Војо Димоски

Кој ќе го гони државниот обвинител, ако знаеме дека одамна обвинителството е организирано како криминална групација, вели Димоски

Боже мили, до кое ниво на апсурд е доведена ситуацијата во Македонија: Работите се развиваат во правец неминовно да треба да биде уапсен Државниот обвинител, вели поранешниот обвинител Војо Димоски.„Кој ќе го гони, ако знаеме дека одамна обвинителството е организирано како криминална групација, па влијанијата да се стори нешто незаконито во предметите кои тргнуваат од Државниот обвинител, беспоговорно ги извршуваат Вишите и Основните обвинители. Во тој круг на "јас тебе војводо, ти мене сердаре" има некојпат кеш, а некојпат тргување со влијание, а секојпат негативна солидарност.Затоа, сега повеќе од било кога имаме потреба од радикален рез во органите на прогон. Институциите немаат капацитет тоа да го сторат, па затоа сметам дека е време за улица! Институциите се дел од проблемот во случајов, а не од решението. Не може јас, обичен провинциски адвокат да имам информации за скриените богатства и станови на судии и обвинители, а обвинителството и УЈП да немаат“; додава Димоски.

Коментари | пред 2 години

Не знам кај ќе ви одат душите кога кариерата ви почива на туѓите несреќи, и на јагленисани тела, вели Димоски

Свој став на социјалните мрежи за модуларната болница во Тетово објави и поранешниот обвинител Војо Димоски.„Кога со години зборувам за обвинителството како заробена институција мислам токму на она што така живописно го долови екипата на ИРЛ во нивното последно истражување во врска со пожарот во тетовската болница.Во недостаток на стручна - обвинителска вештина, сосема очекувано Јовески избрал улога на измеќар на корумпираните политички елити. Тоа за целиот негов мандат (и живот!) го издигнал на ниво на совршенство! Криминалците во власта крадат од парите на граѓаните, некојпат тоа ескалира, па има и човечки жртви, а заробеното обвинителство активно работи на заташкување на криминалот. Тоа по сите критериуми е злосторничко здружување!Ако сакате да ја откриете корупцијата и тргувањето со влијание во Обвинителството - само погледнете ја листата на оние кои напредуваат во хиерархијата!Ако сакате да откриете кој обвинител покажал кичма во работењето - прашајте кому му водат дисциплински постапки орките на Јовески.Само не знам кај ќе ви одат душите кога кариерата ви почива на туѓите несреќи!И на јагленисани тела!“, стои во објавата.

Коментари | пред 2 години

Димоски: Очекувано меѓу избраните обвинители не е Ленче Ристоска, затоа напредувале оние за кои постои сомневање дека го оштетиле буџетот

Не можеме предвреме да речеме дека ќе елиминираме некого заради тоа што во јавноста се шпекулира поради нешто, не знам на кој начин би го вршеле тој дел како Совет, изјави претседателот на Советот на јавни обвинители, Антонио Јолевски, во врска со изборот на обвинителот Артан Ајро во Вишото јавно обвинителство Скопје.Во однос на неизбирањето на обвинителката Ленче Ристовска во Вишото јавно обвинителство, претседателот на Советот изјави дека немале можност да ги проверат резултатите од нејзиното работење и дека таа би можела да се јави и на конкурсот во септември. Јолевски дополни дека кај обвинителката Ристовска периодов има недостаток на работа по предмети.Во врска со ова на социјалните мрежи се огласи поранешниот обвинител Војо Димоски.„Советот на јавни обвинители се дрзнал во услови кога има тотално разнишан легитимитет, да врши избор на обвинители во повеќе обвинителства низ Македонија.Се разбира изборот е соодветен на моралното и стручно ниво на оние што избираа, па сосема очекувано меѓу избраните не е колешката Ленче Ристоска. Затоа напредувале обвинители за кои на пример, постои сомневање дека со работењето го оштетиле буџетот на РМ и да не набројувам понатаму бидејќи помалку сум уморен од зборување на темата.Зборот ми е дека пораката што ја испратил Советот е дека нема место за квалитетни кадри во Обвинителството.Проблемот е што квалитетните кадри во сите варијанти ќе си го најдат својот пат, ама клучните државни органи ќе останат окупирани од медиокритети.Чарето е во длабински и сеопфатен ветинг и само политичката партија која ќе даде сериозни гаранции за тоа, ќе добие глас од мене.

Коментари | пред 2 години

Треба со име и презиме да ги посочиме тие што и вршат притисок на колешката Ленче Ристоска заради искажан став, вели Димоски

Согласни се дека резултатите се алармантни ама наместо анонимно, за притисоците да зборуваат јавно. Судскиот и Советот на јавни обвинители ја повикаа фелата да пријави кој од власта, политиката и колегите им влијае какви одлуки да носат.Судиите да се охрабрат и ги пријават притисоците на кои се пожалиле во анонимната анкета. Првиот човек на Судскиот совет смета дека со молчењето, неговите колеги го загрозуваат сопствениот интегритет.Екс обвинителот Војо Димоски на социјалните мрежи даде свој коментар во врска со оваа изјава.„O really !? Советот нека си побара во електронската пошта за 2021/22 година. Ќе најдат повеќе писма напишани од мене лично, за притисоците што сум ги имал како Јавен обвинител. Ако пак тоа не им помогне нека ја побараат мојата кореспонденција со Државниот обвинител каде со име и презиме наведувам кој вршел притисоци врз мене и не само што наведувам, туку и ги пријавувам! А ако им е тоа малку нека кликнат на линкот подолу во првиот коментар.Треба ли со име и презиме да ги посочиме тие што и вршат притисок на колешката Ленче Ристоска заради искажан став со кој патем речено ја долови суштината на Советот и неговите членови!Зборот ми е не треба да ви се посочуваат имиња, треба да ви се тутне огледало пред суратите и тоа што ќе го видите таму да ви биде одговор!Вие смешни човечиња“, вели Димоски

Коментари | пред 2 години

Со жестокиов притисок од страна на опозицијата, очекувам да одиме на избори во редовниот термин, вели Димоски

Адвокатот Војо Димоски на саркастичен начин ја критикува несфатливата неактивност на опозицијата.„Со жестокиов притисок од страна на опозицијата, очекувам да одиме на избори во редовниот термин. Најрано“, вели Димоски.

Коментари | пред 2 години

Димоски за изјавата на Габер Дамјановска: Зачудува како изметот секогаш испливува на површина

Адвокатот Војо Димоски на свој начин ја коментира изјавата на директорката на Академијата Габер Дамјановска која изрази зачуденост поради жигосувањето поради нечија семејна припадност:„Зачудува како изметот секогаш испливува на површината, ама познавачите на физиката знаат дека тоа е поради неговата помала специфична тежина!“, коментира Димоски.

Коментари | пред 2 години

Димоски бара ветинг: Кога деца/сопружници на судии и обвинители стануваат кандидати за правосудни функционери, има поле да зборуваме за корупција

Речиси 18 проценти од положените кандидати, кои се идни судии и обвинители, се синови, ќерки, снаи и сопруги на актуелни политичари, сегашни и поранешни судии и обвинители. Ова го покажува јавно објавената ранг-листа на Академијата за судии и обвинители „Павел Шатев“. Од 58 кандидати, само еден го нема положено завршниот испит, објави Макфакс.Во врска со ова, поранешниот обвинител Војо Димоски вели дека кога деца/сопружници на судии и обвинители стануваат кандидати за правосудни функционери, има поле да се зборува за корупција.„Кога роднини на политичари стануваат кандидати за судии, има поле да зборуваме за сторена злоупотреба на положбата. Кога деца/сопружници на судии и обвинители стануваат кандидати за правосудни функционери, има поле да зборуваме за корупција.Ако некој ме прашува мене (а не сакам да ширам паника, ама ме прашува !) сето ова треба да биде опфатено со ветинг.п.с. Ова како родител: Им правите мечкина услуга на вашите деца. Јасно е дека немајќи можност да им оставите занает, во наследство им ги оставате функциите! Единствено што треба да остави во наследство одговорен родител е чист образ! Нормално ако го има“, вели Димоски.

Коментари | пред 2 години

Димоски: Ковачевски призна дека можел, ама не презел дејства да набави лек – резултатот е нечија смрт!

Откако премиерот Димитар Ковачевски со задоцнување објави дека веднаш ќе имало пари за лекот за цистична фиброза, поранешниот обвинител, сега адвокат, Војо Димовски препознава кривични дело непреземање дејсвија поради кои настанала смрт:„Не знам кој го советува овега, ама ова е потврда дека позицијата му дава можност да влијае во правец да се набави лекот. А факт е дека не презел такви дејствија. Втор факт е дека резултат на тоа непревземање е нечија смрт!Верувам дека кривичарите ме разбраа што сакам да кажам. Сигурен сум дека Јовески ништо не ме разбра.“, коментира Димоски.

Коментари | пред 2 години

Ексобвинител за шефот на ОЈО-ГОК: Ни на сон човек со таков квалитет нема морално право да раководи со Обвинителство

Екс обвинителот Војо Димоски на социјалните мрежи објави статус во кој вели дека денот кога заминал од обвинителството ќе го земе за куќна слава.„Денот кога си заминав од обвинителството ќе го земам за куќна слава!Обвинител кој одлучи да молчи во текот на постапката за избор на шеф на ОЈО за ГОКК, денес, после изборите првпат се појави во јавност. При тоа кажа нешто кое после неколку часа е демантирано. Со фотографии!Со други зборови примусот на борбата со високата корупција и организиран криминал, пред јавноста не ја зборуваше вистината. Дали човек со таков квалитет има морално право да раководи со Обвинителството? По мој критериум, ни на сон!Затоа ги охрабрувам новинарите да го прашаат Државниот обвинител дали ќе побара одговорност од него согласно Етичкиот кодекс?Ако веќе го прашувате, прашајте го и дали е дозволено, странка во постапката, злоупотребувајќи ја законската позиција на моќ, неофицијално да бара од Претседател на суд да врши притисок врз судиите да носат незаконити одлуки. Јас лично сметам дека е незаконито, ама можеби тој подобро знае“, стои во објавата.

Коментари | пред 3 години