ваташа

(Видео) Се навршуваат 82 години од стрелањето на 12-те младинци во Ваташа – вечен симбол на отпорот и жртвата

На денешен ден, пред 82 години – на 16 јуни 1943 година – во близина на селото Ваташа, фашистичкиот окупатор безмилосно ги стрелаше 12 македонски младинци. Тие беа симбол на младешкиот порив за слобода, на отпорот против фашизмот и на жртвата за татковината.Младите, на возраст меѓу 15 и 25 години, беа уапсени и под лажно изговорени причини изведени над селото, каде што беа масакрирани. Без суд, без милост – само затоа што ги сакале правдата и слободата. Злосторството било извршено од бугарски фашистички единици, кои во тој период го тероризирале регионот.Овој настан остави длабока рана во колективната меморија на македонскиот народ. Но, од болката се роди и отпор – а Ваташа остана врежана како симбол на младешкиот идеализам и храброст. Стрелањето ги обедини селаните, македонските патриоти и антифашистичкиот фронт, кој сѐ посилно пружаше отпор во годините што следеа.Денес, 82 години подоцна, Македонија се сеќава. Делегации, ученици, ветерани и граѓани се поклонуваат пред Спомен-костурницата, каде што се врежани имињата на младинците. Секоја година, овој ден служи како потсетник – дека слободата не е подарена, туку изборено право, и дека младите имаат сила да го променат текот на историјата.Слава им на 12-те младинци од Ваташа! Нека нивната жртва биде врежана вечно во меморијата на нацијата.

Македонија | пред 6 месеци

Јанчев: Во чест на ѕверски убиените деца во Ваташа отворивме 12 бисти, знаеме да простиме, но простување со извинување и поклон пред бистите

Денеска 16 јуни 2023 година го чествуваме 80 години од ѕверското стрелање на 12 деца токму тука на ова место Моклиште од бугарскиот окупатор на ѕверски свиреп начин беа убиени 12 деца. Во нивна чест и во јубилејни 80 години од стрелањето општина Кавадарци заедно со Советот на Општината во програма изготви 12 бисти. Денес беа свечено отворени, а исто така се отвори и спомен соба во чест на децата кои беа стрелани 1943 година на 16 јуни, вели Митко Јанчев.„Спомен собата има повеќе намени, или има, преставени се делови од животот на децата, во делот на нивното стрелање, во делот на градење на споменик од 1961 година и содржи нивни лични документи од самиот живот меѓутоа и посмртно од самите деца.Денес гордост е дел да си од Ваташа, гордост е да си дел од Кавадарци зошто овие деца го дале животот за слобода на Република Македонија, тука заедно со ваташани, кавадарчани, со повеќе наши граѓани и политичките партии заедно да го прославиме овој ден за да ја градиме иднината на основа на минатото и она што значи 80 години од ѕверското стрелање на овие 12 младинци. Сите немале ниту 120 години заедно на денот на нивното стрелање, а тоа е еден човечки живот кој го има живеено еден човек. Така да, да се убие дете, да се стрелаат 12 деца е незаборавен чин. Меѓутоа ние сме народ, христијански православен кој знае да проштева, меѓутоа прошката ја бараме со она што значи извинување и поклонување токму пред овие бисти и споменик.Да живее Ваташа! Да живее Република Македонија“, додаде тој.

Македонија | пред 2 години

Одбележани 80 години од невидениот масакр врз дванаесет млади Македонци од селото Ваташа

На денешен ден, на 16 јуни 1943 година, пред 80 години, за време на Втората Светска Војна, беше извршен масакр врз дванаесет млади Македонци од кавадаречкото село Ваташа.Со цел да се спречи народно-ослободителното движење во Македонија, бугарскиот фашистички окупатор во близина на Моклиште кај месноста Чаир, на 12 километри од Ваташа стрела 12 млади Македонци од селото Ваташа, кавадаречко, на возраст од 15 до 27 години возраст.Дванаесетте убиени млади Македонци од селото се: Перо Видев (15), Ванчо Гурев (19), Данко Давков (18), Илија Димов (18), Ристо Ѓондев (18), Блаже Ицев (20), Пане Мешков (18), Герасим Матаков (18), Ферчо Попѓорѓиев (26), Васо Хаџиjорданов (28), Диме Чекоров (20) и Пане Џунов (18).„Во предвечерието на најголемиот масакр во Втората светска војна, кога свирепо беа стрелани 12 Ваташки младинци, жителите на селото Ваташа вечерва со пригодна програма ќе им оддадат достојна почит на младите животи кои го дадоа својот живот за татковината.Да не се повтори...Да нема ваков настан...Да не се заборави!“ напиша градоначалникот на Кавадарци, Митко Јанчев на Фејсбук.

Македонија | пред 2 години