ТОП

Станковски: На Мијалков му кажав дека е грешка вториот избор на Иванов, Груевски требаше да е претседател

Поранешниот специјалец Антонио Станковски во Претрес со Ландов рече дека сака шпиони, но не и кодоши.„Секоја држава има шпионски служби кои го помагаат функционирањето на безбедносните служби”, рече Станковски.Тој на Мијалков му кажал дека повторниот избор на Иванов е грешка, Груевски требал да е претседател.„Иванов по првиот мандат требаше да замине во пензија, а на негово место да дојде Груевски.Ако Груевски беше претседател повеќе ќе имаше време за размислување и да ја контролира државата”, рече Станковски.За Синиша Алексовски, кој беше и советник кај Иванов рече дека ги увеличува работите, а за себе правел приказна дека е недопирлив.

Македонија | пред 11 месец

(Видео) Поранешниот началник Станковски: Телефоните во системот работат, и не само за трагедијата во Кочани

Антонио Станковски, поранешен припадник на безбедносните органи, во продолжението на неговото гостување во Претрес со Ландов на прашање како системот се справи и како се случи трагедијата во Кочани, ги охрабри припадниците набезбедносните сили да се борат со системот.„Ако некој е над вас, вие не сте негов слуга.Рацете на полициецот се врзани. Кај нас телефонот работи, не само за Кочани. Затоа спротивставете се на секој претпоставен. Тоа ќе ве заштити ако го почитувате законот”, рече Станковски.Тој упати апел до политичарите да ги искористат професионалците во системот, бидејќи тие не се ставени на вистинско место.

Македонија | пред 11 месец

(Видео) Како Палевски ќе го исплати адвокатот Страшевски

Адвокатот Јовица Страшевски во „Претрес“ говореше зошто најрпво бил на став дека не сака да го брани Љупчи Палевски-Палчо, но и како обвинетиот за убиствата на Вања Ѓорчевска и Панче Жежовски го предомислил, па тој прифатил да му биде бранител. Страшевски беше дециден дека го брани Страшевски бидејќи смета дека нема вина, но истовремено, посочува дека очекува осудителна пресуда.Прашан, како ќе ги наплати адвокатските трошоци од Палевски, рече: „Ќе бидам исплатен, ама не како што треба да бидам“.Целиот поткаст погледнете го тука:https://youtube.com/live/VgO5UF9EzMo?feature=share

Македонија | пред 11 месец

Меџити и Таравари ја растурија „калимерата“, а и коалицијата

Коалицијата Вреди смета дека одлуката за настап со одделни советнички листи за советници на Алијанса за Албанците предводена од Арбен Таравари е донесена во интерес на ДУИ чија суштина јавноста многу бргу ќе ја разбере, рече претседателот на Демократското движење и вицепремиер во Владата Изет Меџити, по состанокот на лидерите и високи функционери на оваа коалиција. Вреди не го исклучила од коалицијата Таравари, туку тој, според Меџити, се самоисклучил. Вели дека оваа постапка на Таравари значи и проблем во Владата, но засега нема одговор дали ќе бараат негово разрешување од министерската функција во здравство.„Јасно е дека преговорите имале за цел разединување на коалицијата 'Вреди' и враќање од клиничка смрт на ДУИ. Колкава била цената на оваа операција и дали вредело сето тоа, ќе се дознае многу брзо“ рече Меџити.На ова врати Арбен Таравари.„За жал, знаев дека и овој момент ќе биде вклучен во долгата серија што започна. Предлагам сите да се фокусираат на заедничката мисија на благосостојбата на општеството. Тоа не значи дека тргнуваме по различни патишта и одеднаш стануваме непожелни. Заморната политика на обвинувања и озборувања е стара и повеќе не држи вода. Среќен сум и благодарен за секоја личност или партија со која сме соработувале. Сакам да ги зачувам овие добри чувства и нема да станам плен на провокациите на оние кои сакаат политички спектакл“, вели Таравари.

Македонија | пред 11 месец

По еден полицаец осомничен за „Пулс“ се трага, шест останаа без пасоши, за седум се бара замена за мерката ефективен притвор

Шесте ново осомничени полицајци во предметот за работата на дискотеката „Пулс“ останаа без пасоши, но ќе се бранат од слобода. Ова е одлуката на судот, по предлогот на Обвинителството. Истовремено, според информации на „Скопје1“, побарано е да се укине мерката ефективен притвор за првите шест полицајци, откако за нив се прибрани доказите и не можат да влијаат на тој дел од постапката. И натаму, се трага по уште еден полицаец кој е недостапен за органите на прогонот.„Прифатен предлогот на ОЈО ГОКК за опредлување мерки за претпазливост против шест лица - полициски службеници, кои попладнево беа спроведени и се произнесоа во судот во однос на предлогот на јавниот обвинител. Мерките се - одземање патна испара, забрана за напуштање живеалиште, јавување во суд, забрана за контакти со останати обвинети/осомничени и забрана за преземање одредени работни активности“, велат од Кривичен суд.ПРЕТХОДНО:

Македонија | пред 11 месец

(Фото) На „Улици и патишта“ им ја исклучија па вклучија струјата оти должат за сметки, а дел од вработените штрајкуваа барајќи ја платата

Наместо на работните места, дел од вработените во јавното претпријатие „Улици и патишта“ работниот ден го поминаа пред дирекцијата, од каде побараа плата која не е исплатена и по законски утврдениот рок односно до 15-ти во месецот.Истовремено, цел ден молк од Град Скопје и директорката на претпријатието Ивана Трајкоска за тоа зошто повторно доцнат платите. А додека пред дирекцијата беа вработените, дојдоа и вработени во ЕВН и ја исклучија струјата поради неплатени сметки. Претседателот на синдикатот КСОМ Марјан Ристески за „Скопје1“ вели дека ако утре до 09 часот платата не биде исплатена кај работниците, ќе излезат да протестираат пред градоначалничката на Град Скопје, Данела Арсоваска.„Денеска вработените во Улици и патишта не ја добија платата и затоа донесоа одлука утре да почекаат до 9 часот, ако нема плата ќе се организираат и ќе протестираат пред градоначалничката на Град Скопје. Срамно е и жално пред ваков голем христијански празник да нема плата, дури можеше да даде аконтактивно некој денар за да го одбележат со својата фамилија, меѓутоа очигледно нема слух за граѓаните. Жал ми е, таа директорката не сакаше да разговара со нас, да нѐ прими на разговор. Се затвори во канцеларија. Струја немаа вработените. Не знам што е, дали е свесна дека го губи мандатот па кренала раце од Град Скопје, меѓутоа проблем имаме како вработени и во текот на утрешниот ден ќе Ве известиме што ќе правиме понатаму“, вели претседателот на синдикатот КСОМ Марјан Ристески за „Скопје1“.Дека струјата им била вклучена, како и дека се планира да им се вклучи како резултат на подмирување на долгот, ни посочија и до ЕВН.„ЈП Паркови и зеленила - Скопје беше исклучено поради неплатен долг. Електродистрибуција е во комуникација со претпријатието и истото ќе биде повторно приклучено за брзо време, како резултат на подмирување на долгот“, велат од ЕВН за „Скопје1“.Истовремено, на меморандум од ЈП „Улици и патишта“, на огласната табла осамна обраќање до вработените, под кое стои потпис и името на в.д директорката. Во него, се најавува одговорност за неоправдано нарушување на работниот процес.„ЈП ‘Улици и патишта’-Скопје е јавно претпријатие кое врши дејност од јавен интерес, дејноста ја врши трајно и без прекин и секое нарушување на работниот процес нанесува штета на претпријатието. Секое неоправдано нарушување на работниот процес, ќе се бара соодветна заштита согласно законот“, стои на листот со меморандум, на огласната табла, кое го фотографирале вработените.Ова не е првпат вработените да штрајкуваат оти немаат плата на сметките согласно законскиот рок. За истово ги алармираа медиумите во ноември минатата година, по што добија исплата. Во декември излегоа пред Град Скопје и ја повикаа Арсовска: „Нека ни даде плата да и купиме цвеќе за роденден“, оти токму тој ден таа славеше роденден.Став побаравме од Град Скопје кој е основач на претпријатието, а со кој раководи градоначалничката Данела Арсовска. Прашавме зошто повторно доцнат платите, дали е точно дека вработени добиле закани од в.д. директорката дека ќе им испорача откази оти одбиле да работат, како и кога вработените ќе добијат плата. Одговори не добивме до моментот на објавување на овој текст. Молк и од менаџментот на ЈП „Улици и патишта“, каде ги упативме истите прашања.

Скопје | пред 11 месец

Детали за приведувањето на полицајците за пожарот во „Пулс“: Не извршиле детална проверка и дале согласност „Пулс“ да добие лиценца

Постапувајќи по кривичната пријава поднесена од МВР, јавен обвинител од Специјализираното одделение за гонење на кривични дела сторени од лица со полициски властувања и припадници на затворската полиција, донесе Наредба за спроведување на истражна постапка против десет полициски службеници.„Во конкретниот случај постои основано сомнение дека осомничените во временскиот период од 07.12.2012 година до 21.01.2022 година, како соизвршители, сториле кривично дело Тешки дела против општата сигурност. Според описот содржан во наредбата за спроведување истражна постапка, осомничените како службени лица вработени во СВР Штип и ПС ОН Кочани, во погоренаведениот временски период, како соизвршители, не постапиле според прописите за мерките за заштита - не извршиле целосна и детална проверка во врска со издавање на позитивна согласност за издавање лиценца за Кабаре „Пулс“, во делот на безбедноста во сообраќајот и јавниот ред и мир. Со издавањето на согласностите сите заедно му овозможиле на правното лице да се стекне со лиценца за вршење угостителска дејност, иако истото не ги исполнувало предвидените услови“, велат од Обвинителството.Јавниот обвинител ценејќи ги околностите и доказите прибавени во предистражната постапка, а заради непречено водење на кривичната постапка и заради обезбедување присуство на осомничените, на судијата на претходна постапка при Основен кривичен суд Скопје ќе предложи на седуммина осомничени да им определи мерки на претпазливост.„Останатите тројца осомничени се обезбедени со претходната постапка. Специјализираното одделение за гонење на кривични дела сторени од лица со полициски властувања и припадници на затворската полиција продолжува со предистражни дејствија во насока на откривање на нови лица инволвирани во случајот“, велат од Обвинителството за гонење организиран криминал и корупција.

Македонија | пред 11 месец

(Видео) Адвокат бара реконструкција на убиствата на Вања и Панче и враќање на предметот во истрага

Адвокатот Бојан Манев, бранител на обвинетиот Боре Видевски вели дека е неминовна потребата од реконструкција на грабнувањата и убиствата на Вања Ѓорчевска и Панче Жежовски. Според него, има три причини за ова. Посочи и дека предметот треба да се врати во истрага.„Ова е фаза на постапката кога секој ја кажува својата верзија. На крајот, неминовно е по исказите кои се дадени, да се направи реконструкција на настанот и неминовно е настанот да се врати во истрага. Ова од неколку причини. Првично бидејќи се споменуваат други лица кои не се обвинети, ниту учесници, а се споменуваат во исказите на обвинетите. Постојат неколку снимки кои Обвинителство не ги дале да се гледаат, а едни од нив се од бензиската станица Лукоил во Велес, каде се гледа ликот на Панче Жежовски, а е направена на 22-ри денски. А викаат дека човекот е убиен на 22-ри во 09 часот. Некои работи мора да се расчистат дали со реконструкција дали со враќање на предметот во истрага“, рече адвокатот Манев.Тој рече дека не е спорно што адвокатот на Љупчо Палевски-Палчо се разбоил.„Денешното одложување е поради здравствените проблеми на адвокатот на Љупчо Палевски, на секого може да му се случи да има здравствен проблем и да има висок крвен притисок. Мислам дека тоа е во ред. Согласно ЗКП, судијата има право да постави бранител по службена должност, меѓутоа мислам дека е човечки едно одлагање, да се дозволи. Мислам дека не се работи за бегање, туку здравствен проблем. Во ред е тоа што го зборува судијата, но мислам дека не е проблем, ќе дојде на наредното рочиште“, рече адвокатот Бојан Манев, бранител на обвинетиот Боре Видевски.„Зошто возниот ред на 5-ти април за автобусот број 60

Македонија | пред 11 месец

Удрил во бензинска, бил пијан и лажел дека работи во АНБ: кривична за кривопаланчанец, за несреќа која се случила ноќеска

Кривопалачанец ноќеска по полноќ направил сообраќајка, удрил во бензиска пумпа и лажел дека е вработен во Агенцијата за национална безбедност. Ова го констатираше МВР кои направиле и алкотестирање, а дрегерот покажал дека возачот бил пијан. Станува збор за 31-годишен маж со иницијали Б.Р. Несреќата се случила на булевар „Србија“ во Аеродром. Возачот ќе одговара кривично за кривично дело безобѕирно управување со моторно возило.„Управувајќи патничко возило „хјундаи“ со скопски регистарски ознаки, удрил во објект на бензинска пумпа на булеварот. Додека, по преземени мерки било констатирано дека возилото го управувал без возачка дозвола, дека е под дејство на алкохол, односно дека му биле измерени 2,14 промили алкохол во крвта и дека лажно се претставил како вработен во АНБ“, велат од МВРПо целосно документирање на настанот, против него ќе биде поднесена соодветна пријава.

Македонија | пред 11 месец

„Доколку се случи уште еднаш вакво нешто, ќе поставам бранител по службена должност“, рече судијата откако адвокатот на Палевски не дојде на судење

Судијата Ивица Стефановски, кој го суди предметот за убиствата на Вања Ѓорчевска и Панче Жежовски, закажа две нови рочишта, предвидени обвинетиот Љупчо Палевски-Палчо да продолжи со давање на исказ за ужасните настани. Ова доаѓа откако денешното рочиште се одложи поради отсуство на Јовица Страшевски, адвокат на Палевски.До Кривичен суд, била доставена документација од Страшевски во која се наведува дека тој не може да присуствува поради здравствен проблем кој вчера му бил дијагностициран. Судијата рече дека ова е прво одлагање и дека судот ќе има разбирање, но нема да дозволи да се повтори.„Доколку се случи уште еднаш вакво нешто, ќе поставам бранител по службена должност“, рече судијата Стефановски.Според досегашната динамика на судењата, расправите требаше да завршат до крајот на месец мај, а веќе во јуни да може да се донесе пресуда. Одлагањата на рочиштата од било која причина ќе го успорат процесот. Палевски претходно имаше двајца адвокати, но еден од нив, Маријан Витанов, има откажано полномошно. Остана Страшевски.Во поткастот „Претрес со Ландов“ тој кажа дека го брани Палевски поради уверувањето дека е невин. Истовремено, беа анализирани сите докази кои укажуваат дека Палевски учествувал во делата.

Македонија | пред 11 месец

МВР смета дека Коцевски не ја компромитирал истрагата за пожарот во „Пулс“, за приведените полицајци нема да се бараат притвори

Акцијата за приведување на нови седум полициски службеници кои се осомничени во предметот за дискотеката „Пулс“ која одзеде 61 живот, не била компромитирана. Ова е ставот на МВР, а откако вчера, јавниот обвинител Љупчо Коцевски во гостување на Телма објави дека во моментот е издадена наредбата за постапување. Од полицијата велат постапиле по насоките на Обвинителството.„МВР во целост ги демантира дезинформациите објавени во дел од порталите за наводно нарушување на вчерашната акција од страна на јавниот обвинител Љупчо Коцевски. МВР при вчерашната акција постапуваше по насоки на јавното обвинителство“, одговараат од МВР на прашањето дали акцијата е компромитирана.„Скопје1“ за ова прашање побара став и од Републичкото обвинителство. Таму прашавме зошто Коцевски уште пред да почне акцијата за приведување на седум полицајци, тоа го сподели во ТВ гостување, дали обвинителот знае дека истражната постапка е тајна и дека Обвинителството не споделува детали пред акцијата да биде завршена, како и дали тој смета дека ја компромитирал истрагата. До моментот на објавување на овој текст, не добивме одговор.Според информации на „Скопје1“, за лицата кои се приведени, нема да се бараат најстроги мерки како што се ефективен или куќен притвор. Од Кривичниот суд, неофицијално, ќе биде побарано да им се одземат патните исправи. Меѓу приведените кои имаат статус на осомничени е командирот на кочанската полиција, но и пензионирани полициски службеници. Сите се сомничат дека со нивното постапување или непостапување, придонеле до тоа „Пулс“ да добие лиценца за работа. Оваа истрага се води во Обвинителството за гонење организиран криминал и корупција, бидејќи станува збор за лица кои имаат полициски овластувања.Во другата истрага, која ја води кочанското Обвинителство со помош на обвинители од скопското Обвинителство - осомничени се 45 физички лица и три правни лица.

Македонија | пред 11 месец

Алармантно е по однос на дивоградбите, вели в.д. градоначалникот на Кочани

В.д. градоначалникот на Кочани, Венко Крстевски, рече дека состојбата во општината е хаотична. Според него, оставени се проекти без целосна документација, не знаат дали имаат директор во Комуналното претпријатие или валидна му е оставката, а катастрофална е состојбата и во Противпожарната бригада.„Долгот на Комуналното претпријатие е 3 милиони евра, најмногу за елетрична енергија. Алармантно е по однос на дивоградбите, со тоа е нарушена и безбедноста во градот. Најавувам сериозна борба со дивоградбите, најавувам кривични пријави за секој затечен со дивоградби. Нема да има толеранција ни отстапки“, рече Крстевски.Тој побара помош од градоначалниците од другите општини, за да им дадат инспектори.Најави и состанок со Министерството за животна средина, за затворање на депонијата во Кочани, која треба да биде регионална.За опасните објекти, Крстевски за првпат зборуваше и во „Претрес“.?t=3797

Македонија | пред 11 месец

Нема да се одржи рочиштето за убиствата на Вања и Панче - адвокатот на Палевски не можел да дојде на судење

Нема да се одржи закажаното рочиште на кое требаше Љупчо Палевски-Палчо да продолжи со давање исказ за убиствата на Вања Ѓорчевска и Панче Жежовски. Утринава, судот добил известување од адвокатот на Палевски, дека не е во можност да присуствува од здравствени причини.Поради тоа, ќе се донесе решение за одлагање на расправата, а наредбите за спровод на Палевски и обвинетите Велибор Манев, Влатко Кешишев и Боре Видевски ќе бидат отповикани од судијата Ивица Стефановски. Отповикана, ќе биде и наредбата за спровод на Александар Ѓорчевски од куќен притвор. „Скопје1“ побара став од адвокатот Страшевски, но до моментот на објава на текстот - не добивме одговор.Според досегашната динамика на судењата, расправите требаше да завршат до крајот на месец мај, а веќе во јуни да може да се донесе пресуда. Одлагањата на рочиштата од било која причина ќе го успорат процесот. Палевски претходно имаше двајца адвокати, но еден од нив, Маријан Витанов, се откажа. Остана Страшевски.Во поткастот „Претрес со Ландов“ тој кажа дека го брани Палевски поради уверувањето дека е невин. Истовремено, беа анализирани сите докази кои укажуваат дека Палевски учествувал во делата.На следното рочиште, исказ треба да продолжи да дава Палевски, како и да одговара на прашањта од Обвинителството.

Македонија | пред 11 месец

Палевски ќе одговара што според него правел дента кога е убиена Вања

Денеска продолжува судењето за убиства та на Вања Ѓорчевска и Панче Жежовски.Исказ ќе дава првообвинетиот Љупчо Палевски – Палчо. Тој прво ќе одговара на прашањата од неговиот бранител, Јовица Страшевски. Меѓудругото, остана неодговорено прашањето каде бил на 27 номеври 2023 година, денот кога е убиена Вања Ѓочевски, а откако претходно даде свое објаснување што правел на 22 ноември 2023 година кога според обвинението е убиен Панче ЖеовскиТој ќе одговара и на прашања од обвинителство, а ако остане простор и време, и на прашањата од обвинетите и нивните адвокати.На претходното рочиште, Палчо негира дека ги извршил убиствата за кои се товари. Тој ги нападна и навредуваше новинарите а го обвини и ексминистерот Спасовски.„Ниту сум монструм, ниту убиец, јас сум под линч од портали контролирани од ВМРО-ДПМНЕ и СДСМ, а киднапиран од Кривичниот суд”, рече Палевски.

Македонија | пред 11 месец

(Видео) Студентите во Белград го блокираа РТС, дојде до тепачка со полицијата

Студенти и граѓани во Белград веќе трет ден ги блокираат зградите на Радио-телевизија Србија (РТС) на улицата Таковска и Кошутњак. Како што објавија студентите на социјалните мрежи, полицијата утринава успеала да ги внесе вработените во зградата на јавниот сервис, но дошло до тепачка со студентите.Насобраните скандираат „Народна полиција“ и ги држат рацете нагоре како знак дека сакаат мирен протест.Студенти од универзитетите во Белград и Нови Сад во понеделникот вечерта организираа блокади на Радио Телевизија Србија и Радио Телевизија Војводина, незадоволни од известувањето на двата јавен сервис за студентските протести и општествено-политичката криза во земјата, а во исто време најавија протести „до понатамошно известување“. Раководството на РТС вчеравечер преку соопштение оцени дека студентите „незаконски го блокираат“ јавниот сервис.„Блокирањето објекти и спречувањето на вработените во јавниот сервис да ја вршат работата за која се законски одговорни претставува неприфатлив притисок врз медиумите во кои граѓаните со години покажуваат најголема доверба“, објави РТС.Директорот на РТВ Горан Караџиќ употреби поинаков речник, оценувајќи дека студентите преку блокадата ги „киднапирале“ вработените во медиумската компанија, а нивната акција ја нарече „тероризам“. Додека протестот и блокадата во Белград продолжуваат и се одвиваат без инциденти, РТС продолжува да ја емитува својата програма без прекин. Студентското движење излезе на бранот протести предизвикани од смртта на 16 лица во урнатата настрешница на железничката станица во Нови Сад на 1 ноември минатата година, а од властите бараат кривична и политичка одговорност за трагедијата и бараат борба против корупцијата и непристрасно дејствување на институциите без политички притисок и влијание.

Свет | пред 11 месец

Таравари останува со Вреди, ама под негови правила - кои се спротивни на коалицијата

Арбен Таравари и неговото крило од Алијансата на Албанците останува во коалиција со Вреди, одлучиле на вчерашниот состанок. Тој рече дека нема да се тргнат од оваа колаиција, како и дека ќе излезат со нивни листи за советници.„АА одлучи дека во сите општини каде што се кандидираат Албанци, ќе настапи со посебни листи за општински советници. Не може од коалицијата Вреди да очекуваат за кандидати градоначалници без одржани анкети за јавно мислење“, рече Таравари.Ваквата одлука може да ги наруши односите со останатите партии во коалицијата, бидејќи претходно Изет Меџити од Демократското движење кажа дека одлуките за настап на претстојните избори се клучни за тоа кој останува, а кој си оди. Притоа, потенцираше дека планот е сите партии да се спојат во еден субјект.„Ако нѐ исклучат, ќе постапиме соодветно“, рече Таравари.Засега нема реакција од Меџити. Претходно, Таравари беше обвинет дека кокетира со ДУИ.

Македонија | пред 11 месец

ЕУ му се закани на Вучиќ дека оди на парадата во Москва; Захарова: Ова е евронацизам

Србија би можела да биде блокирана во процесот на пристапување во Европската унија доколку нејзиниот претседател Александар Вучиќ следниот месец отпатува во Русија на парадата за Денот на победата, објави вчера Телеграф.Портпаролката на руското Министерство за надворешни работи, Марија Захарова, овие предупредувања од Европската унија ги нарече „евронацизам“.„Ако ова е вистина, тогаш евронацизмот се оживува пред нашите очи“, рече Захарова.„Пред 80 години, фашистите на ист начин ги принудија оние што ги сметаа за „граѓани од втор ред“ да се откажат од својата татковина, народ и религија“, објави таа на нејзиниот канал Телеграм.Руските државни медиуми објавија дека Александар Вучиќ ќе биде еден од странските великодостојници на настанот, како и дека Србија ќе учествува со воени единици и опрема на спектаклот на 9 мај. Како одговор, европските претставници го предупредија Вучиќ дека неговата посета ќе ги прекрши критериумите за членство во ЕУ и со тоа ќе ги загрози европските амбиции на Србија.„Мораме јасно да им ставиме до знаење дека одредени одлуки имаат цена. Последицата е тоа што нема да влезе во Европската унија. Русите многу се трудат да доведат странски гости... Ова ќе биде важен тест за нас. Во суштина, бараме да видиме дали тие се на наша страна или играат за друг тим“, рече Џонатан Всевиов, генерален секретар на естонското Министерство за надворешни работи.Каја Калас, највисокиот дипломат на Европската унија, рече дека министрите за надворешни работи на ЕУ на вчерашната средба разговарале за учеството на земјите кандидати на церемонијата во Москва.„Се разговараше многу јасно и неколку земји-членки рекоа дека секое учество на паради или прослави на 9 мај во Москва нема да биде сфатено лесно од европската страна, имајќи предвид дека Русија води вистинска, сеопфатна војна во Европа“, изјави таа за новинарите по состанокот.Србија долго време се обидува да одржи добри односи и со Брисел и со Москва во исто време.Таа аплицираше за членство во ЕУ во 2009 година и доби статус на кандидат во 2012 година. Пристапните преговори на Србија беа закочени во последниве години поради нејзината очигледна поддршка за илегалната инвазија на Русија на Украина.Белград одби да воведе западни санкции кон Русија како одговор на војната, која повеќето земји-членки на ЕУ ја бараат како услов за членство. Русија е сопственик на единствената нафтена рафинерија во Србија и одбива да ја продаде, со што Србија економски зависи од Москва.Каја Калас беше принудена да ги предупреди другите членки на ЕУ да не учествуваат на парадата на Денот на победата на Путин, која оваа година ја одбележува 80-годишнината од поразот на нацистичка Германија во Втората светска војна.Словачка, членка на ЕУ со блиски врски со Москва, исто така е поканета на настанот следниот месец.Роберт Фицо, премиерот на Словачка, минатата година рече дека ќе присуствува и е еден од ретките лидери на ЕУ кои се сретнале со Путин во повеќе од три години откако Русија ја нападна Украина.Унгарскиот премиер Виктор Орбан, кој се смета за најблизок сојузник на Путин во Европа, нема да присуствува.„Ги поканив сите членки, како и претставниците на институциите, да го посетуваат Киев што е можно почесто за да ја покажеме нашата солидарност и дека стоиме покрај Украина“, рече Калас.

Скопје | пред 11 месец

Хонда префрла дел од производството во Америка, по тарифите на Трамп

Јапонскиот автомобилски гигант Хонда објави дека ќе го премести производството на својот хибриден модел со пет врати Civic за американскиот пазар од Јапонија во САД.Според портпаролот на компанијата, производството на моделот во фабриката Yorii, во близина на Токио, најверојатно ќе заврши во јуни или јули.Одлуката доаѓа во контекст на тарифата од 25 отсто воведена од администрацијата на Доналд Трамп за возила произведени надвор од САД и наменети за американскиот пазар, давачка што тешко ја погоди Хонда, како и други производители на автомобили надвор од САД.

Магазин | пред 11 месец

Ред солзи, ред аплауз на вчерашната изведба на „Бог на колежот“, каде во публика беа гимназијалци од Кочани

Ред солзи, ред аплауз. Вака изгледаше атмосферата на претставата „Бог на колежот“ во МНТ, чија публика беа гимназијалци од Кочани, градот кој е завиен во црно. Тие купија 250 карти за да ја гледаат претставата на 19 март, но по трагедијата, изведбата се откажа. Режисерката на претставата, Весна Петрушевска, фотографиите ги објави на социјалните мрежи.„Беше убаво, емотивно, нешто што не се опишува со зборови. Директорот на МНТ, Никола Кимовски е дел од оваа приказна и на чело на оваа приказна. Ние како МНТ, како глумци, професионалци ја прифативме приказната. Благој Веселинов и Наталија Теодосиевa се од Кочани, играат и Дарија Ризова и Ѓорѓи Јолевски.“, рече Петрушевска, режисер на претставата.На крајот од претставата, тинејџерот Максим Арсов кој бил во публиката запеал, а актерите и публиката имаа простор да се запознаат и разговараат. Оваа изведба на „Бог на колежот“ ја обележаа и транспарентите на кои пишуваше „Благодариме МНТ“ и „Кочани“.

Магазин | пред 11 месец

Се проширува истрагата за пожарот во Кочани: се приведуваат полицајци, меѓу кои и пензионирани

Истрагата за пожарот во Кочани се проширува на уште седум полициски службеници, откри јавниот обвинител Љупчо Коцевски на Телма. Тие ќе бидат приведени. Според извори на „Скопје1“ дел од лицата кои се приведуваат, се и пензионирани лица, а се поврзуваат со издавањето на дозволи кои помогнале да се издаде лиценца за дискотеката „Пулс“ да работи.Со ова, бројот на осомничени полициски службеници се искачува на 14 лица, бидејќи пред скоро месец беа приведени други седум полицајци. Засега, истрагата се води за едно кривично дело, а тоа е предизвикување опасност за животот и телото на луѓето.Акцијата за овие седум полицајци е во тек. За полициските службеници и лицата кои се пензионирани полицајци, истрагата се води во Обвинителството за гонење организиран криминал и корупција.

Македонија | пред 11 месец

(Видео) Тешка сообраќајка во Аеродром, возило превртено на кров, едно лице повредено

Тешка сообраќајка се случи во Аеродром, близу маркетот „Веро“, на булеварот „Јане Сандански“. Според првичните информации, се судриле два автомобили. Едниот, од силината на ударот, се превртен на кров, а возачот бил изваден од внатре. Засега е познато дека едно лице е повредено, но надвор од животна опасностЗасега, не е позната состојбата на возачите. На лице место може да се види дека е причинета голема материјална штета, а на булеварот се и лични предмети на сопственикот на превртениот автомобил.Повеќе детали се очекуваат од МВР.

Скопје | пред 11 месец

(Видео) Пратениците се состанаа за надзорна расправа за Кочани, па двајца се испокараа

Не успеа обидот на ДУИ да се изгласа организирање на надзорна расправа за трагедијата во Кочани, бидејќи влајачкото мнозинство смета дека е рано за тоа. На говорницата предлогот го бранеше Блерим Беџети од ДУИ, кој се скара со претседателот на Комисијата и пратеник, Љупчо Пренџов.„Очекував да ми се извините“, рече Пренџов, а Беџети со кренат крст му мавташе и реплицираше: „Ти да се извиниш“. По ова Пренџов му рече да си ја собере раката, а Беџети му врати: „И устата таму“.Пред ова, имаше неколку остри реплики.„Ова е сведоштво на продолжувањата на ‘мојот закон’ и ‘ќе ве влечеме за уши’. Ова е отсуство на сведоштво и сите тие кои се одговорни и се оди на ретроактивност да се направи една толку голема магла“ рече Беџети.Му врати Пренџов: „Не само за Кочани ќе се разговара и за „кабелот е крив“ кога „живи луѓе ни гореа“, ќе се разговара и за Ласкарци, ќе се разговара и за сообраќајката во Бугарија каде „живи луѓе гореа“. Ова парламентарно мнозинство нема да стави ништо под тепих.Од ДУИ најавија дека нивни 15 пратеници во писмена форма ќе побараат од претседателот на Собранието да се одржи расправата.

Македонија | пред 11 месец

(Видео) Шахтата во Аеродром доби поклопец!

Опасноста од отворената шахта спроти ТЦ Скопјанка е отстранета и ставен е поклопец на истата.„Голема благодарност до службите во општина Аеродром кои иако не е во нивна надлежност го решија овој проблем во интерес на безбедноста на граѓаните“, велат од ЦУК.Директорот на ЦУК, Стојанче Ангелов од терен уште упати апел до ЈП Водовод и канализација на Град Скопје за итно преземање на соодветни мерки во врска со отворената шахта спроти ТЦ Скопјанка, која претставуваше опасност и ризик од загрозување на безбедното движење на граѓаните.

Скопје | пред 11 месец

Молк, цвеќе и свеќи, без говори и политичари, студентите одаваат почит на загинатите во пожарот во Кочани

Студентите од неколку градови се собираат за да одадат почит за жртвите кои настрадаа во страотниот пожар во дискотеката „Пулс“ во Кочани. Собирите се без политичари и говори.Студентите на техничките факултети во Скопје, со цвеќе и запалени свеќи, во тишина и со седумминутен молк се простија од загинатите.Млади од Средното медицинско училиште „Јане Сандански“, во Штип, од каде починаа тројца нивни соученици, двајца матуранти од Штип и една ученичка од втора година, оддадоа почит со едноминутен молк а потоа протестираа со едночасовни маршеви по штипските улици, под сслоганот „Секој еден може да е следен“.Едноминутен молк и цвеќе пред споменикот на Свети Климент Охридски, како почит за загинатите од студентите од Битолскиот универзитетНа студентите им се придружи и Ректорската управа и професорите.Молк, солзи, цвеќе и запалени свеќи, вака охридските стредношколци одадоа почит на 59 жртви, во дискотеката „Пулс“ во Кочани. Добија поддршка и им се придружија и нивните родители и граѓани. 

Македонија | пред 11 месец

Нема фотографија

Курти поднесе оставка од премиерската функција во Косово

Косовскиот прмеиер Албин Курти денеска писмено поднесе оставка од функцијата, пишува Клан Косова. Курти испратил писмо до Секретаријатот на косовското Собрание. Согласно законот, оние кои добиваат мандат за пратеници и истовремено имаат функции во Владата на Косово, како премиер, вицепремиер, министер или заменик министер, мора да поднесат оставка од владината функција.„Од 23 март, кога истече полниот четиригодишен мандат на нашата влада, таа функционираше како техничка или во оставка. Заради полагање заклетва за пратеник во деветтиот состав на парламентот на Косово, со ова и официјално ја доставувам мојата оставка“, стои во писмото што Курти го испрати до спикерот на парламентот.Конститутивната седница на косовското Собрание денеска беше прекината откако не беше усвоен извештајот на комисијата за верификација на пратеничките мандати. Неизвесно е дали на денешната седница ќе биде избран претседател на Собранието.

Свет | пред 11 месец