ТОП

„Марш за ангелите”, протестен марш во Кочани за 60 загинати

Под мотото Марш за ангелите“ во 12 часот и 5 минути, ќе се одржи протестен марш во Кочани.Овој марш треба симболично да ја покаже задоцнетата институционална реакција, а го организираат семејствата на 60 те починати во трагичниот пожар. Собирно место е во Паркот на Револуцијата, по што граѓаните ќе се упатат кон Трговскиот центар, а оттаму кон зградата на Општина Кочани, Полициската станица и Основниот суд и Обвинителството.„Маршот на семејствата на покојните не е за поддршка на обезбедувањето, единствено и исклучиво за почит спрема покојните и барање на правда“, стои во известувањето.Оние кои не го прифаќаат таквото укажување не мора да се приклучуваат.Другиот протестен марш под називот „Ваш профит – наши животи“ е закажан за во 15 часот и 59 минути и ќе има слична маршрута до институциите како и претходниот. Притоа, во најавата што беше објавена на социјалните мрежи, не е наведено кој го организира, само дека ќе се одржи викендов.

Македонија | пред 11 месец

Мицкоски: Трагедијата во Кочани да ни биде потсетник дека човечноста, солидарноста и заедништвото се најсилното оружје што го имаме

Премиерот Христијан Мицкоски се обрати на редовниот годишен состанок на Постојаниот комитет на Парламентарното собрание на НАТО, кој денеска се одржува во Собранието на Република Северна Македонија.Нагласи дека треба да се размисли за воведување на механизми каде нема да се дозволи билатерални спорови да бидат пречка за остварување на колективната и заедничка цел.Во продолжение говорот на премиерот Мицкоски:„Пред само неколку недели, нашата нација беше погодена од трагедија која остави длабоки рани во срцата на нашите граѓани. На 16 март, во пожар во ноќен клуб во Кочани, животите ги загубија 59 млади луѓе, а над 150 беа повредени. На огромна жал вчера животот го загуби и Александар Карадаковски. Лекарите се бореа до последниот момент да го спасат неговиот живот. Битката продолжува.Оваа несреќа не само што ни покажа колку е кревок животот, туку и ја истакна важноста на солидарноста и меѓусебната поддршка.Во тие тешки моменти, сведочевме на вистинска солидарност од нашите сојузници и партнери. Девет европски држави понудија помош на нашата земја веднаш по трагедијата во Кочани. Европската унија, пак, преку механизмот за цивилна заштита, координираше медицински евакуации на повредените до специјализираните болници во регионот.Оваа трагедија ни покажа дека солидарноста не е само збор, туку дело што ги поврзува народите. Таа е темелот на нашата Алијанса-принцип што не води во заедничките напори за зачувување на мирот и безбедноста.Солидарноста значи дека кога еден од нас страда, сите страдаме.Кога еден е во неволја, сите притрчуваме на помош.Во изминатите пет години од нашето членство во НАТО, активно придонесувавме кон колективната безбедност и стабилност на Алијансата.Нашите вооружени сили учествуваа во НАТО мисиите во Косово и Авганистан, демонстрирајќи ја нашата посветеност кон заедничките цели. Ја зголемивме одбранбената потрошувачка со јасен план да постигнеме резултат којшто ќе биде поголем од 2% од нашиот БДП, со што ја зајакнавме способноста да придонесеме кон колективната одбрана. Преку организација на вежби за цивилна подготвеност и придонес во НАТО Фондот за одговор на пандемии, покажавме дека сме подготвени да преземеме одговорност и во мир и во криза.Во изминатите пет години, значително ја подобривме интероперабилноста на нашите вооружени сили со оние на другите сојузници.Преку учество во заеднички вежби, нашите војници стекнаа искуство и знаење што ја подобри нивната ефикасност во мултинационални операции. Интеграцијата во НАТО системите за воздушна и ракетна одбрана овозможи подобро споделување на информации и координација т.е. суштинска компонента на модерната безбедност.Во духот на нашата заложба за целосна интеграција, спроведуваме темелни реформи во одбранбениот сектор.Работиме на подобрување на стратешкото планирање, цивилната контрола врз армијата, модернизацијата на опремата и транспарентноста во управувањето со одбранбените ресурси.Обуките се одвиваат според НАТО-доктрини, а новите институционални механизми нè прават поотпорни на хибридни закани. Сето тоа е одраз на нашата политичка волја и консензусот дека безбедноста и интегритетот на државата се врвен приоритет.Иако сме горди на постигнатото, свесни сме дека патот не завршува тука.Хибридни и сајбер закани, дезинформации, климатски кризи-сите тие бараат постојана адаптација и координација.Продолжуваме да инвестираме во човечки капитал, дигитална отпорност и капацитети за брза реакција. Но најважно од сè-остануваме доследни на вредностите кои нè обединуваат: демократијата, слободата, владеењето на правото и солидарноста.Регионалната соработка е клучна за стабилноста на Балканот. За нас тоа претставува одговорност и прилика да биде мост-меѓу народи, меѓу институции, меѓу визии.Преку иницијативи како Јадранската повелба и билатерални партнерства со соседните држави, вложуваме во безбедност што не познава граници.Веруваме дека Балканот може и треба да биде пример за решавање на разлики преку дијалог и заемна почит.Нашата татковина во многу наврати ја докажа својата солидарност со останатите држави во светот. И во својот трнлив пат до целта направи многу отстапки, многу одрекувања, и многу од нив наидоа на дебата кај граѓаните, некои внесоа оправдано сомневање, но истраавме и ја покажавме својата лојалност кон вредностите кон кои и понатаму веруваме.Од друга страна не секогаш го добиваме она што го очекуваме, и таквата лојалност спрема нашите заложби се исполнувала.Тоа е чувството кое го има секој еден кон нас и секој еден граѓанин.Мислам дека е важно да се знае ова, ниту пак треба да се скрие ова горко чувство кај секој еден Македонец, каде и да се наоѓа во светот.Пријатели си помагаат, но и пријатели искрено си ги кажуваат своите чувства и забелешки. Сметам дека треба да се размисли и за воведување на механизми каде нема да се дозволи билатерални спорови да бидат пречка за остварување на колективната и заедничка цел. Ако ние сите заедно ја чуваме куќата, тогаш и заедно имаме право да си ги кажеме нашите проблеми, разочарувања и очекувања. Ние ќе останеме лојален партнер, и заедно и посветено ќе работиме кон остварувањето на колективните цели.Сосема на крај,Предизвиците се менуваат, но нашата заедничка решителност мора да остане цврста.Нека трагедијата во Кочани ни биде потсетник дека човечноста, солидарноста и заедништвото се најсилното оружје што го имаме.Нека ова ни биде дополнителна обврска, да бидеме подобри, поблиски и побезбедни, заради граѓаните кои ни ја дале честа да ги водиме.“

Македонија | пред 11 месец

Птичјиот грип причина за уништување 500 илјади кокошки во Албанија

За само еден месец, откако во соседна Албанија се појави птичјиот грип уништени се неколку живинарски фарми, кои главно се наоѓаа во областа Рашбул, кај Драч.Според официјалните податоци на Министерството за земјоделство, досега од птичји грип Х5Н1 угинале 497.986 кокошки.Министерството за земјоделство излезе со соопштение дека заразените кокошки се уништени преку процесот на палење.Досега се уништени над 975 илјади контаминирани јајца, бидејќи биле во магацините каде што била заразената живина.Како последица на тоа во земјата се чувствува голем недостаток од јајца, а цената на пазарот вртоглаво расте.

Свет | пред 11 месец

Полицајците кои се обезбедувачи кај Сиљановска тврделе дека „поршето“ на Срѓан Керим е службено, сега добија дисциплинска постапка

Обезбедувачи од кај претседателката Гордана Сиљановска-Давкова претставиле дека „Поршето“ кое непрописно беше паркирано во Дебар маало е службено возило. Ова го констаитраше внатрешната истрага во МВР, од каде посочија дека е покрената дисциплинска постапка. Тие исто така, отишле во депото на ПОЦ, за да го подигнат возилото, кое го управувал ексдипломатот Срѓан Керим. Во јавноста и медиумите се пишуваше дека Керим седел со сопругот на претседателката Гордана Сиљановска-Давкова, нешто што досега, никој не го потврди, ниту негираше.„Од страна на Одделот за внатрешна контрола, криминалистички истраги и професионални стандарди на МВР извршени се проверки по објавена видео снимка на социјалната мрежа фејсбук на 04.04.2025. На видеото се гледа како група граѓани бараат од полициски службеник, кој постапува со специјално возило „пајак“, да го подигне возилото „порше каен“ со скопски регистарски ознаки, поради тоа што било паркирано на велосипедска патека, односно на коловоз.Полициски службеници од ОВККИПС извршија проверки во ОБПС Скопје и утврдија дека од нивна страна е постапувано по прекршок за погрешно паркирање сторен од возач на патничко возило „порше каен“.По извршен увид во службената документација, констатирано е дека полицискиот службеник С.Н. од ОБПС Скопје, на 22.03.2025 постапувал по Наредба за вршење дејност бр. 3626 од 21.03.2025 година за непрописно паркирани возила. Од страна на граѓанинот С.Н., на телефонскиот број 192 било пријавено дека на ул. “Орце Николов”, во близина на ресторан, непрописно било паркирано возилото „порше каен“.Полицискиот службеник С.Н., со специјално возило „пајак“ и двајца вработени од ЈП за јавни паркиралишта на Општина Центар, се упатиле на наведеното место, каде што било затекнато возилото и револтирана група граѓани кои барале возилото да биде подигнато. На местото на настанот, од угостителски објект излегле две лица кои се легитимирале како полициски службеници и изјавиле дека возилото е службено. Полицискиот службеник С.Н. им наредил веднаш да го отстранат возилото и да го паркираат на соодветно место, по што влегол во кабината на „пајак“ возилото со цел да провери дали возилото навистина е службено.Откако утврдил дека возилото не е службено и дека сè уште не е отстрането, на вработените од ЈП Јавни паркиралишта им дал наредба да го подигнат возилото, по што истото било пренесено во депото. Таму, од страна на полицискиот службеник Х.Ѓ. е составен записник за сторен сообраќаен прекршок по чл. 63 став 6 од ЗБСП, како и прекршочен платен налог, во кој е наведено дека сторител на прекршокот е С.К. (76) од Скопје. Сопственик на возилото е М.Т. (48) од Скопје.Двете лица кои се претставиле како полициски службеници и тврделе дека возилото е службено, со патничко возило „форд мондео“ се упатиле кон депото. Полициските службеници од ОВККИПС извршиле проверки за возилото „форд мондео“ и констатирале дека истото го управувале полициските службеници Т.Д. и И.С., распоредени во Одделението за лично обезбедување на Претседателот на РМ.Со овие полициски службеници е извршен службен разговор, при што е констатирано дека сториле потешко прекршување на работниот ред и дисциплина. Од страна на ОВККИПС до Одделот за дисциплински и судски постапки ќе биде поднесен предлог за утврдување на дисциплинска одговорност“, велат од МВР.

Македонија | пред 11 месец

Кешишев ја „одмотува“ мрежата со негови тврдења за Вања; Туфегџиќ: Се разговарало ли за грабнување на повеќе лица, пред грабнувањето на Вања?

Судењето за убиствата на Вања Ѓорчевска и Панче Жежовски, продолжија со испрашување на обвинетиот Влатко Кешишев. Прв започна адвокатот Бојан Манев, бранител на обвинетиот Боре Видевски, кој во Обвинителство призна вина, а пред судот посочи дека ниту учествувал, ниту знае нешто за убиството на двете лица.Адвокатот на Боре Видевски, Бојан Манев: Од каде тргнаа и по која рута се движеа за време на убиството на Панче Жежовски?Обвинетиот Влатко Кешишев: Во Велес јас ги чекав кај пругата, кај црниот паркинг. После саат време мислам дојдоа кај мене, ставивме гориво во ‘цитроенот’ потоа влезе Вилибор со мене во ‘кангуто’ за да ми кажува по кој пат да возам. По нас доаѓаа Палчо и Боре со цитроенот. По стариот пат Велес-Скопје, стигнавме до самиот пункт, Вељо излезе од ‘кангуто’ и појде со нив, со ‘цитроенот’ до јамата. Ги чекав околу пола саат и потоа дојде Велибор, седна покрај мене во ‘кангуто’ и ми кажа каде да возам. Се спуштивме покрај самиот пункт да излезе на автопатот и ми кажуваше каде да возам. Се приклучивме на стариот пат за Катланово, по нас доаѓаа Палчо и Боре со цитронот. На растојание. Бидејќи имаа комуникација со моторолите. И стигнавме до првата населба, Маџари мислам се вика и ми кажаа: ‘на паркингот’. И тогаш стигнаа Палчо и Боре се паркираа позади нас. Палчо ги избриша возачот и мењачот во ВД 40, потоа влезе во кангуот покрај него беше Боре, а позади бевме јас и Вељо.Адвокатот на Боре Видевски, Бојан Манев:  Кога стигнавте во Велес каде се наоѓа тој паркинг плац и дали ги поминувате бензиските пумби?Обвинетиот Влатко Кешишев: Ние не влеговме во Велес, последниот тунел каде што е пред Велес, по индустриска зона и таму стигнавме до тој плац, каде што е блиску до пругата. Но не сме влегле во Велес.Адвокатот на Боре Видевски, Бојан Манев:  Во својот исказ кажа дека после убиството на Вања он ги фрлал лопатите. Може ли да појасни каде ги фрлал?Обвинетиот Влатко Кешишев: Од кога излеговме од местото, се приклучивме на асвалтот, имаше едно 500 метри од патот. Ми кажа мене Палчо да ги фрлам во еден дол со капини. Јас ги фрлив, мене ми рекоа.Адвокатот на Боре Видевски, Бојан Манев:  Дали пред убиството на Вања биле во обиколка на зградата каде што живее девојчето?Обвинетиот Влатко Кешишев: Не сум бил на обиколка, првиот пат кога се проба, вториот пат кога се изврши сум бил, инаку не сум бил во обиколка а не знам дали биле они.Адвокатот на Боре Видевски, Бојан Манев: Дали знае колку влеза има зградата?Обвинетиот Влатко Кешишев: 2, од каде да знам.Потоа, прашања поставуваше и адвокатот Владимир Туфегџиќ, бранител на обвинетиот Александар Ѓорчевски, татко на убиената Вања.Адвокатот Владимир Туфегџиќ: Кажавте дека една година пред грабнувањата и настаните во Велес и Скопје сте биле присутни во штабот во Скопје каде се правеле планови за грабнување со кои не сте се согласувале, дали во ваше присуство имало разговори за повеќе лица кои требало да бидат грабнати пред да се донесе одлука за грабнување на особата во зградата во Скопје?Обвинетиот Влатко Кешишев: Знаев дека првиот пат кога ја ископавме дуппката дека ќе биде наметнета за киднапирање на луѓе, на човек, после тоа немаат разговарано за други работи до тоа што се случи во Панче. Да имав слушано муабети, не се правдам, не ме интересираше. Помина долго време од кога се правеше тој муабет а немаше ништо. Јас не се правдам, не но го сфатив тоа здраво за готово, се додека не се случија тие работи.Адвокатот Владимир Туфегџиќ: Кога се вративте со ‘цитроенот’ од Велес во Скопје кога за прв пат слушнавте договарање на друга особа?Обвинетиот Влатко Кешишев: Мислам дека тоа беше првиот пат кога немаше успех. Потоа вториот пат, се случи тоа.Адвокатот Владимир Туфегџиќ: На 15.12.2023 ќе кажете пред јавен обвинител: ‘По ден ипол околу пладне дојдоа Велибор и Боре, го донесоа ‘кангуто’ и тогаш се договараа за грабнување на особа женска а на која не знам. Дали тоа е точно?Обвинетиот Влатко Кешишев: Не се сеќавам точно, не ескивирам и не лажам за тоа.Адвокатот Владимир Туфегџиќ: Колку состаноци имало за грабнување на особата од зградата во Скопје?Обвинетиот Влатко Кешишев: Па не знам колку точно, неколку пати кога доаѓашe Велибор во штабот, се почнуваше таа тема.Адвокатот Владимир Туфегџиќ: Kолку временски траеле овие состаноци?Обвинетиот Влатко Кешишев: Јас не бев присутен до крај, не се правдам ама не знам колку долго.Адвокатот Владимир Туфегџиќ: Дали сте слушнале некои од присутните da разговарале со таткото на особата што треба да се грабне?Обвинетиот Влатко Кешишев: Не тука во судница слушнав прв пат, од Велибор или не знам кој.Адвокатот Владимир Туфегџиќ: Што мислевте вие зошто треба да се грабне таа особа?Обвинетиот Влатко Кешишев: Не мислев ништо, бидејќи не го сфатив сериозно тоа додека не се случи.Адвокатот Владимир Туфегџиќ: Дали знаевте или слушнавте од кого треба да се бараат пари за грабнатото лице?Обвинетиот Влатко Кешишев: Не знам тоа беше договор меѓу нив.Адвокатот Владимир Туфегџиќ: Дали ја видовте сликата од особата која требаше да биде грабната?Обвинетиот Влатко Кешишев: Не, кога се вративме во штабот на ФБ ја видов сликата од детето, до тогаш немав видено никаква слика.Адвокатот Владимир Туфегџиќ: Кога за прв пат дознавте за таткото на детето?Обвинетиот Влатко Кешишев: Кога го доведоа во притвор слушнав дека разговарале со таткото на детето. Во притвор слушнав дека се вика Александар.Дали вие еслушнавте или видовте како Љупчо Палевски како разговара со Александар Ѓорчевски? Не го слушам ниту го пратам со кого разговара.Дали знаевте дека пред зградата нема камера? Не знам, не сум информиран.Адвокатот Владимир Туфегџиќ: Дали денот кога е грабнато детето имавте мобилни телефони или само радио станици?Обвинетиот Влатко Кешишев: Никој немаше телефон беа само трите радио станици.Адвокатот Владимир Туфегџиќ: Каде го оставивте мобилниот телефон пред да тргнете да ја грабнете особата од зградата во Скопје?Обвинетиот Влатко Кешишев: Сите телефони мислам беа во штабот.Адвокатот Владимир Туфегџиќ: Дали слушнавте дека некој кажал дека некој кажал дека девојчето е погрешка грабното и дека не требало да биде грабното?Обвинетиот Влатко Кешишев: Не бидејќи бев на 20-тина метри поставен за стража и немав слушнато разговори.Адвокатот Владимир Туфегџиќ: Дали некој во ваше присуство пред убиството се јавил на мајката и таткото на детето?Обвинетиот Влатко Кешишев: Не знам, не сум видел не сум слушнал.Адвокатот Владимир Туфегџиќ: Дали по убиството некој ги спомена мајката и таткото на детето?Обвинетиот Влатко Кешишев: Не сите ќутеа, и јас.

Македонија | пред 11 месец

Палевски го испрашуваше Кешишев кој му рече дека се плаши од него: Дали во ранецот, Палевски го носел пиштолот?

Првообвинетиот Љупчо Палевски-Палчо, го започна распрашувањето на обвинетиот Влатко Кешишев. На претходното рочиште, Кешишев побара Палчо да биде изваден од судницата, оти тој би бил причина за да сведочи невистини. Палевски во имениот на Кешишев бил запишан како „царот“, а во неколку наврати има сведочено дека го слушал сѐ што ќе му кажел. И на ова рочиште, Кешишев рече: „Уште имам страхопочит кон тебе“.Палевски најмногу време посвети да поставува прашања за ранецот кој претходно го споменуваше Кешишов. Меѓу првите прашања до обвинетиот му беше: Зошто кога ќе се спомене ранецот, Кешишов зборува за пиштол со кој се извршени двете убиства.„Претпоставувам дека пиштолот е во ранецот. Ако беше во тебе, на телото, ќе се препознаеше, ќе се видеше преку маицата. Затоа и претпоставувам дека пиштолот бил со моторолите во ранецот“, рече Кешишев.Првообвинетиот Љупчо Палевски-Палчо: Кажавте дека ме познавате 2 години, па ве прашувам во тој период слушнавте закани, навреде и уцени од мене кон вас?Обвинетиот Влатко Кешишев: Не, никогаш.Првообвинетиот Љупчо Палевски-Палчо: Во истиот тој период сте слушнале на посетители, членови да им се зкаанувам, навредувам или оценувам?Обвинетиот Влатко Кешишев: Не секогаш на другите им даваше совети, немам слушнато во периодот додека бев таму.Првообвинетиот Љупчо Палевски-Палчо: Во истиот период, било кога сте слушнале закана кон Велибор Манев?Обвинетиот Влатко Кешишев: Не никогаш.Првообвинетиот Љупчо Палевски-Палчо: Дали ви се пожалил Велибор дека е уценет од мене?Обвинетиот Влатко Кешишев: Не.Првообвинетиот Љупчо Палевски-Палчо: Забележавте дека Велибор Манев не по своја волја презима и извршува дејствија?Обвинетиот Влатко Кешишев: Какви дејствија?Првообвинетиот Љупчо Палевски-Палчо:  Дејствија кои ги споменавте во вашиот исказ. Поконретно: Дали за време на настаните забележавте дека Велибор Манев не по своја волја извршува дејствија?Обвинетиот Влатко Кешишев: Не.Првообвинетиот Љупчо Палевски-Палчо:  Кажавте дека сте биле домаќин во штабот, Може ли било кој да изнесува било што од штабот без јас да дадам дозвола?Обвинетиот Влатко Кешишев: Не, прво требаше да се праша Палчо пред да се изнесе и изнесе. Зад негов грб ништо не се работело, без да знае он.Првообвинетиот Љупчо Палевски-Палчо:  Штабот кој го споменавте имаше 80 м2 на двата ката, каде сте забележале ранец во штабот?Обвинетиот Влатко Кешишев: Не сум видел, не се сеќавам.Првообвинетиот Љупчо Палевски-Палчо:  Во штабот освен мојот пиштол кој ми беше одземен во ваше присуство 6 месеци пред настаните, сте виделе друго оружје?Обвинетиот Влатко Кешишев: Не знам, не сум видел. Не знам каде стоел ранецот, но главно Палчо го носеше.Првообвинетиот Љупчо Палевски-Палчо:  На монтираните видеа на ОЈО, на незаконски начин презентирани во судот, на инсертите каде носите ранец и гориво, се гледа Љупчо Палевски или Влатко Кешишев и Велибор Манев?Обвинетиот Влатко Кешишев: На тоа што видов, се гледам јас и Велибор,  кога ми кажа да го извадам ранецот од ‘кангуто’ и да го внесам во гаражата.Првообвинетиот Љупчо Палевски-Палчо: Кога последен пат сте го виделе или носеле плавиот ранец?Обвинетиот Влатко Кешишев: Мислам дека само тогаш беше.Првообвинетиот Љупчо Палевски-Палчо: На месноста Дупки го носевте ли ранецот?Обвинетиот Влатко Кешишев: Не јас цело време бев во ‘кангуто’, не сум видел ниту носел ранец.

Македонија | пред 11 месец

(Видео) Година дена наназад пред убиствата на Вања и Панче се подготвувале грабнувања на луѓе, ова треба да нѐ загрижи, укажа Туфегџиќ и побара истражните органи да реагираат

Адвокатот Владимир Туфегџиќ го впери прстот во Обвинителството, оти не реагирале по сведочењата на дел од обвинетите во случајот за убиството на Вања Ѓорчевска и Панче Жежовски, дека грабнувања и убиства се планирале уште пред да се реализираат овие две. Во однос на обвинетиот Александар Ѓорчески, татко на Вања, вели дека и со исказот на обвинетиот Влатко Кешишев, кој рече дека за таткото првпат чул во притвор, се докажува дека тој нема никаква вина.„Уште еден сведок кажа дека година дена наназад пред случувањата во Скопје и Велес, се подготвувале грабнувања на луѓе и за такви активности кои сите нас треба да нѐ загрижат. Наместо Јавното обвинителство да тргнат во таа насока, ја дефокусираа истрагата со неоснованото обвинвање на Александар, а тоа е поради не поседување на унифицирани стандарди за постапување во ваков случај“, укажа Туфегџиќ.Тој додаде дека Обвинителството не постапило и по неговите пријави дека во странски држави се објавувале докази од постапката за убиството на Вања, алудирајќи на објавите од српскиот политичар Срѓан Ного.„Обвинителството не постапи ни по пријавите за тортура, ни по известувањето за објавување на дел од доказниот материјал од странска држава. Не добивме одговори на многу прашања. Се надевам дека ќе преземат нешто“, додаде тој.

Македонија | пред 11 месец

(Видео) Газда на „Поршето“ во Дебар маало е ексамбасадорот Срѓан Керим: Нема потреба од никакви коментари, постапено е според прописите

Поршето паркирано во Дебар маало не е на полицаец, туку е во сопственост на Срѓан Керим, ексминистер за надворешни работи, амбасадор на Македонија во Обединетите нации и во Германија, дознава „Скопје1“. Неговите иницијали се најдоа и во информацијата од МВР, од каде може да се заклучи дека тој го управувал возилото бидејќи стои: „на возачот на возилото С.К. издаден му е платен налог“.„Скопје1“ се обрати до Керим. Откако не ни одговори на телефонскиот повик, ни испрати порака „Ве молам пишете порака“. Па му се обративме писмено. Испративме повеќе прашања, меѓу кои и: „Зошто полицаецот требаше да влезе во кафеаната каде седевте и да разговара со вас, за да може да постапи согласно законот?“. Потоа го прашавме: „Бевте министер, амбасадор во ОН и Германија, имате меѓународна кариера. Зар вака се паркира ширум светот и вака се постапува кога полицијата го спроведува законот?“.На ова, тој не одговори конкретно. До „Скопје1“ испрати став во кој стои: „Нема потреба од никакви коментари. Постапено е според позитивните прописи што важат во вакви случаи“.Снимката со неговиот автомобил наиде на бура реакции од јавноста, особено бидејќи полицаецот се симна, па се повлече со екипата од ПОЦ со намера да не го санкционира Керим. По жестока реакција на граѓани, полицаецот влезе до кафеаната, па го крена возилото. Сега, полицаецот е под истрага од страна на Одделот за внатрешна контрола на МВР за да се утврди дали направил пропусти.

Македонија | пред 11 месец

Уште три повредени од „Пулс“ се во тешка состојба, Таравари: Многу се критично, се надеваме дека ќе оди на подобро

Министерот за здравство, Арбен Таравар, кажа дека и натаму, тројца пациенти се во критична состојба. За нив рече: „Да се надеваме дека ќе оди на добро, ама состојбата за нив е многу критична“.Таравари посочи дека другите пациенти се во добра состојба. Пет се испишуваат од скопските болници, а шест се враќаат назад од лекувањето во странство.„Од 14 пациенти, пет ќе бидат испишани да се лекуваат дома. Девет остануваат во болниците во Скопје. Денеска се враќаат шест пациенти, два од Бугарија, два од Шпанија, два од Унгарија. Стабилни се и добри. Ќе се лекуваат уште 24 часа во нашите болници и ќе бидат пуштени на домашно лекување. Надвор од државата остануваат 69 пациенти од кои три се во критична и нестабилна состојба. 118 пациенти се во домашни услови и добри се“, рече Таравари.

Македонија | пред 11 месец

Карадаковски бил во најтешка состојба: Таравари вели дка 60-та жртва на пожарот имала влошувања откако му откажале и бубрезите

Министерот за здравство, Арбен Таравари, соопшти дека Александар Карадаковски, кој е 60-та жртва од пожарот во дискотеката „Пулс“ во Кочани, бил најкритичниот пациент кој бил на лекување. Нему, му откажале и бубрезите при лекувањето.„За жал, утрово, пред два часа, ја добив лошата вест дека еден пациент е починат во Литванија, кој беше од тие четири пациенти, најкритичниот. Од први април му откажаа и бубрезите, беше ставен на дијализа, утрово ја добив информацијата дека починал“, рече Таравари.„Пациентот што почина, 40 отсто од телото му беше со изгореници. На крајот, главниот проблем беше инфекцијата која што ја добив поради огромна површина на рани кои ги имаше на телото. Да се надеваме дека другите критични ќе поминат подобро и да ни се вратат во државата“, додаде Таравари.Според информациите од Таравари, во критична и лоша состојба се уште тројца пацинети. Кај нив, повремено се забележуваат подобрувања, но и влошувања на состојбата.За Карадаковски е познато дека беше осомничен од страна на Обвинителството кое води предмет за сите причинско-последични врски поврзани со пожарот. Тој е и управител на правното лице „ММММ кафе ДООЕЛ“, но само на хартија, бидејќи во реалноста, бил шанкер.

Македонија | пред 11 месец

За член на Комисијата за заштита од дискриминација е предложен Вецко Здравески, обвинет со Милошоски во „Моќник“, реагира Мрежата за заштита од дискриминација

Мрежата за заштита од дискриминација остро реагира на предлогот на Комисијата за прашања на изборите и именувањата до Собранието за избор на Вецко Здравески како член на Комисијата за спречување и заштита од дискриминација (КСЗД). Изборот, според нив е направен нетранспарентно, по партиски клуч, и без почитување на законски утврдените критериуми за стручност, со што директно се урива независноста и легитимитетот на ова клучно тело за човекови права.„Седницата на Комисијата за прашања на изборите и именувањата беше закажана на нетранспарентен начин – повикот за јавна расправа беше испратен во последниот работен ден пред нејзиното одржување, што го ограничуваше учеството на јавноста и експертската заедница. За време на излагањата на кандидатите во салата во ниту еден момент немаше повеќе од 15% од вкупниот број на членови на Собранието.Кандидатот Вецко Здравевски не го исполнува критериумот - најмалку седум години работно искуство од областа на човековите права од кои пет години во областа на еднаквост и недискриминација.Од спроведеното интервју со кандидатот, неговото претставување и одговорите на прашањата од јавноста, јасно произлегува дека тој нема релевантно знаење, ниту разбирање на клучните основи за дискриминација. Недостатокот на чувствителност и разбирање на овие теми отвора сериозни сомнежи дека тој би постапувал непристрасно и еднакво кон сите граѓани, особено кон маргинализираните заедници, кои пак, се меѓу најчестите жртви на дискриминација.Дополнително, фактот што кандидатот бил член на Комисијата за верификација на факти (Комисија за лустрација) – тело остро критикувано од Европската унија поради злоупотреби, политички мотиви и можни прекршувања на човековите права е особено загрижувачки. Европската комисија во 2015 година препорача прекин на процесот на лустрација поради неговата идеолошка и селективна примена.Дополнително, Здравески беше обвинет заедно со Антонијо Милошоски во случајот „Моќник“, поврзан токму со делувањето на Комисијата за лустрација. Случајот беше затворен поради застареност на делата, а не поради утврдена невиност.Таквото минато не само што не е квалификација, туку е и сериозен аргумент против неговото именување во тело чија цел е заштита на човековите права. Иако кандидатот не е носител на функција во политичка партија, од неговите изјави во јавност произлегува јасна поврзаност со политичка партија со силно влијание во Собранието.(во 2019, медиумите пренесуваат статус на кандидатот: ВМРО е судбина и иднина за Татковината,a самиот кандидат е ословен како „ветеран на ВМРО-ДПМНЕ“)”, стои во соопштението на Мрежата за заштита од дискриминација која бара Собранието да не го изгласа предложениот кандидат.

Македонија | пред 11 месец

Дискотеката „Пулс“ ја зеде 60-та жртва: Почина Карадаковски кој се лекуваше во Литванија, управител на хартија - во реалност шанкер

Александар Карадаковски е 60-та жртва од пожарот во дискотеката „Пулс“ во Кочани. Тој кобната вечер беше во дискотеката, по што беше донесен на лекување во скопските клиники и на крајот поради сериозноста на состојбата го префрлија на лекување во болница во Литванија. Неговата состојба се влошила, по што, докторите не можеле да го спасат.За Карадаковски е познато дека е осомничен од страна на Обвинителството кое води предмет за сите причинско-последични врски поврзани со пожарот. Тој е и управител на правното лице „ММММ кафе ДООЕЛ“, но само на хартија, бидејќи во реалноста, бил шанкер.За него се собираа и донации, исто како и за останатите повредени, со цел, поефикасно и побрзо лекување како во странските, така и во домашните клиники.Деталите за тоа како течело неговото лекување, ќе ги соопшти министерот за здравство, Арбен Таравари, денесна попладне.

Македонија | пред 11 месец

(Видео) Драма во Дебар маало, откако ПОЦ одби да крене непрописно паркирано „Порше“ на полицаец

Вработени во Паркинзи на општина Центар и полицаец беа во поход да кренат непрописно паркирано возило пред Боемска улица во Дебар маало, но откако се поколебаа, започна драмата. Според снимката, полицаецот откако утврдил дека станува збор за возило паркирано од негов колега, се повлекуваат - како возачот, така и полицаецот.„Еве, еве кои се, не сакаат да земат началничка кола“, извикува снимачот на видеото.Продолжува убедувањето од страна на полицајците кон граѓаните кои бараат неселективност. Во еден момент, полицаецот ги убедува дека „Поршето“ кое е паркирано е службено возило на полицаецот.„Кое службено возило, седи тука три саати“, вели девојка.Во тој момент, полицаецот ги убедува присутните и вели: „Сега ќе го тргне...“Потоа одново се реагира: „Четири саата седи тука, пиши му казна, кое 'порше' е службено возило. Седи тука, јаде пие, пиши му казна“.Потоа, полицаецот влезе во угостителскиот објект. Излезе и даде насока да се крене возилото, што беше поздравено со аплауз.Снимката, неофицијално, е направена пред една недела. Од вчера, стана и вирална.

Скопје | пред 11 месец

Муцунски на состанокот на министрите за надворешни работи на НАТО: има потреба од повеќе инвестирање на пари во одбраната

Учество на министерот за надворешни работи и надворешна трговија, Тимчо Муцунски на состанокот на министрите за надворешни работи на НАТО„На покана на генералниот секретар на НАТО, министерот за надворешни работи и надворешна трговија, Тимчо Муцунски, вчера и денес учествува на состанокот на министрите за надворешни работи на земјите членки на НАТО, кој се одржа во седиштето на Алијансата во Брисел, Кралството Белгија.Состанокот претставува добра можност министрите заеднички и во поширок формат да се осврнат на актуелните безбедносни случувања кои имаат импликации за европскиот континент и пошироко.Фокусот на првиот ден од состанокот беше ставен на состојбите поврзани со руската агресија врз Украина, при што беше реафирмирана силната поддршка за дипломатските напори предводени од САД за постигнување прекин на огнот и траен, долгорочен мир преку политички дијалог и почитување на меѓународното право.Министрите разговараа и за потребата од зголемување на издвојувањата во областа на одбраната, како и зајакнување на капацитетите и способностите на НАТО за градење колективна безбедност и одбрана, со цел ефективен одговор на заедничките закани и предизвици.Особено беше нагласен фокусот на Алијансата врз Западен Балкан, како важен елемент за обезбедување на регионалната, но и на севкупната европска безбедност и стабилност.Во време на сложени геополитички услови, кои носат широки безбедносни предизвици, министерот Муцунски ја нагласи важноста од одржувањето на единството меѓу сојузниците како столб на заедничката безбедност, значаен за заштитата на заедничките вредности.Во оваа насока, тој ја потенцира и важноста на нашиот регион како простор од стратешко значење и за НАТО и за Европската Унија, со потреба да остане високо на агендата на двете организации. Притоа, побара зголемено внимание и стратешки пристап, особено во контекст на напорите на земјите од регионот за реализација на нивните европски и евро-атлантски аспирации преку брза имплементација на интегративните процеси“, велат од Министерството за надворешни работи.

Македонија | пред 11 месец

(Видео) Уапсен возачот кој со мопед удри дете во Бутел и избега, ќе биде поднесена кривична пријава

Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека се преземени соодветни мерки и активности и возачот е пронајден и против него ќе биде поднесена кривична пријава по брза постапка.„Настанот се случил на 02.04.2025 во 14.05 часот на крстосница од ул.”Ферид Бајрам” и ул.”Алпи” во Скопје кога мопед удрил осумгодишно дете и го напуштил местото на настанот, а на детето му се констатирани телесни повреди во ГОБ “Св. Наум Охридски”.По преземени мерки, полициски службеници од СВР Скопје го пронајдоа возачот Ч.Т. (63) од Скопје и против него ќе биде поднесена кривична пријава по чл.297 од КЗ за загрозување на безбедноста на сообраќајот, чл.297А од КЗ за безобзирно возење и чл.301 од КЗ за неукажување помош на лице повредено во сообраќајна незгода, по брза постапка“, објавија од МВР.

Македонија | пред 11 месец

Онкологија пак остана без биолошкиот лек Palbosiklib, дијабетичарите без исулин - пациенти реагираа: Критична е состојбата во која се наоѓаме!

Дијабетичарите останаа без инсулин, а пак онколошките пацинети без биолошкиот лек Palbosiklib. Пациенти ја контактираа редакцијата на „Скопје1“ кои велат дека се оставени без терапија. Некои од нив посочуваат и за алармантноста на состојбата. За инсулинската терапија, министерот за здравство Арбен Таравари рече дека во тек е набавката. За набавката на биолошкиот онколошки лек, директорот на Клиниката за онкологија Игор Стојковски за „Скопје1“ вели дека процедурите за набавка се при крај. Пациентите бараат од медиумите да ја подигнат свеста кај здравствените власти.„Пишувам како очаен пациент со дијабетес ТИП 1, со надеж дека ќе ја подигнете свеста за критичната ситуација во која се наоѓаме. Веќе втора недела, во инсулинските аптеки нема инсулин, лек кој е од животна важност за нас.Ова не е прашање на удобност, туку на опстанок. Без редовно снабдување со инсулин, нашите животи се сериозно загрозени. Оваа ситуација предизвикува огромна вознемиреност и страв кај сите дијабетичари и нашите семејства. Итно бараме од Фондот за здравствено осигурување (ФЗО) да објасни што се случува и зошто има недостиг на инсулин. Едно пенкалце инсулин чини повеќе од 2500 денари, а граѓаните се наоѓаат во сериозна финансиска криза. Како ќе си дозволат да го купат овој лек? Апелирам до надлежните институции и до јавноста да се реагира итно. Неопходно е веднаш да се обезбеди инсулин за сите пациенти кои имаат потреба. Ве молам, помогнете ни да го кренеме гласот и да ја подигнеме свеста за овој проблем. Нашите животи зависат од тоа“, стои во апелот испратен до нашата редакција утрово.Министерот за здравство Арбен Таравари изјави дека во тек се процедурите за набавката на инсулин.„Во тек е процедурата за набавка на инсулин. Не дека недостасува насекаде, во одредени места недостасува. Но, генерално во целата територија, го има инсулинот. Се надевам дека многу бргу ќе кажеме и кој е добавувачот и набавката ќе заврши. Меѓутоа, не е дека секаде нема. Некаде недостасува“, рече министерот.Реагираа и роднини на онколошки пациенти до нашата редакција.„Пак истиот проблем на Онкологија. Во моментов мајка ми е на Онкологија да прима терапија. И рекле да почека две недели, можеби и побргу. Но не треба да ја прекине терапијата. Хаос и брука е ова за сите. Истата песна пак, жално за сите што чекаа лек. Мајка ми и татко ми се онколошки пацнети, замислете како ми е мене, како им е на нив“, алармира роднината на околошки пациенти.Директорот и доктор Игор Стојков, за „Скопје1“ вели дека во тек е постапката за набавка на биолошката терапија. Посочува дека тендерската постапка е завршена и дека остануваат само формалностите. Укажува дека ако лани имало 30 пациенти, сега има 60 пациенти кои ја примаат оваа терапија. Тоа довело, за момент, да снема доволно дози од лекот. Укажува дека сега се набавува за 100 пациенти, за да не се случи нов дефицит.

Македонија | пред 11 месец

Филипче не стравува од реотворање на случајот за пожарот во модуларната болница во Тетово: Јас тоа го поддржувам

Претседателот на СДСМ и пратеник, Венко Филипче, не стравува од одговорност ако се реотвори случајот за тоа како изгоре модуларната болница во Тетово, но и случајот за нивната изградба. Тој даде поддршка да се направи тоа.„По тој случај јас поднесов оставка од морални причини. Ако ме прашувате лично, не стравувам од ништо. Ако било кој смета дека треба да се отвори било кој случај, јас тоа го поддржувам“, одговори кратко Филипче.Тој беше прашан дали Зоран Заев направил добри работи додека бил чело на партијата и Владата.„Од една партија која губеше многу избори Заев ја донесе партијата до владеење. Реши повеќедецениски проблеми на државата кои нас нѐ донесоа на меѓународната сцена, да бидеме во НАТО. Дали беше лесно? Не. Не беше ни мала жртвата. некој требаше да го направи тоа. Гледајќи и низ оваа призма кога треба да решаваме напластени проблеми од минатото, да се запрашаме каде ќе беше Македонија ако во 90' го решеше проблемот со Грција? Апсолутно мислам дека со сите други полтиики, од социјалата и други сегменети на живеење, да“, одговори Филипче.

Македонија | пред 11 месец

(Видео) Џафери се налути оти се зборува за трагедиите од минатите години и му рече на Тошковски: Води сметка за односот кон мене

Пратеникот Талат Џафери му постави пратеничко прашање на министерот за внатрешни работи, Панче Тошковски, во однос на трагедијата во Кочани и моралната одговорност. Тошковски одговори, а Џафери му се налути.„Добро е да ме слушате, јас ве слушав кога ми го поставувавте прашањето. Еднаш засекогаш, треба секој што има надлежност според закон да си ја работи работата. Секој еден, македонски граѓанин, заслужува да живее во нормална држава. Не заслужуваат да бидат манипулирани како што пробавте денеска да ги манипулирате. И одговорност, а ќе ја видат, за сите четири предмети“, рече Тошковски.„Јас ти кажувам кога ќе се обратиш на пратеник, а особено за мене, да водиш сметка на односот, прво меѓучовечки и ти и било кој. Ако сте навикнати како министри да дојдете и така да ги вреѓате, и ти и сите кои доаѓате.. Друго јас си поставив најкоректно можно прашање за она што ви е надлежност. И ако е така како што велиш, дека чувствуваш морална одговорност, уште сега, стани овде, поднеси оставка и тоа ти е моралната одговорнсот“, рече Џафери.Нему му пречи што се зборува за траедијата во Модуларната болница во Тетово.„Кога ќе се работи за политички поени, ќе го мотаме Тетово, Тетово.. Оставете, не ги убивајте по вторпат. Секој пат кога ќе ги споменете, ги убивате! Секојпат кога ќе ги споменете тие случаи по вторпат ги убивате! Секој пат ги убивате. Им нанесувате болка на тие фамилии. Земете поднесе процедура, Анкетна комисија нека се прави, да се види“, рече Џафери.

Македонија | пред 11 месец

Мицкоски побара МВР и Финансиска да ја „тресе“ Левица оти купила евтин деловен имот, го праша Апасиев дали ќе се наддава и за Соравија

Премиерот Христијан Мицкоски, одговарајќи на прашање на лидерот и пратеник на Левица, Димитар Апасиев, обвини дека купил деловен простор по ниска цена а во центарот на Скопје, како и дека сторил кривично дело. Потоа ги повика институциите да истражат. На ова одговори и Апасиев, кој го нарекува Мицкоски „северномакедонски премиер“, посочувајќи дека е спремен за кривичната пријава.„Политичката партија Левица купила деловен имот од 409 метри квадратни на адвокатската улица зад седиштето на компанијата А1, верувале или не, за цена од 295.000 евра со ДДВ или просечно квадратот на овој објект е 721 евро во центар на Скопје. За какво кривично дело е ова професоре? Сега ќе ви кажам.. Градот Скопје ви пресметал дека ова кривично дело кое го зборувам е еднакво на цена квадрат од 1150 евра, па сте платиле данок во вредност од 739.285 денари. Ова кривично дело е, некое кривично цело, ќе видиме, ќе се позанимаваат органите. Ова дело е преку Универзална инвестициона банка“, рече Мицкоски.Потоа му покажа фотографија од „Соравија“.„Што е заедничко помеѓу ова и ова? Извршителот Андреја Буневски. Тој е заеднички извршител за двата објекти. За Соравија очигледно не успеа бизнисот и е закажано јавно наддавање и проценета на 22.4 милиони евра, па имам дилема, дали како што го купивте овој деловен објект, а сте неподмитливите, ќе наддавате и за Соравија од 22.4 милиони евра“; додаде Мицкоски.Потоа Апасиев се обрати до МВР и Финансиската полиција.„Прво да проверат дали има основа за кривично дело, дали Левица сторила кривично дело, нема да кажам кое, ќе оставам професорот Апасиев да каже, така што го купила овој простор по 721 евро по метар квадратен, а вреди најмалку трипати повеќе, а Градот Скопје вели дека најмалку 50 проценти повеќе вреди, а потписник на договорот е Димче Апасиев, професор на Правниот факултет во Штип“, додаде Мицкоски.Апасиев му посочи дека е спремен за кривична пријава, па потоа додаде дека подготвува кривична против Мицкоски за попречување на правдата и оддавање службена тајна. Апасиев му посочи на Мицкоски дека тоа не му одговара на пратеничкото прашање и дефокусира, е „синдром на дива коза“.„Синдром на дива коза или дијареја, се вика ова што вие го правите. За се се правите флека, не зборувате за се што сте прашан, туку за други. Ние купивме подрумски простории со приземје, затоа е таа цена.  Мене и Заев ова ми го правеше. Да сум имал страв од вакви,  немало да се бавам со политика. Уште утре да ми поднесете кривична пријава, како што јас ќе ви поднесам за оддавање на службена тајна. Немојте вие да зборувате за поштеност.  Вашите два часовници вредат колку таа зграда“, врати Апасиев.

Македонија | пред 11 месец

Обвинение за таткото на Васил, повеќе од две години му давал да го вози возилото без возачка, со кое смртоносно ја прегази Фросина

Јавен обвинител од Основното јавно обвинителство Скопје поднесе Обвинителен предлог против 50-годишен скопјанец за кривично дело – Предизвикување општа опасност од член 288 став 4 во врска со став 1 од Кривичниот законик.„Во текот на претходната постапка, јавниот обвинител обезбеди докази од кои произлегува дека обвинетиот, во периодот од 04.11.2022 до 30.01.2025 година со општоопасно дејствие предизвикал опасност за животот и телото на луѓето, свесен дека поради неговите сторувања можат да настапат штетни последици, а сепак лекомислено сметал дека тие нема да настапат.Тој на својот син му давал да управува патничко моторно возило „Пежо 207“, иако знаел дека синот не смее да управува со автомобил бидејќи нема возачка дозвола и е повеќекратен сторител на сообраќајни деликти, и тоа: едно кривично дело – сообраќајна несреќа со полесни последици во ноември 2022 година, 11 сообраќајни прекршоци (возење без возачка дозвола, возење под дејство на алкохол, непочитување на семафор и на пешачки премин) во текот на 2023 и 2024 година, како и кривично дело – сообраќајна несреќа со смртни последици на 29.01.2025 година“, велат од Обвинителството

Македонија | пред 11 месец

Милионската „Соравиа” чиј газда беше внукот на Ахмети оди на продажба: почетна цена 22 милиони евра

Неизвесна иднина има бизнис објектот „Соравиа“ кој е во строгиот центар на Скопје. Објектот е ставен под извршителска продажба поради финансиски обврски кои не биле исполнети.Дрин Ахмети, внукот на досега недопирливиот Али Ахмети, оперираше со овој имот. Тој пред една година, односно во март лани, објави дека „Тор индустрис“, компанијата што го купи трговскиот центар „Соравија“, ќе се повлече од раководната функција во компанијата до крајот на годинава.„Соравиа Инвест“, во моментов е ставена на продажба од страна на извршител, по барање на доверител за спроведување на извршување од над 930 илјади евра.Во заклучокот, кој е јавно објавен на веб страницата на комората на извршители, стои дека почетната цена за објектот е 1.377.978.526 денари или околу 22.406.000 евра. Извршителот наведува дека објектот се продава поради долг од околу 930.000 евра кон бугарската Прва инвестициска банка.Огласот е објавен на 24 март, а лицитацијата ќе се одржи на 24 април во канцеларијата на извршителот Андреја Буневски. Но, ова не е единствен долг на „Соравиа инвест“ кон истата банка која во 2020-тата издаде кредит на компанијата, а има и други пристигнати побарувања кон доверители.Јавното обвинителство за организиран криминал и корупција сè уште спроведува предистрага за тоа како без вложен денар, Ахмети стана сопственик на 39 отсто од акциите на трговскиот центар.

Македонија | пред 11 месец

Обезбедувачот на Мицкоски бил пријавен дека оддава тајни пред да биде уапсен, вознемиреност има и кај Тошковски

Министерот за внатрешни работи, Панче Тошковски, не даде конкретен одговор, какви документи поседувал обезбедувачот на премиерот Христијан Мицкоски којн заврши во притвор во затворот во Шутка. Остана неодгатнато прашањето, кој му ги давал документите, а со оглед дека лицето немало директен допир со службени тајни. Според Тошковски, тоа ќе треба да го покаже истрагата. Познато е дека Ангел Сарамандов, бил пријавен, па постапувала Внатрешна контрола и Обвинителството за гонење организиран криминал.„Многу кривични пријави се поднесени против криминалците во редот на МВР. Така е и во овој случај. Одделот за внатрешна контрола, известил надлежен јавен обвинител, кој се согласил и дал наредба да се спроведат дејствијата ист вечер. Извршени се повеќе претреси, пронајдени се докази во насока на стореното кривично дело, рече Тошковски.Тој посочи дека сите во МВР се вознемирени кога гледаат дека некој криминалец се прикривал со униформа, одговарајќи на новинарско прашање дали тој бил вознемирен кога дознал дека обезбедувач од МВР сторил вакво дело - оддавање службена тајна.

Македонија | пред 11 месец

Се проверуваат и минатите и сегашните структури во МВР, кои помогнале со документи „Пулс“ да добие лиценца и да работи

Истрагата за дискотеката во Кочани е во тек, а се проверуваат како поранешните раководни лица во МВР, така и сегашните. Министерот за внатрешни работи, Панче Тошковски, рече дека Јавното обвинителство го води процесот, а за секој за кого има докази, ќе одговара. Без раководните структури во МВР, било невозможно, дискотеката „Пулс“ да добие дозвола за работа.„Истрагата е во тек. Секој еден кој што без оглед дали сторил или не сторил одредено дејствија, кое има причинско-последична врска со кривичниот правен настан, ќе одговара. Многу прашања се отвораат во јавноста, но сепак, во оваа постапка, во овој момент, носител на постапката е јавниот обвинител. МВР постапува по сите наредби дадени од Јавното обвинителство“, рече Тошковски.Според него, не се постапува неселективно и дека разликата од порано до сега - има разлика.„Оставете да ја завршиме работата“, додаде Тошковски.

Македонија | пред 11 месец

Како да се отстранат Албанците од сите нивоа на власт е точка на лидерската средба, смета ДУИ по најавата за средба Мицкоски-Филипче

Пред лидерската средба меѓу премиерот Христијан Мицкоски и лидерот на СДСМ, Венко Филипче, ДУИ излезе со обвинување дека на средбата ќе биде демонстрирана моноетничка коалиција која има за цел да го преобликува политичкиот модел на државата од мултиетничка во моноетничка демократија.„Предупредувањата на Демократската Унија за Интеграција, денес во 14 часот ќе добијат облик“, велат од ДУИ.Овој план, според ДУИ не е нов, туку е скорен пред три години преку ноторниот договор Мицкоски-Заев пред сѐ како заштитен чадор за транзициската олигархија во земјава.„Планот веќе се реализира преку укинувањето на Балансерот, моноетничкото одлучување на Уставниот суд, но и отстранувањето на Албанците од голем број високи позиции во државната управа. Треба да се напомене дека реализацијата на овој план е невозможен без да се пронајдат „чесните Албанци“ кои треба да обезбедат лажна легитимација за мултиетнички консензус на ова политичко преструктуирање. Го повикуваме целиот политички и неполитички спектар на албанците во државава, вклучително и лидерите на коалицијата ВРЕДИ, заедно или секој посебно, да изразат јасен и гласен револт против овој обид за реструктуирање на државата и да не дозволат да бидат вовлечени во планот за целосна дисквалификација на Албанците од општествените текови“, соопштуваат од ДУИ.

Македонија | пред 11 месец

Што му се заканува на светот по царините на Трамп? „Ова може да предизвика глобална рецесија“

Претседателот на САД, Доналд Трамп вчера објави царини од 10 отсто за целиот увоз во Соединетите држави, како и повисоки царини за некои од најголемите трговски партнери на земјата. За Македонија царините се 33%. Оваа објава претставува интензивирање на трговската војна што започна по враќањето на Трамп во Белата куќа.Неговите советници велат дека царините ќе го вратат стратешки важниот производствен капацитет во САД. Други економисти предупредуваат дека царините може да ја забават глобалната економија, да го зголемат ризикот од рецесија и да ги зголемат трошоците за живот на просечното американско семејство за илјадници долари.Есвар Прасад, професор на Универзитетот Корнел, ги опиша тарифите на Трамп за Сиетл Тајмс како „почеток на нова ера на протекционизам што ќе одекнува низ целиот свет“.Тој посочи дека обемот на овие тарифи ги потврдува стравувањата на поборниците за слободна трговија, што означува големо отстапување од принципите на глобализацијата воспоставени по Втората светска војна.Фајсал Ислам, економски уредник на Би-Би-Си, истакна дека овие царини претставуваат монументален пресврт во глобалната трговија, при што приходите од тарифите на САД достигнаа нивоа невидени речиси цел век. Тој предупреди на можни нарушувања на долготрајните трговски патишта и синџири на снабдување, особено во индустриите како што се автомобилската и фармацевтската индустрија.„Царините за азиските земји се навистина извонредни. Тие ќе ги нарушат деловните модели на илјадници компании, фабрики, а можеби и на цели нации. Некои од синџирите на снабдување што ги создадоа најголемите светски компании веднаш ќе бидат прекинати. Неизбежниот ефект сигурно ќе биде да ги туркаат кон Кина“, пишува Ислам.Според анализите на британскиот тинк-тенк Chatham House, царините на Трамп придонесуваат за раст на цените и инфлаторните очекувања, кои се искачија на највисоките нивоа во последните три децении.Иако тие би можеле да поддржат одредени сектори како што е производството на челик, тие исто така ги загрозуваат работните места во индустриите кои зависат од увезените суровини. Меѓу нив има индустрии кои користат челик.Алан Деардорф, професор по меѓународна економија на Универзитетот во Мичиген, предупреди дека потрошувачите ќе плаќаат повеќе за широк спектар на производи - од електроника до прехранбени производи - поради повисоките увозни трошоци. Тој, исто така, предупреди на можни контрамерки од земјите погодени од царините.„Генерално, можеме да очекуваме трајно повисоки цени и рецесија. Што се однесува до останатиот дел од светот, оние земји кои се во голема мера зависни од трговијата со САД, најочигледно Канада и Мексико, ќе почувствуваат голем удар, а светот веројатно ќе влезе во рецесија. Но, очекувам поголемиот дел од светот да се опорави од тоа пред нас, бидејќи, колку што сме ние, остатокот од светот е многу поголем“, вели изјави Деардорф за универзитетскиот портал.Ројтерс пишува дека во наредните месеци ќе преовладуваат конкретните ефекти од зголемувањето на цените - а со тоа и слабеењето на побарувачката - предизвикани од новите давачки за илјадници производи што секојдневно ги купуваат и продаваат потрошувачите и бизнисите ширум светот.„Ова го гледам како промена на американската и глобалната економија кон послаби перформанси, поголема несигурност и можен пат кон она што можеме да го наречеме глобална рецесија“, рече Антонио Фатас, макроекономист во бизнис школата INSEAD во Франција.

Свет | пред 11 месец