ВЕЛЕС

Малолетник и малолетничка завршија во болница откако имаа несреќа во Велес при управување на мопед

На 10.07.2024 околу 21.40 часот во СВР Велес било пријавено дека на ул.„Вардарска“ во Велес, мопед со велешки регистарски ознаки, управуван од малолетник, паднал на коловозот.Во несреќата со тешки телесни повреди се здобила малолетна сопатничка, а возачот на мопедот се здобил со телесни повреди, констатирани во болница во Велес.Увид на местото извршила увидна екипа од СВР Велес.

Македонија | пред 1 година

Велес ќе биде зафатен од невреме со град, дожд, ветер

Од УХМР известуваат дека подрачјето на Велес ќе биде зафатено од невреме.Според ЦУК, тоа ќе биде проследено со интензивен пороен дожд, грмежи, силен ветер и можна појава на град.Се алармира на внимателност.

Македонија | пред 1 година

Левица: Градскиот стадион во Велес претворен во змијарник

Политичката партија Левица објави видео до градскиот стадион во Велес за кој велат дека е претворен во змијарник.„Колкава е грижата за спортот и спортските терени на актуелната локална власт покажуваат спортските игралишта и терени.Наместо спортски терени полни со деца и младинци кои ќе ги користат за спортување и рекреација, тие пропаѓаат поради негрижа и неодговорно постапување од страна на надлежните претпријатија.Градскиот стадион е претворен во ЗМИЈАРНИК обраснат со трева, дрвја и грмушки, поради што е опасно место за секој посетител.Во денешната посета на стадионот, за да се увериме во лошата состојба пред нас се појави змија!!Лажната предизборна пропаганда на Градоначалникот Марко Колев секој ден се повеќе се обелоденува со поставување на неадекватни директори кои не можат да ги решат проблемите со кои се соочуваат претпријатијата и објектите во нивна надлежност.Ги прашуваме директорите на ЈП Парк-Спорт и паркинзи, Зоран Јаневски и директорот на ЈКП Дервен, Горанчо Наунчев, чија одговорност е одржувањето на овие терени⁉️Дали сте запознати со опасностите на кои се изложени граѓаните⁉️Кога мислите да почнете да работите во полза на градот во обезбедување на минимални услови за функционирање на објектите кои треба да бидат во служба на граѓаните⁉️“, велат од Левица.

Македонија | пред 2 години

Нема фотографија

„Тој ќе излезе за пет години, може и за помалку, Магдалена дали ќе излезе од онаму каде што е“, реагираат граѓаните по намалувањето на казната

Апелациониот суд од Скопје му ја намалил затворската казна од 18 на 8 години на возачот Ангелче Николов (28) од Велес, кој лани на пешачки премин во Велес усмрти 11-годишно девојче и избега.Граѓаните реагираа на социјалните мрежи во врска со намалувањето на казната.„Ова се последиците на назначување судии и обвинители по слободен избор од гостите по чајџилниците во западна Македонија“, вели поранешниот обвинител Војо Димоски.„Пијан со мерцедес, со 120 км на саат, удира во Магдалена 11 годишна и бега од местото на несреќата. Ја убил.Значи не бил доволно пијан да не знае шо направил. Избегал без да се обиде да и помогне, што му е должност. Ко двапати да ја убил.Само 8 години затвор?Па тој ќе излезе за пет. Може и за помалку.Магдалена дали ќе излезе од онаму каде што е?Дали било кој од нејзините блиски ќе излезе од таму? Пошо и они ко да се умрени сега.Тоа е убиство од небрежност.Во Скопје се тркаат дење и ноќе по партизанска, по 8 септември.Пешачки, црвено?Нема тоа за нив.Сега и овие со електричните тротинети станаа опасни по живот. И по својот и по туѓите.Има патека тој вози ноќе без светла по пешачката. А по неа деца, мајки со колички, таа будалата на тротинет шиба, бесшумно. Додека не убијат некого. Тогаш ќе ви текне да ги регулирате. Не знаеш веќе што ќе те удри надвор. Кола, точак или будала на електричен тротинетЕбаве башибозукот од држава“, вели Тасевски.„1. Усмрти дете.2. Удри во мајката на детето која имаше повреди.3. Возеше пијан.4. Возеше со над дозволена брзина.5. Не застана на пешачки.6. Не укажа помош.7. Беше во бегство три дена.—-1. Неосудуван.2. Признал вина и ја забрзал постапката.3. Изразил каење и ветил дека нема да се повтори.4. Неженет и без оформено потесно семејство.Намалена казна од 18 на осум години затвор.Народ гледа“, пишува Ландов.„Олеснителна околност било то шо не бил женет и ветил дека нема да му се повтори?!Што нема да му се повтори? Бегството или убиството? Или само еден ден ќе се крие следниот пат?Од друга страна, среќа девојчево се изнаживеа, се мажи, деца имаше...кај живејме еееј“, пишува Иљче Затаркоски

Коментари | пред 2 години

Тале од Велес му се јавил на Јанаки по изјавата дека сака да го гони за измама

Адвокатот Јанаки Митровски најави тужба за измама за велешанецот Тале Витанов кој е во фокусот на јавноста поради тоа што лажно се претстави во емисијата „Срце на дланка“, па се собираа донации за да му се помогне.-Преварантов од Велес би да го гонам за измама. Ако има заинтересирани кои донирале пишете ми, објави Митровски на Фејсбук.За краток период во коментари доби поддршка, но и луѓе кои бараат одговорност и од новинарите на самата емисија.По неколку часа, на Фејсбук повторно се огласи адвокатот Митровски.„И со цел памет Трајче коцкарот ми се јави. Не ме личело, адвокат сум бил.“– Може ли да ме сослушаш?, го прашал тој, по што добил одговор:– Не – пишува познатиот адвокат

Коментари | пред 3 години

Тале од Велес лажел дека е самохран татко, па со пари од донации се коцкал

Тале Витанов од Велес ја измами цела Македонија, а хуманоста на бројни добри луѓе е злоупотребена. Ова утрово се споделува на сите социјални мрежи.Имено, револрирани граѓани велат дека ја откриле измамата овој велешанец за кој јавноста дозна до емисијата „Срце на дланка“.Инфлуенсерката Миа Костова се огласи на фејсбук по повод овој случај. Вели донирала, но и побара одговорност од „Срце на дланка“.-Апелов го објавивме мислам дека сите! Никогаш не сум кажала кога донирам, ама еве сега ќе кажам дека во истиот момент префрлив пари на сметка. Се испостави дека се работи за коцкар, кој дреме по кладилници, своевремено освоил џекпот на апарати од 26.000 евра, со сопругата не е разделен, го гледаат низ Велес, самохран татко бил за потребите на снимањето. Од вакви приказни утре нема да донира некој кај што е навистина потребно. Јавно барам одговорност од Срце на дланка со она малку новинарско искуство што го имам, како снимаат сторија ако цел Велес знае за каков човек се работи, а тие на еден повик одат и прават приказна која вклучува и деца кои судејќи по трпезата и расположението на Тале, не се баш гладни. Срамота! - напиша револтирано Миа.

Македонија | пред 3 години

(ФОТО) Другарчињата се простуваат од загинатото девојче од Велес: Магдалена, многу ќе ни фалиш

Трогателни пораки со кои другарчињата се простуваат од Магдалена, се објавени на социјалните мрежи.Родителите чии најмлади се другарчиња на девојчето од Велес кое беше прегазено и усмртено, прашуваат:„Како да му кажеш на 11 годишно дете дека другарка му веќе ја нема, како да му го скршиш срцето на милион парчиња и после да бараш начин да ги залепиш, а и самата знаеш дека никогаш веќе нема да е исто? Како да ги задржиш солзите кога син ти ти вика: 'Имам дупка кога дишам, како да фали дел од мене...'' Пријатели, велешани, денес во 15:00 часот кој милува нека дојде на местото на немилиот настан, во знак на сочувство и љубов кон семејството, но и во знак на бес и револт кон проклетникот кој не се ни свртел позади себе... Мило дете, играта со соучениците пребрзо ја замени со игра со ангелите на небото, бескрајно ќе им недостасуваш на твоите VI-5“.Пораките на другарчињата на загинатото девојче:

Македонија | пред 3 години

Тракторист од Велес осомничен за напад врз полицајци

Основното јавно обвинителство Велес поведе постапка против лице на возраст од 63 години за кое постои основано сомнение дека сторило две кривични дела – Напад на службено лице при вршење работи на безбедноста од чл.383 ст.2 в.в.ст.1 од Кривичниот законик.На 23 август, осомничениот нападнал двајца полициски службеници од СВР Велес, нанесувајќи им телесни повреди. Откако управувајќи трактор не сопрел на зададените звучни и светлосни предупредувања од полицајците, туку продолжил да се движи кон индустрискиот дел од градот, оштетените со полициско возило го стигнале.На знак од еден од оштетените со светлечка палка СТОП и гласно упатено барање да запре, осомничениот свртел со тракторот во лево и продолжил да се движи во правец директно кон оштетените. Со тракторот удрил најпрвин во едниот, а потоа и во другиот полициски службеник. Полицајците се обиделе да го запрат, но тој продолжил да ги удира со боксови. Кога конечно успеале да го совладаат, им се заканил дека ќе го запаметат, како и дека ќе ги уништи нив и нивните семејства.Бидејќи постои опасност осомничениот да се даде во бегство или да го повтори делото, особено со оглед на упатените закани кон оштетените, јавниот обвинител достави предлог на осомничениот да му се определи мерка притвор. Судијата на претходна постапка од Основен суд Велес го прифати предлогот и на осомничениот му определи притвор во траење од 8 дена.​​

Македонија | пред 3 години

Левица поднесе барање за инспекциски надзор за модната конфекција „Стоби“ од Велес

Модната конфекција „СТОБИ” од Велес повторно го злоупотребува Законот за работни односи и ги крши правата на работниците. Во Левица се обратија работници, вработени во оваа конфекција, изложувајќи ги своите проблеми и барајќи помош за нивно решавање. Согласно нивните кажувања, во оваа конфекција на работа доаѓале работници кои што веќе се пензионирани, како и работници кои што биле прогласени за технолошки вишок и земале отпремнина од фирмата. Исто така, регресот за годишен одмор, т.н. К-15 им бил исплатен на работниците, но следниот ден биле принудени да ги вратат на сопственикот на конфекцијата. Дополнително, и плататаим била исплаќана со задоцнување, се вели во соопштението.„Потсетуваме дека во оваа конфекција во континуитет постојат малверзации во работењето, во однос на работничките права. Пред неколку години, Трудовата инспекција констатираше злоупотреби во работењето на Конфекцијата, но, изречените мерки не вродија со плод, затоа што незаконското работење продолжи и понатаму.Со цел да се заштитат правата на работниците во оваа конфекција, Левица поднесе Барање за вонреден инспекциски надзор до Државниот инспекторат за труд. Законската регулатива во однос на заштитата на правата на работниците е минимална и затоа е потребно системско решавање на оваа сфера. Лошите законски решенија, кои ги штитат само газдите, се резултат на децениските политики на естаблишментот, кој се става во служба само на интересот на капиталот.Дека правата на работниците системски се уништуваат, говори и тоа што пратениците од коалицијата на СДСМ и ДУИ гласаа против предлозите на Левица, за унапредување на правата на работниците – со што власта ја легализира експлоатацијата на трудот на работникот и го става на маргините на општеството“, се вели во соопштението.

Македонија | пред 3 години