додека вториот ја потврдува, а всушност и двајцата ја исповедуваат својата вера во Воскресението. Оваа практика и до ден денес е запазена во Светото Послание, па верниците со овој поздрав се поздравуваат се до Вознесението Христово, Спасовден.Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта. Црвената боја ја претставува божјата сила и моќ, а воедно ја симболизира и христовата крв, која Исус ја пролеал на крстот за спасение на сите луѓе на земјава. Така, бојата на јајцето не потсетува на крвта Христова и спасението.

Скопје | пред 3 години

(ФОТО) Блесна Плаошник во Охрид, се слави Христовото воскресение

Илјадници верници веста за Христовото воскресение синоќа на полноќ ја дочекаа во Светиклиментовиот храм на Плаошник.Покрај охриѓани имаше голем број домашни и странски гости. Сплотени со свеќи во рака и желби за подобро утре го прославија најголемиот христијански празник.Инаку преполни со верници беа и сите градски цркви.За продолжениот празничен викенд во древниот Охрид има голем број на гости од земјава и соседството.Најголемиот православен празник, Велигден, кој ја слави победата на животот над смртта, од годинава продолжи да се чествува како што беше пред пандемијата.

Македонија | пред 3 години

Вработен во маркет во Карпош нападнал купувач

На 22.04.2022 во 15.45 часот К.П.(81) од Скопје, пријавил дека на 21.04.2022 околу 15.15 часот на подрачјето на Карпош откако излегол од маркет двајца од вработените му рекле да ја врати корпата која што ја носел со себе, а кога пријавителот рекол дека сака да ги однесе продуктите до неговиот дом бидејки живеел блиску едниот од нив физички го нападнал. Се работи на расчистување на случајот.

Скопје | пред 3 години

„Или Македонија никогаш нема да стане членка на ЕУ или ќе стане неформална втора бугарска држава“, вели Димовски

Илија Димовски од ВМРО-ДПМНЕ вели дека ако историјата и јазикот се дел од обврските на Македонија спрема ЕУ, тогаш Македонија никогаш нема да стане членка на ЕУ или ќе стане втора бугарска држава.„Доколку идентитетските праша, историјата и јазикот станат дел од обврските на Македонија спрема ЕУ,во преговарачката рамка,тогаш Македонија илиникогаш нема да стане членка на ЕУ илиќе стане како неформална втора бугарска држава...“, вели Димовски

Коментари | пред 3 години

ФОТО: Се распадна фасадата на Владата

Стефан Богоев на социјалните мрежи објави фотографии од фасадата на Владата на Република Македонија.На фотографиите може да се забележи распаднатата фасада на владата, која беше направена во периодот кога ВМРО-ДПМНЕ беше на власт.„Криминалот на режимот на ДПМНЕ ден денес го плаќаме...“, напиша Богоев во описот на фотографиите.

Скопје | пред 3 години

Космички јајца за Велигден – оваа шара може да ја добиете од само еден чај

осмички јајца со посебен дезен како небо полно со ѕвезди и специфична боја која не може да се купи – тајната е во природното фарбање на јајцата со чај од хибискус.Ова е исклучително брз и лесен начин за украсување јајца, а вие добивате необична, оригинална и интензивна боја, толку волшебна што вашата велигденска корпа и трпеза ќе блеснат.Постојат различни начини за бојадисување на јајцата на природен начин.На пример, виолетова боја се добива со готвење виолетова зелка, добро познатиот кромид дава кафено-бордо нијанса, додека куркумата е ненадмината кога се работи за пастелно жолта боја.Важно е да се користат бели јајца на природен начин на бојадисување, со цел бојата подобро да се прими.За да обоите јајца со хибискус, потребни ви се:10 бели јајца80 гр чај од хибискус1 лажица сол800 ml вода (400 ml во секој сад)маслоцрвена гел боја на јајце (опционално)Подготовка:Во тенџере ставете јајца и сол, па на класичен начин сварете ги јајцата. Поделете го хибискусот во два сада, по 40 гр, а потоа истурете 400 мл вода и 50 мл алкохолен оцет. Се остава да отстои неколку минути, па се додаваат по 5 јајца.Оставете ги јајцата да отстојат во боја најмалку 3 часа, полека извадете ги со лажица и наредете ги на салфетка, ќе добиете интензивна боја и дезен кој потсетува на ефектот на мермер.Оставете ги јајцата целосно да се исушат, па ако сакате, можете дополнително да ги разубавите со додавање на гел боја.Во топла вода ставете кесичка гел боја да се загрее, а потоа истурете неколку капки на ракавицата, а потоа истријте ја бојата на јајцето.Двете бои совршено ќе се спојат и ќе добиете прекрасен дезен кој можеме да го наречеме „космички“ јајца. Кога јајцата целосно ќе се исушат, премачкајте ги со масло да блеснат.

Магазин | пред 3 години

„Картонска макета од Груевски ќе ги лежи изречените казни?“, јавноста реагира по новата казна за експремиерот

Кривичниот суд Скопје изрече првостепена пресуда за случајот „Плацеви на Водно“. Никола Груевски, Сашо Мијалков и Јордан Орце Камчев осудени се на вкупно 9 години и 3 месеци казна затвор. Никола Груевски доби казна затвор од 7 години плус парична казна 3500 евра. Ова наиде на многу реакции, особено откако судијата Илија Трпков посочи дека обвинителката Лиле Стефанова докажала дека експремиерот си купувал имот од парите кои симпатизери на ВМРО-ДПМНЕ иг донирале за партијата. За имотот, Стефанова пак посочи дека е во вредност од три милиони евра. Ова не е прва затворска казна за Груевски, тој претходно е осуден во случајот за набавакта на Мерцедесот и „Шамари во Центар“.https://twitter.com/Berberot2/status/1517561995058425856https://twitter.com/srce_swatko/status/1517559338042372097https://twitter.com/Viktor_Stevich/status/1517205197235400704https://twitter.com/februar1967/status/1517196352329068544https://twitter.com/VidanaDeSign/status/1517192025971568640https://twitter.com/ddimkooooo/status/1517188550319607810https://twitter.com/jabandzija/status/1517180977159753733https://twitter.com/mancesterovec7/status/1517176285478498306https://twitter.com/evrosimoski/status/1517147403459039232https://twitter.com/tviterana/status/1517148364860579841https://twitter.com/DingoOdKratovo/status/1517129249651576832

Коментари | пред 3 години

Силен земјотрес почуствуван во Скопје

Силен земјотрес се почуствува во Скопје. Жителите, особено оние кои живеат во згради, се исплашени од силината на потресот.Според информациите од глобалните апликации за регистрирање на земјотреси, станува збор за потрес од 5,2 степени по Рихтеровата скала, регистриран во Босна и Херцеговина. Локацијата е 44 километри од Мостар.Поради силината, земјотресот е почуствуван и во Србија, како и Словенија.

Македонија | пред 3 години

(ФОТО) Боки 13 се отвори пред јавноста: Овие слики се товар на судијките, Русковска, докторите, кој ќе го носат цел живот

Бојан Јовановски-Боки 13 објави фотографии од првото рочиште за случајот „Рекет“. Тој вели: „Овие слики ќе одбележат еден период од мојот живот за кој ќе зборувам описно и детално кога ќе дојде време. Многумина се радуваа кога ме видоа во оваква состојба, ликуваа, се потсмеваа, ме понижуваа, едноставно овие слики беа кулминација на малодушноста и злобата на поединците кој со сета сласт ги шеруваа и публикуваа овие слики со најгрозни коментари“.Тој додава дека фотографиите се грозни, па објаснува: „Но единствено би сакал да знаете дека еден ден пред да почне судењето кај омилените и инструирани судии Васка Николовска-Масевска и Софче Гаврилова-Ефремова и пред овие слики бев буквално исфрлен, како куче скитник, од болницата 8-ми септември, со недовршена инфузија и канила на раката, по налог на директорот на болницата (другар на Заев), под наредба и закана директно од Русковска, наредба да бидам испуштен од болница во катастрофална здравствена состојба на судиите и чинителите од власта ( кој мислат дека се богови на земјата ). Токму оние судии кој по секоја цена мораа да ја извршат зададената задача, кршејќи ги сите законски норми и да ме осудат по секоја цена!!!“.„Овие слики не се мој срам, овие слики се срам и товар кој погоре опишаните ќе си го носат додека се живи!!! Нека трепкаат овие слики и нека бидат синоним и приказ што значи вистинска тортура во 21 век!!! Денеска е Велики петок, најтажниот ден во христијанскиот свет, денот кога Исус бил мачен, камшикуван, осуден на смрт и распнат, последните негови зборови биле : "Господе, опрости им, оти не знаат што прават", а јас како скромен верник и христијанин ќе кажам, Господе, само твојот суд е вистински и суди им по твоја воља. Содржината е авторски текст на Бојан Јовановски, објавено од администратор на профилот“, пишува на профилот на Фејсбук.

Коментари | пред 3 години

Апсења за дрога, кражби, нелегално оружје - акциите на МВР во изминатиот ден

Денеска (22.04.2022) во 08.00 часот полициски службеници од СВР Тетово го лишиле од слобода Д.М.(26) од Тетово. По претходно добиена судска наредба, извршен е претрес во дом и други простории кај Д.М., во врска со кривично дело „неовластено производство и пуштање во промет на наркотични дроги, психотропни супстанции и прекурсори“, предвидено и казниво по член 215 од Кривичниот законик, при што биле пронајдени марихуана и дробилка. Д.М. е приведен и по целосно расчистување и документирање на случајот ќе следи соодветен поднесок.На 21.04.2022 во 21.50 часот во тетовско Долно Палчиште полициски службеници од Полициското одделение Камењане го лишиле од слобода Џ.Р.(47) од тетовско Синичане. Тој се сомничи дека претходно извршил кражба на плац за градежни работи, сопственост на А.А. од истото село. Џ.Р. е приведен во полициска станица, а кај него се пронајдени предметите од извршеното кривично дело, кои што подоцна со потврда му се вратени на сопственикот. По документирање на случајот против него ќе биде поднесен соодветен поднесок.На 21.04.2022 во 18.10 часот во казино на подрачјето на Драчево од полициски службеници од СВР Скопје – Единица за недозволена трговија е лишено од слобода едно лице од с.Палиград, скопско, затоа што при претрес во казиното, извршен со судска наредба од Основен кривичен суд, во просторија од казиното била пронајдена и одземена бела прашкаста материја. По целосно расчистување и документирање на случајот ќе биде поднесен соодветен поднесок.На 21.04.2022 во 15.00 часот во Полициска станица Карпош, Б.Ј.(82) од Скопје пријавил дека на ул.„Бледски договор“ бил каснат од куче скитник.На 21.04.2022 во 14.40 часот полициски службеници од Полициското одделение Теарце го лишиле од слобода Д.М.(34) од тетовска Вратница. За него постои основано сомнение дека е извршител на повеќе тешки кражби на подрачјето на Теарце. Д.М. е приведен и задржан во Полициска станица Тетово за понатамошна постапка, а по целосно расчистување и документирање на случајот против него ќе следи соодветен поднесок.На 21.04.2022 во ОВР Кичево приведен е Б.Р.(63) од кичевското село Подвис. При претрес извршен по судска наредба во неговиот дом, полициските службеници пронајдоа и одзедоа ловна пушка „Оразара“ калибар 16 мм и десет ловни патрони, што нелегално ги поседувал. По целосно документирање на случајот против него ќе биде поднесена соодветна пријава.На 21.04.2022 во 14.10 часот во Полициска станица Бит Пазар, А.А.(30) од Скопје пријавила дека на ул.„Серава“ нејзината малолетна ќерка била касната од куче скитник.На 21.04.2022 година од 15.00 до 19.00 часот, при извршени сообраќајни контроли во Охрид, полициските службеници затекнале и санкционирале 15 возачи кои управувале моторно возило со брзина поголема од дозволената (08 - надвор од населено место, 07 - во населено место).На 21.04.2022 во 19.00 часот во Полициска станица Карпош, Д.П.(48) од Скопје пријавил дека на ул.„Багдадска“ бил каснат од куче скитник.

Македонија | пред 3 години