ТОП

Полска ни донираше 200.070 вакцини Фaјзер

Министерот за здравство преку социјалните мрежи се заблагодари на Република Полска за донацијата на вакцини.„Голема благодарност до полскиот народ, Република Полска за оваа значајна донација од 200.070 вакцини од производителот Фајзер. Пријателска помош и меѓународната соработка се клучни во борбата со Ковид 19. Денеска на средбата со првата дама на Република Полска г-ѓа Агата Корнхаузер-Дуда, првата дама на Република Северна Македонија, Елизабета Ѓоргиевска, упативме порака до сите за важноста и ефикасноста на вакцините. Ги охрабруваме граѓаните да се вакцинираат и да спречат повторно да се соочиме со голем број заболени“, стои во објавата

Македонија | пред 4 години

60 луѓе останаа без работа во Општина Бутел

Градоначалник на Бутел, Дарко Костовски, на Фејсбук објави дека ја одобрил одлуката за отпуштање на 60 луѓе, бидејќи 30 од нив со години не оделе на работа, некои одат од време на време, а некои други биле редовни, но немаат обврски за работа.Додава дека сите овие луѓе се вработени на одредено време, и во сабота им истекува договорот.„Почитувани граѓани на Општина Бутел,Од понеделник шеесет вработени лица во Општина Бутел повеќе нема да бидат во работен однос, голем дел од овие вработени, поточно триесетина лица воопшто се немаат појавено на своето работно место со години, дел се појавувале повремено, додека пак дел биле редовни но немале буквално никакви работни задачи. Секако за ова доказ е системот за евиденција на работно време.Без никаква етничка, верска или политичка разлика, по моја добра анализа еден мал дел имале конкретни работни задачи при што увидов дека истите лица имаат желба за работа и токму затоа договорите за работен однос ќе им бидат продолжени.За да појаснам станува збор за вработени лица со договор за работа на определено време, договорот на овие лица официјално завршува утре на 20.11.2021 година.Општина Бутел не смее да биде заложник на вакви нити пак слични ситуации во иднина, потрошени се премногу средства сосема непотребно, средства со кои можело да се направат голем број проекти за добро на граѓаните.Општинската администрација мора да биде високо професионална, и ниту еден вработен не смее да остане без работни обврски“, стои во објавата.

Скопје | пред 4 години

Заев фрапиран од карпошани

На денешната прес конференција, првиот човек на СДСМ, Зоран Заев изрази чудење за изборот на граѓаните за градоначалник на Карпош.„Почит кон секој човек, но не можам да сфатам што се случи во Карпош, таму живее интелигенцијата“, истакна Заев по средбата со Гаши.

Македонија | пред 4 години

Познато кога СДСМ ќе пресече кој ќе биде нов претседател на партијата

По завршувањето на средбата со лидерот на Алтернатива, Африм Гаши, премиерот Зоран Заев најави дека во вторник ќе го свика Централниот одбор на СДСМ за да му биде ефектуирана оставката и со тоа да почне постапката за избор на нов претседател на партијата и мандатар на владата.– Димитар Ковачевски е актуелен заменик-министер за финансии. Тој е член на Извршниот одбор, член на раководството на СДСМ. И денеска е во тоа својство овде. Секако тој е и претседател на Комисијата за финансии, член и на штабовите на СДСМ и еден од моите први соработници. А СДСМ ќе си одлучи преку членството по пат на непосредни избори кој ќе биде следниот претседател на СДСМ – рече Заев.

Македонија | пред 4 години

Дуковски: Се плашат од пораките во телефонот на Боки 13, некој дебело ќе одговара

Боки 13 денеска во Кривичниот суд рече дека дел од информациите кои ги имало во неговиот телефон, ги нема во дискот што го добил од МВР. Адвокатот Сашко Дуковски рече дека поединци се плашат од пораките кои ги имал Боки 13 во неговиот телефон.„Доколку се докажат нашите тврдења, некој дебело ќе одговара од таму. Судот тука воопшто можеби не е виновен затоа што судот изиграва еден вид трансмисија и тоа е обезбедено од страна на МВР. Но, внимавајте, цел фолдер, се работи за илјадници, некаде околу 200.000 пораки на „Whatsapp“. Тие се избришани од хард дискот. Ги нема. Каде се тие?“, вели Дуковски.

Македонија | пред 4 години

(ВИДЕО) Директорот на ГТЦ се обиде да ги спречи новинарите да ги снимаат незадоволните дуќанџии

Директорот на Градскиот трговски центар (ГТЦ), Ѓоко Трајчевски, денеска им забранил на новинарите да ги снимаат незадоволните дуќанџии кои бараат одговори за скандалот со лабораторијата за копање криптовалути во подрумските простории на објектот, објави пратеникот на ВМРО-ДПМНЕ, Антонио Милошоски.Тој на Фејсбук објави видео на кое се гледа како групата дуќанџии влегува во расправија со обезбедувањето на ГТЦ.„Ѓоко Трајчевски, директор на ГТЦ, веројатно соучесник во копањето на милионски суми биткоини на државна струја, забранил новинарите да ги снимаат незадоволните дуќанџии кои бараат одговори за скандалот со риг-фармата на советникот од листата на СДСМ, Габриел Бајрам. Истовремено, директорот на ГТЦ лаже. ЕВН носи струја до главната трафостаница, а самиот ГТЦ ја носи струјата до магацинот на Габриел Бајрам и до дуќанџиите“, напиша Милошоски на Фејсбук.

пред 4 години

Дуда лично ќе се заложи за решавање на прашањето со Бугарија

Полскиот претседател Анджеј Дуда вели дека ако Софија не дозволи почеток на преговорите, тој лично ќе се заложи за решавање на прашањето.Дуда се надева дека новата бугарска власт ќе биде конструктивна во однос на нашата земја.„Во овој момент би сакал да кажам дека Полска ја дава безрезервната поддршка на Република Северна Македонија за влез во ЕУ и овде би сакал јавно да изјавам дека доколку Република Бугарија и понатаму реагира неконструктивно односно каже НЕ за влезот на Северна Македонија, јас лично ќе истапам и ќе се залагам за изготвување на некој патоказ односно документ којшто ќе послужи на РСМ полесно да се справи со ова прашање во влез во ЕУ“, рече Дуда.Тој имаше заедничката прес конференција во Скопје со неговиот домаќин, претседателот Стево Пендаровски.

Македонија | пред 4 години

Левица бара Владата да не ги изгласа најавените мерки

Како политичка партија која сериозно го сфаќа прашањето на јавното здравство и пандемијата предизвикана од коронавирусот, која на бројни наши сограѓани им го одзеде животот, сметаме дека е исклучително важно во оваа криза да се постапува внимателно и, пред сè, хумано. Земајќи ги во предвид новонастанатите околности во кои Владата целосно го има изгубено кредибилитетот и е ставена под заложништво на „зелениот“ коалиционен партнер ДУИ, Левица е повикана да делува не само во насока на опозициона критика на власта, туку и како коректор на истата, вели Левица.Како партија чии што двајца пратеници избраа да се вакцинираат, Левица посочува дека вакцинацијата против коронавирусот е безбедна и ги намалува шансите за тешка клиничка слика, хоспитализација и смрт, па поаѓајќи од таму, ние ги повикуваме сите оние кои го немаат прележано вирусот, да се вакцинираат. Не поради рестриктивните мерки, туку поради заштита на сопственото здравје.Од друга страна, во однос на најавените мерки од страна на Комисијата за заразни болести, Левица не може да остане нема на низата нелогичности, противречности и празни обвинувања насочени кон народот. Во таа насока, ја приложуваме следнава аргументација за утврдување на вината и на тоа кој треба да биде казнет, уредена во неколку точки:1. Вината за ниската заинтересираност за вакцинација против коронавирусот лежи единствено во Владата, а не во народот. Неморално е народот да биде казнет за грешките на една Влада, која во претходните 20 месеци најде за сходно да организира парламентарни и локални избори, организираше попис во кој испрати попишувач до сечиј дом, а во ниту еден момент не се заинтересира да разговара со граѓаните и да ги информира за предностите на вакцините и нивната безбедност.2. Вината за високата смртност и големиот број на хоспитализирани случаи повторно лежи единствено во Владата, а не во невакцинираните. Тргнувајќи од аерозагадувањето, кое како нација нè прави посклони на болести, преку лошото управување со самата криза, пред и за време на вакцините, до доцната набавка на вакцини проследена со бројни скандали, вперувањето на прстот во невакцинираните делува на обид да се апсолвира власта од сопствената вина.3. Незаинтересираноста и послушноста на нашата Влада, која робува на империјалните интереси надвор, и бизнис интересите во државата, ја влоши до таму ситуацијата, да денес единствениот спас го гледаме во што помасовна вакцинација. Одбивајќи да ја согледа засебноста на околностите на секоја една држава, Владата безидејно спроведуваше мерки одевропски држави, кои самите не се справија добро со кризата, туку се потпреа на своите поразвиени здравствени системи. Притоа, како примери во ниту еден случај не беа земени НР Кина, Австралија и Нов Зеланд, кои со таргетирани карантини спасија безброј животи.4. Вината за ниската доверба во здравствениот систем повторно лежи единствено во Владата и во министерот Венко Филипче, чие име и пред пандемијата се поврзуваше со низа скандали поврзани со вакцини, а денес е и познат како човекот што не превзема одговорност за 14 смртни случаи во изгорената модуларна болница во Тетово. Додека Венко Филипче е на чело на Министерството за здравство, довербата во здравствениот систем само ќе тоне.По согледувањето дека вината лежи единствено во Владата, а не во народот и не во невакцинираното население, ја приложуваме следната аргументација за противречноста на мерките сами по себе, во неколку точки:1. Условот да се приложува ПЦР тест на свој трошок на секои 72 часа воведува класна дискриминација, со тоа што на посиромашните, кои работат за минималец или за 300 евра плата, комплетно им ја одзема слободата да изберат да не бидат вакцинирани, додека на оние кои земаат повисоки плати слободата да изберат да не бидат вакцинирани не им е одземена.2. Статистиката покажува, а и експертите се сложуваат, дека прележаните од коронавирусот имаат повисока заштита и од лицата со примена трета доза вакцина. Барањето овие лица да се вакцинираат после 45 ден од прележувањето е несовесно и непланско трошење на вакцините.3. Различниот третман за вакцинираните т.е. дозволата со сертификат за вакцинација да можеш да се однесуваш речиси исто како пред пандемијата, сериозно го загрозува животот на постарите и на лицата кои патат од хронични болести. Јасно е дека вакцината ги намалува шансите вакцинираниот да заврши со тешка слика, но до кој степен и дали доволно ги намалува шансите да вакцинираниот го пренесе вирусот на друг е уште непознато. Со тоа станува јасно дека претходните мерки, иако го зголемија интересот за вакцинација, допринесоа и до посериозно ширење на пандемијата.4. Мерки, кои само формално се носат, а во пракса не се спроведуваат, уште повеќе ја влошуваат ситуацијата со пандемијата во Македонија. Сведочејќи го високиот процент на употреба на лажни сертификати, повторни ни станува јасно дека претходните мерки, кои иако го зголемија интересот за вакцинација, допринесоа и до посериозно ширење на пандемијата.Бараме од Владата да ги повлече досегашните рестриктивни мерки и да не ги изгласа најавените мерки од Комисијата за заразни болести, туку по терк на спроведување на пописот, да спроведе масовна едукација и кампања за информирање и подигање на свеста на народот за вакцинацијата. Истовремено, бараме од Владата да ја прифати оставката на Венко Филипче, како соодветна казна за некомпетентното управување со кризата од негова страна.Дополнително, нашите пратеници наредна недела ќе побараат, итно и неодложно, да биде ставена точка на дневен ред предлог – Резолуцијата за правните и моралните аспекти на ковид-вакцинацијата, поднесена од Левица во септември, а која претседателот Талат Џафери самоволно ја чува во фиока.

Македонија | пред 4 години

11 лица го загубија животот, 444 новозаразени од корона

Направени се 2.938 тестирања, а регистрирани се 444 нови случаи на КОВИД-19:Скопје – 190, Битола – 43, Прилеп – 27, Кавадарци – 19, Кочани – 16, Велес и Струмица – по 15, Охрид и Берово – по 13, Ресен – 11, Куманово и Штип – по 10, Тетово, Кичево, Гевгелија и Делчево – по 6, Крива Паланка и Кратово – по 5, Валандово – 4, Неготино, Свети Николе, Богданци, Демир Хисар и Македонска Каменица – по 3, Радовиш и Пробиштип – по 2, Гостивар, Струга, Дебар, Виница и Пехчево – по 1.· Регистрирани сe 467 оздравени пациенти од: Скопје – 193, Куманово – 34, Битола – 26, Тетово – 24, Штип – 23, Кавадарци – 21, Прилеп – 19, Кочани – 18, Велес – 13, Делчево, Крива Паланка и Неготино – по 11, Гевгелија – 9, Струмица – 8, Свети Николе и Радовиш – по 6, Берово и Пробиштип – по 5, Ресен, Кичево и Кратово – по 4, Демир Хисар и Виница – по 3, Демир Капија – 2, Охрид, Богданци, Крушево и Дојран – по 1.· Во текот на изминатите 24 часа регистрирани се 11 починати лица: 3 починати лица од Скопје (67г, 75г и 79г) и по едно починато лице од Битола (53г), Велес (59г), Кавадарци (81г), Крушево (84г), Прилеп (66г), Пробиштип (73г), Радовиш (72г) и Штип (78г). Од пријавените сите лица се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, се пријавени 5 починати лица со датум на смрт од 09.11.2021 до 16.11.2021. Регистрирани се починати лица од Скопје (2), Тетово(1), Струмица(1) и Битола (1). Починатите лица се на возраст од 65-80г, од кои едно лице е починато во домашни услови, а 4 лица во болнички услови.· Направени се 2.938 тестови преку: ИЈЗ-239, ЦЈЗ Скопје-58, ЦЈЗ Битола-67, ЦЈЗ Прилеп-28, ЦЈЗ Тетово–50, ЦЈЗ Куманово-49, Клиника за инфективни болести и фебрилни состојби-4, Судска медицина-0, лабораторија болница Козле-17, УК Пулмологија со алергологија –0, ГОБ 8-ми Септември-0, Институт за микробиологија–187, Жан Митрев (Филип Втори)-56, Авицена-96, Биотек-149, Систина-68, лабораторија Лаор-97, Синлаб-7, Ремедика-17, Плодност–41, Генеа-2, Никоб лаб-252, ВФВ Медикал-33, Ели Медика-42, Ројал Медика–15, Спектра-ММ-10, Рапид Лаб – 2, Жан Митрев Струмица – 0, ЈЗУ и ПЗУ (рапид тест) – вкупно 1.352.Досега во земјата се направени вкупно 1.442.544 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 211.382, бројот на оздравени пациенти е 195.624, на починати е 7.406, а бројот на активни случаи изнесува 8.352.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 92334, активни 3796Куманово 12719, активни 297Тетово 11257, активни 174Прилеп 9967, активни 430Битола 8279, активни 682Гостивар 8055, активни 47Велес 7178, активни 369Кавадарци 6743, активни 321Штип 6470, активни 216Охрид 6328, активни 255Струмица 6009, активни 128Кичево 4201, активни 95Струга 3878, активни 56Кочани 3886, активни 230Гевгелија 2720, активни 149Неготино 2520, активни 87Свети Николе 2080, активни 68Крива Паланка 1832, активни 151Радовиш 1687, активни 76Ресен 1678, активни 90Дебар 1454, активни 1Берово 1355, активни 70Делчево 1313, активни 120Виница 1135, активни 46Пробиштип 1099, активни 47Валандово 892, активни 32Кратово 739, активни 78Богданци 626, активни 35Демир Хисар 578, активни 89Крушево 574, активни 25Македонски Брод 484, активни 5Демир Капија 419, активни 8Македонска Каменица 393, активни 60Пехчево 341, активни 15Дојран 159, активни 4

пред 4 години

Максим му даде „корпа“ на СДСМ

Никој не може да ме враќа во партија од која никогаш немам излезено и согласно статутот на мојата СДСМ сѐ уште сум член и воедно со нетрпение ја очекувам седницата на ЦО на која ќе разговараме и за мојот статус, но и за погубните политики на дел од раководството кои не доведоа во оваа состојба, напиша на Фејсбук градоначалникот на Куманово, Максим Димитриевски, како реакција на изјавата на генералниот секретар Љупчо Николовски дека СДСМ ќе се обиде да го врати Димитриевски во партијата.– На СДСМ му се неопходни радикални промени и трансформации по вертикала и хоризонтала и начинот на практикување на власта, елиминација на лукративно – клиентелистичкиот пристап кои треба да бидат заменети со вистински државотворни политики базирани на идеологија во кои граѓанскиот ќе биде пред партиско – личниот интерес.Ние власта од граѓаните ја добивме за да бидеме различни, а не исти или слични со претходните. Очекувам реализација на најавените оставки и кадровски смени во владата, но и во партијата бидејќи едно од нашите начела беше и дека „зборот е збор“.

Македонија | пред 4 години

Бујар си седна со „исчезнатиот“ пратеник, да го информира за интеграциите во ЕУ

Пратеникот Кастриот Реџепи денеска, на негова иницијатива, бил на брифинг кај министерот за надворешни работи, Бујар Османи на кој се информирал за процесот на ЕУ интеграциите на Македонија.На иницијатива на пратеникот Кастриот Реџепи, за подлабоко и пошироко запознавање со процесот на европски интеграции, утрински брифинг во МНР на која информирав за последните состојби во надворешната политика, објави министерот Османи.Покрај актуелните севкупните состојби, информирав и за впечатоците и пораките добиени од последната посета на Брисел, како и за пораките со кои изминатава недела во Скопје пристигнаа премиерот на Холандија, Марк Руте, како и новиот сојузен министер за европски и меѓународни работи на Австрија, Михаел Линхарт.Очигледна е зголемената политичка активност до страна на голем број меѓународни пријатели, кои се насочени во создавање нова иницијатива со која би се одблокирал процесот на проширување на Европската Унија, вели Османи.

Македонија | пред 4 години

„ЕМА“ го испитува новиот лек против Ковид-19

Европската агенција за лекови проценува дали лекот „Xevudy“, кој спречува потешки форми на Ковид-19, може да биде одобрен во Европската Унија.„ЕМА ќе ги процени придобивките и ризиците од лекот на краток рок и може да даде мислење во рок од два месеци“, се вели во соопштението од оваа организација.Лекот развиен од фармацевтските компании „GlaxoSmithKline“ и „Vir Biotechnology“, треба да ги спречи потешките форми на болеста и потребата од хоспитализација кај пациенти со Ковид-19.Лекот е наменет за третман на возрасни и тинејџери кои се изложени на зголемен ризик од тешки форми на Ковид-19, пред вклучувањето на терапија со кислород.Третманот се заснова на терапија со моноклонални антитела со користење на тип на протеин кој се врзува за коронавирусот и ја намалува неговата способност да навлезе во клетката на човечкото тело.

пред 4 години

Што ќе донесат новите ковид-мерки?

Во очекување Владата да се произнесе за предлогот на Комисијата за заразни болести за заострување на мерките против КОВИД-19 и зголемување на опфатот на имунизација, Министерството за здравство информира дека заклучно со вчера, вкупно се вакцинирани 818.689, а ревакцинирани се 787.837 граѓани. Трета доза примиле 59.735 граѓани.Вакцинирано е 39 отсто од целокупното население во земјава, а 38 отсто примилe две дози.Опфатот со вакцинација со една доза на полнолетната популација е 58 отсто, а со две дози 48 проценти.Две дози примиле 57 отсто од граѓаните над 40 – годишна возраст, а 33 отсто од популацијата од 18 до 39 години примиле барем една доза вакцина.Инаку, со новите предлог-мерки се предвидува вработените во јавните институции задолжително да прикажат потврда за примена најмалку една вакцина, ПЦР негативен тест, потврда за прележан ковид не постар од 45 дена или потврда од лекар специјалист дека не можат да ја примат вакцината. Се прдлага и задолжителна вакцинација на сите здраствени работници.Од МОН потврдија дека овие мерки препорачани за јавниот сектор ќе важат и за вработените во образованието.-За вработените во образованието ќе важи истата мерка што е предложена од Комисијата за заразни болести за јавниот сектор – да бидат вакцинирани најмалку со една доза, да имаат негативен ПЦР-тест, потврда за прележан ковид или потврда дека не смеат да примат вакцина, изјави советникот во Министерството за образование и наука, ДушанТомшиќ.Комисијата за заразни болести предлага овие мерки да стапат во сила десет дена откако ќе ги усвои Владата.Со цел заштита од коронавирусот, во земјите од регионот се најавува и четврта доза вакцина. Епидемиологот Бранислав Тиодоровиќ изјави дека во Србија на пролет најверојатно ќе се препорача и четврта доза, а самата имунизација против корона вирусот во иднина може да се прави двапати годишно.-Делта плус сојот почнува да има негативни ефекти во Европа, бројот на заразени се зголемува, а имаме примери на земји кои беа релативно мирни, како Холандија и Данска, да имаат зголемување на бројот на новозаразени. И Германците се во проблем, кажа Тиодоровиќ.Очекува во Србија да продолжи да се намалува бројот на новозаболени, но посочи дека од граѓаните зависи дали тоа ќе се случи и дека медицинскиот дел од Кризниот штаб се уште е за воведување на целодневни ковид пропусници и дека ќе инсистира на тоа.Во меѓувреме, Европа е лидер во светот според бројот на инфицирани и смртни случаи од Ковид-19, соопшти вчера Светската здравствена организација (СЗО).Ова доаѓа откако бројот на смртни случаи од минатата недела се зголеми за пет отсто и со тоа Стариот континент стана единствениот регион во светот со зголемување на смртните случаи од Ковид-19.

Македонија | пред 4 години

(ВИДЕО) Николовски заминува заедно со Заев

Генералниот секретар на СДСМ Љупчо Николовски, вечерва во емисијата „21Анализа“ потврди дека кога ќе се ефектуира оставката на Зоран Заев, дека и тој заминува од функцијата во партијата.„Кога претседателот ќе даде оставка, целото раководството е во оставка и тоа не е најважно. Најважно во моментов е демократското мнозинство во парламентот, и да не се вратиме во време на страв и на реваншизам против кое се боревме“, рече Николовски во гостувањето на ТВ21.

Македонија | пред 4 години

ВМРО-ДПМНЕ ќе бира претседател во декември

На 12 декември во Скопје, ВМРО-ДПМНЕ во Скопје ќе одржи редовен паркиски конгрес на кој ќе се трасира патот за идното делување и политиките на партијата, соопшти вечерва членот на Извршниот комитет (ИК), Драган Ковачки.Датумот за конгресот е утврден вечерва на седницата на ИК која се одржува во партиското седиште, а на него ќе се избира и лидер со оглед дека мандатот на Христијан Мицкоски истекува.„Очекуваме претседателот да биде кандидат на претстојниот конгрес согласно резултатите кои ги покажавме на последните локални избори“, рече Ковачки.

Македонија | пред 4 години

Како работеше во овие 20 дена РЕК Битола? На воздух, на вода, прашува Ковачевски

Генералниот директор на АД ЕСМ, Васко Ковачевски, во разговор за ТВ21 ги демантираше обвинувањата искажани пред 20 дена дека во РЕК Битола имало јаглен за само два дена и праша како тогаш работи РЕК Битола?„Во државата располагаме со 1450 мегавати инсталирана моќ на сите државни капацитети. Во моментов располагаме некаде со 1200 мегавати, вкупни капацитети. Во изминатите 10-12 години изграден и пуштен само ветерниот парк во Богданци со 36 мегавати. Владата тогаш и тогашните раководства на ЕЛЕМ, сега ЕСМ вложиле во енергетиката само 36 мегавати.Кога го превземавме ЕЛЕМ, сега ЕСМ немаше развојни студии да се изградат капацитети. За само две години пуштена 30 мегавати гасната електрана во Скопје, за скоро ќе се пушти 10 мегавати фотоволтаици во Осломеј, и 100 мегавати по јавно приватно приватноста. За само две години имаме 140 мегавати.Опозицијата може да обвинува колку сака. Обвинуваа пред 20 дена дека има јаглен во РЕК Битола само за два дена. Треба да ги прашате зошто шират лаги и ја заплашуваат јавноста. Како работеше во овие 20 дена РЕК Битола? На воздух, на вода? – вели Ковачевски.

Македонија | пред 4 години

СДСМ ќе се обиде да го врати Максим Димитриевски во партијата

Генералниот секретар на СДСМ, Љупчо Николовски во вечерашното гостување во емисијата „21 Анализа“ на ТВ21 најави дека партијата ќе се обиде да го врати Максим Димитриевски во своите редови.„СДСМ ќе влезе во постапка во која верувам на база на сите дискусии кои сме ги имале после изборите ќе извлече поуки, ќе донесе многу одлуки.  СДСМ ќе направи се преку сите процеси и промени што ги прави, и верувам дека и овој предизвик пред кој се наоѓаме ќе го решаваме сите заедно и дека обединети, со многу промени и детектирани слабости и отстранување на истите, ќе биде партија која ќе биде целосно подготвена за следните предизвици“, рече Николовски.На дополнително прашање од водителот, „да резимирам, ќе се обидете да го вратите Максим?“, Николовски одговори:„Ќе се обидеме да направиме сè, да“.

Македонија | пред 4 години

Заев утре на средба со Гаши, ќе го придружуваат новиот мандатар и новиот лидер на СДСМ

Премиерот Зоран Заев утре на средбата со лидерот на Алтернатива, Африм Гаши, нема да дојде сам, туку ќе се појави со новиот мандатар и веројатно новиот лидер на СДСМ, објави ТВ21 повикувајќи се на високи партиски извори.Средбата ќе се одржи во 15:30 часот во Клубот на пратеници, а се очекува Заев и Гаши да разговараат за тоа дали четирите пратеници од Алтернатива ќе станат дел од парламентарното мнозинство.

Македонија | пред 4 години

Русковска ќе бара нов притвор за Јанакиески, оти постои опасност од бегство

Ќе бараме притвор за Миле Јанакиески, бидејќи постои опасност од бегство, изјавила за Телма обвинителката Вилма Русковска откако денеска Апелација му го укина куќниот притвор на поранешниот министер за транспорт и врски и му изрече нова мерка на претпазливост.Од Јавното обвинителство за организиран криминал и корупција потврдиле дека по укинувањето на домашниот притвор за предметот „ТНТ“, ќе бараат нов притвор за случајот „Организатори на крвавиот четврток“.Русковска во изјава за Телма рекла дека сè уште не е информирана за одлуката на Апелација, но дека сега ќе мора да интервенира со ново барање за притвор поради опасност од бегство.

Македонија | пред 4 години

Мечка влечела гостиварец за нога

Повреден е човек на возраст од 55 години во гостиварското село Бродец, пишува локалниот портал Гостивар Прес. Мечката се нафрлила врз човекот, го фатила за нога и го влечела, а се спасил благодарение на овчарски кучиња.На нападнатиот му била укажана лекарска помош, пишува Гостивар Прес.

Македонија | пред 4 години

Пендаровски со реакција за изјавата на Мицкоски кој за него рече дека е „исчезнат“

Откако лидерот на ВМРО-ДПМНЕ, Христијан Мицкоски го обвини шефот на државата Стево Пендаровски дека е „исчезнат“, и дека само по нарачка него го критикува, тој ја искоментира оваа изјава.Вели дека Македонија е парламентарна демократија, а не претседателски систем.„Интересна е неговата изјава дека сум исчезнат, за него не бев исчезнат додека се обидуваше да направи парламентарно мнозинство од 61 пратеник. Одеднаш, според него исчезнувам откога му пропадна обидот да направи мнозинство од 61 пратеник”, рече Пендаровски.

Македонија | пред 4 години

Заев: Нема да има предвремени парламентарни избори

Според она што денес го кажа премиерот Зоран Заев, скоро нема да имаме избори.„Имаме стабилно парламентарно мнозинство, очекуваме и зголемување на мнозинството, не очекуваме предвремени парламентарни избори, напротив – до редовните избори во јуни 2024 година Владата ќе се посвети на силен развој на економијата“, рече Заев.

Македонија | пред 4 години

Малолетник ранет со нож од соученичка

Ученичка вчера во Куманово со нож ранила свој соученик.Во СВР Куманово вчера во 16.30 часот е пријавено дека во болницата во Куманово со повреди од остар предмет е однесен малолетник од Куманово. По преземени мерки е утврдено дека тој е повреден во средно училиште од малолетна ученичка во училиштето. Полицијата презема мерки за расчистување на случајот.

Македонија | пред 4 години

17 починати лица од Ковид-19

Министерството за здравство информира, во согласност со податоците од Институтот за јавно здравје, дека во последните 24 часа биле направени 2.911 тестирања, а регистрирани се 493 нови случаи на Ковид-19:Скопје – 200, Битола – 53, Куманово, Велес и Прилеп – по 23, Кавадарци – 20, Кочани – 19, Штип – 17, Тетово – 13, Делчево – 12, Гевгелија и Неготино – по 10, Демир Хисар – 8, Струмица – 7, Берово и Богданци – по 6, Гостивар, Охрид и Крива Паланка – по 5, Радовиш и Ресен – по 4, Пробиштип, Валандово и Кратово – по 3, Кичево, Струга, Виница и Македонска Каменица – по 2, Свети Николе, Македонски Брод и Пехчево – по 1 лице.Регистрирани сe 532 оздравени пациенти, и тоа од: Скопје – 232, Битола – 44, Кавадарци -29, Кочани – 23, Велес – 22, Прилеп – 20, Тетово – 16, Куманово – 15, Крива Паланка – 14, Ресен – 12, Штип и Делчево – по 10, Охрид, Гевгелија и Берово – по 8, Гостивар и Радовиш – по 7, Кичево, Неготино и Пробиштип – по 6, Свети Николе и Демир Хисар – по 5, Валандово – 4, Струга и Дебар – по 3, Виница, Кратово, Богданци и Пехчево – по 2, Дојран – 1 лице.Во текот на изминатите 24 часа регистрирани се 17 починати лица: 4 од Куманово (62, 64, 78 и 93), 3 од Прилеп (73, 76 и 79), по 2 од Скопје (72 и 91), Велес (76 и 80) и Кавадарци (57 и 71) и по едно починато лице од Битола (78), Делчево (41), Крива Паланка (79) и Ресен (71). Од пријавените лица, шеснаесет се починати во болнички услови, а едно во домашни услови.Дополнително, во согласност со регистарот на умрени лица со дијагноза Ковид-19 од „Мој термин“, пријавени се 6 починати лица со датум на смрт од 28.10.2021 до 5.11.2021. Регистрирани се починати лица од Скопје (4), Велес (1) и Прилеп (1). Починатите лица се на возраст од 43 до 97 години, од кои 4 лица се починати во домашни услови, а 2 во болнички услови.Направени се 2.911 теста преку: ИЈЗ – 302, ЦЈЗ Скопје – 59, ЦЈЗ Битола – 71, ЦЈЗ Прилеп – 39, ЦЈЗ Тетово – 61, ЦЈЗ Куманово – 50, Клиника за инфективни болести и фебрилни состојби – 0, Судска медицина – 0, лабораторија во болницата во Козле – 11, УК Пулмологија со алергологија – 0, ГОБ „8 Септември“ – 0, Институт за микробиологија – 159, „Жан Митрев“ („Филип Втори“) – 56, „Авицена“ – 106, „Биотек“ – 132, „Систина“ – 46, лабораторија „Лаор“ – 80, „Синлаб“ – 14, „Ремедика“ – 16, „Плодност“ – 53, „Генеа“ – 7, „Никоб лаб“ – 204, „ВФВ медикал“ – 26, „Ели медика“ – 25, „Ројал медика“ – 8, „Спектра-ММ“ – 10, „Рапид Лаб“ – 1, ЈЗУ и ПЗУ (рапид-тест) – вкупно 1.375.Досега во земјата се направени вкупно 1.439.606 тестирања на Ковид-19.Вкупната бројка на Ковид-дијагностицирани лица во нашата земја од почетокот на епидемијата изнесува 210.938, бројот на оздравени пациенти е 195.157, на починати е 7.390, а бројот на активни случаи изнесува 8.391.Според епидемиолошки анализи, во моментот дистрибуцијата по градови е следна:Скопје 92.144, активни 3.804Куманово 12.709, активни 321Тетово 11.251, активни 193Прилеп 9.940, активни 423Битола 8.236, активни 667Гостивар 8.054, активни 46Велес 7.163, активни 368Кавадарци 6.724, активни 324Штип 6.460, активни 230Охрид 6.315, активни 243Струмица 5.994, активни 122Кичево 4.195, активни 93Струга 3.877, активни 55Кочани 3.870, активни 232Гевгелија 2.714, активни 152Неготино 2.517, активни 95Свети Николе 2.077, активни 71Крива Паланка 1.827, активни 157Радовиш 1.685, активни 81Ресен 1.667, активни 83Дебар 1.453, активни 0Берово 1.342, активни 62Делчево 1.307, активни 125Виница 1.134, активни 48Пробиштип 1.097, активни 51Валандово 888, активни 28Кратово 734, активни 77Богданци 623, активни 33Демир Хисар 575, активни 89Крушево 574, активни 27Македонски Брод 484, активни 5Демир Капија 419, активни 10Македонска Каменица 390, активни 57Пехчево 340, активни 14Дојран 159, активни 5

Македонија | пред 4 години

Неточна е изјавата на Филипче дека сме барале задолжителна вакцинација за приватниот сектор, реагира Сојузот на стопански комори

Вчерашната изјава на министерот за здравство Венко Филипче дека Сојузот барал да се воведе задолжителна вакцинација и за вработените во приватниот сектор е целосно неточна и ја демантираме во целост, се наведува во денешната реакција од Сојузот на стопански комори на Македонија (ССК).„Ниту од наша страна е испратено писмо на кое тој се повикува, ниту такво нешто сме барале од Министерството, бидејќи нашиот став е дека правото на вакцинација која не е задолжителна, е лично право на избор и истото не треба да се ограничува. Сметаме дека многу подобар ефект наместо со репресивни, ќе се постигне со стимулирачки мерки и навремено обезбедување на повеќе видови на вакцини и релевантни информации за нивната безбедност“, стои во соопштението.Во него се додава дека Сојузот на стопански комори уште од почетокот на пандемијата дава активен придонес преку постојано следење на мерките и доставување на свои конструктивни предлози и мислења во насока на нивно унапредување, со цел заштита на здравјето и намалување на штетните последици врз економијата.

Македонија | пред 4 години