ТОП

Тошковски: Левица се храни со народниот гнев, СДСМ при три трагедии имаат 0 кривични, а каде е Груби кој одговараше само пред Ахмети сега да одговара пред законите?

Министерот за внатрешни работи, Панче Тошковски одговори на нападите кон него, а п поднесената интерпелација од Левица, поддржана од СДСМ.Неговата објава во целост:„Поттикнат од вчерашните координирани напади од ДУИ, СДСМ и нивниот нов партнер Левица, кои синхронизирано и оркестрирано ги насочија кон мене сите свои расположливи сили, а дополнети и со нови, очекувано продолжени удари од страна на СДСМ утрово, чувствувам обврска пред јавноста да укажам на суштината на оваа невообичаена и сè поочигледна алијанса. Три партии, различни во својата форма, а слични во својата природа, вчера се здружија во обидот да фрлат сенка над она што три децении го чека македонскиот народ – расчистување со корупцијата и ставање крај на политиката на неказнивост. Три партии, кои наводно се борат една против друга, вчера покажаа дека нивниот заеднички интерес е посилен од сите нивни привидни разлики.ДУИ – партијата која во долгите години на владеење заедно со СДСМ создаде заробена држава, со систем во кој криминалот не беше исклучок, туку правило. Партијата која остави зад себе пустош од корумпирано судство, нефункционално образование без учебници, здравство кое наместо лекови произведуваше трагедии, загаден воздух кој го труе секој граѓанин и институции заробени од партиски војници наместо од професионалци. Истите тие функционери на ДУИ кои некогаш со ароганција велеја дека не одговараат пред законот, туку само пред Али Ахмети, а кога некој ќе им спомнеше одговорност за криминал, одговараа со закани со чизмите од таванот, денес панично се разбегаа бидејќи за првпат почувствуваа дека законот е над партијата. Па би сакал вака јавно да ги прашам:Каде е денес Артан Груби? Каде е денес Прпарим Бајрами? Зарем не беа токму тие најгласните борци за правата на Албанците, кои наместо права, си обезбедија само привилегии за себе и своите семејства? ДУИ никогаш не се бореше за Албанците, се бореше само за позиции од кои можеше да го ограбува и албанскиот и македонскиот народ.И сега, кога за првпат по 30 години владеењето на правото не е само празна флоскула, туку реалност, кога институциите конечно почнаа да функционираат и правдата пристигнува до оние кои мислеа дека засекогаш ќе бидат недопирливи, ДУИ без срам зборува за одговорност.СДСМ пак, кои зборуваат за селективност и неправда, треба да се присетат дека за време на нивното седумгодишно владеење со ДУИ, државата ја потресоа три големи трагедии во кои животот го загубија над 70 луѓе. И сега добро запомнете: за сите тие загубени животи, СДСМ не поднесе НИЕДНА кривична пријава. Ниедна! Истите тие денес велат дека истрагата за Кочани е фарса, а во оваа наводна „фарса“ веќе имаме над 50 осомничени. Зборуваат за морален пораз, привезоците на ДУИ кои седум години беа тивките соучесници во распаѓањето на државата, а денес, без грам срам, се обидуваат да се претстават како глас на совеста. Лицемерието нема граница, а СДСМ треба да знае дека меморијата на македонските граѓани не е толку кратка како што би посакувале.Но најинтересна е улогата на Левица, политичките паразити кои живеат и се хранат од народниот гнев создаден токму од нивните денешни партнери, ДУИ и СДСМ. Левица, која со години не пропушта можност да се претстави како алтернатива, всушност е само уште една алатка на истите структури кои на Македонија ѝ ја одземаа иднината. Денес, кога конечно системот се чисти, Левица ги напушти своите наводни принципи и застана во одбрана на токму оние кои ги обвинуваше до вчера. И не е тоа затоа што тие се нова партија со визија, туку затоа што најдобро опстојуваат во времиња кога системот е разнишан, а довербата на граѓаните во институциите е убиена од нивните некогаш прикриени, а денес очигледни сојузници.Вчерашниот ден најдобро покажа каде сме и зошто толку силно удираат. Не се напаѓа оној што не претставува закана, се напаѓа оној што навистина менува нешто. Оној што не прифаќа да биде дел од нивниот удобен систем на молк, неказнивост и меѓусебна заштита. Токму затоа, јас овие напади не ги гледам како закана, туку како комплимент дека конечно правдата ги допре оние кои мислеа дека засекогаш ќе останат недопирливи.Ова не е само моја битка, ова е наша битка. Ова е битка на сите граѓани кои 30 години живеат во држава во која политичката елита си играше фудбал по канцеларии и ја шутираше Македонија како топка. Денес, наместо тие да ја шутираат државата како што сакаат, законот почна да ги удира токму таму каде што најмногу ги боли.Затоа продолжуваме напред, со јасна визија, со уште поголема одлучност. Правдата почна да тропа на вратата на секој оној кој мислеше дека таа никогаш нема да го посети. И таа правда нема да се врати назад без резултати.Ако нападите се цена што мора да ја платиме за ова, тогаш јас сум подготвен секој ден да ја плаќам, затоа што ова не е само политичка битка. Ова е враќање на Македонија таму каде што и е местото, во рацете на граѓаните, а не во рацете на криминалците. Македонија мора да биде држава каде што одговорноста нема партиска боја, а правдата нема цена. Токму таа Македонија е целта за која вреди да се издржат сите овие напади. И таа Македонија, заедно со граѓаните, конечно ќе ја изградиме“.

Македонија | пред 11 месец

Маркетите и аптеките од петок мораат да ги објавуваат цените онлајн

Од петок, 18 април, поради зголемена транспарентност, споредување и стабилизирање на пазарот, сите маркети, аптеки и продавници за техника и мебел имаат обврска да ги објавуваат цените на своите производи на официјална веб-страница. Доколку цените се објават на социјални мрежи, тоа нема да се смета дека ја исполниле законската обврска.Трговците ќе мора да ги прикажуваат своите цени во реално време, со редовно ажурирање.Цените треба да се ажурираат најдоцна во текот на истиот календарски ден. Целта е на потрошувачите да им се овозможи јасен и точен преглед на понудата.Обврската не важи за микротрговци кои имаат до 10 вработени и годишен приход помал од 50.000 евра.Државниот пазарен инспекторат ќе врши контроли, ќе проверува дали се почитува прописот и ќе изрекува соодветни санкции.Секој производ треба да биде објавен со следниве податоци:-Име на производот,-Редовна продажна цена со вклучен ДДВ-Цена по единица мерка (килограм, литар, метар)-Опис на производот и моментална достапност-Цена со попуст, ако е активна промоција како и времетраење на попустот или акцијата

Македонија | пред 11 месец

Се бараат пропусти во лекувањето на пациентот кој почина чекајќи операција на Кардиохирургија

Министерот за здравство, Арбен Таравари, се уште го нема видено извештајот за пациентот Тони Ангеловски, кој почина чекајќи операција на Клиниката за кардиохирургија. Тој побара време да се запознае со случајот, но најави и одговорност.„Тоа е сериозна дијагноза, сега одам во Минситерството. Ќе го видам извештајот. Ќе треба да има веднаш и стручна комисија. Според моите информации, едната сала работела. Но дајте ми време да го видам извештајот“, рече Таравари.Прашан како е можно, единствената сала на Клинички за едноскопска операција да не работи, а пак во салата на Торакална хирургија да нема стентграфтови, но и дали ако денеска дојде пак пациент со пукната орта, е му се случи истото, тој одговори: „Во Македонија имаме три клиники каде се работат вакви операции. Државна и две клиники. Дајте ми да го видам извештајот од ДСЗИ. Ќе има одговорност ако има пропусти“.Претходно објавивме дека 59-годишниот Тони Ангеловски со пукната аорта отишол да го излекуваат, но не дочека ни операција на Клиниката за кардиохирургија и почина. Неговиот роднина, Ацо Николовски алармираше дека Ангеловски не е опериран оти им кажале дека нема слободни сали. Николовски за „Скопје1“ вели „го оставија како згазено куче покрај улица“.Од Клиниката за кардиохирургија кажаа дека пациентот немало да преживее операција. Ова бил ставот на лекарскиот конзилиум, каде се лекувал пациентот. Но, и покрај ова, а со оглед на тешката состојба на Ангеловски, барале сала да се направи операција. Се обратиле до Клиниката за торакална на васкуларна хирургија, но и таму не можело оти се поправал еден од апаратите. Тие и сами поосочуваат дека работата во една сала, бидејќи другата е надвор од функција веќе еден месец поради поставување на нов апарат кој бара реадаптација на прсторот. Таа која е надвор до функција е опремена за ваква операција.Според сведочењето на роднините на починатиот пациент, тие биле пратени да бараат решение во Клиниката „Жан Митрев“, за која им посочиле дека е болница која треба да го оперира на државна сметка. Но, според нивното сведоштво, оттаму биле известени дека квотата за лекување на државен трошок е потрошена, па дека ќе мораат да плаќаат 1.000 евра од ден при хоспитализација, плус додатни трошоци. Таравари не одговори конкретно дали ќе пратат инспекции и таму.

Македонија | пред 11 месец

Првпат во историјата на САД: Трамп „замрзна“ 2 милијарди долари за Харвард, најпрестижниот универзитет влегува во отворен бунт

Администрацијата на Доналд Трамп објави дека замрзнува повеќе од 2 милијарди долари (1,5 милијарди фунти) федерално финансирање за Универзитетот Харвард, само неколку часа откако елитниот универзитет ја отфрли листата на барања од Белата куќа, јавува Би-Би-Си.„Денешната изјава на Харвард го потврдува вознемирувачкиот менталитет на привилегии што е ендемичен на најпрестижните американски универзитети“, соопшти Министерството за образование. Белата куќа минатата недела испрати список со барања на Универзитетот Харвард, за кои вели дека се дизајнирани да го спречат антисемитизмот во кампусот, вклучувајќи промени во управувањето, вработување и критериуми за прием.Харвард силно ги отфрли овие барања во понеделникот, велејќи дека Белата куќа се обидува да ја „контролира“ академската заедница.Така, Харвард стана првиот голем американски универзитет кој го отфрли притисокот од администрацијата на Трамп да ги промени своите политики.Во писмото до заедницата на Харвард во понеделникот, претседателот на универзитетот Алан Гарбер рече дека Белата куќа испратила „ажурирана и проширена листа на барања“ во петокот, предупредувајќи дека универзитетот „мора да се усогласи“ ако сака да ги задржи своите „финансиски односи“ со владата.Преку правно застапување ја известивме администрацијата дека нема да го прифатиме нивниот предлог договор. Универзитетот нема да ја предаде својата независност или да се откаже од своите уставни права“, напиша претседателот на универзитетот Алан Гарбер.Гарбер додаде дека универзитетот не ја сфаќа лесно својата обврска да се бори против антисемитизмот, но дека владата ги пречекорила своите овластувања.„Иако некои од барањата се насочени кон борба против антисемитизмот, повеќето претставуваат директно владино регулирање на „интелектуалните околности“ на Харвард“, рече тој.Набргу по испраќањето на тоа писмо, Министерството за образование објави дека веднаш замрзнува 2,2 милијарди долари грантови и 60 милиони долари договори со Харвард.„Нарушувањето на учењето што ги погоди универзитетските кампуси во последниве години е неприфатливо“, соопшти Министерството.„Злоупотребата на еврејските студенти е неприфатлива. Време е елитните универзитети сериозно да го сфатат проблемот и да се посветат на вистинска промена доколку сакаат да продолжат да добиваат средства од даночните обврзници“, се додава во соопштението.

Свет | пред 11 месец

БиБиСи: Кина тргна во офанзива

Кина започна дипломатска офанзива во Југоисточна Азија во екот на трговската војна со САД, анализира Би-Би-Си.Кинескиот претседател Си Џинпинг пристигна во Виетнам, каде што се состана со највисоките државни функционери, вклучувајќи го и лидерот на Комунистичката партија То Лам и премиерот Фам Мин Чин.Во разговорите со виетнамското раководство, Кси повика на заедничко противење на „едностраното малтретирање“ со цел, како што рече, да се зачува глобалниот систем за слободна трговија, пренесува кинеската државна новинска агенција Ксинхуа.За време на посетата, двете земји потпишаа дури 45 договори, кои опфаќаат широк опсег на области, вклучувајќи синџири на снабдување, изградба на инфраструктура и вештачка интелигенција. Кси наскоро заминува од Виетнам за Малезија, а во текот на неделата ќе ја посети и Камбоџа.Посетата доаѓа во чувствителен период за целиот регион на Југоисточна Азија, кој е под зголемен трговски притисок од Вашингтон. Пред само неколку дена, САД објавија 90-дневна пауза во воведувањето на новите царини, кои дотогаш достигнуваа и до 49 отсто на извозот од некои земји во регионот. Во исто време, царини од дури 145% веќе се воведени за повеќето кинески извози во САД.Патувањето на Кси Џинпинг во Југоисточна Азија е дел од пошироката стратегија на Пекинг за консолидирање на своето влијание во регионот во време кога трговските и политичките односи меѓу Кина и САД се сè позатегнати. Кина традиционално има силни економски врски со земјите од АСЕАН, регионален сојуз на десет земји од Југоисточна Азија, и токму тие сега се под зголемен притисок да застанат на страната на САД.Американскиот претседател Доналд Трамп, кој се врати на чело на САД, ја интензивираше тарифната политика што започна за време на неговиот прв мандат. Во овој период, бројни кинески компании го префрлија производството во земји како Виетнам и Камбоџа за да ги заобиколат американските царини. Денеска се проценува дека четвртина од кинескиот извоз поминува низ трети земји.Но, тие земји сега влегуваат во свои трговски разговори со Вашингтон, а Пекинг стравува дека САД би можеле да ги искористат тие разговори за да ги натераат или да ги натераат, како што го нарекува Кина, да ги „малтретираат“ да се согласат со услови што ќе ја исклучат Кина од синџирите на снабдување.За многу земји во регионот ова би било тежок удар. На пример, извозот во САД сочинува околу 30% од БДП на Виетнам. Губењето на пристапот до американскиот пазар би било сериозен економски проблем.Затоа Кси започна дипломатска офанзива, сакајќи да излезе пред Америка и да ги убеди соседите дека Кина е стабилен и вреден економски партнер. За време на неодамнешната конференција за надворешната политика на Кина кон соседните земји, тој истакна дека односите со Југоисточна Азија се „клучна основа за развојот и просперитетот на Кина“.Се активираше и кинеското Министерство за надворешни работи. Портпаролот Лин Џијан минатата недела рече дека Кина и земјите од Југоисточна Азија се „добри соседи, пријатели и партнери кои делат заедничка судбина“, објави Ксинхуа.Друг адут во рацете на Кси се кинеските инвестиции во регионалната инфраструктура, особено во железничките проекти. За разлика од САД, кои неодамна го намалија буџетот на Агенцијата за меѓународен развој (УСАИД), Кина го истакнува својот финансиски и инфраструктурен придонес во регионот.Во овој сè поотворен економски натпревар меѓу Пекинг и Вашингтон, Кси Џинпинг сака земјите од регионот јасно да препознаат која страна ќе ја изберат и колку тој избор би можел да ги чини.

Свет | пред 11 месец

(Видео) Студентите во Белград ја блокираа зградата на РТС, ги обвиинуваат дека „киднапираат вработени“ и прават „тероризам“

Студентите од универзитетите во Белград и Нови Сад вчера вечерта организираа блокади на Радио Телевизија Србија и Радио Телевизија Војводина, незадоволни од известувањето на двата јавен сервис за студентските протести и општествено-политичката криза во земјата, а во исто време најавија протести „до дополнително известување“.Студенти од Белград и Нови Сад координираа акции за блокирање на РТС, РТВ во новосадски Мишелук и студиото на РТС во белградската населба Кошутњак, што РТС го нарече „незаконска блокада“.Насловната вест на порталот на РТС е дека студентите „незаконски ги блокираат“ зградите на РТС во Белград и зградата на РТВ во Нови Сад. Во веста за блокадата, РТС наведува дека во пресрет на собирот, студентите во блокадата на белградските факултети на својот Инстаграм објавиле: „Јавниот медиумски сервис работи против сите нас“.„Студентите во блокадата вечерва се собраа пред двата јавни медиумски сервиси. Во протестна прошетка стигнаа до РТВ и ги блокираа влезовите во зградата. Студентите од Нови Сад најавија 24-часовна блокада. Пред РТС на улица Таковска и во Кошутњак, белградските студенти бараат да се распише конкурс за членови на советот на Регулаторното тело за Елект“, стои во известувањето на РТС. Директорот на РТВ Горан Караџиќ излезе со соопштение во кое се наведува дека вработените во РТВ биле „киднапирани“ и студентската акција ја нарече „тероризам“. Протестите и блокадите се одвиваат без инциденти.Студентското движење излезе од бранот протести предизвикани од смртта на 16 лица во урнатата настрешница на железничката станица во Нови Сад на 1 ноември минатата година, а од властите бараат кривична и политичка одговорност за трагедијата и бараат борба против корупцијата и непристрасно дејствување на институциите без политички притисок и влијание.Во тек е и велосипедската „Тура до Стразбур“ чија цел е да ги информира лидерите на Европската унија за состојбите во земјата која веќе неколку месеци се соочува со социјална и политичка криза. Во вторник попладне се очекува студентите-велосипедисти да пристигнат во Стразбур. 

Свет | пред 11 месец

Палевски го спори времето на убиството на Жежовски, а тврди дека не бил таму кога е ликвидиран велешанецот

Љупчо Палевски-Палчо, обвинет за убиствата на Вања Ѓорчевска и Панче Жежовски, упати обвинување дека Кривичен суд, дека бил киднапиран од нив. Тој рече дека шест дена бил во притвор без никакво решение, а потоа, бил однесен во судот пред судија на претходна постапка и обвинителката која го застапува предметот. Пред судијата Ивица Стефановски, Палевски објаснуваше што правел на 22 ноември, денот кога е убиен Панче Жежовски. Тој го спореше времето кога е убиен велешанецот, посочувајќи дека во кривичната пријава на МВР стои 21:30, а во обвинението стои 09:30 минути.„Бев со кучето Хера во дворот, разговарав со член на оградата. На тој ден сум немал состанок со Манев и Видевски бидејќи од причина што, во посоченото време кога се тврди дека стигнале од месноста Рудник во штабот, јас разговарам со Миле, секретар на партијата. Моментот на смрт на Панче Жежовски до денеска не е утврден, докажано е дека поминуваат возилата кај ‘Ромакнтик’, но како пресметале кога е убиен? Не дадоа докази. Она што е сигурно е дека Кешишев во 10:30 минути поминал покрај ‘Романтик’, како успеале, според тврдењата на Обвинителството, да го убијат Панче и да се возат во шок и бессознание до Маџари, да се претовараат во „Реното кангу“ и во 11:47 да разговараат на телефон? Физички е невозможно. Затоа на 24 ноември се враќаат во Рудник, според исказот на Манев, да затрупуваат. Дали е тоа грижа на совест, не знам, но постои можност и тогаш да е убиен Панче. Според камерите од ‘Романтик’, ‘цитроенот’ во 10:30 минути се уште е во Велес“, рече Палевски.Во неговиот исказ тврди дека моторолите кои се гледаа на камерите од дворот на обвинетиот Велибор Манев, биле употребени кога барале злато кај Демир Капија. И според него, ова е последен пат кога ги видел.„Целата организација на тој настан е од Велибор Манев, инсистираше јас и Влатко Кешишев да бидеме присутни, а тој и Боре Видевски проверуваа во пештерата во близина на Вардар. Тогаш за прв и последен пат видов моторола која од автомобилот ја извади Манев. Ми даде мене, на Влатко и другата ја понесоа со себе. Времето на тргнување од Демир Капија кон Велес е истото со времето на видеото кое Обвинителството незаконски го приложи како доказ. Задржувањето во Демир Капија и потпишувањето на записникот за одземање на оружјето, идентично одговара – 07:10 кога се гледа на видеото од Обвинителството.  Со настанот се утврдуваат три важни работи – пиштолот, времето и моторолите, а до Демир Капија отидовме со возилото на Велибор Манев“, посочи Палевски.Рочиштето заврши, следното е закажано за во среда, кога Палевски ќе продолжи со давање исказ. Според обвинението, Палевски е планер и реализатор на двете убиства, како на Панче Жежовски, така и на Вања Ѓорчевска. Досега беа презентирани снимки од видео надзори, беа сослушани сведоци, беа предочени материјални докази.ПРЕТХОДНО:

Македонија | пред 11 месец

Венко Крстевски е в.д. градоначалник на Кочани

Независниот советник Венко Крстевски е избран за вршител на должноста Градоначалник на Кочани.За Крстевски гласаа девет од присутните советници, додека еден советник беше воздржан.Тој е избран во вториот круг на поединечно изјаснување на советниците, откако во првиот круг ниту еден од двајцата кандидати не освоија мнозинство од вкупниот број советници.Во вториот круг, повеќе гласови освои Венко Крстевски, 9 гласови наспроти Гоце Марков од ВМРО-ДПМНЕ кој освои 8 гласови.Новиот градоначалник ќе ја води општината до локалните изборите во месец октомври. По трагедијата во дискотеката „Пулс“, Љупчо Папазов во која загинаа 61 лице и многу беа повредени, си поднесе оставка.

Македонија | пред 11 месец

(Видео) Низ солзи советничка од ВМРО-ДПМНЕ поднесе оставка од Советот во Кочани

Советничка од редовите на ВМРО-ДПМНЕ во Кочани, Кристина Атанасова-Арсова, низ солзи поднесе оставка од функцијата советник.„Ќе побарам прошка и извинување на сите граѓани кои дадоа глас за мене како дел од советничката листа, затоа што не успеав да реализирам многу работи бидејќи тие работи не беа приоритет за градоначалникот и раководството. Истите водени од своите суети, понесени од моќта на функциите, се грижеа само за своите интереси, истакна советничка од редовите на ВМРО-ДПМНЕ.„Јас во иднина ќе се посветам на моето дете кое е повредено и на сите деца кои се повредени. Сите идеали на овој свет не вредат колку солзите на едно дете, истакна советничката Атанасова-Арсовска.Советот на Кочани денеска бира в.д градоначалник за што има двајца кандидати. Едниот е независниот Венко Крстевски, а другиот е предлог на советничката група на ВМРО-ДПМНЕ – Гоце Марков.Независниот кандидат Венко Крстевски од говорницата порача дека подава рака на обединување.Советникот Мирче Стојков од ВМРО-ДПМНЕ го критикуваше Крстевски, забележувајќи му дека немал високо образование.Ивица Лазаров, советник од редовите на СДСМ, рече дека Кочани е мртов, сите сме мртви, а во салата овде се почнало со политика.„Со кое лице барате градоначалник, ние сега бараме техничко лице”, рече советникот од СДСМ, залагајќи се да се обезбедат средства за помош на семејствата и повредените.

Македонија | пред 11 месец

Починат е планинарот кој синоќа исчезна кај Велес

Велешкиот планинар Стојче Пецевски, кој исчезна на ридот ГРООТ, во близина на Велес, пронајден е починат.Информацијата ја соопшти директорот на Центарот за управување со кризи, Стојанче Ангелов.„За жал лицето е пронајдено починато. Немаме информации за причините на смртта. Потрагата официјално ја водеше МВР а во текот на ноќта покрај членови на семејството во потрагата учествуваше и искусниот планинар и спасител Надир Мурсели. Утрово немаше услови за хеликоптерска претрага, откако временските услови овозможија лет на хеликоптерот исчезнатото лице беше пронајдено починато, непосредно пред да полета хеликоптерот на МВР”, рече Ангелов.

Македонија | пред 11 месец

Амбасадорот осомничен по пожарот во „Пулс“ се врати во Македонија - се бараат мерки на претпазливост

Актуелниот македонски амбасадор во Норвешка и Исланд, кој е и поранешен министер за економија, Дритон Куќи, се врати во Македонија. Обвинителството посочува дека за него се бараат мерки за обезбедување на присуство, додека се води постапката. Тој е последниот 19-ти осомничен во проширената истрага.„Основното јавно обвинителство Кочани денеска до Основниот суд во Кочани достави предлог за определување мерки за претпазливост за последниот 19-ти осомничен на кого беше проширена истрагата за пожарот во кочанската дискотека 'Пулс'“, вели Обвинителството.Претходно, ексминистрите за економија, Ваљон Сарачини и Беким Незири добија куќен притвор, додека ексдиректорот на Дирекцијата за заштита и спасување и актуелен министер без ресор, Шабан Салиу доби ефективен притвор. Ова се само дел од изречените мерки за новоосомничените за пожарот во кочанската дискотека, по проширшувањето на истрагата. Освен Салиу, уште три други лица добиле притвор, а Обвинителството не открива кои функции ги имале. Со Сарачини и Незири, притвор добија и други четири лица. Останатите осум осомничени – имаат мерки на претпазливост.Се води истрага 47 лица, и три правни лица.„Истрага се води и против седум полициски службеници. Се преземаат истражни дејствија“, додаде Коцевски.Мерките на претпазливост се одредуваат поради опасност од бегство.

Македонија | пред 11 месец

Палевски во Турција дознал дека е осомничен пред да го апсат, но не се вратил со возачот, туку отишол на бензиска па во пицерија и размислувал што да прави

Љупчо Палевски-Палчо обвинет за грабнувањата и убиствата на Вања Ѓорчевска и Панче Жежовски, го убедуваше судот дека не бегал од Македонија по двата грозоморни настани. Истовремено, тој кажа дека на 03 декември 2023 година дознал дека е осомничен, но утредента сепак не заминал за Македонија со возачот Стефан Димковски, туку останал во Турција. Потоа, појасни дека на 04 декември, отишол на бензиска да размисли што да прави, па во пицерија за да руча.Адвокатот Јовица Страшевски: Дали сте учествувале во настаните за кои Обвинителството ве обвинува?Обвинетиот Љупчо Палевски-Палчо: Не, не сум учествувал во тие настани. И наводите кои сум ги кажал пред ОЈО, останувам на нив, со забелешка, ќе ги надополнам. Ќе биде проширен со детали, бидејќи во доказната постапка, многу работи видов и се потсетив, што сѐ се случувало во критичното време.Адвокатот Јовица Страшевски: Имаше разни шпекулации по прес-конференции, медиуми и портали, дека сте бегале во Турција и сте уапсени на автопат, можете да ни опишете?Обвинетиот Љупчо Палевски-Палчо: Моето пристигнување во Баликесир е на 02-ри декември во попладневните часови. Земав куќа под закуп на мое име, со моја патна исправа, платив за еден месец однапред. Господинот кој ми ја најде куќата го замолив дали може на негово име да земам интернет картица затоа што планирав да правам поткаст. По дознавањето дека сум осомничен, тоа е 03 декември, претрес на мојот дом, јас утрето, откако претходно на 03 декември на Стефан Димковски му дадов пари за пат и му кажав да замине за Македонија веднаш. А и тој самиот планираше да замине ноќта на пат. На 04 декември откако Стефан замина за Македонија, ја вратив картичката за интернет, ги вратив и клучевите од куќата иако беше платена за месец дена однапред, не ја искористив автобуската карта за Истанбул, преспав во куќата и утрето заминав. Отидов на бензинска пумпа во Баликсер, за да размислам како и што треба да направам. Отидов во пицерија во близина на бензинската пумпа во градот Баликсир, за да ручам. И очекував во секој момент да се појави полиција, бидејќи во сите портали во Турција беше мојата слика. Не се појави полиција за чудо, иако Баликсеир е голем град, а по неколку часа повторно се вратив во истата пицерија и се појави Интерпол-Турција. Ме однесоа во полициска станица, бев изнесен од инспектор пред бел ѕид, сликан и на What’s up пратен во Македонија. На пресот и објавите од пресот на Оливер Спасовски е таа фотографија. Ми беше јасно кој го организира ова. На 5-ти бев однесен пред судот во Баликесир, ми беше прочитано за што сум осомничен, имаше кратко објаснување и бев прашан дали постои можност за мачење и убиство во Македонија. Ова беше пред судот да донесе одлука. Од срам кон сопствената држава, кажав дека не постои таква можност – да бидам мачен и убиен. Тоа е процедура. Не се жалев на судското решение во однос на екстрадицијата. Пројдоа пет и пол месеци додека бев екстрадиран.  Во таа турска документација која ќе ја доставам до судот. Испратив писма до турскиот министер за правда во кој молам да се случи побрзо екстрадицијата.Во тек е пауза, па продолжува исказот.

Македонија | пред 11 месец

Палевски враќал долгови на Манев: Јас живеев и спиев во партијата, убиствата не ги направив ниту имам мотив

Љупчо Палевски-Палчо пред судот посочи дека не ги извршил убиствата на Вања Ѓорчевска и Панче Жежовски. Потоа објасни за патот во Белград и Турција, посочувајќи дека не бегал. Во исказот, адвокатот Јовица Страшевски го праша да ги опише обвинетите со кои се заедно на обвинителна клупа. Раскажуваше и какви здравствени проблеми има, но и како барал второ мислење од Србија. За мотивот на извршените убиства, рече дека немал причина да го стори бидејќи ако сакал да изнуди пари, имал (прислушувани?) материјали кои можел да ги нуди.Адвокатот Јовица Страшевски: Палевски дали вие ладнокрвно ги извршивте убиствата на Панче Жежовски и Вања?Обвинетиот Љупчо Палевски-Палчо: Не, не сум ги извршил убиствата и грабнувањата. Немам мотив за тоа. Затоа што во депото на ОЈО се наоѓа хард диск ‘Тошиба’ одземен со записник во кој има преку 200.000 разговори, гнасотии на оваа политичка елита, но и на новинарската професија. Доколку сум сакал да реализирам било какво користољубие, сум можел да уценувам милијардери со ‘ферари’ и останати, но ете тоа не сум го направил. Така што не само што сум го направил, туку и немам мотив да направам такво злосторство.Адвокатот Јовица Страшевски: Можете да ни го опишете интензитетот на вашето живеење, од средината на ноември до вашето апсење?Обвинетиот Љупчо Палевски-Палчо: Јас предмалку го објаснив обемот на ангажманот. А дополнително на претходно објаснетите ангажмани, треба да се надворзе огромен број на состаноци, партиски. И снаоѓање со многу мали финансиски средства, за таков ентузијазам за политичко дејство.  Тоа бара буквално секојдневно и целосно посветување на започнатите проекти кои претходно ги објаснив. Може да се каже дека јас живеев и спиев во партијата. Обично спијам шест саати на ден и тоа ми е единствен одмор, а работев по 18 часа. Последните три години, бројот на комуникации се од 20 до 50 разговори најмалку. И десетина состаноци дали во седиштето во здружението претходно, а потоа политичката партија Десна. Живеев доста интензивно, особено до ноември. Вклучително и патот кој се случи на 30.11.2023 година кога заминав за Белград беше шанса да се одморам работно барем десетина дена до почеток на роденденот на партија, 12.12.2023 година е годишнина на партијата. Тие 10-12 дена планирав да ги искористам работно и затоа заминав на пат.Адвокатот Јовица Страшевски: Ги познавате ли останатите обвинети?Обвинетиот Љупчо Палевски-Палчо: Ги знам сите, освен Александар Ѓорчевски, него Влатко Кешишев го познавам, беше домаќин во партијата, вреден, патриотски расположен. Политички неук, но политички стабилен. Чесен Македонец со кој се договоривме лесно и брзо. Велибор Манев го познавам исто така од ангажманот во здружението, а подоцна, по регистрацијата и со неговиот ангажман до општинската во Велес. Амбициозен и алчен за пари. Имаше неколку конфликти за пари во партијата, меѓу кои и со сведокот Стефан Димовски од Струмица. Меѓусебно имале купопродажба на некоја земјоделска механизација, па Велибор не го доплатил износот, па имаше агресивен испад на Велибор, помеѓу нив двајца на состанок на партијата. Исто така со Петрушев, му позајмил 1000 швајцарски франци, кои Велибор не ги вратил, па ме извести мене како претседател на партијата. Ми прати документ од ‘Вестер унијон’ дека му дал 1000 швајцарски франци по што јас преземав обврска и го решив тој проблем. Парите се вратени за да нема расправии и компромитација на самата партија. Велибор Манев го зачлени во ‘Десна’, Боре Видевски. Тој е скромен, дисциплиниран и посветен на работата. Не сум имал шанса социјално да се дружам со него, за подобро да го запознаам. Целокупното запознавање е последица на партиски ангажман. Што се однесува до Александар Ѓорчевски, името и презимето ги прочитав во кривичната пријава кога ми ја доставија во ќелија. Тоа е околу познанството. Во однос на патот сакав да дополнам, причината за патот ја наведов. Иако, при самото испрашување во ОЈО, обвинителот сугерираше дека сум бегал. Но насловите во медиумите не беа во прашална форма и беше тврдење. На 30.11 заминав на пат за Белград, подготовките беа идентични како што сведочеше Васко Стојков, сведок на ОЈО, кој ме возеше до Белград. Заминав со регуларна патна исправа, на регуларен патен премин, на регуларен начин. Во Белград се видов со неколку пријатели и како што го објасни Васко Стојков во своето сведочење, со професорот Чкребаљ со кого имаме плодна соработка веќе неколку години. Подоцна со регуларен пасош, се пријавив во хотел каде преноќив. Сабајлето имав уште еден состанок со невладина организација, студенти од Правен факултет. Васко Стојков имаше обврски, јас го контактирав Стефан Димковски за да ме транспортира до Турција. Во оваа прилика добро е да се објасни понижувачкото однесување на обвинителите кон мене, бидејќи поставуваа прашања на сведоците: ‘Дали сум бил пријавен и кај кој доктор, дали сум закажал операција и кај кого’, а добро им е познато на обвинителите дека во мојот исказ пред ОЈО од 05.06.2024 година, на обвинителката јасно и објаснив дека јас сакав да правам магнетна резонанца, на друго место а не во Македонија. Кога правиш магнетна резонанца добиваш и специјалистичко мислење за неа. Тоа за мене значи второ стручно мислење пред да одлучам дали ќе се оперирам или не. Обвинителството ми одзеде куп гардероба и тетратки кои не се во листата на докази, но најважно - евтино: две ЦД од магнетна резонанца кои не постојат во записникот за одземени предмети во КПУ Затвор Скопје, што е смешно и трагично, бидејќи тие две магнетни резонанци, можам да добијам копија кога сакам од Систина, кога ми треба. Не значат ништо. А ги носев со себе бидејќи едната е од 2016 година, а другата е од 2020 година и кога ќе направите трета магнетна резонанца можете да направите хронологија на болеста од неколку години. Крадењето на две ЦД-ја на ваков беден начин, заборавиле да ги стават во записник го покажува и односот. На судот му доставив доказ од Систина каде професорот Лозанче јасно кажал и потпишал во 2020 година, јули месец.... (нз). Тоа е една од трите причини за моето патување, а за медиумите - бегство, брифирани од неколку обвинители и Јанаки Митровски за случувањата во Кривичниот суд. Познатиот шарен револуционер. Втората причина е Воениот архив во Истанбул каде требаше да земам доказ дека Баница, на 4 мај 1903 година немало ниту еден аскер, и дека Гоце Делчев не е убиен од турска војска туку од врховисти. Тоа е од интерес и на Република Турција да се расчисти. Третата причина зошто сум гледал карти до Минск и Москва, е мојата желба и намера да одам во Москва. Ниту сум букирал карта како што кажа обвинителката, нуту сум купил. Туку мојата желба и намера не се реализирана. Јас требаше да одам во Москва да земам копија од ногородските ливчиња од јавната библиотека во Москва, за да донесам копија за политичката партија Десна од најстариот христијански документ издаден од патријаршијата, кој го чуваат во Москва. Тоа се трите причини како 10-12 дена да се одморам од состаноци. Зборував со Велибор Манев, кој ми најде пријател во Истанбул кој зборува македонски. Требаше да се земе куќа,  ама беше тешко да се најде. Па најде во Баликсери, 200 километри од Истанбул. Еден ден ми требаше да изгубам за магнетна резонанца во Истанбул, да го направам (поткастот) Крш 114, во неделата на 03.12, кој не го направив од познати причини - бев прогласен за монструм веќе на 03 декември. Беше смешно да правам поткаст. Имав карта резервирано, но не авионска туку автобуска од Баликесир до Истанбул за да ги направам работите кои претходно ги објаснив. Не ја искористив картата и не отидов до Истанбул и добро е што не отидов, затоа што дополнително ќе беше објаснето како бегство. На 03. декември вечерта во 20 часот се правеше претрес во куќата каде живее моето семејство. Ми се јави Васко Стојков додека трае претресот, во својство на адвокат кој бил присутен и ми го кажа она што тука го просведочи, а јас ќе го повторам - 'најдобро е да си дојдеш и да си дадеш изјава, овде не си осомничен туку пресуден'. Почна расправија бев многу лут, но Васко ја прекина линијата, а во судот објасни дека инспекторот од МВР барал да спушти. Претходниот ден, Васко Стојков ми се јави и ми рече дека инспекторите прашуваат кај сум, јас кажав Баликесир, Турција. Не е точно дека сум бил недостапен за органите на прогонот. Ме праша претходно каде и кога сум сум се движел низ Дебар маало и со кое возило, а бидејќи бев лут му кажав на Стојков да почека да размислам и дека ќе се јавам за брзо и дека ќе му издиктирам кога каде и како се движам во Дебар маало. И кажав од прилика. Тврдењето низ медиуми, а во суштина е тврдење на ОЈО кое брифира медиуми дека јас сум во бегство е брутална лага. А дополнително судот и писмено му се обратив да ги издвои доказите од возилото 'ренџ ровер' со струмички таблици, има врз него криминалистичко-техничка обработка на 05 декември, возило со кое сум патувал од Белград до Турција кој нема никаква врска со кривично правниот настан за кој се судиме, а каде се пронајдени единствени 7 ДНК траги. Заедно со предметите од место на настан Дупки се ставени и овие, што немаат никаква врска со убиството на детево... И отпушоци се ставени во доказите, дадов приговор, ова е уште едно подметнување од Јавниот обвинител. Тие докази не се од место на настан, немаат поврзаност. Јас не го негирам патувањето ниту моето присуство во автомобилот 'ренџ ровер' и го молам судот да ги издвои тие предмети или да се декларираат како што треба, дека се премдети пронајдени од патување на Палевски а не од лице место. Имав контакт и со брат ми Баже Палевски, кој бил распрашан од полицијата и Обвинителството во текот на истрагата, кој потврдил дека се наоѓам во Турција. Но кажа и една многу важна работа, која во дополнителна работа која ќе биде предочена во  судот, дека единицата за насилен криминал без пишан документ на 1 декември во 17:30 часот, само 30 минути по печатење на извештајот за движење на Рено Кангу двајца инспектори отишле во село Глуво кај мајка ми во викендица да ме бараат мене, да прашаат какво возило возам и како се вика мојата сопруга. Откако дознале дека мојата сопруга не е сопственик на 'Реното Кангу', двајцата инспектори си заминале. Прашањето на кое ОЈО некогаш ќе мора да одговори, е што барале на 1 декември инспектори во Глуво, да бараат 'Рено кангу', а тоа е паркирано во центар на Скопје?Претходно:Распитот е во тек.

Македонија | пред 11 месец

(Видео) Палевски сведочи: Ниту сум монструм, ниту сум убиец, киднапиран сум од судот, медиумите се корумпирани

Љупчо Палевски-Палчо почна да го дава својот исказ за обвинението каде се гони дека направил план и ги убил Вања Ѓорчевска и Панче Жежовски. На стартот почна да објаснува што правел во ноември, месецот кога се реализирале двете ликвидации. Неговата теорија е дека тогаш објавувал многу сензитивни документи, кои ги објавувал сам и на своја одговорност. Во одговор на првото прашање го даде и одговорот, зошто го одложил поткастот на 26.11, ден пред Вања да биде убиена.Адвокатот Јовица Страшевски: Палевски, можете да ни се претставите кои сте?Обвинетиот Љупчо Палевски-Палчо: Регистрирав политичка партија и ме избраа за претседател. Интензивно 20 години се занимавам со политика, претходно правев згради. Во ангажманот, она што е во интерес на овој судски процес, ќе објаснам за последниот месец, ноември. Претходно бевме многу конфронтирани како политички субјект со актуелната Влада и со политичките процеси кои се случуваа во ноември месец. Организирав и собрав потписи за распишување на референдум, за народот да се изјасни за Договорот за добрососедство и пријателство со Бугарија. Сметав и сметам сѐ уште кога се работи за историја и идентитет на еден народ, не може да биде политичко прашање за ниту еден субјект во државата, туку референдумско изјаснување на народот. Тоа беше брза акција во првите две недели од ноември 2023 година. Барањето беше формално одбиено од тривијална (неважна) причина од собраниската комисија. Потоа беа скенирани 50.000 декларации подготвени за предавање на оригиналите на повардарскиот епископ Агатан. Во исто време се организираа штабови, општински организации, на политичката партија Десна. Во исто време секој вторник/среда/петок/сабота и недела емитував програма во живо на неколку социјални платфори. Секој вторник во 10 часот одеше поткаст ‘Лицеум’, во среда ‘Крш дебата’ од 21 часот, во петок извршен комитет на партијата на апликацијата Зум. Имавме четири членови од Македонците во светот, па извршните комитети мораа да се емитуваат преку апликацијата Зум. Во ноември месец, освен оваа активност, заврши и проектот ‘Банкстери’ за перење на пари во Македонија, во официјални банки, поддржано од Народна банка, проект кој започна со емитување на 28.11 во 21 часот, а требаше да биде на 26.11 во 21 часот. Од причини што доцнеа неколку докази, изводи од сметки, свифтови за мега трговци со оружје од Иран кои имаа депозити во македонски банки не беа пристигнати сѐ уште тие докази, кои воедно биле последни докази кои недостасуваа, тоа беше причината за одлагање на последниот ‘крш 113’ како епизода од редовен поткаст. Во тој серијал на документи и криминал беше објавен само мал дел, оти потоа бев уапсен, а таму се наоѓа и причината за убиството на Никола Младенов. Се работи за фирма од Велес, ‘Широко езеро’ преку која се испумпани огромен број пари надвор од Македонија. Објавени се во ноември месец, 540 милиони долари, од кои сметки со веродостојни податоци, 420 милиони долари во Комерцијална банка Скопје на име на ирански државјанин замрзнати средства од Стејт департментот. И 120 милиони долари на истото лице во Капитол банка во Македонија. Во тие документи се содржани и лични податоци на иранскиот државјанин, но ја објавивме и одлуката за замрзнување на тие средства во Македонија затоа што иранскиот бизнисмен продавал шахи кинески дронови на Руска федерација и не успеав да ги објавам доказите. Средствата се прилив од Србија. Потоа требаше да следат докази дека Македонија е најголема перална по Швајцарија – но, не со видеа од двор, туку со официјални банкарски документи и докази. Сето тоа го правев сам и на своја одговорност. И сето тоа од ноември 2023 година е најдобра слика за мојот лик и дело.Адвокатот Јовица Страшевски: Почнувајќи од првите прес-конференции на МВР и Обвинителство до ден денеска се носи тој товар за тебе дека си монструм и убиец. Би сакал јавно да те прашам дали се чувствуваш лично како што те прикажаа на првите прес-конференции на Обвинителство и МВР и по медиумите, дека си монструм и убиец? Барам конкретно и јасно да одговориш.Обвинетиот Љупчо Палевски-Палчо: Ниту едното, ниту другото. Мотивите за таквото однесување, суспендирање на правото на невиност се додека не се докаже вината, пресумцијата на невиност не постои. И тоа бидејќи шефот на скопското Јавно обвинителство, Гаврил Бубевски и Оливер Спасовски се директно одговорни за перењето пари во Македонија. Спасовски дал согласност како министер за внатрешни работи ирански државјанин шверцер со дронови да отвори нерезидентна сметка во НАТО банки на Македонија. Токму таа одговорност и сериозен криминал според износите, депонирани во Македонија и нејзините банки – тоа е сосема доволна причина да се изврши морален атентат на еден човек, се компромитира човекот во целост, а инструментот ‘по слушнат глас’ да реагира Обвинителството – не постои. Не реагираат. Идентично како и за оружјето во овој судски процес. Медиумите се комплетно корумпирани од банкарскиот сектор и без поддршка од банкарскиот сектор нема да постојат. Една и пол година врескаат дека докази има, јас додека бев во Турција за тој период имав турски адвокат кој ме застапуваше пред турскиот суд и ме извести, ми даде принтана копија од вестите каде бев опишуван како што бев опишан. На прес-конференција одржана на 05 декември кога е поднесена кривичната пријава, гледам денеска дека постоело само едно вештачење. Јавното обвинителство до подигање на кривичната пријава го има вештачено само телефонот на убиенот Панче Жежовски и тоа две вештачења за папиларни линии и ДНК. Сите останати вештачења се по прес-конференцијата правени. Одговорено е кој ги брифирал со лаги медиумите, па како пример ќе наведам: Сведокот Гоце Трајковски на Каришиќ му праќал скринови од некакви инфлуенсерки од Миа Костова, новинарката Мери Јордановска, кои тврдат дека јас сум бил очув на Вања. Сето тоа го пласирал на оваа багра позади стаклото, на корумпираните медиуми. Позади мене сместена е професија која егзистира крајно непрофесионално без ниту еден доказ, како што предмалку кажав, шпекулации од луѓе како посочениот Гоце Трајковски. Такви лаги се истурени во огромна количина. Во исто време, директорот на затворот КПУ Скопје вршел приватни истраги, ги тепал и испрашувал обвинетите, а сите разговори во порака се праќани на Гоце Трајковски. Во доказот 151 самиот Гоце се фали на инспектор Каришиќ што се дознало преку неговиот брат Сокол. Така се хранети медиумите со лаги кои сметам дека биле должни да ги проверат, за да се заштити не само мојот интегритет, туку и интегритетот на убиеното дете. Но тоа не го направија. По една и пол година од настанот не постои наслов во медиумите каде монструмот го посочува оружјето, каде постои веројатност со него да е сторено ова кривично дело. Таков наслов во нашите релевантни медиуми не постои. Самата политика на Десна е причина за ваквиот однос на медиумите, бидејќи сме единствена политичка партија која покренала иницијатива за референдум за многу болно прашање, во однос на бугарската агресивна политика кон нашата држава. Ова е брутален медиумски линч кои се под контрола на СДС и ДПМНЕ. Организацијата отиде и подалеку од наслови, па друга една професија што се нарекува адвокат јавно преку медиумите се прозиваа да не ме застапуваат. Подоцна ќе објаснам зошто е тоа правено. И ќе докажам како сум киднапиран од овој Основен кривичен суд-Скопје1.Распитот е во тек. Повеќе детали во следните извештаи.

Македонија | пред 11 месец

(Видео) Таткото на Вања: „Цитроенот“ стана сомнителен оти се движеше изгубено, полека, а на телефонот на Вања пратив две пораки

Обвинетиот Александар Ѓорчевски, таткото на убиената Вања Ѓорчевска, доби неколку прашања од судот во поглед на обвинението кое му се става на товар. Најпрво, се интересираше како биле обезбедувани снимките со видео записите на кои се гледаат движењата на двете возила „циторен“ и „рено кангу“, со кои било извршено киднапирањето. Потоа, објасни и како украдениот „цитроен“ за него станало сомнително.Судијата Ивица Стефановски: Може ли да кажете кога Гоце дојде кај вас?Обвинет Александар Ѓорчевски: На 28-ми во вторникот, утрината.Судијата Ивица Стефановски: Кога ги земавте камерите од околните објекти?Обвинет Александар Ѓорчевски: Во понеделникот никој не ни излезе во пресрет, не ни даде снимки. Во вторникот почнавме да ги прибираме снимките со тоа што од фризиерницата директно на мобилниот телефон од газдарицата да ги гледаме. Утредента ги земавме на мемори-стикче, па тоа што го видовме на мобилниот со поубава резолуција го разгледаме на десктоп-компјутер. Јас обезбедив камера, од самото ќоше на раскрсницата од улицата Наум Наумовски-Борче со Орце Николов, приметив дека има камери на кафулето Синдикат, кои се свртени кон раскрсницата, каде што би требало Вања да помине, влегов во кафулето и замолив вработените да ме поврзат со газдата, кога им објаснив за што се работи, тој без двоумење ми ги прати снимките. Зорица (мајката на Вања) обезбеди камера од седиштето на Окта на улица Партизанска, исто во средата, јас отидов да го земам стикчето. Во вибер-групата од родителите добив снимки од штедилницата Папилон спроти пазарчето Буњаковец. Тие се тие четири камери.Судијата Ивица Стефановски: Кажете ми, кога сфативте дека Вања не отишла до Фитнес хаус пешки туку со возило?Обвинет Александар Ѓорчевски: Веднаш беше јасно дека за толку кратко не може да стаса од аголот кај екс ресторанот Мечос до Фитнес хаус, споредувајќи ја нејзината локација каде последно емитува ‘Гугл мапс’, односно според сигналот кој го емитува нејзиниот телефон, што го споредивме со времето кога таа излегла од дома, односно скршнување од вообичаената рута кон училиште на самото ќоше кај ‘Мечос’.Судијата Ивица Стефановски: Како утврдивте од толку возила кои поминваат тој период, дека ова возило ‘Цитроен’ е сомнително?Обвинет Александар Ѓорчевски: Јас според времето каде е последен пат евидентирана кај Фитнес хаус, беше 07.37 минути и ја даваше офлајн (исклучена). Зорица ми кажа дека Вања излегла околу 07.23/24 минути. Откако утврдивме дека пешки не се појавува во вторникот, се фокусиравме на возилата. Ги прегледувавме снимките од многу порано, но фокусот беше на тие 3,4 минути, од кај 07.28 минути до 07.33 минути. Зависно како ќе го пуштат семафорот, така налет доаѓаа 4-5 возила наеднаш, а тоа што беше приметливо кај ‘цитроенот’ беше што се движеше бавно, исфрлаше густ чад од ауспухот, што навестуваше дека е тазе запалено возилото, целото беше замаглено, хаубата му беше замрзната, делуваше како да тргнало од непосредна локација од близина некаде, тука негде од пред зградата. Се движеше поразично од другите возила.Судијата Ивица Стефановски:  Како поразилично?Обвинет Александар Ѓорчевски: Како сите други возила да имаа крајна дестинација и цел, а ова се движеше полека, како изгубено, се движеше полека.Судијата Ивица Стефановски: На која апликација ја пративте пораката на телефонот на Вања откако е грабната?Обвинет Александар Ѓорчевски: СМС порака пратив на нејзиниот мобилен телефон. Две покраки беа.Судијата Ивица Стефановски: Во колку часот ги пративте?Обвинет Александар Ѓорчевски: Можеби во 13 часот на пладне, можеби 12-13 часот попладне, веќе почнаа инспекторите доаѓаа. Не се сеќавам навистина, страшно бевме избезумени, во конфузија.Судијата Ивица Стефановски: Значи не ја пративте на апликација?Обвинет Александар Ѓорчевски: Не, СМС пораки беа тоа.Судијата Ивица Стефановски:  Со каква содржина беа пораките?Обвинет Александар Ѓорчевски: 'Се што ќе побарате, се ќе побараме', и ја пуштив пораката. Подоцна ми текна да испратам уште една порака која гласеше: 'Од родителите'. Со надеж дека ќе го вклучат мобилниот телефон и пораката веднаш ќе им се појави.Со ова, заврши испитувањето на обвинетиот Ѓорчевски.

Македонија | пред 11 месец

Британија предупредува за амбициите на Путин на Западен Балкан: „Тоа е нова жешка точка“

И додека oчите на Европа и на Западот најмногу се насочени кон војната во Украина, тензиите во Западен Балкан растат. Во врвот на британските власти тие го нарекуваат регионот „уште една фокусна точка“ и предупредуваат дека рускиот претседател Владимир Путин го користи моментот за да ги дестабилизира поранешните југословенски земји, да ги поттикне поделбите и да го турка регионот подалеку од ЕУ и Западот, а поблиску до Москва и Пекинг, пишува Политико.Британскиот министер за надворешни работи Дејвид Лами го посети регионот минатата недела за да ја потврди поддршката на Велика Британија за проширување на Европската унија во сите шест земји од Западен Балкан - Албанија, Босна и Херцеговина, Црна Гора, Косово, Македонија и Србија.„Со војната во Европа и долгата рака на руското мешање и овде, би било крајно неодговорно да се игнорира Западен Балкан“, изјави Лами за Политико.Според Лами, целта на Путин не е помирување, туку постојана нестабилност и немири.„Во негов интерес е да го држи регионот на работ, да ги одржува општествата немирни и да ги одржува конфликтите поттикнати од сајбер и хибридната војна“, рече тој.Многу западни дипломати веруваат дека Кремљ би можел да ги искористи длабоко вкоренетите етнички и верски тензии за да поттикне нови конфликти и да го зајакне своето влијание во дворот на Европската унија.Британски функционер предупреди дека Балканот мора брзо да оди напред, бидејќи Брисел наскоро би можел да биде преокупиран со влезот на Украина во ЕУ.„Прозорецот на можности е многу тесен. Балканот повеќе не може да седи на две столчиња“, рече тој.Иако Србија преговара за влез во ЕУ од 2009 година, британскиот министер признава дека постојат две визии за иднината на земјата - едната ориентирана кон Европа, а другата поавторитарна, со поголема контрола, корупција и блискост со Русија. На белградските улици јасно се гледаат овие поделби.Бранот масовни студентски протести, кои траат од ноември минатата година, кога 16 лица загинаа при уривање на настрешница на железничката станица во Нови Сад, секојдневно ги блокираат патиштата. Протестите се проширија и на спротивставување на планираниот луксузен комплекс на Џаред Кушнер, зет на американскиот претседател Доналд Трамп, на местото на поранешното Министерство за одбрана што беше бомбардирана од НАТО во 1999 година.Знамињата на ЕУ не се веат на протестите, а многу студенти сметаат дека Брисел е соучесник на корупцијата против која се борат.„Истовремено со Вучиќ преговараат за членство и се обидуваат да му пријдат поради српскиот литиум“, велат организаторите, нагласувајќи го лицемерието на европската политика.Србија не ја признава независноста на Косово, одбива да воведе санкции кон Русија и продолжува да ги продлабочува воените и економските односи со Москва и Пекинг.„Парадоксот е жив и здрав овде“, рече Лами, кој вели дека Путин го сака Западен Балкан како негово „следно игралиште“.Во Приштина, главниот град на Косово, британската делегација беше пречекана со голема почит. Косовскиот претседател Вјоса Османи, енергична политичарка од „милениумската генерација“, рече дека односот со Србија е во „критична фаза“. Таа го нарече Белград „хегемоничен сосед“ и предупреди дека не е исклучена заканата од нова војна.Косово директно ја обвини Србија за бројни напади и инциденти, вклучувајќи ја и опсадата на српскиот манастир во селото Бањска и саботажа на инфраструктурата. Вучиќ тоа го негира и тврди дека инцидентите се користат како изговор за репресијата на Србите на Косово. Османи, пак, тврди дека Белград се повеќе соработува со Русија, Кина и Иран, кои ги нарекува „триаголник на злото“.Косовскиот претседател побара билатерален безбедносен договор со Обединетото Кралство и најави подготвеност на Косово да учествува во мировната мисија што Обединетото Кралство и Франција сакаат да ја организираат за Украина - доколку Британците го потпишат договорот што таа го предлага.Во Босна и Херцеговина, претседателот на Република Српска, Милорад Додик е пред правосилна пресуда за непочитување на одлуките на меѓународниот висок претставник. Наместо да биде уапсен, Додик се движи слободно, тој неодамна беше во Белград со Вучиќ, а потоа во Москва со Путин.Иако САД и Велика Британија веќе му воведоа санкции, британската политичарка Арминка Хелиќ бара построги мерки.„Ова не е брзо расекување, туку бавна инфекција“, вели Хелиќ, која и самата побегнала од Босна за време на војната.Се предупредува дека Западот е премногу пасивен кон ширењето на влијанието на Русија на Балканот, што се врши преку црквата, медиумите, дезинформациите и политичките сојузи.Хелена Иванов од британскиот тинк-тенк „Здружението Хенри Џексон“ смета дека Западот може повторно да доцни, како што беше доцна во 1990-тите.„Тоа не е војна, но тие би можеле да се разбудат во време кога руските и кинеските влијанија се веќе длабоко вкоренети и тогаш ќе биде предоцна“, рече таа.Заедничкиот заклучок на британските и косовските претставници, како и политичките аналитичари е јасен: доколку ЕУ и пошироката меѓународна заедница не дејствуваат брзо и решително, Путин би можел да го претвори Балканот во нова зона на конфликт и нестабилност, исто како што направи во Украина.

Свет | пред 11 месец

Времето неделава: Дожд, ветер и пустинска прашина

Во текот на оваа работна седмица во Македонија следува период на променливо време со повремени локални врнежи од дожд, повремено и локално поројни и проследени со грмежи. Ќе дува умерен, повремено засилен ветер од јужен и од југоисточен правец.И во Скопје и околината следува период на променливо бреме со услови за појава на повремен локален дожд, повремено пороен и со услови за појава на грмежи. Ќе дува умерен, повремено засилен ветер од јужен и од југоисточен правец.Сето ова е поради влијанието на циклонската активност (поле со низок возушен притисок) со потекло од западна Европа, а потоа и над Џеновскиот Залив.Сепак, и покрај ова останува топло времето, односно со пролетни температури на воздухот кои преку ден на многу места ќе се искачуваат до близу, или околу 20 степени. На повеќе места тие ќе надминуваат и 20 степени, а во Повардарието и во југоисточните предели тие повремено ќе се искачуваат и до околу 25 степени, а повремено истите би можеле да надминуваат и 25 степени.Во Скопје и околината во текот на оваа работна седмица останува пролетно топло со температура која ќе надминува 20 степени.Поради изразеното јужно воздушено струење, оваа работна седмица се очекува сахарска прашина и во Македонија.

Македонија | пред 11 месец

(Видео) Адвокатот призна дека Палевски го возел “реното кангу” употребено при убиствата на Вања и Панче: Како нема ДНК од обвинетиот?

Адвокатот Јовица Страшевски, бранител на Љупчо Палевски-Палчо во „Претрес со Ландов“ призна дека неговиот клиент го возел возилото „Рено кангу“, кое е употребено при грабнувањата и убиствата на Вања Ѓорчевска и Панче Жежовски. Истовремено, во него не е најдена ДНК од Палевски, па остана отворено прашањето - како е тоа можно?Истовремено, Страшевски тврди дека со ВД-40 не се бришат ДНК траги, па негира дека Палевски би го употребил ова средство за таква цел. Коментираше и за тоа каде бил Палевски во моментите на убиствата. Посочи дека многу работи ќе се расчистат кога Палевски ќе сведочи пред судот - а тоа е денеска.Погледнете го цел Претрес, каде се зборува за сите докази, за мотивите, за начинот на кој двете жртви се убиени, како и за исказите:

Македонија | пред 11 месец

Ги убил родителите, живеел со телата две недели; ФБИ: Планирале да го убијат Трамп

Седумнаесетгодишно момче од Висконсин обвинето за убиство на своите родители планирало да го убие американскиот претседател Доналд Трамп, се вели во судски документ на ФБИ.Минатиот месец, Никита Касап (17) од Ваукеша беше обвинет за убиство на неговата мајка, 35-годишната Татјана Касап и очувот, 51-годишниот Доналд Мајер, а исто така е обвинет дека живеел со нивните тела две недели. Инспекторите сега тврдат дека младиот човек планирал да го убие и претседателот.ФБИ го обвинува Касап за заговор, обид за атентат врз претседателот и обид за употреба на оружје за масовно уништување.Според ФБИ, за време на претресот на уредите на Касап, истражителите пронашле „манифест“ во кој се повикува на атентат на претседателот со цел да се предизвика расна војна и да се создаде хаос.Касап ги сподели своите планови со другите на TikTok и Telegram и се идентификуваше како следбеник на Редот на деветте агли, група која ФБИ ја опишува како неонацистички култ кој „заговара насилство и тероризам за да се соборат владите и да се уништи модерната цивилизација“.Според документите на ФБИ, Касап веќе делумно платил за „дрон со механизам за фрлање товар“, со кој планирал да фрли експлозиви, молотови коктели или силен отров на цели.„Убиството на неговите родители очигледно беше обид да се обезбедат финансиски средства и слобода неопходни за извршување на неговиот план“, се вели во изјавата.Касап беше уапсен на 28 февруари, откако возел Фолксваген атлас на неговиот очув во Векини, Канзас, на речиси 800 милји од неговиот дом во Висконсин. Во автомобилот биле пронајдени пиштолот Смит и Весон .357 магнум на очувот, лични карти на жртвите и чаури.17-годишникот првично беше обвинет за неовластено користење на возило и кражба на движен имот, а потоа и за две случаи за убиство од прв степен, две за прикривање тело, за кражба на имот во вредност од над 10.000 долари и две точки за кражба на идентитет заради финансиска корист, објавија претставници на Ваукеша.Според ФБИ, Касап на еден од своите школски другари му ги открил плановите да ги убие родителите.Тинејџерот се појави на суд на 27 март, кога беше откриено дека телото на неговата мајка е пронајдено во ходникот покриено со ќебиња и крпа, а телото на неговиот очув е пронајдено во канцеларијата на долниот кат од куќата, покриено со куп алишта.Адвокатите на Касап не одговорија веднаш на барањето за коментар.

Свет | пред 11 месец

Кремљ: Путин ќе одлучи дали ќе ја нападне енергетската инфраструктура на Украина

Одлуката дали да се продолжи мораториумот на нападите на украинските и руските енергетски постројки ќе зависи од претседателот Владимир Путин и можните разговори со САД, изјави денеска портпаролот на Кремљ, пренесе агенцијата ТАСС.„Тоа ќе зависи од одлуката на претседателот Путин“, рече Дмитриј Песков, одговарајќи на прашање дали договорот, постигнат со американско посредништво, ќе биде продолжен по истекот на 16 април (30 дена по објавувањето на мораториумот на 18 март).Песков тврдеше дека „украинската страна во суштина не го почитува мораториумот“.„Затоа, се разбира, ќе биде неопходно да се анализираат овие 30 дена. Веројатно да се разменат информации и размислувања со Американците. И тогаш врховниот командант, претседателот, ќе донесе одлука“, заклучи портпаролот на Кремљ.

Свет | пред 11 месец

Трамп: Верувам дека Русија по грешка го гранатираше центарот на украинскиот град, тоа е војна на Бајден

Две руски балистички проектили вчера го погодија самиот центар на северниот украински град Суми, при што загинаа најмалку 34 лица, а беа повредени 117, во најсмртоносниот напад врз Украина оваа година, соопштија украинските власти. На нападот реагираше и Трамп.Тој рече дека рускиот напад врз Суми бил страшен.„Мислам дека е страшно. Ми кажаа дека направиле грешка. Но мислам дека е страшно. Мислам дека целата војна е ужасна работа. Мислам дека самиот почеток на таа војна беше злоупотреба на моќта. Соединетите држави никогаш немаше да дозволат таа војна да започне ако јас бев претседател. Таа војна е срамота“, им рече тој на новинарите на Air Force One на враќање во Вашингтон.Запрашан да разјасни што сака да каже со грешката, Трамп рече: „Тие направија грешка... ќе мора да ги прашате“, без да прецизира на кого точно се мисли или за каква грешка се работи, пренесе агенцијата Франс прес.„Ова е војна на Бајден. Тоа не е моја војна“, рече тој, мислејќи на поранешниот претседател Џо Бајден, додавајќи: „Само се обидувам да ја прекинам оваа војна за да можеме да спасиме многу животи“.Суми, со население од околу четвртина милион луѓе, се наоѓа на само 25 километри од руската граница. Тој стана гарнизонски град откако украинските сили лансираа упад во Русија од него во август минатата година, кој оттогаш беше во голема мера одбиен. Градоначалникот на Сумија, Артем Кобзар, од понеделник прогласи тридневна жалост за жртвите.Луѓето погодени од ракетата биле на улица, во автомобили, во јавен превоз или во згради, рече министерот за внатрешни работи Ихор Клименко. „Намерно уништување на цивили на важен црковен празник“, рече тој.Андриј Коваленко, официјален претставник за безбедност кој го предводи Украинскиот центар за борба против дезинформации, рече дека нападот се случил по посетата на Русија на американскиот специјален пратеник Стив Виткоф, каде што се сретнал со високи претставници, вклучувајќи го и претседателот Владимир Путин.„Русија ја гради целата оваа таканаречена дипломатија околу напади врз цивили“, напиша Коваленко на Телеграм.Виткоф разговараше со Путин во петокот во Санкт Петербург, со цел да се најде пат до мировен договор. Трамп и порача на Русија „да се движи“.По нападот во неделата во Суми, Зеленски ги повика САД и Европа силно да одговорат на, како што рече, рускиот тероризам.„Русија сака токму таков вид на терор и ја продолжува оваа војна. Без притисок врз агресорот, мирот не е можен. Преговорите никогаш не ги запреле балистичките ракети и воздушните бомби“, напиша Зеленски на социјалните мрежи.

Свет | пред 11 месец

Марко Пејчиновски со нов подвиг - со пливање, велосипед и трчање ќе измине 106,8 км: Со Божја помош е можна, иако живеам со ретка болест која ме спречува

Охриѓанецот Марко Пејчиновски, познат како детето кое го преплива Охридското Езеро, сега има нов предизвик. Тој живее со ретка болест на левата нога, која го спречува да трча, но, тоа не е пречка за него да оствари нова цел. Најавува дека ќе мине речиси 107 километри, комбинирано - трчајќи, со велосипед и пливајќи.„Оваа година се подготвувам за нов, досега најголем предизвик: модифициран IRONMAN триатлон. Од Св. Наум ќе трчам 42,2 км до Струга, потоа ќе возам велосипед 42,2 км назад до Св. Наум, и за крај – ќе пливам 22,4 км до Охрид. Вкупно: 106,8 км. Овој предизвик е особено тежок за мене бидејќи од 10-годишна возраст живеам со ретка болест на левата нога – Perthes, која ме спречува да скокам и трчам. Но верувам дека со Божја помош и силна волја, сè е возможно“, вели Пејчиновски за „Скопје1“Со овој пдовиг, Пејчиновски има цел – да ги инспирира другите.„Сакам преку овој подвиг да ги инспирирам и другите – да покажам дека и кога ќе се изгубиш по патот, постои излез. Дека преку дисциплина, контрола на умот и со вера во Господ, може да се победи сѐ“, додава Пејчиновски.Епохалното достигнување на Марко Пејчиновски, 16-годишното момче од Охрид кое со некроза на коска на долните екстремитети десет пати го преплива Охридското Езеро, e овековечено во монографијата „Одисеја 2022 Odyssey“.

Охрид | пред 11 месец

Сарачини и Незири во куќен притвор, ексдиректорот на ДЗС и актуелен министер доби ефективен притвор

Ексминистрите за економија, Ваљон Сарачини и Беким Незири добија куќен притвор, додека ексдиректорот на Дирекцијата за заштита и спасување и актуелен министер без ресор, Шабан Салиу доби ефективен притвор. Ова се само дел од изречените мерки за новоосомничените за пожарот во кочанската дискотека, по проширшувањето на истрагата. Освен Салиу, уште три други лица добиле притвор, а Обвинителството не открива кои функции ги имале. Со Сарачини и Незири, притвор добија и други четири лица. Останатите осум осомничени - имаат мерки на претпазливост.За актуелниот македонски амбасадор во Норвешка и Исланд, кој е и поранешен министер за економија, Дритон Куќи, засега нема мерки. Тој најави дека се враќа во Македонија, откако доби статус на осомничен. Став беше побаран и од министерот за внатрешни работи, Панче Тошковски. Тој рече: „Согласно тоа што го кажа лицето кое го споменавте, очекуваме дека за кратко време ќе биде достапно на институциите во Македонија“, рече Тошковски.Се води истрага 47 лица, и три правни лица.„Истрага се води и против седум полициски службеници. Се преземаат истражни дејствија“, додаде Коцевски.Мерките на претпазливост се одредуваат поради опасност од бегство.

Македонија | пред 11 месец

Угина јагуарот во скопската Зоолошка градина

Угина единствениот јагуар кој го имаше скопската Зоолошка градина. Станува збор за Инес, која според менаџерите имала канцер и тумори на повеќе органи.„Изминатиот период заедно со Факултетот за ветеринарна медицина направиме се што може за подобрување на благосостојбата на јагуарката и олеснување на здравствените проблеми преку стручни прегледи, анализи и компјутерска томографија до лекување на оваа страшна болест која одзема милиони жртви годишно, како кај луѓето, така и кај животните.Јагуарката Инес имаше 22 години, а просечниот животен век на овие величествени мачки во природата е од 12-15 години, додадоа од ЗОО-Скопје. Тие посочија дека во зоолошките градини најстарите јагуари имаат 23 години.

Скопје | пред 11 месец

(Видео) Коцевски контра Коцевски?

Републичкиот обвинител, Љупчо Коцевски, вели дека обвинителите кои го работат предметот за пожарот во дискотеката „Пулс“ во Кочани, не можат да гонат директори само заради тоа што имале функција додека објектот работел. Ова го кажа во одговор на прашање, зошто во истрагата не е опфатен актуелниот директор на Државниот пазарен инспекторат, во чиј мандат клубот работи со фалсификувана лиценца. Во следната реченица, вели дека двајца поранешни инспектори на ДПИ се предмет на истрага, цитираме: „пред сѐ поради околноста што и нивниот мандат се врзува со периодот кога клубот работел со фалсификувана лиценца“.„Законот не ни дава основ да гониме само затоа што некој бил директор во одреден временски период. Ова важи и за сегашните и за минатите директори, кај кои не се утврдени пропусти кои упатуваат на основано сомнение дека сториле кривично дело“, рече Коцевски.Потоа, посочи дека двајцата поранешни директори на Пазарен инспекторат, се осомничени, како што рече, пред сѐ поради тоа што директорувале додека клубот работел.„За двајцата поранешни директори на Државен пазарен инспекторат, кои од претходно се истражуваат, проверките продолжуваат, пред сѐ поради околноста што и нивниот мандат се врзува со периодот кога клубот работел со фалсификувана лиценца, како и со неколку други лиценци кои се предмет на проверка“, вели Коцевски, кој не посочи дека тие преземале или непреземале дејствија со кои го прекршиле законот.

Македонија | пред 11 месец