ТОП

На 20 јануари учениците се враќаат во училишните клупи

Нема продолжување на распустот заради новиот бран на заболени од ковид-19. Учениците да се вратат во школските клупи на 20 јануари, предложи денеска Комисијата за заразни болести која заседаваше зад затворени врати.Владата попладнево расправала за предлогот на Комисијата и било решено да го свика главниот координативен Кризен штаб за повторно да расправа за оваа одлука.ТВ 24 од свои извори дознава дека нема ниту предлог за нови мерки за заштита од коронавирусот. На денешниот состанок на Комисијата не се дискутирало за тоа. Се зборувало како да се организира системот, болниците, епидемиолозите како да ја следат состојбата со оглед на големиот наплив од заболени. Не се разговарало ниту за минатонеделниот предлог, изолацијата на асимптоматските случаи да се намали од 10 на 7 дена и дали ќе се официјализира на Влада.

Македонија | пред 4 години

Даниловски не прифаќа членување во Комисијата за заразни болести

Не прифаќам членување во комисијата за заразни болети, вели докторот Драган Даниловски„Денес претпладне, на медиумите, како што се „Лидер“, „Скопје инфо“, „Фокус“, „Република“, „Либертас“, „24Инфо“, кои се повикуваат на информација од „Нова ТВ“, осамнаа наслови „ЛДП предлага д-р Пановски и д-р Даниловски да влезат во Комисијата за заразни болести“.Оригиналниот напис на „Нова ТВ“ почнува вака: „Либералдемократската партија предлага во Комисијата за заразни болести да членуваат д-р Никола Пановски и д-р Драган Даниловски, двајцата лекари кои неуморно во текот на последниве две години од почетокот на пандемијата алармираат и споделуваат совети и препораки за граѓаните и совреме предупредуваат на епидемиолошката состојба во земјава, дознава Нова ТВ...Во ЛДП велат дека ако денеска на владината седница стане збор за новиот состав на Комисијата за заразни болести тие ќе ги достават своите предлози, но исто така ќе го информираат и новиот министер за здравство Беким Сали за нивниот предлог.“Потоа, се цитира оригиналната изјава на ЛДП, која гласи:„Во Комисијата за заразни болести треба да членуваат стручњаци кои недвосмислено ќе можат да се носат со сите предизвици на ковид пандемијата и да предлагаат мерки за заштита на населението од заразни болести поттикнати пред се од епидемиолошката состојба во земјава, а не од какви било политички влијанија или калкулации, порачуваат од ЛДП.“Од ова недвосмислено заклучувам дека авторот на написот С.М. (зошто само иницијали?), самиот си изведува претпоставка дека во изјавата изразот „стручњаци“ се однесува на проф. Пановски и мене.Мислам дека ова е грубо кршење на новинарскиот етички кодекс. Безлична изјава се користи да се инсинуира нешто конкретно. Нешто што, нели, ќе предизвика голем интерес во јавноста. И ќе значи печалење кликови!Како и да е, не навлегувајќи, во крајна линија, во тоа дали авторот со скриен идентитет поседува и некои други информации, вон цитираната изјава на ЛДП, врз основа на кои го составил својот сензационалистички текст, сакам да ја известам јавноста дека:1. Никој никогаш од ЛДП не разговарал со мене дека планирале да ме предложат во Комисијата за заразни болести, ниту побарал моја согласност. Тоа е доволен индикатор дека С.М. од Нова ТВ не ја зборува вистината.2. Дури и ако претпоставиме дека навистина од ЛДП имале намера да ме предложат, јавно изјавувам дека:- Не прифаќам било чиј предлог за членување во Комисијата за заразни болести при Министерството за здравство. Овој мој став се темели на свесноста дека Комисијата за заразни болести никогаш не може автономно да функционира, колку и да се трудат членовите така да биде!Зошто? Затоа што таа претставува само советодавно тело на Министерот за здравство. Таа нема ингеренции да носи извршни одлуки, туку само заклучоци, кои му ги предлага на Министерот. Тој може, ама не мора, да ги прифати. Крајната одлука е само негова и би требало да биде извршна.Арно ама, ниту неговите одлуки во тек на пандемијава не се извршни. Треба да поминат на Кризен штаб при Владата – евентуално да се модифицираат (влијание на политика!) - и дури потоа формално да се прифатат од Владата.Во таков амбиент, за мене е неприфатливо да ја жртвувам својата автономија.- Останувам со автономен, независен статус како досега – член на универзитетската заедница – и продолжувам да функционирам волонтерски во врска со сѐ што значи стручна помош секому што ќе ми се обрати: Комисијата за заразни болести, Министерството за здравство – но, пред сѐ, граѓаните“, вели тој

Коментари | пред 4 години

12 починати лица, 766 нови пациенти со коронавирус - во Скопје се највеќе

Министерството за здравство информира, согласно податоците од Институтот за јавно здравје дека во последните 24 часа:Направени се 3.748 тестови, а регистрирани се 766 нови случаи на КОВИД-19:Скопје – 521, Битола – 33, Куманово – 32, Струмица – 23, Кавадарци – 20, Прилеп – 19, Штип – 17, Охрид – 16, Струга и Гевгелија – по 9, Кичево и Ресен – по 8, Велес – 7, Гостивар – 6, Тетово – 5, Свети Николе, Пробиштип, Валандово и Кратово – по 4, Неготино и Крива Паланка – по 3, Радовиш, Богданци и Демир Хисар – по 2, Делчево, Дебар, Македонски Брод, Демир Капија и Македонска Каменица – по 1. Од вкупниот број на позитивни (766), регистрирани се 86 реинфекции.Регистрирани сe 486 оздравени пациенти од: Скопје – 339, Битола – 26, Прилеп – 23, Кавадарци – 18, Тетово – 14, Штип – 11, Куманово, Гевгелија и Крива Паланка – по 8, Струмица и Велес – по 6, Кичево – 4, Валандово и Радовиш – по 3, Неготино – 2, Охрид, Ресен, Гостивар, Свети Николе, Богданци, Кочани и Виница – по 1.Во текот на изминатите 24 часа регистрирани се 12 починати лица: 4 починати лица од Скопје (63г, 65г, 80г и 81г), 2 починати лица од Битола (80г и 82г) и по едно починато лице од Охрид (58г), Гевгелија (72г), Кавадарци (67г), Крива Паланка (74г), Кочани (48г) и Демир Хисар (82г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се 3 лица, по едно починато лице од Скопје, Гостивар и Дебар, починати во период од 03.01 - 11.01.2022г. Починатите се на возраст од 62 години до 75 години. Сите пријавени лица се починати во домашни услови.Направени се 3.748 тестови преку: ИЈЗ-227, ЦЈЗ Скопје-49, ЦЈЗ Битола-0, ЦЈЗ Прилеп-0, ЦЈЗ Тетово–0, ЦЈЗ Куманово-15, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–145, Жан Митрев (Филип Втори)-133, Авицена-101, Биотек-197, Систина-100, лабораторија Лаор-0, Синлаб-0, Ремедика-0, Плодност-27, Генеа-0, Никоб Лаб-501, ВФВ Медикал-41, Ели Медика-9, Ројал Медика–0, Спектра-ММ-0, Рапид Лаб–25, Жан Митрев Струмица–0, Нова Лаб Дијагностика–0, Рамус-0, ЈЗУ и ПЗУ (рапид тест) – вкупно 2.178.Досега во земјата се направени вкупно 1.710.444 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 245.398, бројот на оздравени пациенти е 220.886, на починати е 8.115, а бројот на активни случаи изнесува 16.397.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 110354, Активни 8788Куманово 13860, Активни 603Прилеп 11931, Активни 884Тетово 11730, Активни 256Битола 11133, Активни 1461Гостивар 8340, Активни 214Кавадарци 7995, Активни 413Велес 7894, Активни 318Охрид 7446, Активни 581Штип 7128, Активни 274Струмица 6692, Активни 338Кичево 4602, Активни 237Кочани 4310, Активни 158Струга 4124, Активни 171Гевгелија 3267, Активни 242Неготино 2830, Активни 158Свети Николе 2256, Активни 86Ресен 2086, Активни 172Крива Паланка 2074, Активни 96Радовиш 2017, Активни 180Делчево 1581, Активни 92Берово 1538, Активни 52Дебар 1479, Активни 17Виница 1220, Активни 33Пробиштип 1208, Активни 53Валандово 1197, Активни 135Кратово 818, Активни 28Крушево 760, Активни 140Богданци 759, Активни 58Демир Хисар 701, Активни 50Македонски Брод 589, Активни 40Демир Капија 455, Активни 19Македонска Каменица 454, Активни 25Пехчево 380, Активни 18Дојран 190, Активни 7

пред 4 години

Горивата поскапуваат

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 денари/литар, додека малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 1,50 денари/литар.Малопродажната цена на Мазутот М-1 НС се зголемува за 1,103 денар/килограм и сега ќе изнесува 42,827 ден/кг.Од 18.1.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС – 95 76,50 (денари/литар)Моторен бензин ЕУРОСУПЕР БС – 98 78,50 (денари/литар)Дизел гориво ЕУРОДИЗЕЛ БС (Д-Е V) 69,00 (денари/литар)Масло за горење Екстра лесно 1 (ЕЛ-1) 69,00 (денари/литар)Мазут М-1 НС 42,827 (денари/килограм)

Македонија | пред 4 години

Спасовски предизвика чудење со негова изјава

Оливер Спасовски, еден од ретките министри кои останаа во новата Влада на Димитар Ковачевски од редовите на СДСМ, во емисијата „Студио10“ на ТВ24 рече дека понудил друг човек да дојде на неговата раководна позиција во Министерството за внатрешни работи.„Со Ковачевски имавме неколку средби на кои разговаравме на оваа тема. Јас понудив да биде најден друг човек што ќе раководи со МВР.“, рече Спасовски претпладнево во телевизиското студио.Тој рече дека и Агенцијата за национална безбедност е реформирана за време на неговиот мандат и дека повеќе нема прислушкувања на граѓани.Во моментов рече дека се подготвува инсталацијата на боди-камерите кај полициските службеници, вклучувајќи ги и оние на граничните премини.- Има посебна процедура и целиот тој настан и контрола се снима со боди-камерата од која директно се извлекува целиот материјал во посебен софтвер кој се контролира од старешината, рече Спасовски.

Македонија | пред 4 години

Докторите ќе штрајкуваат: Нели ви е срам?!

Матичните доктори се чувствуваат навредени од Фондот, кој испорача казни на илјада матични доктори. Ненад Лазаров, специјалист од Скопје, ги повика колегите на штрајк.„Го слушате ли овој како вреѓа цела фела, го слушате ли како не било глоба према лекарите него “договорна казна”.Уа бе голи администратори, уа бе партиски пајташи. Колеги, време е за штрајк! Не казнивте ниеден што не работеше во цела криза, не излеговте од канцеларија, не ни е дозволен влез во простории на масиче на улица документи доставуваме, нели ви е срам?“, напиша Лазаров на социјалните мрежи споделувајќи фотографија од претставник на ФЗО кој гостувал во телевизиска емисија.Голем дел од матичните лекари се согласни на штрајк и тоа без одлагање и покрај ширењето на новиот сој на коронавирус омикрон кој им ги преполнил ординациите. Велат дека казните ја прелиле чашата.

Коментари | пред 4 години

Бугарите да влезат во македонскиот Устав бара бугарскиот премиер, а за него не постојат Македонци во Бугарија

Со амбасадата на САД во Бугарија, ниту јас ниту други членови на бугарската влада не разговарале за т.н. македонско малцинство во земјата. Нема такво малцинство и за тоа не може да се зборува, рече бугарскиот премиер, Кирил Петков, објаснувајќи во интервју за БТВ околу темата за разговори на бугарската влада со амбасадата на САД на оваа тема.Петков порача и дека постои усогласен став на бугарската политика, потврден од Консултативниот совет за национална безбендост пред една недела, дека позицијата на Бугарија кон Севрна Македонија не е променета, туку е само надградена со работни групи.Бугарскиот премиер го потврди инсистирањето бугарското малцинство во Република Македонија да влезе во Уставот на земјата, додавајќи дека никогаш не навел точен рок за решение на спорот.„Ова треба да биде во функција само со резултат врз основа на овие работни групи. РСМ ќе влезе во ЕУ кога позицијата на Бугарија ќе биде усогласена. Сакаме правата на Бугарите таму да бидат вклучени во нивниот Устав“, изјави Петков во одготворот за БТВ, а во врска со компромисите кои Бугарија е подготвена да ги направи рече дека може да биде иницијатор за пуштање на авио-линија Софија-Скопје како прв чекор.Петков заедно со шефицата на бугарската дипломатија Теодора Генчовска, министерот за транспорт и врски и потпретседателот на Народното собрание во вторник ќе допатува во прва официјална посета на Скопје.

Македонија | пред 4 години

Избрана нова Влада

Пратениците по два дена дебата, избраа нова Влада. Нов премиер е Димитар Ковачевски. „За“ гласаа 62 пратеници, против новата влада се изјаснија 46 пратеници, без воздржани. Вкупно гласале 108 пратеници.Новата Влада има 12 членови од СДСМ, 6 има СДСМ и 3 има Алтернатива.Во новиот министерски состав влегува професорот на Правниот Факултет Никола Тупанчевски кој ќе го замени Бојан Маричиќ во министерството за правда, додека Маричиќ се сели на позицијата вицепрмиер за европски прашања.Поранешната заменик министер за внатрешни работи Славјанка Петровска во новиот состав на владата ќе ја наследи Радмила Шекеринска во министерството за одбрана. Поранешната пратеничка Славица Грковска ќе седне во вицепремиерската фотелја за борба со корупција на местото на Љупчо Николовски, кој повторно се враќа на позицијата министер за земјоделство, односно на позицијата на која до ноември минатата година беше Аријанит Хоџа од Беса, која излезе од Владата.Нова министерка за труд и социјалната политика на местото на Јагода Шехпаска ќе биде Јована Тренчевска која на оваа позиција доаѓа од Државниот трудов инспекторат, а Бисера Костадиновска Стојчевска е нова министерка за култура на местото на досегашната Ирена Стефоска.Од досегашните социјалдемократски кадри министерските столчиња ќе ги сочуваат Оливер Спасовски кој останува во МВР, Благој Бочварски во транспорт и врски, Горан Милевски во локална самоуправа, Фатмир Битиќи - вицепремиер за економски прашања.Позицијата министер за образование и наука, од која се повлече Мила Царовска, пак, се очекува да ја преземе досегашниот министер за информатичко општество и администрација, Јетон Шакири од ДУИ.ДУИ во новата влада останува со речиси непроменет кадар. Само досегашниот министер за информатичко општество Јетон Шаќири ќе го замени едното за друго министерско столче во министерството за образование. До тоа дојде откако досегашниот премиер Зоран Заев неговата позиција му ја понуди на новиот коалиционен партнер Алтернатива, Адмир Алити.Алтернатива го доби и министерството за здравство каде што ќе седне Беким Сали на местото на Венко Филипч, а Џемаил Чупи како министер без ресор задолжен за дијаспора на местото на Едмонд Адеми. Алтернатива влезе во владејачката коалиција со цел да се зголеми владејачкото парламенатарно мнозинство откако Беса ја напушти владата.

Македонија | пред 4 години

Нема фотографија

Ковачевски: Доаѓа ново време, со работа почнуваме веднаш

„Ви благодарам за дводневната дебата. Внимателно ве слушав и ви благодарам за поддршката, но и за критиките. Собранието е основното место каде треба да се дебатираат политиките, се презентираат аргументите и се наоѓаат решенијата. Искрено верувам дека опозицијата ќе биде конструктивна и ќе ги соработува во интерес на носење на најдобрите одлуки во интерес на граѓаните“, рече новиот премиер Димитар Ковачевски.Тој посочи и:Сосема на кратко. Легитимитетот на Владата е неспорен и со зголемената поддршка на мнозинството одржлив во следните две и пол години. Јасно и гласно потврдувам дека избори ќе има, но во 2024 година. До тогаш, ќе работиме посветено на унапредување на економијата и квалитетот на животот на секој граѓанин. Најавив и цврсто остануваме на нашиот модел за ефикасно управување и транспарентно, фокусирано и базирано на резултати.Со работа започнуваме веднаш. Веќе на утрешната седница на Владата отпочнуваме со носење на решенијата за енергетската криза. Утре ќе остварам и средба со новата германска министерка за Европа, на која ќе разговарам за забрзување на евроинтеграциите.Веќе во вторник, на мое огромно задоволство, ќе бидам домаќин на новиот бугарски Премиер, г-динот Петков, со кога сакаме да воспоставиме нова соработка, базирана на почитување, поддршка и зачувување на македонскиот идентитет и посебност.Веднаш потоа, продолжуваме со решенија за зголемување на пензиите и за поддршка на куповната моќ на граѓаните. Ќе се посветиме на ефикасна реализација и стимулирање на домашните јавни капитални и домашните и странски приватни инвестиции.Секој министер во својот ресор и целата Влада, имаат јасен и прецизен План за реализирање на поднесената Програма, со рокови и индикатори за следење на реализацијата и ефектите.Најавив и нудам модел на партиципативност и уште еднаш ја повикувам целата опозиција за заедничка работа и консензус за клучните прашања. Нашите граѓани се обединети во барањата за подобар живот. За тоа единствено ќе работиме, и бараме сите да ни се приклучите да ја реализираме таа цел. Да престанат политичките, етничките и социјални поделби, да престане говорот на омраза и на ширење и поттикнување на песимизам. Да ги тргнеме личните и теснопартиските интереси на страна бидејќи сега повеќе од било кога мора да соработуваме во интерес на граѓаните.Верувам дека ќе успееме да работиме и подобро и поефикасно. Верувам дека ќе ја подготвиме нашата држава за новото време. На сите граѓани им посакувам многу здравје, мир и спокојство во семејствата и ветување дека ќе направиме се да ја заслужиме и оправдаме нивната доверба и да обезбедиме подобар живот за сите.Доаѓа ново време, доаѓа подобро време.Да живеат граѓаните, да живее Република Северна Македонија!

Македонија | пред 4 години

(ФОТО) Боки 13 во затвор како на модна писта, среден од глава до пети сосе наочари за сонце

Бојан Јовановски, познат во јавноста како Боки 13 заедно со цимерите во КП Идризово прославува роденден.На сликата која неодамна се појави на социјалните мрежи, може да се забележи дека Боки 13 е во друштво на шест други затвореници.На фотографијата доминира облеката на Бојан, односно капутите на прозор. Тој е нашминкан и стилизиран. 

Магазин | пред 4 години

Меџити нема да гласа за новата влада

Новата влада на чело со лидерот на СДСМ Димитар Ковачевски, се очекува вечерва да биде изгласана од страна на пратениците од парламентарното мнозинство.Меѓутоа, според информации на Фокус, владата нема да ја добие поддршката од сите 64 пратеници, колку што имаат СДСМ, ДУИ, Алтернатива и „помалите“ владејачки партнери.Неофицијално, пратеникот на ДУИ Изет Меџити денес воопшто не е присутен во парламентот и нема да учествува во гласањето за нова влада, бидејќи не се согласува со дел од кадровските решенија за министри што доаѓаат од неговата партија.Целиот текст можете да го прочитате тука

Македонија | пред 4 години

1348 нови случаи на ковид

Министерството за здравство информира, согласно податоците од Институтот за јавно здравје дека во последните 24 часа:Направени се 6.141 тестови, а регистрирани се 1.348 нови случаи на КОВИД-19:Скопје – 677, Битола – 125, Куманово – 82, Прилеп – 72, Охрид и Струмица – по 47,Велес – 38, Тетово – 36, Штип – 35, Кавадарци – 27, Гостивар – 17, Свети Николе – 16, Гевгелија и Ресен – по 13, Кочани – 12, Струга – 11, Кичево, Неготино и Крива Паланка – по 10, Радовиш и Крушево – по 8, Виница – 6, Делчево – 5, Демир Хисар и Македонски Брод – по 4, Берово, Пробиштип, Кратово и Богданци – по 3, Дебар, Македонска Каменица и Пехчево – по 1.Од вкупниот број на позитивни (1.348), регистрирани се 145 реинфекции.Регистрирани сe 784 оздравени пациенти од: Скопје – 400, Битола – 83, Прилеп – 53, Кавадарци – 37, Куманово и Струмица – по 31, Охрид – 25, Штип – 20, Велес и Гевгелија – по 16, Кочани – 13, Гостивар – 11, Валандово – 10, Кичево – 7, Ресен – 6, Виница – 5, Крушево – 4, Неготино и Свети Николе – по 3, Тетово, Пробиштип и Богданци – по 2, Струга, Радовиш, Демир Хисар и Дојран – по 1.Во текот на изминатите 24 часа регистрирани се 8 починати лица: 4 починати лица од Скопје (55г, 76г, 76г и 82г), и по едно починато лице од Прилеп (64г), Битола(77), Струмица (60), и Демир Хисар (71). Пријавените лица се починати во болнички услови.Направени се 6.141 тестови преку: ИЈЗ-314, ЦЈЗ Скопје-46, ЦЈЗ Битола-106, ЦЈЗ Прилеп-59, ЦЈЗ Тетово–0, ЦЈЗ Куманово-123, Клиника за инфективни болести и фебрилни состојби-0, Судска медицина-4, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–175, Жан Митрев (Филип Втори)-142, Авицена-169, Биотек-243, Систина-104, лабораторија Лаор-389, Синлаб-19, Ремедика-1, Плодност-119, Генеа-20, Никоб Лаб-615, ВФВ Медикал-64, Ели Медика-25, Ројал Медика–53, Спектра-ММ-18, Рапид Лаб–33, Жан Митрев Струмица–35, Нова Лаб Дијагностика–6, Рамус-24, ЈЗУ и ПЗУ (рапид тест) – вкупно 3.235.Досега во земјата се направени вкупно 1.706.696 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 244.632, бројот на оздравени пациенти е 220.400, на починати е 8.100, а бројот на активни случаи изнесува 16.132.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 109826, Активни 8609Куманово 13829, Активни 580Прилеп 11914, Активни 890Тетово 11726, Активни 266Битола 11103, Активни 1456Гостивар 8334, Активни 210Кавадарци 7976, Активни 413Велес 7887, Активни 317Охрид 7428, Активни 565Штип 7113, Активни 270Струмица 6669, Активни 321Кичево 4594, Активни 232Кочани 4309, Активни 159Струга 4115, Активни 162Гевгелија 3258, Активни 242Неготино 2827, Активни 157Свети Николе 2252, Активни 83Крива Паланка 2071, Активни 102Ресен 2079, Активни 166Радовиш 2014, Активни 180Делчево 1579, Активни 90Берово 1538, Активни 52Дебар 1477, Активни 16Виница 1220, Активни 34Пробиштип 1206, Активни 50Валандово 1193, Активни 134Кратово 814, Активни 24Богданци 757, Активни 57Крушево 760, Активни 140Демир Хисар 699, Активни 49Македонски Брод 588, Активни 39Демир Капија 454, Активни 18Македонска Каменица 453, Активни 24Пехчево 380, Активни 18Дојран 190, Активни 7

пред 4 години

Пациент давел докторка во Охрид

Пациент нападнал лекарка во Охрид и се обидел да ја дави додека чекал за преглед на Инфективното одделение во Охрид.Министерството за внатрешни работи денеска соопшти дека едно лице најнапред вербално, а потоа и физички нападнало вработена во Инфективното одделение во Охрид. Случајот е пријавен денеска, во 9.19 часот, во СВР Охрид. Директорот на охридската болница доктор Горан Балевски за „Слободен печат“ потврдил дека утринава во амбулантата на инфективното одделение, пациент што чекал на ред почнал да ја дави една од двете лекарки на смена. Лекарката инфектолог има 62 години и по индицентот се чувствува добро.СВР Охрид презема мерки за расчистување на случајот.

Македонија | пред 4 години

Данела продолжи со контроли кај автобуски превозници, изречени нови две казни

Продолжуваат вонредните надзори на терен преку контроли на автобусите и комбињата кои вршат превоз на патници на територија на Град Скопје. Инспекторатот денеска изрече две казни за фирмите “Менсур Турс” и“Ганиќ ексклузив” од Скопје.Градот Скопје ќе продолжи со секојдневни теренски контроли и инспекциски надзори на превозниците на патници, со цел доследно почитување и спроведување на законските прописи за вршење на оваа дејност. Ги повикуваме фирмите превозници на патници да се придржуваат до законите во нивното секојдневно работење, со цел овозможување квалитетен и безбеден превоз за граѓаните.

Скопје | пред 4 години

Нема повеќе пиење ракија, вина и пива во Ѓорче Петров, градоначалникот набавува само сокови, чаеви и кафиња за гостите

Општина Ѓорче Петров ја искоренува праксата за набавка на вина, пива, жестоки пијалоци за што во 2019 година се склучуваа договори и по 941.994 денари. Оваа година, овој трошок е намален за над половина милион денари. Па така, сега, преку договор за јавна набавка општината ќе добие само кафе, води, чај, газирани и негазирани сокови кои се наменети за гости. Во ниту една од ставките, не стои набавка на алкохол.Ако се види договорот на Општина Ѓорче Петров, во него стои набавка на црвено и бело вино, пенливо вино, пиво во различни амбалажи, жолта ракија, вотка, рум, коњак, узо, текила. Овие производи, со договорот за оваа година – не се набавуваат.Па така, гостите во Општината, сега ќе се служат со чоколадни бомбони, газирана или негазирана вода, газиран сок, а поголем избор ќе имаат само кога во прашање се вкусовите на густи сокови бидејќи се набавуваат од праска, портокал, јаболко. Во општината кујна ќе има и чај од повеќе вкусови, како и кафиња. Принципот на реализација на договорот е – колку ќе се потроши, толку да се плати, што значи дека останува можноста да не се потрошат сите пари од договорот.Новиот градоначалник, Александар Стојкоски, уште кога беше назначен на функцијата кажа дека ќе ги намали сите непродуктивни трошоци, а дека ќе набавува само тоа што е неопходно за нормално функционирање. Па така, тој уште со првиот ребаланс на буџетот на Ѓорче Петров, ги скрати парите наменети за букети, јадења и пиења по ресторани, објавување огласи.

Скопје | пред 4 години

Короната се шири, нови 1635 случаи и девет починати има во Македонија

Министерството за здравство информира, согласно податоците од Институтот за јавно здравје дека во последните 24 часа:Направени се 7.564 тестови, а регистрирани се 1.635 нови случаи на КОВИД-19:Скопје – 785, Прилеп – 121, Битола – 110, Куманово – 78, Кичево – 47, Кавадарци – 44,Велес – 41, Струмица - 39, Гостивар и Охрид – по 38, Тетово – 37, Радовиш – 28, Штип – 27, Струга – 25, Гевгелија – 23, Кочани – 21, Неготино – 20, Ресен – 17, Крива Паланка, Валандово и Крушево – по 11, Свети Николе и Делчево – по 9, Берово – 7, Македонска Каменица – 6, Богданци и Македонски Брод – по 5, Виница и Пробиштип – по 4, Кратово, Демир Хисар, Демир Капија и Пехчево – по 3 и Дебар – 2. Од вкупниот број на позитивни (1.635), регистрирани се 184 реинфекции.Регистрирани сe 1.276 оздравени пациенти од: Скопје – 794, Битола – 114, Прилеп – 85, Куманово – 38, Штип – 31, Охрид – 28, Гевгелија – 27, Кавадарци – 20, Кичево – 19, Гостивар – 16, Велес – 15, Кочани – 13, Тетово – 11, Делчево – 10, Ресен – 9, Свети Николе, Радовиш, Богданци и Крушево – по 5, Струга и Пробиштип – по 4, Неготино и Берово – по 3, Дебар, Виница, Македонски Брод и Пехчево – по 2, Кратово, Демир Хисар, Македонска Каменица и Дојран – по 1.Во текот на изминатите 24 часа регистрирани се 9 починати лица: 6 починати лица од Скопје (50г, 66г, 66г, 67г, 83г и 85г), 2 починати лица од Битола (62г и 69г) и едно починато лице од Прилеп (77г). Пријавените лица се починати во болнички услови.Направени се 7.564 тестови преку: ИЈЗ-397, ЦЈЗ Скопје-82, ЦЈЗ Битола-110, ЦЈЗ Прилеп-67, ЦЈЗ Тетово–14, ЦЈЗ Куманово-144, Клиника за инфективни болести и фебрилни состојби-3, Судска медицина-2, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–169, Жан Митрев (Филип Втори)-138, Авицена-403, Биотек-326, Систина-150, лабораторија Лаор-445, Синлаб-116, Ремедика-30, Плодност-111, Генеа-24, Никоб Лаб-995, ВФВ Медикал-119, Ели Медика-35, Ројал Медика–79, Спектра-ММ-35, Рапид Лаб–46, Жан Митрев Струмица–54, Нова Лаб Дијагностика–74, Рамус-24, ЈЗУ и ПЗУ (рапид тест) – вкупно 3.371.Досега во земјата се направени вкупно 1.700.555 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 243.284, бројот на оздравени пациенти е 219.616, на починати е 8.092, а бројот на активни случаи изнесува 15.576.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 109149, Активни 8336Куманово 13747, Активни 529Прилеп 11842, Активни 872Тетово 11690, Активни 232Битола 10978, Активни1415Гостивар 8317, Активни 204Кавадарци 7949, Активни 423Велес 7849, Активни 295Охрид 7381, Активни 543Штип 7078, Активни 255Струмица 6622, Активни 306Кичево 4584, Активни 229Кочани 4297, Активни 160Струга 4104, Активни 152Гевгелија 3245, Активни 245Неготино 2817, Активни 150Свети Николе 2236, Активни 70Крива Паланка 2061, Активни 92Ресен 2066, Активни 159Радовиш 2006, Активни 173Делчево 1574, Активни 85Берово 1535, Активни 49Дебар 1476, Активни 15Виница 1214, Активни 33Пробиштип 1203, Активни 49Валандово 1193, Активни 144Кратово 811, Активни 21Богданци 754, Активни 56Крушево 752, Активни 136Демир Хисар 695, Активни 47Македонски Брод 584, Активни 35Демир Капија 454, Активни 18Македонска Каменица 452, Активни 23Пехчево 379, Активни 17Дојран 190, Активни 8

пред 4 години

До полноќ пратениците ќе се „препукуваат“ за новата Влада

Собранието на Македонија денеска, со почеток во 12 часот, треба да ја продолжи собраниската седница на која единствената точка на дневен ред е избор на нова Влада. Мандатарот Димитар Ковачевски вчера ја претстави програмата и идниот владин кабинет кој ќе брои 21 министер. СДСМ и коалицијата ќе имаат 12 министри, ДУИ шест, а Алтернатива тројца министри. Расправата треба да заврши до полноќ кога треба да се гласа за избор на нова влада.Ковачевски вчера најави дека сака за сите прашања да има дијалог со опозицијата, со интелектуалците и воопшто со јавноста, рече дека пред се, ќе се посвети на раст на економијата, а во поглед на преговорите со Бугарија нагласи дека не нема да се преговара за македонскиот идентитет и јазик.Фокусот како што рече Ковачевски, ќе биде одржлив раст на економијата.Тој нагласи дека не е време за нови избори зашто, бидејќи народот е уморен од изборните циклуси и бара да се работи.Од страна на пратениците од опозициските редови, претежно од ВМРО-ДПМНЕ, беше повторен ставот дека на земјата ѝ се потребни предвремени избори со цел, земјата да може да добие стабилна и легитимна влада.Пратениците од опозицијата сметаат дека Владата на Ковачевски, доколку биде избрана, го нема легитимитетот на народот бидејќи СДСМ загуби на локалните избори, додека легитимитетот на Ковачевски не извира од изборен процес.Пратениците од власта пак сметаат дека новата влада ќе го задржи позитивниот курс на претходната Влада.

Македонија | пред 4 години

Д-р Мехмедовиќ: Ако луѓето намерно се заразуваат со омикрон, ќе предизвикаат домино ефект

Доктор Злате Мехмедовиќ во изјава за Фокус вели дека никој не може со сигурност да каже дека омикрон ќе биде последната варијанта со која ќе заврши пандемијата.-Мислам дека сериозен проблем преставува промовирањето на тезата за намерна експозиција на оваа условно кажано „лесна-блага“ варијанта на вирусот со цел да се создаде суперимунитет, па дури се промовира и да не се носат маски на затворено, да нема затворање на рестораните и кафаните, како и да не се користат ковид сертификати“, објаснува доктор Мехмедовиќ за „Фокус“.Според него, повеќето луѓе ги поминале последните две години борејќи се да го избегнат ковид 19, а сега некој ги потикнува да го направат спротивното.-Таквата девијантна логика е налик на логиката со која родителите намерно ги изложуваат своите деца во средина каде има сипаници за да создадат имунитет, што е апсолутно погрешно. Кажавме дека омикрон е неверојатно високо пренослив и многу луѓе, прележани, вакцинирани и невакцинирани ќе се заразат за време на овој бран, додава доктор Мехмедовиќ.Доктор Мехмедовиќ останува на ставот дека ако луѓето намерно се заразуваат очекувајќи дека омикрон варијантата е полесна, потенцијално ќе предизвикуваат синџир на пренос (домино ефект) и ќе го преплават веќе преоптоварениот здравствен систем.

Македонија | пред 4 години

Албански земјотрес ја потресе и Македонија

Зсемјотрес вечерва беше почувувствуван во Македонија.Според првичните информации епицентарот на земјотресот е во Албанија на 56 километри од Призрен.Земјотресот бил со јачина од 4,3 степени според рихтер, на длабочина од 2 километри

Македонија | пред 4 години

Не само утре, туку до крај на грејната сезона ќе има парно, тврди Бектеши, а ЕСМ ќе управува со БЕГ

Крешник Бектеши, министерот за економија тврди дека преку уредба на Владата, скопјани ќе имаат и во идните денови топлинска енергија. Тоа значи дека Владата ќе помогне. БЕГ го прифатиле апелот од РКЕ и Владата за да продолжат со непречена испорака на топлинска енергија, па нема да и се одземат лиценците. Според Марко Беслимовски, БЕГ ветиле и подобрување. Државата, преку ЕСМ, ќе влезе во управувањето со БЕГ за граѓаните да бидат сигурни дека ќе има топлинска енергија.„Не само утре, туку до крајот на грејната сезона ќе има парно“, рече Бектеши.Беслимовски е лут на експертите, кои реагираа дека може да се очекува големо покачување на парното поради покачувањето на цената на гасот.„Во изминатиот период имаше најризични очекувања и најави дека ќе се случи апокалипса со топлинската енергија. Кризата со која се соочува со Европа ќе заврши со едноставно поскапување од 14 проценти. Во наредниот период ќе има одлука со која ќе се определи реална цена на топлинската цена, а разликата со постоечката цена, ќе се надокнади од Владата“, рече Беслимовски.

Македонија | пред 4 години

Бебе почина од коронавирус во Скопје

ИЈЗ денеска во извештајот доставен до МЗ, пријави починато дете на шест месечна возраст, кое во регистарот Мој Термин е заведено дека починало на 03.01.2022. Според податоците добиени од Клиниката за детска хирургија, станува збор за дете со вродена аномалија на черепот. Доенчето е примено на Клиниката за Неврохирургија заради оперативна интервенција. По добивање на ковид позитивен тест, детето е ставено во изолација на респираторна машина и е ординирана соодветна терапија. Со цел постоперативно третирање детето е хоспитализирано на Клиника за детска хирургија. По континуиран период на лоша општа состојба (со настаната респираторна и хепатална инсуфициенција и тестови со наод во прилог на дисеминиранта интраваскуларна коагулопатија) во текот на престојот на Клиниката, на 03.01.2022 доаѓа до дополнително влошување на општата состојба. Лекарите на Клиниката ги превземаа сите мерки за интензивно лекување и реанимација, но и покрај тоа за жал малиот пациент заврши летално.

пред 4 години

13 починати од ковид

Министерството за здравство информира, согласно податоците од Институтот за јавно здравје дека во последните 24 часа:Направени се 6.928 тестови, а регистрирани се 1.732 нови случаи на КОВИД-19:Скопје – 788, Битола – 159, Прилеп – 95, Куманово – 79, Охрид – 57, Кавадарци – 47,Велес – 45, Кичево – 38, Тетово – 35, Штип – 34, Струмица – 33, Ресен – 31, Гостивар – 30, Неготино – 29, Гевгелија – 27, Кочани – 26, Радовиш – 24, Делчево и Крушево – по 20, Струга – 18, Валандово – 16, Демир Хисар – 14, Свети Николе – 13, Берово – 12, Богданци – 11, Крива Паланка – 10, Пробиштип – 5, Дебар, Виница и Кратово – по 3, Македонски Брод, Демир Капија и Македонска Каменица – по 2, Пехчево - 1 .Од вкупниот број на позитивни (1.732), регистрирани се 204 реинфекции.Регистрирани сe 1.035 оздравени пациенти од: Скопје – 659, Битола – 114, Прилеп – 52, Кавадарци – 32, Штип – 22, Куманово – 18, Тетово – 11, Охрид, Струмица и Неготино – по 10, Ресен, Гевгелија и Струга – по 9, Гостивар и Радовиш – по 8, Велес и Богданци – по 7, Крушево и Крива Паланка - по 6, Пробиштип – 5, Кичево, Делчево, Валандово и Демир Хисар – по 4, Кочани – 3, Свети Николе – 2, Демир Капија и Пехчево – по 1.Во текот на изминатите 24 часа регистрирани се 7 починати лица: по 2 починати лица од Скопје (68г и 88г) и Велес (57г и 83г) и по едно починато лице од Прилеп (84г), Кавадарци (69г) и Свети Николе (79г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се 6 починати лица, од Скопје (3), од Охрид (1), Кавадарци (1) и Куманово (1), на возраст од 0-91 година. Регистрираните се починати во период од 24.12.2021-11.01.2022. Од починатите лица, 4 се починати во болнички, а 2 лица во домашни услови.Направени се 6.928 тестови преку: ИЈЗ-448, ЦЈЗ Скопје-98, ЦЈЗ Битола-113, ЦЈЗ Прилеп-58, ЦЈЗ Тетово–19, ЦЈЗ Куманово-90, Клиника за инфективни болести и фебрилни состојби-3, Судска медицина-0, лабораторија болница Козле-23, УК Пулмологија со алергологија –0, ГОБ 8-ми Септември-0, Институт за микробиологија–186, Жан Митрев (Филип Втори)-184, Авицена-243, Биотек-430, Систина-122, лабораторија Лаор-168, Синлаб-51, Ремедика-14, Плодност-122, Генеа-18, Никоб Лаб-683, ВФВ Медикал-448, Ели Медика-21, Ројал Медика–42, Спектра-ММ-34, Рапид Лаб–48, Жан Митрев Струмица–35, Нова Лаб Дијагностика–15, Рамус-32, ЈЗУ и ПЗУ (рапид тест) – вкупно 3.180.Досега во земјата се направени вкупно 1.692.991 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 241.651, бројот на оздравени пациенти е 218.340, на починати е 8.083, а бројот на активни случаи изнесува 15.228.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 108346, Активни 8333Куманово 13670, Активни 490Прилеп 11723, Активни 839Тетово 11653, Активни 206Битола 10870, Активни 1423Гостивар 8280, Активни 183Кавадарци 7913, Активни 407Велес 7809, Активни 270Охрид 7345, Активни 535Штип 7051, Активни 259Струмица 6583, Активни 267Кичево 4538, Активни 202Кочани 4276, Активни 152Струга 4079, Активни 131Гевгелија 3222, Активни 249Неготино 2797, Активни 133Свети Николе 2227, Активни 66Крива Паланка 2050, Активни 81Ресен 2049, Активни 151Радовиш 1979, Активни 151Делчево 1565, Активни 86Берово 1528, Активни 45Дебар 1474, Активни 15Виница 1210, Активни 31Пробиштип 1199, Активни 49Валандово 1182, Активни 133Кратово 808, Активни 19Богданци 749, Активни 56Крушево 741, Активни 130Демир Хисар 693, Активни 46Македонски Брод 579, Активни 32Демир Капија 451, Активни 15Македонска Каменица 446, Активни 18Пехчево 376, Активни 16Дојран 190, Активни 9

Македонија | пред 4 години

За пакетчиња потрошени 72.000 евра, најмногу пари дал Град Скопје

За купување новогодишни пакетчиња се потрошени 72.000 евра, иако се очекува сумата да достигне и поголема вредност соопшти Центарот за граѓански комуникации.Според центарот, најмногу пакетчиња, 3.274, купила Општина Кавадарци, иако со пониска поединечна цена, а потоа е Општина Прилеп со 3.030 пакетчиња. „Најскапи пакетчиња, како и претходната година, и сега купила Општина Новаци, по 1.377 денари за едно пакетче.Вкупно најмногу пари за пакетчиња, пак, потрошил Град Скопје – 10.000 евра. Просечната цена која институциите ја платиле за едно новогодишно пакетче изнесува 566 денари“, покажуваат резултатите од истражувањето.

Скопје | пред 4 години

Магдалена Ризова-Черних разрешена од Театар Комедија, тврди дека имало притисоци и мобинг

Актерката Магдалена Ризова-Черних беше в.д. директорка на Театар Комедија, а т аа денес објави дека е разрешена од функцијата поради непознати причини.„Причината за моето разрешување не ми е позната, бидејќи од вчера сум на боледување заради мојата влошена здравствена состојба. Меѓудругото имав огромни притисоци од страна на министерката Стефоска да си дадам оставка која незнам од која причина го правеше тоа. Истото го правеше и претседателката на управен одбор Весна Гиновска Илкова. Мобинг и изнесување на тотални лаги. Кога е во прашање изнесување на вистината,вистината е следна.Потписи и манипулации и не вистини. 79 вработени во инстиуцијата Театар Комедија, а петиција од 30 и нешто, кој јас уредно ги повикав на состанок. Ги исполнив барањата да уметнички раководител биде Дарко Спасов,за кој уредно издадов задолжение за да ја извршува должноста и испратив барање до министерството за одобрување на финасиски средства за тоа работно место. Одговор на барањето сеуште нема, а истиот се повлече од должноста на крај од годината. На средбата со министерката бев изложена на притисок да решам проблем кој така лесно не се решава. За да работиш месец дена и да решиш проблем кој е од човекова природа не е лесно. Рокови три,четири дена... Не дозволи да си го реализирам мојот план за работа и начин. Никогаш ова не се случувало од еден министер.Следно, после распишаниот оглас за директор, не се изврши избор на директор и јас ги искористив правните основи за тужба како секој кој го има уставното право. Атакот врз мене продолжи со итни седници на управен одбор за мое разрешување, без причина наведена. Тоа што се наведува од дел од колективот е причина според писмата потпишани од пола од вработените дека не сум била за директор, зошто сум била уметнички раководител во време кога бил предходниот разрешен директор, за кој стигнал допис до театар во месец Јули и не бил покажан никаде дека нема злоупотреба на службена должност. Истиот беше изваден на огласна табла. За моето работење постојат извештаи како уметнички раководител во архивите на институцијата. Сомнежот им бил дека јас ќе го вратам Ристовски,кој со изјава сам кажа дека не сака да се врати воопшто и ниту имам намера да го вратам.Овој однос кон мојот кредибилитет, моето 26 годишно работно искуство во театарската област и кон мене лично ве уверувам дека ќе го разрешам после подобрување на мојата здравствена состојба, бидејќи јас сум на боледување од вчера. Меѓу другото сакам да истакнам, дека притисоците и врз мојот приватен живот беа преголеми.Одлуката ќе ја почитувам,бидејќи редот е така.Доколку сакате изнесување на докази, тоа ќе го направам прво до новата министерка која се надевам дека уште веднаш ќе го обелодени случајот. Се има ред и ќе има ред“, вели таа.

Македонија | пред 4 години

Мијалков пак фатил корона, па не се појави на судење

Ексдиректорот на УБК, Сашо Милајков по излегувањето од затворот „Скопје“ во Шутка, фатил коронавирус. Ова е вторпат како тој се изјаснува дека е позитивен, што денеска беше причина да се одложи рочиштето за „Плацови на Водно“. Дека е заразен, до судијата Илија Трпков била доставена и медицинска документација. Според неа, ако Мијалков има симптоми, нема да може да оди на судења во следните 20 дена, а ако не, од изолација ќе излезе за десет дена. Инаку, Мијалков беше позитивен на вирусот и во 2020 година, поради што се одложуваа судењата за „Таргет-тврдина“, каде доби 12 годишна затворска казна.Заразени со вирусот се и адвокати кои ги застапуваат обвинетите во „Плацови на Водно“. Но тие не се пречка за одржување на рочиштата, бидејќи сите имаат по најмалку двајца бранители кои ги бранат пред судот.На рочиштето се појави бизнисменот Орце Камчев заедно со неговата мајка Ратка, кои по одложување на рочиштето, ја напуштија судската зграда.Инаку, обвинетите Мијалков и Камчев излегоа од притвор откако приложија гаранција од скоро 11 милиони евра, во имот и готовински средства. Тие сега се бранат од слобода. Во отсуство му се суди и на Никола Груевски, кој е во бегство во Будимпешта.Според обвинението, Груевски, во периодот од 2006 до 2012 година, како претседател на ВМРО-ДПМНЕ, дел од парите што биле давани како донации за финансирање на партијата не ги прикажал како примени донации, туку ги присвоил за себе. Станува збор за 1,3 милиони евра.Во средината на 2012, според обвинението, тој дознава дека физички лица кои се иселени од државата преку посредници продаваат земјиште од околу 11.000 квадратни метри на Водно и бара од Мијалков да му помогне да го купи ова земјиште, ама да се прикрие изворот на парите. Мијалков стапува во контакт со обвинетиот Ненад Јосифовиќ, кој бил сопственик на веќе регистрирана офшор фирма во Белизе, и се договорил оваа фирма да биде основач на домашна фирма која ќе биде употребена за да се купи земјиштето. На домашната фирма управител станува Ристо Новачевски, кум од првиот брак на Груевски.Откако била постигната согласност за купопродажната цена, според обвинението, во повеќе наврати на девизната сметка на скопската фирма, преку сметката на фирмата од Белизе парите се пуштаат во оптек, а Новачевски во својство на управител на фирмата со сопствениците на земјиштето потпишува договор за купопродажба за купување на шума со површина од 11.255 квадратни метри и за тоа плаќа 1,2 милиони евра.Во 2015 година се менува ГУП на Град Скопје- овие парцели се пренаменуваат во градежни, а и уделот на фирмата од Белизе се пренесува на име на Јордан Камчев и неговата мајка Ратка Камчева, а плацовите се делат на три дела.Освен ова, Груевски, според обвинението, како службено лице со намера да го прикрие имотот со кој се стекнал додека вршел државна функција, а кој ги надминува неговите приходи пријавени во анкетниот лист, дал непотполни податоци за недвижниот имот што го поседува, а фиктивно се водел на обвинетиот Новачевски. Па така, тој во анкетниот лист за имотната состојба не пријавил два стана во Скопје со површина од 38 и од 57 квадратни метри, градежно земјиште во Центар во Скопје со површина од 2.729 квадратни метри и две градежни парцели во Крушево.Притвор беше определен и за поранешниот премиер Никола Груевски, кој е во бегство од земјава и е азилант во Будимпшета. Мерки на претпазливост им беа определени и на обвинетите Ненад Јосифовиќ и Ратка Камчева.

Македонија | пред 4 години