„Пајак“ службата во Центар минатата седмица отстранила 143 непрописно паркирани возила

Во текот на изминатата седмица, од 1 до 8 ноември, на подрачјето на Општина Центар биле отстранети 143 непрописно паркирани возила со помош на специјалните возила „пајак“ на ЈП „Паркинзи на Општина Центар“.

— реклама —

— реклама —

Како што информираат од претпријатието, возилата биле санкционирани бидејќи го попречувале нормалното и безбедно одвивање на сообраќајот.

— реклама —

— реклама —

Од ЈП ПОЦ најавуваат дека и во наредниот период ќе продолжат со секојдневно отстранување на непрописно и несовесно паркираните автомобили. Оттаму посочуваат дека за намалување на сообраќајниот метеж и надминување на проблемот со неправилното паркирање е неопходно подигнување на сообраќајната култура и свеста кај граѓаните.