ТОП

Не престануваат преписките меѓу ВМРО-ДПМНЕ и СДСМ

„Додека ВМРО-ДПМНЕ напразно критикува а градоначалниците од нејзините редови ги игнорираат проблемите на граѓаните, Владата предводена од СДСМ ги решава предизвиците со енергетската криза и го штити стандардот на граѓаните. Со навремени и ефикасни мерки ангажирани се сите домашни капацитети за производство на електрична енергија, АД ЕСМ од утре го презема управувањето со БЕГ и топланата Скопје Север со што се надминува кризата со топлинска енергија. Околу 7.500 семејства ќе добијат субвенции за сметките за електрична енергија, а ќе следуваат дополнителни мерки за заштита на стандардот на граѓаните и помош за стопанството. Огромна е разликата помеѓу одговорното управување на СДСМ со институциите и деструктивното однесување на ВМРО-ДПМНЕ и нивните градоначалници“, велат од СДСМ.„Пиунот Ковачевски предизвика инфлација како заменик министер, а потоа ја поскапи струјата и парното. Пиунот Ковачевски е директно виновен за сите негативни ефекти во економијата. Тој е заменик министер за финансии додека долгот надмина 60% од БДП, додека имаме најмал број на странски директни инвестиции во регионот и додека стопанството и граѓаните се соочени со инфлација. Истиот Ковачевски и СДСМ со нивната неспособност придонесоа за раст на цената на струјата и парното од 15%. Од овој месец граѓаните ќе плаќаат по најмалку 1.500 денари повеќе како резултат на неспособноста на СДСМ и Ковачевски навреме да ископаат јаглен и да обезбедат евтин гас. Со СДСМ и пиунот Ковачевски не може да биде подобро. Секој месец поминат со нив е се полош. На Македонија и се потребни брзи предвремени парламентарни избори и нова влада која ќе знае да се справи со предизвиците“, обвинија претходно од ВМРО-ДПМНЕ.

Македонија | пред 4 години

Над 200 возачи се казнети, познати прекршоците

Во текот на вчерашниот ден (19.01.2022) Министерството за внатрешни работи спроведе зајакната акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 257 возачи.Од нив 25 возилa се движеле со брзина над 50 километри на час повеќе од дозволеното, а пет возила се движеле со дури над 70 километри на час повеќе од дозволената брзина. Притоа, 89 возачи ја пречекориле брзината во населено место, а 168 надвор од населено место.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија | пред 4 години

Хит видео од Миравци: Додека верниците го чекаа крстот, попот падна во вода

На големиот христијански празник Богојавление речиси низ целата земја се фрла светиот крст во реките, езерата, но и базените.Во струмичко Миравци, додека верниците чекаа во водата да се фрли крстот, попот лизгајќи се по тревата падна во вода.

Македонија | пред 4 години

2.051 заразени со коронавирус, 14 починати

Согласно податоците од Институтот за јавно здравје, Министерството за здравство информира, дека во последните 24 часа:Направени се 6.353 тестови, а регистриран е 2.051 нов случај на КОВИД-19:Скопје – 1.027, Битола – 170, Прилеп – 107, Куманово – 86, Струмица – 55, Тетово – 49, Охрид – 48, Штип – 47, Кавадарци – 45, Гостивар и Кочани – по 43, Гевгелија – 39, Кичево – 34, Велес – 32, Радовиш – 30, Струга – 24, Делчево – 22, Свети Николе – 21, Ресен – 19, Неготино – 15, Кратово – 14, Валандово – 12, Берово, Богданци и Демир Хисар – по 10, Крива Паланка и Крушево – по 8, Демир Капија – 6, Пехчево – 5, Пробиштип – 4, Македонска Каменица – 3, Македонски Брод – 2, Дебар, Виница и Дојран – по 1.Од вкупниот број на позитивни (2.051), регистрирани се 276 реинфекции.Регистрирани сe 747 оздравени пациенти од: Скопје – 473, Битола – 47, Куманово – 39, Охрид – 30, Кавадарци – 29, Прилеп – 27, Гостивар – 18, Велес – 13, Струга – 9, Гевгелија – 8, Штип – 7, Струмица, Делчево и Ресен – по 6, Кочани – 5, Радовиш и Виница – по 4, Крушево и Пробиштип – по 3, Неготино, Македонски Брод и Дебар – по 2, Кичево, Валандово, Богданци и Дојран – по 1.Во текот на изминатите 24 часа регистрирани се 7 починати лица: по 2 починати лица од Скопје (82г и 86г) и Битола (48г и 65г) и по едно починато лице од Крива Паланка (76г), Прилеп (77г) и Охрид (70г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се 7 починати лица од Скопје (2), Гостивар (2), Гевгелија (1), Струмица (1) и Тетово (1) починати во период од 08-14.01.2022. Починатите се на возраст од 47г до 89г. Од пријавените случаи 3 се починати во болнички услови и 4 се во домашни услови.Од вкупниот број на починати лица (n=14), четири лица се целосно вакцинирани.Направени се 6.353 тестови преку: ИЈЗ-566, ЦЈЗ Скопје-88, ЦЈЗ Битола-89, ЦЈЗ Прилеп-66, ЦЈЗ Тетово–16, ЦЈЗ Куманово-96, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–151, Жан Митрев (Филип Втори)-165, Авицена-293, Биотек-368, Систина-97, лабораторија Лаор-216, Синлаб-55, Ремедика-24, Плодност-98, Генеа-27, Никоб Лаб-716, ВФВ Медикал-77, Ели Медика-47, Ројал Медика–51, Спектра-ММ-31, Рапид Лаб–36, Жан Митрев Струмица–31, Нова Лаб Дијагностика–6, Рамус-37, ЈЗУ и ПЗУ (рапид тест) – вкупно 2.905.Досега во земјата се направени вкупно 1.723.835 тестирања на КОВИД-19.Вкупната бројка на КОВИД-дијагностицирани лица во нашата земја од почетокот на епидемијата изнесува 249.704, бројот на оздравени пациенти е 223.053, на починати е 8.153, а бројот на активни случаи изнесува 18.498.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 112551, Активни 9714Куманово 14033, Активни 709Прилеп 12201, Активни 1040Тетово 11819, Активни 331Битола 11483, Активни 1638Гостивар 8413, Активни 258Кавадарци 8098, Активни 445Велес 7955, Активни 343Охрид 7537, Активни 564Штип 7185, Активни 298Струмица 6782, Активни 393Кичево 4666, Активни 276Кочани 4385, Активни 216Струга 4179, Активни 204Гевгелија 3353, Активни 293Неготино 2872, Активни 183Свети Николе 2290, Активни 113Ресен 2136, Активни 202Крива Паланка 2105, Активни 119Радовиш 2070, Активни 221Делчево 1627, Активни 121Берово 1571, Активни 83Дебар 1480, Активни 15Виница 1230, Активни 35Пробиштип 1217, Активни 54Валандово 1225, Активни 148Кратово 845, Активни 55Крушево 780, Активни 150Богданци 776, Активни 71Демир Хисар 723, Активни 67Македонски Брод 602, Активни 44Македонска Каменица 465, Активни 33Демир Капија 462, Активни 24Пехчево 392, Активни 27Дојран 196, Активни 11

пред 4 години

ФОТО: Осветен Вардар, ама со ѓубре

Пластични шишиња, кеси, сува трева, дрвја па дури мебел стојат заглавени на кејот на Вардар во Скопје.Во коритото на реката, покрај кејот во неколку делови се израснати и цели дрвја, па гранките служат како брана и го собираат ѓубрето кое само се таложи оти никој не го чисти.

Скопје | пред 4 години

Во Скопје светиот крст го фатија сите верници

По повод празникот Богојавление – Водици на мостот „Слобода“ кај х. Холидеј ин во Скопје денеска се одржа традиционално осветување на водите на Вардар и положување на Чесниот крст.Светиот крст во Скопје го фатија сите верници. Тие држејќи се за рака застанаа во водите на реката Вардар и заедно го фатија крстот.„Да покажеме љубов, затоа се фативме сите за рака. Јас пет пати сум го осетил ова чувство, така што сега крстот е сега со сите нас“, рече еден од верницитеПоколоните ќе се подарат во хуманитарни цели.Согласно мерките и препораките, во Вардар влегоа околу 10 лица кои претходно имале учествувано, односно лица кои се физички подготвени.Mинатата година по одржаната литургија, двајца свештеници ги осветија водите на реката Вардар, а церемонијата помина без традиционалното скокање по крстот поради мерките против Ковид-19.

Скопје | пред 4 години

Согласно мерките, по крстот во Вардар ќе скокаат околу десет лица

Во разговор за МИА, отец Бобан Митевски вели дека согласно мерките и препораките, денес во реката Вардар ќе влезат околу 10 лица кои претходно учествувале, односно лица кои се физички подготвени.– Годинава поради полабави мерки настанот ќе се организира, но со придржување до препораките коишто важат од здравствените власти, зборувам за Скопје. Годинава сепак ќе го има, но во согласност со мерките и препораките при што не е организациски објавено. Ние тоа го направивме брифирајќи, оние коишто би сакале да влезат во осветените води на реката Вардар и биравме од оние кои досега веќе го правеле тоа или луѓе коишто знаеме дека се подготвени физички и кои се сериозни во пристапувањето кон овој чин. Годинава тоа се случува со еден таков избор само за да се задржи форматот и да се изврши обичајот. Ако имаше пријавувања тоа ќе значеше дека може да се пријават 50, 60 луѓе кои сепак ќе дојдат со придружници, а тоа е голем број, заради тоа се одлучивме на овој начин, да го задржиме обичајот, никого да не фаворизираме, но да одбереме луѓе кои се физички подготвени со спортски дух – вели отецот.Извор: МИА

Скопје | пред 4 години

Крстот во Охрид го фати Мартин Гоџо

Мартин Гоџо го фати Светиот крст во Охрид.Осветувањето на водите на Охридското Езеро го спроведе Дебарско – кичевскиот митрополит Тимотеј.

Македонија | пред 4 години

Пендаровски: Македонци во Бугарија постојат, не се мешаме во внатрешните работи на државата

Барањето на Бугарија, Северна Македонија да ги запише Бугарите во Уставот, е мешање во внатрешните работи, вели претседателот Стево Пендаровски.„Македонци во Бугарија постојат. А дали ние од тука, како држава ќе се мешаме да ги помагаме нивните права, не. Зошто не? Правило број еден во меѓународно право, меѓународна политика, член два од Повелбата на ОН – важи за сите држави во светот: нема мешање во внатрешните работи на државата. Тие се бугарски државјани, граѓани на Република Бугарија. Ве уверувам дека македонската држава никогаш на ниво на држава не се обидувала таму да ги буцка, да ги провоцира, да им вели – излегувајте, да им дава помош. Тоа се решава на индивидуално ниво. Се чувствуваш како Македонец, ќе го кажеш тоа. Ако не ти даваат, одиш во Стразбур. Тоа е патот. Нема друг начин“, истакна Пендаровски во 24 анализа.

Македонија | пред 4 години

Спасов: Сила сме ние на Балканот и затоа сите треба да се заштитат со гаранции дека нема да се шириме

Ѓорги Спасов, универзитетски професор и политички аналитичар, на својот фејсбук профил напиша дека Бугарија сега може мирно да спие.„Денес со нота до ОН ги информиравме дека името Северна Македонија се однесува само на Република Северна Македонија.Со тоа ја смиривме Бугарија која е членка на НАТО и на ЕУ и пет пати поголема од Северна Македонија дека со нашето име не имплицираме територијални претензии кон соседната држава.Ова е голем успех на бугарската дипломатија која со оваа гаранција од нашата земја ги отстрани сите сомневања дека еден ден ќе ја нападнеме и ќе ја освоиме цела Северна Македонија на Балканот.Сила сме ние на Балканот и затоа сите треба да се заштитат со гаранции дека нема да се шириме, да напаѓаме и да освојуваме туѓи територии.Затоа од денес Бугарите треба мирно да спијат. Решија еден многу голем проблем. А ние останавме без шанса да ги развиваме нашите освојувачки стратегии“, пишува Спасов на својот фејсбук профил.

Коментари | пред 4 години

Милевски: Оние кои ги изгубиле чашите вина испиени на Санторини, шират лаги за мене

Горан Милевски, лидерот на ЛДП, преку својот фејсбул профил ги искритикува партиските членови кои изјавија дека тој се самопредложил за министер за локална самоуправа во новата Влада.„За нештата да станат појасни, дадов изјава за порталот Локално.мк за последните лаги кои се пласираат во јавноста со цел нарушување на мојот и угледот на ЛДП.Се одлучив да реагирам јавно, бидејќи се продолжува со лечењето на личните фрустрации на поединци во партијата кои изгубиле функции и секаква доверба во ЛДП, го изгубиле лагодниот живот и неброените чаши вина испиени на Санторини, и кои сега сакаат преку грбот на мојата чест, достоинство и чесност да го манипулираат членството и граѓаните, сакајќи како паразити да се префлат од една на друга позиција, продолжувајќи си ги угодностите за кои жителите на Скопје не казнија на локалните избори а заборавајќи ги граѓаните и партијата.За остварување на овие цели највулгарно ја вмешаа и мојата фамилија, неводејќи сметка за пристојно политичко однесување и немешање на луѓе кои дел од нив немаат никаква допирна точка со политика. Нивен единствен грев е што судбината им била да се мои роднини. Не се важни нивната стручност, компетентност, квалитети и време кога се вработувале што нема никаква поврзаност со времето во кое сум јас министер, важно е да се виновни.Врв на манипулациите се денешните лаги со кои ме обвинија дека сум се самопредложил за министер без никаква доверба во партијата. Уште едни груби лаги и невистини од кои неможам да се изначудам до каде може да се спушти човековото достоинство за остварување на личните цели.Но да не се грижат. Мојот демократски капацитет ќе им овозможи уште деновиве да одржиме седница на Централниот одбор а во најбрз можен рок и Конгрес на партијата на кој членството ќе пресуди кој треба и на каков начин да ја води партијата.Дали на терен, со присуство во секое село, во секое населено место, во секој град, со разговори со секој граѓанин, со часови отсуство од својата фамилија или под удобното сонце на Санторини“, вели тој.

Коментари | пред 4 години

Како Петков тврди нема македонско малцинство во Бугарија, каде отидоа овие луѓе, прашува Груевски

Поранешниот премиер на Република Македонија, Никола Груевски се огласи на Фејсбук.„- Како тоа новиот премиер на Бугарија Кирил Петков тврди нема македонско малцинство во Бугарија?Каде отидоа овие луѓе и нивните наследници од овој краток 30 минутен документарен филм снимен пред само 30тина години?Од кого беше тужена и петнаесетина пати загуби на суд Република Бугарија во судот во Стразбург од каде и беше наложено да ја регистрира ОМО Илинден?Пописите од педесетите години на 20 век, кој ги правеше во Бугарија, на кои беа декларирани 180 илјади Македонци кои живеат во Бугарија?Училишта на македонски јазик во Бугарија немаше ли во тоа време?Како тоа Бугарија има право да бара да се менува уставот на Македонија за да се вметнат македонските граѓани со бугарска самосвест во истиот, а темата за Македонците во Бугарија не требало ни да се дискутира? Тоа ли е големината на посилниот како што кажува во неговото интервју?Не прилично е премиер со такво образование во очи доаѓање кај соседот јавно да кажува невистини и со тоа да ги навредува Македонците во Македонија и во Бугарија кои се негови граѓани.Каква е таа стратегија за решавање на проблемите која се заснова на невистини?Тоа сигурно не го научил од Michael Porter.Јас разбирам дека не му е лесно и дека Кирил Петков има проблем во својата земја и стравува уште на почеток на мандатот да се спротистави на општо прифатените ставови во Бугарија, а поврзани со Македонија, Македонците, македонскиот јазик и историја, но нели тој доби мандат за да направи промени? Нели се проевропска партија? Стразбург чив суд за човекови права е? Нели е европски? Нели нема друг случај во ЕУ од нејзиното создавање каде се блокира процес на приклучување заради изнудување признавање на дејствија од минатото, од историјата, од пред 70-80, или 100 години. Нели партијата која ја води и неодамна основа се декларира дека покрај е со проевропска идеологија?Ако “промените продолжуваат”, дел од промените треба да биде вистинита за Македонците и за македонското малцинство во Бугарија, а таа вистина ја кажуваат самите граѓани на Бугарија со македонска самосвест кои Кирил Петков може да ги слушне во овој краток документарен филм, каде меѓу другото говорат и под каква тортура на бугарските власти биле затоа што се чуствувале и изјаснувале како Македонци.Ако неверува во виденото, може лично и дискретно, без да ги изложува на непријатности, дел од нив да ги посети во нивните домови и без предрасуди и етикетирања да разговара со нив. Негови граѓани се, потенцијални негови гласачи се, во неговата држава живеат, издаваат и свој весник на македонски и бугарски јазик.Ако во овој документарен филм снимен во Бугарија Кирил Петков не препознае дискриминација и потреба да промени нешто, тогаш за какви промени може да се говориме?Добро е, и разбирливо е што се обидува да внесе позитивна енергија во процесот, но оваа почетна фаза набрзо ќе заврши и набрзо ќе треба да се соочи со суштината на проблемот кој го наследи, во која суштина отворање авионска линија, или комисии за образование со повеќе стипендии за студенти нема да е доволна за решение, а нема да помогнат ни прес конференции со контролирани прашања како денешната.Македонците и Бугарите биле и треба да бидат блиски и најблиски народи. И ќе бидат кога политичарите кај нашиот сосед ќе престанат македонското прашање да го третираат само низ призмата на гласови на следните избори и проблемот да го оставаат на решавање на некој друг после нив. Кирил Петков ја имаа таа шанса за промени.Конечно, потсетувајќи се на тезите на легендарниот германски социјален психолог, психоаналитичар, социолог и хуманистички филозоф Ерих Фром искажани во “Уметноста на љубовта” а повикувајки се на често употребуваниот јазик на бугарските политичари во духот дека “Македонија е детето на на Бугарија”, не навлегувајќи во исправноста на тој пристап, би рекол дека Бугарија ако толку многу се чуствува како мајка на Македонија, треба да покаже мајчинска љубов (безусловна), а не татковска (условена-направи така ако сакаш да го добиеш тоа), пишува на Фејсбук поранешниот премиер на Република Македонија, Никола Груевски.

Коментари | пред 4 години

Ништо лошо нема да се случи ако го прифатиме бугарското малцинство во Уставот, вели Ахмети

Нема лошо да ѝ стане на државата ако ние го прифатиме бугарското малцинство како уставна категорија, порача лидерот на ДУИ Али Ахмети на прес-конференција по средбата со бугарскиот премиер Кирил Петков попладнево во Собранието.-Ние сме целосно ангажирани да се почитува и да не му се оспорува правото на никој да се декларира, без притисок, така како што чувствува, тоа да се рефлектира во Уставот. Мислам дека ништо лошо нема да ѝ се случи на државата ако ние го прифатиме бугарското малцинство како уставна категорија. Рамковниот договор ги има опфатено сите малцинства кои живеат овде и со сигурност со прифаќање и со значајните измени кои ќе се направат само ќе ја зајакнеме нашата држава и европските стандарди и диверзитетите. Ќе имаме претставување и на Хрватите и Црногорците, кои исто така имаат покренато прашање да се претставени во Уставот на РСМ, рече Ахмети, нагласувајќи дека тоа е стратегија значајна за почеток на преговорите за ЕУ.

Македонија | пред 4 години

Нов рекорд: 2.269 нови случаи на КОВИД-19, 13 починаа

Министерството за здравство информира, согласно податоците од Институтот за јавно здравје дека во последните 24 часа:Направени се 7.038 тестови, а регистрирани се 2.269 нови случаи на КОВИД-19:Скопје – 1.169, Битола – 183, Прилеп – 165, Куманово – 88, Кавадарци – 56, Гевгелија – 48, Охрид – 44, Тетово – 43, Струмица – 35, Кочани – 34, Гостивар, Велес и Кичево – по 33, Ресен – 32, Струга – 31, Неготино – 26, Крива Планка, Радовиш и Берово – по 24, Делчево – 19, Валандово – 15, Демир Хисар – 14, Свети Николе и Кратово – по 13, Штип и Крушево – по 11, Македонски Брод – 9, Виница и Македонска Каменица – по 8, Пехчево – 7, Пробиштип, Богданци и Дојран – по 5, Демир Капија – 1.Од вкупниот број на позитивни (2.269), регистрирани се 310 реинфекции.Регистрирани сe 1.420 оздравени пациенти од: Скопје – 790, Битола – 124, Прилеп – 86, Охрид – 76, Кавадарци – 40, Куманово – 27, Штип – 26, Струмица – 23, Гевгелија, Велес и Кичево – по 22, Ресен и Неготино – по 15, Валандово – 14, Тетово – 13, Кочани – 12, Делчево – 11, Струга – 10, Гостивар – 9, Радовиш – 8, Крива Паланка, Свети Николе, Крушево и Македонски Брод – по 7, Пробиштип – 5, Демир Хисар и Виница – по 4, Македонска Каменица и Пехчево – по 3, Берово, Богданци и Демир Капија – по 2, Дојран и Дебар – по 1.Во текот на изминатите 24 часа регистрирани се 13 починати лица:  5 починати лица од Скопје (64г, 66г, 68г, 79г и 82г), 3 од Струмица (58г, 61г и 66г), 2 од Кавадарци (52г и 87г) и по едно починато лице од Куманово (73г), Струга (77г) и Охрид (54г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се 11 починати лица од Гевгелија (4), Струмица (2), Струга (2), Кичево (2) и Богданци (1) починати во период од 03-16.01.2022. Починатите се на возраст од 47г до 87г. Од пријавените случаи 3 се починати во домашни услови и 8 се во болнички услови.Направени се 7.038 тестови преку: ИЈЗ-511, ЦЈЗ Скопје-102, ЦЈЗ Битола-94, ЦЈЗ Прилеп-45, ЦЈЗ Тетово–16, ЦЈЗ Куманово-93, Клиника за инфективни болести и фебрилни состојби-1, Судска медицина-0, лабораторија болница Козле-25, УК Пулмологија со алергологија –0, ГОБ 8-ми Септември-0, Институт за микробиологија–11, Жан Митрев (Филип Втори)-179, Авицена-344, Биотек-472, Систина-127, лабораторија Лаор-158, Синлаб-63, Ремедика-26, Плодност-139, Генеа-27, Никоб Лаб-846, ВФВ Медикал-83, Ели Медика-46, Ројал Медика–25, Спектра-ММ-57, Рапид Лаб–40, Жан Митрев Струмица–28, Нова Лаб Дијагностика–13, Рамус-63, ЈЗУ и ПЗУ (рапид тест) – вкупно 3.404.Досега во земјата се направени вкупно 1.717.482 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 247.663, бројот на оздравени пациенти е 222.306, на починати е 8.139, а бројот на активни случаи изнесува 17.218.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 111527, Активни 9167Куманово 13947, Активни 662Прилеп 12093, Активни 960Тетово 11770, Активни 283Битола 11312, Активни 1516Гостивар 8372, Активни 237Кавадарци 8050, Активни 426Велес 7926, Активни 327Охрид 7490, Активни 548Штип 7139, Активни 259Струмица 6727, Активни 345Кичево 4634, Активни 245Кочани 4342, Активни 178Струга 4156, Активни 190Гевгелија 3317, Активни 266Неготино 2858, Активни 171Свети Николе 2269, Активни 92Ресен 2118, Активни 189Крива Паланка 2097, Активни 112Радовиш 2040, Активни 195Делчево 1604, Активни 104Берово 1562, Активни 74Дебар 1479, Активни 16Виница 1229, Активни 38Пробиштип 1213, Активни 53Валандово 1212, Активни 136Кратово 831, Активни 41Крушево 772, Активни 145Богданци 763, Активни 59Демир Хисар 715, Активни 60Македонски Брод 599, Активни 43Македонска Каменица 462, Активни 30Демир Капија 456, Активни 18Пехчево 387, Активни 22Дојран 195, Активни 11

пред 4 години

За една недела регистрирани 1.247 реинфеции со ковид

Тестирани се вкупно 45.401 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, a регистрирани сe 11.123 нови позитивни случаи.Најголем дел од регистрираните случаи се од Скопје (50,6%), а највисока неделна инциденца е регистрирана во Крушево и во Битола.Регистрирани се заболени лица во сите возрасни групи. Најзастапени се возрасните групи на лица на возраст 30-39г (n=2.643, 23,8%) и 20-29г (n=2.153, 19,4%). Најмал број е регистриран кај возрасната група од 0-9г (n=205; 1,8%).Со статус „оздравени“ се стекнале 5.403 лица кои биле хоспитализирани или на домашно лекување.Во текот на минатата недела вкупно се пријавени 1.247 реинфекции, со зголемување од 31,8% во однос на претходната недела.Пријавени се 55 смртни случаи во 15 градови во текот на изминатата недела, за 34,1% повеќе во однос на минатата недела. Најголем дел од нив се од Скопје (22). Во однос на возраста, најголем број (87,3%) од починатите припаѓаат на возрасната група над 60 години.Според извештаите од болниците моментално се хоспитализирани 439 лица, а од нив 251 се на кислородна поддршка и 26 на инвазивна/неинвазивна механичка вентилација.Во однос на симптоми пријавени кај заболените, најчесто се регистрирани температура (59,3%), кашлица (44,8%) и малаксаност (43,5%).

пред 4 години

Наставата ќе заврши на 10 јуни, иако започнува во февруари

Владата на Република Северна Македонија на денешната трета седница, којашто се одржа преку видео конференциска врска, донесе Одлука за утврдување на бројот на наставните денови во учебната 2021/2022 година во основните училишта во услови на вонредни околности.Со оваа одлука бројот на наставните денови во учебната 2021/2022 година во основните училишта во услови на вонредни околности се утврдува на 172 наставни денови, што значи дека зимскиот распуст на учениците ќе трае до 1 февруари 2022 година, а учебната година ќе заврши на 10 јуни 2022 година.Одлука со истата содржина е донесена и за средните училишта, што значи дека и во овие образовни институции бројот на наставните денови во учебната 2021/2022 година во средните училишта во услови на вонредни околности се утврдува на 172 наставни денови односно 158 наставни денови за завршната година на средното образование, зимскиот распуст на учениците ќе трае до 1 февруари 2022 година, а учебната година ќе заврши на 10 јуни.Одлуката за почетокот на второто полугодие во основните и средните училишта за први февруари годинава е донесена на претходната седница на Владата и по препораката на Главниот координативен кризен штаб согласно епидемиолошките информации дека земјата се наоѓа во пик на заразата.Со денешната одлука се овозможува соодветна адаптација на наставните програми со цел запазување на датумот 10 јуни како краен рок за завршување на учебната година.

Македонија | пред 4 години

ВИДЕО: Петков избегна да го именува народот кој живее во Македонија

Без да го спомене македонскиот јазик, бугарскиот премиер Кирил Петков посочи само дека неговата држава ги почитува сите уставни јазици на Македонија. Тој го одбегна и одговорот на прашањето да ги именува јазикот и народот во која моментално е гостин.?t=965„Сакам да кажам многу јасно дека во Договор за добрососедство има јасна дефиниција за јазикот. Бугарија го почитува и сме горди што ја признавме независноста на Северна Македонија и истовремено со тоа го почитуваме самоопределувањето на сите граѓани во Северна Македонија и користењето на сите ваши јазици како што се во Уставот“, рече Петков.Ковачевски пак, му даде до знаење дека е признаен македонскиот јазик од страна на. Бугарија.„Сите прашања кои се однесуваат на историските делови ќе бидат во втор план, а во прв план е градењето е зближување на граѓаните, кој ќе ни даде стимул и аргументи за постигнување на договор со Бугарија и отпочнување на преговорите со ЕУ“, рече Ковачевски.

Македонија | пред 4 години

Бугарија го прифати скратеното име Северна Македонија кое го спореше

Бугарија прифатила да го користи името Северна Македонија. Ова го соопшти премиерот Димитар Ковачевски. За него, ова е голем чекор во новото поглавје и водат кон поголема соработка меѓу двете држави.„Македонците и Бугарите се многу блиски братски народи. Затоа влегуваме во решавање на отворените прашања, за нова иднина. Договоривме Бугарија дека прифаќа да го користи името Северна Македонија, тоа значи дека Бугарија нема да го кочи билатералното име“, рече Ковачевски.Ќе се финализира и Договорот за прекугранична соработка, со што ќе се отвори границата „Клепало“.

Македонија | пред 4 години

Најчевска го учи Маричиќ: Срамота, човековите права постојат независно од билатералните договори

Професорката Мирјана Најчевска реагира на денешната изјава за новиот министер за евроинтеграции, (до вчера мминистер за правда) Бојан Маричиќ, дека македонската држава не треба „да кажува каде и какво малцинство има во некоја држава во регионот. Тоа е внатрешно прашање на сите држави вклучувајќи ја и Бугарија“.„Срамота бре. Европскиот суд за човекови права донесе 16 пресуди во корист на македонското малцинство во Бугарија, а овој вели дека ние како држава не смееме да зборуваме за него. Основните човекови права постојат независно од билатералните договори. Тие се универзални“ го подучува Најчевска министерот во објава на Фејсбук.Новиот вицепремиер за евроинтеграции, Бојан Маричиќ, изјави дека не е на Северна Македонија да кажува каде какво малцинство има во регионот. Според него, тоа е внатрешно прашање на државите во регионот вклучувајќи ја и Бугарија.За време на прес-конференцијата со германската министерка за Европа, Ана Лирман, Маричиќ рече дека секоја група луѓе или етничка заедница, политичка партија или здружение има право да си ги бара своите права преку европските институции. Маричиќ е дециден дека дефинирањето на тоа каква етничка заедница егзистира во која било држава во регионот во овој момент не би било продуктивно.

Коментари | пред 4 години

ФОТО: Левица со герила акција го пречека буарскиот премиер, а Апасиев со погрдни зборови за добредојде

Левица со герила акција ги пречека бугарскиот премиер Кирил Петков и бугарската делегација. На патот кон скопскиот аеродром, вчеравечер бил поставен транспарент со порака до денешните бугарски гости.„Добредојдовте администратори на Цар Борис“, стои на транспарентот.За него, објави претседателот на Левица, Димитар Апасиев, кој им порача „Маме ви е**м врховистичко“.„Соодветен герила-пречек на новиот бугарски премиер, од страна на специјалните единици на Црвената младина на Левица“, напиша Апасиев.Непознато е дали пред доаѓањето на Петков и делегацијата, транспарентот бил отстранет.

Македонија | пред 4 години

ВИДЕО: Петков се поклони пред македонското знаме, па отиде на средба со Ковачевски

Бугарскиот премиер Кирил Петков со највисоки почести е пречекан во Македонија. Тој се поклони пред македонското знаме и Армијата во Владата. Петков се поздрави со сите министри кои ќе имаат средба со делегацијата на Владата од Бугарија. Бугарскиот премиер, ќе има средба со Димитар Ковачевски кој го пречека пред Владата, откако претходно, Бујар Османи го пречека на аеродром.Програмата за посетата потоа предвидува пленарен состанок на двете делегации со кој ќе претседаваат премиерите Димитар Ковачевски и Кирил Петков после што ќе следува и нивна заедничка прес-конференција.Претседателите на владите на Република Северна Македонија и на Република Бугарија Димитар Ковачевски и Кирил Петков, потоа, во Клубот на пратениците, официјално ќе го промовираат проектот за помош во развојот “Електронски дневник за лица со дијабетес”, кој премиерот Петков ќе му го врачи на премиерот Ковачевски како донација на Република Бугарија.Во преостанатиот дел од агендата за посетата на делегацијата на Република Бугарија, премиерот Кирил Петков ќе има одделни средби со претседателот на Република Северна Македонија Стево Пендаровски и со претседателот на Собранието на Северна Македонија, Талат Џафери.Официјалната посета е предвидено да заврши во вечерните часови после што владината делегација на Република Бугарија ќе замине за меѓународниот аеродром Скопје на лет за Софија.

Македонија | пред 4 години

Кризна состојба за снабдување со топлинска енергија и второто полугодие да започне во февруари се новите одлуки на Владата

Владата на Република Северна Македонија на денешната втора, редовна седница, којашто се одржа преку видео конференциска врска, донесе одлука почетокот на второто полугодие на учебната година за основните и средните училишта да се одложи, односно наставата со физичко присуство да продолжи на 1 февруари, согласно заклучокот од Главниот координативен кризен ковид-19 штаб и согласно епидемиолошките информации дека земјата се наоѓа во пик на заразата.Одлуката второто полугодие да продолжи на 1 февруари нема да влијае на крајот на учебната година и таа ќе заврши на 10 јуни како што е предвидено во календарот за настаната програма за основно и средно образование, со соодветна адаптација на наставните планови.Како дел од одлуката за одложување на стартот на второто полугодие на учебната година се и задолженијата и укажувањата за Министерството за здравство, Министерството за образование и наука, Секторот за односи со јавност во Владата на Република Северна Македонија, Јавното претпријатие МРТ да упатуваат апели до учениците и родителите максимално да се придржуваат до мерките и препораките за заштита од ковид-19, во домашни услови и на отворено.На оваа втора седница е донесена и Одлука за постоење на кризна состојба во снабдувањето со топлинска енергија.Со оваа одлука, донесена на предлог на Управувачкиот комитет за координација и управување во системот за управување со кризи, се утврдува постоење на кризна состојба во снабдувањето со топлинска енергија на подрачјето на град Скопје, заради недостиг на топлинска енергија, можноста за користење на алтернативно гориво и состојбите на пазарот на топлинска енергија.Со денот на влегувањето во сила на оваа одлука, на предлог на Комисијата за следење на состојбите со снабдување со топлинска енергија која што ја формираше Министерството за економија, ќе се преземат мерки и активности во врска со обезбедување дополнителни количини на топлинска енергија согласно утврдената кризна состојба, согласно Законот за енергетика и Уредбата за критериумите и условите за прогласување на кризна состојба во случаи на временски и природни непогоди, хаварии и нарушувања на пазари на топлинска енергија.

Македонија | пред 4 години

„Маричиќ се меша само во кафанска софра и судство“, хаос по изјавата дека Македонците во Бугарија не се наша работа

Новиот вицепремиер за евроинтеграции, Бојан Маричиќ, изјави дека не е на Северна Македонија да кажува каде какво малцинство има во регионот. Според него, тоа е внатрешно прашање на државите во регионот вклучувајќи ја и Бугарија.Изјавата предизвика голем број реакции во јавноста, а ова се дел од нив:

Коментари | пред 4 години

Главниот кризен КОВИД-19 штаб и препорача на Владата учебната година да продолжи со настава од 1 февруари

Денеска, 17.01.2022 година со почеток во 20:00 часот се одржа првата седница на Главниот координативен кризен штаб за справување со пандемијата предизвикана од коронавирусот.Седницата ја водеше премиерот Ковачевски, а на истата присуствуваше и претседателот на Комисијата за заразни болести, Жарко Караџовски и претседателката на ЗЕЛС Данела Арсовска.Претседателот на Комисијата за заразни болести Караџовски ја презентираше актуелната епидемиолошка состојба со КОВИД-19, додека главна точка на дискусија беа опциите за продолжување со настава во тековната учебна година.Главниот кризен координативен штаб врз основа на дискусијата донесе заклучок дека во моментот, епидемиолошки земјата се наоѓа во пик, поради кој препорачува да се одложи учебната година до 01 февруари 2022, со предуслов да се упатат силни апели до родителите за строго придржување на мерките за заштита од коронавирусот.Комисијата за заразни болести и Министерството за здравство ќе известуваат на почест интервал околу следењето на состојбата за да може да се прилагодат препораките доколку се јави потреба.Заклучокот е предложен до Владата и за него Владата ќе дискутира веќе на следната седница која се одржува вечерва во 21:30 часот.

Македонија | пред 4 години

Мицкоски: Очекувам Маричиќ да го советува Петков да не се меша во македонските внатрешни работи

Претседателот на ВМРО-ДПМНЕ Христијан Мицкоски вечерва во Телевизија 24, во врска со доаѓањето на претседателот на Бугарија Кирил Петков и изјавите на новиот вицепремиер Бојан Маричиќ, истакна дека очекува Маричиќ да го советува Петков по истиот принцип да не се меша во внатрешните права на малцинствата во Македонија.-Сигурно ќе го советува, очекувам Маричиќ да го советува Петков и тој да не се меша во македонските внатрешни работи да бара уставни измени коишто би ги опфатиле малубројните македонски Бугари, рече Мицкоски.Мицкоски посочи дека од официјална Софија е пристигнат предлог за формирање на пет комисии коишто ќе разговараат за различни теми кои се во суштина пресликување и разложување на Резолуцијата која што е донесена во бугарскиот парламент само во пет дела.-Суштината е дека Резолуцијата на Бугарскиот парламент од ноември 2019 година е разложена во овие пет комисии, од кои суштинска е петтата комисија за историски прашања и претпоставувам дека текот на разговорите, со првата ќе бидеме блиску до решение, за втората веќе ќе се договориме не гледам пречка да не е така кога станува збор за научна соработка, за инфраструктурата ќе се договориме никој не е против , за четвртата ќе бидеме блиску, а за петтата ќе бидеме на почеток, но целиот тој пакет да биде дел од преговарачката рамка, и тогаш ќе заврши целокупниот процес на преговарање за историските факти бидејќи ако сето тоа влезе во преговарачката рамка тоа веќе не е билатерален проблем тогаш веќе ќе стане наш проблем со Европската унија, објасни Мицкоски.

Македонија | пред 4 години