ТОП

Таравари: Сите хоспитализирани се во стабилна состојба, надвор од државата 51 повреден

Таравари во денешниот прес изјави дека сите хоспитализирани пациенти се во стабилна состојба, додека надвор од државата се пренесени 51 повреден. Нема пациенти во Кочани и во Штип.Испрати порака сите што не се пријавиле вчера за преглед, да се пријават денес.Во клинички центар има 49 пациенти, во „8 Септември“ 18 пациенти, стара градска болница 17, додека во регионот и Европа бројот е следниов:Турција: 9Бугарија: 14Грција: 5Србија: 17Унгарија: 2Литванија: 4Во теков на денешниов ден се планира да се упатат уште двајца во Словенија, евентуално уште двајца, потоа во Хрватска четворица, во Австрија 6 и во Србија уште 12.  

Македонија | пред 1 година

Почина возач на брза помош кој цела ноќ ги пренесувал повредените од трагедијата во Кочани

Возачот на брза помош, Иле Гоцевски, кој цела ноќ ги преведувал повредените од пожарот во Кочани, починал утрово.Колегите од Општата болница Кочани, каде што Гоцевски беше дел од тимот, се во шок и неверување. Вчера, како и секој ден, извршуваше свои работни задачи, транспортирајќи пациенти и повредени лица, давајќи го својот максимум за да им помогне на оние на кои им е најпотребно. По напорниот и долг ден, се вратил дома да одмори, но, за жал, не се разбудил.За него сведочат како за пожртвуван и професионален човек, секогаш подготвен да помогне, без оглед на времето и условите. Неговата посветеност кон работата и човечноста што ја покажувал кон пациентите ќе останат запаметени меѓу колегите и сите што го познавале.Оваа ненадејна загуба е тежок удар за неговото семејство, пријателите и колегите, кои денеска се простуваат од него со голема тага. Кочани загуби човек кој животот го посвети на спасување други животи.

Македонија | пред 1 година

Состојбата на Панчо е влошена, ставен е на апарати, објави Ребека

Пејачката Ребека Јанковска Ристески, јави дека состојбата на пејачот на ДНК, Владимир Блажев Панчо од ДНК е влошена. Оваа информација не можевме да ја потврдиме. Според неа, трахеата (орган за дишење) му е многу оштетен.„Панчо мил, не се предавај. Трахеата е оштетена. Вдишал многу топол дим, на апарати е“, напиша Ристески.Тој во текот на вчерашниот ден, по третирањето во Клиничкиот центар Скопје каде беше примен, беше преместен во болницата „Систина“.Од бендот на ДНК досега е потврдена смртта на еден од главните вокали Андреја Горгиевски, клавијатуристот Филип Стевановски, гитаристот Александар Коларов, тапанарот Горги Горгиев и придружниот вокал Сара Пројковска. Игор Велков, тонецот на групата „ДНК“ и бит-боксерот Мартин Атанасовски познато како Мартин Буцо, се исто меѓу загинатите во дискотеката „Пулс“.

Македонија | пред 1 година

Кратка хронологија на пожарот во Кочани - од стампедо, гушење и уривање на кровот загинале 59-те лица

Нови информации за интервенцијата на противпожарните бригади.Не повеќе од 7 минути од добивање на повикот, ТППЕ Кочани со едно навално возило и со тројца од четирите дежурни пожарникари излегува експресно брзо на терен.По самото пристигање на објектот во пламен и согледување на ситуацијата се известува пожарникарот кој останал во база да ја мобилизира цела единица како и да побара помош од соседните градови.Иако во три часот кога обично сите се во длабок сон, пожарникарите веднаш одат во база, каде што со останати камиони излегуваат. Во меѓувреме на помош кон Кочани се упатуваат од ТППЕ Виница кои пристигаат втори по ТППЕ Кочани. На терен доаѓа и ДПД Кочани со две возила, а потоа екипи од ТППЕ Штип, ТППЕ Свети Николе и ТППЕ Пробиштип.Пожарот за релативно краток период е ликвидиран за што говори неофицијалниот податок дека само три тела се изгорени целосно. Во исто време пожарникарите паралелно со гаснење и евакуирале и ваделе починати и живи луѓе, давале и прва помош за реанимција...Најголем дел од луѓето, 95% се пронајдени на самиот влез едни врз други. Сомнежите, кажа директорката на Болницата во Кочани дека се починати од гушење и стампедо. Неофицијално неколку лица (се збори за бројка до 5) загинале од повреди при урнување на кровот од каде што почнал пожарот.

Македонија | пред 1 година

18 повредени од Кочани се во грчките болници - има тројца тешко повредени, едно лице е оперирано

По трагичната несреќа во Македонија и телефонскиот разговор меѓу грчкиот министер за надворешни работи Јоргос Герапетритис и министерот за надворешни работи Тимчо Муцунски во неделата наутро, со координирани акции на министерствата за надворешни работи, здравство, цивилна заштита и грчката служба за итна медицинска помош, Грција ги презеде сите чекори побарани од Европскиот механизам за цивилна заштита, велат владини извори.Вкупно 18 повредени ќе бидат згрижени во болницата Папаниколау во Солун и во воените болници во Атина и Солун.Три тешко повредени лица на возраст од 25, 25 и 19 години веќе се лекуваат во болницата Папаниколау со големи изгореници, од кои на едното веќе му е извршена операција.Претходно:

Македонија | пред 1 година

Во Кочани ќе се одржи протест во 13 часот, по трагедијата каде загинаа 59 лица

По трагичната несреќа во Кочани, во која загинаа над 59 наши сограѓани, на социјалните мрежи веќе кружат апели и се најавува протест во 13 часот во Градскиот парк.„Овој протест е израз на длабока болка и револт за загубените животи, но и за состојбата во која се наоѓаме како општество. Не можеме да ги вратиме нашите мили сограѓани, но сме должни да се бориме во нивна чест и за нив да го смениме овој неефикасен систем кој не обезбедува сигурност, благосостојба и праведност.Граѓаните бараат конкретни промени. Ќе се борат за град без партиски вработувања, за институции кои функционираат, за полиција која е тука за нас, за инспекциски служби кои ќе ги вршат своите обврски, за јавни простори кои ќе бидат безбедни и чисти. Протестот е за правдата, за секој од нас, за секоја жртва која што ја изгубивме и за сите нас кои го живееме овој град секој ден.Потребно е да се преиспита регуларноста на сите угостителски објекти, особено пицериите кои ги проширија и легализираа своите тераси на нелегален начин. Кафулињата кои ги проширија своите објекти низ цел трговски простор, и колите паркирани по тротоарите, кои ја блокираат пешачката патека, создаваат опасности за нас. Не смееме да ja заборавиме ниту дека не се почитува забраната за фрлање отпад од другите општини на депонијата, каде што со полициска придружба се дозволи да се фрла отпад на истата“, стои во објавата.

Македонија | пред 1 година

(Видео) Осум повредени од Кочани се во тешка состојба, во Софија се борат за нивните животи

Вкупно осум лица повредени во пожарот што избувна во дискотека во Кочани се хоспитализирани во Универзитетската болница „Н. И. Пирогов“ во Софија, изјави на прес-конференција директорот на болницата, д-р Валентин Димитров.Меѓу примени пациенти има тројца малолетници – две девојчиња и едно момче, додека останатите се четворица мажи и една жена, на возраст од 22 до 25 години. Највозрасниот пациент има 31 година.Состојбата на сите пациенти е тешка, со изгореници на телото, горните екстремитети и лицето, како и на горните и долните дишни патишта, што дополнително ја комплицира нивната здравствена состојба. Според д-р Димитров, тројца од пациентите се интубирани, додека за останатите ќе биде направена дополнителна медицинска проценка и терапевтски план.– Ќе биде направено сè што е потребно, болницата располага со сите неопходни ресурси, нагласи тој. Додаде дека сите пациенти биле донесени во тешка состојба на термички шок, што е сериозна закана за организмот, независно од брзината на лекарската интервенција.Центрите за снабдување со крв во Софија, Пловдив и Стара Загора одговорија на потребите на болницата за крв, но д-р Димитров упати апел дека крводарувањето не смее да запре и останува постојана потреба.– Сега претстојат средби со семејствата на пациентите кои беа транспортирани од Кочани, додаде тој.Шест други повредени лица се примени во Воената болница во Варна и во болницата „Св. Георги“ во Пловдив.

Македонија | пред 1 година

Згрижени се над 140 пациенти од дискотеката во Кочани - лицата префрлени во странство се во стабилна состојба

Министерството за здравство информира дека од раните утрински часови во Клиничкиот центар функционира Кризниот штаб, во тесна координација со Министерството за внатрешни работи и Министерството за надворешни работи. Тимовите на здравствените установи се целосно ангажирани за обезбедување на соодветна медицинска нега, а состојбата на сите пациенти се следи внимателно, при што се спроведуваат конзилијарни одлуки за натамошните медицински постапки.Во текот на денешниот ден, згрижени се над 140 пациенти, распределени во здравствените установи низ земјата на следниов начин:• Клинички центар – 20 пациенти• ГОБ „8 Септември“ – 20 пациенти• Универзитетска клиника „Св. Наум Охридски“ – 21 пациент• Клиничка болница Штип – 20 пациенти• Општа болница Кочани – 7 пациенти• Клиника за токсикологија – 2 пациентиПокрај медицинската грижа во земјата, дел од пациентите се префрлени во здравствени установи во странство, како резултат на меѓународната поддршка и соработката со партнерските земји:• Република Турција: 3 пациенти пристигнаа во Истанбул, а дополнителни 6 пациенти се очекува да пристигнат во Анкара до полноќ.• Република Бугарија: 14 пациенти се хоспитализирани.• Република Грција: 4 пациенти се згрижени.• Република Србија: 5 пациенти се веќе хоспитализирани, а дополнителни 12 пациенти со воен авион се на пат кон Белград.• Република Хрватска и Романија: Очекува се во текот на утрешниот ден да бидат испратени по 4 пациенти во секоја од овие земји.• Република Словенија, Унгарија и Австрија: Во текот на утрешниот ден се очекува овие земји да испратат медицински авиони за транспорт на пациенти.Сите пациенти кои се префрлени во странство се во стабилна состојба и под континуирана медицинска нега.Како дополнителна поддршка во справувањето со кризата, во земјата пристигна медицински тим од ВМА Белград, а се очекуваат и медицински тимови од Чешка, Израел и Белгија, кои ќе се приклучат на напорите за обезбедување соодветна здравствена грижа.За сите информации поврзани со состојбата на пациентите кои се наоѓаат во странство, како контакт лице е именуван Проф. Д-р Игор Николов, кој е достапен на телефонскиот број: +389 72 270 648.Министерството за здравство останува во постојана комуникација со сите надлежни институции и меѓународни партнери за натамошна координација и поддршка.

Македонија | пред 1 година

Тоше отишол во дискотеката да го прослави раѓањето на синот, но не успеа да се спаси од пожарот

Триесетгодишниот Тоше Богданов е еден од 59 загинати во пожарот во кочанската дискотека „Пулс“. Пријателите на Богданов сведочат дека тој излегол со своите пријатели заеднички да го прослават раѓањето на неговиот син.Богданов кој бил од Облешево, работел како автомеханичар и живеел со сопругата, која според неофицијални информации се породила пред неколку дена.„Тоше доби син и излезе да го прослави раѓањето на своето дете со пријателите. Сакаше да ги почести пријателите и отиде во диско, а сега го нема“, изјави за Информер извор запознаен со случајот.Во пожарот во дискотеката „Пулс“ загинаа 59 лица а над 150 се повредени. Најмладата жртва имала само 14 години.

Македонија | пред 1 година

Најнова информација: Обвинителството до овој момент поведува постапка на проверки за вкупно 11 лица, 3 се во тешка состојба

Обвинителството до овој момент поведува постапка на проверки за вкупно 11 лица.„Од нив предлог за краткотраен притвор е веќе поднесен за 8 лица, додека останатите 3 се уште се хоспитализирани во потешка здравствена состојба. Постапката во однос на нив ќе продолжи веднаш кога состојбата ќе им се подобри. Дејствија продолжуваат да се преземаат за испитување на одговорност на повеќе лица“, велат од Обвинителството.

Македонија | пред 1 година

(Видео) Додека Македонија плаче, настан за дрифтање се прави кај СЦ „Борис Трајковски“, има десетина судири

Директорот на спортскиот центар „Борис Трајковски“ објави снимка од пред салата, каде што според него, се одржува настан за дрифтање со 300 возила. Кај него, пријавиле дека ќе снимаат спот. Од дрифтањето има десетина судири и штети.„Срам и арам! На ваков тажен ден, кога цела земја плаче по 60 загинати деца, некому текнало да организира дрифт настан со над 300 возила, а пријавиле „снимање спот". При тоа, причинети десетина судари и штети на паркингот на СЦ „Борис Трајковски". Ова ниту сум го дозволил, ниту некогаш ќе го дозволам! Благодарност до МВР и ПС Карпош за брзата реакција и растерување на овие несовесни граѓани, по пријавата од мене како директор на СЦ „Борис Трајковски". Апел до сите граѓани да ги почитуваме деновите на жалост и да се однесуваме најчовечки. Жртвите и нивните семејства заслужуваат спокој и почит“, напиша Апостоловски.

Скопје | пред 1 година

Ова се деталите: Големи пропусти во дискотеката каде загинаа 59-лица, се бара краток притвор за 10 лица

Десетици пропусти се пронајдени во првите часови од увидот во дискотеката каде загинаа 59-лица. Републичкиот јавен обвинител, Љупчо Коцевски кажа дел од нив посочувајќи дека „пропустите се навистина многу големи“. Краткорочен притвор ќе се бара за 10 лица.„Од увидот на јавните обвинители, заедно со инспектори на ДЗС беше констатирано дека објектот немал хидрантска мрежа ниту хидрант во близина, имало само два ПП апарати, имало само една импровизирана метална врата, која била заклучена со катанец и без квака од внатрешна страна, а обложена со сунѓер. Немало пристап за противпожарни возила од две страни. На ѕидовите немало противпожарно отпорен материјал, немало врати со противпожарна отпорност, ниту систем за кочење на вратите, ниту систем со јак звучен сигнал за сигнализација на гостите. Во објектот противзаконски биле користени пиротехнички материјали, без друштво за палење на пиротехничките материјали. На лице место бил присутен и државен инспекторат за урбанизам, по што констатирано е дека објектот е регистриран како деловен објект за лесна индустрија. Не е извршена пренамена на објектот во угостителски објект. И покрај тоа што за објектот нема пренамена, истиот има дозвола за работа од Министерство за економија за угостителски објект издадена пред 15 години“, рече Коцевски.Увидот ќе продолжи и утре.„Беше наредено да се апси секое лице кое што со своето постапување или непостапување придонело за настаност и да се испита неговата улога. Беше дадена наредба за анализа на одземени предмети. Беше издаден предлог за издавање на наредба за привремено одземање на видео запис и документација. Беше издадено барање за претрес. Во текот на денешниот ден, од страна на јавните обвинители, беше извршен увид на лице место, траеше до вечерните часови и се уште не е завршен. Ќе продолжи и утре. Во текот на утрешниот ден, од моја страна ќе ангажирам од три до пет јавни обвинители од скопското обвинителство, оти е сложен предмет“, рече Коцевски.Краткотраен притвор ќе се бара за дел од лицата кои сега се задржани во полициска станица.„Сослушан е еден од првите осомничените, тоа е еден од организаторите. Тој даде одредени релевантни докази. Нема писмен договор помеѓу организаторот и од страна на групата, односно за организирање на концертот. Можам само да кажам дека може евентуално да се работи за кривични дела од член 292, за давање и примање поткуп и за пиротехничките средства. Лицата постапувале спротивно на правилата за мерките за заштита“, додаде Коцевски.

Македонија | пред 1 година

Мицкоски најави морална одговорност: Ќе има решителни одлуки, на кои јавноста не е навикната

Со едноминутно молчење започна прес-конференцијата на премиерот Христијан Мицкоски. Рече дека наредните денови ќе има и морална одговорност за несреќата.„Ќе има решителни одлуки, на кои јавноста не е навикната“, рече Мицкоски.Осврнувајќи се на обвинувањата од СДСМ, Мицкоски рече: „Ова е битка помеѓу чесните и нечесните од сите партии“.„Потребна е демонстрација на морална одговорност. Многумина велат знаат граѓаните дека владата е нова. Но без разлика на тоа, ние мора да бидеме пример, и мора да има морална одговорност. Јас по ова прашање немам дилеми, ни ќе калкулрирам. Не ми е потребна власт по секоја цена. Тука сум преку личен пример да демонстрирам.. Во следните денови ќе има низа мерки, активности кои ќе значат многу за семејствата. Ви го должам вам, на семејствата на загинатите“, рече Мицкоски.„Во сето ова што ни се случува и случи најпрво мора да има кривична одговорност за сите инволивирани, без разлика од која партија, институција, на кое место. Кога станува збор за одговорност, нема да има милост“, додаде Мицкоски.Тој рече: „Или ќе нѐ биде овојпат, или нема да постоиме“.Мицкоски

Македонија | пред 1 година

(Видео) Тензично е во Кочани, семејствата ги бараат телата на починатите

Во Кочани е тензично.Дел од родителите чии деца во текот на изминатата ноќ загинале во пожарот во дискотеката бараат нивните тела да им бидат предадени веднаш, да не се чека натамошна обдукција.

Македонија | пред 1 година

Владата по трагедијата во Кочани донесе неколку важни одлуки

Владата ја започна денешната седница со едно минутно молчење со цел да им се оддаде почит на трагично загинатите лица во трагедијата во Кочани.На денешната вонредна владина седница по трагичниот настан во Општина Кочани каде во несреќен случај при пожар на дискотека животот го загубија 59 млади лица, а над 100 луѓе се хоспитализирани и им се укажува лекарска грижа, Владата донесе одлука за прогласување на 7 дневна жалост на територија на целата држава. Секој да се придржува до одлуката, бидејќи казните за непочитување ќе бидат ригорозни. Во овие денови Министерството за надворешни работи ќе отвори книга на жалост во рамки на министерството за огромната несреќа која се случи.Исто така, на владината седница се донесе одлука со која се задолжува Државниот пазарен инспекторат во наредните три дена да изврши вонреден инспекциски надзор врз угостителски објекти (кабаре, ноќен клуб, дискотека и дискотека на отворен простор), на територијата на Република Северна Македонија и за наодите од надзорот веднаш да ја известат Владата, за да се утврди фактичката состојба дали истите работат според стандардите ги исполнуваат условите согласно законите и прописите на државата.Влада донесе заклучок за активирање на механизмот за барање на меѓународна помош.Воедно, Владата ја информира јавноста дека во соработка со Министерството за внатрешни органи и другите институции надлежни за целосно расчистување на случајот се прибираат материјални докази и дека секој еден којшто е инволвиран во овој трагичен настан и свесно придонел за загрозување на човечките животи ќе биде изнесен пред органите на правдата и соодветно ќе одговара.Никој не е над законот.Изразуваме длабоко сочувство до семејствата на жртвите, во овој трагичен настан не постои збор кој може да ја ублажи болката за ненадомесливата загуба.Целиот здравствен и медицински тим во сите здравствени установи е на располагање и пружи здравствена нега и помош за брзо закрепнување на повредените.Водно, во овие исклучително тешки и тажни моменти за целиот македонски народ, замолуваме да не се политизира случајот, за институциите да можат навремено и соодветно да го расветлат случајот.Ниту една информација нема да биде скриена од очите на јавноста.

Македонија | пред 1 година

(Видео) Меѓу загинатите има тројца малолетници, а 20 се повредени - 22 лица се во критична состојба

Министерот за внатрешни работи, Панче Тошковски, кажа дека меѓу загинатите има тројца малолетници. Тој посочи дека 22 лица се во критична состојба.„Досега се утврдени 20 малолетни лица, и три починати малолетни лица. Во дискотеката имало негде, според првичните информации околу 500 лица, околу 250 лица се продадени согласно информациите кои ги имаме. Имињата на починатите, по завршување на идентификацијата ќе бидат доставени до семејството. Идентификувани се најголем дел од жртвите. Сите тела се извадени од лице место. Во критична состојба имаме 22 лица, дел ќе бидат пренесени во Бугарија, дел во Турција, дел во Грција“, рече Тошковски.

Македонија | пред 1 година

(Видео) Уапсени повеќе од 20 лица, меѓу кои организатори на кобната забава во дискотеката во Кочани

Министерот за внатрешни работи, Панче Тошковски соопшти дека 20 лица се уапсени. Дискотеката имала две нелегални лиценци, кои биле фалсификувани. Истите се издадени во 2024 година.„МВР до овој момент, во врска со овој кривично правен настан има осомничено повеќе од 20 лица. Околу 15 лица се во полициска станица. Дел од осомничените се починати, дел се во болница. Четири лица имаме обезбедено во болница, два члена на бендот, син на сопственик на дискотека, и управител на правното лице кое ја менаџирало дискотеката. Дел од приведените лица кои се во полициска станица, се луѓе кои имаат директна вина во врска со овој крвично правен настан, согласно доказите кои ги имаме собрано. Имаме приведено едно лице кое е организатор на настанот и за кое имаме сомнение дека има директна вина поврзани со овој настан. Исто така, приведени се, поранешен државен секретар во Министерството за економија, поранешен раководител на еден сектор од Министерството за економија. Имаме приведено поранешен директор на Дирекција за заштита на спасување и тројца вработени во рамки на дирекцијата. Дел од приведените во Кочани се луѓе кои биле организатори“, рече Тошковски.Тој додаде дека разговор е извршен со 25 лица, кои биле сведоци. Потоа, кажа и за лиценцата.„Легална лиценца за работа, оваа фирма нема. Не би сакал да откривам детали во рамки на оваа истражна постапка. И оваа лиценца, како и многу други работи е поврзана со мито и корупција. И сакам и напоменам на македонската јавност, дека за разлика од претходно, во овој случај имаат име и презиме сите вклучени во рамки на нелегалното издавање на лиценци и ќе одговараат“, додаде Тошковски.

Македонија | пред 1 година

Загина и Андреј од „ДНК“

Андреј Ѓорѓиески, познат Акако ндреј од „ДНК“, е еден од загинатите во клубот „Пулс“ во Кочани. Тој е една од 59-те жртви во страшната трагедија. Има и други лица во многу тешка состојба и за жал, се очекува оваа бројка да се искачува.Владимир Блажев-Панчо има изгореници на лицето и рацете, и е на кислородна поддршка. Тој засега е вон животна опасност.Досега потврдена е смртта и на музичарот Филип Стевановски од Куманово, кој е член на бендот на дуото ДНК.Претходно беше објавено дека загина и тапанарот на групата ДНК.

Македонија | пред 1 година

Почина фудбалерот Андреј Лазаров по здобиените повреди од трагедијата во Кочани

Во пожарот во кочанската дискотека почина и младиот фудбалер на Шкупи, Андреј Лазаров. Тој беше меѓу повредените во болницата во Штип, но за жал состојбата му се влошила и тој починал.Според информациите, тој се здобил со изгореници кои на крајот се покажале како претешки за да преживее.Неговиот клуб претходно објави дека тој е надвор од животна опасност, но ситуацијата подоцна се променила и за жал им подлегнал на повредите. Металург, Работнички и Тиквеш беа клубовите за кои настапуваше во Македонија, додека во Хрватска беше дел од Рудеш и Горица.

Македонија | пред 1 година

Како дискотеката во Кочани со блокирана сметка организирала концерти?!

Фирмата „ММММ кафе ДООЕЛ“, носител на лиценцата за „Клуб Пулс“ во Кочани, каде загинаа 59 лица, е со блокирана сметка, покажуваат информациите од „Бизнис мрежа“, софтвер кој црпи информации од Централниот регистар. Ова го отвора прашањето, како оваа фирма продавала карти, но и пијачки на присутните во клубот, каде се случи големата трагедија. Фирмата е основана во 2020 година.Според лиценцата издадена од Министерството за економија, објавена од ТВ21, фирмата ја добила лиценцата на 13.03.2023 година, од државниот секретар Размена Чекиќ Дуровиќ. Не се знае дали е истечена или не.Претходно, беше објавено дека објектот каде била дискотеката, порано бил магацин за теписони. Како била направена пренамена - останува непознато. Соодветноста на објектот го проверуваат и од МВР, бидејќи во дискотеката имало стотици гости, а имало еден влез, кој бил тесен и мал.Од кочанската болница веќе известија дека последицата за смртта кај повеќе лица било токму стапедото на излезот од објектот.Министерот за внатрешни работи, Панче Тошковски, кажа дека под истрага се и тие кои ја издале лиценцата за дискотека, како и инспекциските служби кои требало да го контролираат работењето.

Македонија | пред 1 година

(Видео) Четири лица се бараат со потерница, десетина повредени раскажале што се случило во дискотеката

Четири лица се бараат со потерница, а кои се поврзуваат со дискотеката „Пулс“ во која загинаа 59 лица. Министерот за внатрешни работи, Панче Тошковски, рече дека се анализра сѐ, како во делот на градежно-техничка документација, како за предуслови за ставање во функција на таков објект, како во делот на лиценци, постапувањето додека траел настанот, обезбедувањето.„Извршени се разговори со над десет лица хоспитализирани во скопските болници. Извршен е разговор и со еден од членовите на бендот ДНК. Распишана е потерница за 4 лица. Во овој момент се постапува и во Министерството за економија, од каде се обезбедува документација поврзана со предметната дискотека како и лица поврзана со истата“, рече Тошковски.

Македонија | пред 1 година

(Видео) Се искачи бројот: 59 загинати во дискотеката „Пулс“, меѓу нив и полицаец на должност

„Починати се 59 лица, а 39 се идентификувани. Животот го загубил и полициски службеник, од Пробиштип, кој постапувал при претходно изготвен план за контрола објекти“, вели министерот за внатрешни работи, Панче Тошковски.Четири жртви се од Штип, 31 се од Кочани. Повредени се 155 лица, истите се наоѓаат низ повеќе болници низ државата.

Македонија | пред 1 година

Кој дозволил дискотека во трошен објект во поранешен магацин за теписони?

Објектот во кој работела дискотеката „Пулс” во Кочани, во кој според досегашните информации има 51 загинато лице, ги нема основните услови за работа.Дискотеката работи веќе 12 години, бил стара градба и несоодветна за дејноста.Овој објект бил магацин за теписони, но од општината добил дозвола да ја врши дејноста и да функционира дискотеката.Од општината не даваат информации кој и под кои услови ја продолжувал дозволата за работа и дали биле вршени инспекции.Сменети се неколку сопственици , а сегашниот секогаш бил дел од сопственичката структура на дискотеката.Сопственикот на дискотеката е веќе приведен.

Свет | пред 1 година

(Видео) 18 настрадани од Кочани се во критична состојба, меѓу нив и малолетници

Досега, 18 лица кои настрадаа во дискотеката „Пулс“ во Кочани се во критична состојба. Меѓу нив и малолетници. Ова го соопшти министерот за здравство, Арбен Таравари. Тој посочи дека се координираат и со земјите од соседството, за ако има потреба, да се префрлат таму на лекување.„За жал има и малолетни хоспитализирани лица. Во критична состојба има и малолетници. Ќе излеземе со официјален телефонски број, каде родителите ќе можат да добијат информации“, рече Таравари.Тој посочи дека има кризен штаб и ќе има постојана комуникација со медиумите.

Македонија | пред 1 година

(Видео) Сведоштво на девојка која се спасила од дискотеката во Кочани

Девојка повредена во големиот пожар во дискотеката „Пулс“ во Кочани, сведочеше за големата трагедија.„Наеднаш изби голем пожар, сите почнаа да трчаат надвор, сите гледаа да си ги спасат животите. Никој не беше свесен, испогорени тела. Сите се под стрес. Сестра ми е изгубена, не можеме да ја најдеме во никоја болница. Чекаме резултати дали ќе ја најдеме“, вели девојката.Девојката има повреди, мал оток на лицето и коленото, паднала при излегување и била изгазена.

Македонија | пред 1 година